رواية قلوب تتراقص على انغام الالم -71
غطت نفسه بالمفرش الحريري:أحلى يوم مر علي من بعد وفاة الوالدة الله يرحمها ..
قربت وسن و دخلت جنبها:الله يرحمها .. شفتي شلون لو أنك نازلة من تحت من الصبح كان استانستي أكثر ..!!
جمان:لا أكثر من كذا ما أبي ..-رن جوال وسن .. نقزت له و هي تهمس بفرح:ميوف ..-ردت عليه:هلا بالقاطع ..
مياف بكل حماس:وينكم البيت فاضي ..؟!
وسن بنفس الحماس:أنت تحت ..!
مياف:ايه أكيد ..
فتحت الباب و بكل حماس:جاينك ..-نزلت الجوال:قومي مياف تحت ..
طلعت من السرير و لحقتها ..
نزلت بكل حماس و ضمته:وينك انتظرناك كثير ..
مياف:ايه واضح و الدليل أنكم ما نمتوا جلستوا تنتظرون ..
ضربته على كتفه على خفيف:دب .. و الله انتظرناك كثير بس وهج كانت هنا و كانت تبي ترجع لـ بيتها بدري و بعد كانت بيش هنا صعب نتأخر على البنت ..
وصلت جمان اخيرا .. ابتسمت له ..
رد لها الابتسامة و رجع ينزل عينه على وسن:الله بيش للحين عايشة ..
وسن:وش هالفال ..؟!
مياف:خلك منها .. حدي جوعان أبي أي شيء أكله ..!!
وسن:مشاري طلب من ماك وجبتين لك و له .. حقتك موجودة أجيبها ..
وهو يجلس:يالييييييييييت ..
قربت منه و جلست على نفس الكنبة .. راقبت أختها تبعد ..
مياف:هاه .. عساك مرتاحة ..؟!
ابتسمت:الحمد الله ..-شبكت أصابعها و بكل توتر:أخبار غزل ..؟!
زفر بكل ضيق:توني جاي من عندها حالتها صعبة ..
بلعت ريقها بكل خوف:وش طلع معه ..؟!
تنهد بكل ضيق:سرطان فـ الدم ..
شهقت بكل تلقائية .. و رفعت يدها على فمها ..
كمل بكل اندفاع:بس عبد الملك طمني عليها و قال إنه أخف أنواع السرطان و علاجه مضمون إن شاء الله ..
بلعت ريقها و العبرة تخنقها:علاجها أكيد كيماوي ..
زفر بكل ضيق:أكيد هو الشيء الوحيد اللي بيخلصها من هالمرض ..
رجعت لهم و بنفس الحماس:و هذا العشاء ووصل .. نزلت الصينية .. تراني حطيت كل شيء بالمكرويف الحين أنت وحظك ..
ابتسم لها .. لكن ابتسامته ما اخفت الحزن اللي بعيونه ..
تلاشت الابتسامة من على وجه وسن و هي تنقل نظرها بين مياف و جمان ..:وش فيكم ..؟! وجيهكم مو ..
ما قدرت تسيطر على نفسه .. خانتها شهقاتها .. وقفت جمان و طلعت ركض لـ فوق ..
وسن بكل خوف و هي تراقب جمان:وش فيها ..؟!
فرك جبينه بكل توتر:ما فيه شيء ..؟!
قربت منه و بكل خوف:مياف وش مخبين علي ..!
زفر بكل ضيق:صديقتها مريضة ..!
وسن:طيب وش فيها كل الناس تمرض ..!
مياف و صوته يختنق:بس هذا موب أي مرض .. سرطان بالدم ..!
تسارعت أنفاسها من الصدمة .. رفعت يدها على صدرها:بعد عمري توها صغيرة ..!
زفر بكل ضيق .. وقفت و طلعت ركض لـ فوق ..
دف الأكل بعيد عنه .. حماس وسن و ابتسامتها هم الشيئين الوحيد اللي فتحوا نفسه ..
لكن الحين حس بشهية تنقطع عن الدنيا كلها ..!!
.._.._.._.._.._..
منسدحة بأحضان سريرها الواسع مثل كل ليلة .. لكن اليوم غير ..
كل مرة تحط جنى رأسها على المخدة تحس بضيق العالم يسكنها و ما تتهنى بأقل حقوقها النوم ..!
زفرت بكل راحة و ابتسامتها مو قادرة تفارق وجهها .. هز جوالها .. طارت له ..
ردت من غير ما تشوف الرقم:اهليين ..
ابتسمت و هي تهز ولدها:حيا الله بأختي ..
ريحة جسمها من جديد:ههههههه حيا الله أختي الكبيرة ..
جوري:عسى ما صحيتك من نومك ..؟!
جنى:وين يجيني النوم .. أنا بس أتحرى متى تطلع الشمس عشان أشوف أبوي .. أحس خلاص هانت ..!
جوري بكل تردد:ظنك يعترف فينا ..؟!
جنى:اللي فهمته من كلام الجازي و خالي أبو بدر أنه يحب أمي ..!
زفرت بكل ضيق:موب شرط ..-علا صوت بكاه .. رفعت ولدها لـ صدرها ..
ابتسمت جنى:رشود .. يالبيه و الله اشتقت له ..
جوري:الله يصلحه بثر ..
جنى:هههه توك ما مر عليك غير أسبوعين ..!
زفرت بكل ضيق:الله يسهل ..
جنى بكل استغراب:لا يكون نواف عندك و أنتي تاركته ..!
جوري:لا لا تخافين اليوم يومه عند دلال ..
جنى:صدق .. بديتوا فـ الحساب و العدل ..
جوري:أنا ما قلت شيء .. هذا اللي هي تبيه ..؟!
جنى:عاد غبية اليوم راجعين من السفر و كيد مرهق ..
جوري:و الله أنا بالي مشغول عليه .. ما تتصورين وش قد هي مزعجة تخيلي فـ طريقنا لـ بيت خالتي دقت عليه يجي سبع مرات و فـ طريق الرجعة تسع مرات ..
جنى:لا حول و لا قوة إلا بالله من أولها ..-رجعت تبتسم:و أنتي تعدين لها ..؟!
جوري بكل لوم:لا و الله أعد لـ صوت الفرامل اللي كل شوي دايس عليه نواف ..
جنى:ما عليه خلك بفرحتك فينا و انسيها الحين ..
جوري:حتى لو نسيتها هي بتذكرني بوجودها غصب .. بس على قولتك فرحتي بكم بتنسيني إياها و تنسيني الدنيا كلها ..
جنى بكل حماس:وش قال نواف لما عرف ..
جوري:ما تتصورين وش قد فرح .. مع أنه بارد فـ هالموضوع بس فرح كثير لما عرف ..
جنى:الله يفرح قلبك و قلبه دوووم ...
جوري:آمين .. بس في شيء أبي أعرفه ..!
جنى:وش هو ..!؟
جوري:أنتوا وش ناوين تسون ..؟!
جنى:ناوين نروح لأبوي بعد ما نلقاك .. لأن أنا و أنتي الوحيدتين اللي ما تسجلنا باسم أبوي ..
جوري:طيب .. وش اللي صار من البداية .. صراحة ما أذكر شيء من كلام الجازي ..
ابتسمت:اسمعي .. من قبل قبل لا تنولد أمي .......
..
و استمر الليل يعزف على الألحان قصة الماضي اللي مستحيل تموت بقلوب جوري و جنى و الجازي .. و جمان اللي ما يدرون عنها لحد هاللحظة ..!
دلكت وجهها بالكريم للمرة العشرين ..
راكان بكل ضيق:خلاص الكريم نشف ..؟!
ليان:وش فيك الكريم تركيبته كذا ..!
راكان بكل ضيق:أنا هالاشياء تنرفزني ..
ناظرته بنص عين:هذا جزاي يعني ... أتكشخ و أتزين لك ..
راكان بكل استغراب:نعم وين الكشخة ..؟!
قربت منه و جلست على طرف السرير:قصدي أحافظ على بشرتي عشان لـ كبرت ..!
ناظرها بنص عين و رجع ينزل عيونه على الجريدة:يصير خير ..؟!
ناظرته بكل استغراب:الحين أنت تبين أخلص و اطفي اللمبة و الحين تقرا جريدة ..!!
راكان:طار النوم .. بقرا شوي ..
غطت جسمها .. و ريحت ظهرها على المخدة .. جلست تراقبه ..
دقيقة .. ثنتين .. خمس .. قلب الصفحة:على فكر تراني موب تلفزيون ..
ابتسمت:ما في تلفزيون .. خلاص أنت بديل ..
رفع عينه و خزها .. لكن ابتسامته كسرت نظرته و خلته يبتسم غصب ..
بكل لوم:الحين وش سر الابتسامة ..؟!
ناظرته بنص عين:وشو بعد الابتسامة لها مكان بعد ..!
بـ ثواني بسيطته تلاشت الشبه ابتسامة اللي كانت على وجهها ..
تغيرت ملامح وجهها و ارتبكت:راكان .. وش فيك ..؟!
هز رأسه بالنفي و هو يطوي الجريدة:و لا شيء .. الظاهر النوم جاء وقته ..!
ليان:قبل شوي طار ..!
زفر بكل ضيق و هو يغطي نفسه:عاد هو على كيفي ..؟!
نفضت المفرش عن جسمها .. طفت اللمبة و بعد تردد كبير .. طلعت برا الغرفة ..
تنهد بكل ضيق من تحت الغطاء ...
.._.._.._.._.._..
لوجين بكل حماس:ايه يا عمري اليوم الصبح ..
عيسى من وراء سماعة الجوال:صج .. !! مستحيلة أنتي ..
لوجين:افا عليك بس .. عرفت الحين قدرك عندي ..؟!
عيسى:والله من زمان بس كلامج و أفعالج تحيرني ..!!
لوجين بكل دلع:أنا أحب أتدلع عليك شوي ..
عيسى:فديت الدلع و سنينه .. بس ما قلتي لي متى بتوصلون بالسلامة ..؟!
لوجين:اممم .. طيارتنا اليوم الصبح .. مدري ثمان أو تسع مدري متى بالضبط ..
عيسى:طيارة مرة وحدة ..؟!
لوجين بكل غرور:ايه تبيني أتبهذل فـ السيارة و إلا أنتظر دوري فـ قطار ..! موب لوجين الـ*** اللي تنزل لـ هالمستوى ..!!
عيسى:بس يا عمري أنتوا بتأخذون شاليه وش معنى .. موب المفروض بـ فندق و ع البحر ..؟!
لوجين بكل ضيق:لا تذكرني .. هذا اقتراح عمي أبو بدر القروي .. مغير أبو ريتاج ..
عيسى:ما عليه لـ صالحنا حياتي ..
لوجين بكل غباء:وشلون ما فهمت ..؟!
عيسى:أنا أفهمج يا عمري .. لـ صرتي بـ فندق فيه سكيورتي و مراقبة ما راح تقدرين تطلعين معي لكن بالشاليهات و خاصتن مع جمعة كبيرة محد بـ يحس ..
لوجين:جد هاذي الميزة الوحيدة ..
عيسى:طيب حياتي متى نقدر نطلع ..؟!
لوجين بكل حيرة: و الله مدري ..!
عيسى:أنتوا كم عايلة ..!
لوجين:ثلاثة .. أنا و أهلي بنوصل الصبح و عمي أبو بدر مع عمي ابو تركي بيوصلون الظهر ..
عيسى:صج .. قدامنا فرصة الصبح ..
لوجين:بالعكس حياتي .. لما أكون مع أهلي راح يراقبوني و خاصتن لأني لحالي ..
عيسى:ما أتوقع بيوصلون تعبانين و أنتي متعود ع القعدة لـ الظهر ..
لوجين بكل حماس:يب .. خلاص لـ شفت الوضع تمام .. دقيت عليك ..
عيسى:أوك حياتي أكيد أنتظرج ..
لوجين:يا الله قلبو بسكر على بال ما أرتب شنطتي و أخذ لي شاور و أفطر بتطير الست ساعات الباقية على طيارتي ..
عيسى:يا الله حياتي سي يوو ..
ابتسمت:سي ياا يا عمري ..-سكرت الخط و ضمت الجوال لـ صدرها:واخيرااا .. أكيد بيأخذني بأحلى لفة على الشرقية و بيعرفني على أصدقائه ..
سحبت الفوطة بكل حماس .. دخلت الحمام و هي ترقص ..
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بكل ترجي:ريان الله يخليك ..!!
ريان بكل ضيق و هو يمسح يده بالمنديل من بعد ما توضاء:مستحيل .. أنا أنتظر هالسفرة على أحر من الجمر تجين تقولين لي أجلس ..!
ريناد بكل لوم:أفا يعني أنا ما أستاهل ..
ريان:و الله تستاهلين و زود بس أنا محتاج لـ هالاجازة من الشغل ..
زفرت بكل الضيق و اليأس بدا يتسرب لها ..
ريان و تأنيب الضمير يتملكه:طيب كلمي بدر ..!
ريناد:بدر وينه من قبل أمس ما شفته ..؟!
نزل عيونه على ساعته:العادة يرجع ثنتين الفجر بس دامه ما جاء .. أكيد بتشوفينه بعد صلاة الفجر ..
زفرت بكل ضيق:إن شاء الله يرضى ..
سحب شماغه و بعد عنها:يا الله بروح المسجد قبل لا يقيم ..
ابتسمت له .. و جلست و هي تداري على نفسها ... دقيقة ثنتين و ثلاث .. هلك فكرها من كثر التفكير .. بس طلعت بدر للدرج حمستاها من جديد ..
أول لمحته بكل حماس:بدر زين جيت ..
قرب منها و التعب هاد حيله .. رمى بثقلة على الكنبة:بغيتي شيء ..؟!
ريناد بكل خوف:وين كنت طول هالوقت شكلك تعبان ..؟!
بدر بكل تعب:كنت فـ الشركة نمت ساعة و رجعت أكمل الشغل سرقني الوقت و ما حسيت ..
ريناد بكل تردد:طيب أنت تعبانة و حيلك مهدود صح ..!
زفر بكل ضيق و هو يعدل جلسته:اختصري علي .. و الله مخي موب مستوعب أي شيء ..
ريناد:أنت تدري اليوم الظهر رحلتنا للشرقية ..؟
بدر:ايه .. !!
ريناد:بسام كلمني و قال لي أنه راجع اليوم العصر بس أنتوا بتسافرون الظهر .. و أخاف أمي تسوي لي سالفة بسبب جلستي لحالي ..
بدر:طيب سينيثيا بتكون فـ البيت ..؟!
ريناد بكل خيبة أمل:لاء أمي بتأخذها معها .. تقول راح تحتاج .. بدر الله يخليك أجلس معي ..
ابتسم:بس كل هالمشوار عشان اجلس معك .. أجلس معك وش عندي .. وبعدين كم ريناد أنا عندي ..؟!
ارتسمت الابتسامة على وجهها أخيرا:الله يخليك لي و لا يحرمني منك ..
..
انفتح باب الغرفه و طلعوا مع بعض ..
أم بدر:ريناد ..! حمد الله ع السلامة توك تصحين ..
ابتسمت:صباح الخير يمة .. صباح الخير يبة ..
ابتسم و هو ينزل أكمام ثوبه:صباح النور يا أبوك .. – لف على بدر:موب رايح للمسجد ..
وقف بكل سرعته:إلا رايح معك بس أتوضاء و الحقك ..
أبو بدر و هو ينزل:يا الله لا تتأخر ..
لحق أبوه:عن أذنكم ..
قربت من أمها:أقول يمة ..
راقبت ولدها و هو ينزل:وش فيه أخوك كان تعبان ..!
ريناد و هي تراقب بدر مع أمها:ما رجع إلا من شوي .. بس خلك منه الحين ..
لفت عليه:خير وش بغيتي ..؟!
ريناد:بسام اليوم بيرجع ..!!
أم بدر:زين الله يبشرك بالخير .. أنا قلت على ذا الهم و قلة النوم بيرسل لك ورقة طلاقك ..
ريناد:الله يصلحك بس يمة وش هالكلام ..؟!
زفرت بكل ضيق:طيب وش أسوي فيك أنا الحين ..؟!
ريناد:بس هو بيجي العصر ..
بكل عصبية:يعني بتجلسين لحالك ثلاث ساعات ..!!
ريناد و ابتسامة الانتصار على وجهها:لا بدر بيجلس معي ثم يلحقكم ..
أم بدر بكل تردد:لاا لاا .. إلا بدر أنا أبيه يروح معنا ..
ريناد بكل صدمة:ليييه ..!!
أم بدر:ما تشوفين حاله هالك نفسه بالشغل .. أنا أبيه يروح ..
ريناد بكل ترجي:يمه بيلحقكم ..
أم بدر بكل إصرار:قلت لك لاء .. تدرين روحي عند جنى ما فيها شيء بنت خالتك ..
ريناد بكل حماس:جبتيها و الله .-تلاشى حماسها:بس فشلة بيقولون ما جت عندنا إلا لـ مصلحة و بعدين موب من زود الميانة بيني و بين الجازي .؟!
زفرت بكل ضيق:لا تقعدين تسوين فيها رسميات .. خلاص الجازي صارت من أهلنا ..
تنهدت بكل ضيق:خلاص بكلم جنى و أشوف ..
أم بدر بنبرة كلها تهديد:عاد يا تقنعينها .. يا تروحين معنا و ترجعين بعدين لـ زوجك ..!
ناظرت فيها بكل حزن و دخلت لـ غرفتها ..
تنهدت بكل ضيق و هي تراقب بنتها .."لو تعرفين وش بلاء أخوك كان فهمتي .. بس السالفة موب ناقصتك بعد ..!" ..
.._.._.._.._.._..
رتبت الفطور على الطاولة فـ المطبخ ..
استغرب تأخيرها و دخل عليها .. قرب منها و بكل استغراب:بنفطر هنا ..؟!
ليان و عيونها على الصحون:ايه بتفطر هنا ..
لف على يمينها حتى يقدر يشوفها .. صدت عنه ..
راكان:وش قصدك بـ أفطر هنا لحالي يعني ..؟!
مشت لـ عند الفرم و جهزت الشاي .. لحقها و بنبرة صوت كلها قلق:ليان وش فيك ..؟!
هزت رأسها بـ نالفي:ما فيني شيء ..
مسكها مع ذراعها لفها عليه و ثبتها .. تنح لـ ثواني و همس:تبكين ..؟!
نزلت عيونها للأرض:عيوني توجعني ..!-حررت نفسها من بين يده ..
راكان بكل إصرار:ما سويت شيء يضايقك ..؟!
ليان:أنا ما قلت شيء أنت اللي تألف من الصبح ..
راكان:طيب .. أمس ما نمتي و الحين ما راح تفطرين على غير العادة .. بعد عيوني تألف ...!
زفرت بكل ضيق:هذا أنت قلتها ما نمت من أمس و راسي مصدع عشان كذا ما راح أفطر ..-مشت للباب:تمسي على خير ..
جلس حتى يفطر .. حس بشهيته تنقطع .. دقيقة ثنتين ثلاث .. رجع يوقف و توجهه للغرفة ..
..
دخلت و جلست على طرف السرير .. دفنت وجهها بين كفوف يدها ..
همست فـ خاطرها و هي تحس بعبراتها تخنقها من جديد .."ليان وش فيك صايرة حساسة بالمرة .. هو ما سوا شيء .. لاء كل مرة يسوي نفس الشيء ..!
كل مرة أسوي نفسي ما أشوف بس ..-قطع تفكيرها صوت الباب ينفتح بكل قوة ..
رفعت رأسه و مسحت طرف دمعة .. كانت بتخونها لكنها فضحتها ..
تنهد بكل ضيق و هو يشوفها تصد عنه من جديد ..
قرب و جلس جنبها ..
دقيقة .. ثنيتن .. ثلاث .. مرت مثل النص ساعة عليهم ..
كل واحد غارق بـ فكره و مو حاب يعبر عن اللي داخله ..
نطقت أخيرا:أنا تعبت .. تعبت أمثل إني ما أشوف شيء ..
زفر بكل ضيق:وش اللي تسوين نفسك ما تشوفينه ..؟!
رفعت عيونها عليه:أدري أنك تفكر فيها 24 ساعة .. و كل شيء بحياتنا لها دخل فيه ..!!
راكان بكل ربكة:ليان وش ..
قاطعته:لما تبتسم تبتسم لها موب لي .. لما تسولف نفس الشيء .. لما تأكل و لما تشرب حتى لما تنوم .. أنت ما تقدر تشوف غيرها .. كل اللي ناقص أنك تغلط باسمي و تناديني باسمها ..
راكان بكل عصبية:ليان ..!
ليان:ليش تضايقت .. لأنها الحقيقة صح ..! أنت على بالك إني انسانة نازلة من السماء و خالية من الهموم أنا مثلك بعد إنسانة و فـ الأخير راح أنهار ..
بلع ريقه بكل توتر .. وش ينطق .. وش يسأل وش ينهي هالحوار عليه ..!
حيرته فـ كل ثانية تزيد .. بس كل اللي قدر عليه .. ينسحب ..
و يتركها تتخبط فـ همها أكثر و أكثر ..!
.._.._.._.._.._..
زفرت بكل ضيق:اوووف تعب ..
نزلت أم بسام عبايتها و نظرة الانبهار تملاء عيونها:ما شاء الله تبارك الرحمن تطورت الشاليهات كثير ..
لوجين بكل غرور:لو كنا مأخذين فـ شاليها الـ*** ما كان أحسن ..
أبو بسام و هو يرمى بثقله على الكنية:حاولت أحجز لكنها مليانة ..
جلست جنبه:ما شاء الله عاد الاجازة سوقهم ..؟!
لوجين و عيونها تحوم بالمكان:طيب وش نظامكم الحين ..!
أبو بسام:بقي ثلاث ساعات على الظهر يعني باقي كثير على وقت طيارة أبو بدر و أبو تركي ..
أنا بجلس معكم لحد الظهر ..
وقفت أم بسام:أنا منهد حيلي ما تعودت على جلست الصبح ..!-تثاوبت:بروح أنوم ..
لوجين و هي تتصنع النوم:و أنا بعد ..-لفت على أبوها:أنا أقول يبه لو تروح لـ شاليه الرجاجيل و تنوم هناك أحسن ..
أبو بسام:و أترككم لحالكم ..!!
لوجين:يبه عادي نقفل الأبواب علينا .. بعد صعبة عيال عماني يجون و يدخلون هنا و أنت موجود .. قصدي خاف تروح علينا نومة و يدخلون هنا .. صعبة ..!
زفر بكل ضيق و هو يستسلم لـ رأيها:و أنتي الصادقة ..حتى أنا شكلي بنوم ..
ابتسمت لـ أبوها:نوم العوافي يا رب ..-راقبته لحد ما طلع لحقت أمها و شافتها تتمدد على السرير ..
قربت و انسدحت جنبها .. خمس دقايق .. عشر .. وصلت للـ الربع .. تأكد أن أمها استغرقت فـ النوم ..
رجعت تطلع من السرير بكل هدوء حتى ما تحس أمها عليها .. طلعت فـ صالة و قبل لتوصل لـ نصها .. دقت عليه ..
رد بكل حماس:صباح الخير ..
همست:صباح السكر حياتي ..
عيسى بكل استغراب:وش فيج حياتي ..!
لوجين:ما أبي صوتي يصحي أمي ..
ابتسم عيسى:وصلتوا .. حمد الله على السلامة ..
ابتسمت:الله يسلمك .. و الحين أمي و أبوي ناموا .. بتجي تأخذني و إلا شلون ..؟!
اتسعت ابتسامته:ايه يالله جايج .. عطيني العنوان بالضبط ..
لوجين:مدري بس اسمها شاليهات الـ *** رقم شاليهنا **
.._.._.._.._.._..
فتحت لها الباب و دخلت .. ريناد و الإحراج واضح بصوتها:السلام عليكم ..
جنى و هي تأخذها بالأحضان:و عليكم السلام ..
ريناد و عيونها تحوم بالمكان:سوري أزعجتك من الصبح ..!!
جنى:حياك .. وش هالكلام بس .. تدرين من زود الحظ الردي صرت أقوم الصبح بدري من غير منبه ..!
ريناد وهي تنزل عبايتها:و ليه حظ ردي ..!
جنى:قصدي لو كانت أيام دراسة كان الحين فيني نوم ..
ابتسمت:من هالناحية صدقتي ..
دخلتها المجلس:حياك هنا ..
ريناد بصوت هامس:البيت هدوء لا يكون بس جيت بوقت غلط ..
ابتسمت و هي تجلس و تجلّسها:لا بالعكس .. بس الجازي تلقينها فـ غرفتها مع هالاوراق و نوف نايمة خبرك نظام العطلة معفوس ..
ابتسمت ريناد بكل إحراج:عاد اسمعي أنا ما تعودت أكذب بقول لك وش جابني ..
جنى:مو مهم .. جيتك عندي بالدنيا كلها مهما كان السبب ..
ريناد:و الله إني مفتشلة من أختك ما صار لك يومين عندها و جيت أزورك ..
جنى:يا بنت الحلال عادي ..-وقفت:أروح أجيب لك شيء تشربينه ..
ابتسمت لها ..
.._.._.._.._.._..
مسحت على رأسها و بنبرة أقرب للترجي:غزل حبيبتي قومي يالله ..
دقيقة .. ثنتين .. ثلاث .. ما ردت عليها فقدت فجر الأمل من جديد .. زفرت بكل ضيق و هي تمشي للحمام حتى تتوضا لـ صلاة الظهر ..
رن جوالها يستوقفها .. ردت:اهلين ..
ريتاج بكل حماس من وراء السماعة:ويننننك ما عاد بقي شيء على الطيارة أنتي معنا ..!
هزت رأسها بالنفي:لا موب رايحة .. عندي كم شغله مهمة ..!!
ريتاج بكل لوم:وش اللي موب مهم بالحياة .. فجر الله يخليك ارحمي نفسك و عطيها إجازة ..
ابتسمت:ما عليه حياتي جد و الله ما أقدر ..
ريتاج بكل خوف:عسى أبوك ما فيه شيء ..!
فجر:لا هو للحين فـ المزرعة الحمد الله مبسوط و مرتاح هناك ..
ريتاج بكل ضيق:أجل وش عندك ..؟!
فجر:ما عليه لما ترجعون بـ تعرفين ..
زفرت بكل ضيق:بتركك على راحتك موب عشانك عشان بس الطيارة اللي بتقلع بعد شوي ..
..
.
..
على بعد كم طابق لـ تحت .. زفر بكل ضيق:هذا كل اللي قاله الدكتور ..
حسن بكل ضيق:لا حول لا قوة إلا بالله .. هذا ابتلاء من رب العالمين ..
عبد العزيز و الحزن بصوته:وش مصبرنا غير كذا ..!
حسن:طيب ما قلت لي اسم الدكتور المشرف على حالتها ..
عبد العزيز:ما أعرف اسمه نسيته .. بس الحين فيه دكتورة ماسكة حالتها ..
حسن بكل ضيق:الله يصبر قلوبكم و يقومها لكم بالسلامة ..
همس:اللهم آمين ..
قرب منهم و بكل استغراب:عبد العزيز ..! حسن ..!!
رفع الدكتور حسن رأسه:اهلن دكتور عبد الملك ..
عبد العزيز و هو يسلم عليه:ولد حلال توني أقول لـ حسن عنك بس إني نسيت اسمك ..
حسن بكل استغراب:أنت المسئول عن أخت عبد العزيز ..
انضم لهم عبد الملك:لا طبعا تخصصي مثل تخصصك بسأانا استلمت الحالة أول ما وصلت و قاعد أشرف عليها بس ..
عبد العزيز بكل استغراب:يعني أنتو ..!!
كمل حسن عنه:دارسين مع بعض ..
ابتسم:اهاا ..
.._.._.._.._.._..
..:و أنا جاي لك فـ الطريق شفت أخوها ..
الدكتور:متوهم يعني ..؟!
هز رأسه بالنفي:لاء .. أنا متأكد أنه حقيقة .. –بكل ربكة:سألت قالو أنها هنا ..
ابتسم له:و كأن رب العالمين كاتب لك عمر معها .. لازم ترجع لها و توضح لـ ..
قاطعه:مستحيل .. أنا خايف من ردة فعلها أكيد ما راح تتقبلني ..!
الدكتور:أنت أقوى من كذا ... و مثل ما قلت هاذي فرصتك و يمكن تكون الفرصة الأخيرة لك معها ..!
.._.._.._.._.._..
صرخت فـ الجوال بكل عصبية:وشلون يعني موب عندك ..؟!
أبو بسام بكل عصبية:الحين أنا ما تركتها معك ..!
أم بسام:ايه أنا نمت و هي جنبي بس لما صحيت ما لقيتها ..
أبو بسام:شوفيها يمكن برا على البحر و إلا طلعت تتمشى من هنا و إلا هناك ..!
أم بسام:دورت .. ! ما في أحد ..؟!
زفر بكل ضيق:بطلع أدورها حول الشاليهات ..!!
.._.._.._..
نهاية الجزء ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الـ|[35]|ـخامس و الثلاثون ..
..
.
عامر و هو يحاول يمسك أعصابة:يمممممممة ..!
أم تركي بكل عصبية:يعني بتدخل و تحط رأسك و تنام و بنت عمك ما يندرى وين أرضها من سماها ..
عامر بنبرة أقرب للترجي:أنا ما نمت من أمس و ما صار لنا نص ساعة واصلين تبين أفر لك الخبر عشان حضرتها طالعة و من غير ما تقول لـ أحد ..! هاذي وين عايشة ..؟!
زفرت بكل ضيق:البنت ذي ما تعجبني كلش .. بس وش نسوي خالتك المسكينة منهارة جوا .. البنت لا ترد و جوالها فجأة صار مقفل ..
عامر:هذا أنتي قلتيها مقفل يعني هي مقفلته ..
أم تركي:عن السخافة بس و اطلع أنت و ريان دورا عليها ..
عامر بكل ضيق:وين ندور عليه .. هم شارعين اللي نعرفهم هنا تبينا نضيع ..!
أم تركي بكل ضيق:ايه طيب شارعين ..! أقص يدي من فوق كانكم حافظينها بيت بيت ..
زفر بكل ضيق:أصلا إنا ما نجي لـ هنا و أنتي عارفة ..!
زفرت بكل ضيق:يووه منك .. رح دورها و خلاص و إلا أنت ما يقدر الواحد يعتمد عليك ..-تنهدت بكل ضيق:الله يذكر بالخير يا تركي ..!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك