رواية قلوب تتراقص على انغام الالم -79
شد عليها و هي بحضنه:الدكتور يقول فيه أمل و الأمل برب العالمين كبير ..
خوف .. توتر .. ضيق .. كل إحساس سلبي بداخلها تلاشى .. كل اللي كانت تحتاجه شخص يكون قريب منها تفضفض له و يساندها ..
ما كنت تقدر تشوف هالشيء فـ مياف لأنه تدري أنه أكبر ذنب بحياتها و لا كانت بلحظة راح تتوقع أنه هالشخص راح يكون تركي ..
لكنها ارتاح له و بالعكس عطته المجال يقرب و يحتويها .. لسبب واحد راحة و طمأنينة من رب العالمين تملكتها .. لأنه شيء يصير بأذنه و شرعه ..!!..
.
نظرة توهان ترتسم بعيونها .. لمعة الدموع فجأة و هي تتذكر حالها من شهور ..
قرب منها و فاجأها و هو يضمها من وراها ..
ابتسمت رغم ملامح الحزن اللي ارتسمت على وجهها ..
تركي و هي معلق عيونه بعيونه المنعكسة ع المرايا:ما قلنا ننسى شيء اسمه دموع .. وش فيك ما تبين تروحين لزواج جنى ..؟!
رمشت بعيونه حتى تضيع الدموع:لاء بالعكس .. أنا الحين تحسنت كثير و محتاجة إني أطلع و أشوف الناس ..
ابتسم:و أنا وش أقول من الصبح ..؟!
بلعت ريقها بكل توتر:بس تذكرت أيام المستشفى ..
تنهدت و بكل لوم:ما قلنا ننسى أيام المرض ..!
خانتها دموعها .. حاولت تبتسم:موب قادرة ..
لفها عليه:غزل و بعدين معك ..؟!
نزلت عيونها للأرض:أنا خايفة الأيام اللي راحت ترجع ...!
مد يده لطرف ذقنها و رفع رأسها:الدكتور طمنا عليك و قال أني شفيتي من المرض .. أنتي بس شوفي وجهك كيف منور .. !!
مسحت طرف دموعها:خلاص ما راح أفكر بهالشيء مرة ثانية ..
زفر بكل ضيق:موب أول مرة تقولين هالكلام لي ..
نزلت يده من على كتفها و مشت لعند السرير حتى تأخذ عبايتها:غير خوفي بسبب المرض .. أنا مشتاقة لفجر و فاقدتها كثير ..
قرب منها و رجع يحوط كتوفها بذراعها و مشى معها لـبرا الغرفة:بس مشتاقه له .. خلاص بكرة أول طيارة على بريطانيا راح نكون أنا و أنتي عليها بأذن الله ..
ابتسمت و بكل حماس:صدق تركي ..!
ناظرها و بكل لوم:أنا قدر وعدتك بشيء و أخلفته ..!
.._.._.._.._.._..
طلع من الغرفة و لحقته .. لمى بكل ترجي:ناااااااااااااااااااااصر ..!!
جلس على الكنبة و حط رجل على رجل:ما ودي أطلع اصبري نص ساعة ..
جلست جنبه و بكل ضيق:ناصر حرام عليك هاذي ثالث مرة تقول نص ساعة موب معقولة صديقتي بتطلع من القصر ما شفتها ..!
مد يده لها ..
ناظرته بكل ضيق:خير ..!
ارتسمت نظرة غرور فـ عيونها:بوسي يدي ..
لمى بكل عصبية:لا يا شيخ ..
ناظرها بنص عين:يا سلام عليك لما تزعلين حضرتك ما ترضين غير بـ بوسة و أنا حرام علي ..!!
ناظرته بكل ضيق .. سحبت يده .. و باستها ..
مد الثانية .. زفرت بكل ضيق و باستها بعد ..
أشر على خده:و هنا بعد ..
وقفت و ضربت رجلها بالأرض:تدري ..! إن شاء الله عمري ما رحت ..-لفت حتى ترجع لغرفتها ..
مسك يدها بكل سرعته .. وقف و ابتسامة الانتصار على وجهه:خلاص .. خلاص .. روحي جيبي عباياتك ..
ناظرته بكل حدة:تدري لو رحت و لقيت جنى طالعة من القصر برجع على شقة أبوي على طول .. و بجلس عنده أسبوع كامل ..!
نفخ صدره بكل غرور:طيب نشوف ..!!
ناظرته بنص عين و دخلت تجيب عبايتها .. راقبها لحد ما دخلت .. رفع يده للسماء ..:يارب ما تكون طلعت .. أنا ويني وين أصبر عنها أسبوع ..!!-اتسعت ابتسامة الانتصار المرسومة على وجهه ..
..
.
فـ الدور الثاني .. صرخت:نهووووووووووووي ووجع .. اخلصي علي ..
نهى و هي بداخل الغرفة:جاية جاية ..-طلعت و هي تلبس عبايتها:وش فيك طايرة ..؟!
أميرة بكل ضيق:يعني أنا اللي بعلمك عن أخوك .. ما تدرين أنه شراني و عادي يروح من غيرنا ..
نهى:يوم تدق علي لمى قبل شوي .. قالت أنه ضايق منها و يبي له نص ساعة على بال ما يروق ..
أميرة بكل ضيق:ايه طيب يروق .. أنت تعرفين ما له دوا غير لمى .. الحين يطير ينزل وياها و يمشون عنا ..
زفرت بكل ضيق:أنا أفتك من نويفة تطلعين لي ..
أميرة بنبرة تحذيرية:سكتي بس تراك فـ غرفتي .. لا أخليك اليوم تنومين فـ الصالة ..
ناظرتها بكل غرور:نايمة على سرير أسماء و الشقة ذي لـ عمي موب لك ..-بكل ضيق:أنتي الحين وارك ما رحتي مع أبوك و فكيتيني منك ..!!
أميرة بكل ضيق:يعني ما تعرفين الحوداث السعيدة اللي تصير بالأوقات العصيبة ..
نهى و هي تجلس و تلبس صندلها:ههههههه وش ضيعتي بعد ..!
أميرة و هي تراقبها و الضيق واضح بعيونها:تخيلي الشال .. حست عليه الدنيا فـ الأخير طلع الخياط الله يأخذه شابكة مع الفستان ..!
نهى:هههههههههههههههههههه .. وش يحس به شكله تخربط بينك و بين فساتين بنت أبو حمد ..
أميرة:ايه أنا قلته حركة تشبيك الشال مع الفستان حركت سوير بنت جارنا أبو حمد .. بس خليت الخياطة ما لي خلق أقعد أمسك فـ هالشال ..
نهى:و الله أنها فكرة سوداينة خطيرة ..!!
أميرة بكل حماس:اسمعي صوت باب شقتهم .. بسرعة بسرعة قدامي .. أخوك بعد ..!!
وقفت و هي ترفع الطرحة فوق رأسها:طيب بطلع بس ترا الحوسة اللي فـ الغرفة بتضفينها لما نرجع ..
غطت وجهها بطرف الطرحة:ما عليه خلينا نرجع عقب نتفاهم ..!!
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
في كنـدا ..
زفرت بكل ضيق و هي تقرا المسج .."ما عليه حووبي ما راح أكلمك اليوم ... بطلع الحين لزواج جنى صديقة لمى و لما أرجع حد ما أخمد .. لما أصحى بيكون عندكم نهار اليوم الثاني مدري الليل .. متى ما صحيت برن لك رنة .. حبيبتك غصبن عليك نهى" ..
ابتسمت نوف بكل عفوية و هي تقرا توقيع أختها آخر المسج ..
مشاري بكل فضول:فرحينا معك ..
ناظرته بنص عين:مسج من أختي وش تبي ...؟!
مشاري:أعوذ بالله .. الردود جاهزة عندك ..!!
ناظرته بنص عين .. و رجعت تنزل عيونها على الجوال ..
مشاري:طيب تعالي اجلسي و لا ما تحسين أنك تقرين مسج إلا لما توقفين عند الدريشة ..
قربت منها و جلست جنبه:أنا متعمدة أقراها هناك عشان ما تقرا وش أرسلت لي ..!
ناظرها بنص عين:على أساس أنك ما تعلميني بعدين ..!
نوف بكل غرور:أقول لك بس موب كل اللي فـ المسج ..
ابتسم على تفكيرها اللي بحياته ما راح يكبر:المهم قلتي لها عن البيبي ..!
هزت رأسها بالنفي و الإحراج يتملك ملامح وجهها:لاء .. ما جاء الوقت المناسب ..
مشاري بكل ضيق:نوف تراك طولتيها جد .. أكيد أهلي يبون يسمعون هالخبر من زمان و أنتي إلا أختك تعرف قبل الكل .... ولا ..!! مدري متى بتقولين لها بعد ..!
زفرت بكل ضيق:وش مستعجل عليه أصلا أنا للحين ما كملت الشهر الأول بعدين أنت حلفت ما راح تقول لأهلك قبل لا تعرف نهى ..!
زفر بكل ضيق:لحظة غباء ..
نوف بكل هجومية:ايه كمل .. يوم زواجنا لحظة و غباء و يوم سفرنا لحظة غباء أنت ما عندك غير الغباء تقط عليـ ..
قاطعها و هو يمد يده و يسكر فمها به ..:خلاااااااص سحبت كلمتي ..!
ناظرته بنص عين و تكلمت بصوت مكتوك بسبب يده:نزل يدك ..!!-سحب يده ..
نوف بكل عصبية و هي رافعه حاجب:طيب انزل جب لي مانجا مشتهيتها ..!
مشاري بكل صدمة:أمس جايب لك كيس ..!
نوف بكل برود:كليته و أبي غيره ..
ناظرها بنص عين:على بالك إنه ..
رجع يسكت و هو يلمح نظرتها الحادة ..:على أمرك .. نازل أجيب لك ..
وقف سحب الجاكيت و طلع .. سند رأسه على باب شقتهم ..ابتسم بكل عفوية .."ما يهم إذا أنا الخادم و هي الأميرة .. دامها رضت بالواقع و رأسه اليابس لان ..
ما يهم إذا طولت لسانها و صغرت عقلها أكثر ..! ..-اتسعت ابتسامته"أصلا هي وش محليها غير هالشيء ..!!"..
..
ريحت رأسها على ظهر الكنبة .."كل يوم أدق على نهى و أسمعها موشحات و الله فشلة شلون بقولها اني حامل ..-نزلت يدها على بطنها .."لو جبت عشر اسلوبي ما راح أغيره ..!
سحبت خددية و غطت وجهها به .."و الله العظيم فششششلة ..!" ..
.._.._.._.._.._..
تلفتت حولها و هي تراقب الصبابات و الخدامات اللي جابوهم خواتها حتى يساعدون ..
واقفة قبالها و تتكلم بكل حماس ممتزج بالدلع:هو طاير يبي الزواج يتم اليوم قبل بكرة .. بس وش أسوي ما بعد أخلص من جهازي .. تدرين .. أنا ناوية أشتري كل فستاني من باريس بس كل ما قلت خلاص قضيت و بسافر تطلع لي ست آلآف شغله ..
ابتسمت لها دينا و الضيق واضح عليها:الله يعينك .. زين أجلتوا الزواج كم شهر بعد عشان يمديك ..
الهنوف بنفس حماسها:أمس كلمني بروك و هو مرة يا قلبي عليه مشتاق لي .. و وده أكون اليوم عنده قبل بكرة بس وش أسوي مو بيـ..
قاطعتهاو هي تقرب:سوري قطعت عليكم كلامكم ..-ابتسمت بشاير:بس بغيت دينا ضروري ..
الهنوف بكل ضيق:لا عادي .. أنا بروح أجلس لـ خلصتي .. أنا هناك يا دنو أوك ..
ابتسمت لها:أوكية ..
راقبتها بشاير و هي تبعد:هههههههههههههههههههه .. لو تشوفين وجهك و أنتي تسلكين له و الله تضحكين على نفسك ..!
زفرت بكل ضيق:لاحظتي ..
بشاير:مرررة .. شكلك قرفانة منها ..
قلدتها بكل دلع:بروك و بروك .. جاب لي حط لي .. و نيويورك و واشنطن-بصوتها الطبيعي بكل عصبية:تقولين زوجها أول سعودي يسافر لأمريكا و يشتغل هناك ..!!
بشاير:من قدها بتأخذ مبارك ولد الـ** ..
عقدت حواجبه بكل ضيق:اوووووف .. –خذت نفس بكل راحة و بنبرة كلها استهبال:ظنك يناسبني ..!
بشاير:ههههههههههههههههه .. وش تبين فـ واحد نص حياته برا أكيد أعوذ بالله متأثر فيهم و ما يعرف الدين ...!!
ناظرتها بنص عين:على أساس اللي هنا يعرفون الدين ..
بشاير:و الله أنا وحدة مقتنعة بالمثل اللي يقول الطيور على أشكالها تقع .. و أكيد هالمبارك واحد حقير مثل الهنوف ..
دينا:من ناحية أنها حقيرة صدَقتي .. تخيلي ذاك الشهر كانت مسوية حفلة عزوبية وحدة من الخدم .. كسرت صحن و هزئتها قدامنا .. جد رحمتها ..
بشاير:يووه عاد أنتم مرة عندكم الخدامة صديقتكم ..
دينا و ابتسامتها الخبيثة تتسع:أول ما كان فـ البيت غيري أنا و وسن كنا نطفش و نتمصلح معها ما عندنا غيرها نسهر و نسولف معه .. لكن الحين جحدنها جحده ..!
بشاير:أكيد أنتي و وسن جحدتوها بس جنى و جمان ما تجي منهم ..
دينا بكل لوم:تدرين يا دوبا صرت أشك أنك من العايلة ..
بشاير:وش أسوي يا أختي أحبكم و خواتكم كلهم وسيعين صدر و يردون الروح .. على طاري خواتك جوريه .. وينها ..؟!
دينا: أنا متزفته و واقفة هنا من عشانه .. عشانها حضرتها جالسة مع أهل زوجها ..
بشاير:خسارة و الله .. ما شفتها فـ بيتكم غير مرة وحدة و ما أمداني أتعرف عليها .. قلت الزواج بيكون فرصتي .. بس يا الله الأيام جاية ..
دينا و بعيونها نظرة تشكيك:و الله شكلك ترسمين على قعدة أبدية في بيتنا ..
بشاير و الجدية بصوتها:شوفي أخوك محمد شايب .. و عبد المجيد أخلاقه زفت مشاري مزيون بس ماش ما يعجبني ..
ناظرتها بنص عين:قولي من البداية مياف و فكيني من هالمشوار ..
ضحكت بشكل هستيري:ههههههههههههههههههههههه .. أقول ديناووه ترا أمزح معك موب تصدقين و تفتحين هالسافة مع أخوك ..!
ناظرتها بنص عين:و الله تناسبون بعض هو خبل و أنتي أخبل منه ..
ناظرته بكل حزن:هذا رايك فيني مشكورة يجي منك أكثر ..
زفرت بكل ضيق:أقول بيش فارقي عن سماي و الله واصلة معي من ذا الهنوف ..
بشاير:ما عليه الشرهة علي جيت أنقذك منه .. علميني بس من وين طريق غرفة العروس خلني أروح هناك أكيد .. وسن الشينة و جمان و نويفة هناك ..
دينا:اكيد .. شوفي هذاك الباب ..
..
.
..
همست له فـ الجوال:مستحيييييييل ..!!
فـ قسم الرجاجيل بعد عنهم أكثر .. همس فـ لجوال بكل ضيق:أنا قلت لك أنا اللي بوصلك بس أنتي ما رضيتي ..
تلفتت حولها و بكل خوف:عامر أنت تدري أن محد يعرف إني أكلمك .. ما أبي أحد يسمعني و أنفضح ..
بكل عصبية:وش هالكلام ريتاج .. أنتي و أنا متزوجين على سنة الله و رسولة ..
بلعت ريقها و بكل تردد:بسس ..!
طلعت من غرفة العروس قاطعتها بكل ضيق:مطولة غراميات مع روميو حقك ..
همس له فـ الجوال:آآخ لو إني جنبك ..
عقدت ريتاج حواجبها:أروى ..! وش طلعك خلك معهم ..
أروى:سكري .. قدامكم الليل كله أبيك بموضوع ..
عامر بكل ضيق:قولي لها تأكل تبن و تنقلع ..
ريتاج بكل ترجي:ما عليه أروى بعدين لما تطلع جنى ... بجلس معك لآخر الزواج ..
دخلت القسم .. ريناد و هي تعدل خصلات شعرها:السلام عليكم ..
همست له فـ الجوال:ريناد هنا باي ..-سكرت الخط من غير ما تسمع رده ..
أروى:وينك جنى طول الوقت تسأل عنك أنتي و ليان و أنتوا الثنتين تأخرتوا ..
ريناد بكل لوم:صدق ..! وش أسوي بهالعلل اللي معي ..
ريتاج:يووه حرام عليك كل شيء إلا عيالي ..
أروى:يووه ذكرتيني فيه سؤال يصرقع بمخي موب لاقيه له جواب ..
لفت ريناد على مرايا موجودة على يمينها:اخلصي وش هو ..!
أروى:الحين وش بيسمونك أم فارس و إلا فراس ..!
ريناد و هي تعدل فستانها و تمشيء لـ غرفة العروس:فارس أكبر بدقيقتين ..!-دخلت لجوا و سكرت الباب وراها ..
زفرت ريتاج بكل راحة:اشوا ما انتبهت إني سكرت السماعة بدخلتها ..
أروى:أختك جنية هذا وجهي إن ما سألتك بعدين ..!
ريتاج بكل توتر:أوووف بعد أخوك يا هوو نشبة ..
أروى:أدري ندمت إني عطيته رقمك و ما خليته يتأدب يوم أنه نسى و ما عطاك رقمه ..!
ريتاج بكل توتر:يبي يشوفني ..!
أروى بكل برود:عادي أنتي زوجته الحين ..!
ريتاج بكل صدمة:حتى ولو ما ينفع .. و بعدين وين يشوفني ..!!
أروى:ما عليك فـ الرجعه أنا و أنتي نرجع مع عامر وش رايك ..!
ريتاج بكل حيرة:و ريان أخوي ..!
أروى بك تردد .."من جد مشكلة .. ما راح أشوفه" ..
ريتاج:أرووه وين رحتي ..!!
مسكت يدها و سحبتها لـ لوسط القاعة ..
ريتاج بكل استغراب:أروى وين موديتني ..!!
أروى بكل تردد:أبيك بموضوع ..
ريتاج:هنا وسط الزحمة و الازعاج .. ايه ما أبي أحد يسمعنا ..
جرتها و طلعت لـ عند الحديقة .. أروى:لا ما ينفع ..
جلست على طاولة:الكل جوا ينتظر العروس تنزف محد حولك .. أروه أنتي ما تصيرين خوافة و جدية كذا إلا إذا صار الموضوع يستاهل ..!
بلعت ريقها و بكل خوف:بقول لك بس أمانة ما تقولين لأحد ..
ريتاج و بعيونه نظرة شك:أكيد واحد ..
أروى و الخوف بعيونها:ايه بس لا يروح فكرك بعيد ..
ريتاج:قولي كلي أذان صاغية ..
أروى و التوتر يلعب بأعصابها:ريان أخوك ..!
ريتاج بكل صدمة:ريان ..!!!
أروى:أمانة لا يروح فكرك بعيد .. –بكل ربكة:تذكرين يوم عزاء لوجين اليوم اللي نمت فيه عندكم ..!
ريتاج و بعيونها نظرة توهان:ايه وش فيه ..؟!
..
.
..
فتحت الباب بكل تعب .. دخلت و هي تغتصب الابتسامة:السلام عليكم ..
جنى بكل عصبية:بدري توك تجين و ريناد توها داخله ..
سحبت نوف الكرسي و قربت لـ عند ليان ..
ابتسمت لها ليان:جزاك الله خير ..!
جنى بكل ضيق:أمحق من صديقات ..!!
أمحق=مثل ما كان العشم >> شلون يطلع لها تفسير ذي ^^" .."
نوف و هي تناظر فـ جمان و وسن:أقول بنات الجلسة الحين صارت للمتزوجات فقط .. خلنا نطلع بس ..
وسن بكل حماس: يا الله بروح أشوف الرقص ..
جمان و هي تمسك بيد جنى:ربع ساعة و راجعين لك لا تخافين موب تاركينك تطلعين بسهولة هااه ..!-ابتسمت و هي تبعد و تفلت يدها ..
ابتسمت بكل خوف لها ..
راقبتهم وهم يطلعون .. سكروا الباب التفتت ريناد على جنى:وش فيك كأنك بزر أختك اللي أصغر منك أعقل منك ..!!
جنى بكل توتر:أنتي عاد آخر وحدة تتكلمين مأخذه واحد تحبينه و يحبك ..
ليان بكل لوم:و أنتي بتأخذين واحد وجهك بـ وجه عشرين سنة مدري وش اللي يفرق ..!
جنى بكل خوف:الزواج غير ..!
ريناد و هي تناظرها بطرف عين:شايفة أخوي وحش ..!!
تنهدت بكل ضيق:محد فاهمني منكم ..!
ليان بكل لوم:و الله كلنا معك بس أنتي متوترة و موترة الكل معك ما يصير كذا ..
ابتسمت ريناد تطمنها:و بعدين لا تخافين أبوي و ريان بيكونون معك لما يدخل عندك ..
ليان:و غير أخوانك بعد .. بس أنتي مكبرة الموضوع ..!!
زفرت بكل خوف:حتى ولو .. أنا أفكر بعد ما نطلع من هنا ..
ناظرت فيها بكل ضيق:جنوو خلي عنك حركات البزران ..
دخلت و هي تقطع كلامهم .. وهج بكل حماس:يا الله جنو عريسك وصل ..!
وقفت ريناد:أنا بدخلها عنده ..
ابتسمت تحاول تريح أعصابها لكن مو بيدها .. غصبن عليها تتوتر و تخاف ..!
..
.
ريتاج بكل صدمة:و الله .. ريانوه السخيف تطلع منه هالحركات و الله أنه موب سهل ..
أروى بكل توتر:و الله العظيم ما رفع عينه علي ..
ريتاج و هي تناظرها بكل لوم:ايه طيب .. و أنا أقول وش سر هالنظرات لك فـ السيارة .. أنتظره يتكلم يقول شيء أثره كلمك و خلص ..!
أروى بكل خوف:ريتاج أنا قلت لك عشان تساعديني ..!!
ريتاج و بعيونها نظرة فضول:و أنتي وش رايك بأخوي .. يناسبك و إلا ..
نزلت عيونها للأرض بكل حياء و بكل عفوية .. تغير لون وجهها للأحمر ..
ضحكت عليها:يووه شف البنت استحت .. لا يكون حبيتيه ..!
أروى و جرائتها ترجع لها على شوي شوي:تبين الصراحة فـ البداية كنت كارهته و ناوية أرفض .. بس مع الوقت و أنا أشوفه دايم بوجهي .. أحس إني اقتنعت به ..
ريتاج بكل غرور:و الله ريانوه على بثارته بس مزيون طالع علي ..
ناظرتها بنص عين:ايه طيب عليك .. لو يشبه لك ما ترددت ورفضته ..
ريتاج بكل غيض:دوبااااااا ..
همست أروى:قفلي ع الموضوع رنود جاية ..
لفت على أختها و ابتسمت:حيا الله أم فارس ..
ردة لها ريناد الابتسامة:الله يحيك ..
أروى بكل استغراب:غريبة توقعتك بتجلسين عند جنى لحد ما تدخل عند بدر ..
ريناد و هي تقرب و تجلس:ايه دخلّتها عنده و طلعت عشان أخوانها بيدخلون ..
أروى بكل صدمة:و الله .. بدري ..!!
ريناد:وين .. بدري .. شكل بدر ينتظرني أجي ..
وقفت أروى:بروح أدخل عندها الحق أصور معها و أسلم عليها قبل لا تطلع ..
وقفت ريتاج:خـ..
قاطعتها ريناد:أجلسي أبيك ..!
جلست و بكل خوف:خير وش بغيتي ..؟!
راقبت أروى و هي تبعد .. و رجعت تلف و هي تناظرها بنص عين:وش رايك يعني وش أبي منك ..!!
ريتاج بكل توتر:رنود .. وش فيك ..!
ريناد بكل ضيق:تحسبيني ما لاحظت ربكتك و تسكيرك للجوال و أنا أدخل ..-بنبرة كلها تشكيك:للحين تكلمين فيصل ..!
زفرت بكل راحة:طيحتي قلبي .. وش فيصله أصلا من رفضته و علاقتي انتهت آخر شيء مسج أرسله لي يدعي لي بالتوفيق ..!
ريناد:مدري قلت يمكن حنيتي له ..! و بعدين من كنتي تكلمين .. ؟!
ريتاج بكل خوف:كنت أكلم عامر ..
زفرت بكل راحة:ايه أشوا ..
ريتاج بكل توتر:عادي أكلمه ..
ناظرته بكل ضيق:زوجك .. وش هالسوال الغبي ..
ريتاج بكل توتر:لا قصدي محد يعرف من أخواني إني اكلمه ..
ريناد و هي تفتح شنطتها و تطلع علبة البودرة المضغوطة:عادي خلاص لو تطلعين معه عادي ..
ريتاج بكل حماس:جد و الله .. ما راح يقول أبوي شيء ..
ريناد بكل ضيق:يوووه .. عادي الاسبوع اللي راح تملك عليك .. يعني زوجك و هو ولد عمي يعني أمان ..
ريتاج بكل ربكة:مزعجني كل شوي يدق يقول أبي أشوفك و أروى فكرت بخطة و هي إني أرجع معها مع عامر .. !!
ريناد:لا خلي أروى و أرجعي مع عامر لحالك ..
ريتاج و هي تحس بالصدمة:من جدك رنود ..؟!
ريناد و هي تعدل مكياجها:عادي بيرجعك موب ماكلك .. و بعدين أنا برجع مع ريان ..
ريتاج:ليه موب راجعه لبيتك ..!
ريناد و هي توقف:مجنونة الحين ثلاث ساعات و مدري كيف بتحملهم بعيدة عن عيالي تبيني أنوم فـ مكان ثاني بعيد عنهم ..
وقفت معها:أجل ليش بـ ترجعين مع ريان ..!
ريناد:بخليه يوصل أروى و يوديني لبيتي .. بسام بيجلس هنا لحد وقت العشاء عقبها بيطلع لزواج واحد من ربعه و بيكمل سهرته هناك و طبعا موب راجع إلا متأخر و أنا ما أبي أتأخر هنا ..
ريتاج و هي تمشي معها:اهااا ..
..
.
..
قبلها بدقايق .. دخلت لجوا ركض .. مشت بين الطاولات بكل سرعة و مرونة ..
استوقفتها و هي تعلي صوتها:أروووووووى ..
لفت وراها مستغربة من ممكن يناديها ابتسمت أول ما لمحتها ..:لمووووو ..
رجعت لوراء قربت منها و سلمت عليها بكل حرارة ..
لمى بكل ربكة:سوري شكلي بعطلك بس أبي أشوف جنو ..
مسكت يدها و جرتها وراها:تعالي .. دخلت عند زوجها .. خمس دقايق بيطلع .. حد ما نسلم و نصور معها و تطلع معه ..
لمى و هي تدخل الممر بكل استغراب:ليه موب زافينها ..!!
أروى:لاء .. تخيلي متوترة موت و صايرة عصبية لو نطلعها عند الحريم و الله لـ يغمى عليها ..!
لمى:أوف .. أوف لهالدرجة ..!
قربوا لـ عند وسن و جمان أروى:و أكثر ..-رفعت عيونها على وسن:طلع بدر ..
وسن:لا ننتظره يطلع ..
جمان:اشش تراهم يسمعوننا ..
همست لمى:أخبارك و أخبار أمك ..؟!
همست لها أروى:الحمد الله تمام ..
لمى:ذكريني عقب ما نطلع من هنا أسلم عليها ..
أروى:إن شاء الله ..-سكتت لثواني:أخبارك أنتي مع هالزواج ..
ابتسمت باحراج:الحمد الله كل شيء تمام ..
أروى:مرتاحة معه أهم شيء ..
ارتبكت من سؤالها:الحمد الله .. على قولتهم يوم لك و يوم عليك هاذي هي الحياة .. !!
أروى:الله يعينك و الله ..
ارتبكت و هي تفكر تسأل عن سلطان .. لكنها تراجعت و فضلت الصمت ..
سمعت أصوات التبريكات تجي من وراء الباب .. رجعت تنزل رأسها و تهمس لأروى:إلا وش صار على فجر ..؟!
أروى:يووو قديمة أنتي .. عقب ما تزوجت .. سافرت هولندا شهر عسل و عقبها راحت لبريطانيا زوجها يكمل رسالة الدكتوراة هناك ..!
لمى:ما شاء الله .. هو دكتور صح ..
أروى بكل ضيق:ايه .. و دكتور كبير بس ناس فاضية تحب وجع القلب يبي يأخذ مرتبة الدكتوراة ..!!!
لمى:الله يوفـ ..
قاطعتهم جمان بكل حماس:طلعوا أخواني .. الحين بتصور معه و يطلع ..!!
قربت المصورة و سكرت الباب بقوة ..
وسن:وجع ليه سكرته ..؟!
أروى:ههههههههههههههه .. الحين أخوانها انطردوا من عندها تبين أنتي تتفرجين ..
وسن بكل ضيق:ما عليه بكرة نشوف الصور ..!
جمان:اسكتوا الحين هدوء أكيد بيسمعونا ..
..
.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زفرت بكل ضيق و هي تنزل الكاميرا ..:أقرب منها أكثر ..
شد على خصرها و قربها منه أكثر ..
نزلت عيونها للأرض و ارتبكت أكثر و هي تحس بأنفاسه الحارة تلامس خدها ..
المصورة بكل ضيق:لا حول و لا قوة إلا با الله ارفعي عينك بعينه ..
بدر بكل إحراج:ما عليه .. مو لازم هالصورة ..
المصورة:أنا هالشيء ما لي دخل العروس جت لعندي و اختارت وضعيات الصور أنا كل اللي علي أنفذ طلبها و أصور ..
بلعت ريقها و بكل توتر:موب أنا اللي اخترت ..
المصورة بكل ضيق:أنتي .. أختك .. وحدة من قرايبكم هاذي موب شغلتي .. !!
بكل خفة لف جنى .. و ضمها من وراها:خلاص خذي الصورة كذا ..
جنى بكل ربكة:لاء وش هذا ..!!!
بدر:يعني ما تبينا نتصور و إنا متقابلين و لا كذا بعد ..!
بعدت عنه .. كلمت المصورة بنبرة أقرب للترجي:ممكن تتركينا لحالنا شوي ..
استغرب من طلبها و استغربت نفسها أكثر ..! .. أقل من الدقيقة و اختلا المكان فيهم ..
بدر بكل توتر:جنى وش فيك ..؟!
رفعت عينها بعينه أخيرا:بدر أنا موب قادرة أصدق اللي قاعد يصير ..
بكل خوف:وش هالكلام جنى ..؟!
جنى بكل توتر و ربكة:سوال واحد بس بسألك اياه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك