رواية كثر ما قلتلك اكرهك كثر ما انا اهواك -8
إلياس أكلمه عن ريمان براحتي .. طبيعي ما أقدر أكلم بندر لأنها أخته وانحرج بصراحه من نظراته لكن إلياس
العكس كل شي يعرفه .. هو صديقي من كان عمري 10 سنين من كنت أدرس في الصف الرابع ابتدائي ..
وكنا نسكن في جده قبل لا نجي على الرياض .. وكنت ما أعرف أحد في المدرسه صح كنت أسولف
مع أولاد كلاسي لكن ما كان عندي الصديق اللي أقدر أسميه صديق ..
أذكر اشلون تصادقت مع إلياس .. هو يدرس في كلاسي لكن ما كنت أحتك معه كثير ..
لأن الأولاد اللي حولي يسمونه بـ الخكري .. يمكن لأنه أبيض وشعره بني وصوته رخيم و هادي !
عكس الأولاد الباقيين كانوا عرابجة بمعنى الكلمة وممكن بعد عشان عنده لدغة الراء ..
المهم اني في يوم تهاوشت مع واحد في فصلي اسمه منصور ..
وأذكر اني أعطيته كف لما قال لي [ الله يلعن أبوك ] .. لكن من ثاني يوم وفي وقت البريك ما أشوف قدامي
الا ثلاثة عيال من طلاب الصف السادس عاد انتم تعرفون طلاب الإبتدائيه بزارين ويتقوون على بعض ..
المهم كان واحد من هذولا الثلاثة أخو منصور واسمه ناصر ..
ناصر : هييييييي انت وشو له تطق أخوي ..
طبعا كوني بزر و أخاف من اللي أكبر مني ما عرفت شرد عليه .. والمشكلة ان ماجد أخوي
كان أول متوسط يعني في مدرسة ثانية ..
ناصر : تكلم ليش طقيته ..
بعناد البزران تكتفت و قلت بعناد ..
تركي : والله يستاهل هو حمار ..
اللي جنب ناصر جاه بيضربني لكن قبل لا يجيني الكف سمعت واحد يصرخ عليه و هو يركض لجهتنا ..
.. : لااااااا ياسر لا تضربه والله تركي مسكين ..
ناظرته كان إلياس .. في هذا الموقف اكتشفت ان إلياس أخو ياسراللي كان بيضربني كف ..
شفت إلياس يتعلق بيد أخوه و كان ياسر أطول من إلياس بـ كثير ..
إلياس : والله انت ما تعرف شي والله ان تركي مظلوم ..
سكت ياسر و ناظر ناصر ..
ياسر : هاااه نصور تسامحه عشاني و عشان إلياس ..
نزل ناصر لحد منصور أخوه ..
ناصر : هاااه منصور حبيبي نتركه عشان إلياس و يسوري ..
تكتف منصور بعناد ..
منصور : ما أبي ليش طقني ..
ناصر : خلاص سامحه أعطيك الليّ تبي لو تركته .. و تركي ماراح يعيدها ... صح تركي .. (( و ناظرني ))
هزيت رأسي بسرعة .. أما منصور يقالك سوى حاله يفكر .. عقب قال ..
منصور : طيب خلاص ..
ناصر : يآلله أجل ..
عقب راحوا ناصر و ياسر والثالث اللي معهم وبعد منصور أما إلياس ناظرني و ابتسم و ببراءه مد يده ..
إلياس : تركي تخاويني ..
ابتسمت من قلب في ذاك الوقت كان خاطري أضمه .. مديت يدي له ..
تركي : ايه أكيد ..
من وقتها وهو صديقي ولا نفترق أبدا حتى لما انتقلنا للرياض يوم صرت في الصف الأول متوسط
ما نسيته وظلينا نتواصل وأقابله في الاجازات لأن أهله مثلي كلهم في الرياض .. الا أهل أمه في القصيييم ..
لكن بعد سنه انتقلوا هم بعد للرياض .. وقتها كنت بتشقق من الوناسة .. وبعد أحب أناديه بـ ابو فزعــه ..
وهو يحب يناديني بـ ابو هوشــه لأنه تعرف علي وسط هواش هههههههه بس والله انه صديق الصدق قول وأفعال ..
ومثله بصراحه قليـــــليــــن .. وقفت سيارتي عند بيتنا ورحت على غرفتي دام إلياس ما أقدر
أقابله خلني أنام أحسن .. بس بالطريق شافتني أمي وعاد انتم تعرفون الأمهات لازم يكبرون الموضوع ..
لما شافتني جات لي بسرعة ..
ام ماجد : تركي .. علامك ليش جاي بدري عسى بس تكون بخير .. في شي يعورك يا وليدي قول لي وانا أمك ..
حبيت رأسها ويدها ..
تركي : لا يمه الله يهديك .. بس خلصت شغلي و جيت أرتاح ..
ام ماجد : ايــــه .. الله يعينك يا وليدي رح بس ارتاح وأقومك ان شاء الله مع الغداء ..
هزيت راسي ورحت على غرفتي ومن أول ما شفت السرير نسيت كل اللي حولي ..
.. (( في جهـــة ثانية من الريـــاض في الشركة )) ..
متعب : يعني صدق وافقت ..
استرخى بندر على الكرسي ..
بندر : ايه ليش لا ثم انت ليش مستغرب ..
متعب : لا منيب مستغرب ولا شي ..
حرك يدينه بلا مبالاة وهذه عادة بندر .. ما أطيقه يوم يسوي حركته الغبيّه ذي ..
بندر : خلاص ارجع لمكتبك ابي أكمل شغلي أشغلتني يا شيخ ..
عصبت منه وشو يشوفني سواقة ولا وشو ..
متعب : هييييييي انت احترم نفسك وشو شايفني .. تراني أكبر منك بثلاث سنين ..
بندر : هههههههههههههههههههههههه و تهاوشني عشان ثلاث .. ثــلاث بس .. عاد لو كنت أكبر مني
بثلاثين سنه وش بتسوي أظن اني بصير سواقك هههههههههههههه ..
عصبت منه .. هو وضحكته الفاهيه ..
متعب : هه هه هه بالله اسكت أنا بروح مكتبي أبرك لي من مقابلة وجهك ..
لفيت خارج وهو رجع للأوراق وهو يقول لي ببروده المعتاد ..
بندر : وأبرك لي بعد ..
طنشته ورحت على مكتبي هذا لو أجلس عشرين سنه أعلمه ما راح يفهم .. على قول المثل ..
(( عـــلــم فــي الـــمــتــبــلــم يصــبــح نـــاســي )) .. الحين لازم اتصل على ريم آآآه ياني مشتــــاق لها ..
الله يحفظها بقي لها أسبوع أو أكثر وترد لنا أنا ودي أعرف راحوا ليش هههههه قال ايه شهادة
وهي ما تبي تشتغل أقول خلني أشتغل أصرف لي ..
************************************************** ******
.. (( بيــــ ابو متعــــب ـــت )) ..
ام محمد : يعني وافقت ريم يا ام متعب ..
ام متعب : هيه يا الغالية وافقت ..
ام محمد : ما شاء الله .. الـله يارب يوفقهم ويتمم عليهم ..
ام متعب : آآآمين يا أم محمد يالله عقبال جمانه وسلمان و راكان ..
ام محمد : لااااااا لا تسألي عن سلمان مهوب مثل محمد بعدي والله يوم كان في سن سلمان هو اللي
يقول لي زوجيني لكن سلمان أنا اللي أحن على رأسه ..
ام متعب : هههههههههه لا تشيلين هم يا اخيتي هذا شرات بندر بالضبط ..
ام محمد : آآآه والله الجيل هذا مهوب مثل جيلنا الله يخلف على أيام زمان ..
ام متعب : هيه والله عاد اذا جان الجيل اللي بعدهم شراتهم أو أكثر عز الله رحنا فيها ..
ام محمد : الله يعين بس الله يعين .. انت ادعيلهم بالستر يا ام متعب والباقي على الله ..
ام متعب : على قولتج الباجي على رب العباد ..
ام محمد : طيب يا ام متعب تآمرين على شي يا أختي ..
ام متعب : وين يا ام محمد تو الناس ..
ام محمد : والله الود ودي أطول معك بس الغداء يا اخيتي على النار ..
ام متعب : هيــه الله يعينج .. عيل ما أطول عليج ..
ام محمد : يالله في حفظ الله ..
ام متعب : في وداعة الرحمن ..
بندت من عند ام محمد .. ولما ييت بنش من مكاني رد ورن التلفون رفعته و جانت ام مايد و فكرت
الله يعين بنتي ريم عليها وايد تآخذ ع الدقه .. بس هذا شور ابو متعب وما أروم أخالفه ..
و تركي ريّال ما ينعاب و هم ولد عمها .. سمعت صوتها ..
ام ماجد : السلام عليكم ..
تنهدت ورديت ..
ام متعب : هلاااا والله مرحبا الساع شحالج يا ام مايد ..
ام ماجد : بخير عساك بخير .. مبروك وهذا النسب الطيب يا ام متعب .. عسى ربي يتمم عليهم
بس ويحفظهم من عين الحاسدين ..
زميت شفتي من متى الله يحفظها ترمس جيه ..
ام متعب : آآآمين الله يسمع منج ..
ام ماجد : عاد حبيت أبارك لك بنفسي يا الغالية ..
ام متعب : الله يبارج فيج .. تسلمين والله ..
ام ماجد : يالله مع السلامة تآمرين على شي ..
أشوا انها بتبند بسرعه ..
ام متعب : ما يآمر عليج عدو .. في حفظ الله ..
بندت جأني ما صدقت خبر .. اوووووووووف الله يعينك عليها من حماه يا بنيتي الله يعينك ..
نشيت أزهب سفرة الغداء قبل لا ييي ابو متعب و بندر .. وانا أدعي ان ربي يحفظ ريم
ويردها سالمة لي و غانمة ..
************************************************** *******
نهآيه البآرت التآسع '$
آن شاء الله عجبكم . .
آلبآرت آلعآشر
**************************************
.. (( لـنـ الجمــعـ السـ 11:20 الصباح ـاعة ـــه ـدن )) ..
كنت أدور أنا و جمّون بالعربية في السوبر .. نشتري الأشياء اللي ناقصتنا وبعد ما قصرنا في الكماليات ..
يعني .. الـ (( شيبس . كريسبي . نقانق ... الخ )) .. كنا نستمتع بكل خطوة نخطيها ..
دامها آخر شروه من هذا السوبر ومن لندن كلها .. وحنا ندور ناظرتني جمّون ..
جمانه : اشلونك الحين ..
ابتسمت بقهر وانا أرمي كيس الكريسبي في العربية ..
ريمان : مستانسه من قدي عروس ..
حسيت نفسي بصيح ..
ريمان : تكفين جمّون لا تزيدين المواجع ..
سكتت جمّون .. وكملنا وحنا ساكتين .. رحنا بنشتري شوكلاتات و غيرها ولما قربنا لمحنا اثنين يتهاوشون ..
ابتسمت لأني عرفتهم لكني تعمدت أنا و جمّون نروح من الجهة الثانية .. وجلسنا نسمع أصواتهم بس ..
هيثم : يـــالله فارس طلبتك ..
فارس : قلت لاااااااااااااااااااااا هيثم تدري ان أكلت منه وايد تستوي شرات المنطاد ..
هيثم : هم أبـــــــاه ..
فارس : هيثم قلت لا .. بعدك امس خلصت كرتون هم تبا اليوم ..
هيثم : يا جذاب أمس جان في خمس حبات وخلصت ..
فارس : بععد لاااااااااااااااااااااااااااااااااااااااااااا ..
هيثم : فــــــــــــارررررررررررررس ..
فارس : ههههههههههههههههه ههههههههههههههههههههههه هيثم جب صج انك ياهل ..
.. (( كان هيثم يبي كرتون جالكسي و فارس مو راضي .. )) ..
هيثم : انزين انت بعد رد هذا ..
.. (( ورفع كرتون علك النعناع )) ..
راح فارس سحبه منه ..
فارس : ليش سمعت انه مفيد ..
هيثم يتطنز عليه : هيــه بععد أنا سمعت ..
فارس : ههههههههه جوف هيثم اذا تبا الشوكلاتة خذها برايك لكن العلك لو سمحت كلش و لا هو خــوز عنه ..
هيثم : لااااااااا خلاص ما أباه ..
فارس : شوه تلعب ويّأي طيري ..
هيثم : هههههههههههههههه لااااا بس خلاص ما أباه .. على قولتك أخاف أستوي منطاد و عاد أنا
جيه جسمي حلو ..
فارس : زين انك سمعت الرمسه .. والحين يالله نكمل الباجي ..
هيثم : انزين بس ترى بسير أشتري نقانق و كريسبي ..
فارس : امممممممممممممممممم زين ..
هيثم : شوه !! .. تبا تقول لا ..
فارس ابتسم : هيـــه كنت أفكر ..
هيثم : والله جان ألمك بكف ..
فارس : هههههههههههههههههههههههه علامك هيثوم كنت أتمصخر ويّاك .. استويت لي كبريت ..
هيثم : انزين انت لا تولعني ..
ضحكوا و كملوا طريقهم .. بتستغربون ليش ما سلمنا عليهم .. بس أنا فضلت أبعد عن هيثم ..
لعل و عسى أنساه وأقتل حبي اللي توه ما انولد ..
**************************************
رجعنا الشقة الساعة 1 الا ربع ..
صلينا الظهر .. عقب رحنا نسوي الغدا ..
جلسنا نتغدا .. ونتابع التلفزيون .. تذكرت ان بندر قال لي اشتري فستانك من هنا .. ناظرت جمّون ..
ريمان : جمّون ترى بندر قال لي اشتري الفستان من هنا .. ايش رأيك نـ ..
سكت لما شفتها غصت باللقمة ..
جمانه : كح كــحححح كح ريمـ .. كـح كح انثبري و وجع ..
ابتسمت بألم الى الآن مهيب راضية تستوعب .. بس أنا خلاص يأست وشو له أجلس أعارض
وانا خاسرة 100% خلني أستسلم بكرامتي ..
جمانه : ريم لا تقولين انك يأست .. ريم كلمي أي أحد قريب لك ..
ناظرتها بحدة و قلت بعصبية ..
ريمان : منهو أقرب شخص .. أبوي .. أبــوي يا جمانه ..
وأبوي أمرني و أنا أنفذ شسوي تبيني أعارضه .. . لااااا يا جمانه ما عمري عارضت أبوي ..
.. . (( بديت أصيح )) .. . ما عمري عارضته يا جمّون ولو كان أمره يضرني ..
سكت وقمت أغسل يدي و وجهي .. عقب رجعت شلت المواعين و رحت أغسلها وانا أصيح وأمسح عيني
بذراعي .. عشان يدي مليانه رغوة من الفيري .. شوي جاتني جمّون و جلست تساعدني ما بينت أي اعتراض ..
أصلا أنا ما زعلت منها ولا أقدر أزعل .. همست هي بتردد ..
جمانه : ريم انــ ..
قاطعتها ..
ريمان : جمممون ما زعلت بس اللي يزعلني هو كلامك ان باقي أمل ..
مدت فمها باعتراض وسكتت .. عقب رحنا نذاكر خلاص بكره بتبدى امتحاناتنا ..
و حنا نذاكر كان صوتي مبحوح من الصياح .. رحت بسوي لي ليمون بس لما جيت أقوم رن جوالي ابتسمت
و رفعت الإسبكر ..
ريمان : هلاااا عمي ..
خالد : هلاااا والله بالحلو هلاااا .. اشلونك يا الغالية ..
ريمان : بخير الحمد لله .. اشلونك انت ..
خالد : الحمد لله ما أشكي من بأس .. الا شفيه صوتك ..
ريمان : سلامتك عمي ما فيه شي ..
خالد : ايــه صح .. مـــبـــروك ..
اوووووووووووووف الله يعين على المباركات بدأت .. رديت ببرود ..
ريمان : الله يبارك فيك عمي ..
خليفة : شحالج يا الدبة ..
ريمان : اوب خالي موجود .. اشلونك ..
خليفة : بخير شحالج انتي ..
ريمان : الحمد لله ما أشكي من بأس ..
خليفة : مبروك يا الحلوة تستاهلينه رغم اني ما أعرفه ولا أذكر ويهه هههههههههههههههههههه ..
ضحكنا كلنا ..
ريمان : ما أنصحك تشوفه .. يجيب الهم ..
خليفة : شـــوه ..
خالد : ريم حياتي عيب ذا بيصير زوجك ..
ريمان : زين زيــن .. (( همست لـ جمّون )) .. أمحق زوج ..
ابتسمت جمّون وانا سكت ..
خالد : عموما بكره بتبدى امتحاناتكم صح ..
جمانه : ايه بكره ..
خالد : جمّون اشلونك ..
جمانه : صباح الخير ..
خالد : هههههههههههههههههههههه السموحة يا الغالية على بالي منت موجودة ..
كل ما اتصل تكونين نايمة ..
جمانه : لا كنت موجوده امس ..
خالد : هههههههه ايه صح المهم اشلونك ..
جمانه : بخير أسأل عنك .. عساك بخير و صحة ..
خالد : بخير بسماع صوتكم ..
خليفة : شحالج جمانه .. عساج بخير ..
جمانه : الحمد لله .. اشلونك انت ..
خليفة : بخير ما أشكي بأس ..
خالد : يالله عقبالك جمّون ..
جمانه : لا عمي بدري .. هذه ريم مجنونة تتزوج الحين ..
و ناظرتني بابتسامة .. و أنا ناظرتها بحقد يعني ما تدرين ان مهوب كيفي ..
خالد : لا بالعكس .. هذا وقتكم الحين ..
جمانه : ما علينا .. عقبالكم انتم ..
خالد+خليفة : آآميـــــــــــــــــن الله يسمع منك/منج ..
ضحكنا كلنا بجد يحزنون ..
ريمان : بجد مشافيح هههههههههههههههههههههههههههه ..
خليفة+خالد : هههههههههههههههههههههههههههههههههه ..
خليفة : و أحلى مشافيح بععد هههههههههههههههههههههههههههه ..
خالد : عموما يا الغاليات الحين لازم نقفل لأن الشباب يحترونا في المقهى ..
ريمان : و ليش تروحون مقهى .. أنا و جمّون حنروح بعد ..
ضحكوا ..
خليفة : هههههههههههههههههههههههههههه سيري حد ماسكج ..
خالد : لا والله انت الثاني .. لحظة الا ريمان في أحد ماسكك ..
استغربت من يقصد عمي ..
ريمان : منهو عمي ..
خالد : تركي اتصلي به و استأذنيه هههههههههههههههههههههههه ..
عصبت مرة من عمي بالذات لما ضحكت جمّون بطنازة ..
ريمان : اتخسي ما بقي الا أستأذن من ذاك الخبل ..
سكت عمي وخليفة ضحك هو و جمّون ..
خليفة : انزين ببند عن نتأخر على الشباب .. سلام ..
ريمان : سلام ..
قفلت من عندهم و جمّون قامت وراحت على الغرفة تنام .. أما أنا كنت مرتبكة خفت يكون عمي شك ..
أدريبه ما يفوت أي شي علي .. ينتبه بسرعة اذا في شي مضايقني ولاّ لا ..
أذكر كذا موقف صار وعرف فيه اني متضايقة ..
أذكر مرة كنت في بيت جدي .. يوم كان عمي عمره 22 سنه .. وكانت عنده اجازة كورس ثاني ..
المهم انه كان موجود ذيك الفترة ..
المهم كنت رايحه للمطبخ .. وكان المطبخ له بابين باب زجاجي يودي للمزرعة و الباب الثاني اللي أنا دخلت منه ..
كنت أشرب مويه يوم دخل تركي من باب المزرعة .. شرقت بالمويه وهو جلس يضحك ..
.. (( يا كــرهي له بجد ان وجهه مغسول بمرق )) .. المهم حطيت الكأس لما هديت و ناظرته بحنق ..
ريمان : شايف شي يضحك ..
قرب مني و هو مبتسم .. طبعا أنا بلعت ريقي بس جلست واقفة في مكاني ..
تركي : أصلا أنا يوم أشوف الملاك هذا ..
(( و أشر بأصبعه علي .. وبحركته هذه رجعت لورى .. وهو ابتسم و كمل كلامه وهو يقرب )) ..
تركي : لازم أستانس و أضحك ..
كنت مقهورة منه وقتها على سالفة صارت قبل .. فقلت له وانا أقلد صوته ..
ريمان : لازم أستانس و أضحك .. ضحكة بلا ضروس ان شاء الله ..
تركي : هههههههههههههههههههه يا حلوك و انت معصبه ..
انقهرت منه أكثر .. وكان الكأس اللي كنت أشرب به قريب مني .. وكان توه ما شربت منه شي ..
المهم كل اللي سويته اني غرقته بالمويه .. هو شهق لأنه ما كان منتبه .. رجع على ورى و هو يمسح
وجهه .. أما أنا ناظرت قميصه المغرق بالمويه و ابتسمت أول مرة حسيت اني بردت حرتي منه ..
ناظرني بعصبية و جاه لي ومسكني من كتفي ..
تركي : هيييييييي انت أسمعي .. تشتميني اوكي تهيني كرامتي قدام اللي يسوى واللي ما يسوى .. و بعد سكت ..
لكن انك ترفعين يدك باي شيء ذا اللّي ما أعدّيه .. فاهمه احترمي نفسك وخليك عاقلة وتراني سكت لك واااااجد ..
ريمان : أنا اللي سكت لك واجد .. يا شيخ كرهتني في حياتي .. انت اللي متى بتحترم نفسك .. وحدة ما تطيقك
ميم ألف تاء طاء ياء قاف كاف ما تطيقك متى ودك تفهم ..
شفت ملامح وجهه اتغيرت و لونه انخطف كل اللي سواه انه شد على كتفي بقبضته بأقوى ما عنده ..
ريمان : آآآآآآآآآآي يا الغبي تألمني ..
ما سوى شي غير انه همس و هو ماشي لباب المزرعة ..
تركي : حسّسي ..
راح أما أنا ما فهمت ولا شي منه كل اللي سويته اني تضايقت لأني قسيت عليه .. مـــعـــجــزة صح ..
بس والله أول مرة تضايقت لأني جرحته .. هي في ذاك الوقت .. المهم في السالفة ان عمي حس اني متضايقة ..
لما كنا نتعشى كنت أقلب الملعقة في الصحن بدون لا أتكلم ولا آكل ..
جدي : علامك ريم حبيبتي ..
ما انتبهت بالأول ..
ابو متعب : ريم علامك جدك يكلمك .. ريم ..
انتبهت و رفعت رأسي لأبوي ..
ريمان : هلاااا يبه بغيت شي ..
جدي : هههههههههههههههههههههههه مهيب معانا البنت .. قلت يا بنيتي علامك ما تأكلين ..
ابتسمت و نزلت عيني للصحن .. بس قبل مريت بها على تركي .. كان ماسك الملعقة ويناظرني ولما رفعت عيني له
شال هو عينه .. نزلت عيني للصحن ..
ريمان : منيب جيعانه ..
جدتي : منتي يوعانه نشي حبيبتي لا تغصبين نفسج ..
ام متعب : هيه ريم حياتي سيري و رقدي مرة وحدة .. شكلج تعبانه .. سيري حبيبتي ..
قمت من على الكرسي .. وناظرتهم كلهم ..
ريمان : تصبحــون على خيــر ..
حطيت نظرة أخيرة على تركي شفته يشرب عصيره بدون لا يناظرني .. حز في خاطري .. شكله جد زعل ..
لأني أول مرة أصارحه بطريقة مباشرة .. لما كنت أغسل يدي عند المغاسل .. جاني خالد .. و يقالك يبي يـخـــرعني ..
خالد : بوووووووووووووووووووووووووووووووو ..
ريمان : هههههههههههههههههههههههههههه لا والله شفتك في المرايه ..
خالد : هههههههههههههههههههههههههههه عموما .. من اللي مضايقك ..
ريمان : منيب متضايقة .. بس تعبانه و منيب جيعانه ..
ضرب كتفه بكتفي وهو يغسل يده ..
خالد : عن الكذب كم مرة قلت لك لا تلعبين على خالد ..
ابتسمت له .. وهو ناظرني بتحدي ..
خالد : منهو اللي مضايقك ..
ريمان : عــــمــــــــي و لا أحد ..
نزل عينه للمويه ..
خالد : تــــركــي ..
ناظرته بسرعة و هو ابتسم ..
ريمان : لا مهوب تركي .. لا تخمّن من عندك .. ثم أنا أتضايق عشان ذاك الغبي ..
خالد : هههههههههههههههههههههههههههه والله و عليك كذب .. ترى حتى هو مهوب على بعضه ..
ريمان : اوووووووووووف عمي لا تطفشني ..
مشي و هو مبتسم .. و ينشف يدينه من المويه ..
خالد : بـ راحتك لا تتكلمين ..
سحبته من كتفه و وقفته ..
ريمان : زين شسوي ..
عقد حواجبه باستغراب ..
خالد : تسوين في وشو ..
مديت فمي شفيه تونا نتكلم عن تركي ..
ريمان : عمي في السالفة اللي تونا نقولها ..
رفع حواجبه باستغراب ..
خالد : أي سالفة .. حنا قلنا سالفة أصلا ..
عقدت حواجبي و أنا مستغربة بجد ما يدري و لاّ يستهبل ..
ريمان : سالفة تركي و اني متضايقة عشانه ..
عقد حواجبه مرة ثانية ..
خالد : تركي .. شفيه من جاب طاريه ..
تخصرت و ناظرته من فوق لتحت عقب مشيت من عنده ..
ريمان : خلي السخافة تنفعك ..
مسكني و هو يضحك ..
خالد : هههههههههههههههههههههههههههه بجد كبريت شفيك ما تحبين المزح ..
ريمان : هذه ثقالة دم مو مزح ..
خالد : زين انت يا خفيفة الدم .. اذا متضايقة عشان تركي روحي واعتذري له .. عاد انت كنت صريحة و بزيادة ..
و لا و تعلمينه اشلون ينطق الكلمة بجد انك شي ..
فتحت عيوني على كبرها معقولة تركي قال له .. فهم خالي شاللّي افكّر به و همس ..
خالد : ريم / تركي مهوب من النوع اللي يتكلم ..
ريمان : أجل اشلون عرفت ..
خالد : كنت بدخل المطبخ و سمعتك تتهاوشين مع أحد .. المهم اني سمعت كل شي ..
ريمان : و المطلوب مني .. مستحيل أروح له .. انت اعتذر له عني ..
خالد : لا والله ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك