رواية بقراري ضيعت نفسي واحبابي -17
أمه: عشرة بعينكـ... هاه ما قلت لي وش رايكـ بفاتن بنت عمتكـ
راكان: شكلتس أنتي وبنتس معجبات بالست فاتن
أمه: ايوه وشوق ما قصرت مدحت فيها الين قالت بس... وأنت يا راكان بتكمل 26 سنة وعلى وجه زواج
راكان: ويييييين 26 أنا بدخل 29 سنه
أمه: لا... لا أنت غلطان أنا أمكـ ما أعرف كم عمركـ
راكان عارف أن أمه تبي تصغر عمرها فقال: يسلم راستس يمه 26 سنه... وإذا تبين أصير سنتين ما عندي مانع
أمه: لا يكثر هرجكـ... وش قلت أكلم عمتكـ
راكان ابتسم لأن أكثر شي شده بكلام أخته شعر فاتن.... نقطة ضعفه الشعر الطويل.... قال: اللي تشوفينه يمه... ودام ارتحتي للبنت كلمي أهلها
أما شوق راحت لجناح أخوها اللي كان سرحان ومو قادر ينام.... دخلت شوق وقالت: هاااي ريري
ابتسم رياض وتربع ع السرير وقال: هذا أنتي جيتي... تعالي أبيتس بموضوع
ناظرته شوق بخبث وراحت له....
.
.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد يومين....
أبو ديمه راح لبيت أخته وشافها جالسه لوحدها....
أم فيصل: حيا الله بسام
أبو ديمه: الله يحيتس.... كيف حالتس
أم فيصل: نحمده على كل حال... وش أخباركـ أنت
أبو ديمه: بخير.... بندري تعالي أجلسي أبي أحكي معتس بموضوع
جلست أم فيصل وقال أبو ديمه: منيب عارف من وين أبدا... بس بقولتس أبو فيصل كلمني من يومين
أم فيصل: وش يبي
أبو ديمه: يبيتس يا بندري... خطبتس مني مره ثانية
أم فيصل: يعني مصر علي... والله إني في حيره
أبو ديمه: تبين نصيحتي
أم فيصل: ايوه قول يخوي
أبو ديمه: لا تفهمين كلامي غلط بس أسمعيني للآخر
أم فيصل: أسمعكـ
أبو ديمه: بندري أنتي كبيرة وفاهمه... وما شاء الله عليتس ربيتي عيالتس أحسن تربيه... لا تحرمين نفستس من الزواج بتركي أو غيره... ومهما كان ردتس أعرفي أن بيتي مفتوح لتس ولعيالتس
أم فيصل: الله لا يحرمني منكـ يخوي
أبو ديمه: تذكري يا بندري أن تركي ولد خالتتس... وبيوم كان زوجتس وما طلقتس إلا بسبب سوء تفاهم بينه وبين أبوه الله يرحمه
أم فيصل: عارفه
أبو ديمه: مع أن عيالتس حولتس بس مدري ليه أحس أنتس وحيده... وبالنهايه القرار لتس واللي تبينه بيصير
أم فيصل: مشكور يخوي ما تتصور وش قد أثر فيني كلامكـ... الله يخليكـ لنا يا بسام
وافقت أم فيصل وحددو الملكة يوم الخميس.... رجع أبو فيصل الدمام حتى يبشر أخته ويجيبها معه....
أم أميرة: حيا الله أخوي
جلس أبو فيصل: الله يحيكـ... كيف حالكـ وكيف حال العيال
أم أميرة: كلنا بخير... وين البنات عنكـ
أبو فيصل: تركتم عند أم فيصل بالرياض... خلينا من بناتي الحين وسمعيني
أم أميرة: قول
أبو فيصل: أنا أبغى أتزوج
فرحت أم أميرة بس فرحتها نقصت لأن أخوها تأخر كثير: فرحتني يخوي... بس
أبو فيصل شاف أخته متضايقه وقال: وش فيكـ
أم أميرة: ولا شي... ـ كملت بتردد: بس هـ..هـ.ـند ملكت من أسبوع
ابتسم أبو فيصل: الله يوفقها
أم أميرة: آسفة يخوي... والله لو عارفه كان..
قاطعها أخوها وقال: هذا نصيبها يا مها... وأنا جاي أقولكـ إني خطبت البندري
أم أميرة: البندري هي أم فاتن بنت خالتكـ صح
أبو فيصل مبسوط: ايوه... والملكة الخميس الجاي
أم أميرة: مبروكـ إن شاء الله... وأنا ما همني غير راحتكـ يخوي
أبو فيصل: الله يباركـ فيكـ... هاه تروحين معي الرياض
أم أميرة: أشوف زوجي وأرد عليكـ
بيوم الملكة....
أم أميرة كانت تراقب ديمه وتدقق بتصرفاتها.... وحيدة أهلها ودلوعتهم.... دلوعه بس عاقلة وما عندها سوالف لأن تفكيرها بسيط.... عجبتها ونوت تكلم أخوها ماهر عنها....
أم راكان مبسوطة وهي تراقب فاتن خطيبة ولدها راكان....
أما سجى انسحبت عن المكان وراحت لغرفة أمها.... فتحت الكبت وطلعت طقم الذهب حقها.... ناظرته سجى وابتسمت، جابت أم راكان ها الطقم لأم فيصل حتى تحجز سجى لرياض.... وسجى سوت نفسها ما تدري، وهي عارفه أنهم ما قالوا لها عشان تنتبه لدراستها وما تفكر برياض.... وهو اللي شاغل تفكيرها لأنه سافر لبريطانيا يكمل دراسته....
فيصل ونواف ومهند.... كانوا ينتظرون أبو فيصل يجلس مع أمهم عشان يعلقون عليهم مع خواتهم.... بس أبو فيصل أتفق مع أبو ديمه أنه ما يشوف زوجته إلا بالفندق....
فيصل: يللا يبه ما تبي تشوف أمي
أبو فيصل: شوي مو الحين
تعشوا وخلصوا واستأذن أبو فيصل وطلع وشاف أم فيصل تنتظره بالتهوية وقال: مشينا
أم فيصل: يللا
دخلوا الجناح.... تقدمت أم فيصل وفصخت عباتها وهي معطيه ظهرها لأبو فيصل....
سمعته يناديها: بندري
التفتت له وشافته فاتح ذارعيه وقال: تعالي
ناظرته وتذكرت حياتها معه.... دمعت عيونها وقربت منه وضمته وبكت بصدره....
مسح أبو فيصل شعرها وقال: بندري آسف على كل دمعة نزلت بسببي... وآسف على كل لحظه تأذيتي فيها بسببي
مرت الأيام....
راحت البندري لجناح أمها وأبوها ودخلت.... شافت أمها جالسه عند الكومدينه وتحط ميكـ أب.... وأبوها جالس ع السرير ويكتب ع اللآب توب....
قربت من أبوها وقالت: فيثل يقول بابا أنزل تحت
ناظر فيصل بنته وقال: هذي مدري وش سالفتها... الظاهر إني منيب مالي عينها وتناديني بأسمي
زوجته دلال: تناديكـ مثل ما ينادونكـ اللي حولها
فيصل: بنوو أنا بابا مو فيصل
البندري: بابا تحت أنت فيثل
شالها فيصل وباسها: من عيوني يا قلب فيثل
دلال: إذا هي قلبكـ وتروكي
نزل فيصل من السرير وقرب من سرير ولده: تريكي صغير وما بعد أقرر إذا أحبه ولا لا
دلال: حرام عليكـ
فيصل يهز ولده يصحيه: بو التروووكـ قم يا كسلان يللا
بكى تركي والتفتت أمه: فيصل وش فيكـ عليه
فيصل: هذا من جا للدنيا وهو نايم... صحيه خليه يتحركـ أخاف يصير غبي من كثر النوم
قامت دلال لولدها: وأنا أخاف ينجن منكـ... حرام عليكـ هذا نونو والنوم زين له
فيصل: طيب طيب... أنا بنزل تحت تعالي بنوو... منتي نازله
دلال: أنت اسبقني أنا ببدل وألبس تروكي وجايه
مسكت البندري يد أبوها ونزلت معه تحت....
حطت فاتن السفره على الأرض عشان أم زوجها.... جابت الأطباق مع العصير ووزعتهم ع السفره....
أم راكان: ما قصرتي يا بنتي باركـ الله فيتس
فاتن: ما سويت حاجة
أم راكان: وين راكان
فاتن: دقايق وجاي... خليني أجيب العيال
راحت فاتن لعيالها سعد وعبد العزيز.... من زمان تناديهم وهم مطنشينها.... عشان كذا طفت التلفزيون....
ناظرها عبد العزيز: ليه ماما
تخصرت فاتن: عزوز سعيدان قوموا تعشوا يللا
قاموا وهم طفشانين.... نزل راكان وهو شايل بنته ملاكـ اللي عمرها 3 سنوات.... شاف فاتن وقال: وش فيتس
فاتن: توي أنادي عيالكـ للعشاء
راكان: وأمي
فاتن: جلست ع السفره... تعال يمكن تاكل
راكان: آآه رحمت الله عليكـ يا يبه... من توفى وأمي قليل تاكل
فاتن: الله يرحمه ويصبر خالتي
راكان: وين شوق
فاتن: شوق طالعه مع بنات خالتها
راكان: وش عندهن
فاتن: رايحه لسوق تشتري لبنات خالتكـ مثل منت عارف... بنات خالتكـ توهم بتموسط وثانوي وخالتكـ حامل وتعبانه
راكان: اهاا طيب ورياض
فاتن: رياض راح لبيت أبوي مع سجى... يللا تعال نتعشى ونروح لهم بعد شوي
مشت فاتن وراكان يناظرها وتذكر وصف شوق لها من أول مره شافتها.... وصف أخته لها خلاه يتعلق فيها ويخطبها....
التفت سعد لما شاف أبوه جلس وبحضنه ملاكـ.... قال وهو زعلان: بابا أنت تحب ملاكـ وما تحبني صح
ابتسم راكان لولده: ليه
عبد العزيز: ايوه أنت تحبها وما تحبنا
ناظرها راكان وباسها وقال: أنا أحبكم كلكم... تعشوا الحين عشان آخذكم لبيت جدكم تركي
ابتسمت فاتن وهي تناظر عيالها ولما ناظرت بنتها زفرت بحسره.... ما تدري وش ها الحراره اللي خلت بنتها بكماء.... وما عرفوا لها أي علاج....
بالمجمع شوق مع بنات خالتها.... تركتهم بالمطعم وراحت تصلي.... مازالت عبايتها ع الكتف بس أنها خالية من الزينة.... وزيادة على كذا أنها غطت وجهها....
طلعت من المصلى وهي راجعه ما انتبهت بالشخص اللي يراقبها ويلحقها.... لأنه شكـ فيها وقال يجرب: شوق... شوق
التفتت وشافت ريان يناظرها لأنه عرفها.... أشر لها تعالي وهو مبتسم....
ريان خطبها من أسبوع وما بعد يردون عليه.... راكان ورياض لما عرفوا أنه نفسه اللي انتقم من أبوهم.... فرحوا به لأن بانتقامه خلا أبوهم يصحح غلطاته ويرجع للناس حقوقهم.... وتركوا الراي لشوق اذا تبيه أو لا....
راحت له لأنها تبي تكلمه.... انبسط ريان لما شاف شكلها متستره غير عن قبل.... وهو ما عرفها إلا من عيونها.... قربت منه شوق ودق قلبها، أول مرة تستحي منه لأنها ما تدري عنه من مسكوه الهيئه.... ولأنه خطبها وكان مفاجأة لها أنه خطبها....
ريان: كيف حالكـ يا شوق
شوق تختصر السوالف: نعم وش بغيت
ريان: شوق لا تخلي اللي صار بيننا يأثر على رايكـ
ناظرته شوق وقالت: أكيد بيأثر برايي... أنت تعرفني وأبوي أخذ فلوس أبوكـ فمعناه مراح تثق فيني... كنت ناوي تفضحني وضريت اخواني يعني مراح أثق فيكـ... وما تدري يمكن ثاني يوم من زواجنا تطلقني بس عشان تنتقم من أهلي
ريان: بالهداوه يا شوق أكلتيني بقشوري... سمعيني شوي الحياه مو كلها انتقام وفلوس ومدري ايش... بالعكس في حب في عفو وسماح في شي اسمه صفحة جديدة... شوق أنا من أول مرة شفتكـ فيها حبيتكـ قبل ما أعرف أنكـ بنت العاصي... صحيح زعلت لما عرفت ها الشي وأصريت إني اهددكـ بصوركـ... وكل هذا بس عشان يسأل أبوكـ من ولده أنا... ولا أنا ما فكرت أنشر صوركـ أو أضركـ لأن عندي خوات وأخاف عليهم... وأنتي عارفه إني انهيت كل شي سويته لكم ووضحت لأبوكـ السبب ومحد لامني يا شوق حتى اخوانكـ
شوق لانت شوي مع كلامه: بس أنا أخاف تعايرني بأبوي
ريان: أولا أبوكـ توفى الله يرحمه ويغفر له... ثاني شي لا تنسين أن أبوكـ رجع لنا حقوقنا... صحيح مو شركة بس مبلغ كبير... واشتغلت فيها أنا واخواني من الصفر والحمد لله أمورنا ممتازة... وبالنسبة للثقة أنا واثق فيكـ وعارف أن مالكـ سوالف تافهه... ـ ابتسم وقال: ولو أنا ما أحبكـ وأبيكـ تكونين زوجة لي كان ما كلمت أمي حتى تخطبكـ لي... وإذا على أهلي حتى هم موافقين عليكـ... لأن أختي بس تمدح فيكـ عندهم... لأنها تشتغل معكـ بالندوة العالمية... أنا خلصت كلامي يا شوق وبالنهايه القرار لكـ وأنتي حره.... يللا روحي لأهلكـ لا تتأخرين عليهم
شوق: لحظه وش أسم أختكـ
غمز لها ريان: فكري شوي وتعرفينها
راح ريان أما شوق تذكرت وحده معها بالندوة ودايما تقولها: أنتي تشبهين حد بس منيب ذاكره من
ابتسمت بداخلها" عرفتها أكيد ليلى أخته.. صحيح تشبه له مرره ".... راحت شوق لبنات خالتها وهي مبسوطه.... كلام ريان ريحها كثير وجدد الحب بقلبها....
بنفس الوقت ببيت أبو ديمه....
دخل ماهر أخو تركي لبيت أهل زوجته مع زوجته ديمه وعياله بسام وسلمان اللي عمره 5 أشهر....
ديمه: وش أخباركـ يمه
أمها: بخير وش أخبارتس أنتي
ديمه: الحمد لله
ماهر: ما عرفتوا... فيصل ولد أخوي جاله ولد
أبو ديمه: ايوه اتصل فيني حبيب قلبي مهند وقالي... الولد من شهر جا بس انتم مسافرين وما تدرون
ماهر: هههههههه أخبارنا قديمه
ديمه: ههههه صادق ماهر شكلنا غبرنا... إلا يبه هذي جديده حبيب قلبي مهند
أم ديمه: فديته مهند هو اللي قايم فينا وأغراض البيت هو اللي يجيبها
ديمه: مهند ولد خالتي!!
أم ديمه: ايوه ذاكـ اليوم قال يبي ينام ليله عندنا والله أنه ملى البيت بعدتس يا بنيتي
أبو ديمه: وليه ما تقولين لها... ترا مهند أخذ له غرفة هنا
ديمه: صحيح يبه
أبو ديمه: ايوه المسكين يستحي من زوجات اخوانه... ويوم إني قلت له يسكن معنا وافق لأنتس مسافرة وساكنه الشرقية... ومن يومها وهو قايم فينا الله يوفقه
أم ديمه: ما رضى ياخذ غرفة من فوق... أخذ الغرفة القريبه من المجلس... وإذا جيتي هنا يروح لبيت أبوه حتى تاخذين راحتس... وإذا رجعتي الشرقية اتصلت فيه ويجي
ماهر: ما قصر والله فيه الخير مهند
دخل فيصل الصالة مع بنته وشاف أمه وأبوه جالسين.... سلم عليهم وبوس راسهم وجلس.... ناظر أبو فيصل ولده وابتسم لما خطب له بنت صديقه بدر.... بدر اللي جمايله مغرقته ويا ما صبر عليه ونصحه....
أبو فيصل: وين بو التروكـ ما جبته
فيصل: أمه تلبسه وتنزل... وين نواف
ناظرت أم فيصل بنواف اللي توه داخل: هذا هو جا
دخل نواف مع دانه بدبتها: السلام عليكم
الكل: وعليكم السلام
سلموا عليهم وجلسوا....
نواف: كيف حالتس يمه وأنت يا عمي
أبو فيصل وأم فيصل: الحمد لله
فيصل: ها يا دانه... كم باقي لتس ع الولاده
دانه: اسبوع بس ويمكن قبل... والله إني ميته خوف
أم فيصل: ههه لا تخافين يا بنتي الله يسهل عليتس
نزلت دلال وبيدها ولدها.... سلمت ع الموجودين وجلست....
أم فيصل: فيصل... عطني تروكي
قام فيصل وخذ ولده وعطاه أمه.... دخل مهند مع رياض وسجى: السلام عليكم
الكل: وعليكم السلام
مهند: بنوو تعالي سلمي على عموو
ركضت له البندري وهي تضحكـ....
سلم رياض على أبو فيصل: وش أخباركـ يا عمي
أبو فيصل: نحمده على كل حال... متى جيتوا من ماليزيا
رياض: من يومين... صحيح فيصل جا لكـ تركي صغير
فيصل: ايوه
شالته سجى وقالت: ناظر رياض
باسه رياض وحط مبلغ مع ملابسه وقال: خطبته لبنتي يا فيصل
فيصل: والنعم والله... الله يبلغنا
سجى: آمين... على فكرة يمه ندى مهيب جايه
أمها: ليه
سجى: تقول زوجها تعبان وما تقدر تجي
أمها: الله يشفيه
ابتسم أبو فيصل لما شاف زوجته وعياله وأحفاده حوله وقال: الله لا يغير علينا
زوجته: اللهم آمين
.
.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابتسم أبو فيصل لما شاف زوجته وعياله وأحفاده حوله وقال: الله لا يغير علينا
زوجته: اللهم آمين
.
.
نرجع لورا
.
.
لسنين كثيرة
.
.
رجع تركي للواقع لما سمع صوت أخوه ماهر وهو يلعب بسيارته.... كل اللي صار كان من خيال تركي وهو يفكر بأهله.... وبردة فعلهم لما يعرفون بموضوع زواجه.... هو ما طلق البندري وشتت عياله.... ما تزوج بنت عمه وعانا معها الين ماتت.... ولا حتى سعد تصالح مع اخواته، ولا أم سعد هي خالته.... وما بعد يزوج عياله ويصير جد....
لا كل اللي صار من خيال تركي لما فكر وش بيصير إذا طلق زوجته.... يعني شخصيات كثيرة مالها وجود....
كان جالس ببيت أبوه بالدور الثاني لأنه وصل الليل ودخل نام.... شاف أميرة بنت أخته تحبي له الين وصلت لحضنه وقالت: بابا
شالها ورفعها لأنه كان متمدد ع الأرض.... ضحكت أميرة، أما تركي يلعبها لأنها تذكره ببنته ولأنها ما كملت السنة إلا وتوفى أبوها....
جت زوجة أبوه وشافته جالس مع العيال وقالت: تركي وش فيكـ جالس مع العيال... وين مها عنهم
عدل تركي جلسته وقال: قالت بتروح دورة المياة... وين أبوي
أم يوسف: تحت بمكتبه وين بيروح
تركي: لحاله ولا يوسف للحين عنده
أم يوسف: لا أخوكـ طلع
وقف تركي: بروح له
نزل وراح المكتب وطق الباب ودخل.... شاف أبوه جالس ع الكرسي ومعطي ظهره للمكتب....
تركي: يبه
أبو يوسف: نعم يا تركي
تركي يناظر ظهر الكرسي الأسود وبخاطره" طيب ناظرني.. على ايش ها الغرور": بغيت أقولكـ عن حاجه
أبو يوسف: زواجكـ صح
تفاجئ تركي.... وكمل أبو يوسف: قالي سعد عنكـ وأدري أن عندكـ عيال
تركي: ليه قالكـ
أبو يوسف: شف أنت وش مسوي له وهو حب ينتقم منكـ وقالي... وأنا سويت نفسي معصب لما قالي وتركته
تركي" يعني مو مهتم كالعادة... مدري ليه تعبت راسي وأنا أفكر بردكـ " : طيب هذا أنت وعرفت... ـ عطاه ظهره وقال: أنا طالع
أخيرا التفت أبو يوسف بكرسيه وشاف ظهر تركي وقال: لحظه يا تركي
وقف تركي من غير ما يلتفت: آمر يبه
أبو يوسف: لما أكلمكـ ناظرني
تركي: وهذا أنت عطيتني ظهركـ وأنا أحكي معكـ... والحين ما رضيت على نفسكـ
وقف أبو يوسف وتقدم لولده وقال: تركي تعرف أن أبو سعد كان صاحبي وشريكي أيام قبل
تركي: لا... توي اعرف
أبو يوسف: وهذا أنت عرفت... تركي أنا عارف إني عذبتكـ عشان كذا تركت براحتكـ... ولما عرفت أنكـ متزوج بنت عبد العزيز تطمنت عليكـ... وأن حبيت تجيب زوجتكـ وعيالكـ جبهم... هنا بيت أبوهم وهنا بيت أهلهم... ـ ضمه وقال: مبروكـ يا تركي
استغرب تركي وقال: الله يباركـ فيكـ
بعد عنه أبوه وقال: وأنا كل اللي يهمني أنكـ مرتاح... وإذا قاصركـ شي قلي
تركي: ما تقصر... عن أذنكـ بروح أبلغ أمي
طلع تركي وهو مستغرب رد أبوه الهادي.... دخل الصالة وشاف زوجة أبوه مع أخوه وأخته والعيال....
جلس وقال: سمعوني أبغى أقولكم عن حاجة
أم يوسف: وش هي
تركي: ترا أنا متزوج
الكل بصدمة: متزوج!!
تركي: ايوه... وتجهزن الأسبوع الجاي لأني بجيب زوجتي وعيالي هنا واحتمال أهل زوجتي بعد
خالد: وأبوي يدري
تركي: ايوه أنا بلغته إني متزوج من 4 سنوات... وهو كان عارف وما اعترض وقالي أجيبهم
أم يوسف: مالنا راي بعد راي أبوكـ... بس أسبوع ما يمدي
تركي: إلا يمدي
خالد: من بنته متزوج
تركي: بنت عبد العزيز العاصي
خالد: بنت بو سعد
تركي: تعرفه
خالد: ايوه وأساسا احنا نتعامل مع سعد بالعمل
تركي: توي أعرف
خالد: خل أكلم يوسف عشان نسوي لكـ العزيمه بمجلس العايلة
بنفس الوقت....
وصل بسام ومشاعل والبندري البيت.... واستغربوا لما شافوا سيارة سعد موجوده....
مشاعل: أدخل المجلس يا بسام... يمكن المنحوسه داخل
دخل بسام المجلس اما مشاعل والبندري دخلوا الصالة.... شافوا فيصل يلعب مع راكان ولد خاله.... أما فاتن نايمه....
مشاعل: وين أمه
البندري: مدري... ركوني تعال
راكان اللي عمره 5 سنوات كان يناظرهم بخوف.... لأنه ما يعرفهم، قربت البندري منه وقالت: ركوني وين ماما
راكان: لاحت
البندري: من جابكـ هنا
راكان: بابا
البندري: وينه بابا
اشر راكان بيده على غرفة ام سعد وقال: هنا
راحت مشاعل مع البندري لغرفة أمهم....
أم سعد: خلاص يا يمه... جوهرة ما تستاهلكـ
سعد: والله ما قصرت عليها بشي وآخرتها تخوني
التفتوا لما سمعوا صوت طق الباب.... دخلت البندري وقالت: وش صاير
وقف سعد وراح للبندري وضمها وقال: بندري... سامحيني يا أختي
البندري مصدومه.... بعدها سعد عنه وحط يده بخدها وقال: سامحيني يا بنوو أنا عذبتس كثير وأنتي ما تستاهلي إلا كل خير
البندري تفكيرها صغير ما عرفت وش تقول بها الموقف.... قالت ببساطة: طيب
ابتسم سعد وقال: والله أنتس طيبه واصيلة... وأنا غلطت لما زوجتس وانتي صغيرة
مشاعل: كل حاجة قسمه ونصيب يا سعد
ناظرها سعد وضمها.... بعدها عنه وقال: وانتي بعد يا مشاعل سامحيني وحلليني... غلطت عليتس كثير انتي وبسام
مشاعل مو مصدقته.... قالت: والست جوهرة عطتكـ تصريح حتى ترجع لنا
عصب سعد: اسكتي لا تجيبي سريتها الله يلـ..
قاطعته أمه: لا تلعن يا سعد... ربها يجازيها ويعوضكـ بحرمه سنعه أحسن منها
مشاعل: ليه وش صاير
سعد: هذي وحده قذرة كفاية أنها حرمتني منكن وبالآخر طلعت خاينه
مشاعل: لا حول ولا قوة إلا بالله... الله يعوضكـ يخوي، وأن حبيت من بكرة أدور لكـ على بنت الحلال اللي تناسبكـ
سعد: لا... أصبري علي الين ما أخلص موضوع الطلاق وبعدها سوي اللي يريحتس... بس ما عليكن مني الحين... وبكرة الصباح باخذكن معي للمحكمه
البندري: ليه
سعد: برجع لكن فلوسكن... الدنيا رايحه والفلوس رايحه وأنتم أهلي وأنا مالي غيركم
البندري: هذا صوت فتونه شكلها تبكي
طلعت البندري وسمعت صوت بسام يطق الباب ويتنحنح.... دخلته وقالت له اللي صار لسعد وزوجته....
سعد: إلا وين تريكي ماله حس
أم سعد: هذا زوج أختكـ تقوله تريكي كنه بزر
سعد: ههههه طيب وينه أبو فيصل... حلو كذا
مشاعل: راح الدمام عشان يقول لأهله أنه متزوج... الله يستر كان ما يطلق بنوو
سعد: لحظه ترا أبو تركي يدري أن تركي متزوج وعنده عيال بعد
مشاعل وامها: جد!!
سعد: ايوه أنا اللي قلت له وهو عصب... غريبه ظنيت أن بنوو مطلقه
أم سعد: بسم الله على بنتي من الطلاق
مشاعل: ما ندري عن أبو تركي وش يقول
بعد يومين وصل تركي الرياض لبيت أم سعد....
دخل البيت ومسوي نفسه متضايق.... شافته البندري ودق قلبها شكله يقول أهله رافضين.... ما قدرت تسكت وقالت: تركي وش صار مع أهلكـ
ناظرها تركي وابتسم: فرحوا يا بنوو فرحوا
البندري: جد!!... يعني كيف فرحوا
تركي: يعني يا حلوه تجهزي أنتي والعيال وبلغي أهلتس لأن أهلي مسوين لكم عزيمه كبيرة... عشان يشوفونكم ويتعرفون عليكم
البندري: وأبوكـ وش قال
تركي: أبوي كان عارف من سنين إني متزوج وأخوتس هو اللي قاله... لا وصار أبوتس صديقه عشان كذا كان عارف وساكت
البندري: يمه مشاعل سمعتوا تركي وش قال
طلعوا امها واختها من المطبخ وهم يزغرطون فرحانين.... ومعهم سعد وبسام اللي تفاجئ تركي بوجود سعد معهم.... لما قالت له البندري عن سعد فرح أن أهل زوجته تصالحوا....
بعد العزيمه بيومين سافر تركي مع زوجته وتركوا عيالهم عند أهلها....
تركي: بنوو وش فيتس لاصقه فيني
البندري ميته خوف: وش فيكـ هذا بيت أعداء الله الفراعنه
تركي: طيب وبعدين
البندري تناظر حولها: يعني ها المكان عليه لعنه ويمكن يجينا شي لأننا دخلناه
تركي: ههههه وش معنى حنا يعني... ناظري حولتس حتى الأجانب جايين سياحه
البندري: تكفى خلنا نطلع تكفى
تركي: يللا... بس مدري من وين دخلنا
البندري بصدمه: جد!!
ناظر تركي شكلها وضحكـ: ههههههههه والله أخاف تجيتس سكته قلبيه
ضربته البندري على كتفه وهو يضحكـ عليها.... شالها فجاة وقال: أمووووت أنا ع الدلوعة
البندري ضحكت: ههههههه تركي وش فيكـ انهلبت
تركي دار فيها وقال: ايوه انهلبت... يا حياتي يا بنووو
ناظرت البندري حولها وشافت ناس يناظرونهم وفرحانين لهم.... قالت: تركي ناظر كيف الناس تناظرناااهههههههههههه
وبكذا عاشوا أبطالنا وبكذا أنتهت الرواية....
تمت
14 \ 7 \ 1425 هـ
اختكم
الـ ج ـوري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك