رواية اعذريني يا غرام لو حصل مني قصور -22
هنا تكلم ناصر بطبعه الصارم : باين انكم منقلقين....!!!..
وينكم ماجيتو المطار ولا اهتميتو بابوكم ولا واحدن فيكم جا عنده وواساه
راشد بارتباك : ليه وش صاير
: اللي صاير ان فاطمه اختكم وزوجها وبنتهم
............... ماتو
راشد وفيصل طااحو على ركبهم من اثر الصدمه
\
\
\
\
الجزء الواحد والثلاثون ::))
ساره : يااربي يامامي مشتااقه للدوبا لمو واتصل عليها ماترد الخايسه انا اوريها
كذا تعمل بي
امها : ياحبيبتي يمكن البنت مشغوله الايام ذي اغتنم لاخيك سبعين عذرا
: والله مدري ... الا صدق ماما متى بنطلع للمزرعه مررررره مشتااقتلها
: اممممممم تقريبا على شهر 2
: يعني باقي 5 اشهر
: ايوه .. مايصلح نروح بالوقت ذا
: اها .... طيب ماماي انا بدي روح نام بدك شي
: سلامت روحك حبيبتي روحي نامي نوم العوافي
: الله يعافيك
هدى تبكي وتشاهق : آآآآآآآآآآآآآه ماتت بعز شبابها ويتمو بنيتهم
رابحه : يامره تعوذي من بليس انا لله وانا اليه راجعون ذا يومهم
رشا ودارين وامل ولمياء وربا
الكل يهدي بام راشد ويواسيها
وهم يبكون بحراره على فقد الغاليه
ام التوأم
ام زياد اختهم الي متزوجه كويتي حظرت الزواج
وخرجو وردو الكويت على طول لان زياد كان عنده دوام وضروري يرجعون وماكانو يدرون عن
ذا كله
عند الرجال
ابو راشد مسح دموعه ورفع راسه ووجه عيونه لراشد
راشد فز من جلسته واتجه لابوه : سم يالغالي
: رح انت وعيال عمك واعلنو عن العزا
العزا من باكر بيبدي بمشيئه الله
: تامر امر
اللحين والا بعد الدفن
: خله بعد الدفن افضل
: تم
رجع لمكانه
وتلثم بشماغه
ونزل راسه
فيصل لف لراشد: ابوي يبغا حاجه
راشد ما لف على فيصل فقط رد وهو منزل راسه : يقولي عن الاعلانات
فيصل سكت ونزل راسه
جهاد خرج من المجلس لاتصال جايه
: هلا
ام جهاد : يامك ياجهاد شلون ابوك وعمك
: مايشكون باس
شلون عمتي ام راشد
: ماعليها .. هدت الحمدلله .. ماقالولك العزا متى ؟
: باكر
: طيب يالغالي جيب لام راشد مسكن عساها تهدا اعصابها شوي ذبحها الصياح
: ابشري ثواني وانا عندك
: سلمت
خرج جهاد من البيت ولحقه عبيد
: جهاد
لف عليه جهاد : هلا
: الاهل بهم شي ... الوالده متصله علي اكثر من مره وتوني اشوفه واتصل اللحين ماترد
: مابهم باس لا تحاتي مغير يبغون مسكن بجيبه من الصيدليه
: فمان الله
وليد : لارا مااتصلتي على زوجك يمكن بهم حاجه لا سمح الله
دخل ابوه بهاللحظه : ليه عسا ماشر
لارا باحراج : ابد بس وصلني وراح لاهله يقول متصلين به كثير ويحاتيهم
: بتصل عليه
اتصل بدر على راشد ( الجهاز مغلق )
لف على لارا : جواله مقفل
لارا : هااا ........... الله يستر
بدر : تطمني ان شاء الله مابهم الا كل خير يالغاليه لا تحاتين
تعالي تعالي عندي وانا ابوك مشتاقلك
لارا ماتت من الاحراج مهما كان الى الان ماتعودت عليه
جت وركنت بجنبه
بدر يمسح على راسها : تدرين انك كربون امك
ابتسمت: جدتي تقول كذا
: الله يرحمهم
: آآمين
: وليييييييد
وليد : هلا
بدر : يابوك اتصل بعمك وناولني الجوال
: طيب
اتصل على عمه واعطى الجوال لابوه بعد ماسمع صوت عمه يرد
بدر : هلابك بوعبد الرحمن
: حييت كيف الاحوال
: الاحوال تنشدك فينك لان لارا عندي ذا اللحين
فز عبدالله : لالالا صدق
: ايه والله جابها راشد
: ههههههههههه انا قلت ماهو مطلقها الا بليل
: هههههههههههههه لا اطلقها الحمدلله انت تعال كانك بتسلم
: جاي جاي انا ومعي الاهل
: حياكم الله
عقيل : ياااااالله اقرا اقرا
ماجد جنب عقيل في السياره وعقيل اللي يسوق
وهم ماشين بالطريق لمح عقيل اسم عايله الحاجف
خفف السرعه
ماجد : عزا الحاجف والسمراني
: لاحول ولا قوه الا بالله
: ذي عايله اهل راشد موب
: الا
: اتصل عليه شف
: طيب
اتصل عقيل وكمان حصل الجوال مقفل
: مقفل
بعد ما خلصو الرياجيل من صلاة الظهر بالمسجد كلهم توجهوا للمقبره
بعد ماوصلت الجثث
دخلو للمقبره بهدوء
يتقدمهم ابوراشد ماسك بيد عبدالله اخوه
وبعده ناصر وياسر
والعيال كلهم بعده
ومعهم كان رجاااااال كثثثيييييييييير
حملو الموتى
وصلو عليهم وكلن في حاله
...
..
.
انتهوا من الصلاة
وخرجو من المقبره
والكل صامت ولا تكلمو ابدا
ابوراشد مع اخوانه بسياره يسوق بهم فيصل
وراشد يسوق بالعيال كلهم معه
وصلو البيت
نزل فيصل ابوه لداخل البيت
: يااااااولد
ام عبيد : ادخل ادخل ماوراك حد
دخل فيصل وانصدم بالكم الهائل اللي يشوفه( كل ذا وتقول مابه حد )
مسك ابوه وما يبغاه يناظر حد عشان نفسيته تهدى شوي
توجهو لغرفته
اللي كانت ام راشد بها وام جهاد عندها
فيصل تنحنح
دخل ووضع ابوه على سريره ___
ام راشد من ناظرت ابو راشد ينقاد وهي منهااااااره
: رااحت يابو راشد رااااااحت بنيتي ()()()()>>>>>>>>
++++++ ابو راشد يمسح على عيونه من شماغه
وانسدح على سريره وهو مهموووووووم ماهو ناقص اي شحنه تزيده
؟"| خرج فيصل وام جهاد
ام جهاد : عظم الله اجركم
فيصل تلثم : اجرنا واجرك ياعمه
خرج من البيت بعد ماسمع البكي والانهيار والتأوه والشهاق
( لا اله الا الله بيزيدن على الوالد كذا الله يهديهم الحريم مايعرفن يمسكن عمارهن )
بدت ايام العزا تقليديه مافيها اي مواقف
عقيل واهله جو عزو ابو راشد واهله
بدر ابو الوليد وعبدالله اخوه كمان عزوهم
كل اللي جاه الخبر من جيران واهل وقرايب وحتى الغريبين
جو عزوهم
وواسوهم على بلواهم
الشخص الوحيد اللي فقد اهله من قلب
هي
((((""""""""""""""""" لمـــــــــــــــــا """"""""""""""""))))
ماكانت فاهمه ايش يعني ماتو توقعت انهم الى الان في لندن
مستحيييل معاد تشوفهم بعد اليوم
كانت تناظرهم يبكون
وهي ماتقدر تبكي لانها ماهي مصدقه انهم خلاص فنوا وانها بتعيييييش وحيده
|||||||||||||||............... مستحييييييييييييييييييييييييييييييييييييييييل
بعد انتهاء العزا
دخلو الرجال لبيوتهم يريحون
وابو راشد وامرته كانت نفسيتهم بالحظيييييييظ
ومحدن يكلمهم ابد
دخل راشد
وتوجه لغرفه لما
ضرب الباب
ماسمع رد ودخل عليها
: لمو حبيبتي
لما تناظره وعيونها مليانه بالدمع
: خالي راشد ماما وبابا ولميس وينهم
راشد حزن لها وقلبه بدى ينبض بسرعه
كسرت خااطره مرررره
على شكلها
وعلى رجفتها وطفولتها البريئه
: حبيبتي ماما وبابا ولميس راحو عند الله
انتي ادعيلهم قولي ان شاءالله يدخلون الجنه
حتى حنا بنروح الجنه معهم ان شاءالله
لما طاحت على صدر راشد
وهو ضمها اكثر له
بكت بكت وبكت
وشاهقت
: خلالالاص مااشوفهم مره ثانيه
: يا بابا انا عندك والا ماتبيني خلاص
: الا ابيك بس ابي ماما وبابا واختي كمان
راشد ضمها لصدره
وبدى يهديها
وهي تبكي زياده كل ماتذكرت انها <<<<<<<< وحيييييييييييييييييييييييييييييييييييييييييييييييي يييييييييييييييييييييييييده
,,,,,,,,,,,,, انا الذي من شوف الاحباب محروم..
والله يكفي شر زلات الاقدام..
,,,,,,,,,,,,, قبل امس مع ربعي سواليف وعلوم..
واليوم طاويني هواجيس وهيام..
,,,,,,,,,,,,, اضحك ضحى قبل امس وابكي ضحى اليوم..
مااسرع دورات الليالي والايام..
مرت 10 ايام ولم يحدث الجديد
ولكن الاوضاع استقرت
وكلن عاد الى عمله
وحياته من جديد
وسار بهم الطريق الى حيث يبحثون
راشد وعنده مراجع وهو ماله نفس وحاس انه بيخنق الناس الى امامه
لان المراجعييين اليوم كثار
واول دوام لراشد من بعد العزا
وامس طوول الليل لما عنده يلهيها ويلعب معها سوني يبغاها تنسى باي طريقه
لكنها كل فتره تذكرهم وتبكي اذا كان راشد لاهي عنها
لانها من بعد فقد اهلها
وهي تنام مع راشد وتصحى معه
وتاكل معه وتطلع معه حتى لمجلس الرجال مايخرج فيه كثير لانها متمسكه به ماتبغاه
يتركها وتبكي اكثر اذا قال بروح
تخبر انه بيروح مثل اهلها ويتركها
وهو يضطر يعاود لها عشان ماتحس بالحرمان
وطول وقته معها
اليوم بالموت قدر يتسحب من الفراش ويلبس ع السريع ويقوم للدوام ويتركها وهي ماحست به
وصا امه عليها
وخرج
المراجع شاف ان راشد سرحان وماله مزاج نهائي
: دكتور الله يعافيك علامك انا احاكيك من اليوم
: معليش اسف سرحت ميخالف تعيد وش قلت
: طيب
سالم دخل على راشد المكتب
راشد ناظر سالم اللي ماتركه وطوال الوقت وهو معه ويتصل عليه ويجلس هو وياه
ولما بالمجلس
وتعلق مرررررررره بلما ومستحااها منه
وكل يوم ينشد عنها وهي هضمته شوي لكنها ما مانت عليه مرره
شجن : بابا
عبدالله : هلا بروح بابا
: امممم بابا حنا متى نروح عند الله مثل لميس
ابوه فجع من كلامها : اييييييييش مين لميس
: بابا اليوم بالمدرسه قالت الابله ان لميس بصف خامس راحت عند الله هي
وامها وابوها بس حرام ماخذو لما
عبدالله بصدمه : بابا انتي تعرفينهم
: ابه هم معي بالمدرسه علامك بابا
: لالا خلاص حبيبتي حنا بعدين نروح عند الله موب اللحين ياقلبي
راح لزوجته
: اسيل
: هلا
: طلعت العايله الي متوفيه بنتهم مع لما تصوري
اسييييل باستغرااااااااب : لالا لاتقول
: ايه والله
: الله يرحمهم بنتي مهذريه بهم دايم ماعندها الا لما ولميس
روان : اوووووووووووووف ماني راجعه معك انت ماتفهم
فيصل بقهر لانها تمادت معه :انا عند الباب ان ماخرجتي بنزلك واخاذك من شعرك
قفلت الجوال بوشه
فيصل فااااااااااار دمه منها وصلت لمرحله تمرد
و تعب منهااااا كثيييييير
آآآآآآآآآآآآآآآآآآآآآآآآآآآآآآآآآآآآآآآآآآآه يالقهر انا تقفلي بوجهي يابنت الكلب
قسمن بالله عنادا فيك ذا الوقت مافيه طلاق لحد ماادورلي على مره سنعه واخليك ساعتها
تنطقين عند اهلك
انتظرها ربع ساعه ماجت
نزل وضرب الباب
فتحت الخادمه : نام بابا تفدل مجلس
دخل فيصل : صوتي على روان قولي بابا يبغاك بالمجلس
: اوك
دخل المجلس والخدامه دخلت عند روان
: ماما هادا بابا مال انتي يبغا انتي في مجلس
: اووووووف ابوي ذا وقته بعد
ام روان : روحي لبوك شوفيه يمكنه يبغا منك حاجه ضروريه
: طيبب طيب برووووح
دخلت على فيصل المجلس
: نعم بابا
فيصل ظن انها تتمصخر عليه
: ايه بابا وتاج راسك
توجه لها وهو واااااصله معه : والا عندك غير ذا الحكي
روان نفضت يده الي كان ماسكها به : ذا انت..... نعم وش تبغا ان شاءالله
:ابد انا ما ابغاك لكن الوالد اصر علي اجيبك
مسك يدها وباعلى صوته
سااااااااااااااااااااااااااااااااااندي
ساندي جته تركض : ناام بابا
: جيبي عبات ماما روان
: اوك
روان تحاول تفلت منه لكن لا مفر مجودها تماااااام
روان بنضرات خايسه لفيصل
: انت وبعدين معك اتركني ما ابغاك
: انا يعني الي ميت عليك
جابت الخدامه العبايه ومسكها وناظر الخدامه بنظره يعني وش تبغين
انحاااشت من نظرته
مسك العبايه ورماها ع الارض
: البسيها يلا بسرعه معنها يبغالها العبايه ذي عباايه اخرى تغطيها بس معليش تربايتك على يدي
: اييش اييش اييييييش
حطت يدها عل خصرها وكملت : اذا ابوي الي هو ابوي ماعارض على حاجه من لبسي
واصلا ماله خص ولو يتطاول بقص لسانه
تجي انت يالحشره................
ماكملت كلامها
لانها
طاحت
على الارض
والدم حووولها ينزل من فكها
اثر الصفعه اللي حصلتها من فيصل
فيصل بنظرات احتقار : كلامك ذا بتدفعين ثمنه
والله ياااااا ......... بتتربين من اول وجديد على يدي
ياسر يتصل على راشد اللي استأذن من الدوام لانه موب قادر يركز فيه ورااسه ذبحه من العوار
راشد ناظر الرقم واستغرب وش عنده عمه على ذا الصباح
: هلا عمي
: هلابك ابو فارس فينك عسا ما عطلتك عن عملك
: لا.... لاحرمتك انا مستاذن ورايح البيت بريح شوي تعبت
: عسا ماشر
: مابه شر مغير راسي يوجعني باخذلي بندول وبريح شوي
وبيهدا ان شاءالله
: ان شاءالله اجل الموضوع بيتأجل ؟؟؟؟؟
: وش موضوعه قل ماعندك ....؟؟
: موضوع زواجك................. |||||||| اليوم اجمع العيله واخبرهم لانه خلاص
العزا وانتهى والاحوال استوت وش ننتظر ..؟؟؟
: مابه خلاف يالغالي انا على العصير يمدي راسي خف
بس فين بتجمعهم ...؟
: ببيتي بتصل بهم اللحين كلهم وانت لا تنسى تجي
: تم الله لا يخليني منك
: حييت يالغالي ولدي وتستاهل
ابتسم راشد : سلمك ربي
:وابقاك تامر بشي
: سلامت راسك
ابو ماجد : الا ياعقيل خبرني عن اللي شفتها بامريكا صدق تشبهك مرره ؟؟
عقيل استغرب كيف ابوه يتذكر السالفه الى الآن ... ماذكرها الا اكيد
انها مهمه : لا يالغالي بس الظاهر تشبيه
صدق اني مررررره انصدمت بس بعدها قلت يمكن تشابه بس
لان المره شكلها اجنبيه وعايشه بدوله عربيه
شكلها اجنبي بس لبسها وحكيها فيه عربي
: اها .... طيب ماعرفت لو اسمها ... اي شي عنها ؟؟
: لا والله يالغالي
قطع عليهم صوت جوال ماجد
ماجد : غريبه ذا راشد
عقيل استغرب اكثر
ماجد : جوالك موب عندك يمكنه يبغاك ..؟؟
فتش عقيل على جواله ما حصله : يوووووووووووه فوق ناسيه
رد ماجد على الجوال : ياامرحبااا مليوون
راشد بابتسامه : حييت يالغالي ... وش الاخبار
: ماننشد الا عنك
: مابنا خلاف لاهنت ... شلون عمي والي حواليك كلهم
: والله مابهم الا العافيه انت وشلونك وابوك واهلك وشخبارهم
: والله وش اقولك ياماجد كلهم بخير ونعمه بس عاد تدري الى الآن
مربوطين بذكرى
: الله يفرج عنهم ويبعد الاحزان
: آمين .. الا عقيل عندك اتصل على جواله مايرد .. ابغاه ضروري
: عندي هذا هو استلم
مد الجوال على عقيل
عقيل : يااااهلا وغلا باللي نسااني
: ههههههههههه الله لا يهينك..... موب نسيان بس انت اخبر باللي حصل وكيف مااا
نحصل وقت نهااائي
: عاذرك يالغالي ... مغير اتغلى عليك
: الله لا يحرمني من شرواك... وش اخبارك عسااك طيب
: بخيييييير داامك بخير
: الله يجعله دوم .... عقيل ابغاك اليوم تحظر لبيت عمي اذا ماعندك مشاوير من هنا والا من هنا
:ابدا فارغ اليوم لك ... ابشر بعزك تامر يالغالي بس دزلي العنوان
بس بنشدك هو وشنهو عشا والا وش بالضبط
: هو سلمك الله اجتماع عائلي وحظورك انت وابوك واخوك بيهمنا كثيييير
عقيل استغرب بس ماحب يتكلم بالموضوع اكثر : تم طال عمرك
: انا بدزلك العنوان على جوالك واتمنى حظورك بعد صلاة المغرب
: بإذن الله ...
: يلا ماتشوف شر
: مايجيك يالغالي سلم واسلم
ابوماجد : وش عنده راشد
: والله يايبا كلامه مايطمن حااس ان الامر فيه ان
( قالهم شنو قاله راشد بالضبط )
فيصل : وشو ؟؟؟؟؟؟؟؟؟
الدكتور : اصابها نزيف داخلي وتحتاج الى دم
: بس الطيحه كانت مررررره خفيفه
الدكتور بقلبه ( اي طيحه اي بطيخ تضحك علينا صافقها طراق
وتقول طايحه .. المكتوب باين من عنوانه ) : معليش لازم دم
فيصل قبض ايده وحطها بجيب ثوبه وهو في قمه غضبه ورص على اسناانه
: طيب فين الكشف
اشر الدكتور لغرفه الكشف : ادخل من هنا وخلهم يشوفو دمك يناسب والا لا ...؟
فيصل بقلبه
( والله اذا ماينااسب لخليها واطلع واتصل باهلها يجوها
انااا تعبت منها خلاااااااااص معاد فيني اتحملها )
كشف وطلع للاسف نفس فصيلتها
سحبو من دمه
وبدو يدخلون الدم بروان وهو يناظرها من الشباك كيف تتألم
حس بتأنيب الضمير
هي مهما كان انثى وبتتأثر من اي عائق
والقوه ذي مغير غطا تتسلح به
جلس على الكرسي
وطلع الدكتور وخبره انها تمام ويقدر يدخل عليها اذا حاب
قبل مايدخل نشد الدكتور سبب احتياج روان للدم
الدكتور : هي اساسا فيها فقر دم حاد وتحول لانيميا حاده جدا وفقدها لاي ذره دم بيأثر عليها وبتحتاج
اي قطره
: امممم طيب مافي علاج
: الا تعال معي اكتبلك على علاج تاخذه من الصيدليه
اخذ فيصل الورقه بعد ماكتبه الدكتور اللي ياخذه من الصيدليه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك