رواية احتاج لك اذا ضيق الوقت صدري -23
ميرا تكتب بالورقه: الحمد لله انه طلع انا روحي كانت راح تطلع لو سعود صار فيه شي
ريم: بسم الله على روحك حياتي
ميرا تبتسم
ميرا تكتب:ريم مو هذا الخميس المسابقه
ريم تتذكر: ايوا والله صح ذكرتيني
والله بفكر اني مااروح
ميرا تكتب:لا ياريم لاتضيعي فرصه اتمنيتيها سنين
ريم:تبغيني اروح اتسلى وانتي وسعود بهذي الحاله
ميرا تكتب:عشاني وعشان سعود لازم تروحي على الأقل تفريحنا لو نجحتي
واخذتي المركز الأول واحنا الله يدبرنا
ريم:آآآآآه ياميرا لو اعرف مين الي مسوي البلوتوث حلفت بربي مااتركه
ميرا:الي صار صار مااعتقد بيرجع تاني
ريم: بيرجع ياميرا صدقيني بس نبيّن الحقيقه
ميرا تكتب: مين تتوقعي ؟؟
ريم: هيا ماغيرها جمانه وشلتها
ميرا تكتب: تتوقعي؟!!؟
ريم: ومين بيسويها غيرهم بحياتي مااحد حقد عليا غيرها
ميرا:آآآآه بس لو اتاكد انها هيا بذبحها
ريم: قريب انشاء الله
في بيت ماهر
في الصاله
مهران: ماهر ترى انا طفشت راحت رولآ بيتها والبيت من غيرها ممل
وحتى البنات اخذتهم معاها
ماهر: من جد والله حتى كرهت اجلس في البيت
مهران: طيب ايش رايك نهبق هبقه ونسافر مع الشباب برا
ماهر: حلو بس فين؟
مهران: والله مره نفسي اروح هالمرة سويسرا
ماهر: انت من جدك تتكلم
مهران:ايوا من جدي كلم الشباب وشوف ايش يقولو
ماهر بتردد:مادري سويسرا شويه صعبه
مهران: لاصعبه ولاشي
احنا ماكنا نسافر لوحدنا عشان رولا والبنات وهذي المره راحو الثلاثه ومابقى غيرنا
احنا كمان راح نستنى بنت الحلال الي تاخدنا من هذا البيت
ماهر: تستخف
مهران:يلا عاد
ماهر: افكر في الموضوع
مهران: ترى بتكون فللللله طلعه شباب وحركات وعلى سويسرا كمان
ماهر:اشوف
في بيت ابو سعود
في غرفه سعود
ودّعيني
باكر يدين الرحيل { تضمني }
وَ | آتمادى بالغياب
ودّعيني
ما ورى هـ/ الليل ~ صبح
ولا ورى هـ/ الضيق ~ باب !
ودّعيني
وآنثري دمعك علي ..
حسّسيني بـ إحتياجي لو ‘ كذب
عاتبيني فـ كل شيء ..
إلاّ الغياب !
وإعذريني .. لو أخونك ..
و أحضن جروحي بدونك
سعود جالس ع الكرسي الهزاز ويكلم نفسه:خلاص ياميرا خلاص
اخذت قراري وانشاء الله مابندم عليه
اخذت القرار الي يريحني ويريحك
حنساكي حنساكي ياميرا خلاص
انتي بالنسبه لي ماضي واحلى ماضي
بس جاوقت نهايه الماضي لآزم انهيه
وكل واحد يروح لحاله
سعود يمسك الجوال ويتصل في ميرا
ميرا تشوف الإتصال مو عارفه ايش تسوي اترددت في انها تفتح الخط
ميرا مع نفسها: ارد ولا لا طيب راح يسمعني
يمكن يبغى يقولي شي
ميرا تفتح الخط بعد تردد
لحظه صمت
سعود يكلم نفسه: يوووه نسيت انها ما تتكلم يالله ايش هالورطه
سعود: ميرا
ميرا تحاول تتكلم ومو قادرا صارت تبكي
سعود:ميرا انا فكرت وقررت
بس ماينفع ع الجوال
ياليت لو تقدري بعد ساعه تماما تجي للكوفي
لحظة صمت
ميرا تحاول تتكلم ومو قادرا
ميرا حست بقهر
سعود:استناكي
سعود يسكر الخط
ميرا تسكر الخط وترمي الجوال بالأرض وتبكي
بدر يدق الباب ويدخل
بدر: ميرا ايش فيكي ليش تبكي؟
بدر يدور على قلم ودفتر ويعطيه لميرا
ميرا تكتب: حاسسه بضعف يابدر
بدر:ليش حبيبتي انتي موضعيفه لا تقولي كذا
ميرا تكتب:موقادرة اتكلم ومافي احد فاهمني صرت اخبي اشياء جوايا مو عارفه اقولها
بدر يحضن ميرا:ميرا حبيبتي لا تزعلي بترجعي احسن من اول انشاء الله
وانا بسفرك برا تتعالجي
مير في نفسها: انا شفايا مو مستشفيات يابدر انا دوايا وشفايا سعود حياتي بيد سعود يابدر
ميرا تكتب: بدر ممكن تخليني لحالي
بدر: من عيوني
بدر يطلع ويسكر الباب
بدر يروح الصاله عند امه
بدر: امي ترا مايصير نترك ميرا على هذا الحال
ام ميرا: ايش بيدنا يابدر
بدر: بسفرها للندن تتعالج هناك
مروان: ترا ميرا حالتها النفسيه مره تعبانه
ام ميرا: العلاج بيد الله ياعيالي مو كانت هنا في المستشفى
بدر: امي انا بسفر ميرا عشان تتعالج لو بفضل طول عمري اسافر عشانها
مالنا اخت غيرها
البيت مو حلو من غير صوتها
ام بدر تبكي: آآآخ ياولدي سوي الي تبغاه
مروان: ماتلاحظو ان ميرا من طاحت سعود مازارها ولا شافها ولا حتى سأل عليها
بدر: ايوا صح ليش ماجا؟؟
ام ميرا: سعود متغير ماادري ايش صار
والي انتو مالاحظتوه ان ميرا وسعود دخلو المستشفى بيوم واحد وكلهم صدمه عصبيه وقبلها كانو طاعين سوا يتعشو برا
بدر يطالع في مروان
مروان:تتوقعو في شي صار
بدر:ليش لا
ام بدر:بس ميرا جاتها الصدمه من موت زميلتها
مروان: امي انتي صدقتيها اكيد صار شي مع سعود
ام بدر:تتوقعو
بدر: والله لو دريت انه هو الي مسوي فيها كذا بذبحه
ام بدر: لايابدر سعود مايسويها
مروان:اجل ايش الي صار
ام بدر: خليها على الله
بدر:المهم
امي انا بكلم المستشفى بلندن وبحجز لها في اقرب وقت
وبنروح سوا باخذكم وباخذ نوف
ام بدر:ع الله يابدر سوي الي تشوفه
بدر: خلاص ان شاء الله في خلال يومين كل شي جاهز انتو بس جهزو نفسكم
//
//
بعد ساعه
سعود ينزل من الدرج وهو عند الباب بيطلع
ليان: ثعود ثعود
سعود: حبيبه ثعود انتي
ليان:تيب انزل تحت عندي انت مرره فوق
سعود يضحك:والله انتي الي قصيره
سعود يجلس على ركبته:هاياعسل
ليان:ابغى اجي معاك
سعود:ماينفع حبيبتي
ليان:الله يخليك الله يهنيك الله يسعدك
سعود: انتي محسستني انك امي
ليان:انا اسمع ماما تقولها
سعود يضحك:حبيبتي بروح مشوار صغير بس لما ارجع اخذك انتي وريم ونروح البحر خلاص
ليان بفرح: والله تيب يلا روح بسرعه عشان ماتتأخر
سعود: ولا يهمك
سعود يطلع ويركب سيارته
سعود :ياليت قلبي زي قلبك ياليان وياليت عقلي زي عقلك
ماكان شلت هم ولا كان حبيت اساسا ولا انجرحت ولا جرحت
في بيت ميرا
ميرا نازله من الدرج وراحت الصاله
ميرا كانت لابسه عبايتها ولافه الطرحه وشايله شنطتها
ميرا تعطي بدر ورقه
بدر يطالع في ميرا بإستغراب
بدر يفتح الورقه
نص الورقه:
انا بروح الكوفي عند ريم
إذا السواق موجود قولوله يوديني
بدر يسكر الورقه
وليش السواق خلاص انا اوديكي
ميرا تأشر تبغى تقول لا
بدر: ليش لا
ميرا تدور على قلم
ميرا تكتب:اروح بالسواق افضل لا تتعب نفسك انت بس قوله على الكوفي
بدر:براحتك بس طمنينا اول ماتوصلي اعطيني رنه اوكي
ميرا تهز راسها
في الكوفي
سعود جالس على الطاوله ويكلم نفسه: انشاء الله ماتجي ميرا
مومتخيل اني راح اقولها بس لو ماجات ممكن اغير قراري؟؟؟؟
آآآآآآه والله محتار
ميرا تنزل من السيارة وتشوف سعود
ميرا توقف عند طاوله سعود
سعود يوقف ويطالع فيها بحنان وشوق ولهفه:سلام
ميرا:ياريت اقدر ارد عليك لو بس السلام
سعود:اتفضلي اجلسي
ميرا تجلس
سعود يطالع في ميرا وميرا تطالع في سعود
سعود ينزل راسه: شوفي ياميرا
لو الله كاتب لنا بننجمع راح ننجمع
ولو كاتب بنفترق راح نفترق
ولو كاتب علينا الشقى بنشقى
والله ماوفقنا مع بعض
"ميرا حست بخوف"
ميرا في نفسها: لا تقولها ياسعود لا تقولها
سعود:الي صار هزني غير فيني اشياء كثيره موعارف ارجعها
غير احساسي وشعوري غير حبي وقلبي وعقلي صرت غير سعود
ميرا قرتت انو...........
ميرا مع نفسها وبخوف: لا ياسعود لا
سعود يمسك يد ميرا:ميرا انا احبك واعشقك انتي حياتي كلها وروحي
بس آسف
ميرا صارت تبكي
سعود:آسف ياميرا مااقدر اكمل حياتي معاكي
ميرا صارت تبكي بكى عنيف
ميرا مع نفسها:لآ ياسعود مااقدر اعيش بدونك انت كل شي فيني لا تذبحني ياسعود لا
ميرا تنزل راسها
سعود يرفع راسها:لا تبكي ياميرا هذا الي مكتوب لنا
صدقيني لو مكتوب نرجع راح نرجع
انا حبيتك ياميرا ومازلت احبك وراح احبك واحبك
وآسف لأني دمرتك وآسف لأني خليتك تحبيني وتعشقيني
وآسف لأني خليتك تفقدي النطق صدقيني لو لفيت الدنيا ماراح احب احد غيرك ولا راح القى غيرك
ميرا مع نفسها: ليش كل هذا الي تسويه فيني ياسعود
ليش تحملني غلط انا ماارتكبته ليش حياتي تتدمر بدون مايكون احد فينا غلطان
سعود:ميرا تبغى تقولي شي
ميرا تبكي
سعود:لو كنت غالي عليكي ماتبكي وقولي كل الي فخاطرك
ميرا تفتح الشنطه وتطلع ورقه وتعطيها سعود ومكتوب من برا الورقه بعد مااروح اقراها
ميرا تمسك يد سعود وتطالع فيه وتبكي
ميرا تنزل الدبله وتحطها بكف سعود وتحط الورقه معاها
وتمسك يده وتنزل الدبله من يده
نص الورقه:
بحياتي ماحبيت انسان غيرك انت اول حبي وصدقني بتكون آخر حبي
حبيتك من عرفت ريم
وعرفت ان عندها اخ اسمو سعود
عشقتك وعشقت روحك
كنت كل مااشوفك احس اني اسعد انسانه بالدنيا
ماتتصور فرحتي يو مالقاك
ويوم ماملّكنا ماكنت حاسه بنفسي كنت احس ان العالم كله حقير
وانا غير كل الناس وشايفه الدنيا بفرح لأني اليوم مع الي سكن قلبي
مع الي حبيته قبل لا يحبني مع الي اتمنيته والي يحب مايخون ياسعود مايخون
آسف لأني حبيتك بس صدقني مااقدراوعدك اني انساك
الي يحب ماينسى ياسعود وعمر الزمن ماينسي الحب وانت حبي
بس حبك لي كان غير انت ماوفيتني وعطيتني حقي
كذبت حبيبتك ولو كان حبك قوي ماكذبتني ماكان هان الحب عليك
ولو مهما يصير بالدنيا صدقني مابنساك و بقولها كل يوم
الي يحب ماينسى ماينسى ياسعود
وتروح ميرا وهيا منهارا وتبكي
سعود يلحقها:ميرا ميرا
ميرا تمشي وتطنش سعود
سعود يمسك ميرا من يدها: ميرا انتي تعبانه خليني انا اوصلك
ميرا تهز راسها تقول لا
سعود: بس انتي.............
ميرا تحط يدها على فم سعود تسكت سعود
ميرا تطالع فيه وتقول في نفسها:آخر نظره ياسعود وآخر همسه الله يسامحك ياسعود
ميرا تروح للسياره وسعود واقف يطالع فيها
سعود يحط يده على راسه:آآآآآآآآآآآآآآه يادنيا
غيرتي حالي ودمرت حياتي ليش يادنيا ليش كيف جاني قلب وتجرأت وقلتها
سعود يضرب السياره بيده: كيف قلتها كيف
في سيارة ميرا
ميرا تأشر للسواق يلف يمين ويروح ناحيه البحر
وقف السيارة ونزلت ميرا بسرعه وراحت على البحر وكانت على الحافه
ميرا في نفسها:الموت ارحم لي من عذابك ياسعود
انا حبيتك وانت اتخليت عني انت ماحافظت على حبي
ليش ليش ياسعود سويت كذا ليش
حراااام يادنيا الي بتسويه فيني
في بيت ماهر
في غرفه ماهر:ماهر انا مااقدر استحمل اكثر خلااص وصل حدي
ماهر يمسك الجوال ويتصل
يرن جوال ريم
ريم:رقم غريب
ريم:الو
ماهر: سلام
ريم: وعليكم السلام
ماهر:كيفك؟
ريم: تمام بس ممكن اعرف مين؟
ماهر: انا الحب بكبره
ريم: تستهبل
ماهر:لا اتكلم من جد
ريم:بلاش مسخره ولاعاد اشوف رقم جوالك بجوالي
ماهر:لحظه لحظه
ريم: انا اعرفك انتي ريم صح
ريم بصدمه: نعم انت مين؟ وكيف تعرفني؟
ماهر: بقولك بس لو تقابليني
ريم:نعم ليش جن جنوني
ماهر: بسم الله عليكي بس قلت عشان نتفاهم
ريم: نتفاهم في ايش؟
ماهر:لا مايحتاج اقول ومالي دخل بالي راح يصير ويلا مع السلامه
ريم: هي انت ,,انت تهددني
ماهر:لا مااهدد ..ها قبلتي ..لا تخافي بمكان عام والي انتي تختاريه
ريم: اووووف منك
ماهر: طالعه منك عسل
ريم: بس يالمغزلجي
ماهر:حلوه
ريم:خلاص اوكي اشوفك بآيس لاند الساعه 9
ماهر:ع الموعد
ريم: افدغ ........ريم سكرت الخط بوجه ماهر
ماهر: بتعجب:افدغ.ايش يعني؟"ويبتسم"بس حلوه
ماهر يبتسم:اخيرا راح اشوفك ياريم واقولك على الي بخاطري
في غرفه ريم
ريم: انا غلطت لما وافقت ولا كان لازم اروح اشوف ايش يبغى مني
موانا خفت لما قال اسمي وطلع يعرفني
جوال ريم يرن
رساله من ميرا
النص: ريم حبيبتي
لاتخليني انتي الي بقيتيلي بحاتي لا تتركيني
ريم انا مرره محتاجتك موعارفه اشكي انا مره تعبانه ياريم
"ريم خافت على ميرا"
ريم بصوت عالي: ميرا حياتي
ريم راحت لغرفه ابوها:بابا بابا
ام ريم: ابوكي طلع مو هنا
ريم: لاااا
ام ريم: ليش؟
ريم:كنت ابغى اروح عند ميرا
ام ريم: خليها ترسل لك السواق
ريم: صح والله
ريم ترسل رساله لميرا وتقولها ترسل السواق
بعد ربع ساعه
السواق يجي وياخذ ريم
السواق يروح مكان غير بيت ميرا
ريم: هي انت على فين انشاء الله
السواق: هدا ميرا هوا في بحر مو في بيت
ريم: اها طيب بسرعه
يوقف السواق وتنزل ريم ريم تلتفت يمينها وتشوف ميرا
ريم :ميرا حياتي
ميرا تحضن ريم
ريم: ياعمري انتي
ميرا لا تبكي حياتي ميرا خلاص انسي كل شي فكري في روحك فكري بنفسك لا تتعبي حالك
ميرا في نفسها: آآآآآآه ياريم مو حاسه بالنار الي فيني تشويني شوي
ريم تمسح على خد ميرا وتبتسم: حياتي انتي
قمر والله بس دموعك بتخلي وجهك مو حلو شوفي كيف صايره مقززه
ميرا تبتسم
ريم بفرح: الله من زمان ماشفت ابتسامتك الله ياميرا شكلك يجنن وربي طالعه ابتسامتك شييراا
ريم تمسح دموع ميرا:ايوا كذا انتي ميه ميه
بس لا تطالعي في القمر يغار منك ويزعل علينا
ميرا تضحك بصمت
ريم: ياناسو عليكي وانتي تضحكي وآآي تجنني
ميرا في نفسها:الله لا يحرمني منك يااغلى ماملكت بدنيتي
ريم تشوف السااعه:يالله الساعه 9 اتأخرت ميرا تعالي معايا
ميرا تأشر بيدها يعني فين؟
ريم:بروح آيس لاند انتي اطلعي السيارة واحكيكي
في آيس لاند
يدق ماهر على ريم:هلا
ريم بدون نفس:انت فين؟
ماهر: طيب قولي هلا قولي سلام كذا على طول
ريم:يلا خلصني
ماهر: ماشي..انتي امشي كمان خطوتين وبتكوني عندي
ريم:كمان والله يعني انت عارف شكلي وشايفني دحين
ماهر: اوف كورس
ريم بإستهزاء:واللهي
ماهر:يلا امشي ليش واقفه
ريم: تسكر الخط بوجهه
ماهر: تمووت في تسكير الخط بوجهي
ماهر يشوف ريم : ريم ريم
ريم تلتفت تشوف ماهر: اهلين ماهر كيفك؟
ماهر: هلا فيكي انا تمام وانتي؟
ريم: بخير ماجات رولآ
ماهر: رولآ مع زوجها
ريم: يووه نسيت انها متزوجه
ماهر وريم وميرا يبتسمو
ماهر:اتفضلي اجلسي
ريم:لا معليش انا استنى احد
ماهر :براحتك
ماهر يمسك الجوال ويدق على ريم
ريم تفتح الخط:انت فين؟
ماهر: وراكي
ريم تلتفت وتشوف ماهر ماسك الجوال ويكلمها
ماهر:شفتيني
ريم مصدومه
ماهر:قلت لك اتفضلي اجلسي ما جلستي
ريم تسكر الخط
ريم: انت حقير
ماهر: الله ليش الغلط
"تروح وتترك ماهر"
ماهر:لحظة لحظه
ريم: انت ايش تبغى؟
ماهر:وطي صوتك الناس تطالع فينا
ريم: ولو ماتتركتني في حالي بصرخ
ماهر:بس كلمتين بقولها وبعدها روحي معليش دقيقتين بس
ريم تطالع في ميرا
ريم: يلا خلصني
ريم تجلس
ماهر يطالع في ميرا
ميرا تأشر لريم تقولها بتروح تشتري وترجع
ريم: طيب لا تتأخري حياتي تلقيني استناكي هنا اوكي
ميرا تهز راسها
ريم: يلا ياأخي خلصني
ماهر يطالع في ريم
ريم تلتفت حولها تطالع في الناس: انت ليش محسسني اني لوحه فنيه واني في معرض فني وانت جالس تطالع فيني والله كل الي شايفتهم بشر زيينا
ماهريبتسم بخبث:بس انتي غيرهم
ريم: ايش تقصد؟
ماهر:انتي غير كل البنات الي قابلتهم بحياتي انتي قمرهم
ريم بإنفعال:وبعدين معاك
ماهر: كلهم مااحلوو في عيوني بس انتي الوحيده الي احلويتي بعيوني
انتي احلى بنت بالدنيا انتي شغلتي بالي واخذتي عقلي
وصرتي كل شي فيني
ريم توقف: انت انسان حقير وقح وافدغ كمان
ريم تروح وتترك ماهر
ماهر: لحظة ريم لحظة
ريم تصرخ:اتركني لا افضحك قدام هالناس
ماهر يترك ريم
ميرا تجي وتروح مع ريم
البارت الـ 12
//
في الشاليه
في الصاله
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك