رواية احتاج لك اذا ضيق الوقت صدري -32
البارت الـ 17
في لندن
ميرا بدت تتجاوب مع العلاج وبدت تتكلم شويه
الدكتور: انتي حالتك اتحسنت بصوره جدا كبيره عن اول مادخلتي
وهذا شي يسعدني ويسعد الجيع
ام بدر: الحمد لله على كل حال
الدكتور: الحمد لله..بس هذا مو يعني خلاص بتتركي العلاج وتطلعي من هنا
لسه شويه كمان
ميرا تطالع في الدكتور بحزن
الدكتور: لا ماابغى النظره الحزينه
ابغى نظره أمل وتفاؤل خلاص؟ عشان تطلعي من هنا انشاء الله بأقرب وقت
"ميرا تهز راسها"
في جده
في المستشفى
سعود يدخل على امه ومعاه ليان بدون ريم
ام سعود: ماما ليان حبيبتي تعالي
ليان بفرح: ماما ماما حبيبي
"ليان تروح عند امها"
ام سعود تبتسم تطالع تشوف ريم وماتلقاها
ضاعت ابتسامه ام سعود وحست ان ريم فيها شي
ام سعود بخوف: ريم فينها؟؟
"سعود منزل راسها وعيونه تلمع"
ام سعود بصوت اعلى من اول: بقول ريم فينها؟؟ ليش مااحد يرد عليا
بنتي فيها شي؟؟
"الكل منزل راسها ومو قادر يتكلم "
ام سعود تحاول انها تقوم من السرير
سعود يقرب منها: امي لأ انتي تعبانه خليكي من منسدحه
ام سعود: اذا انت موراضي تجيبلي ريم انا بروح اجيبها
ام مازن: يااختي اهدي
ام سعود: رنا ريم فين؟؟
ام سعود بعصبيه: ردو عليا خلاص بفقد اعصابي انا من اول وانا حاسه ان ريم فيها شي قولو ريم ايش فيها؟؟ ريحوني قولومافيها شي
"سعود يجلس على السرير قدام امه ويمسك يدها ويبوسها يدها وتخونه دموعه وتنزل على يد امه": امي...؟!؟
ام سعود بفجعه: ها حبيبي قول قول"وتمسح دموعه"
سعود: ريم ... ريم
ام سعود بصراخ: سعود ريح بالي وقول
سعود: ريم انخطفت
ام سعود تضرب بيدها على صدرها: بنتي لأ
ريم لا .. لا تقول ياسعود لا لا ريم .. مستحيل مستحيل
ام مازن تمسك ام سعود من كتفها: اهدي يارانيا بنلاقيها انشاء الله
ام سعود وهيا تبكي: لاااا بنتي روحي معاها ياريت ربي اخذني ولا خلاني اسمع الي سمعته
سعود يمسح على يد امه: امي الله يخليكي اهدي انتي تعبانه
ام سعود وهي تبكي من قلب بطريقه تعذب القلب: تبغاني اهدا وارتاح وانا موداريه بنتي فينها؟؟ انت صاحي
ماهر: خالتي لا تشيلي انشاء الله بترجع لك
رولآ: خالتو حبيبتي الله يسعدك لا تتعبي نفسك اكثر
ام سعود: آآآآآآآه ياربي ليش ليش..؟؟
ريم حياتي كلها
ام سعود تكلم سعود بعصبيه: انت فين كنت عنها ليش تركتها ليش؟؟
سعود: عاتبيني وسوي الي تسويه بس اترجاكي امي لا تعصبي ولا تبكي
ام سعود ترفع يدها للسما: يارب يارب ترجعلي ريم يارب
يارب ترجعها سالمه
"ام سعود بدت تحس بتعب "
سعود يمسك كتفها ويهزها : امي ايش فيكي؟؟
ام مازن:رانيا ايش فيكي؟
نوف بخوف: خالتي
ماهر يروح ينادي النيرس
"ام سعود اغمى عليها"
سعود: امي امي
نوف ورولآ: خالتي
ام مازن: رانيا
سعود يطلع بفجعه ويروح ينادي الدكتور
تجي النيرس ومعاها كم وحده غيرها
النيرس: اطلعو برا لو سمحتو بسرعه
سعود: امي ايش فيها؟
النيرس: برا لو سمحتو
ماهر: تعالو تعالو
"يطلعو برا ويدخل الدكتور"
سعود:آآآآه انا ضيعت امي وضيعت اختي
ايش راح اسوي في ابويا؟؟ يا الله ترحمني
ماهر يحط يده على كتفه: سعود لا تقول كذا الي صار بيد الله والله الي كاتبه
سعود: حاسس اني انا السبب في كل الي قاعد يصير
ام مازن: سعود حبيبي لا تقول كذا انشاء الله كل شي بيرجع واحسن من اول
في غرفه ابو سعود
ابو سعود يكلم مازن: هذول ايش فيهم اتأخرو؟؟ حاسس انو في شي سعود مخبيه عني
مازن ارتبك: لا عمي مافي شي اكيد مافي شي
ابو سعود :والله مدري
مهران: عمي ايش بيخبي عنك يعني انت تعرف سعود مايخبي عنك شي
"يدخل سعود وهو متحطم وفاقد الأمل ومعاه ماهر"
ابو سعود يشوف حاله سعود: سعود ايش فيك؟؟
سعود يطالع في ابوه ويقول في نفسه: الله يستر ايش بيصير فيك انت كمان..الله يستر
ابو سعود: سعود اتكلم ايش فيه بقول؟؟
سعود : يكفي الي صار ياابويا
"سعود يروح يجلس عند ابوه على السرير":يكفي الي صار لا تعذبني انت كمان وتحسسني بالذنب لوعليا مااقول لكم انت وامي بس انتو اجبرتوني
ابو سعود: سعود ادخل في الموضوع..اختك فيها شي؟؟
"سعود يهز راسه"
ابو سعود: فين ريم ياسعود؟؟
سعود بتردد:انخطفت وهيا كانت في حفله مع صاحباتها
ابو سعود بصدمه: لأ بنتي؟؟!!؟"عيونه صارت تلمع"ريم حترجع ياسعود حترجع
تعرف ليش؟؟ عشان ريم اقوا من 100 رجال انا الي مربيها وانا عارفها حترجع صدقني
"ابو سعود حابس دموعه":حترجعلي ريم حأوحشها وترجع
سعود يبوس يد ابوه:انشاء الله بترجع لنا
ابو سعود: امك دريت؟؟
سعود: امي جاتها صدمه من الخبر
ابو سعود:ليش قلت لها ياسعود انت ماتعرف امك؟؟
سعود: هيا اجبرتني مو عارف ايش بقولها
ابو سعود: يااااااارب ترحمني وتطمن بالي على بنتي وزوجتي لوكان في هذا الشي موتي
في بيت رجوان
كانت الساعه12:30
وريم لوحدها في الصاله خايفه تنام ويصير شي
كل شويه تغمض عيونها تلقائيا وتقوم بسرعه الين ماسمعت صوت قربعه بالمطبخ
ريم وقفت وقلبها يرجف
ريم صارت تجري لين وصلت لغرفه رجوان
ريم فتحت الباب بقوه: رجوان الحقني
رجوان ينقز من سريره وهو مفجوع: خير ايش صاير؟؟
ريم تقرب منه اكثر: مدري سمعت صوت قربعه بالمطبخ في احد
رجوان مستغرب: مين يعني ؟؟انا ماعندي احد؟؟
ريم ىتقرب اكثر: انا خايفه
"رجوان انبسط"
"ريم صارت تبكي"
رجوان يبتسم: ليش تبكي ..طول ماانا معاكي ماتخافي تعالي نشو ف مين
ريم تسحب بلوزته: لأ خايفه
رجوان: قلت لك طول ماانا معاكي ماتخافي.. يلا
ريم تنزل مع رجوان وكانت ماسكه في بلوزته ويروحو المطبخ
ريم :ادخل انت اول
"رجوان يبتسم ويدخل""بايعتني الأخت مره"
ريم تسمع رجوان وهوا يضحك
ريم تدخل المطبخ: خير انشاء الله
"ريم تلقى رجوان شايل بسه بيضا وعيونها زرقا"
رجوان: هذي الي مخوفتك كانت تدور على اكل نسيت اعشيها
ريم تبتسم وتاخذ البسه من رجوان: وه ياناسو تزنن
ريم تطالع في رجوان وهيا منحرجه:آسفه لأني قومتك من النوم
رجوان بسرعه: لالالا مايحتاج تتأسفي بالعكس انتي لو تحتاجيني بأي وقت انا حاضر
ريم وهي منزله راسها ومستحيه: تسلم بس من جد ازعجتك"وترفع راسها" صح؟؟
رجوان: انتي بتجرحيني بكلامك على فكرا ... يابنت الحلال لا ازعاج ولا اسف
صدقيني انا عمري ماارتحت لأحد اكثر ماارتحت لك
"ريم تنزل راسها وتلعب بيدها"
رجوان:انا من يوم ماشفتك وانا احس اني انسان ثاني
انتي هزيتي كياني
وشقلبتي حياتي
يا بعد عمري تدلل واطلب اعيوني فـداك
ولو طلبت العمر كله قلت لك لبيك جـاك
آذآ ضآقت عَليگ آلأرض تدلعَ بسِ وعَلمني ..
وربي لأقلب آلدنيآ عَلى شآنگ و أعَدلهآ ...
وآن مآجآت عَلى مزآجگ بسِ گلمني ..
وشوف وشلون أعَفسِهآ لگ وآبدلهآ ...
وآن رضيت عَليهآ روق وبعَدين فهمني ..
وآلله لأشيلگ أنت ودنيتگ بعَيني وآسِدلهآ ...
وآن حبيتهآ لآزم تعَلمني ..
لآني وقتهآ بغآر منهآ وببهدلهآ
ريم من كثر ماهيا منحرجه حبت تغير الموضوع
ريم وهيا حاطه يدها على رقبته وتلعب بشعرها من تحت الطرحه:عندك كابيتشينو؟؟؟
رجوان يبتسم: عندي
"رجوان يفتح الدولاب ويطلع الكابيتشينو"
ريم: انا بجيب الأكواب بس فينها؟؟
رجوان يأشر على الدولاب: هناك شوفيها
ريم تخرج كوبين: اطلع لك كوب؟؟
رجوان: ياريت
"ريم تخرج كوبين بشكل عشوائي
وتقرب من رجوان وتحط الكوبين قدام رجوان عشان يحط البودره
وتلاحظ ريم ويلاحظ رجوان شكل قلب على الكوبين
في الكوب الأول كان رسمه نص قلب
والكوب الثاني مرسوم عليه نص قلب
ولما اجتمعو على بعض صارو قلب واحد
أهـــديت لك
قـــــــلب له فتره يهـــــواك
وأدري
ماهــو قـــد المقـــــــام وهديتـــك
يحــــــرم عــلي مافـــــي من الـناس يســـــــــــواك
كـم لي أفـكر فيك منذ التقـــيتك؟!!
إن جيت أبمدح قلت للناس شرواك وكل ماعطيتك شيء كن ماعطــــيتك
واللــه
(حبيــــــــــــــــــــبي)
مـاأدور ســوى رضـــــاك
شفني خسرت الناس يوم أشـــتريتك
وإن كــــان مافي بالزمن غير ذكراك
وش فايده هالــــــحب لوما أحتريتك
...أنـــا وروحــــي
وكــل مـاأمــلك فـــدايـــاك...
يعــني بكلام '"الــحلو'"
انافديــــــــــــــــــــــــتك
رجوان يطالع في ريم ويبتسم
ريم تبتسم بخجل
رجوان: يامحلا الصدف
"ريم مستحيه"
رجوان يعطي ريم الكوب: اتفضلي
ريم تمسك الكوب ويحرقها في يدها وكانت راح تتركه ولو تركته كان طاح على رجولها
بس رجوان مسك الكوب ومسك يد ريم
ريم ارتبكت بس ماتركت يدها من الكوب رغم ان الكوب كان حار
بس لما لمست يد رجوان ماحست بحراره الكوب
وحست بحنان وبرد يد رجوان
}~
ماتمنيت أمسك يدين السحاب كان كل حلمي تمسكني يديك
{ ~
رجوان ياخذ الكوب ويحطه على الطاوله
ريم تطالع في يدها: آآي
رجوان يمسك يد ريم ويطالع في كفها:صارت حمرا..تحرقك؟؟
ريم: مره
رجوان تعالي بعطيك كريم
"رجوان يروح يجيب كريم ويحطه على يدها
يجيب رجوان شاش ولصق ويلف يد ريم
ريم : تسلم مره شكرا
رجوان:ولو... مايحتاج شكر
"ريم جايه تمسك الكوب"
رجوان: لالا انا اخاف تنحرقي تاني
ريم تبتسم: عشان يعني مافيك تسويلي يدي تاني ولا خايف لا يخلص الكريم عليك
رجوان يضحك:ههههههههههههه لاموقصدي كذا وربي بس اخاف عليكي تتألمي تاني
"ريم تبتسم بخجل"
رجوان يشيل كوبه وكوب ريم ويروحو الصاله
رجوان يشوف التلفزيون: ايش كنتي تتفرجي؟؟
ريم: كنت اتفرج فيلم في ام بي سي 2 مره حلو بس الله يسامحها بستك خربت عليا الجو.. بس ماشاء الله عليها تجنن مره حلوه
انت تحب البسس؟؟
رجوان: جناني
ريم: انا عشقي البساس بس الله يسامحه بابا مو راضي يجيب لي بسه عشان ليان اختي عندها حساسيه
رجوان: عندك اختك اسمها ليان؟؟
ريم تفتكر: ليان.. ايوا صح ليان اختي ..اختي الصغيرا الحمد لله بديت افتكر
رجوان: طيب الحمد لله حلو"أي حلو ياريت ماتفتكر وتفضل معايا"
ريم: وبس ..يعني خايف على اختي من الحساسيه
رجوان يطالع في ريم: يعني في شي مشترك بيننا
"ريم تطالع في رجوان وتبتسم"
ومر الوقت واخذتهم الحكاوي ومن كثر التعب ماحسو بنفسهم ونامو وهم بمكانهم
في بيت ابو سعود
يدخل سعود البيت
وكانت الأنوار كلها مسكره والبيت مظلم
يدخل سعود الصاله ويفتح النور ويطالع في الصاله من يمينها ليسارها
سعود: البيت مو حلو من غيرهم كل شي فيه منهم
"سعود يطلع غرفته"
وينسدح ع السرير عشان ينام
سعود يتقلب مو قادر ينام يقوم ويجلس ويمسك راسه
سعود:آآآآه ياربي من فين بيجيني نوم وانا اهلي بهالحال وريم مو دارين عنها
انا كيف برتاح وكيف بخليهم مرتاحين انا كفايه الي فيني
اداوي جرح ميرا ولا اداوي جروح اهلي ولا ادور على ريم
الصبآح
" طق طق طق "
ديمه وهيا تقوم من النوم: مين؟!؟
راكان: صباح الخير
ديمه تفتح الباب:صباح النور
راكان: اقول كفايه نوم يلا قومي خلاص
ديمه: راكان حرام عليك والله سهرانه وتعبانه
راكان: لالا يلا قومي وبعد شويه اطلعيلي برا ابغاكي بموضوع
ديمه: يالله ياراكان والله مافيني تعبانه
راكان: كذا تكشميني طيب ماشي يلا باي"يمثل"
ديمه: لالا خلاص شويه وبكون جاهزة
راكان يبتسم بخبث: هذي حبيبتي
"راكان يسكرالباب ويطلع"
راكان يكلم نفسه: قال حبيبتي قال"ويضحك بخبث"
الا عدوتي ..الله يصبرني بس عليكي يابنت عمي
في الصاله
راكان:هلا هلا
ديمه: اقول اخلص عمي لا يشوفنا ويشك بشي..وبعدين انت متى جيت انت مو كنت بالشاليه؟؟
راكان: لسه واصل..بس حبيت اسأل عن ريم
ديمه: وانا ايش دراني عنها انا الي بسأل ايش سويتو معاها؟؟
راكان يضحك:مالحقنا نتهنى البنت فركت من عندنا
ديمه بصدمه: نعم
راكان: ياشيخه والله قهر كانت مزه ولا احلى
"ديمه تطالع في راكان بحقد"
راكان: يعني ماتدري عنها
ديمه بإنفعال: لا ماادري عن قلعتها
راكان يقرب منها كثر:زعلتي عشان قلت عنها كذا
ديمه تدفه:وخر عني
راكان يقوم: اجل روحي كملي نومك احسب منك فايده
ديمه: لا والله
راكان: ايوا والله
ديمه: اقول روح بس
راكان: اقول ادخلي كملي نومك بس
ديمه تروح وتترك راكان وهي معصبه منه
راكان يضحك
راكان: والله هذي البنت ماادري فين عقلها مخرفه لدرجه الجنون
غبيه تحسب اني احبها وميت عليها ليش خلصو البنات عشان احبك انتي والله شي
في المستشفى
في غرفه ام سعود
ام سعود وهي نايمه: بنتي جيبولي بنتي بنتي ريم ..ابغى اشوفها
"يدخل سعود"
سعود يروح عند امه ويمسك يدها ويمسح على شعرها
ام سعود تقوم :سعود
"سعود كان يدمع"
ام سعود:لا ياسعود لا تضعف قول انك بترجعلي ريم قول
سعود يطالع في امه: انشاء الله امي بس توعديني انك ماتبكي
ام سعود:هذي بنتي ياسعود عمري كله
سعود: وهذي اختي روحي وحياتي كلها
ام سعود تبتسم: حترجع ريم حترجع ياسعود
سعود: انشاء الله
ام سعود: انت مانمت؟؟
سعود: تتوقعي بجيني نوم وانتي وابويا بالمستشفى وريم مو داري عنها
ام سعود: حبيبي لا تتعب نفسك انت تدري مااحب اشوفك تعبان ومتضايق لا تزعلني منك
سعود: انشاء الله امي انتي بس ارتاحي عشان اتطمن عليكي وارتاح
ام سعود تبتسم: الله لا يحرمني منك ولا من اخواتك ولا من ابو عيالي
سعود يبتسم:آآآمين
في بيت رجوان
ريم تقوم وتلقى نفسها نايمه على الكنبه وجمبها رجوان
ريم تروح تجيب بطانيه وتحطها على رجوان وتطالع فيه بكل حنان وهي مبتسمه وتتأمل فيه وفي جماله الساحر
وفي ملامحه الفتانه
وفي سكسوكته الجذابه
وعيونو الذباحه
وتسريحه شعره المجنونه
ريم في نفسها: حسيت معاك اغرب احساس
وعشت معاك احلى اوقات
ودقات قلبي الي تدق على هواك
ودمي الي يجري بلقاك
وعيوني الي ترمش لصورتك
وخدودي الي تحمر بالعسل الي يخرج من بين شفايفك
انت ملكت حياتي
يقوم رجوان ويفتح عيونه ويلقى ريم قدامه وهيا مبتسمه
"ريم انحرجت "
ريم تبتسم: صباح الورد
رجوان: احلى صباح صباحك عسل
"ريم انحرجت"
ريم تركت رجوان بالصاله وطلعت برا للحوش
يجي وراها رجوان
رجوان:انتي انسانه مو طبيعيه
ريم تلتفت وتلقى رجوان وراها: ايش تقصد؟؟
رجوان يبتسم: انتي ملآآآآآآك
عارفه ايش يعني ملآآك
"ريم تستحي وتنزل راسها وتلعب بأصابعها"
رجوان:انتي عندي شي كبييير
انتي بقلبي شي عظيم
سكنتي عالمي
وجريتي بدمي
وتنبضي بقلبي
انتي ملاكي
وعشقي وانفاسي
ريم برجفه صابت كل جسمها: رجوان؟!!؟
رجوان بنبره قتاله: ياعيونه
"ريم استحت"
رجوان يبتسم:ها ..ايش كنتي بتقولي؟؟
ريم:ايش الحلم الي حلمته فيني؟؟
رجوان: حلمت اني في بيت كبير وانا في هذا االبيت صرت انادي عليكي كنت اقول ريم وانادي بصوت عالي كنت ادورك في كل البيت ومالقيتك
بعدين طلعت لك في غرفتك وطلعت من البلكونه وانتي لحقتيني
وكنتي زي الملاك ماتنوصفي كنتي زي الخيال لدرجه انتي بعد ماقمت من النوم قلت مستحيل انتي تكوني موجوده على الأرض
المهم
بعدين صرتي تسأليني انت مين؟؟
ريم بسرعه: وانت تقولي.." وسكتت ريم وانحرجت"
رجوان مستغرب: ايش قلت؟؟
ريم: ها .. لالا ولا شي بس بقولك شي
تصدق لو قلت لك ان هذا الحلم نفس الحلم الي حلمته
رجوان مستغرب: كيف؟
ريم: يوم كنت تناديني انا سمعتك كان نفس حلمي نزلت لك تحت بس خفت
بس جيتني غرفتي وطلعت لك من البلكونه وشفتك
سألتك بس كلمه وحده كنت تقولي هيا وفجأه بديت تبعد عني
رجوان: لا تكملي
"ريم تطالع في رجوان"
رجوان: انا راح اكون معاكي ماراح ابعد عنك
ريم: انا مصدموه معقول يكون حلمنا واحد؟؟!!
رجوان يبتسم: زمن المعجزات انتهى بس انا وانتي اكبر معجزه
ريم تفتكر:ماما وبابا
رجوان: ايش فيهم؟
ريم : ماما وبابا في المستشفى
رجوان: خير ايش فيهم؟؟
ريم: صار لهم حادث ايوا افتكرت صار لهم حادث يوم انا كنت ..كنت ...كنت ايوا كنت بالحفل
رجوان: تعالي نجلس ع الجلسه وريحي بالك وافتكري
"ريم ورجوان يجلسو"
ريم: ايوا صح.. انا فزت بالجائزه الأولى
رجوان يبتسم: طلعتي رسامه..
ريم تبتسم : شي زي كذا
رجوان: لابس ماشاء الله لما شفت لوحتك كانت اجمل لوحه فنيه شفتها بحياتي
... ها ايش افتكرتي تاني؟؟
ريم: موقادره اركز ياربي ياربي ياربي
رجوان: لا تتوتري
ريم: يارب ماما وبابا يطلعو بالسلامه وحشوني"اتجمعت الدموع بعيونها"
رجوان: لالا لاتزعلي ولا تنكدي احلى صباح اتصبحنا عليه
ريم: رجوان
رجوان: ياعيونه
"ريم استحت ونزلت راسه"
رجوان يضحك: خلاص خلاص بلاش ياعيونه يانعم
ريم :انت الي بقيتلي لا تتركني
رجوان: اتركك.؟؟؟!!!؟ انا ماصدقت لقيتك
لقيت الإنسانه الي بتحييني ...ريم انا .. وسكت؟؟؟
ريم ودقات قلبها ترجف: هآ
رجوان انحرج: جوعان؟
"ريم تبتسم"
ريم: انت ماعندك خدم؟
رجوان ارتبك وموعارف ايش يقول: ها .. الا بس راحو .. اجازه .. ايوا اجازه
ريم مع نفسها: هذا ايش فيه يرتبك كل ماسألته ليش يتوتر؟؟؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك