رواية احلام المحامية -3
سعود : يمه ليه قفلتي بوجها
ام شهد : خلاص المهم انا وصلها الخبر وبس
سعود : الله يهديك يمه
ام شهد : ليه شايفني مجنونه
سعود : حشا يمه
ام شهد : بس خلاص المهم انت بس تجهز
.................................................. ............................................
واليوم شبكة اخوي سعود لبست شئ متواضع وطلبت من جيرانا اللي جابني هنا ارجع معها هو ومرته وانا نازله لبسه عبايتي ومتكشخه حدي
حمده : على وين
شهد : خالتي سعود اليوم شبكته
نوف : ههههههههه اكيد ياخذ واحده من مستوالكم
حمده : اكيد من بنات البر
شهد: يلا مع السلامه
وطلعت واستنيت بره افضل من اني استني جوا عندهم
...............................................
نوف : يمه انا قاهرني بروده
حمده: خلاص هي اسبوعين وتروح
نوف : ههههههههههه بجد تروح عند الشايب
حمده وتصب الشاي : ايه ياعله الماحي بنت القريه
....................................
وجا جارنا مقحم ومعها مرته سلمت على مرته
مرته : كيفك ياشهد
شهد : بخير ياعلك بخير
مرته : مبروك زواج سعود
شهد : الله يبارك فيك
ووصلنا للقريه ونزلت ومعاي مرت مقحم ودخلت البيت ملينا بنات القريه دخلت سلمت على الحريم الكبار وبعدين البنات وجيت لعند حصه
شهد : مبروك يامرت اخوي الله يكتب لك الخير
حصه بخجل وعليه اللبس الجيزاني : الله يبارك فيك
شهد جلست جنبه وبعده جات امي وسلمت عليه وقمت اقهوى الحريم وجا االعشا وانا ماشفت سعود وبعدين قالو العريس يبي يدخل رحت جري الي الباب واشوف بالشبت
شهد جيت لعنده : مبروك يابعد اهلي
سعود وفرحان بشوفتي : الله يبارك فيك يالغاليه
شهد وجلست جنبه وبعدين طلعنا مع سعود انا وامي رحنا لبيت اشتاقت لليبت والسطح والدكه لللي فوق وغيرت ملابسي وطلعت فوق للسطح وجلست على الدكه واشوف هوا
سعود : قلت اكيد هاتجين هنا
شهد : سعود العريس ليه مانام
سعود : وش شلون ينام العريس ويعرف اخته انا جات وفوق السطح
شهد : ادري والله
سعود : المهم وش اخبارك بجد البيت من غيرك غابه
شهد : بسم الله وامي وينه
سعود: امي انتى تعرفينه الظهر مع الجارات تسوي الغدا وتنام تقوم العصر وتروح وماتجي الا العشا وتسوي العشا وتنام
شهد : ههههههههههههههه ليه طيب كذا مهموم
سعود : ابد............وش اخبار ابوي معاك
شهد وتاخذ نفس : ابوي بحاله الله يسلمه
سعود : يعني ماتشوفينه
شهد : لالالا يجي من الديوانيه يتعشى ويتغدا ويفطر وينام جلس باليبت مايجلس كثير ومرت ابوي ماخذها الراحه بالسيطرة
سعود : ايه خلاص يمكن بكرا يجيك عريس
شهد: عريس مره واحده
سعود : ايه يمكن يجيك شرلوك هولمز
شهد : هههههههههههههه انت و ش قصتك معاك
سعود : حبيته من بعدك
شهد : المهم وش رايك بالعروس
سعود: العروس ايه عادي
شهد : ايش ايه وعادي
سعود : خلاص انا ابتلشت فيه
شهد : لا والله باين البنت طيبه وبنت حلال
سعود : ايه
وجلسنا ساعه اسوالف له عن خواتي وبعدين رحنا ننام عشان بكرا لازم اروح الرياض
.................................................. ..............................
قمت من النوم وصليت وسويت شنطتي وطلعت عبايتي معاي وجلست بالصاله كان يفطر سعود وامي
ام شهد : تبين تروحين مع مين
شهد : جيرانا مقحم
سعود ويططب على يده : الحمدلله ....خلاص شحد انا اوديك على طريقي لاني انى رايح اشتري غرض من هناك
شهد : والله
سعود : يلا انتي جاهزة
شهد : ايه
سعود : يلا طيب البس ثوبي واجي
شهد : يلا طيب
ولبس سعود ولسبت عبايتي
سعود :يلا يمه تبين شئ
ام شهد : لا
سعود : يلا فماان الله
ام شهد : الله معاك
وطلعنا وركبت السياره ومشينا وطول الطريق ساكتين وصللت لحد باب الفله
سعود : يالله تبين شئ
شهد :سلامتك يالغالي
سعود : اذا احاجتي أي شئ لو انه باليل دقي علي طيب
شهد : طيب يالغالي ....يلا مع السلامه
سعود : مع السلامه
وراح سعود ودخلت لفله وكانت حمد جالسة بالصالة سلمت عليها وطلعت لغرفتي ونمت شوي
قمت على صوت دقت باب غرفتي قمت وفتحت الباب
شهد : يبه ياهلا
ابو سعود : هلا بك ممكن ادخل
شهد : اكيد يبه حياك تفضل
ابوسعود : كيف كانت شبكة سعود
شهد : الحمدلله زينه يبه انت رحت له
ابوسعود: ايه وقعت على العقد الزواج وجيت عشان شغلي هنا
شهد : اهاااا
سكوت دقيقتين
شهد : يبه ايش رايك اسوي لك قهوة او شاي تجي غرفتي ولا اضيفك
سعود بينه وبين نفسه ( يابنتي سامحنى لازم اسوي كذا ) : لالا يبه انا جاي اكلمك بموضوع
شهد : امري يبه
سعود:مايامر عيك عدو ..يابنتي انتي ذحين كبرتي وماشاء الله تخرجتي من الجامعه وسنك
شهد تقاطعه باادب : يبه الزواج
سعود : ايه
شهد نزلت راسي للارض مو حيا
ابوسعود : رجال مسلم عاقل غني متعلم وتاجر
شهد : مين يبه
ابوسعود : ابو مبارك
شهد : مين هاذا وابو كمان يبه
ابوسعود: ابو مبارك كان صاحب جدك
شهد : كمان صاحب جدي كم عمره 100
ابوسعود : لا عمره 70 سنه وعنده عيال وبنات وهو رجال غني
شهد : يبه تبين ترمني بيد رجال كبير
ابوسعود : الرجال مايبعه شئ لا عمره ولاشكله ولا فقره ولا غناها
شهد ساكته
ابو سعود : وهو قال يبيك بدون شوفه ولا شئ ولا عرس عشا بيسط لنا وبس وياخذك للقصره هااا وش قلت
شهد قمت : ومخطط بعد يبه انا مانى موافقه
ابو سعود وبعصيبه : لالالا تبين تاخذينا ورجولك فوق راسك فاهمه
ششهد: يبه انا ماابي ماابي اتزوج
ابو سعود : مو كيفك انا قلت بعد اسبوع يجي ياخذك وبس
وطلع ابو سعود وانا اجري وراه وشفته راح لغرفته
طحت من طولي : اهئئئئئئئئئئئئئ اهئئئئئئئئئئئئئئئئئ يبه حرام تظلمني مع واحد اكبر منك يبه
.................................................. ...
حمده وهي جالسه على الكرسي : هاااااااااااا وش فيها تصيح
ابو سعود : بالطق اللي يطقها
حمده بااصطناع زعل : حرام عليك تظلمه
ابو سعود : تزوج الكبيرة بعدين الصغير
حمده والبسمه شاقة وجه : وهذا عين العقل ....متي يجي ياخذها
ابوسعود : بعد اسبوع
حمده : الحمد لله عساها تروح ولا ترجع
ابوسعود : مااسمع
حمده / هااا ابد اقول الله يوفقها
.................................................. ...............
دخلت غرفتي وصكيت الباب باقوي ما عندي وانسدحت على السرير
شهد :اهئئئئئئئئئئئ اهئئئئئئئئ ليه كذا لا امي ولا ابوي يبون ياربي وش اسوي اهئئئئئئئئئئئ
ومسكت جوالي وادق على سعود جواله مقفل
شهد : تكفى رد الله يخليك اهئئئئئئئئئئ اهئئئئئئئئئئئئ ياسعود رد
..................................
سعود : يمه انا كنت مع الشباب عند الجبل
ام شهد : وش وداك
سعود : يمه وش بلاك رحت اسمر
ام شهد : ايه ابوك دق على ويقول شهد جاها عريس
سعود بفرحه : والله جد يمه
ام شهد : ايه وزواجها بعد اسبوع
سعود : مسرع يمه
ام شهد : الرجال مستعجل
سعود : الله يوفقه اجل بكرا ابي اروح له
ام شهد : المهم رح نام بس وقفل الباب
سعود :طيب
.................................................. ..........................
قمت من صداع راسي للصياح اللي امس رحت الحمام غسلت وصليت وقمت البس شفت الساعه 3الظهرا
شهد : يوه نايمه هذا كله ياربي
ونزلت تحت مافي احد شكلوهم نايمين رحت للمطبخ وطلعت لي عصير وساندوش واكلت وبعد سمعت الباب يدق والجرس لبست الجلال وفتحت الباب
شهد : مين
سعود : انا سعود
وفتحت بقوة ورحت لحضن سعود
شهد : اهئئئئئئئئئئئ وينك من امس ادق عليك
سعود : ايش فيك تعالي ندخل ...ودخلنا المجلس
شهد : الله يخليك ياسعود انا بورطه
سعود : وش فيك
شهد : ابوي ياسعود يبي يزوجني واحد عمره 70 سنه
سعود قام : ايش وش تقولين 70 سنه ليه انتى عمرك 50 سنه وبعدين اشلون يوافق
شهد : الزواج بعد اسبوع
سعود : الزواج هذا مايتم
شهد : ابوي يقول غصب عنك
سعود : لالالا مو على كيفه وش اسمه اللي يبي يتزوجك
شهدوانا امسح دموعي بكمي : اسمه ابو مبارك رجال غنى
سعود : ابوي شكله كبر وانهبل
------- انت اللي انهبلت ياقليل الادب
سعود :يبه حرام عليك
ابو سعود : ماك شغل فهمت قوم اطلع بره يلا
سعود : يبه الزواج هذا مايتم
ابوسعود: مهو على كيفك اطلع بره ولا اشوفك
شهد : يبه انا وش ذنبي اتزوج هذا
ابوسعود: انتى مالك راي عندي فهمت .....ويناظر لسعود .. اطلع بره انت ماتفهم
سعود وبعصيبه : طالع بس لازم تعرف لو موتي مايتم الزواج
وطلع سعود
شهد وانا ماسكه ثوب ابوي : يبه ليه كذا تبي تفرقنا ليه يبه
ابوسعود : انتى اسكتي واطلعى فوق غرفتك ولا تطلعين منها الا لم يجي زوجك وياخذك
شهد : يبه اهئئئئئئئئئئئئئئئئئئ اهئئئئئئئئئئئئئئئئئئئئئ ليه كذا ليه كذا انا وش سويت
ابوسعود وهو يمسك شعري ويجرني لفوق ( على قد السنين ماشفت ابوي يسوى فيني كذا )
وطلعني وقفل الغرفه
شهد : اهئئئئئئئئئئئئئئئئئئئئئئ اهئئئئئئئئئئئئئئئئئئئئئئئئئئئئئ اهئئئئئئئئئئئئئئئئئئئئئئئئئئئئئئئئئ
حرام عليكم ليه ليه ليه
.................................................. .............
نوف : هههههههههههههههههه ماشفتي ابوي كيف يجره مثل التيس
ابتهال : سخيفه
نوف : نعم وش قلتي
ابتهال : اللي قال نعم سمع
وراحت عنه ابتهال ونوف راحت لامه بالغرفه
نوف : يمه والله فكرتك نجحت
حمده : ايه خليك مثل امك
نوف : ههههههههههههههه شكله يوم يجره نكته
حمده : هههههههههههههه خلاص اسبوع وتطس
نوف : هههههههههههههههه بس يمه فكرتك انه الكبيرة تزوج قبل الصغيره خطيرة اشوا اني ماابتليت فيه
حمده : ليه انا غبيه ازوجك شايب كبر ابوك
نوف راحت تبوس امها
.................................................. .................................
ام شهد : البنت مالها الا بيت زوجها
سعود : مع شايب
ام شهد : خلاص هي تبي تزوج وابوك سوا الصح
سعود : الصح ..يمه اوقف معاي ومع شهد اوقف مره واحده بحياتك معها يمه هذا بنت بطنك هذا اللي صبرت على جفاءك وقساءك
ام شهد : خلصت
سعود : الله يسامحك ويهديك بس
ام شهد : المهم زواجك لاتناساه بس على حساب الست شهد
وراحت ام شهد
سعود : وش اسوي لك ياشهد ....وفتح جواله ودق على جوالها مقفل
سعود : اكيد انه اخذ الجوال
.................................................. ............
مر يومين حاله شهد تجيب له الشالغه اكل وشرب وماتطلع من غرفتها ابد ا
.................................................. ............
سعود وهو وصديق دربه سعد
سعود : اه اه ياسعد ماني عارفه وش اسوى لشهد
سعد : سالت عن الرجال
سعود : ايه وطلع رجال مهو هين غني
سعد : وعياله وينهم
سعود : عياله كل واحد بديره بس عنده واحد عايش معها
سعد : اهاااااااااااااااااااااااا
سعود : وش اسوي ياسعد شهد كذا حا تضيع
سعد : شف ياسعود شهد بنت عاقله واكيد خلاص رضت بالامر الواقع
سعود : هذ اللي عندك
سعد : سعود احنا مانقدر نوقف بوجه ابوك لاامك راضيه تساعد ولا ابوك وانت ضعيف المال والعلم والرجال اذا انه غني وتاجر معناها انه احنا مو قده
سعود : الله يسامحكم ياربي وش ذنبه بجد البنت مكسورة الجناح بدون سند
سعد : الله يوفقها ويساعدها
سعود : امين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البــــــــــــــــــــــــــــ5ــــــــــــــارت
اليوم هو زواج المظلومة لبستا اجمل الفستانين و كانت كالدرة العروس كانت تحلم بهذه الليله ولكن ليس مع عجوز يوم او اسبوع واشهر ويفارق الحياه مع انغام السعاده والغموض ... ساابدا حياه جديدة سا ابدا يا احباب حكايتي مع عجوزي سا ابدا بحياه لم احلم بها سا اعيش با افخم القصور وحاشية الخدم حولي سا ابد بحياه الترف والدلال .......................
شهد : ماابي لا تحطي لي ميك اب كثير من زينه عشان اسوي له ميكاج الشايب
الكوافير : اوكى
وسوت لي الميك ولبست الفستان الابيض وطلعت من غرفتي نزلت تحت وخالتي وبناتها لبسات اسود وجات خدامه اجبنيه مسكت يدي ورحت معها وركبت السيارة السوداء ذكرتني بسيارات امراء اروربا مره فخمه وريحه العود والجلد الملكي والبود قارد اللي قدام
------ مبروك عليك انا
شهد : بسم الله مين انت
----- انا ابو مبارك
شهد بينه وبين نفسها : انت ..... يالعن ابو شكلك كانك عمرك 50 مو 70 ورجلك رجل القبر
------ : امشى يلا
وانا كنت ساكت وحتى هو كمان وقفنا عند القصر وفتح لي واحد لبسا البذله الاحمر وفتح الباب لي وجات الخدامه الاجنبيه ومسكت يدي ودخلت للقصر يااااااهووووووو قصر فخم قليله فيه
------- خلاص فاكتوريا روحي
فاكتوريا : حاضر سيدي
شهد ( الله فاكتوريا بيكهام هنا ) خخخخخخخ
----- يلا نطلع ولا تبين تفرجين على القصر
شهد : هااااااااااااااا لا نطلع
وطلعت غرفه كبيرة يلعب في الحصان ( بنت فقر )
------ البس واجي
شهد ( احلا وكمان يعرف الاتكيت ) جلست على طرف السرير وجا لبسا بجامه حمره والله انى تسدحت من الضحك عليها من جوا قلبي
---- وش عاجبك الجلسه بالفستان
شهد : هااااااااا طيب ممكن اغير
-----------روحي غرفه التبديل وغيري
ولبست روب نوم جدا ساتر ورحت الغرفه طلع ابو الشباب نايم منجد شايب دجاجه بدري نايم الساعه 1 الليل شكلى حااسهر مع نفسي وطلعت من الغرفه ونزلت افرر بالقصر في غرف كثيرة وفخمه ودخل من غرفه واطلع وانا امشى سمعت صوت بنت تكلم جاني فوضيلي ورحت لعند الباب
------ وش تسوين هنا
شهد : يمه انت مين هاااا مايجوز تشوفني
----- انت مرت ابوي
شهد: ايه
---- ايه وش جابك هنا
شهد : لا بس اسمع صوت بنت
----- ايه ممكن تروحين
شهدوانا ازحف عن باب الغرفه : طيب انا اسفه
ودخل وصك الباب بوجهي
شهد : احمق وسخيف وغبي كمان
ورحت رجعتي لغرفتي بعد صعوبه وانا ادور مكانها ورحت نمت بس على الكنب
.................................................. .....................
سعود : اشلون يمه اليوم زواجها وانا ماادري
ام شهد : خلاص دريت والبنت راحت بيت زوجها
سعود : حسبي الله ونعم الوكيل
وطلع سعود من اليبت راح مكان المفضل فوق السطح
.................................................. ................
في صباحتي قمت وانا اسمع احد يرتب مواعين
شهد وهي مغطى راسها بالفراش : خير ليه انا نايمه بالمطبخ
الخدامه بالانجليزى : صباح الخير سيدتي
وانا تحت الفراش وتطير عيوني بس الحمدلله رجعت للوجهي هههههههههههه
شهد : مين
الخدامه : انا الخدامه للغرفتك سيدتي الفطور لقد جهز والحمام كذلك لك وملابسك
شهد : بسم الله طيب ممكن شوي تخلني البس وتجين
الخدامه : طيب
وطلعت الخدامه وعلى طول طياره على الحمام تضؤءت وصليت ولبست اللبس اللي جهزت وفطرت وياحرام طلعت المره منرزعها ساعه بره نسيتها وطلعت لها ونزلت معها تحت بالصاله الكبيرة وجابت لى القهوة والشاي وجلست بكخشتي اول احس بالعز ومكانتي
الخدامه : سيدتي هل تريد اليوم التسوق
شهد : السوق من اول يوم لالالا ....وش اسمك
الخدامه : جوليا
شهد : الله جوليا رويبرتس ............ الحمدلله انكى ماتفهمتني سعودي
الخدامه توزع ابتسامات
شهد : وين ابو مبارك
الخدامه : سيدي ذهب للشركه
شهد: ذحين هذا فيه حيل يشتغل
وجات واحده لابسها لبس كوول وجلست حتى ماسلمت طنشتها
---- جوليا جبي لى الكوفي بسرعه
وراحت جوليا اوانا ماكنت اطالع بالبنت شكلها اللي امس
---- انتى مرتي عمي
شهد : لا والله واحده جايه من الشارع تشرب عندكم قهوة .(.وبكل ثقه) اكيد
--- لا واثقه يابنت القريه
شهد قمت ومشيت من عنده ومارديت عليها
---- هههههههههههههههه بعدين ترا ياحلوه راجعه للقريتك اسبوع او اسبوعين وتطلقني
شهد ( غبيه
.................................................
سعود : يمه انا رايح لشهد تبين شئ
ام شهد : لا
سعود : طيب سلام ... يمه
ام شهد : نعم
سعود : رحتي لحصه عشان العرس
ام شهد : ايه كلمت امها وقالت خلاص البنت جاهزة
سعود : طيب الله يسهل سلام يمه
ام شهد : مع السلامه انتبه لنفسك يمه
..................................................
نوف : نفسي اعرف بنت القريه وش تسوي مع الشايب
حمده وهى تشرب فنجان القهوة : اكيد سام كبده ههاالشايب
نوف : والله تحزن بنت القريه
حمده : لا تحزن ولا شئ هذا عقربها مثل امها
ابتهال ساكتها
دخل ابو سعود
ابو سعود : السلام عليكم
حمده : ياهلا
ابوسعود: هلا بك يالغاليه وش اخبارك وش اخباركم يابنات
البنات : زينات الحمدلله
حمده : رحت للشهد
ابو سعود : لا وليش اروح لها
حمده : تبارك لها
ابوسعود : مالازم ...وين القهوة
حمده : طيب ايه جيب القهوة ...وتناظر لنوف باابتسامت نصر
.................................................. ...........................
اوف طفشت من الجلسه بالغرفه واذا نزلت شفتها البنت اوف رحت فتحت البلكونه وجلست وشفت جات سياره لمبرغيني وطلع منه الولد اللي امس شفتها طنشتها ولفيت للجهه الثانيه للبلكونه
.................................................. ...........................
ريحة البخور والسجائر والمكان المترف والسكرتير والقهوجي
ابو مبارك والصوت الرجولي : وانتم ماتفهم انا اقول لك جيب لي الاوراق
السكرتير : طال عمرك الشيخ مبارك مو راضي يعطيني اياه
ابو مبارك : مبارك وزفت رحه ناده لي
السكرتير : سم طال عمرك
.................................................. ......................
في حوض ورد
على نهايه البلكونه رحت له الحوض واخذت ورد لي واهديتها لنفسي وشفت البوابه انتفحت شفت الساعه لسه الساعه 11 ودخلت سياره سعود المتواضعه ونزلت جري تحت وشفت في الصاله البنت بحضن الولد اول شئ انصدمت ايش المسخره هذا
شهد : ياقليلن الادب هيه انتى ماتسحين على وجهك هاااا
البنت : نعم
شهد : وكمان وفي بيتي ياوسخه
البنت : بيت مين ياحلوه
الولد ساكت
شهد : هيه انتى ماتسحي يوم حضانها الولد لا وكمان بالصاله
البنت : هذا زوجي
شهد ( اكلت تراب ووجهي نزل يالقاع واحمر وجهي ودي اضرب نفسي من اللقافه )
شهد : حتى لو كان زوجك طسي معها فوق مو هنا
الولد : انتي هييه وش تبين
شهد : لاتصارخ انت كمان
الولد : وليه وش يعني تبين تسوين لي
شهد : اعلم ابو مبارك عليك
الولد : وش هو
البنت : ياحلوه طسي بس
وانقهرت وقلت اروح افتح الباب احسلي وفتحت الباب ودخلتا سعود المجلس الملكي هو اصلا مو مجلس قاعه
شهد : ياهلا بااخوي العزيز
سعود : ههههههههه ياهلا بالعروس
شهد : مو لايق
سعود: واحلا عروس كمان تعالي اصلا انا ابى اضربك
شهد : وليه
سعود: اشلون تزوجين وماتقولين لي هااااا
شهد: طيب ارتاح
سعود : وين زوجك
شهد : والله ماادري
سعود : هيه انتى تسهبلين ولا ايه
شهد: لا والله قمت وهو مو في اظن بالشركه حقته
سعود : اهاااااااااااا وش اخبار ويغمز له كيف امس
شهد بدلاخه : ابدا دخلت الغرفه لبست روب وبعدين نزلت تحت وشربت عصير وبعدين وش سويت امممممممممممممم
سعود مبلم : نعم وزوجك وينه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك