رواية احتاج لك اذا ضيق الوقت صدري -56
ريم:لأ انا ماابرد انا اعشق البرد انت بردان اعطيك جاكيتي؟؟
رجوان اخذها فرصه:ايوا مره برد عطيني جاكيتك هذا الي عليكي
ريم تبتسم وتنزل جاكيتها وتعطيه رجوان
الجاكيت كان لونه اسود وماكان باين انه للبنات
رجوان:الله نار جسمك تدفيني
ريم حست بخجل
رجوان:ياالله جاكيتك دافي
رجوان يمسك يد ريم:وحتى يدك
ريم:وانت يدك باردا
ريم تحط يد رجوان على خدها :الله باررررد
رجوان:نفسي اجلس معاكي على طول بس لازم اروح اخاف اهلك يشوفوني وتروحي فيها اخاف عليكي حياتي
ريم:يووه رجوان لا تقول بتروح
انت تدري لو رحت ببقى لوحدي
انا صرت اجلس في غرفتي مااطلع منهاا لا اذا كنت طالعه مع البنات
وربي طفشت بين اربعه جدران مليت من الوحده
حتى رولا ونوف ماصارو بيجوني وصارو مشغولين بأزواجهم
رجوان:ياحياتي انتي وربي حاسس فيكي ولو بيدي اجي واجلس معاكي في غرفتك
ريم تضحك
رجوان يرفع شعر ريم الي نزل على وجهها:انتبهي على نفسك ودخيلك لا تبكي او تزعلي نفسك
وافتكري اني وعدتك انك بتكوني معايا على طول
ريم:وانا واثقه بوعدك ومهما مر الزمن بتوفي بوعدك
رجوان:ريم قربي شويه
ريم تقرب من الحديد
رجوان يبوس ريم على خدها
ريم خجلت واحمرت خدودها ونزلت راسها وشعرها نزل على وجهها
رجوان يضحك:كل هذا عشان بوسه على الخد
ريم تلعب بأصابعها
رجوان:يابنت الناس يكفي عذبتي روحك خلاص
رجوان يرفع راسها
ريم تبتسم
رجوان:فديت الخدود الورديه
ريم:بطل خلاص انا موحاسه بنفسي
رجوان يبتسم:خلاص اوكي
رجوان يبعد شويه عن الباب عشان بيروح
ريم متمسكه بيد رجوان وموراضيه تتركها
صارت يد رجوان ممدومه ومشدوده وريم ماسكتها
رجوان:موناويه تتركيها
ريم تهز راسها:لأ
رجوان يبتسم:طيب لمتى؟
ريم تبتسم:مدري
رجوان:اوكي انا جالس بستنى الين ماتتنازلي عن يدي
ريم تضحك
رجوان يطالع فيها:هاااااااه
ريم تترك يد رجوان شويه شويه لين تركتها مره وزعلت مره
رجوان:لأ ماابغى اشوف ملامح الحزن حبيبتي على وجهك اعتبريني مازلت قدامك واطلعي غرفتك وكإني معاكي
ريم تهز راسها:انشاء الله..بس انت روح ع البيت على طول ولا تتعب ظهرك
رجوان يأشر لريم ويركب سيارته:باي حبيبتي
ريم تأشر لرجوان:باي
رجوان يحرك السياره
ريم بصوت واطي مايسمعه رجوان:حبيبي
ريم ترجع الحوش وتطلع من الحبل على بلكونتها
ريم تطلع البلكونه:وربي انا داهيه انا كيف سويت كذا؟؟
ولا المشكله من الحبل هذا شوف افكاري كيف صايره وربي مصيبه
ريم تضحك
في بيت لمار
يدق الجرس
البنات انفجعو مين الي بيجوهم في هذا الوقت
لمار:بروح اشوف مين
تالا وخالدين بصوت واحد:لاااا
لمار:ليش؟
تالا:يكون حرامي
لمار تضحك:حرامي بيدق الجرس ونعم الإحترام بيستأذن
تالا ترمي لمار بالمخده
الكل يضحك
يروحو البنات عند الباب خالدين تفتح الستاره وتشوف:بنات هذا رجوان شوفو يده مربطه
تالا:صح والله حتى نفس تسريحة شعره
لمار:ايش جابه
لمار تروح تفتح الباب
رجوان:اهلين
البنات:رجوان
رجوان:خير ليش مستغربين؟
لمار:لابس ليش طلعت؟
رجوان:هربت طفشت من المستشفى
خالدين:محسسني انك في فلم هندي وهرب البطل من المستشفى عشان حبيبتو
رجوان استغرب :انتي كيف عرفتي؟
البنات يضحكو
خالدين:مجرد تخمين
رجوان:اهااا
تالا:يلا ندخل الجو هنا بارد
رجوان:يلا يلا
رجوان يدخل
لمار تدق تالا وخالدين:شوفو شوفو
تالا وخالدين:ايييش؟
لمار:جاكيته جاكيت بنات شوفته في بيرشكا
خالدين:ايوا صح
تالا تضحك
خالدين ولمار:يضحكو
لمار تروح ورا رجوان:رجوان رجوان
رجوان يلتفت:نعم
لمار:انت بردان
رجوان :لأ ليش؟
لمار:لابس شايفتك لابس جاكيت وكذا يعني
رجوان يطالع في الجاكيت ويستوعب انه جاكيت ريم
رجوان بتردد:هاا ايوا لأ حران
رجوان ينزل الجاكيت
رجوان:انا جوعان شوفيلي اي شي اكله وسويلي قهوتي
تالا:غريبه
رجوان:ايش هوا الي غريبه؟
تالا:ليش مارحت على بيتك؟
رجوان:ماتبغيني يعني؟
تالا:لالا مو كذا بس غريبه ماتسويها كثير
رجوان يطالع في لمار:عشان في ناس وصوني على نفسي وكانو خايفين عليا عشان كذا جيت هنا عشان تهتمو فيني
خالدين:طيب ليش مارحت عندها هيا تهتم فيك
رجوان:عندها ظروف ماتسمح اني اجلس عندها
الكل يطالع في بعض ويضحك
رجوان:يلا يلا شوفولي شي آكل جوعان مره
لمار تروح تحط لرجوان اكل وتسويله قهوته
لمار:بنات بفكر اعزم ريم بكرا عندنا ع العشا ايش رايكم
رجوان لما سمع اسم ريم شرق بالقهوه وصار يكح
تالا وخالدين يضحكو لأنهم عرفو انه شرق لما سمع اسم ريم
تالا:اوكي اعزميها فله البنت دي مره
رجوان يطالع فيهم
خالدين:وقولي لأسرار وراجين
لمار:خلاص اوكي
بدق على ريم دحين اكيد صاحيه اعرفها ماتنام دحين
رجوان يطالع في لمار
لمار تدق على ريم وتفتح الإسبيكر بالعانيه عشان رجوان
ريم:هلا لموري
لمار:هلا ريمو كيفك يابطه؟
ريم:تمام يابطريقه وانتي؟
رجوان يضحك عشان ريم قالت لمار بطريقه
لمار تأشر لرجوان انه يسكت
لمار:بخير انا بطريقه هاه
ريم تضحك
رجوان يبتسم
تالا وخالدين ملاحظين رجوان
لمار:عندك شي بكرا
ريم:لأ بس انا موافقه
لمار :على ايش؟
ريم :اكيد بتقولي طلعه وانا موافقه انا مااصدق
ريم ولمار يضحكو
لمار:لا مو طلعه بس عزيمه بعزمك بكرا عندي في البيت
راح اعزم كمان راجين واسرار
ريم:يااي وحشوني من زمان عنهم خلاص اوكي ترا انا خفيفه ماارفض عزيمه او طلعه
لمار تضحك :طيب اشوه عشان لو رفضتي بزعل
زي ذيك المره لما عزمتك على تشيليز وماجيتي
ريم تضحك:ياحياتي اعذريني مو بيدي
لمار :لا ماعليكي عادي حبيبتي
رجوان يكلم لمار:لا تقولي حبيبتي
تالا وخالدين يضحكو
رجوان يضحك
لمار تأشر لهم عشان يسكتو
ريم:انتي عندك احد؟؟
لمار:بس تالا وخالدين
رجوان:وانا
لمار عصبت وتطالع في رجوان بقهر
ريم:بس في صوت رجال انتي فين يابنت؟ ريم تضحك
لمار:لا ياحيوانه لايروح بالك بعيد هذا رجوان
ريم ارتبكت:هاه
رجوان ابتسم
لمار تطالع في رجوان وتالا وخالدين فاطسين ضحك
لمار:يلا استناكي بكرا انشاء الله
ريم :اوك خلاص انشاء الله
لمار:باي
ريم:بايات حبيبتي
لمار تسكر الخط وتاخذ المخده وترميها على رجوان فشلتني
رجوان يضحك
تالا وخالدين يضحكو
لمار:وانتو ليش تضحكو وجع فشلتوني
رجوان:انا بطلع انام لو ماصحيت الساعه 8:00 الصبح صحوني بروح الدوام
خالدين:وانت مكسر بتروح الدوام
رجوان:ايوا
البنات:انشاء الله
رجوان يطالع في لمار ويطلع
لمار:شفتو كيف يطالع فيني
البنات يضحكو
خالدين:شفتو كيف اتغير لون وجهه لما دقيتي على ريم
تالا:ولا لما قلتي اسمها وشرق
البنات يضحكو
لمار:انا دحين اتأكدت 100% انهم يحبو بعض
في غرفة ريم في البلكونه ماسكه كوب قهوتها بيد وبيد التانيه ماسكه الجوال تكلم
ريم تضحك:وربي ارتبكت لما قالتلي رجوان
رجوان:انا ماشفتيني لما قالت بتتصل عليكي كنت اشرب قهوتي وشرقت منها
ريم تضحك
ريم:ها اجي بكرا ولا لأ؟
رجوان:دخيييييييييلك يابنت الناس تسويها وتجي اتهوري هذي المره
ريم تضحك:خلاص بجي لعيونك
رجوان:استناكي
ريم:اوكي بس ماراح اشوفك راح اكون مع البنات
رجوان:لا ماعليكي تتدبر
ريم:داهيه احنا مصايب
ريم ورجوان يضحكو
في بيت رولا الصبح
رولا:مازن حاسه بتعب مره مادري ايش فيني؟
مازن:سلامتك حياتي اوديكي المستشفى
رولا:لالا مو تعب لدرجه المستشفى بس خمول وارهاق
مازن:خلاص حياتي انتي ارتاحي لا تتعبي نفسك واي شي تبغيه انا بجيب لك هوا
وان كان ع الغدا ايش اريك نروح عند امي
رولا:خلاص اوكي لأني ماارح اقدر اطبخ مره متكسله
مازن يبتسم:خلاص حبيبتي بنروح نتغدا عن اهلي
كلمي نوف خليها تجي معاكي
رولا:ايوا صح خليني اكلمها
نوف:ايوا رولا
رولا:اسمعي اليوم بنروح نتغدى عند خالتي رنا تعالي
نوف:خلاص اشوف بدر واقولك
رولا:خلاص اوكي
نوف:بكلم ريم واقولها وحشتني البطه
رولا:تصدقي ان ليا فتره ولا بسأل عليها اخر مره سكرت الخط بوجهي وزعلت مني لأني مابكلمها
نوف:وانا نفس الشي سكرت الخط بوجهي ولا عاد شفت اتصالها بعدها
رولآوالله احنا كمانا مره انشغلنا عنها
نوف:ايوا والله اول مره توحشني ريم وهيا هنا جمبي
رولا:اجل نمر سوا ناخذها من بيت خاله رانيا ونروح بيت خاله رنا
نوف:اوكي خلاص ماعندي مانع
رولا:خلاص يلا باي
نوف:باي
في بيت ابو سعود
في المجلس نوف ورولا وام سعود
ام سعود:كيف الحمل معاكي؟
رولا:واي ياخاله مره حاسه بتعب مو طبيعي وخمول
ام سعود:تجي فترات كذا ماعليكي..وانتي يارولا متى بتحملي انشاء الله
نوف:لا ياخاله بدري شويه كمان
ام سعود:اي شويه ماقدامك شي خلاص احملي وجيبيلنا نونو
رولا:فين ريم اتأخرت ؟
ام سعود:نايمه راحت الشغاله تصحيها
رولا ونوف:بصوت واحد:نايمه
نوف:غريبه!؟
رولا:اول مره تسوها وتنام الظهر
ام سعود:اشوفها تسهر للصبح الساعه تقريبا 8 وبعدين تنام
نوف:اها عشان كذا ولا موعادتها تنام للظهر
ام سعود: وانتو كذا فجأة قطعتوها ماادري ليش وتركتوها لوحدها
صايرة تغيرات في حياتها مره كثير ماادري البنت ايش عندها
نوف ورولا يطالعو في بعض
ريم تدخل المجلس:اهلين بالي ماكانو يبغو يجو
ريم قالتها من غير نفس وجلست حتى ماسلمت عليهم
نوف تطالع في رولا
نوف تقوم وتروح تجلس جمب ريم:زعلانه
ريم من غير نفس:لا دخيلك لا تسألي هذا السؤال
ام سعود تطلع من المجلس
رولا:ياعمري شكلك شايله علينا مره
ريم:انتو شايفين كذا؟؟
نوف:لأ لأني اعرفك انتي ماتشيلي في قلبك على احد
ريم بنبرة حزن:خلاص اصلا اتعودت اكتم واتعودت ع الجلسه لوحدي فعشان كذا مادورت عليكم كثير
نوف تطالع في رولا
رولا:ريم احنا جايين ناخذك عشان نروح نتغدى عند خاله رنا بس قبل لا نطلع من هنا بتقوليلنا ايش فيكي
ريم:لا مافيني اصلا عندي طلعه اليوم لمار عازمتني
نوف:عادي اتغدي عندنا بعدين ارجعي البيت
رولا:ريم حياتي لاتزعلي مننا وربي لو كنتي في مكاننا راح تنشغلي
ريم تقطع كلامها وانفعلت:ماكنت راح انشغل
ريم تقوم توقف وتهدي نفسها شويه:انا عاذرتكم وانتو تعرفو اني ماازعل من احد ولا اشيل على احد
نوف:طيب ايش فيكي؟؟
ريم:انا ماني محتاجه افضفض الي فيني زي اول
انا لااحتجت افضفض عندي الي افضفضله وارتاح معاه يمكن يكون هوا الوحيد الي بقيلي في حياتي
لا مو يمكن اكيد
رولا:واحنا؟
ريم:موجودين بس منشغلين عني
نوف:اوعدك ماعاد انشغل عنك
ريم:لا يانوف انتي متزوجه وبكرا بتكوني ام مومعقوله بتتركي زوجك وبتجيني
لا تنشغلي انا عندي الي يرحني وينسيني كل همومي
رولا:بس باين انك زعلانه مره
ريم:زعلانه بس مو منكم
ريم تروح عند رولا وتمسك يدها:قولي لماهر لو يغبى عمري اعطيه بس يتركني ويترك رجوان
رولا تطالع في نوف
نزلت دموع ريم
نوف:ايش صار؟
ريم:سعود بيزوجني ماهر غصبا عني
نوف تحط يدها على فمها من الدهشه
رولا:مومعقول
نوف:هذوله الإثنين بيخططو من عندهم
ريم تبكي:رولا الله يسعدك ويخليلك زوجك قوليله يتركني لرجوان قوليله انا موله انا لرجوان
رولا تمسح على شعر ريم:انشاء الله انتي لاتشيلي هم مادام انتي رافضته وانا بحاول
نوف:انتي قومي دحين البسي ويلانروح عشان انا مره جيعانه
ريم تبتسم:اوكي
في بيت ابو مازن
الكل على طاوله الطعام
ريم ونوف ورولا كان حاطين الطرحه على راسهم عشان مازن وبدر
وابو مازن بالنسبه لريم
ام مازن:خذي رولا ياماما لازم تاكلي زي الناس عشان يتغذا الي في بطنك
مازن:سامعه يلا كلي
رولا:مااشتهي
مازن:يلا حبيبتي بلا دلع
بدر:هنا خالتي شوفي بنتك كمان شوفي كيف خاسه وصايره عظم
ام مازن:ونوف كمان يلا يابنت كلي خلي الرجال ينبسط
ريم تطالع فيهم وتبتسم
ام مازن:ياعمري ريم ماعندها احد يدلعها
ريم استحت
الكل يضحك
ام مازن:قريب انشاء الله نفرح فيها
رولا ونوف يرفعو يدهم :آمين
ريم تغمز لرولا ونوف
بعد الغدا
في غرفة نوف
ريم كانت منسدحه على الكنبه ورافعه رجولها ومنزله راسها على الأرض وسرحانه
رولا تدق نوف:شوفي البنت
نوف:عشقانه
نوف ورولا يضحكو
نوف تروح تنقز على ريم وتضربها على بطنها
ريم تمسك بطنها:آآي بابنت البيبي
نوف ورلا وريم يضحكو
رولا:ماشاء الله لحقتي تتزوجي وتحملي
ريم:شفتي كيف
الكل يضحك
نوف:موناويه تقوليلنا ايش سويتي مع رجوان؟
ريم تبتسم:ايش بقولكم بس والله مو عارفه اقول ايش ولا ايش
رولا:كل الي تعرفيه
ريم:كل الي ابغاه شي واحد بس انه يكون معايا على طول
الله يسامحه اخوكي
يوم ماضرب رجوان ياعمري لدحين ظهره تعبان
رولا:والله ماني عارفه ايش اسوي فيه
ريم:لاتجيبي سيرته بليز رولا
نوف:خلونا من ماهرا انا ابغا رجوان
ريم:البارح كنت عنده في المستشفى رحت له لوحدي
وكنت تعبانه نفسيا تخيلو بنات مادري كيف سويتها
انسدحت جمبه على السرير وجلسنا نتكلم مافكرت في اي شي ممكن يصير لو احد دخل علينا
ريم تضحك:وربي تجيني حالات غريبه وانا معاه
نوف ورولا:مجنونه وربي
ريم:ولا البارح بعد ماطلعت من عنده ورجعت البيت جاني سعود وهددني وقال انه بيزوجني ماهر غصبا عني
وانا جلست ابكي
ومالقيت نفسي غير اني ماسكه الجوال وادق على رجوان
واقوله وانا موقادرا اتكلم من البكا صار يهديني وانا بكي
صار يسمعني وانا ابكي لين حسيت ان دموعي خلصت بعدين اتكلمت
نوف ورولا يبتسمو
ريم:تخيلو ايش سوا قام من السرير وطلع من المستشفى وجاني البيت
رولا ونوف بصدمه:ع البيت؟!؟
ريم :ماادري كيف سويتها ونزلت قابلته تصير اشياء غريبه لما اكون معاه بس مااستوعبها الا بعد مايروح
المهم
رحت له عند الباب وكلمته
نوف:ايش قلتو؟
ريم تبتسم:مولازم تعرفي
رولا:ايش صار بينكم
ريم استحت:بنات خلاص
رولا ونوف يضحكو
ريم تشوف الساعه بروح اجهز بروح عند لمار
نوف تغمز لريم:لمار ولا رجوان
ريم تضحك:إثنينهم..خليني افرح يانوف قبل لا يصير شي ينكد عليا حياتي
سعود لا حط شي براسه يسويه وناوي يزوجني ماهر بالقوه
وصدقيني لو يبغا يسويها يسويها
رولا:انشاء الله انا اقدر اقنع ماهر بس انتي لا تشغلي بالك
في بيت ماهر
في المجلس:رولا ماهر تعالي معايا ابغاك
مازن كان جالس مع مهران
في غرفة ماهر رولا تدخل وتسكر الباب
رولا:انت ماتستحي
ماهر:الله الله ليش؟
رولا:البنت تكرهك مو بس ماتبغاك مو طايقه عيشتك ولا طايقه شكلك
ماهر:بس انا العكس
رولا:انت اناني
ماهر:شكرا
رولا عصبت:ماهر لا تعصبني انا تعبانه ومافيني
ماهر:انتي بتعصبي نفسك
رولا:اترك ريم ياماهر اتركها ترا البنت ماتبغااك ياماهر افهم
رساله قالت لي اقولها لك
تقول انها هيا لرجوان ورجوان لها وإثنينهم لبعض مولغيرهم
ماهر بعصبيه:لأ ريم ليا انا وانا بنسيها مين رجوان
ماهر كان بيطلع من الغرفه رولا تمسكه:انا ماخلصت كلامي
ماهر:يوووه
رولا:كيف ترضى تتزوج وحده في قلبها واحد غيرك ترضى تنام مع وحده وهيا تفكر في غيرك
بالها وقلبها وعمرها كل شي مو معاك مع غيرك
ماهر:لو اتزوجتها بتنسى كل شي مع الأيام
رولا:الي يحب ماينسى ياماهر وانت ماتحب
بس ريم تحب
لوتحب كان اتنازلت عن زواجك منها عشان تسعدها مع حبيبها
ماهر يصرخ:انتي وبعدين معاكي قلت ماراح اتنازل
رولا انقهرت من ماهر وضربته كف وطلعت من الغرفه وراحت للمجلس:مازن يلا
مازن:خير ايش صار؟
رولآ بعصبيه: يلا مازن خلينا نمشي مهران انتبه على نفسك يلا مع السلامه
مهران:مع السلامه
رولا ومازن يطلعو
مهران يطلع عند ماهر
ويلقى ماهر واقف قدام المرايا وماسك خده
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك