رواية احتاج لك اذا ضيق الوقت صدري -64
رجوان يطالع فيهم ويبتسمو
ام رجوان تسلم عليه:الحمد لله على سلامتك
رجوان يطالع في امه ويبتسم:امي
ام رجوان متعجبه
رجوان يحضن امه:وحشتيني
الكل مستغرب
لمار تسلم عليه
رجوان:لمار انتي لمار
لمار:اول مره تشوفني؟
قتيبه:ياجماعه رجوان انضرب على راسه بقوه والضربه اثرت على ذاكره ورجعتله ذاكرته الي فقدها
الكل:معقول؟؟؟!!!!!
البنات يروحو يحضنو رجوان
خالدين:انا ميييين؟
رجوان:وانا اتوه عن خالدين
الكل يضحك
رجوان:تالا ..انتي متى جيتي من باريس
تالا:يوووه صح النوم
الكل يضحك
رجوان يطالع في لمار ويحدق فيها
لمار:ايش فيك؟
رجوان يمسك يد لمار:راح تروحي زواجها
لمار فهمته
لمار بحزن وتردد :ماادري
رجوان:روحي
لمار مستغربه من رجوان
رجوان يكلم لمار بصوت واطي:اخاف تسوي في نفسها شي تراها مجنونه
لمار:انشاء الله بروح
خالدين وتالا وقتيبه انتبهو لرجوان ولمار
رجوان يرجع وينسدح على السرير:آآه
ام رجوان تبتسم:سلامتك من الآه حبيبي
رجوان:آه ياامي ادعيلي الله يفرج عني
في الصالون
كل شويه ريم تبكي ويخرب ماكياجها
دخلت ريم الحمام وبكيت ومسحت دموعها وطلعت
المغرب
الكل انتهى وراح للقاعه وباقي ريم ونوف في الصالون
ريم انتهت ماكياج وتسريحه
راحت ريم للحمام ودخلت معاها نوف
ريم تطالع في نفسها في المرايا
نوف:الله يسعدك لا تبكي وتخربي المكياج مسكينه الحرمه تعبت من كثر ماتعيد لك الماكياج
ريم تطالع في نوف بحزن
ريم تلبس فستانها وتشوف نفسها في المرايا وتتخيل رجوان معاها وتبتسم
ريم تشوف رجوان قدامها وماسك يدها ويرقص معاها سلو
ريم تبتسم
ونوف تطالع فيها مستغربه
نوف:ايش فيكي؟
ريم:شوفي رجوان معايا
نوف:ريم اتجننتي
ريم:شوفيه معايا ماسك يدي ويرقص معايا
نوف تحضن ريم
رجوان طلع من المستشفى ورجع بيته
رجوان قال لأهله انهم يتركوه لوحده في بيته
راح رجوان غرفته ونزل بلوزته وانسدح على السرير يفكر
رجوان:معقول الي صار معايا
انا حبيت!معقوله انا احب
والي حبيتها اليوم زواجها
طيب ليش ياربي؟؟انا موحمل عذاب الي فيني مكفيني
آآآه ياريم لو اقدر اشوفك اكلمك واقولك على حالي
لو بس اقولك ايش صار فيني
في القاعه الكل جالس فرحان ومتهني
ام مازن تكلم ام سعود:ماكان اجبرتي البنت يا رانيا
ام سعود:كان لازم تتربى من جديد
ام مازن:بس التربيه مو كذا انتي هدمتي حياتها
ام سعود تفكر بحزن: ادري اني اجبرتها وادري انها كارهه حياتها بس انا سويت كذا عشان مصلحتها
ام مازن:لأانتي سويتي كذا عشان مصلحتك انتي
ام سعود:مصلحتي انا؟؟
ام مازن:ايوا.لأنك خفتي من كلام الناس قررتي انك تزوجيها وتفتكي من كلام الناس بس مافكرتي في حياة بنتك
ام سعود تفكر في كلام ام مازن
في بيت رجوان
عند الباب تنزل من سياره تاكسي
بنت شعرها اشقر وحلوا وباين عليها اجنبيه
وكانت ماسكة ورقه مكتوب فيها عنوان بيت رجوان
تدق الجرس
رجوان ينزل يفتح الباب ويشوفها وينصدم
رجوان بصدمه:كريستينا
كرستينا تبتسم:هالو رجوان"وتبوسه على خده"
كرستينا كانت تتكلم كلجه كلامها مكسر
رجوان مصدوم:انتي ايش جابك هنا؟
كرستينا:انت اتأخرت كتير عليا وانا جيت اشوفك
رجوان:ومين قالك تجي؟
كرستينا:انت ليش معصب
رجوان:انتي ترجعي تاني استراليا انتي فاهمه
كرستينا:ليش؟انت حبيبي
رجوان:كرستينا اسمعي الكلام
كرستينا تدخل البيت وتروح الصاله
رجوان:كرستينا خذي اغراضك وارجعي على سدني بسرعه
كرستينا:انت ليش متغير عليا انت حبيت غيري
رجوان:ايوا حبيت غيرك
كرستينا تبكي:ليش رجوان ليش؟
رجوان:شيلي اغراضك ويلا انا موناقصك
كرستينا:انا فين اروح دحين ليل وماعندي احد اقعد عنده
رجوان حزن عليها وصار يطالع فيها بحزن
في القاعه في غرفة العروسه
نوف ورولا وريم
ريم:بنات ممكن تطلعو شويه وتنادولي لمار
رولا ونوف :انشاء الله
يطلعو رولآ ونوف من الغرفه
ريم تدور عبايتها:فينها فين راحت؟
ريم تشوفها:لقيتها
تدخل لمار وتحضن ريم
لمار:ريم ليش شايله عبايتك؟؟ ايش بتسوي يامجنونه؟
ريم:بهرب وانتي بتساعديني؟
لمار:يامجنونه
ريم:مجنونه مجنونه بكيفي يلا
لمار:كيف؟
ريم:في باب خلفي للقاعه بس انتي شوفيلي عند باب الغرفه في احد
لمار تفتح الباب :لأ
ريم:طيب يلا
لمار:ريم يامجنونه
ريم تلبس عبايتها وتطلع من الباب الخلفي للقاعه وتهرب
لمار تجري تروح للنوف ورولا:الحقو ريم
نوف ورولا:ايش فيها؟؟
لمار:هربت
نوف ورولا يشهقو ويروحو للباب الخلفي
ريم هربت بفستانها الأبيض وبتسريحتها وبمكياجها عبرت شوارع
واشارات ومرت من قدام الطرق والسيارات عشان توصل لبيت رجوان
سعود يوقف وبصدمه:هربت!يعني ايش هربت
ام سعود:طلعت من القاعه ياسعود ريم طلعت
سعود موعارف ايش يسوي ولا ايش يقول
سعود يترك الجوال ويطيح بالأرض
ابو سعود:ايش صار؟
سعود:العروسه هربت ريم هربت
ماهر:نعم !!؟
ريم ترفع فستانها ومازالت تجري في ذيك الشوارع وعيون الناس ماتفارقها تمشي ودموعها على خدودها
ام سعود:ياحسرتي ياحظي المنيل
ام مازن:قلت لك يارانيا وماسمعتي كلامي
نوف:المهم ان ريم ترجع بيتجيبولي ريم
رولا تمسك بطنها:آآه بولد آآه يامااما الحقيني بولد بولد
نوف وام مازن يمسكوها
نوف تتصل في مازن
نوف:مازن الحقنا رولا بتولد
مازن:نعم !بتولد بس هيا في السابع
نوف:ماادري بس تعال بسرعه
مازن:خلاص خليها تطلع برا وبوديها المستشفى
ريم تجري تجري لين وصلت بيت رجوان وصارت تتنفس بسرعه أنها تعبت من الجري
ريم تدق الجرس وهيا تتلف خايفه يكون في احد وراها
رجوان يفتح الباب وكان مولابس بلوزه بس بنطلون
ريم تجري وتحضنه وتبكي
رجوان مصدوم:ريم..انتي ريم؟؟
ريم:رجوان انا هربت
رجوان يصرخ :يامجنونه
ريم:ماقدرت والله ماقدرت مستحيل اعيش مع غيرك
"تخرج كرستينا وتطالع في ريم"
وكانت كرستينا لابسه شورت جينز وبدي فيروزي
ريم تطالع فيها وانصدمت وفتحت فمها من الصدمه زحطت يدها على فمها
ريم احتارت صارت تطالع في كرستينا وتطالع في رجوان
//
خلي هجرني تكفى ياموت زرني
وان ماقدرت دلني مكانك وانا اجيك
مابي حياتي دام خلي هجرني
مابي حياتي دامه يقول مابيك
يدري بظلم الناس يدري وظلمني
واكد كلام اللي يقولون ناسيك
لكن قبل لاتاخذ الروح مني
باسأل حبيبي كم سؤال واخاويك
وشلون قلبك ياحبيبي تركني
وتد ري بخفوقي كم له سنين هاويك
وماتدري بعادك وصدك ذبحني
وما تدري عن دمع نثرته وانا ارجيك
اسال جميع الناس وش صار عني
اسال وش اللي صار في حال مغليك
لوعلموك وش كثر همي وحزني
من يوم حبي انتهى وصار ماضيك
لو علموك عن قلبي اللي يوني
مطعون يصرخ يشتكيلك يناديك
لو عاش عاقل عيشتي كان جني
حالي لو تشوفه بعيونك يبكيك
صار الحزن هو لعبتي صار فني
ابكي ندم والله الى حل طاريك
ضيقت صدر ويا الهموم اسكنتني
احكي واكمل ولا ماقلت يكفيك
اللي سمعته بسبتك انت جتني
عطيتني كرهك وانا الحب معطيك
ضاعت سنيني وانا بالحب أبني
قصوور وانهدت سبب فعلت ايديك
جاك الوفا والحب والعشق مني
حتى الوله والشوق والصدق معطيك
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من بعد مامت انا فيك
هذي حقيقة بعض مامنك جتني
وبعض اللذي اسقيتني انت با ايديك
ماكنت ساكت خايف بس لاني
ميت بحبك ما أقدر ازعلك واشقيك
حرّمت اقولك من محبتك عطني
مادام غيري في محبته مرضيك
ببعد بعيد واوعدك ما احني
ابشر اببعد ومع حبيبك بخليك
خلصت هرجي الحين ياموت خذني
تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك
//
رجوان:لالالالا لا تفهمي غلط ياريم
ريم مو قادرا تتكلم من الصدمه وضربت رجوان كق وتصرخ:ياخاين
كرستينا:هذي حبيبتك
كرستينا تطالع في ريم بحقد وتأشر بيدها:التانيه
رجوان يضرب كرستينا كف:اسكتي
ريم تصرخ:ليش؟؟ ليش يارجوان ليش؟
رجوان:ريم لأ انتي فهمتي غلط
ريم تبكي بقهر:ليش تسوي فيني كذا ليش؟ انا بعت اهلي
بعت اهلي يارجوان وجيتك تركت كل الناس ورايا وجيتك ابغى حضنك وابغى حبك تركتهم يصرخو بعدي وجيتك
تركت زوجي الي حبني وضحى تركته وجيتك تركتهم كلهك وجيتك ياخاين
رجوان:انا مو خاين ياريم افهميني
ريم:افهم ايش؟؟
افهم انك جالس مع وحده لابسه مايوه"وتشدد على مايوه" وانت مولابس بلوزه افهمك صح انت مجنون
رجوان:طيب اسمعيني
ريم تبكي بقهر وألم:طيب ليش؟؟ انا حبيتك !ليش ماحبيتني ؟ليش خدعتني؟ ضحيت بكل شي عشانك حتى روحي
تركت كل الناس الي يحبوني واخترتك انت بس للأسف طلعت خاين
ليش وانا حبيتك بكل مافيك الا الخيانه يارجوان
رجوان:والله ماخنتك والله ماخنتك
ريم:الا خاين وانت خنتني ولا تكذب وانت قدام عيوني جالس معاها
جيتك بفستاني ابغى حضنك ودفاك
جيتك بفستاني الأبيض
ابغى حنانك ورضاك
ليش عطيتني نارك وعذابك ليش؟
ليش وانا الي ضحيت بروحي عشانك
ليش تسوي فيني كذا ليش؟
رجوان:ريم انا احبك والي يحب مستحيل يخون انتي بس اسمعيني
ريم:حرام عليك خليتني اخسر كل شي حلو في حياتي
خسرت اهلي وناسي وخسرت الإنسان الي حبني خسرت زوجي ماهر
رجوان يطالع في ريم وهيا تتألم من نار الغيره ونار الخيانه
ريم:ياناسي العشره ياغدار ياخاين
من يوم ماشفتك وانا المصايب تحل عليا ماشفت يوم حلو
اولهم موت ميرا ونهايتها خيانه
شوفني وشوف حالي هذي انا بعد ماشفتك
من يوم مادخلت حياتي وانت تقلب فيها فوق تحت لين خربت عليا حياتي الله يخرب حياتك
وعدتني وقلت بتكون معايا طول العمر ماوفيت بوعدك
قلت انك تحبني وماتقدر تعيش من غيري
خليتني اصدق كل كلمه طلعت من بين شفايفك
ليش انا صدقتك وانت ماصدقتني ليش ياخاين؟
ريم تقرب من رجوان وتسحبه من بلوزته وتضربه كف: احبك ياخاين
ريم صارت تجري وتبعد عن البيت وهيا منهارا مو عارفه فين رايحه
رجوان بيروح عند ريم
كرستينا تمسك رجوان
رجوان يدف كرستينا ويرميها على الأرض ويلحق ريم
ريم تجري في الشارع بفستانها الأبيض وتبكي
رجوان:ريم استني ريم لا تروحي ريم انا حبك
رجوان يصرخ بصوت عالي:ريم انا احبك
رجوان ينتبه لسياره مسرعه متجهه لريم وريم مو منتبهه
رجوان يصرخ:ريم انتبهي ياريم ريييييييييييييييم
ريم تلتف يمينها وتصرخ وتصدمها السياره وتهرب
ريم تطيح بالأرض
رجوان يجري لريم:رييييييييييم حبيبتي
رجوان يرفع ريم من على الأرض وفستانها الأبيض صار احمر من الدم ووجها الأبيض صار احمر
رجوان يرفعها ويحطها على فخوذه:ريم لا تروحي ياريم
انا مو خاين ياريم والله ماخنتك
ريم تتكلم ومره تعبانه كانت تتكلم بصوت واطي :الله يسامحك يارجوان الله يسامحك
رجوان:انا ماخنتك واللهي ماخنتك
ريم تفقد الوعي
رجوان يبكي:رييييييم ريم قومي
احنا راح نتزوج صدقيني انا احبك وانتي تحبيني ولا شي بيبعدنا بس قومي كلميني ردي عليا لا تطنشيني ريم ريم قومي ياريم
رجوان يحضن ريم ويبكي ودمها صار كلو على صدره ودموعه تنزل على وجه ريم وتمسح الدم الي على وجهها
في المستشفى
رولا تدخل غرفة العمليات ومازن ونوف وام مازن يستنو برا
مازن يشوف ريم وهيا مدخلينها على السرير وهيا بفستان الفرح وفستانها الأبيض كله دم وصار احمر
وشاف معاها رجوان
مازن يمسك جواله
مازن:سعود ريم بالمستشفى
سعود بتعجب:مستشفى؟! ليش؟
مازن:اظن صاير لها حادث انت تعال بس
سعود بصدمه:حادث!؟اناجاي
النيرس تكلم رجوان:محتاجين نقل دم فوري
رجوان:انا بتبرعلها بدمي
النيرس:يلا
ام سعود:خذني معاك
في سياره سعود
سعود وام سعود كانو قلقانين على ريم
سعود وكان منهار:انا ضيعتها انا الي ضيعتها
ام ريم تبكي:بنتي يارب تخليلي بنتي
سعود:لو صار بريم شي ماراح اسامح نفسي
ام ريم:انشاء الله تكون بخير
في المستشفى في العنايه
ريم وهيا بين الأجهزه وكانت كلها كدمات وكسور ورضوض
بس كل هذي الأوجاع والألآم تهون قدام جرح رجوان لها
رجوان يشوف ريم من القزاز ويبكي
رجوان:سامحينيي بس انتي مافهمتيني ولا خليتيني اشرح لك الموقف انتي اتسرعتي
كان نفسي اقولك اني خفيت ورجعت لي ذاكرتي كان نفسي اقولك ان اول شي افتكرته انتي لاتروحي ياريم الدنيا تحتاجك
لاتبعدي عنها ادري شايله في خاطرك عني بس قومي واسمعيني
وجودك بالدنيا احلى مافيها لاتروحي منها حتى لو كنتي بعيده عني
يكفي انك تتنفسي في الحياة لو رحلتي عن الدنيا انا برحل معاكي
لأني وعدتك بفضل معاكي طول العمر حتى لو كان بنفس القبر
رجوان يسمع صوت اهل ريم يبغو يدخلو
رجوان يطلع ومنزل راسه ويبكي ويمر من قدام ام سعود وسعود وابو سعود وماهر ومهران وام مازن ونوف
يمر من قدامهم ومنزل راسه ويبكي وكلهم يطالعو فيه وكانت ملابسه كلها دم
ويطلع من المستشفى من غير مايكلم احد او اي احد يكلمه
ام سعود وسعود وابو سعود يدخلو يشوفو ريم من القزاز من غير مايدخلو الغرفه عشان ممنوع
ابو سعود يشوف ريم ويبكي:بنتي؟حبيبتي
كلميني جاوبيني لاتسكتي .. لو منعتهم ماكان صارلك الي صار
ام سعود تبكي:انا ايش سويت فيكي ليش قسيت عليكي
ليش خليتك تعاني وهذي النهايه بخسرك ..سامحيني حبيبتي
سعود يبكي:ادري زعلانه مني ادري انا السبب في دمار حياتك
وانا السبب في الي انتي فيه دحين غلطان ادري
نسيت انك اختي وماعرفت كيف احافظ عليكي
خفت على نفسي اكثر منك
سامحيني
ريم لاحس ..ولا نفس.. ولا حركة
في بيت لمار
في الصاله
تالا:مجنونه هذي البنت؟
خالدين:تتوقعو ايش صار؟
لمار بخوف:ماادري بس انا خايفه على رجوان انا بدق عليه
ع البحر رجوان كان جالس على شاطئ البحر وجالس على ركبه وسط المويه واتبلل بنطاله
رجوان يبكي لأنه حس انه خسر ريم للآبد
وجواله كان مرمي على التراب ويرن
لمار:مايرد انا خايفه؟
تالا:ايش بيصير فيه يعني؟
خالدين:بنت بلا جنون اليوم زواج حبيبته وحبيبته هاربه وتبغيه يكون بخير
لمار:انا بروح بيته
تالا:طيب استني نروح نغير الفساتين
لمار:انا بطلع والي تبغى تجي تجي
تالا ولمار وخالدين يروحو بيت رجوان بفساتينهم
لمار توقف عند الباب وتشوف في وسط السكه طرحه بيضه وراحت تجيبها
تالا وخالدين:فين رايحه انتبهي السيارات
لمار تروح ويجي وراها تالا وخالدين
لمار تمسك الطرحه البيضه الي صارت حمرا
البنات يطالعو في بعض:طرحة ريم
لمار تبكي:لا انشاء الله ماصار لها شي
خالدين:يالله بنات انشاء الله تكون بخير
تالا:انا خايفه
البنات يحضنو بعض ويبكو من خوفهم
مرت الأيام وريم مازالت في العناية في غيبوبة
في بيت ابو سعود
سعود جالس على الكرسي الهزاز ويكلم نفسه:انا اناني فكرت في نفسي ونسيت ريم عذبتها كثير وفرقت بينها وبين الإنسان الي حبته
انا عارف هذا الإحساس
مريت فيه يوم مافارقت ميرا الله يرحمها سامحيني لأني خليتك تحسي فيه ياريم ادري عليا اللوم كلمه
غيرت لك حياتك لجحيم وكرهتك فيني وفي الحياه
ماادري ايش الي خلاني اسوي كذا؟؟
انتي اختي ماكان لازم اعذبك واغصبك على ماهر
هذي حياتك انتي سامحيني ياريم سوي الي تبغيه انتي حره
بس قومي وارجعي البيت البيت من غيرك مو حلو
ام سعود جالسه على الكنبه وتبكي وتكلم نفسها:انا ليش قسيت عليها وماحسستها اني امها ليش دمرت حياتها بيدي
انا مو ام ولا هذا قلب ام
انا قاسيه وقلبي حجر كيف طاوعني قلبي اسوي فيها الي سويته
كيف طاوعني ازوج بنتي غصبا عنها وادمر حياتها
سامحيني حبيبتي ادري اللوم عليا
يحق لك انك تزعلي مني بس انتي قومي وبرجع احسن من اول
برجع امك الي عرفتيها برجع الأم الحنونه ارجعيلي لا تطولي
في بيت ماهر
ماهر يكلم نفسه:كل شي صار لك ياريم انا السبب فيه
شتاتك مع اهلك ودمار حياتك وفراقك لرجوان
وحتى الحادث كلها انا السبب فيها انا قلبت حياتك فوق تحت
وخليتك تذوقي المر وحرقتك بالنار عذبتك وجننتك
سامحيني بس انا حبيتك ..وماقدرت اخليكي تحبيني
آسف لأني دمرت لك حياتك وضيعتك آسف لأني حطمت قلبك
آسف لأني هدمت الحب الي بينك وبين رجوان
انا حسيت بحب رجوان لكي وعشان كذا ماابغاه ينحرم منك
زي ماانحرمت منك
سامحيني
في بيت ام مازن
في غرفه مازن ورولا
البيبي يبكي
مازن:رولا تعالي شيلي عادل من هنا ازعجني ابغى انام
ام مازن تدخل الغرفه:حرام عليك رولا تعبانه انا بشيله
ام مازن تشيل عادل ولد مازن ورولا من سريره وتطلع برا
رولا:خالتي..ايش فيه عادل؟
ام مازن:دلع اولاد
رولا وام مازن:هههههههههه
ام مازن:لاتتعبي نفسك انتي ارتاحي روحي نامي جمب زوجك انا بنتبه عليه
رولا:خالتي بيتعبك
ام مازن:لا مابيتعبني ولا شي مابتعبني غيرك انتي وزوجك
رولا تضحك وتروح الغرفه تنام
في المستشفى
ماهر يدخل الغرفة عند ريم
ويمسك يدها ويدمع
ماهر:سامحيني لأني بخلصك مني بعد مادمرتك
بس كل الي سويته لأني اتمنيتك تكوني ليا
ريم تتحرك
ماهر فرح لأنها فكت من الغيبوبه
ريم:آآآه
ماهر:ريم
ريم:آآآآه
ريم تفتح نص عيونها من التعب
ماهر وهوا ماسك يد ريم:سامحيني لأني دمرتك
بس مو قصدي اهدم حياتك سامحيني ياريم
ريم تهز راسها بتعب
ماهر :الحمد لله على سلامتك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك