رواية احتاج لك اذا ضيق الوقت صدري -74
وربي وحشوني البنات ..ياترا ايش مسوين اتزوجو ولا لأ؟؟ قصي رجع ولا لأ؟
في بيت ابو لمار
لمار منسدحه على الكنبه وحاضنه المخده وتدمع
تالا جالسه على الكنبه وجمبها ساري حاضنها
خالدين منسدحه على فخذ مهران وسرحانه
قصي وريفال جمب بعض يتفرجو تلفزيون
وكان ولد قصي حسام وولد تالا سامي مع بعض على الأرض يلعبو
ينفتح الباب
ويدخل بهيبته وابتسامته الساحره دخل مشتاق ولهان دخل بشغفه بحماس
الكل يطالع فيه منصدم الكل ضربات قلبها تزيد
لمار تقوم تجري وتصرخ وتبكي:رجواااااان
لمار تجري تحضن رجوان وتبكي
رجوان:لموري ايش فيكي ترا انا بخير وجيت
قصي وقتيبه يوقفو :رجوان؟؟!!؟؟
قصي وقتيبه يسلمو على رجوان ويضمو بعض
خالدين وتاالا يحضنو رجوان
لمار:انت فين ليش سويت كذا ليش يارجوان
رجوان يشوف مهران :مهران؟؟؟
خالدين تبتسم:مهران زوجي
رجوان :نعم؟؟
مهران يسلم على رجوان ويبتسم:مو مصدق؟
يوقف ساري:وانا زوج تالا "ويبتسم"
ساري يسلم على رجوان
لمار تبكي:مو وقتكم ..ريم يارجوان ريم
قتيبه يدق لمار عشان تسكت
رجوان مفجوع وحس ان قلبه عوره بقوه وبدت ضربات قلبه تنخفض:ايش فيها؟
لمار:ريم روحها بين يدك يارجوان
رجوان خايف ومفجوع ويصرخ على لمار:ايش فيها؟
الكل مستغرب
لمار:ريم بغيبوبه اكثر من شهر ويمكن ماتقوم منها ابدا
رجوان منصدم:لأ لأ ريم لأ
تسمع صوته ام رجوان:رجوان حبيبي
رجوان يروح يحضن امه ويبوس يدها وراسها ويبكي
ام رجوان تبكي:ايش فيك حبيبي ليش رحت وتركتنا ايش فيك ياولدي؟
رجوان:محتاج دعواتك ياأمي انا تعبت تعبت مره تعبت
يدخل ماهر:السلام عليكم
رجوان منصدم يقرب من ماهر
ماهر منصدم:رجوان
رجوان يصرخ :انت ياحقير ايش جابك هنا؟
رجوان يضرب ماهر كف ويرفعه من بلوزته
لمار تصرخ:رجوان اتركته اتركه
رجوان:انت الي دمرت حياتنا قلبتها جحيم واليوم تدخل بيتي بكل بساطه اطلع براا ياحقير
لمار تصرخ:رجوان اتركه ماهر زوجي
رجوان مو قادر يستوعب شي
لمار تبكي:زوجي ماهر زوجي يارجوان
رجوان معصب:وكيف تتجرأ وتتزوج اختي ياحقير بعد الي سويته
الكل يطالع في رجوان مستغربين من تصرفاته
ام رجوان:رجوان حبيبي عيب هذا زوج اختك اهدا حبيبي اهدا
رجوان معصب:مايشرفني ابدا
رجوان يروح عند لمار:انتي كيف وافقتي عليه بعد الي سواه انتي مجنونه
لمار:رجوان مو وقته انت روح لريم روح لها يارجوان روحها بين يدك الله يخليك لا تروح مننا ريم
رجوان يكسر الزهريه الي كانت على الطاوله ويطلع برا ويحرك سيارته
رجوان يكلم نفسه:وهذا الي جاي احسبك عايشه حياتك بخير وفرح
قلت اهنيكي بحياتك الجديده
آآآخ ياربي انا تعبت من هذي الدنيا وفعايلها خلاص
ياريت اقدر اسوي لك شي ياريم
في المستشفى
رجوان يدخل عند ريم واول ماشافها ماقدر يحبس دموعه صار يبكي
قرب منها ولمس يدها وقلبت عليه الأيام والسنين ويفتكر ايام حبهم
لمس يدها وضمها لصدره
حط يده على خدها ومسح عليه
رجوان:مشتاااااااق لك وربي ومشتاق للمسك
مشتااق لصوتك قومي كلميني
خلي انفاسك تحاكيني
يلا ريم يلا
انا رجعت عشانك لا تروحي وتتركيني
شوفيني جيت وانا دحين بين يدك
قومي ريم كلميني
قومي ضميني
مشتاق اسمع صوت ضحكتك
شوفيني بين يدك ورجعت لك قومي حاكيني
رجوان يطالع في ريم وحالها مره ميؤوس منها ويبكي
رجوان:لا تسكتي سكوتك يعذبني في سكوتك سيوف تذبحني
انا اسمعك قومي حكيني عن حياتك في غيابي ..انتي تسمعيني؟
رجوان يطالع في ريم وكان كله امل انه تتحرك وتقوم من الغيبوبه
بعد مارجوان شاف ريم على حالتها فقد كل آمآله وماقدر يتحمل يشوفها بهذي الحاله
طلع وهوا منهار وصدفه وهوا طالع
يقابله سعود وميرا وام سعود ونوف ورولا ومازن وبدر
الكل يوقف يطالع في رجوان
رجوان كان منهار وماقدر حتى يمسح دموعه الي على خده
رجوان بقهر يكلم اهل ريم:لو صار لريم شي انا ماراح اسامح اي احد فيكم انتو الي ذبحتوها
وقريب بتذبحوني بعدها
"رجوان يطلع من المستشفى"
رولا ونوف يطالعو في بعض ومومصدقين ان رجوان رجع
ميرا مستغربه
ميرا تكلم سعود:مين هذا؟؟
سعود يطالع في ميرا وعلى عيونه علامات استفهام وتعجب
ام سعود:بنتي!!!
الكل يطالع فيها
ام سعود تبكي:بنتي ياسعود رجعلي بنتي
في استراحه المستشفى
ميرا تقوم توقف ومتعجبه:معقول يكون هذا رجوان!!!!!
ايش رجعه؟؟وليش وكيف عرف؟؟؟
نوف:احنا لازم نلقاه هوا الوحيد بعد الله الي ممكن يرجع لنا ريم
رولا:وكيف؟
نوف:مادري مادري بس انا حاسه كذا
يامن ولد ميرا يبكي وميرا سرحانه :ياعمر ي عليكي ياريم اربعه سنين كنتي تتمني تشوفيه وتتطمني عليه
ويوم جاكي انتي رحتي
رولا:ميرا حرام عليكي شيلي يامن يبكي
ميرا تستوعب وتمسح دموعها وتشيله
يدخل عليهم سعود:يلا مشينا
البنات يوقفو:ليش؟
سعود:وجودنا ماله داعي لسه الدكتور رافض ان اي احد يدخل
يالله وافق بس لأمي
ميرا ورولا ونوف بصوت بكا وبصوت واحد:وانا
سعود:مو وقتكم الله يخليكم لما تتحسن بتشوفوها يلا
الكل يرجع بيته حزين محبط والدموع على الخدود
ومن كثر خوفهم على ريم صارت قلوبهم تبكي مو بس عيونهم
من بعد ريم مافي احد ذاق النوم
ريم كانت شي كبير في قلب كل واحد عرفها
دخلت قلوبهم واتربعت فيه
تركت فيهم اثر كبير
الحال اتغير بعد ريم
صار يوم كل واحد كئيب
صارت ايامهم ماتشرق شمسها مابينعرف بردها من حرها
الصيف صار زي الشتا والشتا صار صيف
ماينعرف ليلهم من نهارهم
صبحهم من عصرهم
الحال بعد ريم ماهو حال
في بيت رجوان
في غرفته
رجوان لابس بنطلون جينز من غير بلوزه ومنسدح على السرير وكانت الغرفة ظلام
وداخل نور بسيط من البلكونه
رجوان يكلم نفسه:انا الي ضيعتها..معقوله استنتني كل هذي السنين معقوله اتحملت
وصبرت عشاني ..معقوله مانسيتيني من اربعه سنين ياريم
وانا الي فكرت غلط
احس بتأنيب الضمير ماكان تركتك من البدايه ورحت
ليش بيصير معانا كذا؟؟
ايش ذنبنا اذا حبينا؟؟
كل الناس بتحب ايش معنى انا وانتي حبنا غير؟؟؟
لسه عندي امل في بكرا بكرا اكيد احسن
وانا اعرف انك تحبيني وماراح تتركيني
شوفيني ياريم رجعت عشانك قومي انتي تعالي عشاني
تعالي مشتاق اضمك واموت في ضمتك
مشتاق اضم صدرك على صدري واضم يدي على يدك
واضم انفاسي على انفاسك مشتاق اسمع ضحكتك
مشتاق اسمع صوتك لاغنيتي مشتاق ولهان لكل شي فيكي
تعالي ريم ولا تتركيني تعالي انا جيت عشانك
ولو مره بس ضميني واموت انا في ضمتك
يمر اسبوع ..اسبوعين..ثلاثه..لين آخر الشهر
وريم على نفس الحال
والأهل كلهم حالهم زي ماهوا
في العنايه
رجوان دخل عند ريم وكله امل انها تقوم هذي المره
رجوان يقرب من ريم مبتسم ودموعه على خده:وحشتيني يااحلى ملاك
طمنيني عنك؟؟ انتي كويسه؟؟
ماتتصوري قد ايش مشتاق لك حبيبتي
ولهااااااان عليكي ميت
رجوان يضم يد ريم لصده وبيده الثانيه يمسح على خدها
رجوان:حبيبتي..يانظر عيني
ياروحي وكياني
شوفيني رجعت لك وهذا حلمك اتحقق من جديد
تصدقي في غربتي ماادري كيف صبرت مااوصف لك حالي
انا نفسي ماني عارف كيف عشت هناك بدونك
احس الحياه مالها معنى ..مالها طعم...
احس السكر ماصار حالي
واحس العسل صار مر
وكل شي حلو صار بشع
رجوان يجلس على السرير جمب ريم:نفسي تضميني
رجوان ياخذ يد ريم ويبوسها:احبك يامملكه حبي
"رجوان يطالع في ريم"
لحظه صمت دامت اربعه ثواني
ريم اتحركت حركة بسيطه
رجوان يحسب انها يتخيل
رجوان يحس على يد ريم:احبك يابنت الناس وحبي لك بحر ماله آخر
ريم تحرك راسها شويه
رجوان مومستوعب
رجوان:ريم ..حبيبتي.ياروحي..ياعمري انا
رجوان يحط يده على خد ريم
ريم بصوت مؤلم وحزين وكله بكا :همممم
رجوان يبتسم:ريم...ريم
ريم تحرك راسها يمين ويسار بحركه جدا بطيئه:همممممم
رجوان بفرح:ريم حبيبتي قومي انا رجوان انا رجوان ياريم
ريم تفتح عيونها بشي بسيط جدا
رجوان يبتسم ودموع الفرح على خدوده:ريم انا حبك قومي حاكيني سمعيني صوتك مشتاق ولهان ياحبي
ريم تطالع في رجوان وكلها ألم وبصوت مبحوح:رجوان
رجوان يبوس يد ريم:ياروح رجوان انتي
لما ريم قامت الجهاز رن عند السيستر
فجات السيستر وفتحت الباب
جات تشوف ريم
رجوان يطالع في ريم ويشوف ريم تغمض عيونها:ريم لا ريم قومي كلميني جاوبيني
السستر:يلا برا روح برا
رجوان:ريم لأ
طلعو رجوان برا بس ريم رجعت دخلت في غيبوبه تاني مره
رجوان يشوف ريم من القزاز:ليش ياريم ..؟؟ليش؟؟
طلع رجوان من المستشفى وراح ع البحر
رجوان سرحان ويطالع في البحر
يرن جواله
رجوان:الو
لمار:رجوان فينك؟
رجوان:ليش؟
لمار:لابس لك فتره ماترد ع الجوال وماره قلقانين عليك
رجوان:انا ع البحر
لمار:رحت لريم؟
رجوان:اآآآه يالمار تخيلي ريم قامت فتحت عيونها شافتني ورجعت بغيبوبه تاني
لمار :ياحياتي عليها ..اهم شي شافتك اكيد بتتشافى هيا كانت تتمنى تشوفك وتتطمن عليك
رجوان:ويوم جيتها هيا راحت آآآآه بس
لمار:تعال اتغدى عندي؟؟
رجوان:معليش انا لو شفت زوجك هالمره راح اذبحه
لمار:رجوان ماهر اتغير مره
رجوان:بس الي سواه فينا انا وريم مااتغير يالمار
لمار:بس ماهر زوجي يعني بتفضل تعادي زوج اختك طول العمر؟؟؟
رجوان:لين اشوف ريم جمبي
لمار موعارفه ايش تقول
صباح يوم الخميس
سعود وابو سعود وميرا وام سعود وليان في المستشفى
سعود بصدمه:فين راحت؟؟
السستر:نقلوها غرفه ثانيه
ابو سعود:لييش؟
السستر:فاقت من الغيبوبه وحالتها مايحتاج انها تكون في العنايه
ميرا بفرح: من جد؟
ميرا تحضن ام ريم وتبكي من الفرح
سعود:اي غرفه؟؟
في غرفه ريم
ريم كانت نايمه
ينفتح الباب ويدخلو
ام ريم تجري :ريم بنتي حبيبتي
ريم نايمه
ام ريم تحضن ريم
ريم تقوم بشكل بطيئ وكلها تعب وارهاق:همممم
سعود:ريم ياريم
ميرا:ريم حبيبي يلاقومي
ابو ريم:فديت حبيبتي
ام ريم:ها ماما حبيبتي قومي يلا قومي
ريم :هممممم
ريم تفح عيونها بالقوه وحاسه بتعب شديد:ماما
ام ريم:حبيبة ماما انتي
ام ريم تبكي:من زمان ماسمعتها منك الله لا يحرمني منك
ريم بصوت ألم وتعب:رجوان
الكل يطالع في بعض
سعود يغير الموضوع:ريم انتي بخير ؟بإيش حاسه؟
ريم بصوت مبحوح:رجوان جاني انا شفته
ميرا:يلاريم بلا دلع قومي..قومي شوفي يامن كيف صار كبر عن اول
ريم:رجوان جاني
ريم تحاول انها تستوعب وتقوم
تفتح عيونها مره وتشوف الكل حولها ومبتسم
ريم:انا فين؟
سعود:بالمستشفى؟
ريم:ليش؟
ميرا:الله لا يعيدها
ام ريم:عشان اهمالك لنفسك شوفي فين وصلنا معاكي
سعود:كنتي في غيبوبه
ريم:غيبوبه؟"وتحط يدها على راسها"
ميرا:طلعتي روحنا من خوفنا عليكي يابنت الإيش
ابو ريم:ماراح اسمح بالي صار يصير ثاني
انا ماراح اخلي قلبي يهرب مره ثانيه لوصار فيكي شي انا اروح فيها مو انتي قلبي
ريم:ليا كم بالمستشفى؟
سعود:تقريبا ثلاثه شهور
ميرا:او شهرين ونص
ريم تغمض عيونها بقوه وتفتحها وتنزل دموعها
ريم تكلم نفسها:اظن كنت احلم في رجوان
ميرا:ليش حبيبتي تبكي؟
ريم:تعبانه
سعود:اجيب لك الدكتور
ريم:لالا
في بيت رجوان
يرن جوال رجوان ورجوان كان منسدح على بطنه وكان لابس بس شورت ونايم
رجوان معصب:اووف وبعدين يعني
رجوان يفتح الخط
لمار تبكي:رجوان الحق ريم ياارجوان
رجوان بخوف:ايش فيها؟؟؟
لمار:ريم قامت من الغيبوبه
رجوان مومصدق من الفرح ويوقف على السرير: نعم من جدك تتكلمي؟؟
لمار:والله يارجوان والله لسه زوجة اخوها مكلمتني من عندها
رجوان:انا بروح لها
لمار:مر عليا خذني ماهر مو في البيت
رجوان:انشاء الله انشاء الله
رجوان ينزل بسرعه من فرحته نسي يغير ملابسه
رجوان يرجع ويغير ملابسه ويروح ياخذ لمار ويروحو للمستشفى
لمار ورجوان يمشو بهروله لين وصلو غرفة ريم
لمار:كيف راح تدخل؟
رجوان:اهلها هنا؟
لمار:اكيد؟
رجوان:مااقدر اصبر بجلس هنا لين يطلعو
لمار تدخل الغرفه:ريم
لمار تجري وتحضن ريم ريم بصوت مبحوح وكله تعب:ياروحي
لمار تبكي:خفت عليكي مره
ريم:انا بخير الحمد لله
لمار:انا آسفه ماسلمت عليكم بس وربي من فرحتي
لمار تسلم على ام ريم وميرا
ام ريم:عادي حبيبتي كلنا من فرحتنا ماصدقنا
يامن ولد ميرا جالس يبكي ومسوي ازعاج وريم كانت تعبانه وماتبغى ازعاج
ميرا:انا بطلع برا انوم يامن واجي
ابو ريم:سعود فين راح؟
ميرا:يجيب لي اغراص يامن من البيت نسيتها
ميرا تطلع من الغرفه
واول ماتطلع يلتفت رجوان
وتشوفه ميرا وتنصدم
ميرا تطالع فيه:انت رجوان؟
رجوان متعجب:تعرفيني؟
ميرا تطالع فيه بحقد:انت الي مخلي حياة ريم دمار
رجوان:عفوا!!!
ميرا:ليش رحت عنها وتركتها كذا انت ماعندك احساس ماعندك ضمير
رجوان:انتي مين؟
ميرا:انا ميرا صاحبتها وزوجة اخوها اعتقد عرفتني قالت لك ريم عني صح؟
رجوان يتذكر:انتي مو متي؟
ميرا:مت و الله رجع فيني الروح
رجوان:انتي ليش تكلميني بهذي الطريقه؟
ميرا تنزل دموعها:من يوم ماتركت ريم وحالة ريم صعبه
كرهتك لأنك انت الي دمرت ريم وقلبت حياتها من اول يوم دخلت فيه حياتها
رجوان:موبيدي وهذا اانا جيت عندها لعيونها
جيت من شوقي ولهفتي عليها
ميرا تشوف سعود من بعيد وتشهق:سعود لايشوفك اتخبى اتخبى
رجوان يروح اللإستراحه
سعود:ليش واقفه برا
ميرا:انوم يامن جنن ريم بصراخه
سعود:ادخلي جوا لاتوقفي برا لوحدك خلاص نام
ميرا:استنى لمار هنا
سعود:لمار مين؟
ميرا:زوجة ماهر
سعود:اها
طيب انا بجلس هنا
ميرا تدخل ورجوان يجي ويوقف قدام سعود
سعود يرفع راسه ويشوف رجوان ويوقف
رجوان:من غير ماتعاتبني او تعصب وتلومني
انت زوجت اختك غصبا عنها ودمرت الي بيننا
وهذي نهايتها
جيت اليوم اطلبها مره ثانيه منك ارجوك ماتردني انا احب اختك واختك تحبني
سعود يطالع في رجوان
رجوان:اتحملت اربعه سنين اعتقد ماراح تلقى واحد يحبها اكثر مني
سعود موعارف ايش يقول وافتكر ايام اول لما فقد ميرا وافتكر يوم ماشافها بعد ماافتقدها وكيف كان شعوره
رجوان:كفايه الي سويته وخلينا نعيش سوا
سعود:انت شايف المكان الي احنا فيه وجاي تخطب ريم
رجوان:قلت الحق على عمري قبل لايصيرالي صار اول
سعود:اناعارف بذنب الي سويته واني ارتكبت شي كبير في حق اختي
سعود بعد صمت:اخواتكم اتزوجو عيال خالاتي واخوك اتزوج بنت عمي
سعود يبتسم:مبروك عليك اختي
رجوان مو مصدق من الفرحه ضم سعود:يالله ياسعود ماتتصور فرحتي
سعود مبتسم:كذا انا اتطمنت على اختي ولا راح اشغل بالي لأني ماراح القى احسن منك يحب اختي ويخاف عليها
رجوان:سعود انت تتكلم من جد ولا انا احلم
سعود:لا من جد
رجوان:مومصدق والله مومصدق ريم بتكون ليا والله مو مصدق
سعود:لاصدق اجل كيف بتتزوج اختي
رجوان من الفرح حاسس انه نسي كل الحروف وموقادر يعبر عن فرحته
نهاية البارت
البارت الــ 51
والأخـــــــــــيـــــــــــــــــر
الساعه 3:30 الفجر في غرفة ريم
ريم تكلم نفسها:معقوله حلم انا حاسه انه حقيقه
ريم تشم يدها:ريحة عطره في يدي هذا الي بجنني
يدق الباب
ريم على بالها السستر:يس
ينفتح الباب ويدخل مبتسم بهيبته وكشخته ولهفته وشوقه
ريم انصعقت اول ماشافته وصار قلبها يدق بسرعه رهيبه حست انها ماتت وانت الي قدامها ملك
ريم:انا مت ولا ايش؟
رجوان شق الإبتسامه الساحره:بسم الله عليكي من الموت
ريم نزلت دموها وقامت جلست:لأ مو معقول
رجوان مبتسم يقرب من ريم:خوفتينتي عليكي يابنت الناس
ريم:انت رجوان فعلا؟؟
رجوان :انتي ايش شايفه قدامك؟
ريم من فرحتها نزلت من السرير وكان في يدها المغذي
نزلت وحضنت رجوان وتبكي
رجوان:ياحياتي انا فديتك والله وحشتيني مره
ريم تضربه على ظهره وهيا حاضنته وتشهق من البكى:ليش رحت ليش ؟ليش ماقلت لي الحقيقه؟
رجوان يحط اصباعه على شفايفها:اششش الي فات فات خلينا في اليوم
ريم تبكي وتشهق
رجوان وريم حاضنين بعض وحسو بالإحساس الي ماحسوه من سنين
رجوان:ريم ..ريم حبيبتي
ريم حاضنه رجوان وتبكي موهين عليها تتركه
رجوان يبتسم:ابغى اشوفك ابغى احط عيوني بعيونك
ريم تطالع في رجوان
رجوان يحط كفوفه على خدود ريم ويمسح دموعها:احبك
ريم بصوت مبحوح كله بكا:وانا احبك والله احبك عمري مافكرت انساك
رجوان:وانا عمري مافكرت اخونك
ريم تحضن رجوان:هذي المره ماراح اسمح لك تطلع من حياتي ثاني لو على جثتي
رجوان:بسم الله عليكي حبيتبي
ريم:يااااااه من زمااان ماسمعت هذي الكلمه احس روحي رجعتلي انا حاسه اني بحلم
رجوان:وانا حاسس اني بحلم ..خلينا نحلم
ريم تحضن وجه رجوان بكفوفها
ريم ورجوان يطالعو في بعض ومن شوقهم ولهفتهم تركو الصمت يحكي
ونظرات العيون تحكي
والحضن يحكي
والدموع تحكي
بات رجوان هذي الليله جمب ريم لين الصباح
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك