رواية الله يرحم حبنا اللي قتلتيه -5
بندر:لا يمه وش نجوده الله يسلمك غدير
ام سامي:زين زين والنعم والله
تركي:بس تترك خرابيطك مو تورط بنت الناس معك
بندر:اقول انت اسكت بس
تركي:ههههه
ابو سامي:اجل على بركة الله بكرا المغرب نروح لهم ونخطبها لك
بندر بفرح:وليه مو اليوم يبه
ابو سامي عطاه نظره:اركد يابوك ترى الركاده زينه
...............................
بيت ابو نواف
غدير تصارخ:نوف نوف نووووووف
نوف:خير خير ليش تصارخين
غدير:ماشفتي شاحن اللابتوب حقي
نوف:امممم اظن مع نجود
غدير:وليه اخذته من دون لاتستأذن اوريك يااانجيد
نجود جايه:خير وش فيها نجيد
غدير بنص عين:شاحن اللابتوب وينه
نجود:اممم بغرفتي
غدير:روحي جيبيه
نجود:ايه هين بس ,,روحي خذيه انتي
غدير:يمممه شوفي بناتك رفعو لي ضغطي
ام نواف:هاه مو هم بخواتك
غدير:ام حق خوات
....................................
على البحر.. في الشرقيه
عبدالاله:معقوله يانوف بتروحين لواحد ثاني ولمين لاخوي آآآآه يادنيا
يـابحر .. فيني من الحزن .. كثــر مافيـك ..
من حزن .. وأوجاع .. وغيـــاب .. وغـــرايب !!
لاتلومني إليا شفتني .. دايم أجيــــــــــــك ..
ولاشفتني دايم .. على الشـــــــط .. ذايـــــــــب !!
حزني كبير .. أكبر من حدود .. شــاطيــك ..
وأقسى من جروح الزمان .. العطــــــــــــــايب !!
وإن كان تنشدني فـ أنا .. مقـــــدر أخفيـك ..
دايم اظن .. ويطـــلع .. الظــــــــــن .. خـــايــب !!
في هـ الزمن .. أقرب حبايبك .. يشقيـــك ..
إليـــــــــن تدفع في غــــــــــــلاه .. الضــــرايب !!
من بعد هذا .. يبتعد .. عنك .. ويجفيـــــك ..
ماكنــه .. بـ جنبك .. قضــــى الوقت .. طـــايب !!
وإلا .. الخوي اللي توقعت .. يفـــــــــــديـك ..
يفديك عمــره .. لاغـــــدت بك .. نشـــــــــايـــب !!
صد .. وتصدد .. مايبي .. سمــع .. طاريــك ..
وياما .. أنت .. دونه .. أتعبتك .. الطــــــــلايــب !!
لاتقــول لي .. بــدري .. وتـــــوك .. ويمديك ..
وتعال .. وأسمع باقي الهرج .. صــــــــــــــايب !!
خلك بـ حالك .. وأطلب الرب .. يهـــــــــديك ..
ولاتنشد اللي غاب .. ويــــن أنت .. غـــــــــايب ؟؟
وإن شفتـــني غايب .. عن حدود .. شاطيك ..
أعرف تراني .. تحـــت .. ذيـــك .. النصــــــايــب !!
وأعرف تراني .. دايم إن ضقت .. بـ آجيك ..
لأني .. أنا .. والمـــــــوج .. صــــــرنا .. حبايب !!
.................................................. ......
بيت ابو سامي
مها:يمه يمه
ام سامي:خير
مها:يمه ماشفتي عبدالاله
ام سامي:عبدالاله راح للشرقيه
مها:والله سافر من دون لايقولنا
ام سامي:استأذن مني انا وابوك ووافقنا
مها:اوووف الحين مين بيوديني عند نوف اممم خلاص بدق عليها هي اللي تجيني
ام سامي:مااظن توافق
مها:اممم بجرب
وتدق
عند نوف
والله واحشني زمانك
جلستك حضنك حنانك
نوف:هلا مها
مها:هلا فيك كيفك
نوف:تمام هاه متى جايه
مها:مافي احد بيجيبني اخواني مو فيه
نوف:طيب يعني مابتجين
مها:اممم لا وش رايك تجيني
نوف:لا احسها صعبه
مها:لاصعبه ولاشي يلا تعالي خلينا نستانس
نوف:لا لا والله صعبه ماراح اجي
مها:اوووكي براحتك.. بس لو جاء واحد من اخواني بدري بجي عشان عندي سالفه بقولك اياها
نوف:اوووكي
مها:باي
نوف:مع السلامه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت التاسع لعنونكم..
يدق جوال عبدالاله..
ماعاد قلبنا ذكرى نسيناكم..ولا لايامنا ذكرى نسيناكم
عبدالاله:الو
بندر:سلام
عبدالاله:وعليكم السلام هلا بندر
بندر:وينك
عبدالاله:بالشرقيه
بندر:والله من متى
عبدالاله:اوووه توك تدري
بندر:ايه والله توني..يعني مابتحضر خطبتي
عبدالاله:بتخطب زين زين متى
بندر:بكرا ان شاء الله
عبدالاله:بنت مين
بندر:اخت نوف ماتعرفها
عبدالاله:بس سمعت انها محجوزه لولد عمها
بندر:لا وش بلاك الثانيه
عبدالاله تنهد:يالله الله يكتب اللي فيه الخير
بندر:آآمين..مايمديك ترجع
عبدالاله:والله ماادري اشوف
بندر:اوووك اذا تقدر تعال..باي
عبدالاله:مع السلامه
..................................
في المدرسه
نوف:كذااااابه
مها:هههههه والله
نوف:يوووه وربي غدير بتطير من الفرحه
مها بغرور:اكيد بتطير مو اخوي
نوف بنص عين:مااالت عليك انت واخوك
مها:ههههههههه
نوف:ترى بقولها
مها: لا وربي ياويلك
نوف:خلا ص بس بلعب بأعصابها
مها:اوووك
...........................
في بيت ابو نواف..البنات توهم جايين من المدرسه
نوف:احم غدير فصخي عبايتك وتعالي
غدير :اوووك
غدير تدخل..
نوف:غدير يمكن شوفي انا قلت يمكن
غدير على اعصابها:ايوا كملي
نوف:تنخطبين اليوم
غدير:نوف بلا بلاهه اتكلمي زين
نوف:ههههه بس بلعب باعصابك وماراح اقلك مين
غدير:نوووف وربي تقولين
نوف:هههههه ويلا قومي ضفي وجهك بناااام
غدير وهي طالعه:هين اوريك
نوف:هههههه
يدق جوال نوف..
توام روحي يتصل بك
نوف:اهلين
تركي:يالبيه يهالصوت وصاحبته
نوف بنعومه:ههههههه
تركي:وربي اروح ملح على هالضحكه..اخبارك
نوف:تمامو. انت اخبارك
تركي:بخير دامك بخير
نوف:دوووم
تركي:توقعت الاقيك نايمه
نوف:توني كنت بنام
تركي:الحمدلله لحقت عليك بقولك شي
نوف:ههههه قالت لي مها
تركي:اوووف يامها دايم تحرق علي المفاجأت
نوف:بس انت وش رايك
تركي:احس لايقين على بعض
نوف:الله يكتب لهم الخير
تركي:آآآمين
تركي:نووووف
نوف:هلا
تركي:احبــــــك
نوف بحرج:احم.اا يلا تركي بنام
تركي:ههههههه يالبى اللي يستحون
نوف:تررركي
تركي:عيونه وقلبه ونبضه وحياته كلها
نوف قلب لونها احمر
تركي:ههههه خلاص خلاص بااااي
نوف:باااي
نوف في نفسها.. ياااااربي بيجنني
.................................
بعد المغرب..بيت ابو نواف
ابو سامي:والله يابو نواف احنا جايين ونبي منكم القرب
ابو نواف:والنعم فيكم والله
ابو سامي:نبي بنتك غدير لولدنا بندر
ابو نواف:هاذي الساعه المباركه عن نفسي موافق بس نبي نشوف راي البنت
ابو سامي:الله يكتب اللي فيه الخير
ابو نواف:آآمين يارب
نواف يكلم بندر:اقول صجيتونا كل شوي جايين تبون وحده من خواتي
بندر بنص عين:لك الشرف نناسبكم
نواف:على شحم
بندر:ههههههههههه
.............................
غدير جالسه على اللابتوب تطقطق
نوف ونجود دخلوا عليها:ههههههههههههههههههه
غدير:بسم الله الرحمن الرحيم سكنهم مساكنهم
نجود:غدير واخيرا بنفتك من وجهك
نوف:ايه والله
غدير:اقووول انتي وياها اتكلموا زين والا ضفوا وجيهكم
نجود:جالك عررريس
غدير تفتح عين وتغمض عين:كذاااابه
نوف:والله
غدير:منهو وكيف شكله وعمره كم وفين يشتغل
نوف:الحين تبينا نجاوبك على كل هالاسئله
غدير:ايه وبسسسرعه
نجود:بندر اخو مها
غدير تحمست:جد والله ياسلام فللللله
نوف بنص عين:وشهو اللي فله
غدير:لااقصد يعني شكله حلووو ورزه
نجود:اما رزه لك عليها
نوف:بصراحه رزه بس تركي احلى
غدير:مناك بس قال تركي احلى
نجود:لاذا ولاذ عدنانووووو الاجمل والاكمل ولاامثل
البنات:هههههههههههههه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت العاشر
بيت ابو نواف
نوف:الحين من جدك بتوافقين من غير لاتفكرين وتصلين الاستخاره
غدير:لا اكيد بصلي وافكر وقبل اسبوع ماني براده
نجود:ايه خليكي ثقل زي اختك مو زي بعض الناس من ثاني يوم ردوا
نوف بنص عين:وش قصدك
نجود وغدير:ههههههههههه
بيت ابوسامي
يرن التلفون
ام سامي بالمطبخ:مها ردي على التلفون انا مو بفاضيه
مها:طيب
سامي:الوو
مها:هلا هلا والله بالقاطع
سامي:ههههه شوي شوي كليتيني
مها:اخبارك يالحبيب
سامي:ههههه لسى ماعقلتي
مها:ومابعقل الا لمن تجي
سامي:هههههه اجل بتعقلين قريب
مها:والله يعني جاي قريب
سامي:ايه بعد يومين انا عندكم
مها:وبتستقر هنا
سامي:اذا ناسبني الجو بستقر
مها:ولو هاذي السعوديه وشلون ماتناسبك
سامي:اقول لايكثر عطيني امي
مها:لحظه طيب ..وتصارخ يمه يمه سامي يبيك ع التلفون
ام سامي جايه ركض:سامي يلبعد قلبي والله
واخذت السماعه
سامي:هلا بالغاليه هلا
ام سامي:هلا بوليدي اخبارك يمه
سامي:الحمدلله تمام
ام سامي:مانت ناوي ترجع يمه ولهنا عليك
سامي:بعد يومين ان شاء الله
ام سامي:والله الحمدلله الحمدلله واخيرا
سامي:ايه والله يمه ولهت عليكم
ام سامي:زين زين عشان تحضر ملكة اخوك
سامي:اية واحد فيهم
ام سامي:بندر
سامي:هههههه والله واخيرا بيعقل
ام سامي:ايه والله الحمدلله وخطبنا له بنت بو نواف
سامي:لايكون نجود
ام سامي:وانت وش دراك عنهم
سامي:لا يمه بس نجود محيره لعدنان
ام سامي:لا يمه غدير
سامي:ايه يلا الله يوفقه
ام سامي:آمين يمه وعقبالك
سامي:يوووه يمه انا مشواري طويل
ام سامي:انت بس ارجع وعن الهذره الزايده نشوف لك بنت الحلال اللي تناسبك
سامي يصرفها:ان شاء الله يمه..يلا سلمي على ابوي واخواني مع السلامه
ام سامي:بحفظ الله يمه
بيت ابو عدنان
عدنان يتعطر ويتكشخ
فتون:على وين ان شاء الله
عدنان:مالك شغل
فتون:ايه من قدك وافقت عليك نجود
عدنان يحط يده على قلبه:آآآآآه بس ياقلبي ماعشقت الا عيونها
فتون:هههههههههه الحمدلله والشكر
بيت ابو نواف
نجود بالمطبخ تسوي حلا
نوف تدخل عليها:ايه والله مانعرف الحلا الا لمن يشرف السيد عدنان
نجود:هههههههه
نوف تغني:والله واحشني زمانك جلستك حضنك حنانك
غدير تدخل عليهم:وش عندكم تغنون
نوف:وش عندنا الا قولي وش ماعندنا نجود تسوي حلا
غدير :كذا من دون مناسبه غريبه
نوف:ومن قال بدون مناسبه عدنانوه بيجي يتعشى عندنا
غدير:اها وانا اقول
نجود:كلي تبن انتي وياها ويلا ضفوا وجيهكم عشان اعرف اشتغل
نوف:الا صدق يانجود سامي صديق عدنان بيرجع بعد يومين
نجود:والله اكيد عدنان بينبسط لانو صديقه الروح بالروح
غدير:ايش هاذا اللي اسمه سامي
نوف:ايه اخو تركي
غدير:اخو بندر
نجود:صديق عدنان
البنات:ههههههههههههه
ام نواف :هاه وش عندهم بناتي مجتمعين بالمطبخ
غدير:لا بس الحبايب جايين وبعض الناس يسوون حلا عشانهم
ام نواف:ههههههه الله يقطع ابليسك ياغدير
يدق جوال نوف ..
نوف:هاذي اكيد وفاء تبيني اروح معاها السوق
نوف:الو هلا فوفو
وفاء:هلا فيك كلمتي امك
نوف:فوفو دقيقه
نوف:مامي بروح مع وفاء السوق
ام نواف:روحي بس لاتتأخرين
نوف ابتسمت:اوووكي
نوف ترجع للجوال:ايه فوفو خلاص وافقت
وفاء:اجل ربع ساعه وانا عندك
نوف:اوووك انتظرك
بعد ربع ساعه
نوف نازله من الدرج بسرعه
غدير:شوي شوي لاتتكسرين
نوف:ههههه فديت الغيرانين
غدير:ههههههههه
نوف تنزل لوفاء
في السياره
نوف:سلاااام
وفاء:هلا وعليكم السلام
نوف:تأخرت عليك
وفاء:لا لا..يلا محمد حرك
محمد:اووووكي مدام
في الفيصليه
بندر قعد يرقم في بنات خلق الله كالعاده
وفاء تكلم نوف:نوف شوفي هاذا مريض بسم الله ماخلى بنت مارقمها
نوف تلتفت والصدمه .....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الحادي عشر
في السوق
نوف تلتفت والصدمه
نوف تشهق :ووووووووآآآ
وفاء:بسم الله شفيك
نوف:هاذا بندر اخو مها اللي خاطب اختي غدير
وفاء:والله من جدك انتي
نوف:ايالحقير وتبيها توافق عليك هين بس
وفاء:وش بتسوين ناويه تقولين لها
نوف:اكيد ولا تبين اختي تبتلش فيه
وفاء:طيب تركي
نوف:وش فيه تركي
وفاء:ماتخافين يزعل
نوف:انا وتركي مالنا شغل في غدير وبندر وتفكير تركي مو كذا
وفاء:اووو راح تنصدم غدير
نوف:اكيد ..كأني اتذكر انو مها مره قالت لي انو راعي بنات بس انا مو متأكده هو والا عبدالاله
وفاء:الحين تأكدتي بنفسك
نوف:يصير خير ان شاء الله
..........................................
بيت ابو نواف
عدنان يدق الجرس
نواف يفتح الباب:هلا والله بولد العم منووور
عدنان يعطيه البوكيه الورد الاحمر:منور بأهله
نواف يستهبل:شكرا ياحياتي هاذي لي
عدنان بنص عين:هين لك هاذي للغالين
نجود وغدير فوق الدرج
نجود تكلم غديروتمسك على قلبها:وآآآآهـ ياقلبي وربي انه ذوووق
غدير:اوعدنا يارب
نجود:هههه قريب ان شاء الله
ابو نوف :هلا بولدي عدنان .. نواف الله يهديك سايب ولد عمك على الباب
نواف:تفضل تفضل مايحتاج البيت بيتك
عدنان:الله يسلمك
بعد مادخلوا المجلس
غدير:وش رايك تدخلين القهوه
نجود:ههههه تبين ابوي ينجلط
غدير:تخيلي ونااااسه
ام نواف من تحت تناديهم:تعالي انتي وياها بدل ماتهذرون وساعدوني
نجود:ان شاء الله يمه
بعد شوي نوف وصلت
تدخل المطبخ
نوف:اهم شي مافاتني الحلا
نجود:لا مافاتك سويت صينيتين
غدير:نوف غريبه كأنك رجعتي بدري
ام نواف:ايه والله غريبه
نوف تبوس راس امها:يمه انتي قلت لي لاتتأخرين
غدير:هين بس يالمطيعه
نوف:لق لق لق خلاص فكونا..غدير تعالي ابيك
غدير:دقيقه
..................................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك