رواية لذة الاحتواء -8
مشعل:يمه بس انتي عارفه اني ناوي اخذ لانا
امه بعصبيه:حلمممم تااخذها وان خذتها معد لك مكان بهالبيت ولاا انت ولدي ولا اعرفك
مشعل:ترضين اني انجبر على وحده؟
دانه:مشعل ياقلبي انت عارف ان مالك نصيب مع لانا وبعدين ماتدري ممكن يارا تكون احسن من لانا
مشعل بتريقه:بعد اسمهاا يارا
امه بعصبيه:الحين يوم انك للحين مصمم على لانا ليش خليتني اخطب لك؟
مشعل:لاني صدقت كذبتكم لما قلتو انها مخطوبه ووافقت!
امه:الحين وش وجهي قدامهم اقولهم ولدنا معد يبغى بنتكم؟؟
مشعل:قولي الي يريحك
دانه بعصبيه:مشعل شنو هي لعب تزوجها وانت رجال وبعدين وش تبي بلانا اولاً ماتحب امي وترضى تكون فيه عداوه بين زوجتك وامك؟اكيد لااا وانا نفس الشي ماتواطني بعيشتها كني قااتله اهلها ع هالكره بعدين يارا ماشاء الله وش ناقصها جمال وادب وذووق ومستواها من مستوانا اكثر من كذا وش تبي؟
امهم:اختك على حق يامشعل البنت ماناقصها شي
مشعل:حتى لو اخذتها مستحيل احبهاا كثر امل
امه بعصبيه:استح على وجهك هاذا كبرك وتقول هالكلام
دانه:الله يهديك تجيك النعمه لين رجولك وترفسها
مشعل:شوفو انا بأخذها بس بشررط!
امه:وشروط بعد هاه يلله شنو
مشعل:تهتم بولدي
امه:بس وين اكيد بتقول مالي شغل فيه
مشعل:والله عاد رضت ولاا مارضت انتي عارفه عمره تسع شهور يعني صغير
دانه:وانت وش الي خلاك تحب لانا
مشعل:اهتمامها بياسر وحبهاا له
دانه:لاا تخااف يارا بتهتم فيه وقول ماقالت دانه
امهم:اايه الله يرحمك ياامل
مشعل ودانه:امين
مشعل وقف:خبريهم ان هاذا اهم شرط عندي
امه:طيب متى تبي الملكه
مشعل:هه خليهاا مع العرس اريح
دانه:نشوف اهلهاا وش يقولون!
<<>>
عند اهل يارا
يارا:اي اهو عنده ولد من زوجته امل بس انتي عارفه توفت وهي تولد
جمانه:والولد عاش؟
يارا:ايوه
جمانه:كم عمره؟
يارا:تسع شهور
جمانه:اهاا يلله ع العموم انا بروح الحين
امها:وين يمه بدري؟
جمانه:من عمرك بس جاا
امها:اجل بحفظ الرحمن
جمانه:بيدخل يسلم عليك يمه
امها:اوكي
دخل رائد وسلم على ام جماانه وطلعو
جمانه:مع السلامه يارا
يارا:جوجو
لفت جمانه:هلا
يارا:ماشفتي خالد ولا سلمتي عليه؟
كشرت جماانه:اقول مع السلاامه
يارا بحزن:مع السلامه
طلعت وركبت السياره
واحنا بحااالت صمت
جمانه بأستغراب:وين رايح؟
رائد:الصيدليه
جمانه:ليش؟
رائد:باخذ لي كم شغله<<ونزل
المفااجأه انه نسى جواله بالسياره
رن الجوال ومااهتميت له
رن مره ثانيه شكل المتصل مصمم
رفعته وشفت الاسم وكان{{الغلا كله}}
استغربت وجاني فضول اني ارد
........ بصوت ناعم:حبيبي وينك رسيل تبكي من الحراره الووو
جماانه انصصصصصصصدمت حبيبي والغلا كله ورسيل تبكي من الحراره
زين يارائد مااكون انا جمانه اذا ماربيتك من جديد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
رجع رائد للسياره ومعه كيس صغير
رائد:مارن جوالي؟
جمانه:اعتقد مايضرك تشوف,,
رائد:سلامات نافخه ريشك,,
جمانه:لي ريش عشان انفخه,,
رائد بعصبيه:تكلمي عدل
جمانه:لاه الله اعلم منو الي يتكلم عدل
رائد:طيب وش فيك؟
جمانه بأنفعال:مافيني شي,,
رائد:احسن,,ورفع جواله يشوف اذا فيه مكالماات
فجـأه
رائد:ههههههههههههههههههههه
جمانه بروعه:بسم الله وش فيك
رائد:ههههه عرفت نفخة الريش على ايش لاا تخاافي انا ماقاعد اخونك هاذي خالتي جواهرر هههه
جمانه بشك:خالتك واسمهاا الغلا كله وحبيبي وينك البنت الي ماادري وش اسمهاا تبكي
رائد:هههههههه والله وصررتي تغاارين
جمانه بتوتر:مو على اغار
رائد:بس بس خلاص انتي تغارين لااا تنكرين المهم انو بنتها مريضه وقالت لي اجيب لهاا علاج انتي عارفه هي ارمله ومالهاا غير هالبنت
جمانه صراحه قهرني اجل اغار عليه:اي زين
~~~~~~~~~~~~~~~~~~
يارا يبه ترى مشعل عنده ولد ويبغاك انتي تربينه
يارا:اي يبه عارفه
ابوها:يعني رااضيه
يارا:اي
ابوها بتردد:ويبغى الملكه والزواج بيوم وااحد
يارا:بيوم وااحد؟
ابوهاا:اي
يارا:........
ابوها:فكري وردي لي خبرر
يارا بتردد:زين
ابوها:يلله يايبه اناا طالع تبين شي؟
يارا:سلامتك
ابوهاا:الله يسلمك<<وطلع
يارا في نفسهاا:طلب ان الملكه تكون بيوم العرس وطلب اني اربي ولده وانا ماعندي مشاكل اني اربي ولده بس الملكه بيوم الزواج؟هاذي مو دااخله عقلي؟
امها:يارا وينك لي ساعه اناديك
يارا:هاه ماسمعتك
امها وهي تجلس على كرسي بالحديقه:وش عنده ابوك؟
يارا:جاي يقولي بعض من شروط ذلي خاطبني
امها:وش قال؟
يارا:يبغى الملكه بيوم العرس؟
امها:نعم؟ملكه وعرس بيوم واحد بالاحلام سلامات وين احناا فيه الملكه بيوم والعرس بيوم واذا والله ماوافق يروح دربه خضر بنات الرياض كثير والله يعوضك بلي احسن منه ويعوضه بلي احسن منك وغيره؟
يارا:يقولي يبغاني اربي ولده
امها:يارا انتي متأكده انك قد هالشي؟
يارا:اي يمه
امها:انا مااعندي مشكله لكن كون انه يحط الملكه بيوم العرس مستحيل!
يارا:والله ماادري,,
~~~~~~~~~~~~~~~~~~~~~~~~~~
بعد اسسبوعين,,
~~~~~~~~~~
عند اهل رائد<<من زمان عنهم خخخ
الهنوف:جوجو مبروك ملكت اختك
جمانه ببتسامه:الله يبارك فيك
ام رائد:ايوالله يابنتي مبروك ياخزياه ولو انهاا متأخره
جمانه ببتسامه:شدعوى ياخالتي معذوره
ريماس وهي توها داخله:مين الي بيتزوج؟
جمانه ببتسامه:اختي يارا
ريماس بصرخه:جــــــــــــــــد؟
خالتي:يابنت اركدي خلصنا من الهنوف بديناا فيك
الهنوف:افاا
خالتي:انا ماقلت الا الصدق
ريماس:جوجو متى زواجها؟
جمانه:بعد اسبوعين تقريبااا
ريماس:تستااهل يارا اي بتاخذ من مين
الهنوف بتريقه:اساليها بعد اذا خلصت تجهيز ولا لا
جمانه:ههههههههههه حرام عليك اتركيهاا
ريماس:يعني حرام اسال بشوف اذا يستاهل يارا ولا لا
امهم:انا رايحه اصلي
الهنوف بستعباط:وش تصلين؟
امهم:الفجر يعني وش اصلي العشاء<<وطلعت
ريماس:اي جوجو وين كنا فيه
الهنوف:اف ياكثر اسالتك<<ورمت عليهاا البطاقه<<هاه شوفي بتاخذ من مين وفي اي يوم زواجها وفي اي قاعه جوجو ماكتبتو وش خلصت من التجهيز؟
جمانه وريماس:هههههههههههههههههه
..............:سسسسسسلامو ياحلوووين
الهنوف+جمانه+ريماس:وعليكم السلام
ريماس:هلااا سوسو
سوسو:اهلين,,
وسلمت عليهم كلهم
سما:كيفك جمانه
جمانه:تمام
الهنوف وريماس بصوت واحد:واحنا مالنا رب
سما:هههه لا بسس هاذي الغاليه مرت الغاالي
عطتها جمانه نظره بس لما تذكرت انهاا اخته قالت لهاا الحق تقول كذا,,
الهنوف فهمتهم وقالت بسرعه:جوجو ترى سما اختنا من الرضااعه
جمانه ببتسامه:عارفه,,
ريماس:يلله ياحلووين بروح اصلي تششااوو
الهنوف:تشاو
سما:هههه تشاو
الهنوف:وين خالتو وريم ليش ماسحبتيهم معك؟
سما:ههههه اما اسحبهم والله انا كذا جت براسي قلت من زماان عنهم خل اروح اسلم عليهم
الهنوف:لاا وااصله ماشاء الله عليك
سما:ههههه
الهنوف:جوجو سايلنت؟
جمانه:هههههه تقريباا
سما:الي ماخذ عقلك يتهنى
الهنوف بخبث:ممدى تشتااقين له
جمانه:نعم ماسمعت؟
الهنوف بصوت عاالي:ممدى تشششتتاقين له
قالت هالكلام على دخلت رائد وانقلب وجهي احمر احرجتني
رائد:هلااا سوسو<<وهو ينااظر جمانه ويبتسم عشان سما لما نرفزتها اول يوم لها عندهم<<
سما:هلاا فيك ياقلبي
رائد وهو يجلس:كيفك؟
سما:بخير
رائد:هوون خالتي؟
سما:نووو
الهنوف طالعت جمانه وهي تبتسم استغربت جمانه وش عندها؟
الهنوف:احم احم اقول رائد
رائد:هلاا
الهنوف بخبث:هنا في ناس تشتااق بسرعه
سما:هههههههه اي والله بجد رائد اشواا انك جيت ولااا بتموت من سسرحاانها
جمانه حسبي الله عليكم وجهي احمررر
رائد:اي يحق لهاا
الهنوف:اي ماتدري وش سوت توو
رائد بخبث:وش سوت
الهنوف:سما جالسه تتغزل فيك وعطتهاا جوجو ذيك النظرررره
سما:حظك جتك زوجه تحبك وتغار عليك
جمانه الله ياخذ العدوو ارحمووني وربي شوي وابكي احررررراااج
رائد:ماجبتي شي جديد
سما:واثق الاخ
الهنوف:بزود
رائد:هي هي انتي وياها اي وااثق
الهنوف:طيب خاطري اتحدااك
رائد:تحدي
الهنوف:بس خلك قد التحدي
رائد بثقه وغرور:افكورس
الهنوف:قوم ضمهاا
جمانه شهقت لاا شعوري انهبلت هاذي
سما:هههههههههههههههه لاااا طلبتك رائد خلك قد التحدي وضمهاا ي الله شوفو وجهها كيف
الهنوف:هي خاربه خاربه خلينا نعميها يلله رائد كمل عليهاا
تردد رائد بس هو قال انه قد التحدي:طيب
جمانه لالالالالالالا
سما بخبث:شوفو ساكته والسكوت علامة الرضاا
جمانه انعقد لساني بتكلم ماااعرفت ياربي ساعدني
قام رائد من مكاانه متوجه للي غااصة في ملابسهاا من الحياء
توجه لها وصار مقاابل لهاا
جت جمانه الجرئه توقف وترفض هالشي,,
لكن للاسف وقفتها انقلبت عليهاا
توها بتنطق لكن رائد اسرع منها وسحبهاا لحظنه
رائد ياحلوك انتي ولبسك وشعرك وريحتك وجسمك وكل شي فيك صدق عرفت تختار امي لي
جمانه اول مره يحظني من تزوجته ماقد حظني حتى لما لمسني توقعته من بعدهاا يحظني لكنه ماحضنني ابدا وهالشي ريحني كثير لكن يجي اليوم وقدام اخووااته ي الله احرراااج لدرجه اني مغمضه عيوني
رائد وهو يزيد بحظنه لها وقال بثقه:هاه وش رايك؟
الهنوف:لاا قد التحدي والله
سما:رائد الله يخليك فك البنت شوف كيف وجهها وربي رحمتها
رائد تركتها وانا ماودي اتركها بس المكان هنا مايساعد اني مااتركها
ماصدقت فكني وعلى طول طلعت من المجلس ورحت لعند المغااسل شفت كيف وجهي احمر من الاحراج لكن شغلكم عندي ي سماا والهنوف,,,,,,,,
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جلست اعدل بشكلي وانا شوي وابكي احيانا من شدة الاحراج تبكين
جاني صووت
........:هههههههههههههههههههههههه ياقلبيييييي
لفت جمانه وعصبيت:شغلك عندي
جت سما لها ومسكت كتفها:حبيبتي جوجو لا تعصبين احناا حبيناا نسوي اكشن شوي بعدين هاذا زوجك وش فيهاا؟بعدين لااا يكون زعلاانه علي عقب المره الي راحت؟
جمانه بتنهيده وهي تحط يدها على يد سما:لا ياقلبي ماني زعلانه بعدين انا اساسا ماكنت اعرف انكم اخوان
سما:اشوا وبعدين انتي غااليه عندي
ابتسمت لهاا هالانسانه تنحب
جت الهنوف:لالالالالاه مبسوطين الاخواات مع بعض والله من زين المكاان
سما وجمانه:ههههههههههه
سما:اصلا ماتحلى السواليف الا عند المغااسل,,
جمانه:ههههه اي صادقه,,
~~~~~~~~~~~~~~~
اسمعي يادانه كلمتني ام خالد وقالت انهم معارضين ان الملكه تكون بيوم الزواج
دانه:وهي صادقه شنو الملكه بيوم العرس مو ضار الملكه بيوم والزواج بيوم
امها بتنهيده:بكلم مشعل واشوف ويارب يوافق
دانه:وين ياسر؟
امها:توني نومته
دانه بحزن:على الاقل لو تزوج اكيد زوجته بتهتم بياسر ومرح تحسسه انه فاقد امه
امها:صحيح,,
دانه:انا اتمنى انه يطلع هالانا من راسه
امها:استغفرالله بس ماودي استااثم الله يستر على المسلمين
دانه:امين,,
مشعل:السلام عليكم
امه ودانه:وعليكم السلام
مشعل:وين ياسر؟
امه:نايم
مشعل براحه:اها
امه بتردد:مشعل
مشعل:سمي
امه:تو اتصلت ام خالد
مشعل:وش عندهاا
امه:معارضين على الملكه بيوم العرس
مشعل احسن:اجل الله يوفقها مع غيري ويوفقني مع غيرررهاا
امه شهقت:هـيئ هاذا يجي منك يامشعل
دانه بتحذير:يمه صدقيني هو الخسران الي بيضيع من يده يارا ونشوف مين الي بيندم في الاخير
امه تحاول تقنعه:يمه مشعل لا تنسى ياسر تبغاه يكبر ويفهم وماعنده وحده تعوضه عن امه
مشعل:يعني خلصو بنات الرياض ووقفت عند ذا اليارا
امه والدموع بعيونها:براحتك روح انت دور على الي تنفع لك ولا اوصيك<وبتريقه<خلها تكون مثل لانا<وقامت وطلعت لفوق بغرفتها<
دانه:هه انت الخسران والله امي ماقالت غلط<وقامت تتطمن على امهاا
مشعل بأنفعال:يعني غصصب اخذهاا
ابو مشعل الي توه جاي من سفر:السلام عليكم
مشعل بلهفه:وعليكم السلام يبـــه!<وقام سلم عليه
مشعل:شخبارك يبه بشرنا عنك
ابوه:انا تماام الحمدلله انت شخبارك وياسر شخباره؟
مشعل:مشعل وولده كلهم بخير
ابوه:الحمدلله امك واختك وين؟
مشعل:فوق
ابوه:اجل انا بروح غرفتي اريح عقب السفر<وقام طلع فوق
مشعل بنفسه:ياالله مايهون علي دموع امي وزعلهاا
عند دانه وامها
دانه:يمه مالها داعي هالدموع قلتيها هو الخسران وهو الي بيندم لكن صدقيني دموعك ماتهون عنده تشوفين بيرجع يقول خلاص باخذها
امه بحزن:عسى ياربي ياكريم
ابو مشعل دخل عليهم بالصاله:السلام عليكم
دانه وامها:وعليكم السلام
دانه بفرح:الحمدلله على السلامه بابي
ابوها:الله يسلمك ياقلب بابي
ام مشعل:الحمدلله على السلامه ياابو مشعل
ابو مشعل:الله يسلمك بس ليش هالدموع؟
دانه بستعباط:فرحانه برجعتك
امها ضحكت غصب عنها:ههههه بومشعل يستااهل اكثر
دانه:والله حركاات اذا كذا شكلي بتزوج عشان افضي لكم الجوو
ابوها:ههههههههههه يلله الله يهديك..
دانه:افاا بابي يبغى الفكه مني
ابوها:ههههههههه من تو تقولين بتتزوجين بعد ابغى افرح فيك
دانه:ايه اشوا
ابوها:نوره وش فيك؟
نوره زوجته:ولدك..
زوجها:وش فيه
دانه:بيتزوج بس يبغى الملكه بيوم العرس وحضرته غير كذا مايبغى
ابوها:نعـــم ملكه بيوم الزواج خير؟
نوره انبسطت:تكفى اقنعه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يلله جماانه نطلع؟
جمانه:اي يلله
ام رائد:افا توناا بدري؟
رائد:اي بدري يمه السااعه وحده ونص
ريماس:ههههههههههه امي ناويتهاا صبااحي
سما:هههههههه شكلهاا
ريماس الي توها تنتبه:ايه صح وانتي ورى ماتروحين بيتك انتي ماشفتي السااعه كم
سما:يمه بسم الله علي لا تخاافين بروح
امها:يمه سما ماعليك منهاا هاذي تخربط وماتدري وش تقول
سما:ههههه اي عارفه يلله بدق على السوااق
رائد:سما انا طالع طالع خليني اخذك معي
امه بحرص:اي احسن وش لك بروحه مع السواق بالليل
سما تناظرهم:يمه بسم الله علي بغيتو تاكلوني
ريماس بتريقه:بسم الله عليك
جمانه غصب عني ضحت:ههههههه
رائد ياحلووو ضحكتهاا
سما:وين هنوفه؟
ريماس:ههههه العجوز نامت
امها:غريبه مو عادتها تنام بهالوقت؟
ريماس:امس مانامت زين عاد اليوم عوضضت
الجميع:ههههه
رائد:اي صحيح يمه كيفها خالتي جواهر<<وناظر جمانه وابتسم>
امه:بخير الحمدلله
رائد:يلله انا طالع تبغون شي
امه:سلامتك
رائد:يلله جمانه وسما
جمانه وسما:يلله
جمانه سلمت على خالتها وريماس:سلمو لي على هنوفه
خالتي:ابشري
لبست نقابي وطلعت وسما ورائد بالسياره
دخلت السياره بكل هدوء
رائد:وعليكم السلام
جمانه بنرفزه:السلام
سما:وعليكم السلاام
طوال الطريق هادين وشوي تتكلم سماا مع ررائد
وصلنا بيت سما ونزلت وتوجهناا لبيتناا
رائد بخبث:تدرين عاد اليوم اول مره تعجبني هنيفه<<دلع الهنوف بالنسبه لرائد<<
جمانه:طول هالعمر ماعجبتك يوم جا اليوم عجبتك
رائد:اي تدرين ليه؟
جمانه:ليه
رائد:عجبني تحديهاا كثير
بصراحه توترت وطار الكلام وماقدرت اتكلم
رائد:وانتي مااعجبك؟
جمانه بتوتر:لا طبعاا
رائد:اي زين على غيري
جمانه توترت كثيررر طريقة كلامهاا توتررر,,
وكملوو طريقهم بهدووووء
~~~~~~~~~~~~~~~~~~~~~~
{{تـدريـ وش احلـى شـي بالدنيـأإ إنسـأإن لآ شدكـ ولمـكـ بحظنـه تـدمع عيـونكـ من قـوة حنـأإنـه}}
~~~~~~~~~~~~~~~~~~~~~
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك