رواية جنون -9
ماكنت ناويه اروح مع هالمغرور الغبي بس شسوي ماعندي اي خيار المهم اخذت عباتي الفراشه العاديه
ولبست لثمتي(لثامي)
وجلست انتظره بالحديقه كان الجو حلووو مررررره
مليت من الانتظار صارله ساعه وهالغبي ماجاء
مالت عليه بس مالت
مادري ليش احس اني حاقده عليه وانه غبي وتافه ومتخلف بعد
دق جوالي رقم غريب طنشته كانت عاجبتني نغمتي الجديده تو حاطته
موسيقى حلوه
ويدق ولا الاتفت حتى لشاشه
مافكرت ارد بعد 5 مكالمات لم يرد عليها رديت
روز:الووو
راشد:لاكان مارديتي احسن
روز:نعم
راشد نعامه ترفس عينك صمخه انتي ماتسمعين جوالك
روز:اقوووووووووول
راشد(استغرب):وش تبين تقولين
روز:وصكت التلفون بوجهه
راشد عصب حيل من حركتها الغبيه المغروره المتخلفه تصك الجوال بوجهي انا
والله لاربيك ياروز واكسر لك خشمك الي رافعته
ودق مرتين ثلاث اربعه
روز:خيــــــرررررررررررررر(وتشدد على حرف الراء)
راشد:ليه هو فيه احد يعرفك ويعرف الخير
روز:هيه انت تراك زودتها وزعجتني بعد
انت وش تبي هاه
غبي انت ماتفهم ماقلت لك انك غلطان
راشد(ماكان يقدر يطنشها لان ابوه قال لها يجيبها)
راشد:اسمعي تقضبين الباب وتنزلين تحت بسرررررررررعه
روز:انت راشد؟؟؟؟
راشد:لااخوه
روز:معليش ماعرفتك
راشد:ليه هو انتي تعرفين شي بالحياه اصلااا
روز:هيه انت لاتزامر علي ماني اصغر اعيالك فهمت
راشد:استغفر الله العظيم
روز:طيب تبي تستغفر وتعبد ربك موعندي استغفر بروجك
راشد:تراني متحملك بزياده
روز:لاتكفى متحملني
ياااااااااااااااي حدك مليغ وثقيل دم مالت بس مالت
راشد:انزلي بسرعه لاقسم بالله لارتكب فيك جريمه وسكر السماعه بوجهها
روز:وجعه الحيوان سكر بوجهي
مالت عليه المتخلف بفهم بس هذا كيف صار دكتور بس
واخذت عبايتها وعكازتها
كان المشي بالنسبه لها عذاب المهم ساعه لما وصلت الباب
فتحت الباب الي وراء مقفل
موراضي يفتح
والغبي يستهبل مطنشها
روز بنفسها(آآآآآآآآآه ياحلو ضربته بس)
روز طقت الدريشه
وراشد فتح الباب الي قدام
روز(شوفو الحيوان يبيني اركب قدام صج انه مايستحي على وجهه هذا الي باقي اركب بجمبه
ودخلت يدي وفتحت الباب الي وراء)
وركبت
راشد كان مبين انه متنرفز حييييييييييل
ورز ميته من الوناسه قدرت تنرفزه
راشد:ترا الناس لادخلو على مكان يسلمون
روز:شكرا على المعلومه جعله في ميزان حسناتك
راشد:رفع حاجبه وناظر لها بالمرايه
روز:اقووووووووووول طالع قدام ولايكثر
انا وحده ابي عمري شف الطريق
راشد:هيه انتي شكل ماحد رباك اصلااا
انتي وحده ماتعرفين الاحترام موليه
روز:لابالله عرفني عليه تكفى يقولون ان الاحترام واحد مزيون اذا كان من ربعك
ياليت تعرفني عليه
راشد:صج انك ناقصه تربيه وقليله ادب
روز:احترم نفسك احسن لك
راشد:اوووووه نسيت الي جابتك ماربتك وللاسف ماعندك خلات يعلمونك الادب
لانهم ماعلموه لنفسهم عشان يعلمنه لغيرهن
هذا اذا كانن يعرفنك
روز(كلامه جرحها بقوه ماتوقعت تسمع هالكلام من احد)
روز:الي ربتني هي الي ربت ابوك الي رباك
انا ربتني جدتي واذا انا مومتربيه فانت مومتربي
واذا انت مشكك بتربيتي فانت مشكك بتربيه ابوك
راشد:ايا قليله الحيا اقسم بالله انك ماتعرفين الحيا
ولايكثر كلامك تراك زودتها وعند امي وبس
لاجابو طاري امي تاكل تبن وماتفتح فمك سمعت
تبلع لسانك وتنطم
امي اشرف من الشرف واشرف منك ومن امثالك
واشرف من الي جابوك سمعت
وبسرعه رجعني للبيت ماتعودت اركب مع حثااله زيك
راشد(انصدم من كلامها وهجومها عليه)
روز(بصراخ)قلت لك رجعتي للبيت
راشد:واذا قلت لك ماني مرجعك
روز:ولي خلاق لارمي نفسي من السياره الموت اهون علي من اني امشي مع حثاله
المجتمع
مجتمع متخلف انت واحد متخلف حرام تعيش تشوف ان اي احد موسعودي اقل منك مستوى انت واحد غبي
غبــــــــــي
ويالله رجعني البيت لاولي خلقني لارمي نفسي من السياره والله لاسويها
راشد(انصدمت من كلامها صراحه ماعرفت ارد عليها صوت بكاها سكتني ورجعتها للبيت)خفت تسوي شي بنفسها مجنونه تسويها
من حكيها شكلها مو صاحيه وبزر وتسويها والله
روز(لما انزلت):انت واحد غبي وسكرت باب السياره باقوى ماعندها
**********************************
الفصـــــــــــــل الثــــــــــاني والعشرون
جـــــــــــــــــــــــــــــــوري
مليت من الفراش وحسيت ان الهروب ماهو حل لازم اصحى
اذا مو الحين بعد شوي لازم اكون اقوى واذا اسمه سواء فيني كذا ماراح يهمني
خلهم يقولونه مليون مره (كانت تحاول تصبر تفسها بنفسها
صحت من النوم وراحت توضي وصلت الصلاه الي فاتتها وهي تسلم حست ان فيه احد
دخل سلمت
ام جوري:تقبل الله
جوري(ببتسامه باهته):منا ومنك يمه
ام جوري:كيفك اللحين
جوري:الحمد لله احسن
جوري:يمه ليه ماصحتوني اروح للجامعه
ام جوري:لايمه شفتك تعبانه قلت اخليك ترتاحين احسن لك
جوري:طيب يمه
ا000امــ
امـ(ماقدرت تكمل كل القوه الي كانت فيها قبل شوي تلاشت
ام جوري:وش فيك يمه
جوري(كانت تضغط على نفسها ):عـ
عــ
عمي
ام جوري(فتحت عيونهامن زماااااااااان ماسمعت هالكلمه من جوري حست بالضيقه
من هالكلمه وهي مو عارفه كيف جوري انطقتها)
جوري(كان صوتهايرتجف وعيونها مغرقه موقادره تنطق اسمه خافت تبكي
وهي ماتبي تعب امها تدري ان امها شايله هامها):يمه وش كان يبي
ام جوري:لايمه مايبي شي سلامتك
جوري:يـــــــــمه
ام جوري :نعم
جوري:يمه لاتجبين علي قولي لي وش كان يبي
ام جوري:كان يبي00
جوري(لما شافت امها طولت بالصمت):اي يمه وش كان يبي
ام جوري:يمه جوري اسمعيني بقولك شي
وهالحكي خليه ببالك زين ماحد بالكون يقدر يغصبك على شي ماتبينه
ولي تبينه بيصير ولامخلوق بالدنيا له الحق انه يجبرك
وانتي عارفه هالشي
حتى انا عمري ماجبرتك على شي ولاراح اجبرك
جوري(كنت متوقعه هالحكي وكنت مهيأه نفسي هالكلمه كنت انتظر امي تقولها)
ام جوري:عمك يبينا نرجع نسكن جده
جوري:000000000000
*******************
قـــــــــــدام باب الجامعه
كانت البوابه مليانه بالبنات الاشكال والالوان
كانت مميزه بين ميات البنات
واي احد يعرفها ماراح يخفى عليه زوالها بالعبايه
كان واقف ينتظرها تطلع من الجامعه
غريبه صار لها ثلاث ايام غايبه ومومداومه
طلع جواله ودق على رقمها
لكن طلع له صوت
(ان الهاتف المطلوب لايمكن الاتصال به الان)
غريبه الله يستر جوالهامن امس مقفل
والله اني بديت اقلق عليها
*******************
بيـــــــــــــــــــت روز
صحيت الساعه 11ونص
آآآآآآآآه احس ان ظهري مكسر
محتاجه كوب كوفي كبير يعدل لي راسي
فاتتني صلاه الفجر وقمت اصليها
نزلت تحت على الدرج
طبعا بيتنا موزي بيت شموخ ولاجود فيه اسنصيل
مالت على حظي بس
نزلت ومشيت للمطبخ ومانتبهت ان كان فيه رجال بالصاله
رحت للمطبخ بدون مانتبه
جالسه اسوي الكوفي لفت انتبهاي شي ابيض عند الباب
ناظرت كان واحد مستند للجدار ويناظرني ويبتسم
انا من الصدمه
ماقدرت انطق بولا كلمه
احس ان صوتي مخنوق طاح الكوب مني
وماني قادره اتحرك
قمت اشاهق من الخرعه وراح
مادري هو راح ولا من الخوف اتخيله راح
جتني حنين
جت حنين لقت روز تناظر الباب
وعلى وجها علامات الصدمه وشكلها مرعوبه ويخوف
تقول شايفه جني
كانت عيونها متعلق على الباب لدرجه انها شكت انها ترمش
حنين:روز اسم الله وش فيك
روز:00
حنين (بصراخ ):روز
روز:ها(شهقت )
حنين :روز وش فيك؟؟
روز:كان 00
كان فيه وتاشر على الباب
كان فيه هنا
هنا
حنين خافت على روز شكلها يخوف بجد
حنين تضم روز روز حياتي مافيه احد هنا
وقامت تقراء عليها الايات
روزكانت ترتجف من الخوف
حنين:والله هنا واقف هنا وكان يضحك لي بعد
والله حنين يضحك لي
حنين :ياقلبي شكلك تعبانه
قلت لك لرتاحي بس انتي ماتسمعين الكلام
حنين صعدت روز لفوق
ومن الخوف نامت بسرعه
نامت وهي ترجف من الخوف
***********************
وبمكان اخر تطغى عليه رائحه المعقمات والالون الابيض
هو السائد فيه
صحى من نومه كان يحس ان راسه ثقييييييييييييييل
مرررررررره ومصدع
الدكتور:السلام عليكم
الحمدلله على السلامه محمد
محمد:انا وين
الدكتور:انت بالمستشفى صارلك حادث ولله الحمد قمت بالسلامه
محمد:00000
الدكتور:محمد فيك شي
محمد:راااااااااااااسي احسه بينفجر يادكتور
الدكتور:اشر للممرضه تعطيه ابره
الدكتور:ولايهمك معافى ان شاء الله
استغرب الدكتور انه ماسال عن زوجته
الدكتور:اللحين نعطيك ابره تهدي الوجع
ولازم ناخذ لك اشاعات ضروريه
محمد:وين نوره؟؟
الدكتور:من نوره
محمد:000
الدكتور:استغرب من هالرجال وشك بحالته عشان كذا طلب منهم يسوون له اشاعات لراس
وراح يراجع ملفه ووجد انه كان فاقد الذاكره
ماستغرب حيل لانه كان متوقع
ومايخفى على اي دكتور ان حالته والم راسه ان فيه شي
والي توقعه ان الذاكره بدت ترجع له
من بعد الحادث
راشد:هلاااااا والله دكتور فواز
فواز:هلاا راشد
راشد:ووجعه وش فيك اليوم شكلك مشغول
فوازكلابس جالس اتابع حاله الي جاء بالحادث مع عمك
وتوفت زوجته
راشد:هاه بشر كيف حاله
فواز:ااااه والله شكل حالته صعبه ومطوول عندنا
راشد:افاااا الله يشفيه
فواز:تصدق ان المسكين فاقد الذاكره من 4سنين
راشد:اووووف4 سنين
فواز:ايه شفت حالته موطبيعيه وطلبت ملفه
وشكل الذاكره بدت ترجع له
اصلا ماسال حتى عن زوجته
راشد:ياحول الله اقوى الله يشفيه
فواز:امين
راشد:امش نروح نتغداء باي مطعم
ميت من الجوع
فواز:ليه بدت استراحه الغداء
راشد :يووووه وش فيك ياخي اليوم
فواز:والله مادري ليه انشغلت مع هالمريض كاسر خاطري
راشد:طيب وانا ماني كاسر خاطرك ميت من الجوع
فواز:ههههههههههه
يالله قدامي بس
(فواز كان صديق راشد الروح بالروح ودرسو الطب مع بعض على اختلاف تخصصهم
صارلهم مع بعض اكثر من 12سنين)
*********************************
لـــــــــــــــــــــــــين
مادري ليش حسيت بتانيب الضمير انا قلت لهم يضربونه
ويصدمونه بس مو لذي الدرجه يارب قومه بالسلامه يارب مايموت ياربي والله حرام
لااصلاموحرام الايستاهل الموت اي والله يستاهل هذا يلعب بشرف الناس
ولاوش ضمني مايكون الدور الجاي علي (كانت تحاول تموت ضميرها الي صحى)
كانت تعرف ان الي سوته خطاءبس مصره انه تعتبره صح وان هذا الي المفروض يصير
وعادي حتى لومات عادي يستاهل الموت بس بتدعي انه مايموت
طرت على بالها صوره عادل
ياااااااااي ياعادل اشتاقت له حييييييييييييييييييييييييييييييل حيييييييييييييييييييييييييل
الي عرفته واخر خبر اسمعته عنه انهم قدمو زواجه بقى اسبووع بس على زواجه
الاسبوع الجاي بيتزوج كان المفروض تكون هي العروس
وهي الي بتنزف عليه
بس لانه جبان وغبي تخلى عنها وطاع ابوه ولد ابوه
وماعنده كلمه حتى بالزواج اغصبوه من وحده مايحبها
بسبه عادات وتقاليد تافهه
تخلى عنها بكل بساطه وبالنهايه جت وحده واخذته بكل بساطه
وهي الي تنتظره سنتين تركها ومالتفت لهاا
(انرسمت على شفايفها ابتسامه)
لما تذكرت وش بتسوي فيه بعرسه وكيف بتنتقم منه
عشان يتوب ويعرف من بنت العوايل مو لعبه عنده
ماقدرت تكتم ضحكتها
هههههههههههههههههههههههههه
ضحكت من قلب وهي تخيل شكله وشكل ابوه
ولاشكل عروس الغفله
والله لاخليه يعض اصابعه ندم والله لاخليه يكره كل بنات حواء
ياربي بس متى يجي الاسبوع الجاي
اخذت جوالها ودقت على شموخ
كالعاده مستحيل شموخ ترد من اول مره
حالتها صعبه مع الجوال فاتعودت تدق
مرتين ثلاث لما تلقى الانسه شموخ الجوال
كان معها خط ثاني كان حمزه(الرجال الي يشتغل عندهم)
لين:الو
حمزه:السلاام عليكم طال عمرك
لين:اخلص وش عندك
حمزه:الرجال حي مامات
لين(مادري ليه فرحت من قلبي انه مامات وانه للحين حي)
طيب حلو زين
حمزه:اي بس
لين:بس شنو
حمزه:اي بس الرجال سولوه0000000000
لين حطت يدها على فهمها لما اسمعت كلمه حمزه حرام لوانه مات اهون
من انه يعيش.....
حمزه:وطلع من عايله الحامد
لين(بصدمه):عايله الحامد
حمزه:ايه طال عمرك
وفيه بينه وبين خالد الجادعي مشاكل
ومشاكلهم ماتخلص ابدا
وهم دايم على خلااف مع بعض
لين: مانتبهت وماهتمت لسالفته مع خالد والهواش الي بينهم ولاحسبت ان ركان كان بينتقم من خالد
سكرت السماعه بوجه حمزه كالعاده
دقات قلبها كل مالها تزيد حست انها مخنوقه هي ماكانت تبي توصل لذي الدرجه هي
كانت تبي تعطيه درس وبس
حست بالندم وندمت لوانه ميت ارحم له ولها
بس هي وش ذنبها ماكانت تبي الامور توصل لذي الدرجه
شمـــــــــــــــــــــــــــوخ
الساعه 3 العصر توني اصحى من النوم
نزلت افطر تحت كالعاده البيت فاضي ومافيه الاحسي انا وبس
اكيد ان امي مسافره تسوق وتونس مع صديقاتها وتاركتني لحالي
وابوي كالعاده ماهمه الاشغله والفلوس وبس
بس امي طولت بسفرتها ياربي هذولي اهل
والله حرام عليهم يكونون اهل ربي راحمهم انهم ماجابو غيري
ياي ياليت عندي اخت والا اخ بدل الوحده الي انا فيها
اااااف وربي مليت حتى تفكيري هذا هو وماتغير كل يوم افكر بنفس الشي
يارب خذروحي وريحني
ماكان لي نفس اكل كنت احرك الاكل بالشوكه بدون ماكل
وصعدت لغرفتي غرفتي كان عالمي اكثر مكان احبه هوغرفتي
اموت بالهمكان احسه المكان الوحيد الي القى راحتي فيه
اممممممممممم ياربي وين جوالي
وين
عااااااااااايشه
ياعاااااااااايشه
عايشه:نعم ياست هانهم
شموخ:عايشه وين جوالي
عايشه سبته امس على التسريحه
كان جوالها e96
الوردي
وتعليقه ورديه رايقه
لقيت مكالمه لم يرد عليها من لين
ردت على لين بس غريبه لقت جوالها مقفل!
شموخ يوه اكيد انها نامت
دقت على روز
جاها صوت روز وكله نوم
شموخ: مرحباا
روز:مراحب هلاشموخ
شموخ:نايمه
روز :اي والله نايمه بس زين صحيتيني
شموخ:اخبارك وينك يادوبا مختفيه ولاتسالين
روز:ماني بخير ياشموخ
شموخ:ليه وش فيك
روز:ابوي ابوي ياشموخ(وقامت تبكي)
شموخ:روز هدي حبيبتي وقولي لي وش فيه ابوك عسى ماشر
روز:ابوي سوا حادث وحالته ماطمن ابدا
شموخ:ياحول ولاقوه الا بالله
طيب متى صار هالحكي
روز:قبل امس باليل
شموخ:وليه ماحكيتي طيب هوالحين كيف حاله؟؟
روز:والله حالته ماطمن ولاتسر لاعدو ولاصديق
شموخ:الله يشفيه ويقومه بالسلامه يارب
روز:ااااااي
شموخ:وش فيك
روز:لابس رجلي
شموخ:وش فيها رجلك
روز:تخيلي انكسرت وجبسوهالي
شموخ:ياويل حالي سلامتك يالغلاا ماتشوفين شر
روز:الشر مايجيك
شموخ:بس كيف انكسرت؟
روز:كنت نازله مع الدرج مستعحله وطحت
شموخ:ياقلبي ياجعله بالي يكرهونك
شموخ:انتي اللحين عند ابوك بالمستشفى؟؟
روز:لاتوني صحيت من النوم صحيتيني
والسواق مسافربس اكيد اللحين بنروح له الساعه كم؟؟
شموخ:الساعه 5
روز:يووه الزياره المفروض الساعه 4
شموخ:اجل اتركك الحين ولاوصيك طمنيني عليك اول باول
روز:لاااااااااااااا
شموخ:يمه وش فيك
روز:لالاتصكين خلك معي بالتلفون شكل مافيه احد بالبيت يمه
شموخ:اسم الله عليك روز فيك شي
روز:لامافيني بس تكفين خلك معي على الخط بشوف فيه احد بالبيت ولالا
شموخ:روز حبيبتي وش فيك ياقلبي
روز:مافيني شي خلك معي
شموخ استغربت من حكي روز حكيها مو منطقي ابد
روز(بصراح)حنين ساره
جت الشغاله :هلا ماما روز كوله روح برا
روز:وين راحو
الشغاله:روح هوز بيتل عشان شوفي بابا
روز:ومن فيه بالبيت
الشغاله:مافيه احد
روز:اها اي خلاص
ودخلت الغرفه وقفلت الباب ثلاث قفلات
روز:اي خلاص شموخ يالله مع السلامه
شموخ(طبعا بتعرف السالفه بتعرفها بس اللحين مو وقته)
طيب حبيبتي مع السلامه ولاوصيك طمنيني عليك
روز:طيب من عنوني مع السلامه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك