رواية دموع اسقطت حصون القصور -22

رواية دموع اسقطت حصون القصور -22

سلطان بهدؤ:تحبينها وانا ماأحبتس واطقتس وهي ماتحبني.. هذا التكمله صح

نزلت راسها وهي تهزه بايه

سلطان :ماله داعي تقولين كلام مثل هذا لبزر

الهنوف بهدؤ: احب اقول الحقيقه وش اسوي..

سلطان برفعة حاجب :الحقيقه انتس ماتحبيني ..

اسكتت اول ايه بس الحين مدري تنفست وهي ترفع راسها له وبتساول :ماحبك ...طيب انت ماتحبني بعد..

سلطان ببرود:صح ..

انصدمت امسكت نفسها لاتصيح قدامه ابتسمت غصب :خلاص .. لا حبك ولاتحبني وش.. وش ماقدرت تكمل صوتها اختفى هزت اكتافها واسحبت يدها منه

امكست الكتاب انزلت من السرير بسرعه واطلعت ناظر مكانها موب تحبني يعني.. زم شفايفه حلو لا تعلق فيني بسبة اسلوب يظهر غصب عني وانا ماودي اجرحها.. وبتفكير تنهد لاكنها تظهر مالاتخفي..

وقفت في حجرة الجلوس وهي تنفس بسرعه سواله يقصد به شي موب عبث..حياتي صارت ملخبطه دارت بعيونها في الحجر بقلق

...................

ام فهد وهي تلبس عباتها راجعين لبيتهم :وين فهد

ام مفلح :في المجلس عند مساعد بروح اناديه لكم

لمياء :لا اجلسي خاله بروح انا..

اطلعت وراحت لهم بالمجالس الي برى افتحت الباب بقوه وصكته في الجدار

التفتو لها ببرود ناظرو فيها وعودو يلعبون سوني

لمياء برواقه اطق على الباب وبتلحين:سرينا سرينا يالبزارين يالبزراين..

مساعد :والله صوت طقاقه ..

لمياء :ههههههه ..وبتريقه ..بزران وحمير بعد..

فهد :البزر رجلتس..

لمياء بستهزاء وتعود تطق :انشهد انشهد ..هههههه..

قرب منها واصرخ في اذنها :بووووووو

الصقت في الباب براعه وصرخت :يممممممه

مفلح :ههههههه ..مخليه البزارين بتهزون في رجلتس ..

غمضت عيونها بقهر و لفت عنه وهي تناظر فهد يعني قم

مفلح بستهزاء:انشهد انشهد ..شين صوتتس ...

اسفهته ولقته ظهرها راجعه للبيت ابتسم والحقها مسرع بمشيته قبل تدخل قبله نحف نفسه وادخل قبلها قدهاعند الباب تراجعت وهي منصدمه من حركته شوي وتصدمه فيه

مفلح يناظر خالته وبسرعه :خاله استريحو ماجلست ولا سولفت معتس ..

ام فهد : ياجعلني قبلك ..مرتن ثانيه انشالله

مفلح وهو مبتسم :بصركم اجل...عاد يام فهد عجلو علي بالمره ..وغمز بتجاه لمياء الي وراء امها.. ارفعت عيونها له وارمشت بعيونها بتسبيله ولفت عنه

نزل راسه ببتسامه حلوووه..

ام فهد :ههههه ترى هي تستحي اغميزه منا منا لامن شديتها بيدها..

ام مفلح بهدؤ:الله يكتب لهم الي فيه الخير

سلمو واطلعو منهم لف مفلح لامه :يمه تقولينها من غير نفس وش بلاتس انتي لذلحين وانتي زعلانه منها

ام مفلح بغيض:ايه ترفضك قدامك وقدامي انت ماتحس..

تنفس بقرف لوه في يدي والله مايردها الا صوت راسها في الجدار الكلبه بس ماعليه كل شي بيجي..

اسكت واطلع وامه تناظره بقهر

.........................

جالسه بلحالها بملل في الصاله ام راشد مسيره على اهل رجلها وهي من عصر لليل بلحالها

ادخل شافها حط يد على خدها ومعها الريموت

تنفس بعمق وادخل:السلام

وقفت بسرعه :وعليكم السلام .. وبرتباك.. تبي عشاء

ناظرها شوي واجلس:ايه جيبيه

راحت للمطبخ بفرحه توترت وهي تغرف العشاء وكانه اول مره تغرف او تقدم شي جهزت له وراحت صوبه

حطته قدامه واجلست على الكنب

راشد وعينه على العشاء :تعشي

تناقز قلبها من الفرحه اخفت ابتسامتها واجلست جنبه

ناظرها بقرف وهو يطلع لقمته بفاين وبعصبيه :تستهبلين علي

نوره بخوف:وش فيك

قام وهو متقزز ويمسح فمه: طعمه مثلتس خايس ... موب من قلب شغلتس..!!

ناظرت فيه بصدمه وهو رقى واشماغه بيده اسرحت بعيونها بدون تفكير في اي شي ادخلت عليها ام راشد :السلام عليكم

نوره بصمت وسرحان تحرك ملعقة الشوربه

ام راشد بستغراب:نوره

لفت لها بهدؤ:لبيه

ام راشد :روعتيني .. وين راشد

وقفت ومعها صينية العشاء تكلمت وهي تمشي:فوق

حطتها على درج المطبخ بحزن ناظرت لعشاها ليه وش ذايق فيه..مدت يدها للمكرونه وذاقتها احذفتها في الزباله وهي تسرع للبراده وتشرب مويه نار كله فلفل حطت يدها على فمها وهي تطق فخذها ياويلي يحسبني متقصده..

غسلت المواعين وهي تدور اعذار وكلام خلصت بسرعه ورقت فوق

جالس على السرير وياكل اظافره بتفكير ونهم ...ابلعت ريقها بخوف ترددت وهي تقدم منه وقفت عند راسه

ارفع راسه لها وناظرها ارتعشت شفايفها بالم كل كلامها ضاع ناظرت بعيونه

نوره برجفه: ما.. ترى انا.. ذاه.. بكت ويديها على وجهها ماصبرت وهي تناظره مستهزي فيها

راشد :بدى القلب يمل

نوره بصياح وهي تمسك يده الي يعض اظافره:راشد وش الي غيرك علمني بعدها مرخصتن لك الي تبي تسوي بي

ارتبك من بكيها اسحب يده بغيض وهو على جلسته ويهز رجله بتوتر

نوره برجى وبكى :علمني راشد تكلم

قام بسرعه افسخ ثوبه ورجع ينسدح على السرير تلحف وظهره لها

اشهقت بقوه وهي تمسح ادموعها :اقول لبوي اني مابيك اذا ماتبيني ..عشان مايزعل منك..

دق قلبه بقوه وحس بحراره وعرق مستحيل اقول لها لا ومستحيل اكثر اقولها ايه

اركضت للحمام صكته بقوه وهي تصيح مايحبني مايحبني علقني فيه ونساني اقعدت تصيح ماتدري وش الوقت الي راح وهي على هالحاله ارخت نفسها على الارض وعيونها باديه تغفي

ماصبر وصوت صياحها ابعد نوم عنها وقف بتوتر وطق عليها الباب :نوره افتحي ..مايصلح كذا

ناظرت في الباب ببرود ولفت نظرها

طق الباب كم مره ونادها رافضه تستجيب له..

تنهد وهو يعنز جبهته على الباب وبهدؤ :يابعد راشد ..افتحي..

نوره بدموع :وش تبي فيني ..ذليتني من البشر وعزيتك

والمشكلة بقلبي احطك بس قل لقلبي خاب ظنك

تنهد بألم : وش الفايده من كلامتس يانوره وفعلتس غير ..اناديتس وتقفين عني ..وبقهر ..حتى يوم زعلتيني رحتي لساره ورقدتي عندها وانا ارقبتس ليلي كله وين القلب الي تكلمين عنه

حطت يدها على فمها تمنع الشهقه مستحيل يافهم احد داعي علي في حياتي نزلت راسها على ركبها وصاحت

راشد بحنان :اطلعي من الحمام يابعدي

امسحت دموعها ووقفت ابدت شعرها من وجهها افتحت الباب بقوه عدل وقفته وناظرها

نوره بهدؤ:ابعد بطلع

راشد برقه ويده على لحيها : دموعتس غاليه

ناظرت وصدت بعيونها باس خدها وابعد من الباب راحت لسرير وازحفت لاخر شي وهي تلحف جسمها كله

ابتسم ورجع مكانه اادخل في الحاف كله وصار عيونه تناظرها من تحت الحاف

راشد :تسمحين لي اقرب

غمضت عيونها بالم: كنت داريه ان قومتك من عقب وانت مطنشني عشان كذا

راشد بدون اهتمام مد يده ليدها وامسكها وهي يمسحها بهدؤ:انا ابي منتس كل شي ... بس ماقدرت الاعلى ذاه؟! حطها في كفه وغمض عيونه اسحبتها ماسكها بقوه في يده وتحت خده

ابعدت الحاف عن وجهها وناظرت فيه بقهر

...........................

ذاكرت اليوم بمافيه الكفايه

وقفت ومرنت ظهرها التفتت على صوتها الصغير تهبل ذا البنيه شعرها كله كدش خلقه

ابتسمت وراحت لها :هلا رفوف

رفيف:ابوي يقول تعالي تحت

الهنوف بستغراب وضحكه :وش يبي

رفيف :هو يقول نادوها

الهنوف تضحك بقوه:حبيبتي مايصلح بابا يشوفني ..بعدين ربي يزعل..

ناظرتها رفيف برفعت حواجب وبرائه:انتي تشوفينه دايم

امسكتها مع يدها واطلعو برى الجناح وقفت على راس الدرج وطلت عليهم ماشافت احد غريب شافته جالس بكرسي منفرد مسند راسه على المسند ويناظر لسقف بسرحان تغصصت بالعبره وهو تشوفه جالس معهم.. ليش افرح بشوفه واشتاق يطل علي من الباب ماسوى فيني شي طيب اهاني ومشاني على كيفه

هزت راسها بقوه لا لا عشان اول مره اعرس ورجال غير ابوي وفهد البزر لا رحت بنسى ابتسمت بتشجيع لنفسها رتبت شكلها ورفيف تنزل الدرج بشويش

الحقتها ..

ناظر فيها سلطان تنزل من الدرج وصد عنها نزلت راسها بأسى..مرت من قدامها رايحه لنايفه

سلطان بهدؤ:تعالي هنا ..واشر جنبه.. لفت له وارجعت للمكان جالسه فيه

اركضت له رفيف ونطت بحظنه .. امسك خدها وباسها

رفيف :شوفها ناديتها

سلطان :من هي ..

رفيف :هنوفه

ابتسم سلطان:وليش اتنادين هنوفه

رفيف :انت تقول لو تنزل شوي وترتاح من الكتاب..

اضحك بتوتر وباسها

الهنوف تبلع ريقها وببتسامه مرتبكه :انتي قلتي بابا.. انتي كذابه..

رفيف بعفويه:خلاص خالو مثل بابا ..صح

موضي :هههه تقصد سلطان اذا رضت نادته بابا

الهنوف:تقول بابا يبيتس ..حدثت عليها حرام ومايصلح ههههه

موضي وام سلطان :هههههههه

لف لها بهدؤ وصوت قصير :روحي لنايفه جيبي منها بطاقتها...

ابتسمت له وقفت خذت من حظنه رفيف شالتها ورقت فوق

انقبض قلبه من حركتها وشيلها رفيف من حظنه لو البنت لي.. عض شفايفه وازفر بقوه

ام سلطان بحنان:ياسميع الدعاء جعلني اشوفها شايلتن ولدها من حظنك

سلطان بببتسامة مجامله:امين ..

موضي بتعجب والله مدري عنك ياخوي ساعه وساعه ويل البنيه ناظرت له سرحان ومبتسم

طقت الباب ودخلت رفيف قبلها ودخلت عقب

الهنوف ببتسامه:السلام

منسدحه على السرير وتلعب بشعرها:وعليكم

اجلست جنبها :مايصلح الي تسوينه ماهوب مغير الاقدار

النايفه بحزن:انا فكرت زين وبحاول اشيل الموضوع من بالي ..بس سلطان زعلان

الهنوف:انزلي حبي راسه وقولي اسفه بس

اجلست وراسها منزلته :يقول لموضي لاتجي تعتذر مني ..وبكت بتعب

الهنوف برحمه:روحي يمديه رضى

ابتسمت وتدور بعيونها بعيد عن الهنوف :بروح اذا رقى لجناحه مابي انزل تحت

الهنوف:اذا رقى بناديتس ..انتي الحين طيبه..

هزت راسها بايه والهنوف تدور رفيف الي عند الدرج ولاعبه بالمكياج

الهنوف:لاااا يع وش ذاه ..خذت الفاين وامسحت الي قدرت عليه وقفت النايفه عند رفوف امسكتها مع شعرها ودزتها برى الحجره طاحت على الارض وصياحها لابق بالسماء

الهنوف وهي تصكر درج التسريحه وبصدمه :ليه النايفه... نظفت كل شي

ااجلست على السرير وعطتهم ظهرها :لا تدخل حجرتي ثاني مره

ناظرتها الهنوف بستغراب واطلعت لرفيف الي تصيح بشرهه على النايفه انزلت لها وهي تهديها وتفتح اعيونها عليها :خلاص حبيبتي عيب كذا خاله تعبانه

مشاء صوبهم عاقد حواجبه :وش فيها..

وقفت امكسته مع يده نزل عينه على يدها وارجع يناظر لقدام بجمود مشت فيه بعيد عن حجرت النايفه ورفيف بيدها الثانيه

وقفت بنص الصاله

الهنوف بجديه:غير غير مره عصبيه شوي وطقني نفسيتها ماش تصرف ..هزت اكتافها له وهي تناظره

امسح على شفايفه ورص على يدها انتبهت لمسكتها هدته بسرعه وهي ترجع ورى بحراج

سلطان ببتسامه :لو بايستني وش بيصير فيتس

ابتسمت بخجل وفشله

قرب منها وارفع وجهها بااصبعه :حلوه بسمتس وانتي مستحيه ..كل شي منتس حلو كل شي..

ابعدت راسها عنه بتشتت ابلعت ريقها برتباك :وين رفيف

سلطان :انزلت ...

الهنوف تهدي نفسها:النايفه تبي تجيك تستسمح منك وخايفه..

سلطان ببرود وهو يلف :لا لاتجي

ارفعت حواجبها بعتب :حرام عيك ..

سلطان بهدؤ:خليها تلمس الارض النايفه سويت بها سوات ماسويت بها احد من اخواني ... وبجديه ..وين البطاقه؟؟..

الهنوف:ماجبتها

سلطان مازل لاف عنها:ليه؟؟..

الهنوف بتردد:دخلت عليها شفتها زعلانه ونسيت

اتجه لغرفتها والهنوف تناظره بعتب من تصرفاته المتقلبه .. افتح الباب وادخل شافته ابلعت ريقها واجلست

سلطان ينسف اشماغه : عطيني بطاقتس

قامت افتحت الدرج وعطته اياه وهي منزله راسها خذاها منها ولف

النايفه بتردد وضعف:يبه... لف لها ناظرها بقسوه واطلع

ماقدرت تحمل زعله حتى مع اخر سلاحه لها وضعفه لذالكلمه لاطلعت منها بكت بقوه ويديها على وجهها

اطلع برى البيت وهي ارجعت للحجره قالت لهم مابي العشاء مرت النايفه المقفله حجرتها ارحمتها عقب مادقت عليها تسالهااذا موجود صوتها مجروح صعب تعلق نفسها في احد مايدري عن هواء بالها وحتى لو درى الكل ضدها

صكت كتبها وحطته على درج الكمودينه ونامت

.......................

صلت الصبح ولعاد جاءها النوم تلبست برواقه لفت على المدرسه كلها واطلعت على الساحه في بنتين خوات قدهم جايات راحت لحجرت المدرسات واجلست فيها

ادخلن عليها الطالبات في الحجره وبجرائه :استاذه سولفي معنا ..توى الوقت

ساره بطيبه :تفضلو انا جيت بعد بدري

هيله :استاذه وش ديرتش

ساره :انا من النعيريه

نيله بهياط:يالبى النعيريه واهلها ...وش الحظ الي جابش لمنا

ساره ببتسامه:حظي الزين

هيله :لبى الحكى ياستاذه ..عندش اعوال

ساره ترددت تكلمهن في خصوصياته عقب ردت:لا توني ماعرست

نيله :استاذه اختي هيله بتعرس بعد سنه حاجزها ولد عمي حامد ..عقبالش ياستاذه

هيله بغيض:فارقتش انتي وولد عمش ..جعل منت عوضي في سعود

ساره ماعجبها تعماقنه في الكلام : فيه خيره انشالله..

نيله تحرك حواجبها لاختها :استاذه ساره.. تبي عمه اصغر واحد..مير ماهوب حاصلن لها

هيله تكش على اختها :مالت عليش ..ومن زينه عمه شايفن نفسه جعلني الخفه كاني اريده

نيله بضحكه:اجل خليه لي انا ابغيه بس تخيلي يخطبوني يافرحتي...

ابتسمت في داخلها ياحليتس الله يرزقتس اياه وقفت تنهي سوالفهن :خلاص بنات معليش عندي دروس بحظرها ..تسمحون لي

هيله :ايه نفدا قبيلتش ..يشهد الله اني احبهم

ساره :حبتس ربي ..

اطلعن وساره تنهد براحه توهم متوسط وش خلو للكليه

جاؤ المدرسات ومشى يومها نفس الروتين اليومي اطلعو بدري الطالبات راحت الي عليها الغداء تسويه والباقيات عند الطالبات لين يطلعن

..............

انزلت وهو راقد حتى الفجر ماقومته يصلي ولا يروح لدوام سوت الفطور وافطرت مع عمتها

الساعه تسع انزل لهم ناظر فيها رافع واحد من حواجبه بضيقه صدت عنه بغرور

حب امه على راسها وصبح عليها

راشد بستحقار وهو يصغي عليها:الصلاه مافيه حركات التفاهه الي تسوينه..

نوره ببرود:منتب بزر اقومك..

حس بالغيض ناظر لامه تزين تمر بالقط والسمن امسكها مع عضدها ورص عليه

راشد بغيض:اص عيديها والله ماتغاضى عنها .. دزها من كتفها ناظرت فيه بعتب

قام عنها بسرعه واطلع برى

ام راشد بستغراب:وين راح

نوره :مدري ..عمه بروح لامي اتغداء عندها تجين معي..

ام راشد :لا يمي روحي انتي عندي الشغاله مايحتاج

رقت فوق وراسلت لراشد تعلمه وافق لها تروح تلبست ودقت على مفلح يجيبها تعذر منها عيو الدوام يسمحون له وقالها تصبر لين يجي واحد من اخوياه ويقعد محله شوي

تنفست براحه اشوى ماسال عن راشد اذن الظهر ومفلح يدق لها التلفون تنزل له تحت

مفلح يحك ارقبته:وين راشد..؟؟

نوره بتوتر :عنده شغل ..

نوره :منتب مروق ..

مفلح بدون اهتمام:لا ..يعني حر ودوام وزاد الطين بله اني جايتس ..

نوره ببتسامه: لوه لمياء كان جيت اطامر..

مفلح بصراحه: بجي بس مانيب ماخذها ابصفقها ثاني مره لعاد تدق اجيها..

نوره براعه :اجل اشوى انك ماصفقتني..

مفلح بسرحان: هي غير وانتي غير..

وصلها لبيتهم وارجع لدوامه انزل عندهم وحط راسه على طاولته ونام

محمد :قم قمت اعصابك الرجال يدور بدالك وانت هناه

مفلح ياشر له بيده بمعنى يالله بس

..................

العصر افرشت فاطمه فرشه برى الجو حلو اطلعو كلهم عندها

ساره بشوق :ياليت امي تجي عندي..

فاطمه بحكمه:مايصلح لها هنا انتي مشغوله طول الوقت بما انش جديده..

منال : مالنا الا اسبوع من جيتي... يوه حر وش ذا الجوا.

فاطمه بلقافه خذت موية الفناجيل ورشت عليها

منال بشهاق :يع وسخاتكن

ساره :هههههه عشان ماننضلتس

منال بضيقه :وع ..اتمنى ماتعودينها

بوزت فاطمه بضيقه: مادانيش يالزعاله

امسكت ساره كوب الماء وكبته علي فاطمه بسرعه :هههههه خلين نشوف من الزعال

فاطمه براعه: جعلش القوم ..سمي علي فقدش.. تلفتت تدور شي تكبه عليهاشافت كاس منى مليان خذته وساره اصرخت وانحاشت

ساره بخوف:فاطمه ..بزلق تكفين خلاص ..لفت بسرعه مع لفت العماره اصدمت بشي حست بشعرها يتقطع وفاطمه اصرخت وارجعت ورى

ساره وهي طايحه عليه بخوف قامت بسرعه اطلعت منها اااه بدون شعور

ارتاع سعود من صوت البنت لف ماحس بنفسه الا طايح وهي عليه ناظر فيها دموعها بتنزل وهي تفكك شعرها من زرت ثوبه

سعود بهدؤ امسكها مع عضدها ابعدها منه وعدل جلسته :اصبري شوي ..مد يده لشعرها فككه توتر من ريحت شعرها وملابسها وعضدها الابيض وناعم كل الي عنده سمران ولا بي ذي ملابسهم

فاطمه من ورى البيت بخوف:ساااره ..فيش شي

كانت صادها بوجهها عنه لفت له تشوف خلص قاعد يناظرها ويده على الشعر يفكه

ساره بخوف وقهر : وسخ ..فك شعري ماتخيل..

سعود ببرود اسحب شعرها من جهت زراره بقوه واقطعه وهو يحذفه عليها

سعود بستهزاء :بعدش ماعرفتيني..

امسكت شعرها اركضت عنه تلقتها فاطمه الي ضمتها وصاحت

فاطمه تهديها:ماعليش لاتخافين.. يمكنه جاين بكتب الطالبات الجديده

امسكت دموعه وبراعه :شافني!!.. وجهه بوجهي ماصد عني.. لمت نفسها بقوه ويدها على وجهها..

فاطمه :ههههه بيعجب بش ..وعقب بياقع في هواش..

ساره ترتجف بخوف :ريحته دخان ..يع يع الباب صكروه قبل اليل..

فاطمه :خوافه بنت......

ساره : من ذل نجاء ..تعدت البنات وادخلت لحجرتها وهي تعود الموقف في بالها اكثر من مره

......................

دقت عليه تبي ترجع لعمتها قبل ترقد وتطمن عليها

يدق مايرد حست بالالام منه ارفعه في اخر لحظه :الو

نوره بعتب:هلا ..ابي ارجع للبيت..

راشد ببرود:اذا تبين ترجعين دوري احد يرجعتس..

انصدمت من رده امسكت الجاول بقوه ويدها ترجف ..انتظرته يوضح كلامها ساكت

نور بالم:خلاص يعني.. تنهدت بحزن ..مع السلامه.. صكته وركضت لحجرتها لحد يشوفها ادخلت بسرعه و صكت الباب طاحت على السرير وبكت بصوت عالي ماتبيني يارشد سمحت مني تبي احد يرجعني يعني افهمي منتب تبعي حرام على القلب الي يودك ويغليك حرام عليك

اشهقت بدموع غزيره تتابعت شهقاتها وقفت دارت في الحجره بقلق تحس بكتمه وحاشر حسبي عليك انكنك ضالمني ماحسيت بحلو الحياه الا معك اكتمت شهقتها بقوه ماقدرت على المها اجلست وارخت لدموعها العنان

دق جوالها طنشته ويدها على راسها ارجع يدق كم مره امسحت دموعها وانسدحت على السرير والجوال مازال يدق ناظرت فيه بسرحان طفى ورجع يدق مره ثانيه مدت يدها له وردت

نوره وواضح في صوتها البكى :الو

امسح اعيونه بقوه وتنهد:انزلي احتريس تحت

نوره بصوت باكي :انا منيب لعبه في يدك ...

راشد بتعب :نوره انا تحت تبين ترجعين انزلي لتس خمس دقايق ماتبين كيفس ..صكه ناظر يده الي تنتفض امسك فيها الدركسون بقوه.. ناوي يخليها عند اهلها بس ماقدر يصبر..

نزلت الجوال بهدؤ البست عباتها شافته جالس في مكانه متراخي وراسه على السيت

اركبت وصكت الباب ارفع راسه بدون لايناظرها ومشى ناصي البيت وقفو انزلت قبله تحس بقرف من شوفت البيت ادخلته مجبورت بقلبها مافيه احد بالصاله صوته وراءها رقى وقفت شوي والحقته ماسمحت لها نفسها تدخل وراءه للحجره لفت لحجرت ساره وادخلتها افسخت العبايه وانسدحت على سريرها

اندم انه راح يجيبها لو تبي تجي بتجي بس ان ملزوم بها.. انفض راسه بكلم خالي والامر عادي ماحصل توفيق حسى بشي تغصصه الحب شين ياليتس يانوره تعرفينه الايام كفيله تمحيتس...

تسبح وارقد بفراشه ماحترها تجي ولاهوب راغب في شوفتها خذا الجوال عقب ماسمع صوت رساله افتحها وقراها بهدؤ

ليش تزعل وانت ماتعرف ظروفي

ليش ما تسمع كلامي للنهاية

اقتنع بالعذر ترضيكم حلوفي

والله الي جرى ماهو برضاية

من وعدني بلتزم بالوعد يوفي

ليش تلعب بي وتلعب في هواية

وإذا خنت العهد فالحكم معروفي

الخيانة بالعهود أكبر جناية

كان قلبك يرحم الحال ويروفي

والله إنا ما لنا بالغير غاية

لا تحسب اني بطير مع الدفوفي

ما اشتري السلعة على سبب دعاية

لا مرت لي كلمتك يزيد خوفي

واتعذب من خلاية في خلاية

احسب ان الحب وياك مخلوفي

يوم انا اخصك بحبي مع غلاية

ما تصورت تجرح القلب العطوفي

لا يا بو وجهين مو هذا جزاية

ماقدر يصبر وهو يقراها قام لها وهو يفتح الحجر يدورها افتح حجرت ساره صك الباب وتقدم لها

منسدحه على السرير منكمشه على نفسها وتصيح بصوت منخفض

اجلس جنبها امسكها مع عضدها وارفعها له ناظرت فيها بخوف ودموع

راشد وعيونه في عيونها وعاقد حواجبه بأسى :تبيني ..تحبيني يانوره

نزلت راسها وصاحت بصوت عالي :ايه احبك ياراشد وابيك .. علقتني في هؤاك ونسيت هواء داري ..كلمته ببكى وصوت عالي.. تصبرت وكلامك كله تجريح وذل تحط اعذار منا ومنا صبرت بس عشان عمتي مابي اصدمها وساره الي ترجاني وهمتني انك تبيني راحت وخلتني اعاني معك ولا فيه امل تحبني..

ارحمني ياخي ماتبيني قلها صريحه مصير الايام تنسيني.. امسحت دموعها بقوه

انصدم من كلامها بس موب اكثر من فرحته بمعناه مايهم عتبها بأنسيها اياها كله اهم شي تبيني

امسك بسمته مايبي يجرحها وهي في حاله مثل كذا قربها وضمها بقوه وزاد في ضمها حط ذقنه على كتفها وببتسامه : خفت لتكونين تبيني عشان ابوتس بس سمعت كلام مفلح واي شي كنت احسبها مجامله وانتي بعد تزيديني بأفعالتس .وهذا يقهرني لاني احبتس..بس والله يشهد علي يانوره ان ماقلب حالي كذا الي حبتس الي ساقطن في قلبي من شفتتس في الحوش..

ارفع راسها له وهو ينزل عينه عليها :ماهوب صح قد علمتتس... هزت راسها بايه وهي تشهق..

ابتسم وارجع يضمها :انا احبتس احبتس ابيتس تقولينه لي مره ثاني عوديها خليني استوعبها من السانتس..

رطبت شفايفها وصدت عنه غمضت عيونها :ليش ماحبك ..كل مافيك ينحب احبك بس لاتزعلني مره ثانيه..ولا تشك في حبي لك

شاف اعيونها المغمضه عارف انها تستحي من هالكلام مافيه مشكله باصبر لقد دريت بالقلب والي فيه

اضحك براحه: والله انها غير معتس يازينها.. والله لايجيب الزعل.. وش قومتس مغمضه اعيونتس.؟؟

نوره بسحى :ابي اقولها لك ..

انسدح على السرير وهو يضمها باسها على وجهها كله وهو مستمتع من زمان ماحسى براحه وهو معها

غمضت عيونها وابتسمت

راشد :ترى اخق انا على المبسم يكفي قلبتس الي احس بدقاتها

حست بالخجل نزلت راسها وقلبها يرقع تحمد الله انها مأركبها عفريت ولا انزلت له

....................

قومها صوت الجوال الي يرن ارفعته وهي تشوف الساعه ردت بنعاس :الو

رفيف بنعومه:الو

الهنوف ببتسامه :احلى الو ..

رفيف :يقول خالو كسلانه هالبنت ..قوموها تذاكر

ارفعت حاجب وبكذب:قولي لخالو انت كذاب من زمان وانا قايمه بيخرب سمعتي...

خذا السماعه منى رفيف وهو يصرخ بقوه :قوووووومي

الهنوف براعه :سخيف ..ياحرام يالصوت الي قبل شوي...

سلطان :ههههه ذاكري والله يالهنوف لو تسقطين ان اسحب ملفتس من الكليه كله.. وتقعدين بشهادت الثانوي

الهنوف بدلع :عادي ..الي تسويه عسل على قلبي..

سلطان ببتسامه نزل راسه :لاتخليني ارقى..

الهنوف بخجل وبضحكه :ارقى وانا بنزل..

سلطان يضحك :برقى الحين وانتي انزلي اذا سبقتيني والله ماتشوفينهم اليوم..صكه عارف انها على السرير مابعد قامت ..ناظروه بستغراب وهو يمسك طرف ثوبه ويركض لدرج احذفت الجوال واركضت برى

حتى ماغسلت وجهها افتحت باب الجناح شافته وبخوف لفت وانزلت من تحت اذراعه تبي تنحاش امسكها مع خصرها واسحبه له

سلطان :ههههههههههاي ..فاتتس

الهنوف بعتراض وغيض :لا لا طلعت من الجناح...

يتبع ,,,

👇👇👇