رواية ان كان له حق يخون حتى انا لي حق الخيانة -26
تنهدت بقوه ضمت المخده الصغيره وتكورت على نفسها
ومنعت نفسها تبكي وبداخلها : آفههمي الموضوع يا هاجر قبل لا تتسرعين
قامت بدلت ملابسها ولبست بجامه رفعت شعرها بإهمال طفت الأنوار وآرتمت على السرير
تغطت وغمضت عيونها وبدت تتقلب بالسرير وافكارها تاخذها وتجيبها
حست بالباب ينفتح بشويش
رفعت نظرها للساعه اللي قريب السرير اللي كانت تشير لـ 11 وشوي
حاولت تبين انتظام انفاسها على انها نايمه
تسارعت انفاسها لما حاوط خصرها وقربها منه ولفها له وقال وهو يلعب بشعرها : تركتك براحتك عشان مابي اضايقك " ناظر بعيونها " وش فيك ؟!
هاجر : صدقني راكان آبد مو وقته
راكان احترم رغبتها بالصمت مرر يده على وجهها وبحب : آحبكك
خذت نفس عميق تهدي انفاسها ودفنت نفسها بحضنه ضمها لصدره
الين حس بإنتظام انفاسها آبعدها عنه وهو يلعب بشعرها ويتأملها وبداخله اصرار يعرف اللي مضايقها
يدري انها بتسكت بتسكت وبالنهـآيه بتنفجر ! والله يستر من انفجارها
_________________________________________
صبـآح اليوم التـآلي ..
غطاها وهو حاس بإرتجافها : فـآطمه !
فاطمه : ..............
همس لها : فطامي وربك ما صار شي خلاص قومي
شهقت وهي تتكور على نفسها : تككفى جهـآد لا تقرب
تنهدت بقوه : اوك اللي تبينه
ناظرته بنظرات خايفه وبعيون مليانه دموع
قرب يده بيمسح دمعه سالت على خدها
لكنها بعدت وصدت عنه
جهاد بحنان : خلاص ما تبيني اقرب ما بقرب بس لا تصيحين " قام من السرير " هذا انا بطلع ! بخلي ميرنا تجهز لك الفطور قومي افطري !
طلع من الغرفه
ضمت المخده بقوه وهي خايفه
وكل شي رجع يتكرر قدام عيونها
هدوء الغرفه غطته شهقاتها المتتاليه
آلين غفت من تعبها بعد ما قضت الليل كله تذكر كل اللي صار ودموعها سيل عيـآ يجف !
__________________________________________
على طاولة الفطور ..
ريم : آبشري يا يمه ولا يهمك انا اكلم ريماس
ام مشعل : آن شاء الله خير " تنهدت " مسكين هالولد ماله حظ ان شاء الله ربي يوفقه هالمره
غصت ريم ونزلت الملعقه من يدها وهي تكح بقوه
ساعدها مشعل تشرب ماي وهو يضربها بخفيف على ظهرها
رهف ناظرت امها ولفت نظرها لريم اللي وقفت وبهدوء : دآيمه
ام مشعل بتأنيب ضمير : آقعدي يا يمه ما اكلتي شي
ريم : لا يمه شبعت الحمدلله تسلم يدينك
ام مشعل : الله يسلمك
ناظرت ام مشعل مشعل اللي كان يحرك الملعقه بالصحن
ثواني ووقف : تسلم يدينك يمه انا بمشي الدوام
انسحب وطلع من البيت
________________________________________________
نجود وهي تلحق هيفاء بنظراتها : وش تسوين ؟!
هيفاء : بدي اطبخ !
نجود : شككرآ ما نبيك تطبخين عندنا طباخه
هيفاء : لازم دوأكون الأكلات اللبنانيه
نجود وهي رافعه حاجب : من وين نازله عليك الطيبه
هيفاء : انا !! ما بعرف ليش بتكرهيني ما عملت لك شي
نجود ناظرتها بإحتقار وطلعت الا بدخلت بشار اللي ناظر لهيفاء بتعجب : بتطبخين !
هيفاء اللي ابتسمت لما شافته : آيه
بشار دخل للمطبخ يشرب ماي
وعيون هيفاء ما نزلت عليه تناظره من فوق لتحت بنظرات كلها اعجاب بشكله وتصرفاته
نزل الكاس وهو مستغرب من نظراتها : فيه شي
هيفاء نزلت عيونها ولفت : لا
رفع حاجب بتعجب وطلع مطنشها وتصرفاتها مو عاجبته
هيفاء طلت من باب المطبخ تبعته وهو يطلع على الدرج وبداخلها : معقول هذا آبن العجوز المختير يـآي شو بيجنن
ناظرت الأكل اللي قبالها وآبتسمت بخبث وهي نـآويه على شر وبداخلها : ان ما خليتك خـآتم بإصبعي ما بكون هيفاء
________________________________________________
رامي : لا يمه
ام رامي : ليه يا يممه ابي عيني تقر فيك انت ولدي الوحيد وابي افرح فيك
رامي : ما فرحتي بهاجر
ام رامي : الا ويشهد ربي علي بس انت غير انت ولدي
رامي تنهد : يمه قلت لك انا آبي آخلص البكلريوس آول وبعدها يحلها ربي
ام رامي : ليه معترض
رامي شتت نظره : مو معترض ! لكن الحين مابي اتزوج
ام رامي : في بالك وحده ؟!
رامي بسرعه : لا
ام رامي : فكر زين يا يمه على الأقل تاخذها معاك لأمريكا تلقى من يكون عندك ويرعاك
رامي : مين بيرضى يخلي بنته تتزوج واحد ما توظف !
ام رامي : فيه بنت آبو بشـآر تبي تسـآفر تكمل دراستها برى
رامي : مو كأنها تزوجت !
ام رامي : هذي الصغيره الكبيره لسه ما تزوجت
رامي : لا يا يمه خليني براحتي
ام رامي : لا يكون اللي تبيها مو من العايله ؟!!
رامي : ليه بنت ابو بشار من العايله !
ام رامي : آيه !! ولد عمك تزوج اختها
رامي : لا يالغاليه لما ابي اتزوج انا آجيك وآقول لك
ام رامي : تبي وحده مو من العايله ؟!
رامي : خلي كل شي بوقته اسمحي لي انا بطلع غرفتي ارتاح
ام رامي تنهدت : الله يهديك يا يمه
طلع رامي لغرفته
وارتمى على السرير
ناظر السقف وغمض عيونه بقوه وهو يتذكرها
يدري انها من بنات عمامه بس مين هي ما يدري
اللي يعرفه من هاجر انه كل بنات عمامه مخطوبات يعني اكيد هي منهم
تنهد بقوه وهو مستنكر تفكيره فيها رغم انه ما شافها الا مره ولفتت نظره
تنفس بعمق وهو يتذكر كلامها مع صديقتها
" ..........: رنا حبيبتي ذي مو حال .. آدري .. شوفي ترى اللي كاتبه ربي هو اللي بيصير .. لا تعترضين انتي تدرين انه اللي تسوينه حرام .. لا اسمحي لي اقول لك الحب بدون زواج غلط ! .. لا .. بسس انا ما احبه ! وانتي تدرين .. قلت لك ما بحبه الا بعد الزواج وبعد كل حادث حديث .. على الأقل هو ولد عمي لا تحاولين مالك منفذ .. شوفي انا قلت لك يا رنا ونصحتك تبين تسمعين لي بكيفك ما بجبرك على شي "
آبتسم من كلامها واسلوبها كان واضح انها عـاقله تخاف من ربها
هذا اللي شده لها آكثر من شكلها
رغم انه لمحها لمحه بسيطه وآنسحب
تنهد وبخيبة امل واضحه بداخله : هي مو لي على آي ححـآل ! بياخذها غيري الله يوفقها على اي حال
brb
ميرنا صبت لها الحليب قبل لا تدخل للمطبخ نادتها : ميرنا
لفت ميرنا : نعم مدام
فاطمه : جهاد فطر ؟!
ميرنا : لا يا مدام لما سألتو بدك شي قال لي انو هو طالع
فاطمه تنهدت وقامت من الطاوله تاركه الفطور مثل ماهو
جلست على الكنب وسندت راسها وغمضت عيونها وهي تتذكر اللي صار
مجرد ما بدا جهاد يقرب منها بدت تسترجع كل شي
قربه منها لمساته لها كلها تنفرها منه
له ذكرى ما بتقدر تمحيها بالمره
ما تنكر انها تحبه ومتأكده انه يحبها
لكن اللي صار ذكراه راسخه ببالها
وما تقدر تنساها
تستغرب انه ما عاندها واللي تستغربه اكثر انه ما ثار فيها
بالعكس ! تعامل معها بكل حنان
يمكن لأنه حاسس بالذنب على اللي سواه
ويمكن لأنه ما يبي يجبرها
آفكـآر كثيره اجتاحتها
تنهدت بقوه : آلله يعين !
___________________________________________
دخل طلال للمكتب واستغرب سرحان مساعد
طلال : مساعد .. مسسـآآعد
رفع نظره لطلال : هلا
طلال : اللي ماخذ عقلك يتهنى به
مساعد نزل القلم : بغيت شي !
طلال : ابوي كلمني قبل كم يوم عشان اقول لك انك مهمل الشغل هاليومين والشركه بدت تتراجع ! حاول ترجع مثل اول ولا بتنزل من الإداره
مساعد نزل نظره لـ الأوراق : ان شاء الله فيه شي ثاني ؟!
طلال : لا بس
مساعد رفع نظره لطلال : بس ايش ؟!
طلال بتودد : انا اخوك يا مساعد اذا فيه شي مضايقك تقدر تقول لي
مساعد سكت ثواني وبعدها ناظر طلال : نهال تحبك !
طلال استغرب سؤاله : ليه !
مساعد قال وهو يرتب الأوراق : اسأل لا اكثر
طلال ابتسم : آيه
مساعد بتردد : كيف قدرتو تتأقلمون مع بعض بسرعه ؟!
طلال وهو مستغرب اسئلة مساعد : اسبوع اسبوعين وتأقلمنا على الوضع
مساعد : كيف كانت معاملتكم مع بعض ؟!
طلال : يعني ما نضغط على بعض بأول فتره الين نتعود على بعض يعني اول اسبوعين تعاملنا كأنه مخطوبين عشان نتفاهم
مساعد هز راسه بالإيجاب وتنهد بقوه
طلال بهدوء وابتسامه : لا تقارن نهال بروتان ! لأنه مافي شبه بينهم يمكن لا مو يمكن اكيد انك ما راح تقدر تكسبها بسهوله بس السؤال اللي محيرني ! ليه تبي تكسبها وانت اساسا راح تطلقها ؟!
مساعد : ...................
طلال : حبيتها ؟!
مساعد بلع ريقه بصعوبه ما توقع انه مشاعره لها مفضوحه بهالشكل
طلال وقف : انا بمشي الحين متى ما بغيتني كلمني وبتلقاني جنبك
__________________________________________
سعد يداعب الكره الحديده اللي تدور اللي كانت مزينه مكتب ابوه : وايش اللي صار بالضبط ؟!
ابو سعد : انت ليه تسأل !
سعد : ليه ! فيها شي لو حبيت اعرف عن عمي وزوجته " شدد على زوجته "
ابو سعد اللي بدت اسئلة ولده تخنقه : سعد وبعدين !
سعد : يبه آبي آفهم لا انت ولا امي راضيين تجاوبون فيه شي ! مخبيين شي صح
ابو سعد بلع ريقه بصعوبه : لآ
سعد زم شفايفه بقهر وقال ببرود : آوكيه آوكيه بس حبيت آوضح لك نقطه بسسيطه الشبه اللي بيني وبين جهاد مو لأنه نشبه جدي لأنه انا وياه ما ناخذ الا ملامح بسسيطه من بعض وانت وعمي ابو جهاد ما تتشابهون بالمره المستور بينكشف بيوم وخلي هالشي ببالك يابو سعد
ابو سعد : سسسعد ! لا تكلمني بهاللهجه سـآمع ! انا آبوكك مو واحد من خوياك
سعد : ان شاء الله يابو سعد اعتذر !
آنسحب وطلع من مكتب آبوه
سند ابو سعد نفسه على الكرسي وفتح اول ثلاث ازارير من الثوب وتنفس بعمق
ابو سعد بداخله : سعد يعرف شي آخ من هالولد متعبني بهالغموض " تنهد بقوه " وجهاد متعبني اكثر بعدم مبالاته ما ادري اهتم بسعد ولا اهتم بجهاد يا رب رحمتكك
__________________________________________
هاجر آبتسمت بخجل : لا وين خالتي لسه بدري
ام سعد : لا سعد مريحني ولا جهاد مريحني خلي راكان يشرح صدري بولد
هاجر : ان شاء الله خير يا خالتي ولا يهمك
ام سعد : ان شاء الله اخبار راكان معاك ؟!
هاجر نزلت راسها وهي تلعب بأصابعها : تمام
ام سعد بإهتمام : صاير بينكم شي راكان مقصر عليك بشي
هاجر بسرعه : لا والله يا خالتي مو مقصصر بشي
ام سعد : بس ايش ؟!
هاجر رفعت كتوفها وهي تدور صرفه : احس ضغط الشغل عليه يعني عمي الله يطول بعمره معتمد عليه
ام سعد : اي يا يمه راكان ذراع عمه اليمين ما يستغني عنه من توفو اهله وهو دايم مع عمه
هاجر بتردد : شلون توفو اهله ؟!
ام سعد تنهدت : ابو راكان له اخت بالطايف وكان عندها ظروف فابو راكان وزوجته قررو يروحون لها وهم بالطريق توفو الله يرحمهم
هاجر : الله يرحمهم
ام سعد : وفاتهم كانت صعبه على راكان حيل آربع اشهر ما ياكل كلامه قليل كثير سرحان كلامه كان ما ينفهم تغير كثير عن راكان اللي كنا نعرفه ولحد الحين ! ماهو راكان اللي كنا نعرفه من قبل !
هاجر : ما حاولتو تطلعونه من حالته يعني دكتور نفسي ولا شي !
ام سعد تنهدت : حاول ابو سعد فيه بس ما رضى الين صديقه مشاري بدأ يطلعه من حالته بالتدريج آلين رجع وعاد آخر سنه ثـآنوي ودخل الجامعه توظف وهو يدرس !
هاجر : ما شاء الله !!!!
ام سعد : اي ما شاء الله عليه سريع بديهه ويـآخذ المفيد بسرعه
هاجر بتردد : كان يبي يخطب بعد ما استقر ؟!
ام سعد سكتت ثواني بعدها قالت : كان يبي يخطب من برى العايله لكن عمه اقنعه بالنهايه
هاجر : ما قال لكم مين هي البنت ؟!
ام سعد بإستغراب : هاجر فيه شي ؟!
هاجر : لالا ابد بس اسأل عادي
__________________________________________
هيفاء وش ممكن تسوي ؟!
اسئلة سعد عن اهل جهاد ؟!
وايش ممكن يكون مخبي ورى غموضه ؟!
ريم ومشعل ؟!
فاطمه وصدها لجهاد ؟!
وهل ممكن تنسى اللي صار ؟!
روتان هل بتقدر تعرف اللي مخبيه مساعد ؟!
هاجر وش ممكن يكون مضايقها ؟!
وعدم اهتمامها بمكالمات لمياء ؟!
مين ممكن تكون البنت اللي يحبها رامي ؟!
وهل ممكن تكون له ؟!
سعد وش ممكن يكون مخبي ؟!
توقعـآتككم = )
وسسوري حبايبي ما قدرنا نرد عليكم
بس متأخخخرين بالبارت
وما نبي نتأخر آكككثر
وان شاء الله بارت الإسبوع الجـآي بيكون آططول وبنرد عليكم
نوركككم <3 :$
البـــــــــــآرت عــشرين ( 20 )
_______________________________________________
وائل بتعجب : وانتي ليه معصبه !
لمياء بتأفف : مقهوره منها ! آكلمها من سنه ما ترد مسسن وبالبي بي وفون ورسـآيل ما منها آمل
وائل يقلب بالقنوات : يمكن مشغوله
لمياء : مششششششغوله ما تمسك جوالها دقيقتين تككلمني تطمني عليها !
ام وائل : يا يممه البنت متزوججه ما تدرين وش ظروفها
لمياء ناظرت جوالها فتحته متأمله تشوف مكالمة من هاجر
تنهدت بقوه ولفت تشوف التلفزيون
لكن تفكيرها ما كان مع التلفزيون بالمره !
لمياء بداخلها : ليه ما ترد ! معقوله تكون عرفت اني كنت احبه لآلآ مستحيل كيف بتعرف ما فتحت الموضوع معها من قبل لا يكون صاير لها شي لا لو صاير لها شي آكيد وائل بيدري من راكان
تنهدت بقوه ورفعت جوالها فتحت قائمة المحادثات ورمت الجوال بخيبة امل ثانيه لما ما كانت محادثتهامع هاجر من ضمنهم !
__________________________________________________
نهال : لا والله !
روتان بضجر : آووووووووووه نهال خلاص عاد
نهال : وش اللي خلاص انتي مـآ تحسسسين حرآم عليك
روتان : المممموضوع يخخخصني وخلصصنا ياختي ححيـآتي انا وزوجي واحنا آححرآر ! كيف ما نبي نعامل بعض ما خخخلصنا انتي من جهه وامجد من جهه انتو الإثنين شششفتو كيف دخخخل حياتنا فلا تتوقعون نظرتي له تتغير
نهال : صصدقيني يا روتان رآح تندمين يوم على اللي تسسوينه والله حرآم ترى الدنيـآ تدور ومثل ما تظلمين يتنظلمين
روتان : ما ظلمت عشان انظلم ! هذا الواقع ولا تبين اذكرك انه دخخل امجد السجن بدون سبب ولا اذكرك
قاطعتها نهال : هذي مشكلتك انك ما تنسسين !!! بنظرك الإنسان ما يتغير
روتان طنشت كلامها وهي تلعب بخصل من شعرها
نهال : ثقتك ذي بدت تتحول غرور
روتان : اوك انا راضضضيه خخلاص عاد قفلي على الموضوع !
نهال هزت راسها بضيق من اختها وصدت عنها
اما روتان اللي تأففت بقهر ووقفت متجهه لجناحها
دخلت للجناح وجلست بالصاله
روتان بداخلها : دآمممه يبي يوهمني انه يححبني ! خليني آمشي معاه بنفس اللعبه خليني آضحك على عقله شوي ومنها اوريه انه ما بيقدر يـآخذ من شي بسسسهوله
آبتسمت بخبث وكأن الفكره اعجبتها : داممني حطيتك برآسي يا مسساعد ما بطلعك منه الا وانت عـآششقني وقول روتان ما قالت !
______________________________________________
نجود : ما ادري ما ريححتني
فاطمه : شوفي بشار يعرف يهتم بنفسه وانتي كم شهر ومسافره ! من بقى بالبيت غيرها تسوي اللي تسويه
نجود : المشكله انها مو لله ! هي داخله على ططمع نظراتها وتصرفاتها تبين هالشي
فاطمه : ولا انا بس ما نقدر نعترض على ابوي
نجود : بصراحه خايفه على بشار منها
فاطمه بتعجب : ليه ؟!!
نجود : نظظظرآتها لبشششار تخوف لما يجلس معانا بالصاله عيونها ما تنشال من عليها تمتره تمتييير !
فاطمه وهي رافعه حاجب : وش تبي من بشار !
نجود : ما ادري عنها وآلله
فاطمه : كلمتي بشار ؟!
نجود : آيه آكثر من مره وقال انها ما تهمه وكلها مو شايلها من آرضها بس ما ادري احس وجودها ما يطمن
فاطمه : اللي عليك سو
قطع عليها صوت رنين جوالها ناظرت الرقم ووقفت : ثواني نجود شوي وآجيك خذي راحتك
بعد فاطمه عن الصاله وردت بصوت هـآدي : هلا
جهاد : هلا بك " سكت ثواني وقال " اخبارك الحين ؟!
فاطمه : آحسن
جهاد : فطرتي ؟!
فاطمه : آيه " سكتت وكأنها تذكرت شي وانفجرت بعدين " صصصصصصح انت كيف تطلع بدون فطططور !!!! تدري آنكك تتعب بسسرعه و
قاطعها جهاد : فططرت وربك فطرت
فاطمه براحه سكتت ثواني وبعدها قالت : كنت بقول لك عن
قاطعها جهاد : مو وقته او بالأصصح مو طريقة مناسبه على الجوال خليه بعدين
فاطمه : آوك براحتك
جهاد : يلا حبيبتي انتبهي لنفسك
فاطمه : وآنت بعد
جهاد : في امان الله
فاطمه : بحفظ الله
سكرت منه وعظت على طرف شفتها وتنهدت بقوه
لفت على صوت نجود : يلا حبيبتي انا بمشي السواق برى
فاطمه ودعتها : سلمي على بشار
نجود : يوصصل حبيبتي يلا باي
_______________________________________________
ريم : مشعل ترى الموضوع عادي وادري خالتي ما قصدت شي !
مشعل : كلمتي ريماس ؟!
ريم : آيه كلمتها قالت بتفكر بالموضوع وترد لي خبر
مشعل سكت شوي بعدها قال بتردد : اليوم رحت عند الدكتوره سلوى وكلمتها عشان موضوع العمليه
ريم عدلت جلستها : آي عمليه ؟!!
مشعل : الأنـآبيب ! ولا غيرتي رايك
ريم فتحت عيونها على وسعهم وبصدمه : صصصصصصدق !
مشعل آبتسم : آيه
ريم بحماس : وش قالت ؟!
مشعل : قالت بكره او اللي بعده نرجع نسوي تحاليل عشان نتأكد اذا كان العلاج مناسب لـ اطفال الأنابيب
آبتسمت ريم وحضنته بقوه وبحب : آلله لا يحرمني منك
ضمها مشعل لصدره : ولا منك
_________________________________________________
هاجر : لا عادي
اصايل : آوووووووووووووه تسسوين علينا حححركات اني متزوجه واني ما اتككلم
اسيل : يا ليل انتي من جهه وهنيد ومجيد من جهه
امجاد بهدوء : اصصايل اسسيل ترى ذي مو طريققه شوي شوي ! هاجر احنا خواتك وتدرين انه مستحيل نتكلم
هاجر : مو على يا امججاد الموضوع ما يستاهل واقدر احله انا وراكان
اصايل : خخلاص خلوها براحتها
اسيل : صدق
هاجر : وشو ؟!
امجاد : قاعدين نخطط مع وسام وماجد
هاجر : آلله يستر ! على ايش ؟!
اصايل بحماس : بنخلي آمكك وآبوي يرجعون
هاجر بصدمه : آييييييش !!! تمزحين
اسيل : لا والله جد
هاجر عدلت جلستها : ككيف ؟!
امجاد : يا عزيزتي العزيزه قبل كم يوم جلس وسام مع ابوي الجلسه النفسيه الشهريه
هاجر : ططيب ؟!
اصايل : آبد سلمك الله قعد يسحب منه ككلام الين ابوي خر الموضوع كله
اسيل : هذا يا حبيبة اختك طلع آبوي متزوج من برى العايله اللي هي امك الله يحفظها بس جدي الله يرحمه ما رضى وابوي ما رضى يطلع امك وجدي يعاند وابوي يعاند الين وصل فيهم الموضوع انه الإثنين تنازلو بحيث انه ابوي ما يطلق امك بس يتزوج عليها بنت عمه اللي هي مامي الله يخليها
هاجر : طططيب !! وليه تطلقو ؟!!! لا يكون صارت مشاكل بين امي وخالتي
اصايل : يا لييت على كذا الكل ما كان راضي عن زواج ابوي من برى العايله وياخيتي العزيزه كانو ينتظرون من امك الزله امي جابت وسام وبعدها انا وبعدها اسسيل بعدين امك جابت رامي وظلينا سنه وبعدها جابت امي التوأم اللي هم المهبل وظلت امك سنتين ما حملت والكل اخذها عذر وانه امك ما عاد تقدر تحمل !
امجاد : وجدي من جهه وعمامي وعماتي وعيال عم ابوي وعماته وتدرين انتي الزحمه اللي احنا فيها الكل فوق راس ابوي الا يطططلقها وبالنهـآيه آبوي استسلم لـ الأمر الواقع وطلقها لكنها طلعت ححامل ! وامك ما رضت الإهانه لنفسها انها ترجع بعد ما آبوي استرخصها وطلقها وتدرين عاد سوالف ايام اول
اسيل : جيتي انتي وطلعت الحضانه لأمك فيك وبرامي مع انه ابوي حاول لكن ما احد كان معاه وظليتو عند امك
هاجر ساكته وبعدها قالت : هيه انتو متأكدين ؟!
اصايل : آييه متأكدين
هاجر : وانا المطلوب مني ؟!
اسيل : شوفي المطلوب منك تكلمين رامي بالموضوع وآبدي لمحي لأمك واحنا عاد بنشتغل بأبوي وان شاء الله ان شاء الله ما تجي بداية السنه الا وهم راجعين لبعض
هاجر بتردد : والله ما ادري ت
قاطعتها امجاد : يوووووووه هـآآآجر لا تقولين تخافين ومدري وش
اسيل : يقول لك يا عزيزتي اجعلي من حياتك قصصه تستحق ان تروى يعني سوي الحين عشان تقدرين تروين الموضوع مستقبلا لأحفادك
هاجر رفعت حاجب : لا عاد آحلفي !
اصايل : ما عليك من هالمفهيه شوفي اذا مو عششانك عشان امك عششان رآمي اللي صاير ضايع ما يدري يرضي اي طرف فيهم !
امجاد : وبعدين انتي عاجبك بعدكم عنا بهالشكل رامي صاير منفي بينهم !!! يعني والله حرآم مسكين الكل عنده منصبه الرسمي بالشركه خلص جامعه على ططول الا رامي ! وكككل واحد من عيال عمامي خخـآطب الا رامي
هاجر : وسعد وزايد !
اصايل : سسعد مو ناوي يتزوج صدقيني هو قالها للشياب بنفسه وزايد لششيرين والكل يعرف بس صايره عنده ظروف ومو قادر يتقدم لها رسمي بس الكل يدري انهم لبعض
هاجر وكأن الفكره بدت تدخل ببالها : آمممممم خلاص انا اكلم رامي ونتفق
اصايل : صصصصصصدق امس كلمتني رنده تقول جاسم رجعته قريبه بقعد شهر وبيرجع
هاجر : ليه ما يجمعون الإجازه ويخلصون ! آريح لهم
اسيل : حححححرآم عليك ترى سسعد وجاسم بالنـآآدر ما ينزلون يبون يخلصون ويفتكون من المواد بحيث ما يبقى لهم الا مادة التخرج مادة وحده يدرسونها آخر سنه
هاجر : بس ضغط !
اصايل : آيه ما تشوفين سعد كان حامل ماده من كثر ما ينضغط عليه عممي ححيل متعلق بسعد ! بشكل ما تتصورينه فتلقينه بدون شعور يضغط عليه خالتي ام سعد كل ما دقت عليه صارت تبكي وتضغط عليه وهو يضغط على نفسه عشان يخلص ويرجع وغير المواد اللي عليه
هاجر : وآلله مسكين ! بس سؤال عمي ليه اسسلوبه رآدع مع جهاد آكثر من غيره يعني آحسه مركز على جهاد
امجاد : لأن جهاد متعود على عيشة برى يعني يبي له من يردعه
اصايل : لالا هاجر صادقه هذا راكان بعد الحادثه اللي صارت ما كان كذا اسلوبه معاه صح صار جاف معاه آسبوع اسبوعين بس بالنهـآيه لآن له بس جهاد لآ آسلوبه من قبل حيل رآدع معاه
امجاد : ما ادري والله
اسيل بحماس : المهم ما علينا مدام هاجر متى نـآآويه تجيبين لنا بزر ولا بزرونه ولا الإثنين سوآ ينـآدوني خخخخـآآله آسيل
هاجر تلون وجهها : ان شاء الله خير
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك