رواية ان كان له حق يخون حتى انا لي حق الخيانة -34
مساعد آرتخت ملامحه : لأنها كانت مضطره ولا غير كذا ما فكرت تجيني حتى
طلال : مستنكر انك آخذتها عشان الورث وبالنهايه ما اخذته
مساعد : لأنه ما عاد يهمني ! الفلوس " سكت ثوآني " قذآره وصخت عـآلمنـآ لا آكثر خلت مره تقتل زوجها لجل الفلوس ! آخ مستعد يضيع عيال اخوانه عششان الفلوس
طلال سكت ثواني وبعدها قال : تتوقع نكون مثلهم بيوم !!
مساعد بإبتسامه جانبيه : ما اتصور ! يمكن جدي وجدتي ما ربوهم على المحبه ! لكن آمي انا متأكد انها ربتنا على كذا يمكن ما كنت وآعي كنت طفل ايامها بس صدقني ! آممي آبد مو مثل ما كان آبوي يقول آممي طـآهره ومـآتت ظلم !
طلال : وش صار !
سكت مساعد لثوآني : آبوي تزوج آم امجد !
طلال وقف عن المشي وبصدمه : كيف !
مساعد بهدوء : خلينا نقعد وانا بقول لك كل شي
جلسو على وحده من الصخرات القريبه من البحر
وبدأ مساعد يحكي له كل اللي صار !
وطلال سـآكت وهو مو مستوعب اللي ينقال !!
_________________________________
روتان بتردد : وهو فطر ولا لا ؟!
نهال : ما فطر طلع الصباح مستعجل وما رجع الا الساعه 9 وطلع كمل نومه
روتان بإنفعال : مجججنون هذآ ! يطلع من البيت بدون فطور آلفين مره انا قايله له ما يطلع من البيت بدون فطور
نهال بهدوء : وانتي ليه منفعله !
روتان بعصبيه : مو منفعله
نهال تمتص عصبيتها : طيب مو منفعله
روتان بعصبيه اكبر : نهآآآل لا تكلميني كأني بزر
نهال : مممن يقول انك بزر !
سكتت روتان وبعدها قالت : خخخليه يتغدا !
نهال : بيتغدا مع طلال برى انتي اخبارك ؟!
روتان بضيقه : زفت
نهال : مو على اساس انتي ما تبينه !
روتان : مممـآبيه قبل ما آكون حامل بولده قبل غير الحين
نهال بصدمه : انتي ححامل !!!!!!!!
روتان بغصه : آيه
نهال : ومن متى تدرين ؟!
روتان : قبل لا آجي لبيت آمجد كنت شـآكه لكن بعد يومين من وصولي تأكدت
نهال : فحصتي ؟!
روتان : آيه
نهال : وما قلتي لمساعد !
روتان : لآ
نهال بعصبيه : كيف مجنونه انتي ححرآم انك تخفين انك حامل
روتان : امجد قال بيكلمه
نهال : آستغفر الله ياربي خليه يكلمه بأسرع وقت !
روتان : خخـآيفه !
نهال : من آيش ؟!
روتان : انه ما يرجعني ! بعد ما اولد يـآخذ ولدي مني انا ممـآبي منه شي بس يخلي لي ولدي
نهال : لا تستبقين الأحداث ان شاء الله خير
روتان : ان شاء الله
________________________________________
غسل يدينه ومسح وجهه وجلس على المكتب
دخلت النيرس وحطت له كوب القهوه وبإبتسامه : يعطيك العافيه
مشعل : يعافيك
النيرس : دكتور ناصر من طلعت للعمليه طلب مني اناديه لما تخلص اناديه الحين ؟!
مشعل سكت ثواني وبعدها قال : ناديه
آخذ نفس عمق وزفره يبي يشوف وش يبي نـآصر صار له فتره وهو يلاحقه وبدأ يمل من اصراره !
مع انه يحس انه ما ارتاح له .. لكن بيشوف آخرتها معاه
رفع جواله وآرسل رسـآله لرهف يتطمن على ريم
رفع راسه على صوت ناصر : السلام عليكم
مشعل نزل جواله : وعليكم السلام
ناصر جلس على الكرسي : آخبـآرك دكتور مشعل
مشعل : بخير " سكت شوي وبعدها قال " تشرب شي !
ناصر : لا انا بطلع مو مطول
مشعل : انتهى دوامك ؟!
ناصر : من زمان ! لكن كنت آنتظرك
مشعل بتعجب : فيه موضوع ضروري ؟!
ناصر سكت شوي وبعدها قال : انا ادري دكتور مشعل يمكن تتعجب من الموضوع اللي بكلمك فيه بس انا شخص ما احب آحد يحكم علي قبل لا يعرفني ! " رجع يسكت لثوآني " ممكن اعرف ليه انت تكرهني يعني انا اشوف تعاملك مع الدكاتره غير تعاملك معاي
مشعل سكت وبعدها قال بهدوء : يمكن لأني ما عرفتك زين وانت توك مبتدأ بالمستشفى ان شاء الله مع الأيـآم آعرفك آكثر
ناصر سكت وهو يناظر مشعل لثوآني وبعدها وقف : انا آسمح لي عطلتك
مشعل : حيـآك
طلع ناصر من عند مشعل
مشعل بداخله : هالإنسـآن غريب !! بس يمكن انا حكمت عليه غلط ! و
قطع عليه افكاره صوت جواله يعلن رساله جديده
رفع الجوال شاف رهف مرسله " تعـآل شوف مرتك ترى بدت ترفع ضغطي ! من ساعه آقول لها لا تنزلين وهي عناد الا بتنزل قسم بقوم اتوطاها وآخليها تعرف تولد عدل وتتسنع "
ضحكت مشعل عليها وآرسل لها " لو سسمحتي الا مرتي محد بيتسنع الا آنتي لأني انا اللي بتوطاك آسمعي بس خليها تنزل بس لا توقف كثير ! ولو تنزل بالمصعد يكون آحسن "
نزل جواله وآستند بعد ما آرسل الرساله
آرتشف من القهوه اللي بدت تبرد
وبدأ يقرأ ملفات المرضى
بعد آسبوع ..
يوم السبت
آول يوم دوامات في المدآرس والجامعات
بطلآتي ..
هاجر .. بتداوم هي ولمياء يشوفون جدول المحاضرات وبعدها يرجعون لبيت لمياء ينتظرون وصول اهلها
فاطمه .. اليوم آول يوم دوآم لهـآ في ثـآلث ثـآنوي وناوية تشد همتها بعد المحاضره المطوله اللي سمعتها من جهاد قبل المدارس بكم يوم
روتان .. على حالها تنتظر آمجد يكلم مسـآعد
ريم .. آللي ملت من قعدتها فوق فنقلوها لغرفة الضيوف مؤقتـآ وهي حاسه انه حرصهم على حملها مبالغ فيه لأنها لسه بالشهور الأولى
نجود .. وصلت لإمريكا ومتحمسه لدوامها بالجامعه بعد يومين
آبطـآلي ..
رآكـآن .. على حـآله لا جديد
جهاد .. اليوم بيبدأ دآومه بالجامعه بتخصص جديد بيصير دوامه الصباح بالجامعه بعدها يرتاح ساعتين ويدآوم بالشركه دوام ليلي
مساعد .. كان يبين عدم اهتمام وآآآضح بروتان وآنفصـآلهم ويقضي معظم وقته بالمسجد
مشعل : لا جديد !
سعد : وصل لأمريكا وكل يومين او ثلاث يدق يتطمن على جهاد وآبوه ويوم الإثنين بدآية آخر سنه له بالجـآمعه
_______________________________
في آحدى مدآرس الدمام ..
نزلت فاطمه نقابها وهي متجهه للحمام " اكرمكم الله "
رتبت شكلها وفتحت شنطتها وطلعت لها قلوس وحطت على شفايفها ببطأ ومزجت شفايفها ببعض
ضحكت وهي تطالع نفسها وتعدل شعرها اللي مخليته ملفلف : فديتني والله اني محلوه
نزلت عبايتها وطلعت من الحمام متجهه للمبنى الدآخلي
نقلت نظرها بالمدرسه وبداخلها : والله ما اشتقت لـ هالقرف ابد ! بس اشتقت لمهبولاتي
طاح نظرها على وحده طويله وجسمها ممشوق حنطيه صرخت يمشون معها بنتين : سسسسسسسهـآآآد سمـآآهر سهى
لفو عليها وصرخو بنفس الوقت : فطططططططوووم
ركضو لها حضنتهم بقوه وهي تصرخ : وحششششششششتوني
بعدت سهاد عنها وهي تطالعها : آلله آلله آلله وش هالحلا ككله محلوه يا خايسه
فاطمه ضحكت : آدري فيني
سهى : لا ترفقققي فيني
سماهر : وينكك يا حممـآره بالإجازه اكيد مسافرين
فاطمه : يووووووه صارت معاي اكشنات الدنيا " رفعت يدها اليسار وهي تحرك اصابعها وبمرح " تزوججت
صرخو بصدمه : آححححححلفي
ضحكت فاطمه : الحين خلوني آحط اغراضي وننتظر المهبل الباقيين واقول لكم كل شي
سهاد : يلا آخلصصي
لفت فاطمه على يد تدقها وصرخت : آنفـآآآل
حضنتها وهي تضحك : وحشششششششتيني يا حممـآآره
انفال ضحكت وهي تبعد عنها : ما عندك حماره يا المطينه مره وحده
فاطمه ضحكت وهي تلعب بحواجبها : توقعتي آزود هاه
انفال : هو بصراحه يعني توقعت من البق بق حقينك
ضحكت فاطمه : لا خلاص عقلنا عنهم
انفال شهقت : لا ما اصدقك وش صار " ناظرت البنات " لا يكون انخطبت ولا ملكت واحنا ما ندري
سماهر : ازود تزوجت الخاينه
انفال بصدمه : تححححلفين
فاطمه ضحكت : شفيكم يعني طايحه من عيونكم انا
سهاد : لا مب كذا بس يعني غريبه ما عزمتينا يعني لهدرجه توصل فيك الخيانه
فاطمه : ياشيخه لا دريتو بظروفي عذرتوني الحين اي كلاس ؟! لا تقولون فرقونا
سماهر : آيه يا حظظي انتي وسهاد بـ 3/1
فاطمه : لا خخربوها علي كل سنواتي 3
سهاد : آمشي بس امشي هذا وجهي ان ما نقلنا
فاطمه : ومرييم واختها
سهاد : التوأم فرقوهم بعد صارو مرام وسماهر وسهاد بكلاس انا وانتي لحالنا بكلاس ومريم مسكينه لحالها
فاطمه ضحكت : لا عاد وش يحسون فيه
سهاد : انا ادري عنهم آمشي بس حطي اغراضك وبعدين نتفاهم مع الإداره
فاطمه بخبث : ناويتها شر مثلي
سهاد ضربت كفها : صصديقتي وآلله
طلعو البنات متجهين لفصلهم رمت فاطمه شنطتها
لفت على صوت ملاك وراها : فطططوم يا خايسسه لك وحشه
حضنتها فاطمه وهي مبتسمه : ممملوك بعد قلبي وينك يا حماره مو مفعله بي بي ؟!
ملاك : آوف بس آسسسكتي آمي مسويه لي حجر تقول لي اربع وعشرين ساعه عليه ما قمنا نشوف وجهك ما بفعله لك فعلي لنفسك
فاطمه : يا حياة الشقـآ
ملاك : شفتي
شوي وآنسحبت فاطمه ومعها سهاد ونزلو لمكانهم المعتاد تحت الدرج
فاطمه : هاه قولو وش صار معاكم بالإجازه سافرتو انخطبتو متو حييتو وش صار
سماهر : لا ككلنا نسكت وانتي تتكلمين
فاطمه : آبد وآلله بس صار لي ظرف طـآرئ وتزوجت بسرعه حتى حفله ما سوينا لا عائليه ولا غيرها ولا انا مستحيل ما اعزمكم وانتو تدرون
سهاد : صدق فطوم ما تنسى العشره انا توقعت لو بتسوي حفله بتلقين المدرسه كلها هناك
مريم : مو الإخت طاقتها صحبه مع الكل
فاطمه : ههههههههههههههههههههههه من الغيره يا حظي ما قتل
مريم : جب بس والله اني ميته قهر انه ما معي احد
فاطمه : بننقل ككلنا صدقيني صار لنا آربع سنين مع بعض ما بنخربها على آخر سنه
مرام : وهي الصادقه
سهى : ما قلتي فطططوم آخذتي ولد مين ؟!
سهاد : وش آسسمه ؟!
انفال : مزيون ؟!
مريم : مناكك انتي آخلاق ؟! كم عمممره ؟!
مرام : يححبك ؟! كيف خطبكك ؟! يعرف اهلك ؟! ولا زواج تقليدي ؟!
فاطمه : بتخطططبون الرجال انتو ! خير وش تحسون فيه بعدين اجاوب على مين انا
انفال : اذا مزيون عادي يطقني ثانيه يعني انتي صاحبتي وكذا
فاطمه : تمممموتين انقلعي
ضحكت انفال : ايا خاينة العشره
سهاد : يلا عاد تكلمي
فاطمه : اول شي اسمه جهاد ولد آلـ........... عمره 21 سنه كان يدرس طب بس حول ادارة اعمال آخخلاق آكيد مع وجهك بـآخذ واحد صايع يعني آمممم وانتي مرآمموه وش لك يحبني ولا لا ! بعدين تعالي هنا زوجي اكيد بيحبني
ضحكت مرام : انا حاسه انها تنصب علينا
فاطمه : لا بالله
سهاد : مممما قلتي لنا مزيون
فاطمه : وش رآيك اجيب لك صورته مع سيره ذاتيه يمكن يعجبك وتـآخذينه
سهاد ضحكت : اذا مافي مانع
فاطمه بصراخ : ططططططططططططيري
ضحكت سهاد : آسفه آسفه بس مدري احس ما يتصدق !
فاطمه سكتت ثواني بعدها قالت : طيب نشوف اليوم هو بيجي ياخذني وتشوفونه بس قسسم اللي بتسعبل ولا بتكلمني اليوم الثاني عنه بتوطاها
البنات : آوكك آتفقنا
مريم : تعالي وش قلتي اسمه ؟!
فاطمه : ججججهـآآد آلـ.........
شهقت مريم : آححلفي
فاطمه : والله ليه !!!
مريم : آجججل اككيد وآحد من عمامه او يمكن آبوه جواد آلـ...........
فاطمه : آبوه جوآد وله عم بعد
مريم : كيف كذا !
فاطمه : آووه سالفه طويله مب عمه عمه
سهاد : آستغفر الله انتي وزوجك ذا بتفترين مخنا
فاطمه : يعني جواد الثاني عممه يعني يصير ولد عم آبوه
سهى : دقيقه نستوعب ! " سكتت ثواني وبعدها قالت " آيه آيه وصلت
فاطمه : آلحمدلله
مرام ناظرت مريم : هذا مو اللي تكلم عنه بابا قبل كم يوم
فاطمه ناظرت مرام : عن ايش ؟!
مرام : عن الشغل وكذا يقول انه واحد من الهوامير ومدري ايش ولهم شركات تدرين يعني من سوالف الرجاجيل
انفال : المهم بس وآلله انا وحده ما علي اول وحده مرتزه عند الباب اشوفه
فاطمه : شف !
انفال : ياختي منيب ماخذته مابيه بس مب كل يوم يجينا مزيون
سهاد ضحكت : باللهي وش سيارته عشان نعرفه على طول
فاطمه : سهـآدوه ادري ورآك بليه
سهاد : آستغفر الله العظيم آستغفر الله وش هالتفكير
فاطمه ناظرتها بطرف عين
سهاد ضحكت : ياربيه انا وش مخليني صديقتك عليك خزات
سماهر : الا صدق كم صار لكم ؟! سافرتو شهر عسل ؟!
فاطمه : بنكمل ثلاث اشهر لا ما سافرنا ياختي اقول لك صارت لنا ظروف
مريم : والله فيني عرق لقافه اعرف
فاطمه : خلي عرق اللقافه فيك
رن الجرس وكل وحده اتجهت لطابورها
________________________________
راكان نزل النظاره : يعني متى امرك ؟!
هاجر : آمممم متى تبي ! اذا ما تقدر تطلع آرسل لي السايق
راكان لبس النظاره وهو يناظر قدام : آلسوآق لآ !
هاجر : آوكك اووك لا تعصب .. يلا حبيبي انتبه لنفسك
آبتسم راكان ولف لها ورفع يدها وباسها : وانتي بعد
نزلت هاجر وآشرت له يعني باي
دخلت للمبنى ودقت على لمياء
لمياء : عسى وصلتي ؟!
هاجر : آيوه
لمياء : آي مدخل ؟!
هاجر : الرئيسي
لمياء : آيه خلاص شفتك
سكرت هاجر ولفت تدور لمياء بعيونها
لفت على اللي كانت تركض وحضنتها بقوه
ضحكت هاجر : ما صار لك شايفتني هدي اعصابك خنقتيني
لمياء وهي تحضنها اقوى : وحشتيني حححححبيبي
ضحكت هاجر وهي تبعدها : وجع روحي خاوي لك بويه تعوض لك الحنان
لمياء قالت وهي تلعب بحواجبها : لا انا بس آمثل لك اللي بيصير لما ترجعين البيت
دفتها هاجر : آمشي آمشي قدامي
لمياء ضحكت : ما بنتأخر هاه بنـآخذ الجدول وبنطلع نفطر ونروح للبيت طوالي قلت للسواق ساعه ونص ويمرني
هاجر : آوكك يلا مشينا ناخذ الجدول
مشو متجهين للجداول
هاجر : رتبتي البيت ولا عافسته
لمياء : لا والله اني مرتبه غرفتي " سكتت شوي وبعدها قالت بعفويه " بس الصاله وغرفة امي والصاله والملحق والمقلط يبي لهم شويه تنظيف
هاجر : لا تعبتي نفسسسك
لمياء ضحكت : لا ان شاء الله انه وائل جاب خدامه مؤقته قال انه ما بيتعبني وكذا
هاجر : هم كم قعدو ؟!
لمياء : كملو اسبوعين تخيلي امي قالت ما بنطول وسحبوها !
هاجر : اكيد انها تعبانه جدتك
لمياء : آيه ذا اللي خايفه انا منه
هاجر : احسن شي انهم طالعين من الصبح
لمياء : ما ادري والله خايفه ! امي قالت بنطلع من بدري يعني يمكن 3 الفجر طلعو قبل طلعت الشمس
هاجر : ان شاء الله خير لا تفاولين
لمياء : ان شاء الله يلا آخلصي خلينا ناخذ الجدول ونتكل
_____________________________
بينما بمكتب مساعد
كان مندمج بقرآية المعامله اللي بيدينه
قال وهو يطقطق بالقلم : اكبر غلط اني اوافق على صفقه ممكن تخسرني الشركه كلها
رمى الملف رفع راسه على دقات الباب
مساعد نزل القلم : تفضل
دخل السكرتير : طال عمرك استاذ امجد طالب يشوفك آدخله ؟!
مساعد سكت شوي وهو يفكر سرح لثوآني وزادت دقات قلبه لتفكيره انه روتان فيها شي
لكن ناظر السكرتير ببرود : خليه يتفضل فيه شي ثاني جاي عشانه ؟!
السكرتير نزل الملفات : تفضل هذي جاتنا من الشركه القابضه تطلب الإطلاع عليها والتوقيع اذا تمت الموافقه
هز مساعد راسه : تقدر تتفضل وخلي استاذ امجد يدخل
هز راسه وطلع
ماهي الا دقايق معدوده وامجد يدق الباب
مساعد : تفضل
دخل امجد وبهدوء : السلام عليكم
مساعد رجع نظره للأوراق يخفي الخوف اللي باينه بنظراته : وعليكم السلام استريح
جلس امجد
مساعد ناظره لثواني وآرتخت اعصابه يوم شاف ملامحه ما تدل على اي خطر وبهدوء : اقدر اخدمك بشي ؟!
امجد سكت لثواني وبعدها قال : بالمكتب ما يصير خلينا ننزل في كوفي قريب انا عازمك
مساعد : موضوع مهم ؟!
امجد هز راسه : وخصوصي ! ما يصلح بالشركه
وقف مساعد : مشينا
بالكوفي ..
امجد : وش تشرب ؟!
مساعد : آسبريسو
امجد اشر للنادل
النادل : شو بتحبو تشربو ؟!
امجد : واحد عصير برتقال وواحد اسبريسو
النادل : بتحبو تاكلو شي ؟!
امجد : لا مشكور
هز النادل راسه ومشى
دقـآيق مرت وهم يسألون عن الحال
قطع كلامهم النادل اللي حط العصير والإسبريسو مع كاس ماي
مساعد : وترتني امجد وش صاير ؟!
امجد سكت وهو متلعثم : مدري كيف اقول لك
مساعد حط السكر بالإسبريسو وآرتشف منه وبعدها قال : بدون مقدمات ! قول اللي عندك
امجد بإرتباك : روتان
مساعد نزل الكوب بهدوء وقال ببرود رغم دقات قلبه اللي تسارعت : وش فيها ؟!
امجد سكت لثواني
مساعد : امججد ! تكلم
امجد : حامل !
وقف مساعد بصدمه : آيييييييش !!!!!
الناس اللي بالكوفي لفو يطالعونه متعجبين
امجد ناظر مساعد يعني مطول
جلس مساعد وبلعثمه : من ممتى ! كيف ! وليه ما قلت لي من اول
امجد : متى صار لها شهر ! آممـآ كيف ! آنت آبخص
آنحرج مساعد لكن قال بإنفعال : ليه ما قلت لي من اول
امجد : ما شفت فرصه مناسبه الحين شفت الوقت مناسب وقلت لك !
مساعد سكت يفكر وهو يهز رجله بتوتر وآضح
آرتشف من كوب الإسبريسو وناظر امجد وببرود غلف نبرآته : وانا وش لازم آسوي ؟!
امجد بهدوء : " فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ " " وقف امجد " عقلك برآسك تعرف خلاصك ! " طلع محفظته وحط الفلوس " سلام
طلع من الكوفي
وقف مساعد بهدوء ولحق امجد
مساعد بصراخ : آمجججد !
لف آمجد
مساعد آتجه لسيارة آمجد : نسيت اني جيت معاك !
فتح امجد سيارته : تفضل
ركب السياره متجهين للشركه
قبل لا ينزل مساعد ناظر امجد : قل لإختك تنتبه لولدي ! بضبط اموري وآرجعها لذمتي
ما علق امجد وتبع مساعد بنظراته الين سكر الباب وآتجه لداخل الشركه
_____________________________________
سعد بضحكه : يمه والله مافيني الا الخير
نورة تصيح : آككيد يا سعد فطططرت ؟!!!! نممت كويس
سعد : دموعكك غاليه امسحيهم عشاني وانا وربك مافيني الا الخير نمت كويس وتوني راجع من المطعم قاعد افطر
نورة : متى بتداوم ؟!
سعد : الإثنين بإذن الله
نورة : بإذن الله انتبه لنفسك زين وعيونك وين ؟!
سعد ضحك : سسيدآ
نورة : آيه شآطر
سعد : تربيتك يالغاليه
نورة : ياويلك تهمل صحتك
سعد : خلي اللي عندك ينتبه لصحته لأني انا باكلها بعدين اي تعب يججيه يجيني !
نورة : ولا يهمكك وانت بعد انتبه لنفسكك اللي يصيبك يصيبه
سعد : تـآمرين على الروح يالغاليه توصين شي ؟!
نورة بغصه : آلله يرضى عليك مابي الا سلامتك
سعد : سلمي على آبوي ورآكـآن
نورة : يوصل
___________________________________
رهف بعصبيه : وانا وش لي ؟!
حصه : وش فيه عصبتي
رهف : آستغفر الله سافر ولا لا كم مره اقول لك لا تفتحين معاي هالموضوع
حصه : رهف انا ما اقصد شي بس لو فكرتي لقدام انتي وياه بتجتمعون ببيت واحد
رهف بقهر : ادري آدري آددددددددددري وميته قهر انه مالي رآي ما تتصورين وش كثر آحس بقهر حرمموني من آهم حق لي كبنت اخخختيار الشريك المناسب
حصه : يا رهف يا حبيبتي احمدي ربك انتو بعد ما تتخرجون تتزوجون غيركم يوصلون لـ 30 وما تزوجو
رهف بإصرار وآستنكار : آلزوآج نص الدين مو ككل الدين !
حصه : انتي اعتراضك على الزواج ولا على ولد عمك
رهف : لا على هذا ولا هذا
حصه بنفاذ صبر : آجججل !!
رهف : على انه مالي ححق بختيار اللي انا ابيه
حصه : معاك حق ! بس ما تدرين لو نصيبك بتاخذينه
رهف تنهدت : آلله كريم
حصه : بعدين هو مو مهتم ؟! يمكن هو بعد ما يبي يتزوج
رهف : ما اتوقع ! يمكن مو مهتم لكن لو ما يبي كان كلم ابوي جـآسم من النوع اللي ما يهتم يعني لما يعرف انه رايه هو الصح ما يتراجع
حصه : سلمي امرك لله وآحسني آلظن ربي عند حسن ظن عبده فيه
رهف آبتسمت : آلححمدلله
_________________________________
روتان بإنفعال : وهو وش قال لك ؟!
امجد بهدوء : قال خليها تنتبه للولد وهو يومين بيضبط اموره وبيرجعك لذمته
روتان ناظرت امجد لثواني وبعدها قالت بتردد : بس على الولد !
امجد ناظر اخته بهدوء : لا تتوقعين يرجع لك ركض ! قدامكك درب !
روتان طنشت اللي قاله : آرتب اغراضي ؟!
امجد رفع حاجب : مستعجله ما كأنك طلعتي برضـآك !
روتان بعصبيه : ممب كل شوي تذكرني آدري اني غلطت
امجد بإستنكار : كفين على المـآشي الله لا يهينك !
روتان زفرت بضيق وهي تجلس : معليه امججد بس الحممل بدآ يأثر على نفسيتي
امجد هز راسه : تموتين ولا تعتذرين لأحد
روتان رفعت حاجب بإستنكار : ليه اعتذر ! آقول لك نفسيتي تعبانه
امجد طنش كلامها وآتجه لغرفته يرتاح
لحقته : آمججد
لف آمجد
روتان : تكفى لا تتضايق بس وآلله تعبانه
امجد : مو مشكله لا تنسين تصحيني
روتان آبتسمت : طيب
________________________________
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك