رواية ان كان له حق يخون حتى انا لي حق الخيانة -36
محمد حط رجله وركض للباب وطلع وصفع الباب وراه
سعد بنرفزه : آلحمدلله والشششكر ياربي
سكر الباب ورجع ارتمى على السرير
ربع ساعه ورمى المخده بقهر يدري انه مستحيل يقدر يرجع ينام
قام اخذ فوطته وآخذ شاور ولبس شورت وتي شيرت قطني وطلع وآرتمى على الكنب وصرخ : مححححيميد ادري انك فيه
محمد طلع راسه من الغرفه : الدار امان اطلع ؟!
سعد : آطططلع
طلع محمد وهو يضحك : جبت فطور ترى بالمطبخ
رمى سعد عليه المخده : لو اني مو توني صاحي كان خليتك تتفل العافيه
محمد : ياخخخي زهقت ! لدرجة اني فكرت اروح الجامعه
سعد : آنت بأيـآم الدوام ما تداوم آول يوم يوم غياب الطلاب والدكـآتره بتداوم
محمد : من شدة الزهق وش اسوي قلت اروح اشوف يمكن فيه مزآيين من سنه اولى
سعد : ياربي انا وش سويت بحياتي عشان تبلشني بهالإنسان
محمد : احمد ربك مو معاك بنفس الجامعه
سعد : انت طططب نفس اساسا ما يصصلح لك انت لحالك يبي لك من يعالجك
محمد ضحك : وش تبي انت ! والله حاله انا مستقبلا بعالجني
سعد : الله يعينك عليكك بس
___________________________________
لمياء : انت متأكد
وائل بهدوء : آيه !
لمياء بضيق : وش بتسسوي ؟!
وائل وهو يناظر امه ويرجع يناظر لمياء : بشوف لي شغل ثاني !
لمياء : بتشتغل بداومين ؟!
وائل تنهد : ايه ! مستهينه برآتب آبوك كان يكفي ويسد وعمامي الحين كلهم بيلتفون على الورث !
لمياء بإنفعال : مالهم ششششي !
وائل بهدوء : مو مهم الحين
لمياء وهي تفرك يدينها ببعض : امي تحتاج لعلاج !
وائل : الدكتوره تقول طلعها ربي من الموت الأكيد واكيد بعد العمليه تعبانه فوق ذا كله النزيف الداخلي اللي الى الآن ما ندري وش بيسبب
لمياء : كلمت خالاتي ؟!
وائل : امس كلمتني خالتي وقالت انه حالة جدتي تحسنت مابيها ترجع تنتكس خليه يمر العزا بعدين يصير خير
لمياء ناظرت وائل اللي كانت عيونه حمر وتحتها هالات سواد قالت بهدوء : انت لازم تروح تنام وترتاح توك راجع من العزا شوف عيونك مثل الجمر
وائل ناظر امه : انا بخير
لمياء : اخذت ابرة السكر ؟!
وائل : ايه لا تخافين
لمياء : طيب تعال نام على الكنب شوي نص ساعه انا اصحيك تالي
قالت لمياء قبل لا يعترض : نصص ساعه بس وانا اصحيك
هز راسه بالإيجاب وقام من الكرسي متجه للكنبه وارتمى عليها بتعب
ماهي الا دقايق وانفاسه اعتدلت دليل انه نام
طلبت لحاف من الممرضه وحطته على وائل
وجلست على الكرسي جنب امها
__________________________________
نهال ضحكت : آبششر
طلال : ابوي متى بتكلمه ؟!
مساعد : بكره الصباح يوم يشوفها يعرف المهم ها نهال على اتفاقنا
نهال : ولا يهممك خلي كل شي علي
مساعد ابتسم : تسوين خير انا استأذن
بعد ما طلع مساعد
طلال : ما احد بياكلها الا الولد !
نهال : ما تدري يمكن يقربهم من بعض
اما مساعد
اللي طلع من البيت متجه للشركه
ليه الحين ما عادت تهمني !
معقول كرهتها بعد اللي صار
بس ليه الحين تراجعت عن اللي ابي اسويه !
ناظر جواله اللي يدق
وقف عند الإشاره ورفعه ورد : هلا بسام
بسام : السلام عليكم
مساعد : وعليكم السلام خير صاير شي ؟!
بسام : المدام تبي تشوفكك قريب
مساعد بهدوء : قول لها اني مو فاضي هاليومين بس افضي نفسي اجي لها
بسام : معترضه ماتبي تآكل ولا تـآخذ ادويتها تبي تشوفك
مساعد تنهد وبهدوء : عطيني اياها
موضي ببكا : مسساعد
مساعد : آمريني
موضي : متى بتجي !
مساعد بهدوء : الحين ما اقدر
موضي : لازم تججي لازم
مساعد حرك سيارته بعد ما فتحت الإشاره : هاليومين ادبر نفسي وآجيكك بس انتي كلي وآهتمي بصحتك
موضي بشهقه : حححاول قريب
مساعد تنهد : ولا يهمك بشوف اقرب حجز للإمارات واجيك
موضي : لا تنسسى اللي قلت لك آخر مره
مساعد ابتسم : آبشري بس انتي الحين اهتمي بصحتكك وكلي زين ويومين وانا عندكك
موضي : طيب يلا بآآي
سكر مساعد منها وتنهد بقوه مايدري ليه للحين يهتم فيها !
رغم انه كان كل همه ينتقم منها ومن ابوه
يمكن لأنها ما عادت بعقلها ! او لأنها تكسر خاطره !
ما يدري ليه بالضبط ! لكن يحس بداخله شفقه تجاهها رغم انها ما تستاهلها
صحيح كان يكرهها لكن بعد اتصال المستشفى عليه يخبره انه صار لها حادث وانها ما عادت بعقلها
شفق عليها ! وما شاف نفسه الا يهتم فيها ويرعاها
وهي نـآسسسيه كل شي صار من قبل بعد الحادث اللي اثر على مخها
سكت يفكر يومين ! آيه آحسن عشان لا يكون ببالها اني مهتم لرجعتها حيل
غرق بأفكـآره اللي تـآخذه شوي لموضي .. وشوي لروتان !
في كوفي المستشفى ..
ناصر : الله يتمم لكم بالخير
مشعل وهو يلعب بالماصه اللي بالموكا : عقبالك
ناصر ضحك : لا انا قدامي درب !
مشعل ناظره : ليه !
ناصر : خلها على الله بس ! راتبي يادوب يكفي الأهل بالبيت تبيني اجمع للمهر والشبكه غير هدايا اللي بأيام الملكه وقاعه وزواج وحفله وشهر عسل ! ياخي انا نفسي آخر الشهر يادوب القى اللي يسد حـآجة اهلي !
مشعل عدل جلسته : بما انك لسه مبتدئ اكيد رآتبك مو ذاك الزود
ناصر : آشتغل شغلتين آرجع البيت آشوف ابوي وآمي المريضين ولا آشوف خوآتي وش يبون !
مشعل : ليه ما عندك آخوآن !!
ناصر : ما عندي الا آخ وآحد توه صغير وفوق هذا مريض
مشعل بتساؤول : وابوكك ما يشتغل ؟!
ناصر : آبوي وآمي صار لهم من زمان حادث آقعدهم هم الإثنين راتب التقاعد حق ابوي ما يجي نص السعر لعلاجهم !
مشعل بتعجب : وايش تشتغل
ناصر : آشتغل وبس ! شي يسد الحاجه !
مشعل : خواتك ما يشتغلون !
ناصر : خواتي آكبر وحده بثالث متوسط ! والباقي صغار ! وشوف طلباتهم كيف ياخي خلها على الله بس
سكت مشعل رغم انه كان حاب يعرف عن حياة ناصر آكثر !
آما ناصر آرتشف من الكوفي وهو يحاول يضبط دور تمثليتهم المحبوككه !
________________________________
فاطمه ضحكت : جججهـآآد
آبتسم جهاد : عيوونه
فاطمه : آبي آقوم
جهاد سحبها له : لا مافي
فاطمه بخجل : يلا عاد بتتأخر على دوامك
جهاد : ياليل النكد ! وعشر دقايق ما بتأثر
فاطمه : متى يخلص دوامك ؟!
جهاد : مثل العاده
فاطمه : ما يمديك تنام شي !
جهاد وهو يلعب بشعرها : ادري
فاطمه : كذا ضغط عليكك
جهاد بإبتسامه جانبيه : اللي يبي الدح لا يقول آح !
فاطمه سكتت
جهاد : ترى ما غيرت رايي !
فاطمه : بـ ؟!!
جهاد : اذا تبين الطلاق !
فاطمه بإنفعال : ججهـآد اتفقنا نسكر على الموضوع
جهاد : طيب خلاص لا تعصبين !
فاطمه : متى آخر مره كلمت بشار ؟!
جهاد : من زمان !!
فاطمه : ما عادت علاقتكم مثل اول
جهاد : بششـآر ما احترم علاقتنا اللي دامت سنين ! وتنـآسسى انكك اخته اللي هو ربـآهـآ ! شك بشرفكك قبل لا يشكك بأخلاقي وحبل الوصل بينا آنقطع ! كل اللي يربطني فيه انه آخوكك !
فاطمه ما علقت
آنسحب جهاد وآخذ الفوطه متجه للحمام " اعزكم الله "
___________________________________
صديقات فاطمه هل بيكون لهم دور ؟!
مساعد اذا رجع روتان هل بتكون حياتهم مثل اول ؟!
حياة لمياء ووآئل بعد وفـآة ابوهم بتتغير ؟!
ناصر وش ممكن يكون مخطط لمشعل ؟!
خطة تيفاني ممكن تصير ؟!
وهل بتأثر على حياة فاطمه وجهاد ؟!
نجود وش ممكن يصير معها ؟!
سعد ومحمد ؟!
اهتمام مساعد بموضي ؟!
مشعل واهتمامه بحياة ناصر ؟!
جهاد وبشار ؟!
وللي ما يعرف موضي !
موضي آم روتان = )
وآششكر كل اللي عطونـآ رآيهم بالبارت اللي رآح
نوركم ..~
آلبـــآرت آلسـآبع وآلعشـرون ( 27 )
________________________________________
آلسـآعه 10 ونص م ..
ركب سيارته وناظر الساعه
يووه تأخر الوقت !
رفع جواله ودق على امجد
مساعد : السسلام عليكم
امجد : وعليكم السلام
مساعد : انت بالبيت ؟!
امجد : آيه
مساعد : خليها تجهز نفسها مسافة الطريق وانا عندها
امجد : خلصت كل شي ؟!
مساعد : آيه
امجد : اوكك
مساعد : اذا وصلت بعطيك رنه خليها جاهزه
سكر مساعد وحط الجوال وسرح بأفكاره
كيف ممكن تكون حياتهم الجديده !
بتكون مثل بداية حياتهم قبل ؟!
بيرجع يحبها !
آبتسم بإستهزاء آحبهـآ ! مستحيل بعد اللي صار !
تنهد .. آسـآسآ كل شي قاعد آسسويه عشان ولدي بس
ولا هي بعد اللي صار ! حططمت كل جسور الوصل بينا
خلي الولد يكمل السنه بعدها بطلقها ! مستحيل اخلي ولدي معاها
زفر بقوه وضرب الدركسيون بقوه وبعصبيه : غبيه متخخخلفه مغروره متكككبره
شخط بقوه وهو يوقف عند باب البيت
آخذ نفس عميق وزفره بهدوء يهدي من اعصابه التلفانه
دق على امجد
مساعد : انا تحت !
امجد : اوكك ثواني وهي عندك
قبل لا يسكر مساعد قال امجد : مسساعد
مساعد : آمرني
امجد : ما يامر عليك ظالم " سكت ثواني وبعدها قال " لا ترخي لها الحبل بس لا تششده ! تراها حامل ومو زين لها التعب خاصه انها بالشهور الأولى وتحممل وحامها هالفتره !
مساعد بهدوء : صار ! شي ثاني ؟!
امجد : تسسلم !
مساعد : يسلمك
سكر مساعد ورجع جواله لمكانه
دقـآيق معدوده وركبت روتان وسكرت الباب بهدوء
لف عليها ورفع حاجب بإستنكار : داخله على يهودي ما تسلمين
روتان بخوف وهمس : السلام عليكم
مساعد : وعليكم السلام " قال وهو ما زال رافع حاجبه " وين شنطتك !!
روتان بهمس : عند باب العماره
مساعد بإستهزاء : وين راح صوتكك ؟!!!
روتان ما ردت وآكتفت انها تنزل راسها وتفرك يدينها بتوتر
نزل مساعد وصفق الباب ورآه بقوه
لفت مستنكره تصرفه وبداخلها تتمتم يمر اليوم على خير
فتح الباب الخلفي وحط شنطتها وسكره ورجع ركب
ناظرها وبحده : شفتي طلعتك آخر مره
ناظرته بخوف
كمل كلامه : لو تعودينها بكسر رججلك ! بكره بعد ما اطلقكك آقعدي عند اخوك الين تزهقين " قال بشبه صراخ " بس الحين دامكك على ذمتي تقضبين ارضضك بالبيت وتـآكلين تبن وتقعدين سسسامعه
بلعت ريقها بصعوبه
مساعد بصراخ : سسسسسسسامعه
همست بخوف : سسامعه سامعه
مساعد حرك السياره وهو ياخذ نفس عميق : تعشيتي ؟!
روتان بتردد وخوف : مالي نفس
مساعد : ششوفي ! ايام اول تتدلعين مابي ومالي نفسس قبل ما تاكلين بكيفككك بس الحين انتي مسسؤوله عن ولدي ! بتـآكلين غصب
روتان : بس
مساعد بحده : بدون بس اللي آقوله انا هو اللي بيتنفذ
روتان آكتفت تهز راسها بالإيجاب وصدت على النافذه ورجعت نزلت راسها وهي خايفه من مساعد اللي ما عادت تقدر تتوقع تصرفاته !
مساعد بداخله : ان ما طلعت الشهر اللي غبتيه عني من عيونكك ما اكون مسساعد
________________________________________
راكان : مافي تحسن بحالتها ؟!
هاجر : صحت من الغيبوبه بس لحد الحين ما ندري وش تأثير النزيف الداخلي عليها الدكتوره تقول على الأغلب بما انه المنطقه المتضرره هي الرآس احتمال كبير ضررها على الحواس وخايفين يكون عمـآ
راكان تنهد : لا اله الا الله ! ووائل حالته مو سهله شوي السكر مرتفع وشوي نازل
هاجر : لازم يهتم بنفسه لا يدخل بغيبوبة سسكر مو نـآقصصهم " سكتت ثواني وبعدها قالت " اعمامهم وش قالو ؟!
راكان بإستهزاء : قسسمو الورث !
هاجر بصدمه : لسسه ما جف ترابه !
زفر راكان : وعمهم الكبير يبي لمياء لولده !
هاجر بإنفعال : كأنهم مو مصدقين على الله يمموت اخخوهم عاد من زود الفلوس اللي ذابحين نفسهم عليها بعدين هم عياله ولهم الحق !
راكان : عشان كذا يبون يزوجونهم ! عششان يآخذون حقها هي بنت وضعيفه !
هاجر بعصبيه وهي تهز رجلها بتوتر : وهي تدري !
راكان : لا وائل ما كلمها بالموضوع يقول مستحيل يوافق عليه اصلا
هاجر عدلت جلستها : ووائل ليه مو موافق
راكان : من زين آخخلاقه !
هاجر سكتت تفكر بحال لمياء اللي رآح يصير آردى من قبل بعد ما تعرف بالموضوع
____________________________________
في الصاله ..
آرتشفت ريم من كوب الحليب بهدوء ونزلته وهي تناظر مشعل السرحان
ريم : مشعل
ناظرها مشعل : عيونه
ريم : تسلم عيونكك حبيبي .. فيك شي ؟!
مشعل : لا بس آفكر بالشغل شوي
ريم : ليه صاير شي ؟!
مشعل : لا آبد بس فيه مشكله صغيره وتنحل ان شاء الله
ريم يوم حست انه مايبي يتكلم قالت تغير الموضوع : بسألك
مشعل : تفضلي
ريم : اذا تقدم جاسم لرهف رسمي ورهف رفضت بتجبرها !
مشعل بإستنكار : طبعـآ لا
ريم : وعمامي ؟!
مشعل : اذا ما تبيه ما تنججبر عليه دآمني موججود هذي عشرة عمر مو يوم ولا يومين اذا ما تبين مستعد اوقف بوجه عمامي ولا تاخذه " سكت ثواني بعدها قال " ليه هي تكلمت بالموضوع ؟!
ريم : لا ! بس لما اكلمها عن جاسم تغير الموضوع وملامحها تدل انه الوضع مو عاجبها انت ادرى برهف ما تحب احد يجبرها على شي
مشعل : لما يتقدم لها رسمي انا بشوف رايها ! اذا ماتبيه برآحتها وما احد يقدر يجبرها على شي ما تبيه لها حق تختار الشريك اللي تبيه
ريم : اساسا هالعادات بدت تموت ! لكن احنا نرجع نحييها مدري ليه ما اشوف لها معنى
مشعل : المعنى انه البنت ما تطلع من العايله وانها لو راحت للغريب يمكن ما يصونها لكن دامها بتاخذ ولد عمها آكيد بيصصونها
ريم : بس حتى لو ! مو منطق
مشعل : بنظرهم منطق ! جيلنا يختلف عن جيلهم
ريم آبتسمت وهي تحط يدها على بطنها وضحكت : تحمسست آدور عروسه لولدي
ضحك مشعل : طيب يمكن بنت
ريم : تنتظر معرسها اجل
مشعل آبتسم : طيب لو ولد يمكن يبي من العايله
ريم : اللي يبيها ياخذها
مشعل : لا ما شاء الله ضـآمن مستقبله قبل لا يطلع
ريم ضحكت : اججل شلون من الحين لازم اخطط له
مشعل يجاريها : ولو طلع داشر
شهقت ريم : بسسم الله عليه لا حبيبي دامه ولد الدككتور مشعل ومدام ريم ما يطلع دآشر
ضحك مشعل : قومي بالسلامه وان شاء الله بيتربى احسن تربيه
آبتسمت ريم : بـآقي سبع آشهر وآسبوعين
مشعل : لا ما شاء الله حاسسبتهم
ريم بإبتسامه عريضه : بالسساعات والأيام بعد
مشعل : عقبال ما يجي وتفرحين فيه
ريم : ان شاء الله
________________________________
صرخت : لا لا لا
ضحكت جهاد وهو يحط يده على فمها : صوتكك وصل عند امي وآبوي
فاطمه بإعترآض : وششو اذاكر الحين تونـآ آوول آسبوع مين يذاكر الحين
جهاد : اللي تبي تجيب نسبه
فاطمه : تججججيب نسبه من اول اسسبوع ! جججهاد الإختبارات قدامها آربع اشهر وآسسبوعين
جهاد : انتي ثانويه عاممه !
فاطمه : الله اكبر وثانويه عامه ! لو ابي آجيب نسبه مو من اول ثلاث ايام اول اسبوع الواحد يسترخي
جهاد : ثلاث اشهر ما كفتك استرخاء !
فاطمه ضحكت : للأسف لا
جهاد : تصفحي الكتب من اول يوم للحين ما تغير مكان الشنطه
فاطمه : تجيب لي الهم من اشوفها خلها بالزاويه احسن
جهاد : لا والله
فاطمه تغير الموضوع : صصدق ما قلت لي وش كانت احلا ماده عندك ايام الثانوي ؟!
جهاد : لا تغيرين الموضوع
فاطمه : والله مالي خلق اذاكر والحين شوف الساعه مستحيل افكر افتح كتاب حتى ما قلت لي وش كانت احلا ماده عندك
جهاد : كانت موادنا غير ببريطانيا !
فاطمه : ليه ما كنتو تدرسون فيزياء وكيمياء واححياء ورياضيات !
آبتسم جهاد : آلا
فاطمه : آججل !
جهاد : احنا نختار جداولنا والمواد
فاطمه : يعني مثل نظام المقررات !
جهاد : شي زي كذا
فاطمه : بس لازم تختبر بكل المواد
جهاد : اللي اخذتيها اللي ما اخذتيها تاخذينها بوقت ثاني ! المهم ما تروح عليكك
فاطمه : يووه سسالفه !
جهاد : الشي الحلو فيها انها تهيئك لنظام الجامعه
فاطمه : ايه هذا هو نفس نظام المقررات عندنا المهم وش ككككانت مادتك المفضضله آخر مره اسأل
ضحك جهاد : الكيمياء العمليه !
فاطمه : كلكم تحححبون الكيمياء ! مدري وش تحبون فيه
جهاد : ليه وش تحبين انتي ؟!
فاطمه بإستنكار : انا " ضحكت " التدبييييييير
ضحك جهاد : لا متعبه نفسكك
فاطمه : طططبعـآآ اساسا اول وحده تطبخ بالتدبير انا
جهاد : لا تخليني اصدق بس
ضحكت فاطمه : احححب الرياضيات اكثر ماده استمتع فيها الأرقآم اخويـآي اساسا
ابتسم وهو يناظرها بصمت
فاطمه بإحراج لفت تتهرب من نظراته : فيني شي غلط
جهاد : لا آبد بس اتأملكك فيها شي
فاطمه وقفت : خلينا نقوم ننام الساعه شوي وتصير 12 وانت ما نمت ووراك دوام يلا قوم
ابتسم جهاد وهو يتبعها متجهين للغرفه
_______________________________
صبـآح جديد .. يوم مشرق !
في ولآية شيكاغو ..
قرب آحدى النوآفير .. على كرآسي المشـآة
آرتشف سعد اللي كان جالس قبال النافوره من الكوفي بروآقه
وهو عاجبه اجوآء الشيكاغو الصبـآحيه
تصفي النفس وتهديها بلطافة الجو بالصبـآح
قطع عليه جوه محمد اللي حط الكيس وجلس : ياخخخخي كل يوم نفس الحال والله طقت تسبدي انت تسوي الرومنسي وانا آكلها ليه
سعد بدون ما يطالعه : احد ضاربك على يدك وقايل لك تعال معاي
محمد بتحلطم : الواحد ما يقول لك كلمه ترد عليه بعشر كلمات
سعد : آستغفرك يارب وش تبيني اسوي ياخي خلنا مروقين مع الصبح بس
محمد بهمس : علي انا ككككبريت مع غيري اعوذ بالله آبرد من الثلجه بالفريزر
سعد ببرود : سمعتكك ترى
محمد : لا اله الا الله آذن خفاش مب انسان
سعد لف عليه : محيميد قم قم آذلف قم
ضحك محمد : لا خلاص بسكت
سعد : يكون احسن
سكتو ثوآني
محمد تقرب من سعد وهو يدقه بكوعه بخفيف : سسعيدان
سعد لف عليه وخزه : سعيدان بعينكك
محمد : ياخخخخي خويككك آممون
سعد : يارب رحمممتككك
محمد : زين بسسألك بس
سعد ناظره بطرف عين : خير
محمد بهمس : ممممين هي ؟!
سعد بإستنكار : ممين اللي مين هي !
محمد : اللي تححبهـآ
ابتسم سعد وآستند بروآقه : آنسسانه غاليه على قلبي حححيل ما جيت لأمريكا الآ عششان آرفع راسسها وآوريها اني قد المسؤوليه
محمد : آلله الله الله مين هذي
سعد : اللي ما سككن هالقلب غيرها !
محمد : لا انت منتهههي من زمان يا خاين ولا تقول ممين طيب اعرفها ؟! بنت عممكك ؟! ياخخخي غششني
سعد آبتسم : بايع نفسسي اححب وحده تعرفها حضرتكك .. وماهي بنت عممي !
محمد بإنفعال : آججججججججل
سعد ناظر محمد : تذكرت يوم تسألني ليه جيت امريكا من قبل رغم اني رافض فكرة الإبتعاث من يومنا بالثانوي
محمد : ايه ! مو قلت عشان تلبي رغبة آمكك ان " سكت محمد لما شاف نظرات سعد وضحك " ايا حممممار وانا اقول سعد يححب ويتمعشق من ورآي من متى !
سعد : آسستريح ياخي غير آمي محد سكن بالقلب
ضحك محمد لكنه سكت وهو يناظر سعد اللي يرتشف من الكوفي ببرود
محمد : بس الأورآق تقول
قاطعه سعد : الأورآق تقول اللي تقوله ! آللي ربتني آمي نوره محد غيرها الأم اللي ربت مو اللي ولدت
محمد : واخوك وش صار معاه
سعد : ولا شي !
محمد ناظر سعد اللي بدأ يرجع لسرحانه وهدوءه
زفر بقوه هي دقايق ويرجع ينقلب ويهدأ مزآجي درجه آولى !
بعد ما فطرو وقفو متجهين كل واحد لجامعته
____________________________________
ابو مساعد : اخوك مسافر ؟!!
طلال : لآ بجناحه !
ابو مساعد : وليه ما نزل على الفططور
طلال بهدوء وهو يرتشف من كوب الكوفي : ما ادري !
ابو مساعد : ريتـآآ يا ر
سكت لما شاف مساعد نازل من الدرج ووراه روتان
وقف ابو مساعد وبعصبيه : وش جججابها هذي
جلس مساعد ببرود وعدم اهتمام
وجلست روتان جنبه وهي خايفه من ردة فعل ابو مساعد
ابو مساعد ناظر مساعد بغضب لكن سرعان ما تلاشى
وكأنه ترجم حركة مساعد لشي ثاني بباله
جلس بهدوء وحرك الشوكه بالصحن وناظر الإثنين وببرود قاتل : اتمنى اللي صار ما يتكرر ! هذا زواج مو لعبه يوم تبيها ويوم ما تبيها !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك