رواية ان كان له حق يخون حتى انا لي حق الخيانة -49
بعد آذآن المغرب ..
طلال تنهد : بكره اول ايام العزا
ما علق مساعد وهو يناظر النافذه
طلال : بتطلع للدفن
مساعد : ............
طلال زفر بقوه : ما يصير اللي قاعد تسويه بنفسك ما بتغير شي يا مساعد !
مساعد : ............
تنهد طلال : الدكتور كتبلك خروج
مساعد : ............
طلال : جهز نفسك بنطلع !
قام وطلع من الغرفه ودق على نهال يتأكد اذا الخدم جهزو لمساعد غرفة بالدور الأرضي بعيد عن جناحه مع روتان الين يتخطى مرحلة صدمته
_______________________________
لمياء شدت على يده : آسسسمعها يا راكان لا تظظلمها !!
راكان ما رد عليها وهو يتذكر كلام بشار " زوجتك تغلط وترمي بلاها علي !! روححح شوف مين مكلمه من ورآك لا تقعد تتبلآني انا واحدد بخطب قريب خليها بعيد عني احسن لملم غثـآهـآآ عن الفضضـآيح "
رمى آلكـآس بعصبيه على الأرض وتناثر الزجاج
شهقت لمياء لكنها مسكت اعصابها وبهدوء : راكان قوم معاي لا يجيك شي من الزجاج قوم !
قام معها وهو يحس انه تـآيه وهدوءه هذا ورآه بركـآآن يغلي !
مو عارف كيف يطفي قهره ويشفي غليله !
يصدق ولا ما يصدق !
كيف ما يصدق هذا صصوتها !!! صوتهـآآآ يممميزه ويميز بحته ودلعه !
مسح وجهه بكفه وتنهد بقوه
لف يدور لمياء بعيونه ما شافها
جلس على السرير وآرتمى عليه بتعب
اما لمياء اللي لمت الزجاج ومسحت الماي اللي ملى الأرضيه
وآتجهت للغرفه
قربت من راكان بهدوء وجلست على طرف السرير
ثوآني صمت قطعها صوته : طفي النور تعبان آبي آنـآم
لمياء ناظرته لثوآني وبعدها قالت : لا تتسرع وفكر زين يمكن هي غلطت لكن المفروض تعطيها فرصصه يمكن هي ما عاد تبي ترجع لـ هالشي مره ثانيه
ما رد راكان وآكتفى انه يغمض عيونه بتعب
طفت النور وآتجهت للسرير وآنسدحت من جهتها
حست بتنهيداته بين حين وآلثـآني
وظلت تراقب كل حركاته الين آنتظمت انفاسه ونام
تسحبت من السرير بشويش
وطلعت من الغرفه على اطراف اصابعها
آتجهت للمجلس وفتحت درج المكتب الأول
طلعت منه مفتاح السبير وآتجهت لغرفة هاجر
فتحتها شوي شوي ودخلت
عضت طرف شفتها وهي تشوف شكلها
قربت منها ورفعت شعرها بعيد عن وجهها وسندتها وساعدتها تقوم
جلستها على الكنب وآتجهت لبرادة الغرفه الصغيره طلعت منها علبة ماي ساعدتها تشربها
وحطت على يدها شوية مـآي ومسحت وجهها
آستندت هاجر على لمياء وبهمس : تكفين لمياء فهمميه الله يخخليكك مـآبي شي بس آبيه يفهمم
لمياء حضنتها وبحنان : بكلممه بس خليه يهدا ششوي وهو معصب لا انتي بستفيدين ولا انا بستفيد خليه يهدأ ومن عيوني بكلمه
هاجر بهمس : قققريب تكفين
لمياء شدتها لحضنها : بحاول قريب ولا يهمكك
هاجر بألم : آآي يدددي تألممني
لمياء بعدتها : وين ؟!
هاجر اشرت على ذراعها : هنا يألمني حيل
لمياء مسكتها بخفيف لكن هاجر سحبت يدها بسرعه
لمياء : شكلها مكسوره !
هاجر بهمس : طحت عليها
لمياء : ما يصير تظل كذا عشان عظامك
هاجر : مممو مهم الححين ححاولي تتفاهمين مع راكان طلبتك
لمياء : بححاول بححاول لا تخافين يلا قومي نامي
هاجر بهمس : مـآبي يجي بكره !
لمياء : لا تقولين كذا قومي يلا
ساعدتها لمياء الين وصلت للسرير وآنسدحت هاجر وغمضت عيونها
وكان خوف ينتابها من بكره !!
اما لمياء اللي رجعت قفلت الباب ورجعت مفتاح السبير للمجلس وآتجهت للغرفه تنام !
___________________________________
نفس الهدوء والتوتر يغطي المكان !
يوم كئيب جددا يمر عليهم
خوف وتوتر وقلق !
دخل مشعل وآرتمى على الكنب وهو يحس بتعب يثقل جسده
رهف بلهفه : بشر
مشعل بهمس : لا جديد !
عبدالرحمن كان ساكت ومكتفي ينقل نظره بين مشعل وآمه كل حين وحين !
ما بيده يتكلم او ينطق لأنه حتى لو تكلم ما بيغير شي !
رهف : بقوم اجيب لك مـآي
مشعل بإنفعال : مممـآآبي شي !
رهف : بسس
مشعل قاطعها : رههف قلت لك مابي شي
رهف تنهدت : اللي يريحك
شوي وجات الخدمه وهمست لمشعل بإذنه
مما خلاه يقوم بسسرعه ويطلع ركض من البيت
الكل ناظر الخدامه بذهول مستنكرين
رهف : وشش قلتي له ؟!
الخدامه بتردد : هذا في رجال برى يبي بابا مشعل !
الكل سكت من جديد وبدو يفكرون لهدرجه هالشخص مهم لمشعل عشان قام له بهالشكل
اما مشعل اللي طلع وشيآطين الأرض تنـآقز قباله
آول ما شاف رضوان مسكه من يـآقته وبعصبيه : لككك عععين !!!
رضوان ببرود : تؤتؤتؤ كذا غلط ترى كل حركاتك محسوبه هاه
مشعل فكه وبعصبيه : وويننهـآآ ؟!
رضوان ببرود وخبث : مززتك ؟! بالسسيـآره لا تخاف
مشعل همس وهو يرص على اسنانه : آلووووآططي طول عممره وآططي !
رضوان : كلامك مفروغ منه سلم وتستلم عطيني فلوسي آعططيكك زوجتكك !
مشعل طلع محفظته وعطاه بطاقة الصراف : خخخذهـآآ بس هي وينهـآ ؟!
رضوآن آخذ البطاقه : ححلو بس آلرقم ؟!
مشعل : آخر آرقـآم من جوالي !
رضوآن آشر له : تعـآل خذها
مشى رضوان ومشعل ورآه
رضوان قبل لا يركب اشر له : تلقاها ورى خذها ورآي آشغال !
فتح مشعل باب السياره وشاف العبايه تغطيها زفر بقوه وشالها وقبل لا يسكر الباب سمع رضوان يقول : لا عاد تعودها يا ولد البشاوات وتوصل لمستوى مو مستوآكك
وآطلع ضحكه عـآليه مليـآآنه استهزآء !
مشعل ناظره : ما بتمر صدقني !
رضوان بخبث : لا تحاول تلعب معـآي لأني آقدر أأذيك بسسهوله سوآء انسجنت او لا ! ببقى ككـآبوس يلاحقكك عندددي نـآس مثل الجن ما تنصصـآدد ! وحتى لو آشتكيت مو من صالحتك لأنك بتـآككلها معنا " غمز له " كلنـآآ بهاللعبه سسوآآ !!
ما رد مشعل وصفق الباب ورآه
دخل للبيت الكل وقف لما شافه
لكن ما رد على اي تساؤول وطلع متجه للجناح
دخل للغرفه وسدحها على السرير
شال شيلتها والعبايه
فتح عيونه بصدمه وقال بعصبيه : ولد آلـ.........
جسدها شبه عاري ممتلي كددمات وجروحح
قرب يشيلها وآرتجفت اوصاله لما شافها تنزف !!!
سترها بأول شي شافه ولبسها عبايتها وطلع من البيت بسرعه !
آليوم آلتـآلي ..~
راكان بقسوه : لممي آغرآضكك بدونن آي آعترآضض حرآممم عمي يكون عنده بنت مثلك !
بلعت غصتها وهي تتكور على نفسها من الألم
طلع راكان وصفق الباب بقوه وراه
راكان بصراخ : لممميـآء
لمياء آتجهت له : سم
راكان : آدخخلي سساعديها تلم اغراضها ودقي علي بعدددها آجي آخذها !
لمياء : بسس
راكان قطعها : سسوي اللي آقول لكك عليه بدونن اعتراض !
لمياء بإصرار : رآككـآن كذا ما ي
قاطعها راكان بعصبيه : لا تناقششيني موصصصله معـآي ومـآبي آطلع حرتي فيك !
لمياء زفرت بقوه وما ردت بعد ما عطاها ظهره دخلت للغرفة تساعد هاجر
ساعدتها توقف وجلستها على الكنب
هاجر بهمس : بيطلقني صح ؟!
لمياء : .............
هاجر : خخخليه يطلقني بسس لازم يفهم كل شي
لمياء : بفهمه صصصدقيني بفهمه بس الحين انتي وش يعورك ؟!
هاجر بهمس والم : كككل ششي !
لمياء : آجل ارتاحي انا بلم الأغراض
هاجر : وش بيقول لأبوي ؟! تتوقعين يقول له ؟!
لمياء : انتي وش تتوقعين ؟!
هاجر وهي تنسدح على السرير بتعب وآلم : ما اتوقع ! هو مو من هالنوع
لمياء : نقول ان شاء الله
هاجر بهمس : آلله يعععين انا غلطططت وآستـآهل اللي يجيني
لمياء : بس انتي ندممتي وهذا معناه انك تبتي !
هاجر : بس مع هذا غلطت وغلطي مو صصغير !
لمياء ما ردت وآكتفت انها تلم الأغراض بصمت
_______________________________
فاطمه بلهفه : ممتى يعني ؟!
بشار : آليوم بالليل !
فاطمه بفرحه : آحححححلف
بشار : وآلله الموضوع ما يسستاهل كل ذا
فاطمه طنشت كلامه وطلعت متجهه للغرفه
لازم تبدآ تستعد لرجعته عشان تغير كل شي
آخذت نفس عميق وزفرته وناظرت الساعه يادوب يمديني آجهز نفسي
آبتسمت بامل ودخلت تـآخذ لها شاور سريع
_______________________________
Be Right Back
________________________________
في بيت جدة مساعد
نواره : لازم تاكل يا مساعد
مساعد ببحه : مـآلي نفس !
طلال : ما بتقدر تقوم بالعزا وانت بهالحال !
مساعد ناظره : آقدر لا تخاف علي !
هدوء عم المكان والكل يآكل
قطع الهدوء صوت مساعد الهامس : راحت هي وولدي معاها ولدي اللي اخذته عذر عشان آرجعها !
ما احد علق وكلهم زفرو بألم على حاله
سناء قربت منه ومدت له عصير البرتقال : طيب آشرب العصير عشان تـآخذ فيتامينات
مساعد ناظرها وبهمس : لو اني سمعت لكلامك وصصبرت فتره آطول ما كان صار هذا كله
سناء بهدوء : الندم على اللي صار عمره ما غير شي انت قاعد تعذب نفسك وتعذب اللي حولك معاك
مساعد ما علق وناظر الصحن الفاضي اللي قباله
سناء : تبي احط لك شي ؟!
مساعد : لا ما يحتاج
سناء تنهدت وابعدت عنه
والكل رجعت عيونهم لصحونهم بخيبة امل
ورجع الصمت يعم على المكان
_______________________________
" شد حيلك في جروحي
خل هذا الجرح يكبر . .
آجتهد : عذب لي روحي . . .
ططيح من هالعين آككثر ! "
بعد عدة ساعات ..
ناظرت المكان ورجعت لفت نظرها له وبهمس : آبي آروح لأمي
راكان بقسوه : ببيت ابوك احسسن عشان ما تلعبين بذيلكك مثل ما تبين !
هاجر بلعت ريقها بغصه : متأكد ما تبي تسمع مني ؟!
ناظرها لثوآني وده يمسح دموعها اللي تلمع بعيونها لكنه لف وقال ببرود : متأكد !
هدوء عم لثوآني قطعه راكان لما قرب من اذنها وهمس : ما انصحك تعيدينها هالمره انا بتركك بس المره الجايه لو آبوك درى عنكك ما بيخليك بحالك " قال بقسوه " ما آذيتك مو لأني خايف عليك لا بس لأني مـآني مستعد اضيع حياتي عشان رخيصه مثلك !!
غمضت عيونها بقوه وكتمت شهقه كانت بتخونها
ابتعد عنها ودام الصمت لثوآني
حس بلسانه ثقيل ينطقها لكنه بعد ثوآني قال : انتي طـآلق . . طـآلق . . طـآلق !
فتحت عيونها اللي كانت مغمضتهم بشده وناظرته للمره الأخيره ونزلت من السياره
دخلت للبيت كانو كلهم متجمعين بالصاله
والحارس حط الشنط عند بداية الباب وطلع
الكل وقف مستغربين جيتها
ابو رامي بتعجب : هاجر وش صاير ؟!
وسام ناظرها لثوآني وبعدها لف وناظر الشنط اللي قريب الباب وقال بهدوء : طلقك ؟!
الكل ناظر وسام ورجع يناظر هاجر اللي هزت راسها بالإيجاب وبدت تبكي بمراره
ركضو لها البنات ومعاهم آم وسـآم يهدونها
ابو رامي جلس على الكنب مصدوم
وماجد اللي ثارت ثورته لكن مسكه وسام وبهدوء : لا تكلمه الحين بعدين هذا قرارهم وهم حرين فيه آلزوآج قدر لكن الططلاق قرار ! وهم اكيد مقررين قبل هذا كله مالنا الحق نتدخل بحياتهم
صحى ابو رامي على كلام وسام وقال بصرامه : ولا واحد منكم يفاتح راكان بهالموضوع انا اللي غلطت من البدايه وجبرت هاجر عليه !
قرب ابو رامي من هاجر وساعدها تقوم وبحنان : قومي يبه آطلعي عند اصايل بجناحها
اصايل مسحت دموع هاجر ومسكت يدها : تعـآلي
هاجر بألم : آبي آروح عند آمي !
اتجهت لأنظار لأبو رامي
اللي قال بهدوء : آطلعي من العده وتروحين عندها والحين آكلم رآمي يجيبها وبين كل يومين تجي بعد العده روحي عندها !
الكل سكت واصايل ساعدتها تطلع للجناح
وعم الصمت والكل يفكر وش بيصير وكيف ابو رامي بيتفاهم مع اخوانه وعيال عمامه !
__________________________________
الدكتوره : آعتذر لكن ما قدرنا ننقذ الجنين
مشعل : وزوجتي ؟!
الدكتوره : هي بخير لكن الواضح على جسدها اثار اعتداء او اغتصاب وانا مضطره احول الموضوع للشرطه !
مشعل بهدوء : الشرطه تعرف بالموضوع تعرضت لـ الإختطاف !
الدكتوره لانت ملامحها : الله يقومها بالسلامه
مشعل : متى بتصحى ؟!
الدكتوره : بعد ما ينتهي تأثير البنج يبي لها ساعتين او ثلاث !
مشعل تنهد : يعطيك العافيه دكتوره
الدكتوره : الله يعافيكك
جلس مشعل على الكرسي
لف على صوت امه : مششعل يمه وش صار !؟ ريم وش صار معها ؟!
مشعل بألم : طاح الجنين !
ام مشعل تنهدت : الله بيعوضكم يا يمه وش صار معاكم ؟!
ناظر امه وبضيق : كل اللي يصير لها بسببي !!
ام مشعل بتعجب : يمه مشعل وش له هالكلام هذا كله قضاء وقدر !
لفت ام مشعل على صوت عبدالرحمن : المفروض تبتعد عن هالطططريق وانت الكبير فينـآ يا دككتور مشعل !
مشعل ناظر عبدالرحمن مستنكر
عبدالرحمن رفع حاجب : على بالك ما احد ملاحظظ ؟! تسححب بشكل يومي غير انك تسحب مبالغ مو هينه انتت الككبير وآلعـآققل تلعب قممـآر اجل وش خليت لي انا وناصر وعبدالله !!
مشعل ما علق وآكتفى انه ينزل راسه ويتنهد بضيق
عبدالرحمن سحبه من ياقة ثوبه وسنده على الجدار وبعصبيه : آسسممعني زين وآللي بسسط الأرض ورفع السسمـآ ان سسمعت ان ريم تأذت من ورى هالشي ما تلومم الا نفسسكك
تركه بقوه وناظر امه : هذآآ مشششعل اللي تبدونه علي بكل شششي مشعل اللي يـآخخذ مني كل شششي آبييه !! وانا لاززم اسسككت وما اقول شي سكت وسكت وسكت مو لشششي بسس عشان آششوف لوين بنوصصصل !!! وشوفي لوين وصصلنـآآآ !!!
تركهم وطلع من المستشفى وهو يحس آنه طلع حرة السنين اللي مضت !
وهو كاتم بدآخله عششان ما يضايق آحد لكن بعد ما وصلت المشكله لأذية ريم ! مـآ يقددر يسكت بالمره !
________________________________
شسمه ذاك بس حبيت آعقب على رد شـآربه بيبسي =$
هو بالفعل عندنا شوية ضغوطات الحين !
الإسبوع اللي راح اختباري وامس اختبار شذاوي القدرات
وبالمموت قدرنا نكتب لأن كل وحدده فينا تكمل لبطل !
على اي حال آشكر مروركم ججميعـآ =)
وآتمنى آلبـآرت يكون نـآل آعجـآبكم =)
ودي لكم ..~
آلـبـآرت آلـسـآبـع و آلـثـلاثـون ( 37 )
___________________________________
تسللت بهدوء للملحق ما تبي احد يحس فيها
رتبت المكان وبعدها خذت شاور وتجهزت
نشفت شعرها ومسكت آطرآفه بفيونكه بيضآ وتركت الباقي
جلست بالصاله تنتظر
مرت ساعه .. سـآعتين
ناظرت الساعه
وزفرت بقوه بششار قال لي ما بيتأخر !
لفت على الباب اللي انفتح بالمفتاح
وسمعته يقول : مشكور يا جلال
دخل جهاد وجلس على اول كنب صادفته وهو يحس بألم بكل جزء من جسمه
فاطمه بلهفه : ججهـآآد
ركضت له وحضنته لكنه ابعدها عنه وهو عاقد حواجبه بألم : ليش انتي هنا !
فاطمه بإستنكار : وين تبيني اكون !
جهاد رفع حاجب : غريبه لحد الحين هنا
سكتت لثواني وبعدها قالت بتردد : جهاد بشار فهمني الموضوع !
جهاد بعصبيه : مو هذآآآ آححنـآ يوم تصدقيني وعشره لا وآفففرضي الحين رضينـآ وبعدين على آتفه موقف بيصير بينا لو بسس بنت ناظرتني بتشككين وتسوين سـآلفففه ! وانا ما اقددر اتحمل بهالشكل وانا جاي كلمت سسعد وهو حجز لي على اقرب طياره لأمريكا بسافر كم شهر آبي آرجع مـآبي آشوفك هنـآ !!
فاطمه بصدمه : بس ان
جهاد : مممثل ما قلت لك !!
دخل للحمام اعزكم الله يـآخذ شاور بعد ما اخذ فوطته من الغرفه
جهزت له ملابس وقعدت تنتظره يطلع
طلع من الحمام وهو لاف الفوطه على خصره
شهقت لما طاح نظرها على جسمه اللي آمتلى علامات من الجلد
قربت منه ومررت يدها على صدره وبخوف : يألمك حيل ؟!
بعد يدها وقال وهو يمشي لغرفة تبديل الملابس : مآ آتوقع يهمك !
تبعته بنظرها الين دخل وهي مستنكره شخصيته الجديده
___________________________________
اليوم التـآلي ..
مساعد منسدح بالغرفه
حس بيد تلامس يده فتح نظره مستنكر
لكن مافي احد
غمض عيونه بعدم اهتمام يمكن يتهيأ له !
فتح عيونه مستنكر لما سمع صوتها
هي والله هي
تلفت بالغرفه
قام بسرعه وطلع من الغرفه
طلع للصاله مـآفي آحد غير الخدم ينظفون
مشى راجع للغرفه
ونفض راسه من افكاره
رجع آنسدح على السرير
وحاول ينام
_________________________________
رهف : مدددري قالت امي انها صحت وانهارت وعطوها مهدئ
البندري : يا ححياتي ياهي وما دريتو للحين وش صار !؟
رهف : امي وعبدالرحمن يدرون بس محد راضي يتكلم
البندري : الله يعينها والله ويعين مشعل صددق مشعل آخباره ؟!
رهف تنهدت : يووووووووه اسكتي بس والله حالهم يجيب المدري ايش
البندري : دقيقه رهيف " صرخت " هـآآه .. ططططيب بجججي " كلمت رهف " عزيزتي آمي تبيني
رهف : آوكك
البندري : اذا قامت رويم قولي لي عشان نروحح لها سوآ
رهف : اوكك من عيوني
البندري : تسلم عيونكك يلا سلام
رهف : سلام
آمـآ عند مشعل اللي جالس على الكرسي وعيونه مثبته على وجهها ينتظرها تصحى
تنهد بقوه ما يبي يفكر بردة فعلها لما تصحى
ولا يبي يسألها وش صار ! رغم انه يحس بقلق لكن يخاف من الجواب يكون قاسي على الطرفين !
حس فيها تحرك راسها ببطأ
ثوآني وبدت تفتح عيونها بتثاقل
وقف وقرب منها بهدوء
فتحت عيونها وغمضتهم آكثر من مره تستوعب
طاح نظرها عليه
رفع يدها وباسها وبحنان : آلحمدلله على سلامتكك
ما ردت وظلت تناظره وهي ساكته وبدت تسترجع كل شي صار !
بعد ثوآني هدوء ثـآرت ثورتها وصرخت فيه : آططططططلع برى ككككككله ممممنككك آنت تغلط وانا اللي آككلها نبهتكك حذرتك آككثر من مره ولا سمعتني ما ققلت لك بيأذونـآآ قلت لكك ولا ما قلت لكك ققلت لككك اذا تأذى ولدي ما بسسـآآمحككك يا مشعل ما بسامحك
مشعل كان ساكت وهو بحالة ذهول
حس بيدين تحركه عشان يطلع من الغرفه
خالد " آخو ريم " : مشعل خلاص آطلع خليها تهدأ
مشعل بلعثمه : بس
خالد : اذا هدت خليتك تدخل خلاص آطلع
طلع مشعل من الغرفه وهو مصدوم من ردة فعلها !
_____________________________________
دخل للبيت وهو يدندن بروآقه
دخل للصاله وهو يدور هيفاء آستغرب وجود فاطمه منسدحه على الكنب ومغمضه عيونها وشابكه السماعات
قرب منها وشال السماعات : وش عندك ؟!
فاطمه بهمس : وش عندي ؟!
بشار ناظرها بتعجب : مو توك امس رآيحه متشققه لبيت جهاد ؟!
فاطمه : بيسافر !
بشار رفع حاجب : وين على الله ؟!
فاطمه : بيروح آمريكا عند سعد
بشار ضحك وهو يرمي السماعه ويطلع على الدرج : بيروحح يكمل هياته عشان كذا ما آخذك معاه
فاطمه بعصبيه : آنـآآ آسستـآهل اساسا بسس
ما كملت جملتها لأن بشار طلع لغرفته متجاهلها
آما هي رجعت آنسدحت وغمضت عيونها
زفرت بقوه لما تذكرت كلام هيفاء
" ششو ما عاد بدو اياكي مـآآ شكلو شاف لو شي شوفي بالإستراحات اللي عم يروحها وما عدتي تهميه هههههههه مسككينه حتبكي وهوي مو مهتم عن جد مسكينه "
" هاه ما عاد يبيك شكله شاف له شوفه بالإسترحات اللي يروحها وما عدتي تهمينه مسكينه انتي تبكين وهو مو مهتم من جد مسكينه "
نفضت راسها محاولة تطرد كلام هيفاء وضحكتها المستهزأه من بـآلها
_________________________________
دخلت اصايل للغرفه وبهدوء : هـآجر ما تبين تتغدين
هاجر بصوت مبحوح : لآ
اصايل : كذا ما يصير اللي قاعده تسوينه بنفسكك
هاجر : اصايل والله مالي نفس !
اصايل تنهدت وطلعت من الغرفه
في غرفة الطعام ..
ابو رامي : ليه ؟!
اصايل : تقول مالها نفس !
ابو رامي تنهد : الين متى بتظل على هالحال !
ما لقى جوآب غير الصمت
زفر بقوه واكتفى بالصمت
وهذآ حـآلهم محـآولة آنهـآ تقتنع وتطلع من الغرفه
وكل محاولاتهم بـآءت بالفشل !
_________________________________
بعد مرور ثلآث آشهر ..~
طلال بإصرار : بسس انت لازم تكمل !
مساعد سند ظهره وبعدم اهتمام : انا مافيني شي عشان اتعالج عن دكتور نفسي
طلال : تسسمي اللي فيك ولا شي !
مساعد ناظره بتعجب : وش فيني !!
طلال : مسساعد انت ما زلت عـآيش على امل ان روتان عـآيشه وهي ماتت
مساعد بعدم اهتمام : طيب وغيره ؟!
طلال تنهد : مساعد انت بديت لا تنهي كل شي الحين !
مساعد : وش آبدي ووش انهي خخلاص طلال لا تحاول انا مافيني شي !
طلال : شوف اليوم عندكك جلسسه عند الدكتور وبتروح حتى لو آضطريت اجيب لك الدكتور لهنا !
مساعد بإنفعال : انا مـآفيني شششي !
طلال ما رد وطلع متوجه لجناحه
مساعد مسك آعصابه لا يرمي اقرب شي منه
مـآ يتوهم يحس فيها جنبه يحس فيهـآ تحضنه وتمسك يدينه
يحس فيهـآ تكلمه وتقرأ عليه قرآن
لكن كيف ! هو شافها بعيونه بثلاجة الموتى !
زفر بقوه يمكن طلال معاه حق !
هز راسه يمحي هالأفكار كيف معاه حق وهو يحسها جنبه !
تنهد بقوه يحس افكاره متلخبطه وما عاد يعرف الصح من الغلط !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك