رواية ياقاتلي هل لي بكلمة -4
اللي ممكن باي لحظة تولد ماعررفت اي خبر عنها ارسلت ورقتها لبيت مرة ابوها وانقطعت اخبارها عني ، بعد تقريبا سنة جات لي في الشركة بحضنها بنت كانت تترجاني تبيني اسمع لها
بس انا ماتركت لها مجال طردتها مرة ثانية وراحت ولا رجعت اختفت من كل حياتي مرت الايام و السنوات جيتي انت و معاذ و دانية و الصغار كبروا و اللي مات مات ومنهم هي !
شروق بتفاجأ : مآتت !! وبنتها وش صار عليها وش دنياها ؟
ابو فارس : هي اللي ادور عليها هي اللي ما برتاح لين القاها اتمنى من ربي ما يقبضني لين القاها
ام فارس : اسم الله عليك بتلقاها ان شاء الله
شروق : ليش تبي تلقاها يبه ؟
ابو فارس : لانها اختس !
شروق : اختي !! انا عندي اخت غير هنادي و دانيه ؟
ام فارس : ايه يا يمه ايه عندتس و اكبر منتس بعد
ابو فارس : الله يعلن الشيطان الله لا يوفق اللي كان السبب ظلموها وخلوني اظلمها معهم وظلمت بنيتي اللي عمري ما ناظرت بوجهها عمري ما حملت لها عاطفة وهي بنت صلبي
قآم مستاء كثير و طلع لغرفته وأنا كلي استفهامات و تعجب وامي بجنبي محزنه وبشوف دموعها مخي قفل عن التفكير وش هالصدمات يا رب معقول معقول انا عندي اخت معقول فيه ناس
ناس بدم ولحم وقلب يسوون هالامور ليه لييييه وش مصلحتهم ؟؟ يا رب رحمتك يا رب انا اسمع القصة احسني بموت كيف مرت ابوي اللي صار معها كيف بنت ابوي اللي هي اختي وينها
وكيف عايشه وش مسويه بدنياها ما لقيت الا اني ادعي لها بقلبي الله ييسر عليك يا فارس و تلقاها وتجيبها لنا يا رب
***
الحمد لله نجحت العملية الدكتور فارس ما شاء الله عليه شاطر الله يوفقه و يسهل امره طيب هالدكتور على انه شاب صغير بس ما عنده حركات مثل سعود استغفر الله
طلعت من غرفة العلميات بدلت و رحت ارتاح بصراحة تعب العملية وقفت كثير مدري هي طولت ولا انا تعبانه رحت ارتاح في غرفتنا عشان برجع اسير على مرضاي بعده بخلي رائد يعملي اذن اطلع البيت ارتاح كنت ماشيه لقيت الدكتور فارس اللي طلع قبلي وكانت تمشي وراه رؤى قربت منه : مبرووك دكتور وان شاء الله من نجاح لنجاح
د.فارس : الله يبارك فيك غالية وانت ما قصرتي ونعم فيك
غالية : طيب دكتور كم بنقعد نراقب الحالة في المستشفى
د.فارس : على حسب الاستجابة بعدما يصحى من البنج انا بقعد اليوم لين اتطمن انت تقدرين تنصرفين فيه ممرضة بدالك خليتها للحالة
غالية : مشكور دكتور ما تقصر
د.فارس : العفو نقدر الكفاءات اللي مثلك
رؤى كانت توزع نرها بينا ! تناظرني و تناظر فيه نظرات عميقه ما فهمت عليها ثم سمعتها تقول بغيرة : دكتور فارس متى تدخلني معك عملية ودي اوريك اني بعد شي مو بس غاليه
ابتسم لها وناظرني : يوم تكونين مثل غاليه ، اوعدك لو ما اخذتي مكانها بتصيرين على الاقل جنبها
نزلت راسي بحيا لان واضح اعجاب الدكتور بشغلي ؛ رن جواله استئذن وراح
رؤى : غالية و غالية وغاليو وهم غالية ودي اعرف وش فيك من زود !
غالية : بتروحين الغرفة ولا عندك مرضى ؟
رؤى : لا عيوني من اليوم رجلي على رجلك وبعرف شلون اتغلب عليك
غالية : لا تقلديني تقدرين تصيرين احسن مني
رؤى بقهر : ايه تفلسفي علي وقولي الغاز ما فهمها
ضحكت لا شعوري : لا يا عيوني ماتفلسف بس انت اثبتي شخصيتك لا تقلدين شخصية غيرك !
رؤى : اقول غالية اليوم مزاجك اووك تسولفين وضحكتي بعد وش الطاري ما خبرتك كذا
مر سعود وقتها و رمى كلمته ومشى : وش عليها نآمت في العسل امس !!
يمه منه اسم الله علي كيف عرف اني نمت احلى نومه امس : .......
رؤى : الله يخلف عليه بس الولد بيموت وانت معطيته طناش
غالية : انا تعبانه تعالي نرتاح
مشينا بصمت و رؤى كانت ناشبه فيني مثل الطفل في زحمة ناس يخاف يضيع امه ! دخلنا الغرفة ورحت على طول اشغل الغلاية ابي شاهي لفيت لقيت رؤى واري تناظر
استغربت منها حيل يوم قالت : غلو تصدقين عيونك نسخه من عيون الدكتور
زاد استغرابي : انا ! اي دكتور
رؤى : فارس من اليوم اناظر فيكم نفس العين نفس الرسمة كل شي حتى طول وكثافة الرموش لو اني ماعرفكم كنت قلت اخوان لا توم بعد
غالية : الله يكملك بعقلك من شوي تقولين تبين تآخذين مكاني وهذا تفكيرك عيون ورموش
رؤى حست بشي تافه قالت باحراج : يعني حرام نشطح
غالية : لا ابد مو حرام اصلا وش دراك يمكن يكون نسختي بس الذكوريه !
حسيت رؤى ودها تصكني بالكوب في الوقت اللي اكتيفت بابتسامة ورجعت اصلح لي كوب شاهي
انتهى دوام رائد وقعد ينتظرني ستغربت منه بس اللي زاد استغرابي سعود تصدقون اليوم ما قعد يتأملني ولا سوا شي غير كلمته لرؤى عني كان مختفي تماما حتى عند المرضى ما شفته
يا جعله دووم كنت بطلب اذن خروج من رائد بس انشغلت مع البنات سولفنا وضحكنا خصوصا اليوم الحالات مو بذاك السوء الحمد لله و الفلبينيات قايمين بالمهمة ..
اليوم سولفت مع غالية يالله يا ناس بنت شفافة وراقية في تعاملها وصريحة كنا مآخذين عنها فكرة انها معقدة وشي من كذا بس بالعكس طلعت غير ويمكن هذا نقطه في بحر
حسيت بألم في نبرة صوتها يعني هي ما تفرق شي عني انا وياسمين ورؤى وحسيت رؤى مررة قاطه الميانه معها وحسيتها مررة قريبة منه حتى تقوم وتقعد معها استغربت كثير
بوريها رؤى الكلبة ذي خاينة تكون صداقات من ورانا أما ياسمين حسيت بفرحه في عيونها مدري كانت كل شوي تناظر ساعتها وراها شي ما قدرت امسك لساني
: اقول سوس وش فيك تناظرين الساعة و شكلك ينطبق عليه اللي على راسه بطحا والغريب احس بسعادة و غيرة في الغرفة هنا لاول مرة الله يتممها ويديمها علينا
رؤى بلقافة حتى اسرع من ياسمين : ايه ما دريتي بتروح مع ابوها لبيته اليوم بعد الدوام
هند بابتسامة : جد حياتي ليش ما قلتي لنا حتى نبارك لك !
ياسمين : والله مدري وش صاير بس احسني فرحانه لمجرد كلام ابوي مدري هو يبيني اقعد عنده على طول ولا بس زيارة ويرجعني
هند : تعالي ابوسك يا كلبة ولا تعلميني مبرروووك وان شاء الله فاتحته خير
ياسمين بحب : عقبالك يا قلبي
حسيت ان هند تأثرت من كلام ياسمين وغالية تناظر بصمت حبيت الطف الجو : بنات اليوم اكتشفت شي خطير
قبل لا البنات ينطقون بحرف طق الباب تغطينا كلنا بسرعة : تفضل
فتح الباب وقف عنده : السلام عليكم
كلنا سوا : وعليكم السلام
د.فارس : اعتذر عن ازعاجكم بس بغيتك غالية تعالي شوي
قامت غالية وراحت له : آمر دكتور
د.فارس : ما يآمرك ظالم ... كان يكلمها في حاله المريض في غرفة 16 السرير الثاني طلب منها ورقه وقلم لانه احتاج يكتب و عطته غالية قلمها
د.فارس : زين انت حرصي عليه و عاينيه الصبح اول ما تجين واكتبي لي تقرير وصف للحالة
غالية : ان شاء الله ، طلع من الغرفة ومعه قلمها اللي استحت غالية انها تطلبه منه رجعت تسولف مع البنات والباب لا زال مفتووح
هند : ايه رورو قولي وش اكتشافك الخطير حمستيني
ياسمين : لا يكون اكتشاف طبي بنصدم صراحة
رؤى : هههههههههه لا تخافين مو غالية انا
ياسمين : اجل
رؤى : اليوم كنت اناظر في الدكتور فارس و في غالية سبحان الله نفس العيون جحم وكبر ورموش وكل شي وربي لو ما كنت اعرفهم كنت اقول اخوان لا توأم بعد !
اللي محد كآن متوقعه ان فارس رجع يعطي لغالية قلمها وسمع الاكتشاف بلم في مكانه ثم استوعب عطاها اعتذر ومشى
مشى ومخه مشغول في غالية و اكتشاف رؤى اللي عمره ما فكر يحط و1% انها في مكان عمله حاول يشيل الفكرة من باله بس عجز !!!
رؤى : وش فيه اسم الله عليه تقولين مسه سكني
هند : جد وش فيه قلب توه يحكي ويسولف ومبتسم
ياسمين : غريب هالانسان
غالية وصلها مسج من رائد ( يلا انزلي 5 دقايق بكون مقابل الباب ) اسئتذنت على طول من البنات وقامت بدلت و طلعت متجهه للسيارة
سعود فضل يراقب من بعيد لبعيد كان يراقب رائد و غالية اللي ركبت سيارة رائد بحركة خفيفة محد انتبه لها و اللي محد داري عنه ان البنات واخيرا شافوا من يوصل غالية ~
رؤى مصومة وساكته بينما ياسمين ما قدرت تمسك لسانها : معقولة معقول اللي شفته غالية مع رائد ! كيف وليش ومتى ماتوقعتها آخر وحده توقعتها تسوي كذا
هند ما تدري وش تقول : .. ياسمين اهدي عيوني ما عليك كل شي بيبين لا تتهمين احد بمجرد نظرة يمكن فيه شي
رؤى بعصبية : اي شي ما شفتي شلون تسحبت يوم وصلها مسج شلون ركبت السيارة ولا معاملتها هي ورائد من قبل مو معقول
طلعت وتركتنا استغربت من حركتها و ردة فعل ياسمين و من الاساس فعلة غالية بس عمري ما اتهم احد بشرفه ارجع و اشوف نفسي بالاول !!
***
عارفة بجدول و نظام البيت حتى غالية متى تداوم و متى ترجع و متى رائد يجي و كم يقعد وش يصير بينه وبين غالية ، كل معلوماتها اللي تجمع توصلها بشكل تقرير يومي ؟؟
ناتالي : OK she is arrives now " سوف تصل قريباً "
... : OK you can go , keep your quiet and continue in your job " حسناً يمكنك الذهاب ، حافظي على هدوئك و واصلي عملك "
ناتالي : please I'm so tired " أرجوك أنا متعبة جداً "
... : خلصي اشغالك و لا تتشكين ، قفل في وجهها !!
ناتالي : لو ماكنت مضطرة ما قعدت هنا دقيقة وحده ،، رحمتك ربي
من هذا وش مصلحته يعرف باللي يصير في بيت غالية ؟
ناتالي ليش توصل له اللي يصير بشكل يومي ؟
.
.
.
.
.
تم الجزء السادس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجـــــزء السابع ~
ذٌڳَـــــرِى
مرت علي 3 اشهر كأنها برق رغم ثقل احداثها بس انا تعودت على المر كآنت احداث غريبة تصير بس ماهمتني اصلا وش يهمني .!.
رائد كان مجافيني ما يسأل علي ولا يهمه شي لو جا يآخذ اللي يبيه و يتركني والغريب ان الاتصالات اللي تجيه واحسه يقشعر منها زدات الفترة الماضية ودي اعرف بس ما اتجرأ اسأله صار يمد يده كثير علي مره قص لي شعري ورماني انام بالصالة ناتالي اخذتني غرفتها هدتني ونومتني عندها ...
مستغربة كيف ابوه سامح له ينام برا البيت وهو كان يرفض مدري يمكن عشان سعد رجع !
سعود اختفى من نظري ما عدت اشوفه و اذكر انه اخذ اجازة اسبوعين و رائد وافق له عليها لانه تقرب منه الفترة الماضية بس اللي ماتوقعته الدكتور فارس
يحاول يترقب مني باي طريقة ما احسه ناوي لعب و نظراته لي حنان واحس بعيونه كلام بس ماعمري اهتميت اعرف على اني انشغل بهالسؤال يوم اشوفه !
رؤى تحمست في الدراسة و الشغل اكثر و فعلا صارت محل اعجاب الدكاتره و علاقتها فيني رسمية جدا اليوم مريت من السيب شفتها واقفه مع رائد عند مكتب المدير مدري وش عندها بس نآظرتني بنظرات ارعبتني ورائد ولا التفت لي !
ياسمين يالله كلمه ورد غطاها و هند ما تهتم تحكي معي يعني حكينا حكينا ما حكينا مو شرط !
يزيد كان دووم متلخبط وما يدري وين الله حاطه و ياسر ملقوفنا سمعت انه خطب بنت خاله الله يتمم على خير و
الدكتور نواف تركنا بيكمل دراسته في المانيا الله يوفقه
تعبت من الروتين الممل اليوم انا في وحدة الكلى كانت معي طالبات تدريب وبسبب تفوقي في اغلب التخصصات حطوني مشرفة لهم يا حلوهم 5 بس شكلهم نشيطات الله يوفقهم
جلست اراجع اوراق التقييم لهم ما ودي اظلم الوحده فيهم واكيد عندهم احلام واماني راسمينها احاول اعلمهم والمح لهم طريقة التقييم قبل كل عملية تقييم كمساعده كنت دايخه وحالتي حالة بس اقاوم مرضي مدري فجأة احسني تعبت لا هي انفلونزا ولا شي واقولكم سر .. انا اخاف من الابر كثير على اني محترفة فيها كأنها تخصصي !
شاكه بشي فيني وفي نفس الوقت اقول مستحيل يكون هو اصلا لو عرف رائد بيذبحني ؛ جد ترى ما استهبل !!
نزلني ساهر عند باب البيت على غير العادة أنا طلبت منه لاني بصراحة ابي الف في الحوش ولا ابيه يكون موجود قلت له يروح لاهله لو يبي طلبت من ناتالي تطلع لي الاكل في الحديقة كنت قاعده تحت المظله اللي محوطتها الورود بمسار جميل كان فكرة ناتالي .. أنا أحب المشوي بس نفسي رفضته اليوم ولي كم يوم مدري وش السبب اقصد اخاف يكون هو !
قالي رائد مرة تنسين فكرة يكون عندك ولد بيوم ومني بذبحك واشرب من دمك فاهمة هذا اول ما تزوجني يوم كان عمري 12 سنة ! يالله لي 11 سنة متزوجة ‘ يعني أمي الله يرحمها لها 11 سنة متوفية الله يعفو و يتجاوز عنك فقدتك يا ماما من رحتي عني لقيتني بعدها باسبوع زوجة لرائد القاسي اللي منزوعه منه الرحمة
اذكر زواجي الفعلي كان وانا بثالث متوسط عمري 14 كرهت عمري وكرهت رائد وقته بس بعده تعودت لان الشي مو بيدي اصلا ولا على كيفي ، زواجي منه كان سري و اللي اعرفه حتى ابوه مو عارف بوجودي
راحت بي الافكار لبعيد ودمعت عيني يوم حاولت اذكر يوم حلو لي مع رائد خلاني احبه غصب رغم قسوته وفي نفس الوقت انا بدونه ولا شي الله يخليه لي
تركت الغداء مكانه وقمت رحت المطبخ عصرت لي برتقاله وليمونه سوا شربتهم بدون سكر .. اشتهيته بس وطلعت انام .. برتاح شوي
***
دخلت البيت حالتي حاله من الدوآم اليوم الوالدة يا عمري عليها فديتها تعبانه وتكآبر بس شديت عليها وزعلت ما رضيت لين ارتاحت في فراشها الوالد تحسنت نفسيته شوي يوم قلت له اني تقريبا لقيت بنته بس تفصلنا خطوة عن الحقيقة صار يداوم بشركته و وليد معه فديت هالوليد ماغير مسافر الله يعين زوجته و يصبرها بس اللي ناوي له للحين معاذ ودي يشغله شي غير عن الهواش مع دانية اذاها هنادي مع طالباتها صجتنا تقول هي اول مدرسة في العالم !
كانت في استقبالي شروق : هلا وغلا باخوي فديته كيفك
رميت نفسي على الصوفا الطويلة بنص الصالة : اممممم مرهق وجوعان وش غداكم اليوم
شروق : كبسة يحبها قلبك
فارس : يالله كبسة من زمن عنها ميت عليها تكفين شروق ابي
شروق : من عيوني دقايق ويكون الغدا عندك روح بدل ثيابك واغسل
دخلت لقيته متسدح بالصالة شكله هلكان مغطي عيونه بيديه رحت له على اطراف اصابعي ابي اخرعه وطلع انا اللي اخترعت يوم سمعته : هنادي تعالي همزيني
بلمت في مكاني ثم استوعبت ورحت له : وشلون شفتني اسم الله عليك ما امداني
فارس : عن الهذرة يلا انا متكسر
هنادي : لا مآبي توني حاطه زيت اظافر بغذيهم فديتهم
فارس : يعني الحين اظافرك اهم مني قومي فارقيني يلا
هنادي : افاا ياخوي مو هقوتي تطردني
فارس : اخوك ببلاش توك رافضة تهمزين يلا طسي مالت على فيسك فديتها شروق وخيتي
هنادي تصرخ عليه : وفديتني انا بعد فاهم ولا افهمك بطريقتي !
ضحك عليها : وقسم مهبولة !!
هنادي : أقوول فارس وش صار على غالية
سكت شوي ثم : ان شاء الله قريب بعرف ، فيه شي براسي سويته وهانت ان شاء الله كل شي بيبين
هنادي : وناسة يعني غالية بتجينا قريب البيت
دخلت عليهم شروق : لا تتأملين كثير اخاف ننصدم تعرفين
هنادي بخوف : فال الله ولا فالك ان شاء الله بتطلع هي
شروق : ان شاء الله يلا فارس تعال تغدا
قام من مكانه : يلا مشينا
هنادي : خذووني معكم
***
لي فترة قاعدة ببيت أبوي اشتقت لهبال رؤى وهند اللي تهدي صراخنا و تفارقنا وقت تمعيط الشوش فآيزة ما تعاملني كويس و بنفس الوقت ما تعاملني بسوء لذيك الدرجة وانا قاعده كآفيه خيري شري اتقي المشاكل واولادها ما كأنهم متقبليني للحين العلاقة رسمية ما عدا رهف اللي احسها فرفوشة على الطاري من زمان عن البنات و الشله و الهبال فقدتهم ورجتهم الله يرج ابليسهم اقعد اذكر كل وحده فيهم سبحان الله كل وحده لها قصة فينا و القصة مره نعرف تفاصيل بعض بس بصراحة مستغربة هند ماتحكي عن اهلها وانا بصراحه ماحب اضايقها اعرف بقفدانها لامها والسالفة تحز فيها حتى لو تكلمنا عن اهلنا اشوفها تكتم وملامحها تتغير ودي اعرف وش سرها !!
***
اللي واضح لي ان الوالد شال فكرة الزواج على الاقل في الفترة الحالية .. يكون افضل له ولنا لازم بالاول نعالج منطقه الغريب في مسألة سكن سعد حالف عليه ما يسكن برا البيت !! سعد عنده زوجة واولاد وانا بنظرهم عزوبي بالبيت ما ينفع كذا كل من يبي يآخذ راحته ~
كنت بغرفتي قافل على نفسي مابي اكلم احد ولا اشوف احد الافكار تآخذني وتوديني وكله من تحت راس البلا هذي اللي اسمها غالية
: استغفر الله و الله مو قصدي اسب فيها ولا شي انا مجبور عليها و كرهتها اكثر بعد المعاملة اللي تجيني بسببها ، طق باب غرفتي
الجازي من ورا الباب : يلا رائد العشاء
رائد : مآبي شي تكفين خليني في حالي
الجازي : رائد لو ما فتحت الباب بضطر انا افتحه خلاص عاد ما صارت كم لك
قمت بدون نفس فتحت الباب : آمري
الجازي : يا رائد لا تعذبني خلاص عاد يلا قدامي نبي نتعشى كم لك ما قعدت معنا
رائد : يايمه يا حياتي تشوفينها عدله اقعد انا ومرت اخوي بسفرة وحده !
الجازي : مثل ما تشوف ما بيدي شي اصلا انا في هالبيت ما عاد لي لزمة ماتنسمع لي كلمه ولا اقدر اسوي شي
رائد يبوس راسها : لا انت الخير و البركة يلا انا جاي دقايق ابدل
الجازي مبتسمة : دقايق طيب بعدها بجي اسحبك , ولا تقفل الباب علمتك
رائد : ههههههههههه فديتك يمه ~
***
أشتآآآق لك ..
وأحتريكْ ،. . . . ..
ليتك تشوف ش كثر يتمنى قلبيْ " أمانك
في الكم يوم الماضية ماعدت اشوف رائد هجرني و بصراحة خفت عليه لدرجة اني تهورت بيوم و دقيت على بيتهم بس ما قدرت احكي لاني سمعت صوت اخته واضح منه العقل و الثقل و الجديه فعرفت انها الجازي قفلت لاني تطمنت نبرتها ماتبين شي خطير قمت اجهز للدوآم تذكرت اليوم النتايج بتطلع عند الدكتور فارس اخذ مني عينة دم بيسوي لي تحاليل لاني اكثر من مرة تعبت في وجوده قمت افطرت و تجهزت وطلعت حالتي تحسنت عن الايام الماضية كثير الحمد لله ؛ الجو جدا بارد دخلت المستشفى بسرعة لأنها دافية وطلعت فوق غرفتنا بهيأ نفسي للدوآم اليوم بريح شوي مافي طالبات التدريب برتاح يعني لقيت رؤى قاعده تشرب كوفي .. تدفي نفسها
: السلآم عليكم
بدون لا تناظر فيني حتى : وعليكم !
شلت عبايتي ورتبت طرحتي وعدلت نقابي رحت اصب لي مويه حاره وانا معطيتها ظهري : شلونك رؤى
رفعت عينها وناظرت بطرفها : كنت بخير
زآد استغرابي منها اخذت الكوب و لفيت قعدت بجنبها : رؤى وش فيك
باستنكار : مافيني شي انت وش فيك ؟!
غالية : انت لك فترة مو طبيعية من اهتميتي بالعلم و الشغل تكبرتي علينا ايه وش عليك صارت لك مكانه
بعثرت نظرها في ارجاء الغرفة : لا ابد بعدين تعرفين على اجتهادي وحماسي ما وصلت ربع اللي انت فيه ريحي
قلت لها بمزحه : تغارين مني
ناظرتني بحده : على وش يا حسرة لاتاخذين مقلب في نفسك انت بس مجتهده في شغلك وحريصة عليه ولا غيره ما اشوف شي يستاهل
بصراحة صدمتني بكلمتها ما قدرت اجاوبها ظليت اناظر فيها بلا وعي وهي بعد ناظرتني ثواني لبست برقعها و اختفت من عيني ؛ ظليت بمكاني افكر طردتها من بالي و حطيت رائد
اشتقت له و الله ما اقدر اسأل عنه في البيت ولا في المستشفى جواله مقفل ولا فكر يطمني ادري ما يحبني بس على الاقل انا تحت اسمه لفتني دخول هند للغرفة ما شاء الله جايين بدري
: السلام عليكم
رديت بهدوء : و عليكم السلام .. ظليت اشرب من الشاهي وانا سرحانه
حسيت فيها وتقعد جنبي همست : وش فيك غالية ؟
رديت بلا شعور : رائد مدري وينه .. بعده بثواني انتبهت بس وش انا قلت عدلت قعدتي وانا اناظر فيها بطرف عيني شفتها تناظرني نظرة غريبة : رائد ما غيره ؟
سكت ما رديت ماعندي شي اقول وربي لو عرف رائد اني قلت شي بيقلتني من فوره مو راحمني
: ليش ساكته فيه شي ماعرفه و احتاج اسمعه منك ماحب اظلم احد !
صدمتني كلمتها حيل وشفتها قربت مني انا ارتعت : ممممم مافي شي صدقيني
هند : مو علي غالية انا من زمان ملاحظة عليك حتى البنات هذا سر معاملتهم الجافة معك لو تسألين يعني
نآظرتها بتهرب : هند صدقيني ما في شي بس ما شفته يدآوم له كم يوم
لفيت وجهي بسرعة وشلت الكوب بشرب منه بس فاجأتي حركتها يوم لفتني بقوة لدرجة رش الكوب عليها حطيته بسرعه وكانت هي اسرع يوم دخلت الحمام وقفلته حاولت معها انها تفتح بس ما قدرت اخاف على بالها اني متعمده اعتذرت منها بس ما فيه فايدة رحت قعدت على الكرسي اكيد بتطلع ، بعد دقايق صمت طفشت اسمع حسها بس ماتبي تطلع
فكيت نقابي و طرحتي بعدل حطيتهم على الطاولة انفتح الباب بقوة حسبتها هي طلعت فزيت بروح لها لكن صدمني اللي شفته ، الدكتور فارس ! ايه الدكتور فارس كيف سمح لنفسه يدخل علي حتى بدون لا يستئذن بلمت واقفة بمكاني كان يناظرني بغضب و حنان بنفس الوقت : غالية انت متزوجة ؟؟؟؟؟
فتحت عيوني على وسعها توترت : اااا لا ليش
فارس بعصبية من بين اسنانه وصوت مسموع : ليش نتايج التحاليل تقول انك .. حـــآآمل !!
حسيت الدنيا تلف فيني حامل أنا حامل لا يا ربي لا مستحيل قرب مني ومسكني من ذراعي للحظة حسيته ابوي صرخ فيني : تكلمي انطقي النتايج تكذب
في هالوقت مر سعود علينا وقف يناظرني متعجب حيل دخل الغرفة كأنه بيتاكد من شي شفته يقرا اسمي من البطاقة ناظرني بخبث : كل يوم مع واحد ما ينشره عليك يا .. يا رخيصة
فارس وعصبيته واضحة وكان يغطي علي لا يشوفني سعود قال بحده : سعود تحرك لا ارتكب جريمة الحين
طلع سعود و مشى في الوقت اللي حسيت بزياده ضغط فارس على ذراعي و سمعت الباب انفتح و طلعت منه هند تناظرني بنظرات ما فهمتها واللي زآد دخول رؤى مع ياسمين اللي توها وصلت ما قدرت اتحمل الموقف لفت فيني الدنيا لف ما عدت اميز الوجيه حولي اكسجين يا ناس ابي اكسجين ما قدرت انطق بحرف طحت من طولي .. بين دكتور و ممرضات !!!!!
***
حالتي حالة من كم يوم ما طلعت من البيت ولا لي نفس لشي حتى ما نعّمت اكلي مو بذاك الزود احسني نحفيت هذا تأثير النفسية غالية ما اقدر اتركها و في نفس الوقت ما اقدر انفذ اللي طلبوه و المشكلة ابوي ما علق على الموضوع كأنه عاجبه الوضع وش يعني هم يخططون وانا انفذ ولا يهتمون لي ومشاعري وش ابي انا بالطقاق اهم شي مصلحتهم هم
على طاري المشاعر اللي فيني مو حب لغالية أنا ما احبها لو اظهرت لها بعض المشاعر و الكلمات بس أنا تعبت امشي ورا كلامهم واللي ابي اقرره صعب وانا افكر اعاندهم مو منفذ طلبهم ولاني تارك غالية على كيفهم يزوجون ويطلقون ؟؟!!
رن جوآلي الا تصال الوحيد اللي يجبني على هذا الرقم رديت بدون لا أناظر الرقم : هلآ طآل عمرك
سيف : لمتى بتقعد حآبس عمرك و حآبسنا معك ؟
رائد : هذا وقتي اللي افكر فيه خلوني براحتي
سيف : راحتك طولت و غالية بدون رقيب وشكلها مسويه مصيبة !
وقفت على طولي رغم اني حاس اني رجليني مو شايلتني : كيف ! وش تقول ؟
سيف : انا اللي المفروض اسألك لحق عليها نايمه في المستشفى طاحت هناك
رائد : ان شاء الله بعد اذنك بروح
سيف : رائد صدقني ما بيصير لك خير لو يمسها مكروه ، تصرف مابيهم يعرفون علاقتك فيها بس طلعها من الموقف
خلص كلامه وقفل وانا مو مستوعب الكلام اللي قاله ولو اني حسيت بنبره حانية بصوته همي الوحيد وش صار مع غالية !
طلعت ركض للمستشفى ماشوف اللي قدآمــــي مدري شلون .. بس وصلت !
***
سارا طيبة وبنت حلال بس عليها طلعات صراحة تنرفز ودي لو سعد يآخذ لها بيت لحالها بس المشكلة هنا الوالد رافض هالشي يبي عياله تحت سقف وآحد وبصرآحة ماحب افتح معه موضوع يزعجه .. كنت قايمة من الصبح كعادتي لين مداومة في الجامعة سارا في الجيم تعمل رياضة تحآفظ على نفسها فواز و عبد الإله بمدرستهم رائد كالعـ ..
على طاري رائد شفته نزل بحاله فوضى وطلع من البيت الله يستر وش فيه اصلا هو له كم يوم مو طبيعي يقوم بعد يطلع من البيت بهالحالة ركضت على التلفون ادق عليه .. مآيرد !
انشغل بالي عليه جاتني ساره : good morning JOJ
رديت لها : هلا سوسو حيآك
قعدت بجنبي و هي تآكل تفاحه : تدرين شي ودي لونطلع اليوم انا وانت ولين نروح نتسوق و نفلها لحالنا بدون اطفال نرجع ايام المراهقة
: بنشوف وش يصير على حسب الوضع اليوم
سارا : يلا عاد فكيها مو زين اللي تسوينه بنفسك ما تطلعين من البيت و حريصة بزيادة بتشيبين قبل عمرك
الجازي : غصب عني مو بايدي
سارا : قولي تم وقسم لأحببك في الطلعات و الجيات وتدورينها دوارة
الجازي بابتسامة سخرية : اذكر ما تركت مكآن ما رحت له بس عآد تغير الزمن و تغيرت الظروف !
سارا : مآلي شغل فيك بتجهزين و بتجي لين و بنطلع انا خذيت اذن سعد و قال لو وافقت البنات ماعندي مآنع
قالت كلامها وطلعت مدري وش قصدها بطلعة اليوم بس الله يرزقها على قد نيتها !
***
الفجر قمت مصدعة وحلقي يوجعني حالتي حالة شربت لي حليب دافي يمكن اخف طلع مافيني حيل حتى افرد طولي فديتها دانية جابت لي بطانيتها اتغطى عن البرد و الله قلبي عورني على طالباتي اليوم بيضيع عليهم ما راح يستفيدون شي مافي مدرسة تغطي مكاني لان اغلب المواد اليوم موادي وكل مدرسة مشغولة ببنآت فصلها ، جوعانه مرره ولاني مشتهية و مصدعة
رفعت التلفون دقيت على المطبخ جابولي فطاير جبنه وحليب بالزنجبيل لعل وعسى اخف بنتظر فارس يجي يعايني فديته تذكرت فارس و وحماسه مع غالية و شروق وبرودها اللي أنا متأكده انها اكثر وحده متحمسة لجيتها بس تكآبر ولاتبي تتعلق بسراب على قولتها وليد الا صح وليد لي زمن ما شفته الله يوفقه كبر صار رجال يعتمد عليه عقبال معاذ ويفك دانية ويعقل
اكلت فطوري و انسدحت كمحاولة للنوم بس جافاني على اني اخذت علاج اسمه فلو تآب !!
.
.
.
.
.
تم الجزء السابع
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثامن ~
صَـــــدْمَــة
كنت واقف على راسها معي هند هي سمعت الكلام اللي صار بينا نبهتها ما تحكي لاحد ابد كنت اتأمل غالية وملامحها احاول اشوف فيها شبه من اي احد فينا بس شكلها طالعة على امها ، يمكن امها اي يمكن الا اكيد امها امبراطورة جمال دام هذي غالية ما شاء الله عليها حتى شعرها كان طويل وناعم ما قدرت ما اسمح لنفسي اني امسح عليه واطبع قبله على جبينها لسى انا ما تأكدت من التحاليل اول ما وصلتني ترددت وتوترت بس فتحته ابي اشوف المطابقة مع ابوي بس طلعت لي النتيجة اللي صدمتني غالية حامل ما اذكر انها متزوجة و لا اذكر عليها حركات مدري انشل تفكيري رحت اركض لها لقيتها بغرفتهم وصار اللي صار لاحظت هند كيف تناظر بنظراتها لي تجاهلتها ادري تفكيرها شطح الحين بس ماهمني اكبر همي اختي غالية ايه اختي ليش اعلق نفسي اكثر النتايج عندي بروح اشوفها عشان اطرد كل الافكار البشعة من الكل رغم حملها !!
: هند الله يعافيك انتبهي لها ومثل ما وصيتك لحد يدري بالسالفة لازم اخلص كم شغلة معها احفظي السر تكفين
هند وكانت متعجبة مني : ان شاء الله دكتور
فارس : اي شي يصير بلغيني بسرعة ولو قامت بعد قوليلي
هند : طيب لا توصي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك