رواية جمعتنا الصدف وفرقنا القدر -28
ملاك انحرجت: انا بقعد اهني
نور: يلا بلا دلاعة ملاكو
ملاك: انتوا اسبقوني
نور: ريم انتي اسبقيني وانا بجي معاها لانها مادلي القصر
ريم مشت بنعومة ورقة: تييب
مشكورة على التصميم |[أغنية آلحب]| M
التصاميم كلها الصور اصوري يعني ذوقي ههه بس المصممين يختلفون بالنهاية بذكر اسم مصمم مصمم صمم لي تصميمه و وقف معاي بالرواية
ملاك: استحي نور
نور: يلا خل يتعرفون عليج ترى عادي
ملاك: انتي طبقة وانا طبقة
نور: وش هالكلام الناس طبقات بلأخلاق مو بالطبقات الاجتماعية والمال
ملاك لاحظت شبه بين نور وأحمد بس متشوشة : اوكي
ام سامي قاعدة بالصالة مع بنتها عبير
عبير أخذت لها كيكة سيراليك وأكلت منها
ام سامي: عبير سامي مآدري وينه مختفي
عبير: يعني انتي ماتعرفين سامي موجود وكأنه مو موجود
ام سامي: بس انا خايفة عليه صار له فترة مابين
عبير: مو مشكلة مرده بيبين يعني وين بيروح مرده بيرد
ام سامي: بصبر يومين اذا ماشفته بتصرف تصرف ثاني معاه
عبير: عاتي..المهم نبي نستانس الحين
عبير بطبعها عايشة حياتها وضاربة الكل بالطوف ومحد يهمها غير
نفسها وأنانية
ريم نزلت لصالة وسلمت عليهم: سلام عليكم
عبير وام سامي: وعليكم السلام
عبير: ياهلا
ريم قعدت على الكرسي: اهلا
عبير: من انتي
ريم: انا والشلة الي بينزلون صديقات نور
عبير: اهاا تشرفنا
ريم رفعت راسها وبملامحها الغنجية : هذي انتي
عبير: ليش اتعرفيني؟
ريم وقفت بكل ثقة: ههههـ مآتذكريني
عبير:لآ مآذكر
ريم قعدت بوسطهم: ماتوقعت تكون ذاكرتج ضعيفة
عبير: احيانا الذاكرة تخونه
ريم: تصدقين قلتي حكمة
عبير: الزبدة
ريم: انا اخت تركي
عبير تذكرت: اهاااا هذي انتي
ريم: ايه انا
عبير: والله كبرتي واتغيرتي
ريم: ايه مافي احد يظل على حاله كلنا نكبر ونتغير وبصوت خفيف
الا انتي ماراح تتغيرين
عبير: شقلتي كأني سمعت شي
ريم: سلامات قلبو
نور نزلت مع ملاك من الدرج المفروش بالسجاد الأحمر: أعرفكم على ملاك
ام سامي: تشرفنه والله
ملاك تقدمت بثقة وباست راس ام سامي : شخبارج خالة
ام سامي: الحمدالله بخير عايشين
ملاك قعدت على الكنب بكل ثقة
عبير: من وين الشيخة
ملاك ماعجبتها نبرة عبير: من الكرة الأرضية
عبير: تستهبلين
ملاك: هههه شدعوة استهبل انتي سألتي وانا جاوبت
نور رمشت لعبير: عبير أجلي مشاكلج وقت ثاني نبي نستانس الحين
عبير انقهرت ومشت عنهم معصبة وطلعت على الحديقة تشم هوى
ريم: زين ماسويتي فيها
ام سامي استغربت من ريم: يؤؤ ليش تقولين هالكلام
ريم: تستاهل الي ماتستحي
ام سامي: مااسمح لج تغلطين على بنتي حدج عااد
ريم عطتها ظهرها وقعدت تتكلم مع شهد
ام سامي بداخلها: قلة أدب والله
دخلت ام أحمد على اصوات البنات: سلام عليكم
الكل: وعليكم السلام
ام أحمد قبل لاتقعد على الكنب أخذت لها عصير وقعدت بكل هيبة
ملاك همست لنور: نور خل نطلع بره اشوي
نور: اهني احسن
ملاك: ابي اشم اشوية هوى
ام أحمد: ما كأني شايفتج قبل
ملاك حست الكلام موجه لها: ايه
ام أحمد بغرور رافعة خشمها: وش هالبس الفاصخ الي لابسته لنا
ملاك انحرجت بقوة بس ماحبت تسكت: لبسي مافيه شي والله وثانيا كلنا
بنات والأهم من كل هذا انه عاجبني
و وقفت بكل ثقة وطلعت على الحديقة
نور: يمه وش ذاااا الكلام الي قلتيه حراااام عليج كلنا لابسين نفس لبسها
او لا بعد اخس من لبسها وثانيا صح كلامها كلنا بنات وين المشكلة
ام أحمد: لا اهيه فاصخة كلش ماتستحي او لابعد قليلة أدب مادة لي السانها
ماتحترم ولا تحتشم من أكبر منها كلش آخر زمن
ملاك صح كانت التنورة عليها قصيرة بس كانت لابسة جورااب طوويل ناعم
شفاف يعني طالع عليها حلو وستايل
نور: يمه لبسها كان حلو وعادي مافيه اي شي مو فاصخ مثل ماتقولين وحتى لو فاصخ
قعدت بنات.. جذي يمه اتفشلين قدام صديقتي
ام احمد: وانتي ان شالله من وين متعرفة على هالشكال بالله
نور مآدرت على امها وطلعت لـ ملاك
ام أحمد: والله قهر صج قلة أدب بنات هالزمن كلش مايحترمون
الي أكبر منهم ولا يحتشمون نفسهم حتى
ام سامي: بس البنت شزينها والله مافيها شي
ام أحمد: لا فيها او نص ...يلا انا ماآضيع وقتي الثمين بطلع
على غرفتي ونورو حسابها عندي بعدين
ام أحمد وهيه طالعة على غرفتها تفكر ..اففف مو كفاية عليّ متحملة ولد مو ولدي
بعد يجون يكملون عليّ هالبنات بس ماعليه يبو أحمد انا صبرت اب هالاسم
سنين وانا ينادوني ام أحمد بس هالسنين كلها بعوضها بحلالك
رهف لاحظت شكل ام أحمد : شهد شكلها شريرة
شهد: عييب مايقولون هالكلام
دانا: اووف لاتعكرون علينا ليلتنا
نور طلعت بالحديقة مع ملاك تتمشى معاها: ضايقج كلام امي
ملاك بثقة عالية: ههههه لآ مآهتميت لكلاآمها مو مهم تعالي نقعد على الكراسي
نور تمشي مع ملاك و موبايلها بيدها: ههههه يلا
ملاك: من حبيبج
نور: سر هههه
ملاك: هههه يعني براحتج
نور تضحك مع ملاك وتاخذ وتعطي معاها بالكلام مو لأنها مسرورة
لآ اتخفف على نفسها اهمومها وفرقا تركي عنها وتحاول تتناسى
ملاك: تفكرين فيه
نور: اشتكي هم فراقه اوقسوته.. مادري شقول..!
ملاك: وين المشكلة..؟
نور: الحياة احسها ظلمة و قتمة بدونه..تعود اسمعه كل يوم
تعودت اشوفه كل يوم ..بس صار شي مو بيدي
ملاك: وضحي
نور امنزلة راسها: سلطان
ملاك: شفيه سلطان
نور: هو السبب
ملاك فهمت: اهااا
نور: ان شالله يكون بخير احاتيه
ملاك: ان شالله بخير لاتحاتين حبيبتي
نور: ان شالله بخير
ملاك: صايرة حياتج مرتبطة فيه مو؟
نور: ايه تعب البعد والشوق كرريه
ملاك: هذا الي كنت ابي اوصله لج لين ابتدت لحظات الفراق
ودقات الساعة بدات تمشي ...بيتضح كلشي بين عيونج
نور: وش الي راح يتضح مثلا..!
ملاك: راح تعرفين وش اقصد بس مو الحين بعدين
و مثل ماقلتلج هذي حياتج وانتي أدرى بالطريق الي تمشين فيه
نور رفعت عيونها: انا مآحب أحد يقولي هالكلام ويخوفني
ملاك: هههه عنوني الخوافة لاتخافين الي الله كاتبه بيصير
نور: ايه
ملاك: ابي العب هههه
نور: ليش جهال نلعب ههه
ملاك: قومي نلعب خشيشة
نور: قصدج وحدة فينا تنخش في مكان تتغيب عن الثانية و وحدة
منا تدور الثانية غميضة يعني
ملاك: ايه عليج نور هههه انتي انخشي وانا بدورج
نور: اوكي غمضي عنونج وعدي من واحد للعشرة
البنات كلهم يتراكضون هجوم على ملاك ونور
الكل: خوووونه
نور: ههههه يلا انضموا لساحة اللعب
دانا: وش بنلعب
ملاك: انتوا تنخشون وانا ادوركم والي اصيدها تاخذ مكاني
وهيك يعني من واحد لواحد واذا حصلتكم كلكم تعطوني جائزة
نور: ايه جائزة كف هههه
ملاك: يلا انخشوا وبدوركم
البنات كل وحدة تهمس لثانية...وين راح تنخش
شهد: اوكي لاتغشين ولا تفتحين عيونج الا لمى اتخلصين العد من واحد لعشرة
ملاك: لا مابغش دببتي هههه يلا انخشوا
نور ركضت ونخشت خلف الوورد اما دانا انخشت خلف النافورة
وريم انخشت خلف الشجرة ...وابتسام وسط الحشيش امغطنها..ورهف
لقت لها باب فتحته ونخشت خلفه ..وشهد انخشت في اسطبل الخيول
ملاك: عشششششششرة بفتح
ملاك وهيه تمشي اصدمت بوحدة قريبة من النافورة
ملاك: دانو صدتج يلا قوومي
دانا: ايه انا مآعرف العب
ملاك لقت وحدة تتحرك وسط الحشيش: وانتي الثانية
ابتساام: لآلآلآ مااني
ملاك اتحركت اشوي اتلف ودور: نورووو انتي ورى الورد صدتج
نور: لآ ماني صادوني
شهد طلعت من الاسطبل تركض وباست الجدار: مآصدتيني ويوو هههه
ملاك ركضت خلف الشجرة وصادت ريم: تقريبا صدتكم كلكم هههه
ورهف طلعت من خلف الباب وعلى طول باست الجدار: ماصدتيني انا
ملاك: مو مشكلة المهم صدت كم وحدة
نور: تعبت خل نرتاح
فراس بالاستراحة...يشرب قهوة ويطالع مباراة
عزام: فراس ممكن
فراس: اتفضل
عزام: وش قصتك
فراس نزل القهوة من فمه: تبي تعرف قصتي
عزام: اذا ممكن
فراس: انا والله امي كانت حاملة فيني بالخطوبة وانت اتعرف عقلية
مال اول او تفكيرهم وعقول العجايز
عزام: ايه
فراس: امي يوم حملة فيني بالخطوبة قالوا اني ولد حرام وجذي
يعني وجدي قال يا امي وابوي يطلقون او يطيحوني يعني يسقطون
امي ..وامي مارضت ..وجدي كان يقول لبوي يطلق امي
مايصير ولد حرام ووو الخ ابوي ضرب امي ضرب وأصرت ماطيحني
يوم طلعت على وجه الدنيا كانوا يعاملوني معاملة الكلب
جتني ايام بالاسابيع مآكل يوم يأكلوني أكل من الزبالة ويوم بالضرب
يعني عذبوني وكنت كل يوم قبل لا أروح المدرسة انجلد وانضرب ضرب
قوي حتى جسمي يتلون من الضرب يعني عذبوني لانه امي حملت فيني
بالخطوبة وكان ابوي دايما يضرب امي عقب ماولدت فيني
وكل واحد كان يسميني ولد الحرام ...بعدها كبرت ودرست برة ديرتي
وهجرت الناس كلهم يعني تقدر تقول اني درست برة ديرتي
لاني ماتحملت الكلام تعبت منه محد رحمني ..بعدين عقب ماكبرت اشوي اعترف
فيني ابوي ومحد صار يتكلم عليّ ويقول اني ولد حرام...بس تصدق
من زود الضغط تمنيت الله ياخذني حسيت حياتي مالها داعي...بعدين في سفري بالكلية
كنت مرة حزين وتعبان ..حتى مرة طاحت دموعي بالكلية لأني تذكرت امي
وحياتها مع ابوي كنت ادور كلينكس مآعندي جتني بنت وعطتني كلينكس
وقعدت بكل خجل وسألتني خايفة عن سبب دموعي وحزني ..وقلتلها عن حياتي
واشلون اتربية ...وحزنت على حالتي..وقعدت اسولف معاها اشوي اشوي واتقرب منها
لأني ارتحت لها بس اهيه ما كان قصدها شي كان قصدها شريف بس تساعدني
وتستفسر عن سبب حزني وكانت تتجنب نظراتي وتتجنبني بكبري كنت دايما
معجب فيها مرة كانت تمشي بالشارع وانا قريب منها حاولت أعطيها رقمي
اكلمها عن مشاعري بس ماعطتني فرصة وابتعدت عني قبل لاأكلمها ..
بس مرة صادفتها بالكلية وتمكنت منها وسحبت يدها وعطيتها الرقم
ومشيت عنها بسرعة وهيه انحرجت من تصرفي هههه كنت اناظرها
من بعد صار وجها أحمركنت أضحك على شكلها اشوي واتصيح مآعرفت اشلون
تتصرف..بعد ايام لقيت اتصال منها واشوي اشوي كلمنا بعض واتعرفنه على بعض
حتى حبينا بعض وصارت علاقتنا ببعض قوية ..بس جى يوم مو على البال
تركتني مادري شسبب كانت مع شاب تقعد بشقة
خانتني قالوا لي لاتحبها بس شسوي حظي العثر رماني ..بس بعد فترات
جيت انت وجذي يعني وريتني الصور ابتعدت عنها حاولت انساها ماقدرت
بعدين صادفتها بالسيرك
عزام: ايه شفتكم
فراس استغرب: ليش انت تراقبني
عزام ارتبك: بالصدفة
فراس بشك: اهاا..وجذي يعني لقيتها واستانست يوم شفتها
ماقدرت امسك اعصابي وشوقي ويعني بعد مايحتاج أكمل ههه
والحين متردد أرد لها او لا....
عزام: يعني انت الحين تكره ابوك..!
فراس: ماخطب لي البنت الي ابيها واتبرى مني تالي اعترف فيني
وش رايك انت تبيني احبه ..يمكن يوم من الايام أحبه يمكن ليش لا
عزام: بترد لها؟
فراس: اهيه خاينه وخيانتها ماينغفر لها بس بفكر
عزام: اهااا أخذ راحتك بالتفكير
@@@@@@@@@@@@@@@@@@@@@@@@@@@
عند تركي وأحمد
أحمد: سلطان مايرد
تركي: يمكن نسى موبايله في مكان من زود الوناسة
أحمد: يمكن ليش لا
تركي: انت تعال ايه وجهك
أحمد: شنوا
تركي: ليش ماقلتلي انه عندك أخ ثالث
أحمد: مو مهم
تركي: ليش شصاير بينك وبينه
أحمد: من الي قالك ؟
تركي لا اراديا: نور
أحمد: نور..! ومن متى قالتلك الهانم
تركي اتوهق وقلب وجهه:لآ بس انا سألتها كم اخ عندج وكم
أخت يعني انا كنت استفسر بس وهيه قالت لي
أحمد: اهاا
تركي: انزين وينه اخوك الحين وهوا اكبر منك اب كم سنة
متزوج او لا امطلق او لا
أحمد: هههههه
تركي: هههه شدراني عنك تكلم خلصنه
أحمد:عمره 28 سنة
تركي: أكبر منك يعني
أحمد: ايه أكبر مني
تركي: ان شالله بعد اعقل منك
أحمد: ههههه انت ماتجوز
تركي: وينه عنكم
أحمد: في فرنسا
تركي: فرنسا؟
أحمد: ايه في فرنسا
تركي: شيسوي في فرنسا
أحمد: اهوا قبل كم شهر كان في البحرين ودريت بس
ماجى وكلف عمره لنا كانت عنده أشغال خلصها وسافر ودريت من السفارة
تركي: يعني جى البحرين وتالي رد سافر من غير مايقول لحد
أحمد: ايه
تركي: وانت ليش ما تسأل عنه وتكون أحسن منه وتشوف شفيه
أحمد ابتسم: انا دايم اتابع أخباره وعلومه من غير مايحس
ويدري دايم أسأل عنه بس ان شالله بتصل عليه هالأيام
تركي: اهاا زين الحمدالله بس ماقلت لي ليش اهوا في فرنسا
أحمد: كان يحب بنت صادفها لقاها في فرنسا
بس مايعرف من أهلها ويحاول يدور على أهلها
تركي: انزين والأخير
أحمد: ماتت حبيته ورفض فكرة الزواج ومايحب أحد يفاتحه
بهالموضوع
تركي: انزين وبعدين شبيسوي في فرنسا
أحمد: مآدري عنه دايما يروح لقبرها امقدس حبها الله يهديه
دفنوها في فرنسا وهم مآيعرفون أهلها انا راح احاول من اليوم
ان شالله أعرف من أهلها مايصير احتمال أهلها مايدرون انها توفت
تركي: يمكن اهلها يدرون
أحمد: ويمكن لآ واحنه لازم نتوصل لـ أهلها وهوا طلب مني قبل
اني أساعده ودور على أهلها بس صادني حادث بس ان شالله ابدأ
من اليوم أدور عن أهل البنت
تركي: ان شالله تحصلون أهلها
أحمد: ان شالله ونفتك من سيرة هالبنت الي متعلق في سرابها
تركي: ماشالله على أخوك وفي وصادق حتى وهيه ميتة
أحمد: ههههه ياسبحان الله
تركي: هههه اجنون
أحمد: الحين سلطانو مايرد
تركي: خلنا نقعد واذا شاف اتصالاتك بيتصل لنا وبنروح له
أحمد: اوكي براحته ..انزين اخليك الحين انا
تركي: وين بتروح
أحمد: تأخر الوقت برجع الفلا
تركي: اوكي تحمل ابروحك
أحمد: وانت بعد..فمان الله
تركي: صبر بوصلك لنهاية الباب
تركي طلع مع أحمد يوصله لين باب الفلا..ولقى الهنود الي يشتغلون عنده
الي اعترضوا لملاك ونور وتذكرهم
تركي: انااااااااااا اشلووووون نسيتهم
أحمد: وش نسيت
تركي: تعال معاي اشوي
أحمد: اوكي
تركي واقف عند الباب يسمع الهنود امشغلين الراديو يسمعون
اغنية هندية ويهزون راسهم وياكلون دجاج مفيوح
ويغننون مع الاغنية وطربانين
تركي فتح الباب يصفر لهم: له له شي مو طبيعي ولا يعزمون ولشي
على الطول الهنديين اثنينهم بندوا الراديو و وقفوا : نأم بابا
تركي سمتهم من أدونهم: نعم بابا
الهنود يهزون راسهم: نأم بابا
تركي سحبهم اثنينهم وطردهم هم باغراضهم برة الفلا : مابي اشوف
اوجوهكم خير شر جليلين الحيا ..وبعدها رمى عليهم ثمن شغلهم الي اشتغلون
....: الله يخليك بابا سامهنه بس هالمرة
تركي أشر لهم بيده: مابي اشوفكم خير شر وثمن الايام الي
اشتغلتوها عطيتكم ثمنها وزود يلا الحين ماتوروني رقعة اوجوهكم خير شر
دام النفس طيبة وحبدوا ربكم ماجلدتكم وضربتكم ضرب
الهنود نزلوا للأرض بخوف سحبوا أغراضهم والفلوس ورفعوا
اثيابهم بفمهم وشالوا عليه هربوا
تركي ضحك: هههههه مسخرة
أحمد: ليش سويت كل هذا هههه فيهم حرام
تركي: لأنهم مرة ...
أحمد: شفيك سكت كمل
تركي بداخله شفيني انا بعد بغيت اقوله انهم اعترضوا لختك كان يذبحني
معاهم: لآ لأني مرة شفتهم اعترضوا لبنتين فيستاهلون
أحمد: عجل زين سويت فيهم
تركي: ايه
أحمد: يلا مع السلامة
تركي: الله يسلمك
تركي تذكر نور...وصرخ على أحمد: أحمد
أحمد: هلاآ
تركي: سلم على أهلك
أحمد فهمها وهيه واضحة وابتسم ابتسامه على جنب: الله يسلمك
@@@@@@@@@@@@@@@@@@@@@@@@@@@@@
سلطان بالمستشفى يون من الألم:آآآآآي ارجوليي
محمد: تستاهل
سلطان رمى عليه الكلينكس: قوم يلا قوم اطلع برة استاهل هااه قم
اتقمقمت اعصابك بله ان شالله
محمد: ههههه اعناد فيك مابقوم وبقعد بطنز عليك
سلطان: وجع الي يوجعك آآآي يارجولي
الدكتور فتح باب الغرفة وبيده دواء وابرة
سلطان:لآلآلآلآلآ
محمد: ايه ايه ايه ايه عليك ابه
الدكتور مصري كبير بالسن اشوي: قول آآه بابا
سلطان: بابا عمى بعينك مانه قايل ولا فاتح بوزي
الطبيب: مايصير ياولدي يلا أسد قول آآآ
محمد: اسااعدك
الطبيب: ايه
سلطان: عمى بعينك محمدوا اقعد مكااانك اقوول ولاتسوي روحك فلة
سلطان فتح بوز سلطان وسلطان يصارخ: هدوووني ماحب الأدوية
الطبيب:أسد أسد ياولد بطل بوزك أكثر آآ
سلطان الي محمد فتح بوزه غصبا عنه ": هدوني أثد عمى بعينكم شايفني جاهل
الطبيب أخذ الابرة وغرزها برجول سلطان سلطان عض يد محمد
وهوا يصااارخ:آآآآآآآي ارجولي
محمد آلمته يده: يددددي يالأسد
سلطان: تستاهل
الطبيب خله الأدوية على الطاولة: هذي الأدوية تاخذها بانتظام
سلطان حاول يرمي الأدوية برجوله لأنه مايحب الأدوية
بس آلمته أرجوله:آآي
الطبيب: يالأسد لا يفعلون هكذا
وخرج الطبيب من الغرفة
سلطان: وجع يوجعه ان شالله
محمد: ههه عيب مايدعون
سلطان بعناد: لآ بددعي
محمد: ههههه براحتك......
@@@@@@@@@@@@@@@@@@@@@@@@@@@@@
اما البنات قاعدين على الطاولة مستانسين وفالينها وضحكاتهم غامرتهم من الفرحة
نور: امشوا نلعب لعبة الألغاز
ريم: يلا انا ماقول لآ
البنات: كلهم يلا
ملاك: شرااايكم بنات بروح بسوي لكم شاي من أنامل يدي
علشان نكمل وناستنه واجيكم
نور: ليش تتعبين نفسج الخدم موجودين
ملاك بثقة: لا عنوني الشاي من يدي له طعم غير
البنات كلهم: يااااااااااااعييييني ههههههههههه
ملاك انحرجت و وقفت ومشت بسرعة: انتظرووني
ريم بلحست عليها: مابننتظرج
نور: اوكي قلبي لاتتأخرين
أحمد اول مآوصل تعبان:آآآه تعبت ...وقعد يناظر بالخاتم وهوا يلمع
أحمد: هذا مو اي خاتم انا متأكد هالخاتم شفته بس ووين مو ذااكر
أحمد ضغط بريك السيارة ونزل منها
لقى البنات بالحديقى اتجه لهم بكل احترام امنزل راسه: سلاام عليكم
البنات كلهم طارت اعقولهم ما عدا ريم لأنها متعودة تشوف أحمد
لأنه صديق اخوها
الكل: وعليكم السلام
أحمد بمزح: هاااه تلعبون ولا تعزموني
نور: حيااك حيااك ولوووو
أحمد: مشكورين انا بروح اريح
نور تذكرت ملاك الي داخل ومآخذت شالها معآها:أحمد لاتدخل المطبخ
أحمد: ليش
نور:لآتدخله وبس
أحمد طنش كلامها و مآعطاه أهمية: اوكي
نور ارتااحت وكملت لعب
والبنات كل وحدو تتهاوش على الطاولة وتتحدى الثانية بالفوز
اما ملاك بالمطبخ بكل نعومة ورقة تسوي الشاي بهدوء ومن غير ازعاج
أحمد مآهتم لكلام نور وحب يشوف شنوا بالمطبخ ودخل راسه اشوي
يبي يشوف شنوا بالمطبخ
لقى بنت فيها قامة وشعرها خيل خصلاته ثلجية حس انه يعرف هالبنت بس مو متأكد
قرب بكل خفة وهدوء من غير ماتحس ملاك
وخله يده على كتفها ولفها له
ملاك على طول اختبلت من الي مسك كتفهآ
انتهى البارت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك