رواية جمعتنا الصدف وفرقنا القدر -35
حرس أحمد على طول حآوطوه ومنعوه من الهرب
أحمد شال نفسه من الأرض ومسك رقبته ورفعه:مآعاش من يخلي السكين على رقبتي
و طوفها له و بلغ الي أرسلك مو أحمد الي يتهدد ..ورماه بكل قوة على الأرض
...: ستندم... وعلى طول ركض للمجهول...
...:هل أصابك شي سيدي؟
أحمد مسك راسه:لآ
و طلع على فلته الخاصة .....
@@@@@@@@@@@@@@@@@@@@@@@@@@@@@
فراس: بروح بعدل أغراضي
شهد بحزن: بتسافر
فراس: باجر الصبح ان شالله
شهد بحزن: تروح وترجع بالسلامة
فراس: الله يسلمج
شهد: بتوحشنى
فراس ابتسم: مآ يوحشج غالي
شهد: فراس متى بتخطب؟
فراس ذكر منال ولا فكر يتصل لها و يقولها عن رايه: مآدري
شهد: ملل مآعندنا جاهل بالبيت
فراس:الله كريم
بو فراس دخل البيت
بو فراس: فراسو انت اهني
فراس يناظر التلفزيون من غير مباله: خير ان شالله في مصيبة جديدة
بو فراس: لا مآفي شي
شهد خافت واحتمت بـ فراس
فراس استغرب من حركتها: بغيت شي ان شالله
بو فراس: وين امك قماشة
فراس بنص عين:مآدري
بو فراس: مآتدري هااه
مهند كان يدرس بغرفته قاطع دراسته صوت ابوه
و شوش تفكيره بالدراسة و طلع من غرفته
بو فراس: مهند يبه صب لي شاي
مهند بداخله والله مادري وين أدرس من تبتدي الامتحانات مشاكل
وتعال مني و روح مني الله المعين شقول بس:تفضل
بو فراس: شمسوين
فراس استغرب ابوه يسأل عنهم :للحين عايشين
بو فراس ناظر في عيون فراس: شمسوي فراس
فراس: ولشي هذا حالي مآتغير
بو فراس:متى بتسافر
فراس: باجر ان شالله
بو فراس: اهاا
فراس: عن اذنك بروح بنام باجر وراي سفر
بو فراس: الله معاك
..............................
@@@@@@@@@@@@@@@@@@@@@@@@@@
سلطان مو عارف ينام يحس نفسه تعبان وتفكيره منشل
ملاك: شفيك سلطان
سلطان:ولشي..الا صحي وش قلتي عليه
ملاك:أنا قلتلك من البداية اني مآبيه
سلطان: انتي جربيه بالخطوبة واذا ماصلح لج تقدرين تنفصلين
ملاك: مآحب
سلطان: والله ماله داعي هالحركات البايخة رجال مافيه شي الف بنت تتمناه
ملاك:الله يوفقه مع هالألف بنت
سلطان: ملااك يالخبلة تراه طيب و أصل و أخلاق
ملاك: الله يوفقه
سلطان:في بالج أحد..!
ملاك:لآ
سلطان: عيل ليش رافضته؟ ابي بس سبب واحد
ملاك:مآفكر بالزواج حاليا عن اذنك بصعد غرفتي بنام
سلطان: على راحتج
ملاك اول مادخلت غرفتها لقت موبايلها يرن واستغربت من الرقم وردت
ملاك بصوتها الناعم: الوو
..: مرحبا
ملاك حست نفسها بتموت ودرجة حرارتها ارتفعت:أ..أ
...: انبلع السانج
ملاك استجمعت قوتها: بغيت شي؟ وش تبي فيني داق هالحزة
أحمد: وش قلتي؟
ملاك: في شنوا
أحمد: اتعرفين في شنوا على مآظن..!
ملاك:مآبيك مرفوض
أحمد: ما تخافين اوري سلطان الصور يوم كنتي معاي بالفلاآ
ملاك: بلا نذالة
أحمد: اذا تبيني أوريج النذالة حاضر
ملاك: واذا وافقت عليك وش راح بستفيد غير المر
أحمد: هههه بعد حظج
ملاك: انا مآبيك مآتفهم
أحمد: وانا مآجبرتج بس بخلي سلطان
ملاك: بس خلااص بسوي الي تبيه بس لاتقرب لـ هلي
أحمد: اكيد وتشكين وهوا يحصلج ترفضين العز الي راح تعيشينه
ملاك: افلوسك ماتعني لي شي
أحمد: هههه اعيال الفقر في التمثيل محد يغلبهم
ملاك: والله محد طقك على يدك وتعال أخطب اعيال الفقر
أحمد: من زينج عاد انا مآخذنج مو لله يا حافظ
ملاك تثآوبت بتعب: خليت الزينه لك ابي انام بيباي
أحمد: ملاك
ملاك: خير ولو اني ماآظن اني راح اشوف الخير وانت تكلمني
أحمد: قالوا لج ثعلب بس حبيت اقولج
ملاك تنتظر يكمل:....
أحمد: تصبحين على خير
ملاك حست مشاعرها تحركت"بطلة الرواية":و انت من أهل الخير
أحمد: مع السلامة
ملاك بصوت منخفت:الله يسلمك..وسكرة بسرعة منحرجة
بعد مرور خمس دقائق
سلطان ضرب باب غرفة ملاك
ملاك: تفضل
سلطان قعد على سرير ملاك وناظر في عيونها: أحمد توه متصلي
ملاك حست دقات قلبها تتسارع بخوف من اسمه: وش صار
سلطان: قالي يبي رايج الحين علشان يرتب أموره بسرعة لأنه وراه سفر
ملاك بداخلها حيااال وعياار توه مكلمني...وبصوت حزين: موافقة
سلطان لمس خد ملاك: ترى محد يقدر يجبرج على شي مآتبينه وراسي يشم الهوى
ملاك اشلون محد يقدر يجبرني وهوا جابرني عليه: لا بس فكرت رجال والنعم ماينرد
سلطان: ايه مو هذا الكلام الي انا اقوله لج من زمان بس راسج يابس
ملاك مالت عليه من رجال يهددني امطلع قوته عليّ بس هين يا أحمدو بتشوف
سلطان: نقدر نقول العروس مستحية
مالت انحرجت بقوة وضربت سلطان بالمخدة: سلطانو اطلع برة
سلطان:هههههه ما قلنا شي
ملاك وقفت سلطان ودزته من ظهره: برة برة أشوف
سلطان: هههه انزين خلااص بنطلع
ملاك سكرة الباب منحرجة
سلطان: يا عروسة يا عروسة ذبحتي الرجال ذبحتيه
ملاك: سلطااااااااانو
سلطان اتجه لغرفته وهوا يضحك: هههههه
أما ملاك فتحت كتاب روايتها وكتبت كل حدث صار ....
و أخذت اللحاف وغطت راسها منحرجة بقوة...
سلطان دخل غرفته واتصل على محمد طفشان
سلطان:الووو
محمد يتابع فلم أكشن:أهلاا
سلطان: بشر
محمد:ماكو اتابع فلم
سلطان: اهاا يلا عيل أبشرك
محمد:شنوا..!
سلطان:ملاك انخطبت لـ صديقي رجال والنعم فيه مركز رجال أعمال
محمد دقات قلبه تتسارع: شنوااا؟؟ من الي انخطبت؟
سلطان:ملاك
محمد: افااا يا السلطان الغريب ياخذها و أنا موجود
سلطان: بعد هو سبقك وتقدم لها
محمد تذكر ملاك يوم تجي لـ امه: ايه أكيد عن حب او شي متعرفة عليه
سلطان:ههههه هذا يا حبيبي رجال مليوردير وصديقي من فترة أعرفه و أختي
أعرفها و واثق فيها ما عندها علاقات مع أحد
محمد: انت وشدراك بالبنات كلهم من تحت لـ تحت
سلطان: انت الحين وش الي حارق دمك لأنها انخطبت
محمد: ايه لأني معجب فيها وتمنيتها لي
سلطان بسخرية: هههه ماعليه ماعليه ياولد الخالة تكبر وتنسى
بتلاقي الأحسن منها ولو أني مآظن بتلاقي أحسن من ملوكتي شقيقتي
محمد: تطنز عليّ جاي الدور لك ان شالله
سلطان: وش تقصد
محمد: وش اقصد هااه انت الحين ويا وجهك هذي الي انت تحبها اتحداك اذا مآتحب
سلطان:أدري انها تحب بس بآخذها من حبيبها وبخليها تحبني
محمد باستغراب:اشلون..!
سلطان: ما يعلمون جهال يلا بيباي
@@@@@@@@@@@@@@@@@@@@@@@@@@@@@
لما خافت على نفسها يطير سلطان من يدها مثل ما طار أحمد من يد عبير واتصلت لـ غزل
لمآ:الووو غزل
غزل: عارفة وش تبين باجر ان شالله نروح لـ ام خالد بس ناقصنه شي
لمآ بحماس:شنواا؟
غزل: لازم تاخذين شعرة من راسه وشي يخصه فانيلة او غطرة او اي شي ..
لمآ: باجر بروح بزورهم ان شالله وبدخل غرفته وباخذ الي طلبتيه
غزل:اوكي أنتظرج باجر..وسكرة منها
@@@@@@@@@@@@@@@@@@@@@@@@@@@@@@
ملاك اول ماقعدت من النوم تسبحت ولبست لها برمودة قصيرة لـ الركبة
وأخذت لابها من فوق الطاولة ونزلت الصالة وقعدت على الكنب بمزاج رايق
وفتحته تشتغل عليه وهيه تشرب شاي....
دانا: اففف مدرسة رهفو و وجع ان شالله لبسي بسرعة السواق ينتظرنه
دانا نزلت الصالة: ايه يبختج ما وراج لا دراسة ولا عوار راس
ملاك: الله يوفقكم ان شالله
دانا:آجمعين
ملاك شالت عينها من الاب وناظرت دانا: دندونة خلاص بتفتكون مني
دانا: اشلون..!
ملاك: بتزوج
دانا بحزن قربت من ملاك:لآ مافي اذا رحتي من لنا لآ لآ تزوجين ملاك
رهف نزلت وشيلتها على وجها مو امرتبة
رهف: يلا دانا
ملاك: الحين روحي المدرسة واذا جيتي راح نتكلم
دانا: تييب..وباست خد ملاك وطلعت للمدرسة
سلطان نزل بكل حيوية: الله الله من قدج من الصبح والله لج مزاج أحسدج
ملاك: شسوي فاضية ما وراي شي
سلطان:اتصدقين ملوك أحب بداية الصبح امارس رياضة
و أطالع برامج و أمارس كلشي أحبه بس الحين مشاغل الحياة أخذتنا
ملاك: وانت الصادق تعال اشرب معاي شاي
سلطان قعد على الكنب يشرب شاي: امي وينهي؟
ملاك: يمكن قاعدة بغرفتها
سلطان: شاهروا صار له فترة مايبين
ملاك تذكرت شاهر ودعت من دآخلها انه الله يهديه:الله يهديه ان شالله
سلطان: ان شالله...وطلع المايك خلاه بذونه.. يلا انا بطلع بمارس رياضة
ملاك: الله معاك سلطعون
.............................................
@@@@@@@@@@@@@@@@@@@@@@@@@@@@
في مدرسة البنات ..وخصوصا بالصالة الرياضية
شهد: بسرعة نلبس قبل ما المعلمة تزفنا
ريم: اوهو مالي مزاجها
نور: بسرعة بسرعة نلبس ودخلت غرفة التبديل تبدل ملابسها
نور:بناات تعالوا غرفة التبديل نبدل مافيها أحد
ودخلوا كل البنات في غرفة التبديل
نور فصخت جوتيها وردت تلبسه
دانا: نورو ويهد ان شالله أخرتينا
نور آخر وحدة طلعة من غرفة التبديل: الااي البانطلون فيه جيس هههه
متعقدة لأنه الهندي البقرة ماخله لي جيس بالمريول...واستغربت تدور على الجيس
نور انحرجت: يؤؤؤ لابسة البانطلون بالمقلوب ودخلت الغرفة بسرعة
البنات:ههههههههههههه
ريم: مالها حل
نور بحماس: يلا يلا نلعب
ودخلوا البنات الصالة الرياضية
بعد مانتهوا البنات من حصة الرياضة دخلوا الحمام
ريم: اشم ريحة زقارة
نور:سودة الله وجهم من بنات حشى مو بنات اصبيان يدخنون حتى بالحمامات
ريم بسخرية:هههه انتي بس طالعي منظرة الحمام مكسورة والحمام مايندخل من وصاخته
نور: وصخين لأنهم يرمون الكلينكس والوصاخة وعع حتى الواحد مايطيق يدخل الحمام
شهد:يبيلنه نعطيهم محاظرة
دانا: الوصخ وصخ والنظيف نظيف
نور بتعب تنهدت وعدلت فانيلتها من تحت المريول
نور: بسج من مساحيق التجميل
ريم تحط لها الروج: كيفي كيفي
نور: ويهج الطبيعي أحلى بدون المكياج
ريم: يلا يلا نطلع انقرفت من الحمام
البنات:يلا
نور قعدت على كرسي الي بغرفة التبديل:تعبانة
دانا:ماقلت لكم بنات
شهد: اشتغل شريط الحش
ريم: شنوا سمعينه آخر بلاوي البنات وش امسوين بعد رقموا اصبي ولا طلعوا معاه
دانا: ريمو شفتي مدى
ريم: أي مدى
دانا: مدى الي صارت معانا السنة الي فاتت
نور: نعرفها شفيها وش امسوية
دانا: اتخيلوا سوداة الوجه وش امسوية
البنات كلهم بحماس يبون يعرفون القصة: وش امسوية
دانا: اتخيلوا بس داخلة مواقع بالانترنت متعرفة لها على شباب
و ورتهم اصورها وتكلمهم بالتلفون بعد
نور:يؤؤؤه من صدقج تتكلمين
دانا: والله هي قالت لـ ابتسام وابتسام قالت ليّ
ريم: وين ابتسام صادقين
دانا: كلمتها بالمسن مريضة
نور: على عمري ماتشوف شر انزين كملي
دانا: ولا بعد الي اتكلمهم واحد من السعودية هههه و واحد من اللبنان
وفي بعد كم واحد من البحرين تكلمه
ريم: بنات آخر زمن
نور: والنهاية...!
دانا:مالت عليها الغبية يلعبون عليها الغبية وهيه امصدقة ههههه
نور:ههههه لأنها ثورة
ريم: هههه والله مسخرة
دانا:لآ يفوتج بعد هذا الي اتكلمه من السعودية متزوج وعنده
اعيال تقول انه بينتحر اذا ماتزوجها ههههه
نور:تحلف عااد هههههه الحين بيترك زوجته بنت السنع والأصول و ام اعياله
و لا بعد اعياله تربيته وبيتزوجها انعل ابو الخبال
ريم: ههههه مشكلة والله ...الحين صج بيتزوجها؟
دانا: هههه يا حظي يلعبون عليها وهيه امصدقة بعد
شهد: بالطقاق الي يطقها الرخيصة مو مهم يلا نقوم
ريم: وانتي الصادقة مانضيع وقتنه ولانسمع سوالف مالها معنى
نور: ريومة قوميني
ريم مدت يدها لـ نور و وقفت
نور: يلا
ريم: اقول نورو مافي طلعة شي طفش
نور: أتوقع اليوم بنروح المزرعة اخوي لأنه خطب
ريم: اوووه بالبكرة
البنات:مبروك مبروك
نور: يبارك فيكم حبايبي عقبالكم ان شالله
ريم:لآتحرجينه يا الشيخة لآ تحرجينه هههه
نور:هههههه
دانا ذكرت ملاك: من خطب؟
نور:مآقال اسم العايلة
دانا:اهاا
نور:يلا اليوم معزومين عندنا بالمزرعة بنات
البنات:اوكي
دق جرس الفسحة وأعلن بنتهائها
ريم: يلا بنات على الفصل
دخلوا الشلة كلها الصف مع البنات يصفقون ويغنون
ويضربون على الطاولة ونكسرت الطاولة عليهم
نور:هههههه ياويلي
ريم:رحنه.. المشرفة بطلع اعيونه
دانا:هههه عاتي انكسرت الطاولة هي أوردي خراب
المشرفة دخلت الصف وضربت الباب:يلا كل وحدة على مكانها وانتظروا المعلمة تجي
نور:معلمة انكسرت الطاولة نبي طاولة جديدة نخاف على المعلمة تالي تقعد وطيح وتتكسر
المشرفة:حتى الطاولة ماسلمت من كم اعوذ بالله
دانا:هههه حرام معلمة هي خراب أساسا
المعلمة: ايه خراب وانتوا كملتوا عليها وكسرتوها ارحموا
من في الارض يرحمكم من في السماء ههههه وطلعت المشرفة لـ الصف الثاني تسكته
المعلمة دخلت الصف: يلا كل وحدة على مكانها
وقعدوا البنات على طاولاتهم منتبهين للمعلمة...............وانتهى الدوام بسلام
@@@@@@@@@@@@@@@@@@@@@@@@@@@
فراس باس راس امه:يلا يمه مع السلامة تحملي ابروحج وايد
ام فراس طاحت ادموعها على ولدها:فراس فراس ياولدي لآ تروح
فراس:يمه لاتحاتين مو بس انا بروحي الشباب كلهم معاي لا ديرين بال يالغالية
ام فراس:تحمل ابروحك يا ولدي ولا يقصون عليك اعيال ابليس
فراس: لآ لآتحاتين يمه انا راح اكون بخير بس انتي تحملي بنفسج واكلي زين
ام فراس: ان شالله
فراس حمل شنطته: سلمي على ابوي
ام فراس: الله يسلمك ويحفظك ان شالله
فراس طلع من البيت واتجه للمطار مكان نقطة تجمع العسكر.......
وطار بالطائرة يكمل مستقبله بالعسكر
@@@@@@@@@@@@@@@@@@@@@@@@@@@@
بو تركي يناظر وجه تركي: شكلك مآتاكل هالأيام زين
تركي يحس نفسه تعبان من المرض مو جسديا نفسيا
تركي:لآ والله سلامتك يالغالي بس مضايق لأني بتغرب عن ديرتي
بو تركي:انت بس شد الهمة وان شالله بترجع قبل المدة المحددة لك
تركي: ان شالله
بو تركي: متى طيارتك؟
تركي:عقب أسبوع
بو تركي: لا تخاف و أنا أبوك ان شالله ترجع سالم غانم و زوجك
تركي تنهد و أخذ موبايله: ان شالله
تركي:الووو
أحمد:هلاآ شخبارك
تركي: للحين عآيش انت شخبارك وش امسوي؟
أحمد:أحسن منك بخير أسأل عنك
تركي: سألت عنك العافية
أحمد: اليوم عازمك
تركي: وين؟
أحمد: بالمزرعة
تركي: وش المناسبة
أحمد: خطبة والملجة عقب اسبوعين
تركي:خسارة والله مآبلحق على ملجتك طيارتي عقب اسبوع
أحمد:افا عليك راح أخليها هالاسبوع
تركي:لآ مايحتاج خل المدام تاخذ راحتها
أحمد:لآعادي مافي اي مشكلة
تركي:الي شفتها بالمزرعة؟
أحمد بتفكير: اي
تركي: مو سهل
أحمد: متى راح يجي دورك
تركي:انا يبيلي فترة
أحمد: عادي تزوج الحين وسافر
تركي:أتزوج واتركها؟ يكون مصيرها معلق فيني شلى..!
أحمد: الله كريم
تركي: بس شكلي مآ راح أقدر أجود نفسي ههه
أحمد: ذييب والله هههه
تركي: شسوي الحياة تتطلب
أحمد:أخليك انا الحين أشوفك بالمزرعة
تركي: اوكي ...وسكر منه
@@@@@@@@@@@@@@@@@@@@@@@@@@@@@@
سلطان لبس ثوب وغطرة بيضة: ملاااااكو و وجع ان شالله
ملاك: الحين ليش تدعي عليّ جااية
دانا و رهف كل وحدة تدز في الثانية
دانا: وجع آنا بصير قدام
رهف:لآ أنا
سلطان:تعرفون تسكتون وتمشون وانتو هادئات ولا لا..!
ملاك: دانو و رهف ويع ان شالله سكتوو بسكم
دانا و رهف: انززين
و ركبوا السيارة كلهم....
ملاك:سلطان وش ناوي تودينه المستشفى اليوم
سلطان:جبناء
دانا:ماعليك منها أسرع
ملاك: بلا همجية زايدة أقول وخفف السرعة
سلطان لف وجهه لها: تعالي سطريني أحلى
ملاك: ماعاش من يسطرك وأنا أختك
سلطان سرحان وباله بالطريق طلع سيدي من السيارة وشغله
على اغنية انا عمري معاك/سيرين عبد النور
ღ♥ღ انا عمريـ معاكـ ღ♥ღ
انا عمري معاك وكفايه
ان انت هنا ويايه
يا شاغلني سنين من نظرة عين
انا بعشق فيك دنياياا
ولا يوم في هواك زعلت معاك دنا قلبيــ فداك
وعمريــ كمان يا حبيبيــ العمر من وقت لقاك
وانا حسه ابتدى مشواري
انا شفت غرام اجمل ايام
احلام حلوة بتأخدني
اولاحساس بين الناس اخترتك تبقى معايه خلاص
ولا يوم في هواك زعلت معاك دنا قلبيــ فداك
وعمريــ كمان يا حبيبيــ العمر من وقت لقاك وانا حسهـ
ابتدى مشواريـ
انا عمريــ معاك وكفايه
ان انت هنا ويايهـ
يا شاغلني سنين من نظرة عين
انا بعشق فيك دنياياا
ولا يوم في هواك زعلت معاك
دنا قلبيــ فداك وعمري كمان
يا حبيبيــ العمر من وقت لقاك وانا حسهـ
ابتدى مشواري
ملاك طول الوقت سرحانه ومشغول بالها واشلون راح تعيش مع أحمد
سلطان:وصلنة يلا ننزل
كل البنات نزلوا من السيارة ودخلوا الشاليه الي بالمزرعة المخصص لهم
اما سلطان اتجه لـ شاليه أحمد والشباب
سلطان دخل بكل هيبة: سلام عليكم
الكل: وعليكم السلام
تركي يسولف مع أحمد عن الأسهم والبورصات
سلطان قاطعهم:انتوا ماعندكم شغلة تسولفون هالسوالف
بهالوقت استانسوا بلا هالهرار
تركي ناظر في عيون سلطان العسلية: هااه وش امسوي بو الشباب
سلطان: بخير انت وش امسوي
تركي: ماشي الحال
سلطان: انااا صراحة ميييت جووووع...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك