رواية جمعتنا الصدف وفرقنا القدر -37
عساج ماتتهنين فيه ان شالله و يطلقج من اول اسبوع وأنا أعرف ولد خالي حموتي
اولا وآخرا لي ومحد بياخذه غيري وانتي حيا الله وحدة لآ رحتي ولا جيتي
راح يتسلى معاج كم اسبوع ويرميمج لاتظنين ماخذنج كزوجة و ام عيال له
ملاك ضحكة بسخرية:ههههه وااااو كل هذا حرة وغيرة عليّ لاني باخذه
والله محد جبره وقاله ياخذني اهوا الي ختبني وثانيا عمري فيج حرة طلعيها
على غيري انا مو فاضية لأشكالج
أحمد طول الوقت كان يسمع كلامهم خلف الشاليه واقف قريب منهم
من يوم شاف عبير ماتطمن خاف تسوي لـ ملاك شي او تأذيها
عبير بعيون اشوي وتدمع لأنها تحب أحمد:والله مابخليج تتهنين فيه وتاخذينه مني
ملاك ترمش لها بدلع:والله لو يبيج حبيبتي كان ضرب باب بيتكم وخطبج
بس المشكلة مايبيج وخل تكون عندج اشوي كرامة رجال مايبيج انتي بعد لاتبينه
عبير طاحت على الأرض وكتفت رجلها تصيح:لآلآ اهئ حرام عليكم اهئ أحبه
خليه لي انتي راح تلاقين من يسعدج والف واحد يتمناج انا احبه اتركيه لي اهئئ
ملاك تقطع قلبها على عبير:عبير حبيبتي قومي هذي مو نهاية الحياة قومي عبير
..الله يخليج عبير لاتسوين في نفسج جذي قطعتي قلبي راح تلاقين من يحطج
في عيونه ويحفظج ويستاهلج ويحبج وهذا نصيب وقدر
عبير بدموع:لآ انا أحب احمد اتركيه لي و راح أبوس ارجولج اهئئ
ملاك بحزن على عبير وبقوة وشخصية بالكلام: هذا نصيب وكل من في الحياة
ياخذ نصيبه و عذريني أقولج أحمد مو من نصيبج
عبير تذكرت يوم اغمى عليها وشالوها البنات ورعوها
حتى صحت و أحمد مآهتم فيها وطلع:لآلآ أحب يحبني وأنا أحبه انتي مآتفهمين
ملاك مسحت على راس عبير:قومي عبير حبيبتي
أحمد طول الوقت يشوف ملاك وهيه تعامل عبير و أعجب في اسلوبها
وقلبها الطيب الصافي ونكسر خاطره على عبير وعلى حالتها ومآيقدر
يسوي اي شي لها غير انه يدعي لها مع ولد الحلال الي يسعدها
وتسعده لأنه متعلق في ملاك وقصتهم مآيقدر يتركها
أحمد:الله يوفقج يا عبير ويرزقج ولد الحلال الي يسعدج و أنا متأكد راح تنسيني
مع مرور الأيام الله يسعدج يا عبير آمين ويسعد الجميع و يوفقه في حياته
عبير وقفت بشموخ وتكآبر:أحمد يحبني وبيتزوجني
ملاك خافت عليها تستخف وسكتت من تصرفها وشكلها المنهار:....
عبير مشت وهيه تمسح دموعها و تكآبر مصرة على رايها
@@@@@@@@@@@@@@@@@@@@@@@@@@@@@@
اما في فرنسا وبالتحديد بارس أرض الموضة والسياحة والدراسة
أجتمعت جميع الأنواع ومختلف الطوائف ةالجنسيات في العالم فيها
في الليل المظلم الملتهب بنار الاشتياق والذكريات الحارقة ..والنجوم المتلئلة بالسماء الحانية
في أحد قاعات باريس الموسيقية الكبيرة المعروفة دخل وجلس على أحد الكراسي والطاولات
الكبيرة ...في القاعة الكبيرة الباردة التي اي شخص يتكلم فيها يسمع صدى صوته
جلس على البيانو وفتحها ..وبدأ بضغط على البيانو كبداية ..وانطلق بعزف موسيقة
بيانو رومنسية...دخل القاعة وحط رجل على رجل يستمع للموسيقى من غير مايحس
اول مانتهى من عزف البيانو صفق له....
بنص عين يناظر خلفه: من انت؟
...: باين انك تتكلم العربية نفسي
...:شكلنا من نفس البلد باين عليك من اللهجة
...:الظاهر جذي
...:بحريني
..:ايه
..:وآنا بعد
..:عزفك حلوو
..:تسلم من ذوقك الرفيع
..:اسمي يوسف
...: معاك فيصل رجل أعمال
يوسف التفت له بهدوء و وقف ومشى بالقاعة حتى وصل لأول طاولة
وكرسي يناظر الساعة الكبيرة المعلقة
يوسف:تشرفنه
فيصل باستغراب:أحس اني شفتك قبل على مآ أظن
يوسف:و أنا بعد اقول جذي
فيصل وقف وتقدم له بخطوات ثقيلة وقعد جنبه يناظر الساعة
فيصل: شكلك من فترة في باريس
يوسف:ايه أعشق باريس من يوم انا صغير كنت كلا أزور باريس
فيصل: اهاا تماام
يوسف:الحمدالله على كل حال
فيصل اتنهد بعمق:صعب ألاقي من يدآوي جروحي
يوسف التفت له بهدوء وثقة بالنفس ناظر لوجهه شعره مايل للون الأشقر بني
فاتح على خصلات ذهبية فاتحة وعيونه عسلية محددة و أنفه المستقيم يدل على العز
يوسف:شكلك من عايلة كبارية
فيصل ابتسم: وش دراك خمنت او مجرد من الشكل حكمت
يوسف ابتسم له:باين عليك من اسلوبك ومشيتك وطريقتك بالكلام والشكل مو رجال عادي
باين عليك هيبة وطبقة اجتماعية ومستوى
فيصل يتأمل باللوحات المعلقة المرسومة على الجدار وتذكر حبيبته وابستم بألم
يوسف:ملامك تغيرت عسى مآشر
فيصل:هالمكان لي ذكريات فيه عظيمة مستحيل أنساها يوم من الايام
يوسف:اكيد مو ذكريات بسيطة او عادية
فيصل: أكيد
يوسف: هذي الحياة لازم نعيشها نتعب وتلوع جبدنا أحيانا من الحياة بس لازم انواصل حياتنا
فيصل حس بصعقة أثرت فيه الجملة لازم نواصل حياتنا:وش تقصد
يوسف:شنسوي حتى لو تذكرنا ذكرياتنا او حرقناها مع من نحب ونغليه
وكانت ذكريات جميلة وشي عظيم وراح من يدينا والله ماجمع شملنا والقدر ماكتب
لنا هذي الحياة لازم نواصل ونستمر ونثبت انه احنه جديرين الي راح راح وقدامنا
المستقبل مانقدر نرجع الماضي ولا نقدر نسوي أي شي ...الحياة حلوة وفيها اشياء
وايد والله سبحانه و تعالى أعطانة نعمة النسيان والنسيان شي عظيم الله يقدرنه ان شالله
فيصل: صح كلامك وسليم ماشالله عليك
يوسف:الحياة تعلم الي مايتعلم
فيصل:كم عمرك
يوسف:عمري قريب أدخل عشرين
فيصل:العمر كله
يوسف:وانت
قيصل:28 سنة
يوسف:العمر كله ان شالله
فيصل:معاك
يوسف:انا اقول شايفك قبل
فيصل:انا بعد بس مآذكر
يوسف:وين وين وين شايفك انا شايفك مو مرة متأكد شايفك أكثر
من مرة بس يمكن فيسك اشوي تغير
فيصل:يمكن..!
يوسف:ماعليه الذاكرة تخونه في بعض الاحيان اكيد راح نذكر مع مرور الأيام
فيصل:الله كريم..باين عليك توك جاي باريس..!
يوسف:ايه بكمل دراستي باقي علي نصف سنة
فيصل باستغراب:اشلون؟
يوسف:انا متقدم بالدراسة ماباقي شي و اخلص
فيصل:اهاا أنا راح أرد البحرين خلال هالاسبوع
يوسف:عسى ماشر
فيصل:الشر مايجيك بس عندنه مناسبة ولازم أحضرها
يوسف:بالتوفيق ان شالله
فيصل:آجمعين..يلا أستأذن انا الحين
يوسف:الله معاك ان شالله
فيصل طلع كارد:تفضل هذا رقمي و اي شيئ تحتاجه مآيردك الا السانك
يوسف أخذ رقمه:مشكور و ماتقصر
فيصل:مع السلامة
يوسف:الله يسلمك
فيصل طلع يتمشى بشوارع باريس .. اما يوسف ظل بالقاعة
سرحان فيها يفكر حتى نام من غير مايحس لـ نفسه
@@@@@@@@@@@
دخل شاهر مع مهند الاستراحة الخاصة فيهم ومكان تجمعهم
صالح: من جايب لنا
شاهر:راح يساعدنه و يكون معانا الليلة
صالح:راح يكون على مسؤوليتك
شاهر:مافي أي مشكلة ...تعال
مهند:نعم
شاهر أخذ الغطرة وغطى وجه مهند فيها:هذي علشان محد يعرفك و يكشفك
مهند:....
صالح:يلا ابتدأ الوقت
زياد: انا اليوم راح تكون حصتي أكبر
شاهر:الي راح تصيده راح يكون نصيبك
زياد و صالح يكرهون شاهر
صالح:محد طلب منك تتكلم و توزع المبلغ على كيفك
شاهر:انا كيفي حر وقت مابي اتكلم راح أتكلم وثانيا هذي الخطة
خطتي اننا نطب على سوق الذهب ولا نسيت
صالح بداخله راح تدفع ثمن السانك يا شاهر غالي: لا و ان شالله التنفيذ
راح يكون عليك بروحك و انا مآدري
أمير:هدو يا جماعة ما راح يصير الا كل خير مانبي نتهاوش على شي تافه
شاهر:قول لهتافه
صالح تقدم له ورفع فانيلته:مرة ثانية قول لي تافه و راح أكسر ضلوعك
زياد باعد صالح عن شاهر وهمس له:احسابه بعدين
شاهر ناظره بعيون حادة:هذا قدرك
أمير: بسكم اهواش و يلا نبتدي
شاهر وشلته طلعوا على الشارع و كل واحد يأشر لثاني ودخلوا سوق الذهب
أمير:سلام عليكم
..:و عليكم السلا
أمير: لو سمحت أبي أشوف هالساعة
شاهر:أنا ابي هالطقم راح أشتريه لـ زوجتي
....: ان شالله كلشي تبونه راح أجيبه و بالمقاس المطلوب بس تفضلوا
القوا نظرة للمعاينة و ثواني و أجيب طلبكم ..لأنه هذا معروض
شاهر:اوكي مافي مشكلة
مهند: وش اسوي انا
شاهر:راقبه
أمير شال الذهب و الساعات المرصعة بالزمرد و الألماس والأطقم وخلاها داخل فانيلته
أمير:يلا يلا شباب خلصت الي عليّ
شاهر فتح الكيشير وطلع نصف الفلوس و سرقها
مهند طول الوقت خايف: يلا قريب يوصل
شاهر طلع من الباب:يلا أمير
وطلعوا من الباب بسرعة هاربين
راعي محل الذهب سمع اصوات غريبة و أسرع بخطواته لقى
الذهب مسروق والفلوس وضرب على راسه:ياويلي هذولا سرقوني
وطلع على الشارع يدورهم ما لاقهم وصفق بيدينه:خلاص الذهب و الفلوس راحت
مهند وقف تعبان و يرتجف:تعبت مآقدر أركض أكثر
شاهر رحم مهند وكسر خاطره:اوكي تعال نريح من هالجهة
مهند قعد على السور تعبان:وش بتسوون بكل هالذهب و الفلوس
شاهر:اذلهب بنبيعه وبناخذ افلوسه
مهند: وبعدين
شاهر:كل واحد يحصل نصيبه
مهند:اهاا
شاهر:لآ تخاف راح يكون لك نصيب من البوقة
مهند مآهتم:اوكي انا الحين برجع البيت تأخرت
شاهر:اوكي ألاقيك بالاستراحة
مهند مشى عنه: يصير خير...واتجه لـ بيتهم خايف ونفس الشي شاهر
@@@@@@@@@@@@@@@@@@@@@@@@@@@@@
بالمزرعة
ملاك دخلت وسط البنات لقت كل وحدة مثل الميتة منبطحة تعبانة
رهف:شوفو باجر اجازة مافي مدرسة راح ننام بالمزرعة في الشاليه
نور قعدت جنب ملاك:مآكنت أدري اخوي ذوقه رفيع لهالدرجة
ملاك انحرجت وقلبت ألوان:...
دانا:عيل يالخبلة بناسبكم
نور:محد غيرج الخبل يالأسلاك امقطعة يا طايحة الحظ
دانا:عسل عسل على قلبي
منال:ويلي البنت شاذة هههه
نور:من زمان شاذة اهيه مو من التو
دانا:ملاكو بتتزوجين هااه كل يوم بطب عليكم مابخليكم تتهنون
ملاك وجها امورد:حياج في اي وقت
رهف في يدها الاب من شافت أحمد بالمزرعة بأول مرة و
هي تبحث عن معلوماته و عن حياته الخاصة
رهف بخوف:ملاك ملاك
ملاك:هلا
رهف:تعالي
ملاك قعدت جنب رهف:وش صاير
ملاك شافت الاب لقت اصور لـ أحمد وهوا بالريف
رهف:شوفي هالصور بعد
ملاك ناظرت الصور شافت صور جديدة بجزيرة كبيرة مثل الخيال
اي وحدة تحلم تعيش فيها معاه هذا غير البحيرة جنبها كرسيين وعصافير حواليها
ملاك:واااااااااو
رهف نزلت بالصفحات:شوفي
ملاك التزمت الصمت وهيه تناظر الصور صورة له و هوا لابس بدله سموكن..
و الصورة الثانية مع رجال هيئة أشكالهم غريبة مو طبيعين
و الصورة الثالثة مجهولة محطوط عليها علامة استفهام
رهف:ووي ليش ماتفتح الصورة و مآتظهر
ملاك شافت رسالة تحت الصورة:دقيقة رهف وقفي بشوف الكلام
"منظمتنا الخاصة الأمريكية:"سنعود بالمستقبل القريب و هذا عهد من السيد جاستن"
ملاك:وش يقصدون بهالكلام
رهف:يمكن الكلام مو اموجه لـ أحمد او يمكن هرار مو مهم
ملاك أخذت تتمعن بالكلام:لآ في شي انا متأكدة الصور الغريبة
لـ أحمد و هوا بـ أماكن غريبة والرسالة في شي أحمد يصير له
بس مو قايل لـ أحد و يمكن أحد يدري بسره بس أكيد أمنه مايتكلم
رهف بخوف ناظرت في ملاك:اكيد اذا تزوجتيه بتعرفين كل أسراره
ملاك تذكرت أحمد يوم تكلم بـ اسم جاستن والأفكار توديها يمين ويسار
رهف: يلا خل نستانس الحين
نور:بطلع انا اشوي بشم هوى
ريم على الاب تشوف الاكسسوارات و الأزياد:تييب
نور طلعت على حوش المزرعة و قعدت على الحشيش تناظر النجوم والقمر
سلطان نفس الشي كان قاعد على كرسي و طاولة يشرب شاي أحمر يتأمل
المزرعة ويناظر القمر ..انتبه لـ وجود نور وقعدتها الي جذبته وهيّه تتأمل
نور حست في نظر عليها بس مآتدري من التفت للخلف لقت سلطان
حاط رجل على رجل ويشرب شاي أحمر يناظر فيها و خصوصا عيونها
العسلية الي جات على عيونه العسلية وحس نبضات قلبه تنبض وتخفق بسرعة
نور استغربت من نظرات عيونه الامعة وبداخلها اشفيه
مو شايل اعيونه ليش يناظرني جذي
سلطان حس نفسه بيموت و هوا معاها بنفس المكان و خصوصا
اعيونه على عيونها القاتلة و تذكر قصيدة قراها بالنت
امعنت النظر في عينيك حاولت الدخول
سرقت اصابعي بعضا من قطرات الندى التي انهمرت من بين جفنيك
وحار النظر بين سيوف عينيك وبريق حبات الؤلؤ
ايقظتي في قلبي مشاعر الحب بعد السبات ارجوك ابعدي عينيك عني ولا تعذبيني
دعيني اغوص في اعماق قلبك البسيني طوق النجاة
فاني اخشى الغرق في الاعماق
لم اكن اعلم ان حبك سيسلبني قوتي ويجعلني اسير النهدات كيف السبيل والهجران قد زادني تعلقا كيف السبيل وقد اصبح حبي مجنونا
اصبحت مفتونا
تائــها...عالقا بين العيون
ابيتعدي عني او اقتربي لافرق عندي
فالقرب منك والبعد عنك يجعلني مجنون
مجنون
مجنون
نور انحرجت من نظراته وبداخلها يعني اهوا مايعرف اني مآحبه مآطيقه
ومتعلقة بشخص غيره متى راح يفهم و قامت من مكانها و دخلت الشاليه
سلطان تنهد بزفرات الشوق و الوله و الحب:متى راح يتحرك احساسج يا عديمة الاحساس
وتحسين فيني متى راح ترحميني و ترحمين قلبي و احساسي صج الاحساس نعمة
اما تركي قاعد داخل الشاليه بالغرفة عند الشرفة يناظر السمآ بتفكير عميق
احمد ضرب باب الغرفة
تركي:تفضل
أحمد دخل الغرفة و قعد جنب تركي بهدوء:سرحان
تركي بعيون متعذبة:ايه
أحمد:افتح قلبك تكلم
تركي:وش اقول وش اخلي
أحمد:والله تبي الصراحة تركي
تركي: قول وش ورانه
أحمد: مو تركي الي أعرفه
تركي يناظرالمزرعة من الشرفة المفتوحة:اشلون يعني
أحمد:كنت انسان طبيعي عايش حياتك رافع راسك و محد يهمك وشخصيتك
قوية مآتهتز والابتسامة العذبة ماتفارق شفايف الحلوين ..كنت غير انسان
واثق شخصية يعني كنت انسان والحين انسان ثاني وش الي غيرك يا تركي
تركي بداخله طبيت في مطب الحب من غير مآدري و ياليتني مآطبيت فيه ولا عرفته
أحمد فهم نظراته:الحب يسوي فيك جذي..!
تركي:يمكن ..!
أحمد:يعني في سببين يخلونك جذي
تركي:أدري اني لو تكلمت لك عن الحب ومشاعري بتنصدم اشلون اتكلم
بس باجر اذا تزوجت وحبيت من كل قلبك بتشوف نفسك في قفص
بتشوف نفسك متغير مو مئة مرة او درجة بتشوف نفسك
غير انسان ثاني متغير مليون درجة و أنا أعرفك يا أحمد شخصية قوية بس
بتجيك لحظات تضعف فيها مثل ما أنا أضعف فيها وبذكرك و خصوصا جاستن
يلاحقك وبياخذ حقه منك طال الزمن او قصر و هالشي ماراح ينتهي الا بموته
أحمد تذكر ملاك الي تعلق فيها من اول يوم شافها:جاستن راح أتخلص منه بس
تركي:بس شنوا؟ جاستن مابتتخلص منه بسهولة جاستن يبي منك أشياء سرقتها منه
أحمد:قصتي طويلة يا تركي الله يقدرني انهي الموضوع بسرع وقت
تركي: ربك كريم رح يفرجها
أحمد:الله كريم
أحمد انتبه لتو لـ تركي انه يناظر نور:و انا اقول ليش راز وجهك عند الشرفة
تركي انحرج لأنه أحمد عرف ليش قاعد عند الشرفة:اقلب وجهك مناك
أحمد عقب ماصاد تركي شافه للحين يناظر وناظر في عيونه:يكمل بعد
تركي:ههههههههه انت ماتخلي الواحد في حاله روح اقعد مع خطيبتك أقول
أحمد: ودي أقعد معاها بس اعناد لك بقعد عله لك
تركي:ماتناسبك النحاسة
أحمد:مزاج
تركي صفق وجها وباعده للجهة الثانية بمزح:روح زين
أحمد سمت أذون تركي: شوف سلطان
تركي مايحب يتكلم عن سلطان وعلاقته معاه محدودة:شفيه بعد
أحمد:صاير ثقيل ركد اشوي مو من عوايده
تركي:سبحان مغير الأحوال
أحمد:احس فيه شي مآحب أشوفه هادء متعود على مزحه وضحكه
تركي:اقول أحمد..من وين تعرفت على سلطان؟
أحمد:تعرفت عليه بـ لندن وهوا يدرس كان يلقي محاظرته و مشروعه و قيمته و تعرفنه على بعض
تركي:شكله من عايلة احس
أحمد:ايه ابوه من عايلة مرموقة وفاتح له جناح خاص في فلتهم
تركي:و بقية اخواته و اخوانه مالهم جناح مثله
أحمد:لآ بس هو
تركي: وش معنى!
أحمد: هو الي بنى جناحه و نظمه بس امه من عايلة بسيطة
تركي:شال نفسه بنفسه الظاهر
أحمد:ايه والنعم فيه رجال ينشد فيه الظهر بس احيانا ياخذه
الحماس ويصير صايع بعض الأوقات
تركي:اهاا شكله حبوب لطيف
أحمد:ايه سلطان جوهرة مايحب أحد يهينه وقت الجد جد والمزح مزح
تركي:الله يوفقه
أحمد تنهد: يلا اخليك
تركي وقف:انا بعد بنزل
@@@@@@@@@@@@@@@@@@@@@@@@@@@@@
...: أخذ الأوراق هذي
...:وين البطاقة ؟
...:خذ هذي
...:اوكي اشوف الأوراق الي زورتها
...:شوفها
...:ايه هذي وببتسامة خبيثة ماراح يتم الزواج على خير
...: انا ما ودي اسوي هالشي احس بيكون ظلم كبير لها
...:لآ مو ظلم و ثانيا نفذ المطلوب وخلاص احنه مجرد ننفذ
...:الله يستر
...:بقت بس هذي الأوراق علشان يكتمل المخطط
...:خذ
جمع الأوراق كلها في ملف واحد امنظم و مرتب و بنص عين:صار كلشي جاهز الحين
...:انا مالي خص بعدين اذا انكشفتوا انا متبري منكم مالي يد بالي تسوونه
...:انت خلك على جنب
..:اوكي براحتكم
@@@@@@@@@@@@@@@@@@@@@@@@@@@@
حبيبي أين انت ..؟
أسهر من أجلك الليل..
أنتظر طيفك يلقي السلام علي...
حبيبي..لما البعد..؟؟
ماعدت أتحمل الشوق...
أريد أن ارتاح حبيبي بالقرب منك ..
.
أتهجرني بعد أن أحببتك ..!!
بعد أن أصبحت كل شيء ...!!
بعد أن سجنت روحي في قلبك.!!
حبيبي كيف أرتاح .. ؟؟
وبالي دائم الإنشغال بك..
لماذا تتركني والحيرة ..
بادية على وجهي ..
أحبــــــــــــك..ولا أريد سوى..
أن تبادلني ..حبك ...
حبك الذي يفرحني .. ويبكيني ..
حبك الذي يميتني .. ويحييني..
أحبك ياعمري ..
وأنت كل عمري..
عمري الذي مضى ..
والذي سوف يمضي..
والذي سوف أعش من أجلــــــــــــــــــه...
طـــــــــــــــــوال عمري
***...
منال طول الوقت تحاول تنام تنتظر اتصال تنتظر كلام وبداخله تعبت
أنا شكلي بستستلم خلاص ماعاد فيني حيل أتحمل أكثر
ملاك:في شنوا تفكرين
منال:ولشي حبيبتي عن اذنج
ملاك:وين بتروحين بهالليل
منال:أي مكان
ملاك خلت منال على راحتها و قلبت وجها للجهة الثانية تحاول تنام
مرة وحدة رن موبايلها ملاك فتحت موبايلها آيفون 5 لقت وصلها مسج و فتحته
العاقل من يضع قارباً يعبر به النهر..بدلاً من أن يبني حوائط حول نفسه تحميه من فيضانه
المرسل:" أحمد "
ملاك استغربت من المسج:وش يقصد بالمسج وبدأت الأفكار تاخذها يمين ويسار ومآعرفت تنام
اما نور حست نفسها جوعانة وبردت اشوي من الجو ودخلت
داخل المطبخ تسوي لها شي حار يدفيها تشربه
تركي فتح باب المطبخ و هوا يدندن رفع عيونه لقى وحدة واقفة عند الفرن حس انه يعرفها
واقترب اشوي اشوي ونظر في عيونها من غير ماتحس لقى فيها ألم ممزوج بشوق
نور التفت لقت تركي و بداخلها اشلون ماحسيت له اول ما دخل
تركي التزم بالصمت و اكتفى يناظر في عيونها
نور انحرجت و نزلت راسها
تركي: بردانة
نور من الاحراج مآردت عليه
تركي فصخ جاكيته وخلاه على كتفها..نور على طول رفعت عيونها..و ابتسم لها
نور حاولت تبعد عنه لقت تركي وجهه أحمر و عيونه تتكلم بدل السانه ما راح يتركها
نور خافت على روحها من شكل تركي
تركي بداخله أحس نفسي ضعيف لا مو ضعيف لا تستسلم لا تقرب منها أكثر
امسك نفسك خلك قوي و صامد لا تطيح من عيونها
تركي مسك خدينها و اقترب لقى نور على طول تبتعد بخوف و رجفة و شدها له
نور بخوف وهيه ترتجف تحس دموعها بطيح ..على طول مسح عيونها و رفع راسها
ومن غير مايحسون لقوا صوت فتح الباب و كان يراقبهم بلحظاتهم الأخيرة.........
انتهى البارت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك