رواية جمعتنا الصدف وفرقنا القدر -42
أحمد لاحظها و بخبث:اخليها تقعد معانا
تركي انتبه لها:لا حرام بتحرجها
أحمد:اصلا من قال بخليها تقعد وسطنه و انت صديقي
تركي:انت
أحمد:أمزح معاك
و قعدت على طاولة قريبة منهم متمللة قاعدة بروحها تنتظر البنات يرحمونها
أحمد:اتصدق ما أتأمل خير
تركي:اشلون
أحمد:ماظنتي راح اتهنى و جاستن مثل الفار وراي
تركي:اتقبلها بروح رياضية و عيش حياتك ..الحياة حلوة
نور تسمع تركي و ودها تعرف وش الي امغيره عليها أخذت تلفونها مترددة
و بداخلها لا ما لازم أضعف لهدرجة اذا يبيني و يحبني راح يتصل لي
مايبيني بكيفه خلني عزيزة نفس و واثقة من نفسي و مايهزني ريح و البنات
مالها الا كرامتها اذا طاحت طاحت هي معاها ...و التزمت الصمت
و التفكير و هي تشرب العصير تناظر الرايح و الجاي
@@@@@@@@@@@@@@@@@@@@@@@@@@@@@
في بيت ام سلطان
لمآ:مبروك على الزواج عقبال دانا و رهف
ام سلطان:الله يبارك فيج
لمآ:عن اذنكم انا بروح غرفة دندونة
ام سلطان:محد في غرفة دانا
لمآ:لا بس باخذ الاب دقيقة
ام سلطان:براحتج
و قعدت ام محمد و ام سلطان يسولفون مع بعض
لمآ ركبت الدرج:غزل
غزل:هااه
لمآ:راقبي عدل
غزل:اوكي
فتحت لمآ الغرفة اشوي اشوي شافت شعرة على المخدة أخذتها و دورت شي صغير
لمآ بتفكير:وش آخذ الحين ....لقة كحفية الثوب و أخذتها و طلعت
غزل:كان نمتي
لمآ:اخذي هذا الي وصت عليه ام الياس
غزل أخذته من يدها:بتشوفين انا وعدتج
استأذنوا من امهاتهم و طلعوا.....
@@@@@@@@@@@@@@@@@@@@@@@@@@@@
شاهر يعد الفلوس و وزعها:خذ يالشقردي
مهند ناظر الفلوس بقرف:لا ابوي و اخوي قالوا لي مآخذ شي ماتعبت فيه و شي مو لي
صالح:اووهوو انت من وين جايبه لنا الحين بعد يعطينه محاضرات و يصير ملآ علينا
شاهر لقى وجه مهند قلب:اسكت بعدين نتحاسب
مهند:انا راح امشي
امير همس لصالح:الي قلتلي عليه جبته
صالح:وين و ديته
امير:خشيته في الاستراحة الخلفية
صالح:اوكي راح انحدد يوم و نسوي الي اتفقنه عليه
امير:اوكي
شاهر:و انا بعد يلا مع السلامة
الكل ناظرهم و هم يخرجون و كل واحد يناظر الثاني و يضحك
بالطريق
مهند:انا بروح البيت
شاهر:اوكي
مهند اول مادخل البيت لقى ابوه معصب
بو فراس:في بيزات كانت داخل ثوبي نقصت وين راحت
مهند بارتباك:انا اخذت دينار و قلت اول ماتجي بقولك
بو فراس هدت أعصابه:مو المفروض تستأذن مني بعدين تاخذ
مهند امنزل راسه مستحي و مستغرب انه اعصابه هدت مرة وحدة:آخر مرة بس كنت جوعان
بو فراس بتعب:لا عادي اهمشي عندك انك اعترفت و ماتعيدها مرة ثانية
مهند بفرح:وعد مني..بس يبه شفيك شكلك تعبان
بو فراس وقف:ايه تعبان بروح بنام تصبح على خير
مهند:و انت من أهله
دخل بو فراس الغرفة لقاها هادئة و اضوائها خافتة و رمى نفسه على السرير و نام
اما مهند دخل الغرفة مستانس و مرتاح انه ابوه سامحه على غلطته و أخذ له و رقة و قلم يرسم
و يتذكر كل ايامه وش سوى فيها و حس باشتياق لخوه فراس و بحزن:وحشتني فراس متى ترد
احس نفسي ضايع بدونك ماعرف الصح من الغلط ... و شغل انارة خفيفة بالغرفة
لأنه يخاف ينام بالظلام و نام
@@@@@@@@@@@@@@@@@@@@@@@@@@@@@
هند بتعب:ووه و آخيرا حصلت كل الأوراق و أخذت موبايلها
أحمد استغرب من الرقم و تجاهله
تركي باستغراب:شفيك رد
أحمد سحب موبايلها:الوو
هند:اهلين
أحمد:اوهو انتي من وين طلعتي شلتي الغبار ..تدرين حدج مغبرة
هند بنذالة تنظار الأوراق:عندي لك هدية حلوة تخصك
أحمد بطفش منها:انزين و بعدين
هند:ماتبي تشوفها
أحمد:لا في شي ثاني؟
هند:ماعليه انت الخسران ...ماكملت كلامها الا الخط تسكر
تركي:هند!
أحمد:ايه الكشرة ام المشاكل
تركي ابتسم:وش جديدها بعد
أحمد: ماهتم لها لأنها وحدة ماعندها شخصية قوية و اسلوب
تركي:والله حالة
هند انقهرت من حركته:ماعليه صبر عليّ
مرت خمس دقايق الا الكل داخل البنات طاولة و الشباب طاولة
ملاك بجوع:ابي بااستااا حااااارة
دانا:آنا ابي ستك لحم
سلطان طلب لهم كل طلباتهم و تعشوا و الضحكات غامرتهم و الفرح واسع صدورهم
بعد ماتعشوا و خلصوا سوالفهم
نور:ابي آيسكريم باسكن روبنز
أحمد سمعها و اتصل على الحارس يشتري لهم آيسكريم يحلون
بعد ماجب لهم طلبهم
نور تاكل الآيسكريم بلذة:لذيذ
ملاك:شكلج مو ماكلة آيسكريم من سنة
نور تذكرت آخر مرة أكلت الآيسكريم مع تركي:ايه
رهف:عوافي على قلبج
ريم:متى العرس راح يصير
ملاك:عقب يومين من هاليوم
نور:وناااسة بنفلها
ملاك:احس نفسي تعبانة ابي اروح انام
دانا:و آنا بعد
رهف:بدز لسلطان مسج نبي نمشي
ملاك:ياليت
رهف دزت لسلطان مسج
سلطان:يلا شبااب أخليكم
نورس:اقعد بس توه الناس
سلطان:البنات يبون يرجعون
تركي:دلاعة والله خلك منهم
سلطان:الجآيات أكثر ان شالله اشوفكم على الخير
سلطان أشر لهم
ملاك:يلا نمشي
و قاموا البنات و راحوا مع سلطان اما البقية و صلهم السواق و الشباب
امطولينها مابيقومون لأنه من تبتدي الساعة 12 الصبح عندهم و الحياة
أحمد مسك موبايله متملل شاف رقم ملاك و حب يرقع و يفلها بآخر الليل
تركي:شكلك متسبب
أحمد:لآ بس خاطري اتعلف
تركي:في من؟
أحمد اكتفى بالابتسامة و طرش المسج
ملاك فتحت موبايلها لقت مسج و فتحته
نوما هنيأ يا عروستي حبيبتي *^
المرسل"أحمد"
ملاك ناظرت المسج:شكله فاضي ما وراه شي و ابتسمت ابتسامة باهتة والله انه عذاب
بس لو يترك الغرور و الفلفسة الزايدة و يبعد الحواجز الي بينا والله نعيش أحلى اثنين
دانا:مسجات آخر الله هاه من الحين
ملاك اختبلت:انتي من متى اهني؟
دانا:قريت المسج
ملاك:يالفضوولية
دانا انبطحت على بطنها:تحبينه ملاكو
ملاك:ليش تسألين
دانا:مايبين عليج مستانسة
ملاك:خايفة
دانا:يالخبلة في أحد يخاف بالعكس من قدج مآتزوجتي اي واحد تزوجتي لج شخصية
ملاك:لا بس انا خايفة حياة جديدة تعودت على خبالكم و شركم عليّ ههه
دانا:اما عاد هذي قووية هههه
رهف بطلت الباب حاملة مخدتها امبرطمة و رمت نفسها على سرير ملاك
ملاك:يبه شفيها هههه
دانا:امبرطمة
رهف:ماني ماني و حضنت ملاك بقوة ملاكو بتوحشيني
ملاك:و انتي بعد دبدوبة
رهف:دبتش ضعفت صار وزني 50 و نص
ملاك:دبدوبة هذي دلع
رهف:لا متعقدة من هالكلمة
دانا:دلاعة ماعليج دبة دبة دبة ويلا دني لي مكان بقعد
ملاك سمتت دانا و ناموا مع بعض ملاك في الوسط و دانا و رهف يتهاوشون على
ملاك حتى في النهاية كسروها و ناموا بتعب و وحدة ارجولها عليها و الثانية مدت
يدها و عطتها كف و هي نايمة ماتحس بروحها ...
عقب نصف ساعة قعدت دانا من النوم و ابتسمت
و أخذت شعر رهف ربطته بشعر ملاك و نامت على صدر ملاك......
@@@@@@@@@@@@@@@@@@@@@@@@@@@
في أمريكا بالانجليزي
جولي كتفة يدينها:لن تذهب الى البحرين
شآرل:سأذهب
جولي:أتعصي كلامي و أنا والدتك التي سهرت الليالي عليك
شآرل:امي لاتظلم الناس و تقتلهم
جولي عطت شآرل كف على وجهه:تمد لسانك عليّ و انا امك التي ربيتك
هذه آخرة الدلع و حبي لك
شآرل سحب شنطته من على الكنب و هو مجود خده:شكرا على كل ماقدمتيه
لي و لكن سأذهب و طلع من البيت متجه للمطار مع ابوه
عبد العزيز:وافقت؟
شآرل شال يدينه من خده:لا و لكني لا اريد البقاء مع ظلمها
عبد العزيز:هيا لنذهب قبل ان تقلع الطائرة
جولي مسكت الموبايل بقهر:مرحبا
...:مرحبا
جولي:لقد ذهب و معه ابني
...:و المطلوب
جولي:ابني
...:حسنا
جولي سكرت الموبايل و دخلت الحمام أخذت لها دش و بعدها طلعت مع بين تسهر معاه
@@@@@@@@@@@@@@@@@@@@@@@@@@@@
اما نور اول مادخلت فتحت الاب على المسن لقت صديقتها الي ضافتها من المنتدى قاعدة
نونوو:هااااي
كل مانويت أعقل ناداني الطيش ياهوو بدري:اهلا بالحلوو
نونوو:اشلونج شخبارج
كل مانويت أعقل ناداني الطيش ياهوو بدري:الحمدالله انتي شخبارج ..هاه وين الصورة
نونوو:خخخ اول خل اسمع صوتج بعدين اطرش الصورة
كل مانويت أعقل ناداني الطيش ياهوو بدري:افاا مافي ثقة بينا؟ههههه
نونوو:تييب و خلت صورة لها بالعرض و على طول انصدم و باق الصورة قبل ماتغيرها
نونوو:احم
كل مانويت أعقل ناداني الطيش ياهوو بدري بصدمة مو امصدق:عيووووني
نونوو:وريني صورتج
كل مانويت أعقل ناداني الطيش ياهوو بدري:اخااف تنصدمين
نونوو بخوف:اشلون يعني؟
كل مانويت أعقل ناداني الطيش ياهوو بدري:لا تخافين هههه
نونوو:وريني صورتج
دز لها الصورة الي صورها بالمطعم من اشوي و ابتسامته العذبة مالية ملامحه
نور بدت ترتجف و دموعها تطيح منصدمة انه ولد مو بنت......................!\
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أبُيً لآمٍنٍ نٍزٍفٍ جَرٍحِيً لَقِيًـتِ آللـيً يًدُآوٍيًنٍـيً
أبُيً شُخٍصِ يًجَيً يًمٍـيً وٍ يًقِفٍـل للعُنٍـآ بُيًبُـآنٍ
أبُيًهُ يًگوٍنٍ ليً خٍـلٍ عُلـىٍ حِزٍنٍـيً يًوٍآسِيًنٍـيً
أبُيًهُ لمٍرٍگبُيً مٍرٍسِىٍ وٍأبُيًـهُ لغٌرٍبُتِـيً أوٍطَـآنٍ
أبُيً لآمٍنٍ ذِرٍفٍـتِ آلدُمٍـعُ ليًنٍـهُ لـيً يًعُزٍّيًنٍـيً
أنٍآ مٍآ أبُيًهُ يًصِبُحِ ضَلعُ أبُيًهُ يًگوٍنٍ لـيً ضَلعُـآنٍ
أبُيً لآ مٍنٍ مٍشُيًتِ وٍطَحِتِ حِطَ يًدُيًهُ َفٍيً يًدُيًنٍـيً
إلآمٍنٍ خٍآنٍنٍيً آلتِعُبُيًرٍ أبُيًـهُ يًگـوٍنٍ لـيً لسِـآنٍ
أبُيً لآمٍنٍ سِگتِ ألَقِآهُ .يًفٍهُمٍ مٍـنٍ نٍظِـرٍ عُيًنٍـيً
أبُيً لآ مٍنٍ تِعُبُتِ وٍضَقِتِ لمٍ آلرٍوٍحِ بُآلأحِضَـآنٍ
أبُيًهُ يًگوٍنٍ لـيً گتِـآبُ إذِآ ضَآعُـتِ عُنٍآوٍيًنٍـيً
أبُيً أعُشُقِ وٍأبُيً أغٌـرٍمٍ وٍبُبُنٍـيً للهُوٍىٍ بُنٍيًـآنٍ
أبُيًهُ يًگوٍنٍ مٍبُنٍىٍ ضَخٍمٍ وٍيًسِگـنٍ َفٍيًـهُ مٍغٌليًنٍـيً
أبُيً وٍآحِدُ وٍيًسِگنٍ بُيً وٍآبُطَرٍدُ لأجَلـهُ آلسِگّـآنٍ
أبُيً يًسِگنٍ وٍسِطَ َقِلبُـيً وٍعُمٍـرٍهُ مٍـآ يًخٍليًنٍـيً
أبُيً أشُعُل شُمٍوٍعُ آلحِبُ وٍبُأعُطَيً مٍنٍ آلغٌلآ بُسِتِآنٍ
أبُـيً أهُدُيًـهُ بُآَقِـة وٍرٍدُ ..مٍسِقِيًهُـآ شُرٍآيًيًنٍـيً
فيصل اول مآدخل الفلا لقى أحمد قاعد بالصالة الكبيرة حاط يده خلف رقبته
يتابع فلم لويس الرابع عشر و ياكل بوب كورن
فيصل لف من خلف الصالة و راح لحمد حط يده على عيونه
أحمد"بطل الرواية":نورس شيل يدك
فيصل:...
أحمد:تبي تلعب معاي مثلا غميضة اممم اذا مو نورس ابوي!
فيصل:...
أحمد:نور يمكن او منال ...!
فيصل:ماحزرة يا حلو ...فيصل شال يده عن عيون أحمد
أحمد لف للخلف لقى فيصل و وقف له سلم عليه:حمدالله على السلامة
فيصل:الله يسلمك
أحمد:اشلون وصلت قبل المدة و ماخبرتني
فيصل:ماحبيت أزعجك و أنت مشغول بامور الزواج
أحمد:لا لا ازعاج ولشي ...متى وصلت ؟
فيصل:اليوم ..و شفت نور بعد
أحمد:شافتك و لا قالت لي
فيصل:انا قلت لها ماتقول لكم
أحمد:اهاا..حياك تفضل استريح
فيصل قعد على الكنب بتعب:اشتقت للفلا
أحمد:وش سويت بالسفر و شنوا آخر أخبارك؟
فيصل:الحمدالله اموري ماشية
أحمد:الحمدالله
فيصل:وين اهل البيت؟
أحمد:كل واحد بغرفته
فيصل:ليش منعزلين!
أحمد:كل واحد و على راحته
فيصل فصخ كرفتته و خلها على الكنب:تعباان
أحمد:روح خذ لك دش و نام و بترتاح
فيصل:صدقت والله ..أخليك تصبح على خير
أحمد:و انت من أهله
ركب فيصل جناحه الهادء لقاه نظيف و مرتب مثل ماتركه و ولشي تغير فيه
دخل داخل مكتبه لقى أغراضه على مكتبه مثل ماهي ..بعدها دخل داخل غرفته
و سبح بالحمام....بعد ماطلع من الحمام نشف جسمه و لبس له بجامة نوم ..و قعد على
السرير يفكر حتى تعب و نبطح و نام....
***
اما نور قاعدة بالغرفة تصيح بعد ماهددها اذا حذفته او اذا طقته بلوك بيتصرف معاها تصرف ثاني
نور بحزن على نفسها تمسح دموعها:من وين طلع لي هذا اهئ والله ماكنت أدري انه ولد اهئ ندمااانة ياليت يرجع الزمن شسوي بالورطة الي طبيت فيها الحين اقول لـ ريم لا ريم اخاف طاقولها و يوم من الأيام تعايرني الزمن غدار او اقول لـ منال اهئ و اذا قلت لت منال
بتذبحني كافي تركي و عصبت عليّ يجي هذا و يكملها يارب ساعدني أطلع من هالمصيبة الي اخليت نفسي فيها بس استاهل اهئ محد قالي اثق في أحد و اضيف لي أحد من النت و
المنتديات بس والله غلطة محد معصوم عن الغلط ولا ملائكة كلنا نغلط يارب ..اهئ اقول
لـ أحمد؟ لا اذا قلت لـ أحمد بيقتلني ايه الصبيان ماعندهم اسلوب ياخذون البنت و يدوسون
في بطنها ..و اذا قلتله بطيح من عيونه و بيفهم غلط و بيعصب عليّ و ماراح يثقون فيني مابيقولون اني انا غلطة و تهورت و طيش مراهقة لا بعدها بيعاملوني معاملة
حقيرة اهئئئئئ ياااااربي نور دفنت راسها بالمخدة و عيونها مليانة دموع و الوجع ماكل قلبها
..ناظرت تلفونها تنتظر اتصال من تركي يمكن يخفف عليها و حدتها
و همها المخنوق و المصيبة و يمكن يعطيها حل
نور بتفكير:يمكن تركي يحل الموضوع لا ابروحه متغير عليّ ماراح اتنازل و اتصل
له خل هو يتصل لي هو الرجال هو الي يتصل مو انا البنت بس تركي بيتفهم الوضع
لو اتصلت له لأنه انسان واعي و متفهم لا بس يمكن يعصب عليّ و يقول اني
غبية و هبلة خلني انا أحل الموضوع أحسن....
@@@@@@@@@@@@@@@@@@@@@@@@@@@
I miss the sweet voice that heals my wounds. I miss everything about you!
ريم باست جبين ابوها:يلا بابا تصبح على خير
بو تركي:و انتي من هله
تركي:الله لنا مالنا بوسة
ريم:يغارون منك يبه هههه
بو تركي:يحلو الغيرة اذا طلعت من تركي
ريم باست جبين تركي منحرجة:دلعناك اليوم آخر مرة
تركي:ماعليه و أنا بعد دلعتج اليوم..وطلع لها قلادة من ذهب عليها قلب و حرفها
اشتراه مع أحمد يوم كان معاه بالسوق Rبالانج
تركي:ان شالله يعجبج ذوقي عااد
ريم منحرجة و باست خده:أحلى هدية حصلتها بحياتي
بو تركي:قصدج أحلى دلع من اخوج
تركي:هههه
ريم انحرجت و ركبة فوق لجناحها
بو تركي:يحلوها تجنن
تركي:ماعندي الا هـ الأخت أدلعها
بو تركي:الا صح تذكرت
تركي:شنوا
بو تركي:وش قلت على الزواج!
تركي:في بالي بنت
بو تركي:من تكون؟و بنت من؟
تركي بتردد:ان شالله راح تعجبك
بو تركي:اي عاد بنت من
تركي:اخت صديقي أحمد
بو تركي:زين ماخترت والله
تركي:...
بو تركي:وش رايك انت و أحمد زواجكم في نفس اليوم
تركي:لا يبه وش زواجنا مع بعض مستعجل بااقي على الزواج وراي سفر
بو تركي نعسان:الي يريحك تصبح على خير
تركي:و انت من هله
بو تركي راح غرفته و نام
و ظل تركي بروحه بالصالة.. ساكت امفهي لحظات و قام دخل جناحه و قعد بصالة المفتوحة
تركي:يمكن هي الحين زعلانة و شرهانة عليّ و مضايقة بس مآقدر اتصل
وش اقول اذا اتصلت! كل واحد بدربه انا انسان مريض لا تتعلقين فيني أكثر! أصدمها أكسر
قلبها و ارحل ببساطة ..! و هي وش راح تسوي ! معقولة اتزوجها و أنا على هالحال مايصير اعلقها في سراب و لا يصير أتركها مجروحة تذرف دموع مآتحمل عيونها البريئة تكون
مجروحة يوم من الأيام و اختها ماراح تسكت و سلطان أخاف يسوي فيها شي هذا انسان
ماله أمان انسان متهور و فيه طيش و صياعة أخاف عليها منه ..ماعمري تسرعت بحياتي و اتخذت قرار كثر هالقرار الي يمكن يدمرني خلاص هذا الحل الوحيد والله يكتب الي فيه
الخير و أخذ موبايله بتردد واتصل
نور غمضت عيونها المليانة دموع تحاول تنام..شالت راسها من المخدة بتعب ..و فتحت
الليت باضاءة خافتة و شافت المتصل "وطن عمري" و ردت بصوت مخنوق غير مبالي
نور بصوت مبحوح بسبب دموعها:الوه
تركي برقة يراعي أنوثتها حب يمزح معاها حاس فيها و بشوقها قلد عليها:الوه
نور على الرغم من ضيقتها ابتسمت انه مزح معاها و ضحكة ضحكة مخنوقة
تركي:ماسمعت!
نور بتستغراب:شنوا!
تركي:ابي الضحكة أعلى
نور بتكبر منقهرة منه:ماني
تركي:ليش؟زعلانة؟
نور:...
تركي:يعني مايصير نبتعد اشوي علشان الشوق يزيد يقولون البعد يولد الشوق
نور:مو عذر
تركي:ههههه زعلانة مني بقوة
نور:ايه باي
تركي من غير مايحاسب لكلامه:زعلانة مني؟ ماتقدرين تزعلين مني و انا حبيبج
نور بقهر:هم
تركي:كنت مشغول بالفترة الأخيرة أعذريني
نور بزعل:لآ لآ لآ
تركي بقرار حاسم و متسرع بحياته:زعلتي مازعلتي تدلعتي ماتدلعتي جاي باجر أخطبج
نور باحراج:يا التركية باي
تركي:ماشبعت من صوتج توه الناس
نور بحيا:وراي باجر مدعسة
تركي:بس اشوي و بعدين كملي نوم
نور:تييب
تركي:شفيه صوتج يوم اتصلت لج مخنوق؟ من مضايقج
نور تذكرت و بحزن:لا ماكو بس اشوي صادتني مشكلة
تركي:شنوا المشكلة؟
نور بخنقة:مآقدر اقول
تركي:الا بتقولين ..ماراح أخليج تروحين تنامين و انتي مضايقة
نور:علشاني تركي تعبانة مآقدر اقول المرة الجاية اذا قدرت اقول راح اقول
تركي:ماراح أضايقج و أجبرج لأنج تعبانة الحين ..بس مابيج تفكرين في اشياء تضايقج
نور ياليت شي امضايقني الا مصيبة:ان شالله
تركي:وعد؟
نور:وعد
تركي:نقول أحلام سعيدة؟
نور ودها و لو مرة تسمع منه كلمة أحبك بس ماتلاقي منه هالكلمات ابدا:اوكي يالمغرور
تركي:ياليتني مغرور
نور مافهمت عليه:مغرور و نص
تركي ببتسامة:تحملي بروحج
نور بقهر ودها تسمع منه كلمة تبرد حرارة مشاعرها و بقهر:مغرررور
تركي:ههه مع السلامة
نور:الله يسلمك..و سكرة منه
***
تركي جود جبينه:أحس بصدااع مو طبيعي
و اتجه لثلاجة طلع له بندول اكسترا أحمر و شرب ثلاث حبات على بعض
ونبطح على السرير بتعب و ندمان على كل مافات..لف وجهه للجهة الثانية
من السرير و غمض عيونه يحاول ينام
** اما نور قضت ليلتها بحرقة قلب حتى نامت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك