رواية جمعتنا الصدف وفرقنا القدر -44
أحمد ميت ضحك من داخل لأنه يعرف الكهربا راح تولع بينهم الحين
تركي يبي يحرق دمه:افااا توقعتك تعرف بسرعة!
سلطان بحرقة:عن خفافة الدم الزايدة
تركي ابتسم و حط عيونه بعيونه يناظره:نور خليفة الـ...,,,هذي الي انت تعرفها
و تحديتني عليها أخذت صديقي أحمد هذا الي قاعد جنبنا
سلطان:اشلون تزوجه أختك؟
أحمد:والله جى بكل أخلاق دق الباب و خطبها...من سبق لبق
سلطان بعصبية:ليش احنه في سباق
أحمد رفع عيونه و بهدوء:مو انا الي أحد يرفع صوته عليّ ..هذي آخر مرة لك
سلطان:هذي نذالة انا بعد كنت أقدر ازوج ملاك ولد خالتي محمد
أحمد بشخصية قوية بالكلام:اي ولد خالة هذا بعد...حتى لو قدرت
تزوجه اياها ..أنا جيت قبله ..و اذا هي تبيه بتاخذه
سلطان بعيون لامعة:بس انا انا
تركي:أعذرني أقولك انا و هي تلاقينا مع بعض قبل لآ نعرفك و تجي بنص في حياتنا
سلطان الشيطان يولع داخله ..قام عنهم..و ترك لهم المطعم
أحمد:كسر خاطري
تركي بسخرية:خله..سلطان اذا بتلاحظه يحب يتملك الشي حتى لو كان هالشي مو له
أحمد:لا سلطان مو جذي بس ماتوقع المشاعر تختلط بينكم
تركي حس بسلطان و تذكر طفولته مع عبير:الله يوفقه
****
طلع سلطان بعصبية و طلع الرقم الي أخذه من الشركة...ودق على الرقم
نور استغربت من الرقم و ستأذنت من البنات و طلعت تتكلم:الوو
سلطان بلهفة:الوين
نور:من؟
سلطان:سلطان الحب
نور بخوف:سلطان الله يخليك لاتستغل الي صار بينا و تسوي شي يمسني
سلطان:راح تاخذين تركي؟
نور:...
سلطان:تحبينه؟
نور:الله يوفقك و تلاقي البنت الي تحبك و تحبها و هذي مو نهاية العالم
سلطان:بهالسهولة؟
نور:مابي اطول معاك أكثر
سلطان:تركي بيسافر اشلون راح تعيشين معاه!
نور:مستعدة أنتظره العمر كله
سلطان:تكرهيني نور؟
نور:أعتبرك اخوي الكبير
سلطان:بس انا للأسف مو اخوج
نور:.......
سلطان:لا تتزوجينه نور انا راح أحطج في عيوني
نور:بتزوجه
سلطان:ترى الصورة عندي..اقدر ألف قصص من عندي
نور ضحكة:هههه أدري...بس أدري انك ماراح تسوي شي لأنه الانسان اذا يحب انسانة
يتمنى لها الخير حتى لو ماكنت من نصيبه...هذا قدر يا سلطان و في شي اسمه قسمة
و نصيبة و أنا مو من نصيبك و أنت تؤمن انه في الحياة في شي اسمه قسمة
نصيبة و أقدار الله كاتبها لعبيده
سلطان:بس نقدر نغير هالقدر المكتوب
نور:الله يوفقك
سلطان بصوت مخنوق:حرام كسر الخواطر
نور حزنت على صوته و اسلوبه بالكلام:سلطان....
سلطان يبي يسترجع قوته:راح افكر اذا أتنازل و اتركج لـ تركي او لا
نور:مايبي له تفكير السالفة خلصت
سلطان:مو على كيفج...وسكر في وجها
و طلع يتمشى بحزن و يحس تركي انتصر عليه بس مايبي يستسلم لنهاية و معاند نفسه
@@@@@@@@@@@@@@@@@@@@@@@@@@@@
ام أحمد:راح تزوجه و أخيرا
بو أحمد:ايه بيتزوج
ام فيصل:مستانسة انه ولدي ووصل احس بسعادة
بو أحمد:و هذا بعد ولدج
ام فيصل:حامض على بوزه و ثانيا ولدك لازم اقوله من امه
بو أحمد:مايصير حرام لاتذبحينه و هوا كلها يومين و يبتعد و يتزوج
ام فيصل:مو لأنه بيتزوج لازم يعرف من تكون امه ...
@@@@@@@@@@@@@@@@@@@@@@@@@@@
أحمد طلع مع تركي على البحر يسولفون و كل واحد يخفف هم الثاني
تركي:احس بندم يقطع شراييني
أحمد:ياليت أعرف وش فيك بس مآقدر أجبرك على الكلام
تركي:راح تعرف قريب
أحمد:يلا انا لازم أروح الفلا
تركي:تقدر تروح
أحمد:أخاف عليك قوم روح انت بعد فلتكم
تركي:هههه جاهل تخاف عليّ كفاية الحرس امحاوطيني
أحمد:براحتك
تركي:الله وياك
وطلع أحمد على الفلآ ..أول ماوصل حس انه ذكر ملاك وده يسمع صوتها مشتاق لها بس
مايبي يكون ضعيف....ودخل الفلا بهدوء من غير مايصدر صوت
وسمع أصوات عالية تتعالى و استغرب
ام فيصل بصرخة:لآزم يعرف من امه
بو أحمد:بسجل نص الحلال باسمج بس ابتعدي عن ولدي
ام فيصل:و الفلا بعد
بو أحمد:و الفلا
أحمد قاطعهم:منو الي لازم يعرف من امه!..............................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
صدفه ومن بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه
سلم عليي وجلس جمبي وكلمني
كل الحواجز تلاشت بيني وبينه
اخذ ايديني بايديه وقام يوصفني
ولا تمنيت ايدي تترك ايدينه
قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني واجمل اغاني الغزل شعري وتلحينه
بو أحمد:بسجل نص الحلال باسمج بس ابتعدي عن ولدي
ام فيصل:و الفلا بعد
بو أحمد:و الفلا
أحمد قاطعهم:منو الي لازم يعرف من امه!
ام فيصل بداخلها الشر و الحقد ماعليه مآراح اعكر مزاجك اليوم بس كلشي بوقته حلو
بو احمد يناظرها بترجي
ام فيصل:واحد متستر عليه ابوك مايبيه يعرف من امه
أحمد باستغراب:و لشي ان شالله و ش فيها امها ناقصتها ارجول ولا يد
ام فيصل تناظره بتعجب:وش دراني عن ابوك قوله...و اتجهة بتروح غرفتها
أحمد استوقفها:يمه بتجين عرسي
ام فيصل:انا رافضة هالزواج من الأساس اشلون احضره
أحمد:يعني كلش مو ناوية تجين
ام فيصل:راح افكر
أحمد:راح تشرفيني بحظورج
ام فيصل:مآدورت الا طبقة بنات الفقر قلو بنات العالم الحين
أحمد:اذا تبينها خدامة لج تصير خدامة المهم ترضين
ام فيصل بدآخلها شكله مو راضي هو اساسا عن زواجه و مآخذنها تسلية أعرفه احمدوا مغرور
ماتملي عينه اي بنت طول عمره رافع خشمه و اذا بيناظر بنات تسلية لوقته و لنفسه و لعب و لهو
و آنا اقول بعد هذا يتزوج طبقة بنات افقر صح طيب و يخدم الناس بس مايتزوج له بنات يالله يالله
ام فيصل:لا ماوصلنه لهدرجة اخليها خدامة بس ياليت لو تعيد حساباتك
أحمد قعد على الكنب و خله رجل على رجل: فكرت و اكتفيت من التفكير و اتخذت قراري النهائي
ام فيصل:اي صح حابة اقولك بنت الفقر هذي ماطب بيتي هذا الي ناقص
أحمد:راح اخليها بس في جناحي
ام فيصل:بتخليها في جناحك تنثبر ماتطلع و لا اشوفها و لا تشوفني
أحمد:غالي و الطلب رخيص
ام فيصل تحس بتسلط:يلا تصبحون على خير رايحة أنام
احمد:و انتي من أهله
بو أحمد ارتاح انها مآخربت الموضوع بس اضايق من اسلوب أحمد
بو أحمد:أحمد ليش تقول هالكلام
أحمد:أي كلام؟
بو أحمد:عن زوجتك ..المفروض تصونها و تحميها تقول عادي لو تكون خدامة
أحمد:علشان اسكت امي لا أكثر
بو أحمد:حتى لو تبي تسكتها ماتقول هالكلام عيب
أحمد:مو قصدي
بو أحمد:الله يوفقك في حياتك يلا انا بروح بنام
أحمد:يبه انا اول مآخذها بنقعد بس يوم او يومين بالكثير و بنسافر
بو أحمد:وين بتسافر؟
أحمد:باريس باخذها معاي ثلاثة أشهر يمكن
بو أحمد:الناس تسافر شهر واحد عسل و انت تسافر ثلاثة ههه بالعافية عليكم
أحمد:منها شهر عسل و منها اقضي اشغالي عصفورين في حجر
بو أحمد وقف:باجر الملجة صح؟
أحمد:مباشرة خطوبة
بو أحمد:على طول؟
أحمد:ايه
بو أحمد باستغرب:الي يريحكم...وركب جناحه و نام على الجهة الثانية
بسبب خلافه مع زوجته على أحمد
*
اما فيصل أخذ له شور و طلع من الحمام و رجع شعره الطويل المايل لشقارة الممزوج باللون الذهبي للخلف الواصل لكتفه و زود و أخذ شعره الي قدام و طلع قصة منه و رشة له من عطره الألماني حتى اختلط العطر بانفاسه ..ولبس سيره على جينزه الرصاصي المتناسق مع قميصه الأصفر الممزوج بالأبيض و ظبط آخر آزارير قميصه و طلع من جناحه
أحمد ناظر شكل فيصل و ستايله الي يشبه ستايله
أحمد:طالع
فيصل انتبه لـ أحمد و اتجه لـ الصالة و قعد فيها يشرب قهوة:يس
أحمد:على وين؟
فيصل:الفلة بسهر فيها
أحمد:بتشرب؟
فيصل:لا أنا مآشرب بس اقعد فيها من باب الفراغ
أحمد ناظره و هوا يبتسم تعبان:شكلي بسهر معاك
فيصل:يلا قوم علشان ما نتأخر
أحمد:بروح ببدل ملابس و بجي
فيصل:انا نآطرك
أحمد ركب لجناحه و بدل ملابسه و لبس له ثوب و غطره بيضة و لبس
ساعته السودة الماركة و نزل لصالة
فيصل ناظره باعجاب:انا مستغرب باجر عرسك و بتطلع اليوم ريح على الاقل
أحمد:اي عرس و اي خربيطه يلا نمشي
فيصل:يلا....وطلعوا متجهين للفلة
@@@@@@@@@@@@@@@@@@@@@@@@@@@
في بيت ام محمد
لمآ و هيفاء يسولفون مع بعض
لمآ:هاااه يا بنت الخالة كم النسبة هالفصل
اما محمد دخل هالوقت البيت و شاف هيفاء و لاعت جبده صح انها جميلة و كل ماشوفها الشيطان يلف علي بس ما أحب البنت الفاصخة:سلام عليكم
هيفاء و غزل:و عليكم السلام
ودخل على غرفة امه و يصارخ بـ اعلى صوته علشان هيفاء تسمعه
محمد:ليش ان شالله و هذي الفاصخة الي أهلها ماعلموها السنع و الأصول و الحشيمة
و الحيا لـ متى بتظل بدون حجاب ولا ماتعرف الستر ...و لا اهيه من هذولا البنات الي شسمه...
ام محمد:بس بس لاتكمل و تفضحنة انت وش ناوي علينا
محمد:خليها تطلع مانتشرف في بنت خالة نفسها
هيفاء سمعت كل كلامه الجارح و دخلت غرفة لمآ بسرعة و سكرت الباب
و لبست لهآ عباية و شال و لثمة و طلعت من البيت تركض و دموعها على
خدها...لمآ حاولت تلحقها بس مآقدرت
لمآ دخلت الغرفة:ليش تسوي جذي يرضيك الي سويته طلعت من البيت
بالليل اذا صار فيها شي انت السبب
محمد:جهنم الي تحرقها الفاصخة الي مآتعرف ربها
لمآ:انت مالك خص في البنت ماهي اختك او زوجتك كيفها والله بتلبس بتفصخ
هي حرة في نفسها و كل انسان عنده عقل يعرف الصح من الغلط
محمد:محد وجه الكلام لج و ان شالله امأيدتها بس
لمآ بصرخة عليه:مالي شغل فيها هي كبيرة و تعرف شتسوي و كل انسان يسوي الي
يريحه و الي يحسه صح و الله هو الي يحاسب عبيده مو انت و طلعة من
الغرفة و دخلت غرفتها و سكرة الباب بقوة
ام محمد بخوف:روح شوفها لا يصير فيها شي و يقولون مننا
محمد حس بالندم:بالطقاق..و اتجه لغرفته
@@@@@@@@@@@@@@@@@@@@@@@@@@اما بالفلا
أحمد ماسك الاب و يشوف العقارات و آخر أخبار البورصة
فيصل:انت للحين بالبورصة و خرابيطها
أحمد:شسوي بعد
فيصل:أحمد بطلع مشوار بسيط ماياخذ نص ساعة وراجع
أحمد:اوك انتظرك
فيصل أخذ مفتاح السيارة ...أحمد قاطعه:بتسوق!؟
فيصل:اي
أحمد:الوقت متأخر و ثانيا مايحتاج تسوق السواق مآيقول لآ ليش تسوق
فيصل:حاب أغير جو اشوي و ثانيا الحرس بيكونون متابعيني مافي خوف
أحمد رجع نظره للاب و ضوء ينعكس على عيونه العسلية:براحتك
طلع فيصل يدندن و ركب السيارة..و اخذ له لفة لفتين بالسيارة استغرب لقى بنت
بروحها بالشارع تأشر لسيارة ظن انها تأشر لليموزين وراه ..وطالع المرايا مالقى وراه سيارات
و أخذ فيصل يفكر و قال في نفسه وش عندها ذي...ووش قصتها
خلني أخذ فرة ثانيه بالشارع وأشوف وش السالفة....و أخذ له فرة وفرتين وثلاث....
وكانت كل مامرت سيارة أشرت لها... ومحد يوقف لها
فيصل:بوقف له ..بس لحظة يمكن تكون من هذولا من الرجال الي
يقطعون الطريق و لابسين عباية..لآ الحرس وراي مآيقدر يسوي اي شي
و نزل لها:نعم خير يالطيبة ليش تأشرين؟
...:لو سمحت اخوي ممكن توصلني البيت؟
فيصل:اولا انا مآني اخوج و ثانيا من وين المعرفة علشان اوصلج لبيتكم
...:عجل ليش واقف لي؟
فيصل: واقف اشوف وش سالفتج ...يعني بنت بآخر الليل و في شارع فاضي! وش القصة؟
..تحاول تغطي الموضوع:مو معنى هذا اني اكون من الي في بالك..انا كنت راكبة
مع ليموزين..و بدأ يتحرش فيني ..وقعدت أصرخ حتى نزلني
فيصل:استغفر الله كسرتي خآطري اتصدقين..وين بيتكم؟
...:ماله داعي تقول كسرتي خاطري ..بيتنا قريب يبعد ثلاث كيلوا مترات من هالمنطقة
فيصل:والله بقول الي بقوله و ثانيا في اي منطقة بيتكم
...:مدينة حمد
فيصل يناظرها بشفقة: يالله أركبي خل نوصلج نكسب فيج أجر
جت بتركب ورا على طول استمسكها:لا والله تعالي قدام ..سواق عندج انا
استسلمت و ركبت قدآم و خصوصا انها في وضع حرج
فيصل:سمعي يا بنت الناس انا للحين مآ تأكدت انج بنت .. أنا اخاف أنج من قطاعين
الطرق واللي يتقنون أصوات الحريم.. وعشان جذي ماخليتج تركبين ورا...
أخاف وأنا أسوق تجيني من ورا غدر وتسوي فيني شي
..على طول ردت عليه بسرعة:والله اني بنت و مو من هذولا الي تقول عنهم
فيصل:شيلي اللثمة
...:مستحييل
فيصل:عجل يلا نزلي
..بترجي:تكفى الله يخليك لاتخليني في ذا الشارع بروحي ..انا مآلقيت أحد يوصلني
فيصل وقف مصر على رايه:لازم أتأكد ابي أريح نفسي و أنا ماقلت بسوي حرام لا قدر الله
..قالت بخوف و دموعها تطيح على خدها: وكلت رب العالمين في أمري
فيصل مانتظرها تكمل ترفع اللثمة الا على طول سحبها
شاف حسن و جمال ..و انها تبكي بدون صوت..حتى مآتجرأت و رفعت
عيونها بعيونه..فيصل بحنان رجع اللثمة و غطى وجها و أخذ يمشي بطريقه
بخوف تحس نفسها ضعيفة:خلاص نزلني
فيصل:مآيصير اشلون انزلج بهالوقت
...رفعت صوتها خايفة:قلتلك نزلني بسرعة
فيصل خاف عليها:شفيج يا بنت الحلال
..حست الخنقة ذبحتها و بدات شهقتها تنسمع:اهئئ نزلني
فيصل وقف السيارة:على راحتج
نزلت بالشارع تحس نفسها ضايعة و خايفة حطت يدها على قلبها ..
مالقت الا واحد ماسك فمها و مدخلنها السيارة...و على طول وصل للفلآ و دخلوها دآخلها
ماجد:اليوم جبت لكم مغرمة جديدة
..تحاول تعض يده و تفلت منه بس مو قآدرة
أحمد ناظر لـ ماجد بنظرات حادة:اهيه من بنات الشوارع سلمت نفسها لك او انت خطفتها
ماجد:خطفتها
أحمد شال الاب من حظنه و اتجه لـ ماجد و عطاه كف خله خده يقلب لونه
أحمد: من أذن لك تنتهك أعراض الناس لو هي من هذولا البنات ما علا الدنيا
أسف بنقول هي رخيصة و باعت نفسها و هذا قدرها و هي راكضة وراك
اما انك تنتهك شرف البنت و هي وراها اهل و سمعة و بنت اصول
تكون غلطان و الحين بتتأسف منها
ماجد مسك يناظرها:آنا آسف
أحمد:دانيال خذها لبيتهم
...بترجي:لآ ارجوك لاتخلي هذولا يوصولوني اخاف منهم
أحمد ناظرها بقرف:و ان شالله ناوية تنامين عند أحمد خليفة الـ.. بس و أنا مآدري
..رفعت عيونها:شنوا انت من اي عايلة
أحمد قعد على الكنب الفاخر:الي سمعتيه و شيلي بعثراتج و مآنبي فضايح و الا
انتي وش الي امطلعج بآخر الليل هااه اكيد مآعندج جواب
...:اييي تذكرتك
أحمد:تعرفيني؟
...:انت راح تتزوج ملاك هذي تصير لي
أحمد:و اذا يعني شسوي لج
فيصل فتح باب الفلاآ و دخل لقى بنت مرمية على الأرض و قعد على الكنب
فيصل:منو جآيبين لنآ ...خلوها توسع صدورنا اشوي ترقص او ركد
أحمد رفع عيونه على فيصل:الظاهر حياة الغرب أثرت فيك
فيصل بضحكة مخنوقة:من زمآن مو من الحين من عاشر قوم اربعين يوم صار منهم
أحمد:ايه باين صرت منهم
فيصل رفع العصير يشربه:شسوي..و أخذ يناظر البنت... من وين جآيبينها
أحمد:خطفوها راح اخليهم يردونها
فيصل نزل من عتبات الصالة و نزل لمستواها:كأني شام هالعطر
...بخوف:اي
فيصل:ههههه هذي انتي مالحقت أتركج الا خطفوج مالت عليج
...:انت على شنوا شايف نفسك
فيصل حط يده على راسه:مزاجي..كيفي ..و اشلون مآشوف نفسي و انا ولد أكآبر
...:ياشين الثقة الزايدة ...و قفت و عدلت عبآيتها بتمشي..شكرا على حسن الضيافة
يا اولاد الأكابر
فيصل وقف و ناظرها باشمئزاز:العفو ...حآضرين اي خدمة ..مآكمل كلامه الا طلقة نار
اخترقت النافذة و وصلت لكتف أحمد و مزقته تمزيق..حتى الدم بدأ يسيل بدون توقف
و أخذت تصيح خايفة ..و على طول قعدت تركض..الا فيصل سحبها و قيدها بحضنه
فيصل:ماراح تطلعين مدام شفتي كلشي بعيونج ..و يمكن الي صار سببه انتي
...:اهئ لا والله مو انا ..انا مالي فيكم
أحمد رمى الاب على الكنب و شغل الانارة يبي يشوف مصدر الطلقة
شاف زجاج النافذة العليا من الفلا مكسورة ..و لقى ناس متلثمين هربوا :ابراهيم الحقهم
ابراهيم:حاضر...أشر للحرس و ركضوا وراهم
أحمد ناظر فيصل:و انت وش فيك متشبك فيها مو شايف بنت اتركها خلها تنقلع
فيصل رماها على الأرض:من زينها أتشبك فيها
..مسحت دموعها و استرجعت قواها:لا خليت الحلآ و الزينة لك مالت عليك و على جزمتك
فيصل:يلا طلعي و لا عىد تورينه ويهج مرة ثانية
...:لا بارك الله في الساعة الي شفتك فيها..امحق ساعة ردي..ماشفت الا البلاوي
فيصل:هههه برة اشوف
...على طول سحبت نفسها و طلعت من الفلاآ..لقت دانيال خلفها
دانيال:راح اوصلج اختي
...:اوكي...وركبت معاه...و و صلها لحد بيتهم
...:مشكور
دانيال من غير مآيناظرها:العفو
***
اما عند أحمد:فيصل ناد الدكتور
فيصل:انا اصير دكتور لك افاا
فيصل طلع الشنطة البيضة ..و أخذ يدواي أحمد
أحمد بألم:آآه يدي
فيصل:مو قصدي
أحمد يحس نفس دآيخ:خلاص بس يكفي برجع على الفلآ تعبان
فيصل مسك يد أحمد و وقفه:يلا ....و رجعوا على الفلا بعد مالثم فيصل يد أحمد
أحمد:بروح بنام تصبح على خير
فيصل:على راحتك...و انت من اهل الخير
أحمد ناظر لساعة لقاها ثلاث الصبح و حط راسه على المخدة و على طول نام بتعب...
اما فيصل من غير مايحس لنفسه نام على الكنب~~~
@@@@@@@@@@@@@@@@@@@@@@@@@@@@@
بالجامعة دخلت لمآ و عطرها ماليها من ساسها لـ راسها
لمآ:يلا ترآنا تأخرنة و الله الدكتور بيطردنه و مابيخلينه ندخل المحاضرة
عبير:مآيقدر يطردنه على كيفه هو
لمآ:ايه على كيفه و يلا عجلي
عبير و قفت و هي تشرب عصير الموكا:يلا مشينا..و اتجهوا للمحاضرة
دخلوا المحاضرة متأخرين و الأنظار كلها متوجها لهم
لمآ مالقت لها الا مقعد واحد و هـ المقعد قاعد جنبه شاب
لمآ:وين أقعد الحين انا
عزام:محد قالج تجين متأخرة
لمآ:خفيف دم احلف عاد
عزام:والله و اذا مو عاجبج المكان.و أشر ع الباب...الباب يوسع جمل
لمآ بغرور:اكييد راح اطلع مآتشرف اقعد بمحاضرتك...وطلعة من السيكشن و قعدة على الكراسي
أحلام لقت لمآ:لمووو
لمآ بشوق:أحلااااام
أحلام اتجهت لـ لمآ بسرعة و حظنتها:وحشتوني يالقاطعين
لمآ:شخباركم شمسوين
أحلام:الحمدالله بخير نسأل عن الطيبين
لمآ:سألت عنكم العافية
أحلام:الله يعافيكم
لمآ:هااه شمسوية
أحلام:راح اواصل دكتوراة و انتي
لمآ:فاضية الناس تبي تفتك من الدراسة و انتي تبين تواصلين
أحلام:ايه كل انسان عنده أهداف
لمآ:هذا فهد
أحلام:اي وذ ماي براذير
لمآ:اهاا
أحلام:بروح في الباص معاج بخلي فوفو يمشي
لمآ:تييب
أحلام اتجهت لـ فهد المنشوي في الشمس
احلام:فهد تقدر تمشي
فهد:يتقعدين مع صديقتج
احلام:يب برجع في الباص
فهد:اوكي مع السلامة
احلام:الله يسلمك
لمآ:احلامو اليوم عرس ملاك
احلام:يؤؤؤه ليش محد خبرني
لمآ:لأنكم منعزلين عن العالم تستاهلون
احلام:من بتاخذ
لمآ:اووف طبت لها على هآمور ولد آكابر
أحلام:والله؟
لمآ طلعت المجلة الي في شنطتها:شوفي
أحلام مآقدرت تستوعب الي تشوفه عيونها:هـ..هـ...
لمآ صفقتها على عيونها:يالخبلة اي هذا الي بتزوجه
أحلام:مااني
لمآ:الله يهنيها عقبالنا طايحين الحظ
أحلام:لا حبيبتي كل وحدة تتكلم عن نفسها ..والله محد غيرج طايح حظ آنا حظي قآيم
لمآ كحت:وه وه كح مآقدر اقول اشوف الطوابير مو ملحقين
أحلام بدلع:اي لاتحرجيني بس يلا نقوم نطلع على محل الفساتين
لمآ بثقة و دلع:يلا مخبولة
و طلعوا يتمشون بالشارع.....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك