رواية جمعتنا الصدف وفرقنا القدر -56
نورس وقف مع سامي يسولف معاه
سامي:الله يستر اذا درت بحالته وش بسوي
نورس يناظر نور:اذا هي الحين مستخفة من سمعة بالخبر انه طاح اشلون اذا عرفت
سامي:يفضل انها ماتعرف علشان ماتنهار بس انا الي مستغرب منه اشلون تزوجوا و احنه ماندري
نورس:من احمد سوا كلشي و سافر و ابوي وافق
سامي:الله يهديهم بس ما كان المفروض يتسرعون و هي الحين عندها طفل و زوجها...
نورس قاطعه:الي صار صار و الرجال ترا مافيه شي رجال و النعم أصول و أخلاق بس محد كان يدري راح يصير هالشي ..و هذا شي مكتوب و مقدر مانقدر نغيره
سامي:الله يعينها اذا راح تركي وش بسوي
نورس:تعال نروح المسجد نصلي و ندعي له بالشفا
سامي:يلا ..
اما نور ظلت منهارة و مصرة انها تشوف تركي
الدكتور طلع من غرفة تركي متنهد:تقدرين تشوفينه بس أتمنى ماطولي بالغرفة لأنّ صحته و حالته مآتسمح
نور مسحت دموعها:اوكي...دخلت داخل و فتحت الستارة لقت جسمه موصل بالأجهزة و عيونها تحتها اصفرار من المرض بسبب الزقارة الي أدمن عليها و جسمه ماتغير و شعره الأسود الغامق الطويل على مخدة السرير ..و حالته الصحية بين رحمة الله
نور تقدمت منه اشوي اشوي لقته فاتح عيونه و يتنفس على بعض
نور تقدمت منه و صارت عيونها على عيونه:تركي
تركي رفع عيونه عليها:نور
نور و هي حاملة بدر و دموعها تطيح لا اراديا على خدها:تركي هذا ولدنا بدر...
تركي ما استغرب انّ نور تحمل و تجيب طفل على الي سواه معاها قبل لايسافر كان متوقع هالشي و متأكد انه راح يصير اذا سافر
نور:تبي أخليه على صدرك؟
تركي ماتكلم و اكتفى بالنظر لهم
نور اختنقت من داخلها من الدموع بسبب سكوت تركي و حالته ..خلت بدر على صدر تركي و ابتعدت اشوي
نور:هذي ثمرة حبنا اهئ تذكر تركي؟تذكر قبل لا تسافر؟اهئ حملت بدر
تركي يناظر بدر و هو على صدره يلعب و يضحك بوجهه
تركي:شيليه عن صدري
نور مسحت دموعها:تركي لا تتركنا و تروح نبيك
تركي عيونه ذبلانة:نور شيلي بدر عن صدري مابي أموت و هوا على صدري
نور:الله يخليك لا تقول هالكلام نبيك احنه
تركي ابتسم ابتسامة باهتة:للحين تحبيبني على كل الي صار بينا؟
نور:بتم أحبك طول عمري
تركي لف وجهه:شيلي بدر عن صدري تعبان
نور شالت بدر من صدر تركي و دموعها تطيح
تركي:لو سمحتي ابي اظل بروحي تعبان و مخنوق
نور:تركي راح أنتظرك
تركي:لا تنتظريني شوفي حيـ..اتج مع واحد ثاني
نور:مستحيل
تركي مايقدر يتكلم أكثر التزم الصمت و كحكح بصوت منخفض
نور:راح اخليك الحين على راحتك ....
طلعت من الغرفة ...سهام استوقفتها
سهام:تعالي نروح المسجد نصلي
ريم أخذت بدر من نور
نور:يلا .................................
ركبوا مع دانيال يوصلهم طول الوقت دانيال و هو يسوق يناظر سهام
اما سهام مشغول فكرها بالعايلة مو منتبهة له...دانيال حاول يلفت انتباها يكحكح بس للأسف سهام سرحانة و بعالم ثاني غير العالم الي دانيال يفكر فيه
((سهام:عمرها 25 سنة بشرتها حمطاوية فاتحة مايل لسمار...شعرها بني على ذهبي...عيونها مايلة للون العسلي الغامق صايرة شبه ملحة لون عيونها..أنفها طويل...شفايها متوسطين مليانين..))
@@@@@@@@@@@@@@@@@@@@@@@@@@@
شهد قاعدة بالمستشفى متوترة تنتظر النتائج
ابتسام ابتسمة لها:ان شالله الي صار من سنة مايكون صحيح
شهد:انا ماذكر شي لأنه كان ظلام و اغمى عليّ بالغرفة
ابتسام:حسبي الله عليه من ابو مرمركم
شهد:مهما يكون هذا ابوي ما ارضى عليه
***
بعد دقائق طلعة الدكتورة مبتسمة و النتيجة بيدها:شهد عادل الـ..
شهد حست قلبها وقف:نعم انا شهد
الدكتورة:النتيجة مافيها شي و انتي بكامل صحتج و النتائج تثبت انج ماتعرضي لأي اعتداء
شهد تشققت من الفرحة و دمعتها طاحت:الحمـــدالله
البنات كلهم حظنوها و فرحانين لفرحتها
ام فراس:الحمدالله ماصار لج شي و تقدرين تتزوجين
شهد:الحمدالله و الحين أقدر أتدرب باليه ههههه
ام فراس ابتسمة ابتسامة عذبة لفرحة بنتها:تقدرين تسوين الي تبينه
@@@@@@@@@@@@@@@@@@@@@@@@@@@
اما ملاك الي راحت لقصر أحمد علشان تقعد بجناحهم.. ام فيصل طردتها من غير علم بو أحمد بهذيك الليلة وقت وصول الكسندرا و جد ملاك ***
ملاك:ممكن ندخل ليش واقفة لنا عند باب القصر
ام فيصل:سوري مالج مكان عندنا و أحمد اتصل و خبرنا انج ماتدخلين القصر و ورقة طلاقج راح يوصلها عن قريب و انتي مجرد انسانة اقتحمت حياة الكبارية تسلى فيج و انتهت المدة ..سمعتي!؟ يلا فارقي
ملاك مو مصدقة هذا كله كلام أحمد و مصدومة:ماراح أصدق الكلام الي قلتيه حتى اسمعه بذوني من أحمد و هوا يطردني من القصر و يطلقتي و الحين انا على ذمته مو من حقج تطرديني
ام فيصل:امبيه هذولا اعيال الفقر لصقة وش يخلصنه منهم الحين يلا اهوا قلتلج برآآ و لا تخليني انادي الحرس لج و الفلا فلتي ..مآعندج أي دليل يثبت انّ لج حق فيه سامعة كلامي يابنت الشوارع يابنت الحرام يلي جيتي مآدري من أي طريق و ولدي رحمج..يلا برآآ دوروا لكم مكان ثاني يستضيفكم غير فلتي و خلة الحراس يسكرون الباب و هي تناظر بوجهم بسخرية .......
***********************
ملاك تحس قلبها مكسور للحين ماتلاقة مع أحمد من يوم تركها بالريف و راح.. تحس باوجاع و آلام الاشتياق تاكل كيانها ..تحس نفسها بتموت اذا ماتلاقة معاه ..كيانها و قلبها و كلشي فيها مرتبط بوصلة حياة أحمد و تنادي اسم أحمد..مشتاقة له و لقسوته و غروره لكلشي فيه مشتاقة و تبيه
ملاك:والله أعشقك متى بشوفك؟ معقولة كلام ام فيصل يكون صحيح و كلامك يكون لي صحيح بعد مجرد تسلية و انتقام و الحين انا مثل بقايا أوجاع و ألام انكتبت قصتها و ندثرت من حياتك مع مرور السنين يارب صبرني
*******
اما سلطان عقب ماعرف بلي سوته لمآ بحياتهم فك السحر عند شيخ و قرأ عليه بعد مانتهى من فك السحر و قدر يعيش حياته و يتخذ قراراته اتجه للمحكمة و ارسل للمآ على طول ورقة طلاقها بالثلاث بدون رجعة ....بهذاك اليوم كان حال لمآ لمى دخل سلطان الشقة ياخذ اشوية اغراضه كان الوقت الصبح بعد مانتهى من المحكمة
لمآ و هي تصيح:أرجوك سامحني بكون لك مو بس زوجة خدامة
سلطان مشى عنها و دخل الغرفة من غير مايبالي لكلامها و أخذ أغراضه و صفها بالشنطة
لمآ و السواد باين على عيونها:والله العظيم أحبك اهئئ سامحني ماكنت أدري شسوي علشان أخليك تلتفت لي
سلطان سكر الشنطة:هذي نهايتج كتبتي على نفسج القدر المحتوم على الي سويته و الحين لازم تدفعين ثمن هالغلطة و تقدرين تروحين بيتكم لأنه الشقة مادفعت الفاتورة لهم و راح تنتهي المدة بعد اسبوع لملي نفسج يالحثالة و طلعي مابقى لج مكان عندي ...و خله الشنطة على كتفه ..صحيح حاب اقولج اورقة طلاقج راح توصلج بعد ثلاثة أيام
لمآ مسكت يده بترجي و منعته انه يطلع:لا سلطان اهئئ لا تجنني انا أحبك مو انا السبب هذا كله من غزل هي الي خلتنيـ...
سلطان خله يده على فمها:لاتبررين انتهى كلشي و لمعلومج حاب اقولج نقطة! انا لمى فكرت اتزوجج ماتزوجتج عن حب و اني راضي فيج كزوجة تزوجتج وصية لطلب الوالدة الغالية والا انتي ماعندج قدر عندي!أتمنى وصلت المعلومة و الحين ...
سلطان باعدها عن طريقها و طلع من الشقة و لمآ تركض وراه حتى وصلت للباب و و قفت مآتقدر تطلع و هي تصرخ
لمآ:سلطااان و الله أحبك اهئئئ
سلطان خلى النظارة على عيونها بسبب الشمس فرحان و دخل داخل السيارة و حرك***
***********************
سلطان ضرب باب غرفة ملاك ..مالقى رد..دخل داخل الغرفة لقى وجها شاحب قعد جنبها
سلطان:لاتخافين ملاك أكيد راح يرجع و ماعليج من كلام ام فيصل
ملاك لفت لسلطان:انتهى السحر عنك؟
سلطان ابتسم:الحمدالله من زمان فكيت السحر
ملاك:الحمدالله
سلطان مسك يد ملاك و قومها من على السرير:مالج مكان بهالغرفة المظلمة قومي خل نعيش حياتنا
ملاك:اتركني انا قاعدة انتظر وصول أحمد معقولة خلاص افترقنا بدون رجعة
سلطان باس خد ملاك و بمزحه و ضحكته الي دايما يبعث الأمل فيها:هههه اتحداج اذا أحمد يقدر يعيش بدونج ..ابصم لج على العشرة اذا انتي الحين مو شاغلة تفكيره
ملاك ابتسمت:تتوقع جذي سلطان؟
سلطان بثقة:اكييييد ملاك تتوقعين ممكن الجسد يعيش بليا قلب؟
ملاك:لا...
سلطان:عجل خلاص حبيبتي ملاك انتي في قلبه وين مآراح و مهما كان القدر امشتت شملكم و أقوى عليكم تأكدي مستحيل يعيش الانسان بدون الانسان الي حبه و بيظل ينتظره لو طال العمر و الجفا الحب بلقلب ماله أي تفسير
ملاك طاحت دمعتها و حظنة سلطان:أحمد الله عطاني أخ مثلك
سلطان بغشمرة مسح على شعرها و لعب فيه:ههه يلا قومي ننزل
ملاك بفرحة و عيونها تفتحت:يلا ننزل
سلطان:ملاك حياتي بروح بشتري حلويات و أغراض حق البيت ابوي اموصني لأنّ عنده شغلة مع بو أحمد و راجع اوكي؟
ملاك:لا اقعد معاي
سلطان ابتسم:اشوي وراجع قعدي مع شآرل و البنات اوكي
ملاك :اوكي
سلطان طلع على المول يختار الحلويات و الأكل و الأنظار المعجبة متوجهة له
سلطان بداخله شفيهم الظاهر عبالهم اني طبقة اجتماعية عالية من شكلي و ابتسم و كمل و هو يشتري الأغراض
**سلطان لابس ثوب و غطرة بيضة طالع في لبسه هيبة و جنتل و امسوي له سكسوكة مخففة و زلفته باللحية طويلة و شعره كالعادة طويل لكتفه يبان من الغطرة**
اما ملاك قعدة مع شآرل تسولف و هم يطالعون قناة سبيستون ..شآرل منمدج مع القناة و الأطفال يتابعون و ملاك فكرها بعيد
ملاك تنهدت:استغفر الله
شآرل التفت لها و بالانج:مابك؟
ملاك بالانج:لاشيئ
@@@@@@@@@@@@@@@@@@@@@@@@@@
http://up.graaam.com/uploads/imag-6/...a878973af2.jpg
عندما هربت من ماضي وواقع لن تعيشه..أراد القدر أن يواجهها و يجمعها مع ذلك الماضي في صدفة جديدة و صفحة بحياتها جديدة ستكون نهايتها........................................... ..............
اما عبير بعد ماعقدت على شاهر مباشرة حجزت لها تذكرة على لندن من غير مآيدري و سافرة ماتبي تعيش مع شاهر و لا تبي تواجه أهلها بالي صار لها
أخذت تتمشى بشوارع لندن تتشرى ثياب لها محتارة لقت يد خلف خصرها
عبير بخوف لفت للخلف لقت شاهر بوجها
عبير بصدمة:شاهر؟
شاهر بعيون لامعة:ايه شاهر لحقج حتى بلندن
عبير اخفت ابتسامتها و عطته ظهرها و كملت مشيها:وش تبي
شاهر يمشي وراه:ابي عبير ممكن
عبير:لا مو ممكن
شاهر:عبورتي يلا عن العناد و خل نعيش حياتنا
عبير:مآ أقدر أعيش مع واحد مثلك مآ أقدر مستحيل
شاهر:بعد أحبج على فكرة لو تزيدين الطعنات بعد اموت فيج
عبير:لا تحاول
شاهر:ممكن ندخل مطعم ناكل لنا شي
عبير:مابي آكل معاك شي
شاهر مسك يد عبير:بتمشين معاي يعني بتمشين و غصبا عليج
عبير:اترك يدي اتركها
شاهر وقف على مطعم و دخله مع عبير و قعدوا على طاولة
عبير:ليش سحبتني بالقوة
شاهر:لأني أبي أسحبج بالقوة
عبير:ليش ماتطلقني؟
شاهر طلب وجبة عشا و تعشوا بهدوء
شاهر و هو يتعشى ناظر وجه عبير الحاقد داس على رجلها من تحت الطاولة
عبير تلون وجها:آآآه
شاهر سحب شال عبير:ماله داعي هالشال و انا معاج
عبير:وجع ان شالله جيبه و ثانيا من قالك تضرب ارجولي تحت الطاولة
شاهر هدفه انّ عبير ترفع وجها و يشوف حسنها
شاهر:و أخيرا مابغينا نشوف هالعيون
عبير سرحت شعرها بالصالون على شكل مدرج و طالع عليها حلو
عبير انحرجت و نزلت عيونها و بدلع:بايخ و سخيف
شاهر:عسل على قلبي دام هالكلام طالع منج
عبير أخذت تاكل بصمت ساكتة عنه
شاهر:عبور شرايج نقوم نتمشى على البحر
عبير بتفكير:مالي مزاج
شاهر:علشاني هالمرة خل يكون عندج مزاج
عبير:اوكي....طلعوا من المطعم ماسكين يدين بعض يتمشون عند البحر
شاهر أشترى له و لعبير بوب كورن بالعسل من رجال قريب من البحر يبيع
شاهر شد يدينه على عبير:اذا جبنا ولد وش بنسميه
عبير:يمكن نجيب اول واحد بنت
شاهر:ماعليه وش راح نسميهم
عبير:اممم الولد ابي محمد و البنت مآدري
شاهر:شرايج باسم أشواق؟
عبير:يجنن مافي مشكلة
شاهر وقف من مشيه ماسك يد عبير
عبير:ليش وقفت؟
شاهر لف عبير لوجهه:اتصدقين انتي الانسانة الوحيدة الي دخلتي قلبي والله اتكلم جد صح اني انسجنت على الي سويته و اعترفت بذنبي بس هذا مايعني اني انسان اخس واحد بالعالم او منبوذ لا بالعكس أحلشي بالحياة انّ الانسان اذا غلط يعترف بذنبه و يصحح خطأه **و ناظر بوجه عبير**و يلاقي قلب معاه وين ماراح و يعيش العمر كله معاه
عبير انتبهت لنظرات شاهر لفت وجها منحرجة...
شاهر:عبير
عبير بصوت مخنوق و منحرج:نعم
شاهر:انا أحبج انتي تحبيبني؟
عبير:تبي الصراحة
شاهر:أكييد
عبير:لا
شاهر شال بخاطره و حس بضيقة:اها
عبير ابتسمت و بانت ملامحها:مآ أحبك بس اموت فيك و رمت نفسها بين أحضان شاهر
شاهر:ههههه حيالة بغيت أموت.. عليج حركات
عبير مارفعت وجها منحرجة...شاهر باعدها عن صدره و لامس ذقنها و قربها اشوي اشوي من أنفاسه يبي يبوسها ..قاطعهم راعي البراد الي يبيع
الرجال بالانج: سمك من يريد ان يشتري
شاهر ابتعد و تحمحم
شاهر سمت بخدود عبير:يلا نمشي
عبير ورد وجها و ضربت يد شاهر:آلمتني
شاهر خله يده على كتف عبير و هم يمشون:هههه يلا راح نرجع على ديرتنا
عبير:ماشي بس راح نقعد اسبوع بلندن
شاهر:الي يريحج حبيبتي
@@@@@@@@@@@@@@@@@@@@@@@@@@
منال و هي تلبس الكعب:اوكي
ابتهال:تجننين الحين
منال:مابي أحضر الحفلة مادري ليش عزام مصر
ابتهال غمزت لها و بصوت واطي:يحبج و يبي يشوفج أميرة
منال تناظر شعرها بالمرايا قصة من قدام و شعرها مرول و مفلول من الخلف
و الفستان لونه بين لون البيج و الأصفر
عزام قاعد بالسيارة بتفكير:أقول لأهلها انها عندي او لا ..بس انا حبيتها
اف اللهم طولك ياروح و نزل من السيارة يبي يشوف ابتهال
ابتهال:منول بروح غرفتي برتب نفسي و اول ماخلص على راح اجي لج
منال بتوتر:اوكي بس لا تتأخرين
ابتهال:من عيوني
عزام دخل الفلا لقاها هادئة مافي غير حركة الخدم ركب فوق الغرف ..اتردد يدخل غرفة منال او لا..ضرب باب الغرفة ...منال على طول لبست الشال
منال:اتفضل
عزام دخل الغرفة و صفر على شكل منال:وااااو وش هذا الي قدامي
منال انحرجت من عزام
عزام قرب منها و عدل شالها:تستحين مني؟
منال:عادي
عزام:منال
منال:نعم
عزام:أبي أطلب يدج لزواج
منال:مآقدر اقول اي او لا لأني ما أذكر أي شي عن نفسي
عزام ناظر ساعته:أنا اعرف من أهلج ان شالله قريب راح تروحين لهم
منال بفرحة:جد؟؟
عزام :اي
منال:متى بشوفهم؟
عزام:باجر راح آخذج لهم
منال:و أخيرا بشوف أهلي
عزام:وين ابتهال ابي اوصلكم للحفلة
منال:الحين بتجهز و بتجيني
عزام:اوكي انا تحت اول ماتخلصون بتلاقوني
منال من غير مآ تنآظر وجهه:اوكي
ابتهال اول ماخلصت نزلت مع منال تحت
ابتهال:عزامو يلا جهزنة
عزام كان سرحان:يلا
و طلعوا من الفلا متجهين للقاعة
عزام:انا موجود و اي شي تبونه حاضر
ابتهال:تسلم ..و دخلوا القاعة
منال قعدت على الطاولة مآتعرف شتسوي
ام أنور:وااااو تجنننين باين عليج من عايلة محترمة شسمج
منال ابتسمة:منال
ام أنور:عاشت الأسامي يا منال كم عمرج؟
منال:عاشت ايامج خالة عمري 22 تقريبا
ام أنور:يعني تصلحين لولدي
ابتهال سمعة ام انور:لا خالة هذي محجوزة حق اخوي
ام انور بزعل:والله خسارة كل مابغيت احصل مرة حق ولدي الا محجوزة
ابتهال ابتسمة:راح تلاقين الأفضل و سحبة يد منال
منال:وين بتوديني
ابتهال:نرقص
منال:لا ارجوج مآعرف ارقص
ابتهال:عجل شوفيني و انا أرقص
منال ابتسمة:اوكي
و شغلوا على اغنية دقني و قعدوا يرقصون البنات اما منال كانت مشاهدة لهم و فجأة طاح الكأس من يدها ..حست بدوران براسها ماتشوف الأشياء ثابتة..طلعة من القاعة و قعدة على الكراسي
منال و هي امجودة راسها:آآه راسي تعبانة ...لبست عبايتها و شالها و طلعة من الحفلة تدور عزام تبي ترجع بس مالقته ...مشت بالشارع العام و مو منتبهة للاشارة على طول سيارة صدمتها
و طاحت على الأرض
منال جودت راسها و حست نفسها تسترجع كل الأحداث عرس ملاك و أحمد و خوها نورس و فراس
الرجال بعد ماضرب ابريك قبل لا يصير حادث قوي نزل:اختي تأذيتي
منال وقفت و صادها شدخ بسيط بجبينها تحس نفسها استرجعت قوتها:الحمدالله بخير
عزام طلع من السيارة و ركض لمنال:منال تأذيتي
منال مشت عنهم و دخلت داخل السيارة
فراس وقف لحظات يفكر مو مستوعب هذي الي دعمها منال او شبيهة لمنال
عزام استغرب من منال و تصرفها و دخل داخل السيارة:منال عسى مآشر؟
منال:تذكرت كلشي ابي اشوف اخوي أحمد و نورس و اختي نور
عزام تنهد:الحمدالله انج استرجعتي ذاكرتج
منال: و مانسيت يوم انك تطلع صوري مع شباب
عزام:انا ماجذبت الصور هذي صورج تبين تجذبين؟
منال:حرام عليك مو كلها!
عزام:هذي الصور عطاني اياها واحد اجنبي كنت اتعامل معاهم و وريتهم فراس لمى دريت انه يحبج بس تاليـ...
منال:تالي شنوا؟
عزام:اكتشفت انّ الي طرش لي الصور تلاعب بالصور و عطاني اياها
منال:و ليش عطاك الصور؟
عزام:اسأليه يمكن تلاقين الجواب عنده
منال:مابي اغلط عليك على الي سويته بالماضي
عزام:مانقدر نرجع الماضي بس الي نقدر نسويه نعيش المستقبل
منال:اهئ حرام ليش يصيدني كل هذا
عزام:أحمد زوجته ملاك صح؟
منال مسحت دمعتها:اي مرت اخوي
عزام:انا ولد عمها
منال رفعت وجها و ناظرت بوجه عزام لقت بينهم شبه في الشعر تقريبا و الملامح
منال:انت ولد عمها؟ ماعمري شفت ملاك تكلمك
عزام:علاقتنا ما كانت قوية
منال:اهاا
عزام:منال انا أحبج حبيتج والله
منال:بس على مآ أظن انت ما كلمتني عن ماضيي و انت كنت تعرفه؟
عزام تنهد:يمكن تقولين غيرة
منال انحرجت:تغار عليّ؟
عزام:لو تبين نفسج فداج..........
منال عضت شفاتها:ممكن توديني بيت هلي الحين
عزام:و أخطبج بعد؟
منال انحرجت و اكتفت بالسكوت...عزام فرح من كل قلبه و شغل اغنية أجمل احساس لأليسا..اما منال ماهمها فراس ولا فكرت فيه على كل الي سواه فيها و هجرها و عذبها و خلاها تركض وراه و هو غير مبالي عايش حياته و اكثرشي عذبها انه تركها بسكات من غير مايقولها و زاد عذابها و نيران قهرها و انتظارها.....................
اما ابتهال الي فالتها مع البنات
ابتهال:تعبت صراحة ههههه
ميساء:امشي خل نكمل الرقص
ابتهال يلا..........
أخذوا البنات يرقصون و فالينها مو محاسبين لبعض
اما ابتهال و هي ترقص دزتها بنت من المسرح و طاحت على الأرض تنزف دم
ابتهال:اهئ آآآآه ظهري
ميساء:ابتهااااااال................................ .................
@@@@@@@@@@@@@@@@@@@
اما بطل رواياتنا أحمد في ألمانيا
أحمد و راسه مضمض يتكلم بحيوية:ابراهيم
ابراهيم:مرحبا طال عمرك مساء الخير ان شالله انت الحين بصحة و سلامة
أحمد ابتسم له ببتاسمة عذبة و في وجهه الضحكة:اهلا مسائك ورد الحمدالله انا بخير انت و الشباب طمني عليكم؟
ابراهيم ابتسم له و طمنه:الحمدالله كلنا بخير بس ننتظر تقوم بالسلامة
أحمد:انا بخير أقدر اطلع من المستشفى الحين
ابراهيم:لا الجروح و التشوهات و بعض اثار الحريق للحين بجسمك ..ارتاح لك اشوي مستعجل على شنوا؟
أحمد اسند نفسه على السرير و تنفس بهيام:و تسألني بعد ليش مستعجل؟
ابراهيم:اخاف ترجع لها و تظل هذا انت مآتغيرت و تعاندون بعض أزيد ههههه
أحمد يناظر الخاتم الي بيده:لا هالمرة غير
ابراهيم:عنيد و فوق هذا تكآبر تزوجتها و انت ميت فيها بس سويت نفسك آآآ هههههه
أحمد:ههههه شسوي الكبارية دايما جذي رافعين خشمهم مايبون يواجهون ضعفهم بسهولة
ابراهيم:بس انت مو رافع خشمك انسان متواضع
أحمد:بس معاها مو متواضع هههه
ابراهيك:مسكينة حرام ماتستاهل
أحمد:اي انسانة طيبة حبوبة و من عايلة محترمة أخلاق أصول و فوق هذا متفوقة بحياتها و شهاداتها و لبقة ..اقولك ذبحتني صراحة خلتني متعلق فيها ما انام الا لازم اتعلف فيها لازم اتحجج فيها هههه ولا ماعرف انام ..أحب كلشي فيها و خصوصا اذا نختلف و كل واحد يصير بحاله أذوب فيها أكثر و بنظرات عيونها
ابراهيم:ههههه اول مرة أشوفك مستسلم
أحمد بزعل على حاله و حالها:تتوقع راح تسامحني على الي سويته معاه و بنرجع لبعض.؟
ابراهيم:اكييد بس لاتبين لها ضعفك خلك رجال صلب لا تزعل ولا تحزن هذي مو من صفاتك اذا تبيك راح تعيشون مع بعض و اذا ماتبيك .........
أحمد قاطعه:اتهبى الا اهية ماتبيني ليش شفيني ناقصتني يد ولا ارجول
ابراهيم:ههههههههه هذا انت ماتتغير
أحمد:ههههههههههههههههههه وش تقصد؟
ابراهيم:هههههه اذا مو بالطيب بالغصب مافي خيار ههههه
أحمد:و من الحب ماقتل...................
دخل عليهم بهاللحظة أليكس:مرحبا سيدي
أحمد تنهد و هوا يتثاوب بالانج:مرحبا أليكس
أليكس:حمدالله على سلامتك
أحمد:الله يسلمك
أليكس:أخبارك بعد الحادث
أحمد:الحمدالله لم أتغير كما تراني
ابراهيم بمزح ضرب ارجول أحمد و على طول لون وجه أحمد تلون
ابراهيم:لا لا بكامل صحته ما يأثر فيه الضرب
أليكس:هههههه ,,,حسنا أنا أتيت لأتطمن عليكم و أرحل
أحمد:ماتت؟
أليكس:للأسف نعم
أحمد:و أين دفنت؟
أليكس:في أمريكا بلدها
أحمد:اها اوكي
أليكس:أترككم الآن الى اللقاء
ابراهيم و أحمد:مع السلامة
أحمد:اقول لها او لا
ابراهيم:انا اقول انتظر لمى تتحسن حالتك بعدين ارجع لديرتك و خبرها
أحمد:اوكي،الا صحيح عطيت أحد رقمي الدولي؟
ابراهيم:لا
أحمد:اتصل لفيصل و اعطه الرقم يمكن يصير شي او يحاتوني على الأقل نطمنهم
ابراهيم:حاضر طال عمرك..........................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك