رواية ضحية رجلين -26
في الرياض :
في شقة ياما صار فيها أحداث
هناك بعيد
جالس وحيد
ماله عيد
الكل يضحك ومبسوط
إلا هو
يعتصر الأم
هل هو ظالم
ولا مظلوم
أو ظلم نفسه بأفعالة
يستاهل اللي صار له يستاهل
للمم أغراضة وحطهم في شنط
ماله قعدة في هالمدينه
بيترك الكل
وبدون علم حد
خلاص بيروح يشوف مستقبلة
نعم بيكمل دراسته
بيكمل الماجستير والدكتوراه
طيارته الساعة 2
بسرعة سكر شناطة وودع كل شي حلو وشين
في الشقة ...
ركب سيارته ومشى
وفي يده مفتاح الشقة
مر على واحد من ربعة وقال خذها لك
ومع السلامة
وعلى المطار على طول ........
في الطيارة نزلت دموعه ...
وودع المملكة العربية السعودية بأمل اللقاء
................................... ............... ..............
في جدة :
بيت منصور الساعة 2 ونص الظهر
الكل مجتمع
عند الرجاجيل :
بندر يدخل عليهم :
حطو الغداء
أبو وليد : يله تفضلو
وقامو يتغدون .........
عند الحريم :
شهد : أعوذ بالله كيف عايشين هذولاء
روان : والله سؤال ماله جواب
شهد : كثير ناس عندهم بيوت كشخة ولا نفخوة ريشهم
مثل هذولا
نورة :صراحة مافيهم ذرة أدب
شذا : أدب ولا نحو
نورة : لا بلاغة من جد فاضيه كلي بس
لمى توقف : عندي لكم خبر
الكل وشو ...
لمى : عمتي سارة
أم وليد : أخلصي وش فيها
لمى : أصبري أكمل : عمتي سارة
بيروحون للرياض للأبد
نورة : أحللللللللللفي جمانوه ماقالت لي
أم روان : يعني بينقلون للرياض
لمى : أيه
والو لول لولول وبدو يتكلمون عن هالموضوع
................................... ............... ...............
في الليل :
نورة وشذا ورغد ولمى ولميا وبندر
وداهم تركي للملاهي
أما روان ما تحب الأزعاج وأصلا فيها النوم
جلست مع شهد ..................
وأم تركي وأم وليد وأم روان جالسين مع بعض
والرجاجيل تفرقو
أبو وليد أبو تركي راحو لواحد عازمهم
أبو روان نام
وسلطان راح لبيت يوسف ....
................................... ............... ...............
عند البنات في الملاهي الشلال :
بندر توه مازل من لعبة
رغد : يا الدلخ تعال أزين تشيرتك
بندر يعدل نفسه : خلاص أنا زينته
نورة : بنات تعالو نجلس تعبت من الوقفة
لميا : اوكي بس وين تروك
شذا : مع تركي يمشون
تعال يا حلو (بزر مر جمبها )
نورة : خليه في حاله
شذا تطنش : وش أسمك؟
الولد : مالك دخل
شذا : ليه مالي دخل
الولد(ماعرف وش يرد عليها): أسمي عبدالرحمن
شذا : زي أسم بابا يعني أنت أبوي
عبدالرحمن : واااع
شذا : وع في عينك
عبدالرحمن (مافهم) : أنتي وش أسمك ؟
شذا : مالك دخل
عبدالرحمن (يقلدها):ليه مالي دخل
شذا:ههه اسمي شذا
لميا : شذا اتركي الولد خلينا نمشي
شذا : تبون تروحون روحو بسولف مع دحوم
لميا :" أفففف بنروح لا خلصتي دقي علينا
وراحو
شذا : دحوم كم عمرك ..؟
عبدالرحمن : 7
شذا : في أي سنه
عبدالرحمن : أولى
شذا : يا حليلك بزر
عبدالرحمن : ماني بزر
شذا : أنت من وين ؟
عبدالرحمن : من الرياض
شذا : ليه جاي هنا ؟
عبدالرحمن : مدري
شذا : جاي مع مين .؟
عبدالرحمن : مع أخواني
شذا : خواتك وينهم ؟
عبدالرحمن : ماعندي خوات
شذا : بس أخوان وكم عددهم
عبدالرحمن : 3
شذا : حلوين ؟
عبدالرحمن " ايه
شذا : من أكبر واحد ؟
عبدالرحمن : فالح
شذا : كم عمره ؟
عبدالرحمن : 24
شذا : شايب
عبدالرحمن : لا
شذا : ليش أسمه مو حلو
عبدالرحمن (طفش) : أنتي ليه ماتروحين أبي ألعب
شوي إلا جاي واحد : دحووم وينك ساعة أدورك
عبدالرحمن راح له بسرعة يفتك من شذا.
وكانو قريبين من شذا
فالح : من هذي اللي تسولف معها
عبدالرحمن : شذا
شذا بلعت ريقها : فضيحة ذا الولد ما يسكت
عبدالرحمن : سألتني أخوانك حلوين
فالح أبتسم : وش قلت ؟
عبدالحمن : قلت ايه وسألت عن عمرك وقالت شايب
فالح : هههههههههههههه
شذا تدق بسرعة على نورة : يا دلخة وينكم بسرعة تورطت
فالح : شذا
شذا طاح قلبها في بطنها
نورة توصف لها
شذا: خلاص خلاص جايه لكم
فالح : أنا شايب
شذا تناظره من فوق لتحت مره حلو مو زي أسمه
شذا : نعم من تنادي
فالح : أنادي شذا
شذا : أنت غلطان مو معك شذا
فالح (ماتعرف تصرف) : تبين رقمي
شذا تمشي : لا من زينك
وراحت عنه ولحقها ومعه أخوه
شذا : افففف نشبه
مرت من دورات النساء ودخلت
طولت جوا
فالح مل
شذا كانت متغطيه فتلثمت
وشافت حرمة بتطلع لزقت جمبها ومشت
وفالح ما أنتبه لان شذا شايفها متغطيه
الحرمة مستغربة من ذي اللي لزقة فيها
شوي راحت عنها شذا بسرعة للبنات
نورة : طولتي
شذا : أسكتو أقولكم وش صار ...
شهد : والله وش أقولك يا روان صرت ما أطيق أجلس معه
كل ماسويت شي قال أمي
وأذا ما ما سويت قال ما طلعتي على أمي
وأمي وأمي وأمي من زينها هالأم والله أني أكرها
روان : طيب كلميه
شهد : كلمته مرة وقال أمي تحطينها فوق راسك
روان : طيب أنتي تحبينه
شهد : أيه أحبه زوجي وأبو عيالي
بس صرت أنفر منه من كثر ما يقول أمي
روان : والله مشكلة رجلك هذا
شهد : في الفترة الأخيرة صار بزيادة مرة
أمه وخواته ينرفزون
روان : انا أشهد معك أنهم غثة عندي لك حل
شهد :وشو .؟
روان : هو اللحين في البيت لحاله
شهد : أيه ويتغدا ويتعشا عند أمه
روان " أسمعي اللي أقولك حرفيا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفصل الثاني والعشرون :
أحس أني طفـــــــــــــــــــــــــــــــــ ـــــــــــــــ ـــــلتك
مجنونه والله بدنيتــــــــــــــــــــــــــــــ ـــــــــــــــ ــــــــــــــــــك
دلعني بمحبتك وتحمل أنت اللي يجيــــــــــــــــــــــــــــــــ ـــــــــــــك
.............
في اليومين اللي مرو ...
ساره وعيالها راحو لجدة
وليد خذ سيارته وراح لجدة بس بدون سعد
ونايف وسمر وسديم بنتهم جو عشان يحضرون عرس سلطان
جنان خلصت كل أغراضها
وسلطان خلص من تأثيث بيت الزوجية
روان أستلمت جنان وكملت أغرضها الباقية تسريحة كوشة
مكياج ..
واللي حضر من المدينه من أهل أم يوسف
خواتها 5 وكل وحدة جابت بنتها الكبيرة
خوالها2 جو ومعهم حريمهم وبناتهم وعيالهم الكبار ..
عمان جنان ما جى أحد
وهم عارفين بالزواج بس تعذرو بأن يوسف توه
متوفي بس مع أنهم عارفين أنه عائلي مرة ومافيه شي
بس ناس وتدور عذر
................................... ............... ....................
الليله قبل الزواج ..
الرجاجيل بيكونو في بيت أبو تركي
والحريم في بيت يوسف لأنه ما يكفي رجاجيل وحريم
................................... ............... ......................
سارة وعيالها تقسمو
جمانه مثل العادة عند خالها منصور
ولكن هالمرة معها عبدالله يبي بندر
والباقي اجتمعو في شقة
................................... ............... ..........................
أهل محمد قومو الدنيا وقعدوها
محمد ما عيد عندهم
وما يدرون وين أرضة
شقته أصلا ما يدلونها
وجواله مسكر وربعة
كل واحد ما يدري عنه
إلا شخص منهم موصى مايعلم أحد
................................... ............... ...................
....
روان واقفة في غرفة جنان : اللحين
كيف ترتيبكم العشا وين بتحطونه برى البيت صح
جنان : أيوه
روان : وجدان اتفقت متى يجون يصلحون الطاولات
جنان : المغرب
روان : يمديهم يصلحون
جنان : الطاولات مو كثير بس 10 طاولات
روان : كل طاولة عليها كم كرسي
جنان : خمسة كراسي
روان : يعني 50 شخص مم حلو العدد
ترى على فكرة بنحط الكوشه في المجلس الرجايل لأنه أكبر
من حق الحريم بس مشكلة أن مايكفي فبنفتح المجلس
الحريم نخلي البنات اللي هم أنا ونورة وجمانه وشذا وشهد
وسمر مرت ولد عمتي بجلس فيه عشان يخفف الزحمة اللي
بتكون في المجلس وعلى فكرة المعازيم كلهم 25 شخص ...
جنان : وزيادة كمان أم جيرننا وبنتها
روان: صارو 27 ...
جنان : المجلس الرجال يكفي 20 بس
روان : عشان كذا أقولك أحنا بنجلس في حق الحريم
جنان : والله مشكورة روان تعبتك معاي
روان : كله لعيونك
جنان : تعرفي كنت أتنمى يكون زواجي غير
روان : لاتضايقي نفسك وبكرة زواجك وش دراك يمكن يكون فيه خيرة
جنان : مو متضايقة بس كذا أمنيه
روان : أن شاء الله نعوضها لك بمناسبات ثانيه
جنان : نامي عندي لميا ولمى قالو مايقدور مشغولين
في بيتهم عشان الرجال بكرة
روان : والله نفسي بس أوعدك بكرة الصباح أكون عندك
جنان : على راحتك
دقت روان على السواق وجى خذها
وتفرح لم تساعد أحد
,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,,,,,,,,,,,,
اليوم التالي
الصباح الساعة 11
أبو تركي : وديت الذبايح؟
تركي : أيه وديتهم
أم تركي : ترررررررركي
تركي يروح لأمه : سمي
أم تركي : لاتنسى لاجت الساعة 4 رح خذ الحلويات
من المحل متفقين معهم من أمس
تركي : يا يمه اللحين الساعة 11 لاجى العصر ذكريني
أم تركي : طيب اللحين أبوك كل ساعة قايل بيجي واحد
قله يحدد
تركي : وش نسوي هذا العرس المستعجل ومافي بطاقات
يعني كل شوي أبوي بيدق على أحد ويعزمه
أم تركي : عشان نزيد كاسات العصير والفناجيل و و و
تركي : يمه ماراح يزيدون عن 60رجال
وخلهم احسن العشا تدرين كم ذبيحة ؟
أم تركي:6 ذبايح وكل نص في صحن
تركي: لا زادو صارو 8
أم تركي : ليش دام كل نص في صحن بيكفيهم
تركي : الكبار قسمناهم على صحنين والصغار في صحن واحد
أم تركي : الزبدة كم سفرة نحط ؟
تركي يحسب : 12 سفرة حطو لان كل خمس في واحد
أم تركي : أجل رح جب زيادة سفن ووببسي وموية كاسات ما يكفي
تركي بضيق :لازم ؟
أم تركي : يله رح عرس أخوك هذا
ر اح تركي مسكين كل شي عليه اليوم
أم تركي تجلس وتنادي : لمييييييييييا
لميا تروح لأمها : سمي
أم تركي: جيبي ورقة وقلم بسرعة وتعالي
لميا / طيب
وترقى لغرفتها تاخذ دفتر وقلم وتروح لأمها
لميا : ليش؟
ام تركي : اقعدي احسبي
لميا تفتح الدفتر والقلم : احسب وش؟
أم تركي : كم رجال بيجي؟
لميا : مو قبل أمس حاسبين
أم تركي :أحسبي مرة ثانيه
لميا : هم وش
أم تركي : \انتم أول :
عمك محمد وعمك عبدالرحمن ووليد
كتبيهم ؟
لميا : ايه
أم تركي : زوج عمتك سارة ونايف وعبدالله
كتبتي؟
لميا : ايه
أم تركي : خوال جنان 2 وعيالهم
لميا : كم ولد؟
أم تركي : الكبار 4 اظاهر
لميا : أحط اربعه
ام تركي : ايه حطي
لميا : وغيرة
أم تركي : جيرنا أبو مهند وولده وأبو راجح وولده
ولده اللي أصغر من راجح ياربي وش أسمه
لميا :محمد
أم تركي : أظاهر ياكثر أسماء محمد المهم
من باقي ايه نجي عند ربع أبوك
لميا : ايه
أم تركي : أبو عبدالعزيز ووعياله ال4 وأبو
حسام وعياله ال3 وأبو حاتم وعياله ال2
وأبو مؤيد وعياله 3
كم صارو .
أم تركي : كلهم كم صارو ؟
لميا ترجع لبدايه لصفحة ونتعد : صارو 33
أم تركي : تركي يقول 60 رجال من وين طلعو
لميا : أروح أسأل أبوي
أم تركي : قومي أسأليه
لميا تقوم مسكينه هي الوحيدة اللي قايمه الباقين فاطسن نوم
راحت لأبوها وتمسكة وتسأله عن اللي عازمهم ماخلى أحد
تحاول تحفظهم عقب راحت لأمها
أم تركي : ها كم ..؟
لميا ": تجلس وتعد :
شفتي العمارة القريبه من هنا
أم تركي : ايه
لميا :شفتي حارس العمارة السعودي
أم تركي :ايه
لميا : عازمه أبوي هو وعياله
أم تركي : وكم أذكر أنهم واجدين
لميا :7 عيال
ام تركي : ما شاء الله
لميا : نسينا سامي رجل شهد بيجي هو وأخوه
أم تركي : وبعد؟
لميا : عازم أبو عزام ههه وولده عاد مدري وش سالفة هذا
أول مرة اسمع اسمه والباقي والله يمه نسيتهم كثار
أم تركي : يعني كم
لميا: على كلام تر كي مو أقل من ال60
أم تركي : صار عرس رجاجيل مو حريم
لميا : يمه وين متى مفاجأة سلطان
أم تركي : لا راحو اليوم للفندق
ارسلنا الهاديا ومعها السفرة
لميا : متى أي ساعة
أم تركي : الطيارة بتكون الساعة 9 الصباح
لميا: مساكين ماتجهزو
أم تركي : تركي شرى ملابس لأخوك وماقصر
وأنتي شريتي ملابس لجنان وش باقي بس يركبون الطيارة
ويوسعون صدورهم
لميا : طيب ماما بأرروح اشوف البنات بأقوموهم
أم تركي : ايه قوميهم ولا ترى بأجيهم
لميا تقوم :إلا وين سلطان ؟
ام تركي : عند الحلاق
لميا : ههه يا حليله تعرفين وش اللي مغطي على عمره
أن جسمه مو صغير كنه بزر عنده عضلات وطويل
ولو يحط سكسوكة طلع عمرة 24
أم تركي : ازين أنه كذا
وراحت لميا تقوم البنات الللي ياله ياله قامو
................................... ............... ................
العصر في بيت عبدالرحمن :
وليد : اخلصو أوديكم المشغل
شذا : طيب شوواي أمي تلبس
وليد : يله بسرعة ونورة وينها وشهد
شهد تنزل : جيت جيت يا حبك للأستعجال
وليد : بأروح لبيت عمي أكيد محتاجين لي
شذا :تكفى متعوب على كلمة محتاجين لي عندهم تركي
وليد : ولو انا ولد عمه ولا زم اسانده
شهد : طيب طيب
وليد : كنها تسكيته
شهد : أنا الأكبر منك
وليد : المشكلة أنك اكبر مني
نزلت أم روان بعبايتها وورها أم وليد
وليد : وين نوير
نورة تنزل : جييييت
وليد يفتح باب البيت ويطالعهم :وين روان؟
أم روان:راحت لمرت سلطان تساعدها
وليد : هذي المره السنعه وولدها معها
ام روان :ايه
وليد : شهد وين بنتك وفارس
شهد : ريماس وفارس حطيتهم عند أم سامي بعد جدة على الفاضي
وليد : يله مشينا
وراحو للمشغل يتزبطو
................................... ....
روان على المغرب راحت للمشغل ......
................................... ............... .......
سمر وجمانه خذهم نايف مع أمه ووداهم المشغل
ولميا ولمى ورغد وأم تركي راحو على بدايه العصر
................................... ............... ................
العشا الكل كان موجود في بيت يوسف
وملكووخلصو والعروس لسه تزين
عند الرجال ام تركي بعد ما تأكدت كل شي مرتب راحت لبيت يوسف
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك