رواية عيوني جفت وهي تبكي على حبيبها -5
كنت اكلمها جدامكم بالبيت ولا سمحت ان ازلق بلساني واقول اسمها او اسم بنتي...روابي
حبيبتي علميني كيف عرفتي طريج لبيت ماراح ازعل منج وراح انسى كل شي صار هني
روابي وادموعها تنزل وتشهق.انا خبرتكـ اني بنتكـ لورا
بوعبدالرحيم.انتي تجذبين علي
روابي.تبي اثبت لكـ اني لورا...
بوعبدالرحيم.كيف؟
روابي وانا نزلت بالبلوزه ووريته علامه بيسمي....
روابي.وهذا دليل كفايه
بوعبدالرحيم بين لبجي ولفرح.اي كنتي تتأذين منها وتعاتبين امج انها اشتهت افريز واهي حامل ابج
روابي.صدقتني بابا اني لورا مو روابي
بوعبدالرحيم.يعني الي ماتت روابي مو انتي
روابي.اي
وبدت روابي او لورا تحكي لبوها من اول مااطلعت من الطياره والتقت بكمال لحد ماصار لحادث
عليها...وخبرته انها ايلست جدام والزجاج انقرس بويهه...وانها امسكت ايده يوم شافته
على الارض ولهيج فكروها روابي.......
بوعبدالرحيم يمسك ايدها وييلس وييلسها يمه ويلمس ويهه ويبجي
بوعبدالرحيم.بنتي لورا كيف تغيرتي...وكيف صرتي بهويه ثانيه محد لاحظ انج بنتي الثاني
لورا
روابي.بابا انا مو زعلانه لان الله عوضني بأهل يحبوني وعطاني ام ومن اول ماشفتها حبيتها ولا
اعتبرتها مرة ابوي
بوعبدالرحيم لمهى لحضنه.بنتي لورا لغاليه.
........................................
راح بوعبدالرحيم يخبر لكل ان هذي بنته لورا مو روابي او بيخليه سر
عيوني تسقي الغير...ولا تسقي نفسها,الحب عذابي...عندما يكون من الشخص الذي احبه
هل تطور العلاقه ويخبرها عن حبيبته او لا
ياسر بيعترف بحبه لروابي او يكتشف شي ولا يخبرها
مين هذي الي بتتعرض لموقف وماتمنت ان اهو الي ينقضها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الحــــــــــــــــــــلقه الســـــــــــــــادســـــــــه...
بفلة بوعبدالرحيم الثانيه
روابي واهي تحط راسها بحضن ابوها.بابا شراح تسوي بتخبرهم
بوعبدالرحيم.اكيد بخبرهم واصحح هويتج
روابي واهي ترفع راسها من حضن ابوها وتنزل دمعه من عينها...
بوعبدالرحيم وهو يمسح دمعتها.لورا بابا..حبيبتي انتي شبدج قوليلي وانا بسويه لج
روابي وقفة.بابا خلني روابي...احسن لي ماابي تتغير نظرتهم لي انا هيج ولا هيكج بعيش
معاهم...وخل لموضوع سر امبينا لاتخبر احد
بوعبدالرحيم يوقف ويبوس جبينها.حاضر حبيبتي راح اتمين بهوية روابي واسم لورا امبينا احنا
روابي واهي تحب يد ابوها وهو يمسح على شعرها....
روابي.بابا احبكـ..
بوعبدالرحيم.وانا احبج..
في فلة بوعبدالعزيز
عند لغدا في بيت بوعبدالعزيز لكل كان يالس على طاولة الأكل يتغدون ماعدا يثم مو موجود وهشي ينرفز
بوميثم مايحب واحد فيهم ينقص ورانيا قامت من على الطاوله واشرة على امها ان تكلم ابوها
بالموضوع......
ام عبدالعزيز.اقول بوعبدالعزيز
بوعبدالعزيز.قولي اسمعج
ام عبدالعزيز.روان عازمتها صديقتها على خطوبت اخوها وتبي منكـ الاذن لتروح
بوعبدالعزيز.قولي لها تيلس بالبيت انا ماعندي بنات تروح خطوبات
ام عبدالعزيز.خلها تروح لبنت يرانه
بوعبدالعزيز.انا قلت لا يعني لا
لكل ساكت ماتدخل لاعبدالعزيز ولا رولا يعرفون ابوهم كيف مايحب احد يناقشه
ام عبدالعزيز.اسمح لها بترد امبجر
بوعبدالعزيز.ولبنت من بنته نعرف اهلها
ام عبدالعزيز.بنت بوعلي هابتسمح لها انا اعرف اهلها خوش اهل هاشقلت
عبدالعزيز بتدخل.لا بابا لا تسمح لها ماترد لانصايف الليل وبتيلس تحاتي فيها
بوعبدالعزيز.صح صح صح كلام عبدالعزيزوالزمن بيخوف مابئمن بنتي
ام عبدالعزيز.عزيزوه بدال ماتساعدني لتقنع ابوكـ تصير ضدي
سبحان الله لجوا تكهرب وتدخل فيصل وهو عارف بس قال عشان خاطر روان بتحمل زفت ابوي
وبالاخر.......
بغرفة روان
رولا تفتح باب لغرفه وروان ارفعة راسها....
روان.شقال ابوي
رولا واهي تحاول تكتم ضحكتها.ماوافق
روان بأحباط.ياخساره
رولا.هههههههههه ابوي وافق وشكري راكان اهو الي اقنع ابوي
روان واهي تشبكـ ادينها بأدين رولا.حلفي ان ابوي وافق
رولا.والله وعندج راكان سئليه
روان.ياي حاطه ايدي على قلبي
بفلة بوعبدالرحيم
ارجعت روابي على لبيت اهي وابوها بعد ماقضت مع ابوها يوم حلوا وسألت عن امها وروبي
وجاوبتها لخدامه انهم اطلعوا سوا وبوعبدالرحيم صعد غرفته يبدل ملابسه بيروح لعند اخوه وروابي
اتصلت على ريناد تبي تشوف وين اهي فيه
روابي.وينج يالقاطعه نسيتينا مالج بيان
....ينساج لغير وانا ماانساج دوم على لبال
روابي اشرقة واهي تاكل لكمثرى ويلست تكح......
....سلامتج ايبلج ماي
روابي.ياسر عطني ريناد
ياسر.افى مابدج تسمعي صوتي
روابي انحرجة انها ردة عليه كذا.آسفه على لكلمه الي قلتها
ياسر.لا تتأسفين لو تقلطين علي انا ماازعل منج
روابي.ايل عطني ريناد
ياسر.طيب قولي اسمي..ياسر ممكن ولا اسمي مو حلوا
روابي انحرجة اكثر بس ماحبة تبين له وظلت ساكته......
ياسر.الو روابي وين رحتي
روابي.معاكـ ياسر معاكـ واللحين ممكن
ياسر.بس ريناد مو هون اطلعت مع امي واختي راحوا بيت خالي
روابي.ايل ليه اطولها واهي قصيره كان خبرتني
ياسر.حبيت اسمع صوتج ولا بتحرميني منه
روابي.ايل سيوا اخليكـ (وسكرت لخط وانا بقلبي متى ياسر تقول انكـ تحبني....)
بفلة بوميثم
انروح لعند روبين الي جهزت نفسها لبست فستان فوشي مفتوح عندالصدر وعلاق وتحت الركبه
وفيه فتحه بالجنب وحطت لها ظل اسموكـ لون واحد اسود ولبست جزمتها شوكه اضعيفه وبس
خلصت....
روبين.دنيتي
عبدالعزيز.غلاي انا تحت
روبين.ثواني....
نزلت امي وابوي يالسين مع بعض استئذنت منهم وطلعت....
بالسياره عند لباب
روبين واهي تفتح باب السياره.مساء الخير
عبدالعزيز.مساء الخير والشوق على لغالين بقلبنا...مساء لحب بلاحدود...ومساء الاشواق
روبين وصار ويهها احمر.عبدالعزيز
عبدالعزيز وهو يحط ايده على ايدها.فديت الي ينحرجون...
روبين واهي تسحب ايدها.ماقلتلي وين ماخذني
عبدالعزيز وهو يرجع ايدها بأيده.باخذج على قلبي
انتظرت وايد بس مافيه فايده خذت كميرتها واطلعت راحت صوب لبحر تصور...لمحت شخص
من ابعيد يالس يرسم بالعتمه...راحت لصوبه واهو مندمج بالرسم ماحس ان فيه احد خلفه بعد
ثواني خلاه يحس لانه شم عطرها لمميز ولف ويهه......
ياسر.روابي
روابي كانت سرحانه تتأمل لوحه ولا عبرته...راح خلفها ونفخ في اذنها وانتغزت
ياسر.سم الله عليج
روابي.ياسر خرعتني
ياسر.شعندج شغل هون
روابي.مليت من ليلسه قلت اصور
ياسر وهو يناظر بالارض.بطلب منج طلب بس لا ترديني
روابي واهي ترفع راسه.افى مافيكـ تطلبه وانت تطالع بعيوني
ياسربداخله.لان اعيونج ساحره تخليني اوقف ولا انطق بكلمه......
روابي تهز جتفه.ياسر نحن مازلنا هون
ياسر.انا معاج لاخر لحظه بعمري
روابي.امرني شنو اطلبكـ
ياسر.اني ارسمج
روابي.وشرطي اني اخذكـ كم لقطه
ياسر.وانا موافق
ويلسني بالأرض وعدل شعري وعطاني بأيدي شمعه وبدى يرسم فيني وانا اعيوني كلها له تأففت
من يلستي هيج ونزلت خصله من اشعري وانا انفخ احاول ابعدها بس كل ماارتفعت انزلت....
ياسر وهو يرفعها ويحط مشبك.هيج منيح
روابي مسكت ايده.ياسر لمتى...لمتى مليت من سكوتكـ
ياسر.انا مو فاهم شي
روابي.انت فاهمني
ياسر يبلع ريجه.بعدين نتكلم
روابي.لمتى لين يفوت لفوت
ياسر.كلشي بوقته حلوا
بالمطعم عند عبدالعزيز
عبدالعزيز وهو ماسك بأيده بطاطس ويقربه يم فم روبين وبس افتحت فمها بتاكله لا حطه بتمه...
روبين.تخدعني يا عبدالعزيز
عبدالعزيز.اشتهيتها لي
روبين سوت نفسها زعلانه ومدت بوزها....
عبدالعزيز.ياااااااي حلوا هالبوز وهو ممدود
روبين اسكتت ومانطقت بكلمه....
عبدالعزيز وقف ويسوي روحه يهدد.اذا لقمر ماعطاني ويه بصرخ بأعلى صوتي مين يرد لي
ابتسامت حبيبتي اعطيه الي يبيه...بتمين هيج ترى والله اسويها
روبين خفت انه يسويها ومسكت ايده بترجي.عبدالعزيز حبيبي ايلس لا تفضحنا....
عبدالعزيز.ويلموني....انا فيج مينون
روبين نزلت راسي.عبدالعزيز خف علي
عبدالعزيز وهو يبوس ايدها.مااقدر اخف...لكلام يطلع بدون اي وعي شسوي لقلبي
روبين ارفعة راسها.الله يخليكـ لي ولا يحرمني منكـ
عند روان
اوقفت سيارتها مو عارفه شنوا لمشكله انزلت من السياره لفت لوشاح عليها استرت نفسها بدت
تمشي بالشارع واهي خايفه لان الشارع فاضي التفتت يمين شمال وبعدها وقفوها ثلاتة شباب
سكرانه اعوذ بالله خطت خطوه بس منعوها ودزت بأيدها لاتسير بس مسكوها من ايدها واهي تحاول
تفلت ايدها من ادينهم بس شدين عليها......
....اتركوني شبدكم فيني
....شالحظ علينا حظنا قوي نقوم من يلست كلها بنات وتنزل لنا بنت من السماء يابختنا
....وادموعي تنزل.اتركوني اروح لبيتنا انتوا ماعندكم خوات تخافون عليها
....وانتي وين اهلج تاركينج بنص الليل
شفت واحد فيهم فلت ايده وحط ايده على تمه ..هذي فرصه كزيت الثاني وركضت شفت شخص
بديت انادي عليه....
....ياخوي ياخوي ابعدهم عني
(التفت الشاب وياليته مالتفت تمنيت ان الارض تنشق وتبلعني ماتمنيت ان هالحظه التقي فيه...
ياليت في سابق انذار....)
....اللحين اتركينا وتروحين لعنده بشو اهو احسن منا
....اخذ ربعكـ وضفوا اويهكم من هنا وقسم بالله لا اورجيكم شي عمركم ماشفتوه
(ماادري من شو مشوا الشباب يمكن من نظرة عيونه الي كلها تقدح مثل ليمر....ولتفت علي
وصار ويهي مقابل ويهى....)
....ليه طالعه من لبيت بنص الليل وبها لبس تحجي روان
روان وادموعها تنزل.عبدالرحيم انا راده لبيت بس وقفت السياره
عبدالرحيم.في اختراع اسمه موبايل كان دقيتي وجينا خذناج او يلستي فس سيارتج ولا طلعتي منها
...وتعالي شالفستان لعاري حيل ولمكياج الي ماله داعي وريحت لعطر الي واصله آخر الشارع
روان زاد بجيها وتمت منزله راسها ولا انطقت....
عبدالرحيم.استهتاركم الزايد ولحريه الي مالها داعي
روان ساكته كأن مويه بارده انصبت عليها....
عبدالرحيم عورت قلبه واهي تبجي رفعت راسها....
عبدالرحيم.روان لا تفهميني غلط انتي اعرضي اشرفي ماابي احد يقول عنج كلمه عارضه
روان واهي تمسكـ ايده وادموعها تنزل.عبدالرحيم اوعدني ان ماجيب لبوي سيره بلي صار تكفى
طلبتكـ لا تخجلني
عبدالرحيم وهو يمسح دموعها بأصبعه السبابه.انا مااحب اشوف ادموع لمراء مااتحمل
روان واهي تبتسم ابتسامه طفيفه.مشكور عبدالرحيم
نروح للي زادة علاقتهم ولا يمر يوم مايكلمون بعض...عيوني تسقي الغير..ولاتسقي نفسها
يلي يفضفض لها عن حبه الي انته قبل مايعيشه والحب عذابي..عندما يكون من الشخص الذي
احبه تسمعه وقلبها يدق ويرفرف له متى بيحس فيني ويعبرني متى......
الحب عذابي...عندما يكون من الشخص الذي احبه
خبرني كيف انفصلتوا عن بعض
عيوني تسقي الغير...ولا تسقي نفسها
لازم..خليه احتفظ فيه لنفسي
الحب عذابي...عندما يكون من الشخص الذي احبه
اذا هشي يريحكـ خبرني اذا انت ماقدرة تخبر لحد قريب لكـ خبرني انا..انت ماتعرفني كأنكـ تتكلم
مع خيالكـ
صمت دام ثواني خفت اني جراحته وذكرته بلي اتركته
عيوني تسقي الغير...ولا تسقي نفسها
انا احبج عن جاد احبج
انصدمت بالاول من رده الي بهالطريقه ومن جواتي قلبي يرقص فرح وادموعي نزلت بدون شعور
عيوني تسقي الغير...ولا تسقي نفسها
وين رحتي...ليكون صارلج شي
الحب عذابي...عندما يكون من الشخص الذي احبه
انت ماتعرفني...بسرعه حبيتني
عيوني تسقي الغير...ولا تسقي نفسها
كفايه حبيتيني من اول ماتعرفنا على بعض
الحب عذابي...عندما يكون من الشخص الذي احبه
وانت كيف عرفت
عيوني تسقي الغير...ولا تسقي نفسها
من رسايلج...تدل انج تحبيني
الحب عذابي...عندما يكون من الشخص الذي احبه
وانت كيف بتعرفني او انا اعرفكـ
عيوني تسقي الغير...ولا تسقي نفسها
نحدد يوم نلتقي فيه..وانا اقولج ليج اتركتني
الحب عذابي...عندما يكون من الشخص الذي احبه
لالا مااقدر
عيوني تسقي الغير...ولا تسقي نفسها
فكري بالموضوع واذا قررتي دزي لي رساله...واللحين عن اذنج انا لازم انام اريح
الحب عذابي...عندما يكون من الشخص الذي احبه
تصبح على خير
سكرت منه وانا مو مستوعبه اي شي حطيت راسي على السرير وانا افكر بكلامه منو بيكون
اعرفه او لا......
بفلة بوعمار
ياسر.عمار لسى صاحي
عمار.اي..افكر بشغلى
ياسر.قولي يمكن انا اقدر احلها لكـ
عمار يحاول يستدرج ياسر بالكلام.انت قولي شلي غيركـ هيج ومين هالبنت الي تسولف عنها
ياسر توهق وقال اوهقه وياي.انت جاوبني على السؤال لان نفس لوقعه
عمار يبلع ريجه.انت بلش بالاول
ياسر.لا انت
عمار.لا انت
ياسر.لا انت...انت اخوي لكبير
عمار غمض اعيونه وفتحها سريع ونطق بأسم لبنت...
عمار.روابي بنت عمي بوعبدالرحيم وبكره بخلي ابوي يخطبها لي
ياسر الي فتح اعيونه عالاخر وماعرف شيقول او بأيش يبلش
عمار يصفق بويه ياسر.ياسر اشفيكـ
ياسر يحاول يكتم لبجي.لا ابد سلامتكـ
عمار.خبرني انت منو
ياسريتحنحن.احم..احم..انا كنت استدرجكـ ولا مافيه بنت بحياتي
عمار.معقوله
ياسر الي وده يصرخ ويقول بأعلى صوت..نفس لبنت..نفسها
عمار.ليه صار ويهكـ اصفر بس عرفت انها روابي
ياسر يغير لموضوع.انا بنام تصبح على خير
ياسر قام من مكان ماهو يالس صعد الدري واعيونه مغارغه بدموع ودخل غرفته ورمى نفسه على
السرير يبجي بأنين ماله صوت...معقوله ياربي...
بفلة بوعبدالرحيم
روابي.روبي لمتى وانتي حابسه نفسج تبيني احكي معه
روبي واهي تمسح دموعها.لا لا..ماابي اصغر بعينه
روابي واهي تلمها.بس انتي اختي مااقدر اشوفج شذي واسكت
روبي.ماابي حبه يكون من تأثير احد...
روابي.ريحيني اشبدج تعملين
روبي.مالي لا الصبر...والصبر مفتاح الفرج
روابي تضغط على ايدها.ياحبيبتي انتي
بفلة بوعمار بغرفة رحاب
رحاب يرن موبايل حقها وترفعه بدون مااطالع في الاسم واهي كانت نايمه...بس ازعجها...
رحاب.الو
....ويعه ديايه نايمه من هالوقت
رحاب.ويع..انتي شمصحيج هالحزه ماعندج باجر دوام
....هي انتي ...صحصحي معاي
رحاب.بشنوا اصحصح معاج هالحزه
....قالي انه يحبني...وطلب يشوفني
رحاب فزت من مكانها وايلست وافتحت عيونها عالاخر......
رحاب.اوعج تقابلينه انتي ماتعرفين هالشخص...لا تنجرفين بأوهام..يمكن يخدعج...
يالمينونه
....مو وقت نصايحج...نصحيني كيف ووين اقابله
رحاب.انتي ماينعرف لج...مساعه تقولين بطلي نصيحه...واللحين بدج نصيحه...
....باي..باي..مامنج فايده رجعي كملي نومتج...
رحاب.الو تعالي
....اي تعدلي معاي
رحاب.انصيحه لوحيده الي اقدر اقدمها لج انج لا تشوفينه بمكان خاص...طلبي منه مكان عام
....ماشي
رحاب.وخبريني...شبيصير معاج
....سيوا
رحاب.سيوا
بفلة بوعبدالعزيز
رولا.روان انتي من رديتي وانتي مو طبيعيه
روان تبجي بشده....
رولا.وليه ايدج زرقاء
روان من بين لبجي.في شخص يلسني من نومتي
رولا مو مستوعبه اي شي.واي نومه
روان.من سوبات الملذات
رولا واهي مو عارفه تحلل كلام روان
روان حطت اللحاف على ويها.طفي الليت بدي انام
رولا اطلعت من لغرفه واهي محتاره شبلاها وليه تغير منطقها بالحياه...مين هذا الي صحاهى
بفلة بوعبدالرحيم
الي كان يتقلب على السرير مو عارف كيف ييله النوم شاف الساعه حصلها2:45ص قام من سريره
ونزل تحت ودخل لمطبخ وسواله كوفي واخذ القران وطلع لحديقه بس فكره مشوش سكر لقران
وبدى يفكر شلون قسيت عليها وسمعتها كلام قطع عليه تفكيره صوت الاذان قام توضى وطلع
للمسيد....
بفلة بوعمار
عمار دخل غرفة ياسر وشاف السرير فاضي كأن ماحد نام عليه ولقى ظرف محطوط على السرير
ومكتوب لختي رحاب......
رحاب تدخل عليه.عمار شفيكـ واقف كذي
عمار.ياسر مش موجود بغرفته وتركلج هذي الرساله
رحاب خذتها.لي
.......................................
في الحلقه السابعه روان بتتغير بعد كلام عبدالرحيم
عبدالرحيم ليه بدى يفكر فيها حيل
عمار فعلآ بيخطب روابي وشسر الرساله الي تركها لرحاب
عيوني تسقي الغير...ولا تسقي نفسها مين بيكون وبيتم اللقاء اولا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحــــــــــــــــــــــــــلقه الســــــــــــــابعــــــــــــــــــه...
عند ياسر
راح للأنسانه الي اسرقت قلبه وكيانه...يبي يشوفها يبي يتأملها قبل لا يخسرها كيف بتكون
لواحد ثاني غيره...ولمين لخوي...قفل قلبه اخسر حبي ولا اخسر اخوي...رغم
عني الحب اهم من كل الشغل بس احيانآ تحصل لكـ ظروف تخليكـ قصب تبعد...ناظر لباب بده
ينفتح...بس ثوابي انفتح لباب اطلعت منه...قلبه نزف شاف لقمر كله بعز النهار كانت لابسه
نظاره...يبي يطالع عيونها يبيها ترفعها...بده يشوف لويه السموح...فتح لباب بينزل الا
تراجع شاف عمه يكلمها...وبعدها كل واحد راح بطريج...لحقها لوين بتروح....
عند روابي بالسياره
روابي واهي تعدل لمرايا.تلحقني ياسر مافيه ثقه
ياسر.لوين هذي بتروح
وتم يلاحقني وانا احاول قد مااقدر اني اسرع اختفي...بس يلحقني...وقفت السياره يم بيت
نزلت منها وطرقت لباب...
....نعم
روابي.السلام
....وعليكم السلام
روابي.خالتي اذا ماعليج كلافه ادخل في واحد يلاحقني...اذا مافيه احراج وعندكم فتحه ثاني
اطلعيني منها
....تفضلي بنتي
عند ياسر
ياسر.على مين تلعبين
عند روابي
روابي ركبت تاكسي اطلعت خلفي ماشفت احد يتبعني تطمنت ووصلت لبيت نزلت من التاكسي
فتحت الجنطه اطلع لمفتاح بس نسيته
عند ياسر
ياسر.مين هذا بيته رجعتي لسوالفج القديمه...معقوله تحبيني وتخنيني بنفس لوقت
عند روابي يم لفله
روابي يلست على الدري وزهقت...وقمت اروح واجي...الا وقفت سيارت ابوي ونزل
منها ولمفاجئ كانت معاه....
روابي اصرااااخة.رنا
رنا تحضن روابي.حبيبتي لورا اشتقت لج
روابي.بابا هذي لمفاجئ الي قلت لي عنها
بوعبدالرحيم.اي يلى ندخل لبيت
عند ياسر
ياسر.شكل لبيت بيت عمي بس مين لبنت الي معاه ليكون متزوج لالالالا....مو معقوله بس
روابي لمتها حيل كأنهم يعرفون بعض يمكن صديقتها...بس ليه يتقابلون بهالبيت...وانا الي
شكيت بحبيبتي....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك