رواية مثلث الحب -12
مرام : يمه تكفين على شان خاطري سمعت ام فهد كلام بنته و اللي ماكان مطمنها ...
بعد ثلاث ساعات طقوا الباب عليه بس مو راضيه تفتح ، نادوها عشان تاكل على الأقل
بس مافيه فايده كل اللي تسويه انه تشرب مويه وبس ، ظلوا ثلاث ايام و هم يحاولون معه بس مانفع ، اخذ ابوه مفتاح الغرفه و دخل لحاله :
احلام : يبه
ابوفهد : يهون عليك تشوفين ابوك يطق باب غرفتك ولاتفتحين
احلام : ابي اكون لحالي
ابوفهد : وانا اقدر اخليك لحالك و بهالحاله
احلام : يبه لاتحاول معي رجعه للبيت هناك مارح ارجع
ابوفهد : طيب وش السبب ?
احلام : ........
ابوفهد : احلام انا واثق فيك ثقه عمياء مستحيل احد يمحيها و مهما سويتي هذا لمصلحتك و انا واثق انك بتسوين الصح و تتركين الغلط
احلام بدموعه : بس انا ماغلطت
ابوفهد : اجل تبيني اقول عنه مو غلطان بعد انتم الأثنين كلكم غلطانين !
احلام : ليش ?
ابوفهد : انتي غلطتي لانك ماعطيتيه فرصه يعبر عن مشاعره تجاهك بصفه حقيقيه و هو غلطان لأنه شاكك فيك و مو قصده انه مو واثق فيك لا المقصد انه فيه احد عبا راسه بهالكلام و ماصدق بس لم عرف انك قلتيها بلسانك هنا جا الغلط عليه لأنه ماعطاك فرصه تفهمينه
احلام : يبه انت وش دراك بالموضوع وشلون عرفت !
ابوفهد : انا اللي مرسل سامي عشان ياخذك للمستشفى مفكره اني اقدر اخلي بنتي تتوجع و اقول اني مشغول
احلام : يبه انا سويت اللي علي و مظنتي برجع !
ابوفهد : و انتي فكرتي زين
احلام ; ايه فكرت
ابوفهد : متأكده بنتنهين الموضوع ع الآخر ?
احلام : اهمم
ابوفهد : بعطيك فرصه اخيره لتفكرين اخر مره و إذا هذا قرارك كان زي ماهو بنهي لك الموضوع ع السريع ، عاد انتي ادرى بمصلحتك و إذا هاذي راحتك و سعادتك سوي اللي تبينه ، انا بطلع و بخليك تفكرين على مهل يالدلوعه
احلام و دموعه تنزل : يبه الله لايحرمني منك يارب ، مشكور مارح انساه لك و ثقتك فيني مارح افرط فيها ابد
طلع ابوها من غرفته و خلها تفكر على مهل بس احلام مهما فكرت إذا اتخذت قرار ماتتراجع عنه
راح ابوفهد اتصل على اسامه اللي ماسمعوا عنه ولاخبر بعد جية بنتهم عندهم :
ابوفهد : هلا اسامه شلونك ياولدي ?
اسامه بتوتر : هلاهلا عمي بخير الحمدالله انت شلونك كيف حالك ?
ابوفهد : لو اقولك اني بخير بكذب عليك !
اسامه : ليه ياعمي شصاير سلامات انشاالله !
ابوفهد : بنتي يااسامه ، لاتاكل ولاتشرب ولاتنام لها ثلاث ايام وهي على هالحال ، حاولنا معه نعرف سبب جيته من بيت زوجه بس مافيه فايده !
اسامه : يمكن تعبانه شوي خلوها براحته اعتقد انه تبي شوية وقت بس
ابوفهد : طيب وش سبب جيته منك ?
اسامه : هاه لالا مافيه شي بس هي حبت تنام عندكم تقول مشتاقه
ابوفهد : مدامه مشتاقه ليه تعاملنا بهالطريقه?
اسامه :..........!!!
ابوفهد : اسمع زين يااسامه اناداري ان الموضوع ماهو مسئله اشتياق المسئله فيها زعل و زعل ماظنتي فيه رجعه
اسامه : ............
ابوفهد : بشوفك لأنه ماينفع الكلام بالتليفون اسامه : انشاالله عمي !
بعد ماتقابلوا :
اسامه : تفضل عمي تفضل
ابو فهد : زاد فضلك ، بدخل بالموضوع بسرعه لأنك تعرفني ماحب اللف والدوران ، قلي ليش احلام جايه من بيتك معها شنطة ملابسه ?
اسامه : مجرد جدال بسيط لا اكثر ولا اقل
ابوفهد : بسيط مدام على هالحال ليش جايبه شنطته معه و موراضيه تفتح الموضوع !? لايكون عشان سالفة المستشفى
اسامه : انت تدري !
ابوفهد : انا مرسل سامي ولد خالته لأني واثق فيه و مارضا هو بعد بس انا اصريت عليه ، ومن باب الاحترام والتقدير ماقدر ياخذ احلام لحاله اخذ معه امه واخته ، وانت مسوي من هالموضوع سالفه طويله عريضه
اسامه : ياعمي انا
ابوفهد : اسمع ترى بنتي بنت اصل و فصل و شرفها فوق كل شي و كرامته ماتنزل بالأرض طول ماراسي يشم الهواء
اسامه : بعد عمر طويل انشاالله
ابوفهد : البنت تبي تنهي الموضوع كله !
اسامه : ووش قصدك ?
ابوفهد : احلام طابة نفسه بعد ها الأهانه اللي عطيته اياه ماتقدر تعيش بواحد يشك فيها !
اسامه : بس ياعمي هذا مجرد سوء تفاهم
ابوفهد : ويمكن سوء الفهم هذا يرجع يصير من جديد
اسامه بتوتر : اهي قالت لك انه تبي كذا
ابوفهد : عيونه تكلمت قبل لسانه بنتي واعرفها زين !
اسامه : طيب ممكن اشوفه و اتكلم معه ?
ابوفهد : براحتك ، سوا اللي تشوفه لمصلحتك و مصلحتها ، مع السلامه
اسامه : عمي لحظه شوي عم ...،
بعد ماخلص اسامه شغله راح لبيت اهل احلام و طلب انه يشوفه فوافقت احلام على انه رح تكون المره الأخيره
اسامه : احلام ، .......
احلام : قول اللي عندك !
اسامه : انتي متأكده تبين تتركين البيت
احلام : هه انا تزوجت البيت و لاتزوجتك
اسامه و هو ماسك ايده بعصبيه : بلا استهتارك جاوبي تبين الطلاق ?
احلام بتردد : ايه البيننا منتهي من زمان ، و انت خسرتني من يوم كلامك لي ، وش بقى خلاص ماعاد ينفع ، وإذا بقيت معك غاده مارح تخليني اعيش بسلام ، خليني حره اصرف لي
اسامه و هو يترك ايده : إذا هذا اللي تبينه بلبيه لك ، بس قبل ما اقوله كنتي لي و بتظلين لي سواء جلستي ولا تزوجتي قلبك هذا لي انا انا وبس
احلام : هه كلامك ماعاد ينفع انت صدقت ابعد الناس و كذبت اقربهم ، بعمري مارح افهم عقلك و قلبك و انت بتسوي مثلي مارح تفهم قلبي و تحافظ علي زين ، روح لغاده حبيبتك و خطيبتك و زوجتك الأولى و اللي دايم بتكون الأولى بقلبك ، اسامه انا وزنتك بقلبي ووزنت الألم و العذاب اللي تحملته لقيت عذابي اخف منك ، (بتنهد) من هنا عرفت انوه بإمكاني اتحمل باقي عمري من دونك ، هه لاتخاف على مشاعري او تشفق علي انا ماني بحاجة ، كلها يوم يومين إلا كل واحد فينا ناسي الثاني و عايش حياته ، خلنا مثل اول مثل طفولتنا بس رفقه يلعبون و إذا ملوا راح كل واحد فينا لبيته ين
اسامه : تعتقدين ان زواجنا لعب اطفال ! ولا الحب اللي تبادلناه بعد لعب اطفال !
احلام : بس لاتكمل الحب اللي تبادلناه مجرد نزوة
اسامه : تقولين نزوة !
احلام : وبيصير ذكريات تطري على بالك لحظه و تروح ، اسامه عش حياتك مع اللي تحب و ارتاح و انا بعيش حياتي مع اللي يحبن و برتاح .
اسامه : هذا اللي طلع معك ? تبيني اعيش مع اللي احبه هاه قولي لي شلون ? شلون بقنعها اني احبه و مقدر اتخيل اللحظه من دونه وهي ناويه تنساني او يمكن بعد نستني
احلام : اسامه بنقعد للصبح و حنا على هالحال نتكلم بكلام فاضي ?
اسامه : ضميني !!!!!!!!!!
اسامه : ضميني ! مو اول كنتي دايم تقولين ضمني و اضمك ، الحين جا دورك
احلام : انت شقاعد تقول ?
قرب اسامه لناحيته و ضمه وهي تحاول تبعد بس كان يقاومه : خلينا للحظه كذا قبل مانفترق ،،
احلام : اسامه
اسامه :احلام إذا ضاق صدرك لاتقعدين لحالك اجلسي مع اهلك و سولفي معهم
و إذا تبين تبكين لا تبكين لحالك روحي لأي شخص خليه يواسيك لاتكتمين بقلبك
و إذا مرضتي لا تجلسين بالسرير تتظاهرين انك بخير روحي للمستشفى خوذي علاج لحالتك
و إذا ودك تعصبين عصبي لا تخلينه ضيقه بصدرك
و إذا بتاكلين لا تاكلين لحالك كولي مع رفيقاتك و سولفي معهن
احلام : ليش تقولي هالكلام?
اسامه : تتذكرين لماقلتيلي هالكلام بسويه بس بشرط تسوينه انتي بعد ، لأنه مثل ماقلتي بعيش حياتي مع اللي احبه و انتي بعد ، احلام ......
حن قلبه على كلامه و كان وده تتراجع عن قراره و يرجعون يعيشون مثل اول لأنه حست بكل الشعور اللي يكنه لها من ضمته فلما كانت بتقول انه وده يرجعون ، رفع راسه و باس جبينه : احلام انتي طالق !!!!!
احلام : ........
و ابتعد عنها .......
وراح و دموعه على عيونه ،و انهارت احلام على رجوله تبكي ، طلع من البيت وركب سيارته و مشى ، دخلت ام فهد و مرام بعد ماطلع اسامه لقوا احلام مغمى عليه بالأرض فبسرعه شالوها و ودوها للغرفه سطحوه على السرير و شربوه كاسة مويه
مرام : يمه خلاص انتي قومي انا اجلس عنده لين تقوم
ام فهد بصياح : شلون يطاوعني قلبي اخليه بهالحال بجلس لين تقوم
مرام : يمه يابنت الحلال مو زين لصحتك قومي صار لك 4 ساعات و انتي عنده جالسه ، البنت نايمه مارح تقوم إلا بالليل قومي بس ارتاحي بغرفتك و لاتقولين لـ ابوي اللي صار
ام فهد : لا تقنعيني مارح اقوم انتي روحي لغرفتك و نامي
مرام ; يمه بيجي ابوي الحين و ان ماشافك تحت بيشك انه احلام صار له شي و بعد هو مو زين للصحته قومي يالله قومي
ام فهد : وان قامت و انا مو موجوده بجنبه??
مرام : يعني وين بتروحين الله يخليك إذا قامت من عيوني اروح و قولك
ام فهد : انشاالله بس وش اللي صار بينه وبين اسامه عشان يغمى عليه ?
مرام : بسأله و بشوف وش السالفه !
بعد ربع ساعه فتحت احلام عيونه فقامت على حيله و تعدلت بالسرير لقت مرام مركيه راسه على ايده و نايمه
احلام : مرام ، مرام
مرام : ههممم اه احلام قمتي !
احلام : روحي نامي بفراشك !
مرام : هاه شلونك الحين انشاالله احسن ?
احلام : بخير ولله الحمد ، روحي نامي
مرام : الحين بروح بس بعد ما اعرف وش سالفتك انتي و اسامه ?
احلام بتوتر : مافيه شي كله سوء فهم بسيط و بس
مرام : سوء فهم بسيط يخلي ابوي يروح لأسامه برجليه !
احلام : ابوي ، ابوي وش فيه !
مرام : لاتخافين مافيه إلا العافيه الله يخليه بس قولي لي وش صار معك انتي وياه مطوله تجلسين ?
احلام ; على ما اعتقد !
مرام : شلون يعني ?
احلام : اسامه .... مالي رجعه عنده خلاص انتهى كل شي
مرام : احلام لاتقولين لي بالألغاز قولي وش صار بالضبط ?
احلام : اسامه طلقني !!!!!!!!
مرام بصدمه : ايش ?????
احلام و دموعه تنزل : اهم طلقني لأن خطيبته السابقه رجعت
مرام : ويطلقك عشانه بس انتي زوجته شلون يسوي كذا شلون يطاوعه قلبه
احلام : انا اللي طلبت منه
مرام : هالحقير الواطي النذل
احلام : لاتقولين عنه كذا
مرام : نسى ايام و قفتنا معه و حبك له و عذابك على حسابه نسى ايام وقفتك معه بأصعب ايام حياته
احلام : لا مانسى و لا رح ينسى بس على ما اعتقد خطيبته السابقه جنت لما عرفت انه متزوج و فقدت اعصابه و حاولت تنتحر عشان كذا انا طلبت منه يطلقني
مرام : يعني انتي تندقمين و هي تنستانس خليه تنتحر ماهي فقيده بعد اللي سوته
احلام : اصصصص قصري صوتك مابي امي تسمعك و بعدين إذا انتحرت مارح يتعذب و يشيل الذنب إلا اسامه لأنه بتموت على شانه
مرام : كم مره قالها !
احلام : مو مهم كم مرة المهم انه خلاص هو راح بطريق و انا بطريق
مرام : وش بتسوين الحين بتخبين هالموضوع الكبير عن اهلي يعني ?
احلام : لين القى الوقت المناسب ، روحي انتي الحين نامي باين على وجهك التعب
مرام : اي تعب التعب اللي الحين سمعته مايسوى
احلام : مارح يتعب إلا انا روحي بس نامي وريحي
مرام : إذا جوعانه ازين لك اكل ?
أحلام : لا إذا جعت بزين لي انا لاتخافين ماني صغيره عمره 10 سنوات
مرام : اوكيه تصبحين على خير
احلام : وانتي من اهله
بعد ماطلعت مرام قامت احلام ووقفت عند النافذه و تذكرت ايامه لمى كانت توقف عند النافذه يجي من وراه اسامه و يضمه و يسأله وش تفكر فيه ، هزت راسه عشان تنسى هاللحظات اللي عاشته و نزلت تحت ، و هي نازله مرت على غرفة امه و ابوه و لقتهم قاعدين يتجادلون قربت عند الباب اكثر فسمعت ان امه تقول : بنتي انا تتطلق و اسكت مستحيل لا وبعد على حساب من حساب هالمنافقه المدعوه غادوه و فوق هذا كله ام اسامه اهي اللي اصرت ان احلام تتطلق من اسامه عشان ياخذ بنت اختها ، نست من اللي خدم ولدها و وقف جنبه بموت الزفته هاذي المزيف
ابو فهد : يابنت الحلال لاتكبرين السالفه احلام هذا قراره اهي اللي طلبت انه يطلقها
ام فهد : ليش ليش تطلب منه لأنه حاست بالذنب و الخيانه و الأهانه ولا هي مو من عوايده تكون ضعيفه بس هين هين يا منيره مارح اخليه لك و اسكت هين برده والله لرده لك ، الحين ماامدى اسامه يتطلق ، متصله علي بكل وقاحه تقول احضروا ملكته على غادوه !!!!!!
انصدمت احلام لمى سمعت ان اليوم ملكت اسامه على غاده يعني بهالسهوله طلاقه منها مايعنيه شي و الكلام اللي قاله لها قبل مايطلقه وين راح ولا مجرد شفقة و مواساة........
رجعت لغرفته مكسوره قلبه ليش يطلع من جسمه و كلما نزلت دمعه من عيونه مسحته و تقول : ليش ابكي مهو خلاص زوجي السابق و مثل ما عاش حياته انا بعيش حياتي ، من هاذي اللحظه عافت احلام شي اسمه الحب و الفراق و الجروح بتكتم كل اللي سمعته وشافته و قالته بقلبه و بتحاول قد ماتقدر انه تنسى رفيق الطفوله و الزوج السابق اسامه ......
عند اسامه كان الكل فرحان بملكته من غاده و كأن ايام زمان رجعت من جديد بعد الحفل الصغير اللي عملوه راح اسامه لغرفته و كأنه شي ماصار ، تسطح بسريره و جلس يناظر السقف يفكر بأحلام فتح حدى دروجه و اخذ سلسال كان لها جلس يتأمل فيه ......
بعد ماخلصت ساره من الأستحمام بدت تنشف شعره و تفكر بأحلام صديقته اللي مااتصلت فيها تواسيها دمعت عيونه لأنانيته ، اخذت جواله كانت ودها تتصل فيها بس خافت لتردها احلام ، فتراجعت و خلته ...
من بكرى قررت ام فهد تشوف ام اسامه و تواجهها وجها لوجه ، حاولت احلام تمنعها بس مافيه فايده ، وصلت ام افهد لبيت ام اسامه :
ام اسامه : اام فهد
ام فهد : السلام
ام اسامه : ووعليكم السلام
ام فهد : بتخليني واقفه عند الباب ? ولا شلون!
ام اسامه : لالالا تفضلي
وش حابه تشربين !
ام فهد : مشكوره شربت بمايكفي
ام اسامه : قلتي عندك موضوع بتكلميني فيه!
ام فهد : صحيح وبدخل بالموضوع بسرعه !
ام اسامه : تفضلي
ام فهد : هه مبروك ملكت ولدك اسامه !
ام اسامه : االله يبارك فيك
ام فهد : مو معقوله بهالسرعه تزوجونه وهو مامداه مطلق
ام اسامه : والله عاد هذا رايه
ام فهد : هذا رايه ولا رايك انتي ?
ام اسامه : وش قصدك !?
ام فهد : انتي تعرفين قصدي زين ، انتم اتهمتوا بنتي على انها تطلع مع رجال صح ولا لا?
ام اسامه : .......
ام فهد : كل هذا عشان تفرقون بينه و بين بنتي ، كل هذا عشان غاده ، البنت كانت مع ولد خالته واللي كان معه امه واخته واللي مرسله ابوها ابو فهد عشان ياخذها للمستشفى اللي كان مهملها ولدك اسامه
ياام اسامه ، ماكنت اعتقد انه فيه ناس بهالوقاحه يتجرؤن يطلبون دعوة ملكة طليق بنتي السابق و اللي متهمها انه بايعه نفسه مع ولد خالته وهي متزوجه
ام اسامه : ام فهد حن
ام فهد : لاتفسرين و لاتعبين نفسك تشرحين حتى لو باعت نفسه مع ولد خالته افضل مايكون مع واحد غيره ، بس بذكرك اللي كان يوكل ولدك ويشربه و يخليه ينام بيته كان انا بعد ضرب ابوه له ، بنتي احلام بين الموت والحياه كلما لها تضعف بسبة ولدك بس مثل مابنتي متعذبه لا تفكرين ان ولدك مو ميت على الأرض اللي تمشي عليه ، انتي جنيتي على ولدك و بتشوفين شلون ولدك بيموت قدام عيونك حسره وقهر على انانيتك و قساوتك ، اما بنتي بخليها تمشي على الورد اللي كانت تحلم تمشي فيه مع اسامه ، وبما انكم شاكين ببنتي مافكرتوا تشكون بغاده اللي كانت داخله بيت احلام و قايله ان اسامه بيطرد احلام من البيت قبل لاتوافقون على طلاقه مافكرتوا تأدبونها قبل لاتزوجونها ولدكم يمكن بعد تطيح بواحد ثاني وتروح لبيت مرته و تقول اني احبه ويحبن و بنكون مع بعض حتى لو كنتي زوجته ، ههههههههه والله هالبنت عينها قويه ، لاتنسين تحضرين زواج بنتي احلام الثاني من ولد خالته ، و بتكونين انتي اول المدعووين انتي و بنت ولدك غاده ، مع السلامه
ام اسامه : ام فهد لحظه شوي لحظ
طلعت ام فهد من بيته واللي بتكون اخر مره تجيه تاركه ام اسامه بصدمه و خوف من اللي سوته ،
دخلت ام فهد للبيت تنادي احلام :
ام فهد : احلام احلااااااام
احلام : سم يمه شفيك تصارخين نعم !
ام فهد : اليوم العصر تلبسين احسن ماعندك و تكونين جاهزه فاهمه
ابوفهد : وليش ?
ام فهد : باخذها لخالته ام سامي !
احلام بخوف : يمه وش قصدك ليش اروح ?
ام فهد : خالتك لساته تدور مره سنعه لولدها سامي و بتفرح إذا عرفت انها بتكون انتي !!!!!!
احلام : ايش يمه وش قاعده تقولين ?
ام فهد : اللي سمعتيه بزوجك لسامي ولد خالتك !!
احلام : يبه شوف وش تقول بتزوجني لسامي و انا توني مطلقه وش بيقولون الناس عني !
ام فهد : وانتي من متى همك كلام الناس !
احلام : مارح اتزوجه مارح اظلمه معي !
ام فهد : ومن اخذ رايك اصلا ?
احلام : يمه لاتجبريني على شي مارح اسويه ? لاتغصبيني ?
ابوفهد : يا بنت الحلال استهدي بالله وش جاك على البنت
ام فهد : يابو فهد لاتناقشني انا مليت ، يعني ماحد يعبرني بهالبيت ولاياخذ برايي انا مجرد تمثال هنا
احلام : يمه موقصدي ك
ام فهد : اجل وش قصدك عمري طلبت منك طلب بشكل جدي ونفذتيه ? لا بس هالمره بتنفذينه غصبن عليك
ابوفهد : مارح تنفذه إلا بشورها انا بنتي مارح ازوجها إلا اللي ترتاح معه بس البنت ماهي موافقه خلاص انسي الموضوع
ام فهد : ابوفهد كرامة بنتي مارح تنزل بالأرض مدام راسي يشم الهوا
ابو فهد : ومن قالك انها نازله ?
ام فهد : ماعرفت انهم متهمينه تطلع مع رجال و تبيني اسكت
احلام : يمه هم موقصدهم كذا
ام فهد : انتي لاتناقشيني بتكونين جاهزه العصر ولا لنتي بنتي ولاني امك
احلام : يمه يمه لحظه شوي يمه ، يبه شوف لك حل مارح اتزوج انا خلاص غسلت ايدي من شي اسمه زواج و إذا انا ثقيله عليكم قولوا لي
ابوفهد : اي ثقل انتي بنتنا إذا طردناك من لنا دونك وين بتروحين ، لاتخافين بشوف حل مع امك بس انتي لاتزعلين و لاتشيلين بال خلاص
احلام : اهم
طلعت لغرفته متوتره و خايفه من جدية امها بالموضوع فبدت تروح وتجي بالغرفه و كانت مرام موجوده معه
مرام : ياهو تراك ادرتي راسي كل شوي جايه ورايحه ، ممكن تركدين عشان نعرف نفكر
احلام : شلون يامرام شلون و امي بتزوجني واحد ماابيه و بالغصب شلون ?!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرام : كل مشكله ولها حل ، وبعدين ابوي قال بحلها يعني بيحلها معقوله بيخليك تاخذين واحد ماتبينه !!
احلام : الله يسمع منك يارب ، بس مادري امي مادري شجاه بسم الله من راحت لبيت اهل اسامه و هي متغيره الف درجه
مرام : اكيد امي خايفه عليك وتبي مصلحتك وبعدين ليش ماتاخذينه سامي شفيه رجال كله ملح يشتغل وراتبه ماشاالله ماعليه لاهو ناقص ، كامل مكمل و الكمال للله
احلام : ايش ! انتي شمفكره الزواج يوم يومين إلا حنا مفترقين ، بعيش طول عمري معه ، باكل بشرب بنام معه ، انا ماني محتاجه شخص ثاني يهتم فيني و اهتم فيه كفايه اللي جاني
مرام : يعني تقعدين طول عمرك عانس مطلقه ?
احلام : مو قصدي بس ابي شوية وقت عشان اتأقلم
مرام : طيب اسامه اخذ شوية وقت عشان يأقلم بطلاقه ، روحي شوفيه امس ملكته و بعد اسبوع بالكثير زواجه ، اصحي يا احلام اصحي حنا عايشين بالواقع مو خيال يعني إذا روحتي سامي من يدينك بتلقين احد بياخذك و مطلقه بعد ، مارح تشوفين قدامك إلا الشيبان ، فوق هذا بيعايرونك بعد
احلام : يعايروني ، من قالك باخذ شايب
مرام : انا ماقلت ولا احد قالي بس هذا اللي بيصير يعني انا بأذن الله مارح اكون معك على طول و لا امي ولا ابوي ولا فهد بتجلسين وحيده طول عمرك مستحيل اقل شي تاخذين واحد عنده عيال
احلام : عساي ابلش بعمري عشان ابلش بعياله لا انشاالله الله لايقوله
مرام : ههههههههههه
دخل عليهم فهد : شعندكم تضحكون ضحكونا شوي ?
مرام + احلام : بسم الله علينا اللهم صلي على نبينا محمد
فهد : ههههه
مرام : والله قاعده اقنع هالخبله تاخذ سامي
فهد : ليش تاخذه مامده مطلقه ليش شقالولك عنها مشفوحة زواج
احلام : يابعد عمري انت بالله من لي غيرك فاهمني
فهد : احم احم
احلام : شفتي هذا الكلام مو كلامك اللي كله تنكيد و ضيقه
مرام : يعني تبيني اكذب عليك
فهد : ليه هي شقاعده تقولك ?
احلام ; تقولي بتاخذين شايب ولا واحد عنده عيال إذا طيرتي سامي منك !!
فهد : يبطي عظم إذا مسها شايب معه عيال و انا موجود
مرام بطنازه : يبطي عظم اقول فكر فيها طيب مو كذا رح يصير مافيه واحد يقبل ياخذ مطلقه ، يمكن فيه قليل بس وين بنلقاهم
سكتت احلام لما سمعت هالكلام
فهد : ....... بقنع امي تعطيك شوية وقت عشان تفكرين اوكيه
احلام بضيقه : مشكور ماقصرت
فهد : بروح و اكلمها عن اذنكم
نزل فهد يشوف امه :
فهد : ماما ماما مااااااماما
ام فهد : نعم بسم الله خير شفيك
باس راسه و قال : يمه بكلمك بموضوع
ام فهد : خير
فهد : افااااااا اكلمك و انتي مو رايقه
ام فهد : فهدوه اخلص
فهد : ابشري الموضوع يتعلق ب احلام
ام فهد : شفيها
فهد : مارح تروح اليوم لخالتي ام سامي لا اليوم ولا بعده
ام فهد : انا قلت كلمتي و خلاص بتروح يعني بتروح
فهد : يمه إذا اصريتي على هالوضع البنت بتروح من ايدينك
ام فهد : شقصدك ??
فهد : بتاخذ على خاطره منك و انتي مارح تقبلين بهالشي بتروح و شايله على قلبها منك موقف مارح تنساه يعني عطيها شوية وقت تفكر
ام فهد تفكر : اشوف
فهد : يمه عطيني كلمه حريم
ام فهد : اسبوع لا اكثر ولا اقل
رجع باس راسه مره ثانيه و قال : ياعلي ما انحرم منك يارب اسبوعين تسلمين يا احلى ام بالدنيا
ام فهد : انا قلت اسبوع
فهد : ييييييمه يالله عاد توها مطلقه عطيها اسبوع ثاني ترى السالفه ماهي هينه
ام فهد : عشانك بس
وبدا يبوسها من كل مكان و هي تقول : خلاص خلاص بس بس و خر
و طار فهد لفوق يبشر احلام
فهد : ابشركم
احلام + مرام : شصار ??
فهد : شتعطوني !!
احلام : ياللله عااااد
فهد : مو كلها الاخبار اللي عندي زينه فيه الشين بعد
مرام : فهدوه اخلص
فهد : الاخبار الزينه و لا الشينه ?
احلام : الزينه
فهد : وافقت مارح تروحين اليوم لخالتي
مرام : و الشينه ?
فهد : بس اسبوعين عشان تفكرين ولا الموضوع جدي
احلام بضيقه : ممكن تخلوني لحالي شوي ?
فهد : اسمعي بنخليك بس بعد نص ساعه
مرام : و ليش ?
فهد : باخذك انتي و احلام نطلع نتعشى برى
مرام : صدق اللله و ناسه
احلام : انتم روحوا انا مالي نفس ?
فهد + مرام : مو على كيفك بتروحين يعني بتروحين
مرام : يالله بجهز نفسي عن اذنكم
فهد : و انا بعد يالله احلام عندك نص ساعه تفكرين و تجهزين
تركوها تجلس على سريره تفكر و تقول : ااااه شسوي ياربي شسوي مالي حل متزوجته متزوجته و ماعندي غير اسبوعين اجلس بييت اهلي ،
فتذكرت كلام مرام لما قالت انه اسامه نساها وعاش حياته كلها يوم يومين إلا هو متزوج ، فقالت بهالسرعه نساني ، هذا دليل على انه ماحبني بيوم عشان ما ينساي ايييييييييه ،
نزلت لابسه بنطلون قصير مع بلوزه كات لونه رصاصي مع نعال واطي رصاصي
لابسه عباته الكتف ، طلعوا من بعد صلاة المغرب راحوا يدورون بهالمراكز
فهد : اقول شوفي شوفي ياويلي وش تحس فيه هالبنت
مرام : وينه وينه
فهد : هناك اللي لابسه عبات تقل لصتك كفر
استغفر الله العظيم
احلام : ههههههههههه
مرام : اقول وش رايكم بهالبلوزه مو تقل شياكه
فهد : وين تلبسينه هاذي لازرتي جيراننا السودانيين
احلام : لا الموريتانيين ههههه
مرام : مسوين فيها يعني تضحكون انتوا و وجيهكم
فهد + احلام : لانستهبل هههههههه
احلام : اقول امشي نروح لألعاب الأطفال
مرام : شايفه نفسك صغيره
فهد : قووووه يالله
مرام : ياهوووه
فهد : كم تذكرة الالعاب هنا لو سمحت
الهندي : كمسين ريال
احلام : كمسين عينك
الهندي : ايش
فهد : لالا البنت تقصد عيونك الحلوه تباع بخمسين
مرام : خخخخخخ
فهد : عطني بس تذكره لثلاث اشخاص بكمسين
الهندي : مافيه
فهد : وليش مايجي تدري من انا انا مدير هالمركز بكبره
الهندي : روه روه بس
فهد : طيب بتصل على ابوي الحين بوريك شلون روه ، راهت روهك
الو يبه وينك ابيك تفصل الهندي اللي عند كشك الالعاب قاعد يسرق فلوس مرام
مرام : وجع
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك