رواية ليت مشاعرنا مثل أسامينا ماتتغير -13
فيصل:- يمه وسن فطرت
أم فيصل:- ولا حطت شي في بطنها
فيصل وهو يتنهد:- خلاص يمه مع السلامة
أم فيصل:- فيصل بطلع مع وسن مع السواق للمستشفى
فيصل:- يمه هذاني طمنتكم وبعدين هي مو لازم تطلع من البيت
أم فيصل:- فيصل هذا أبوها واخوي وما يهون علي ما تروح تشوفه ارحم بحالها0
فيصل:- خلاص بس رجعيها البيت بسرعة
أم فيصل:- صار ولا يهمك
أم فيصل تكلم وسن:- قومي يا بنتي أكلي أي شي ونروح المستشفى
وسن مو مصدقه:- وافق فيصل
أم فيصل:- أي وافق يا الله معاي نفطر ونتجهز نطلع 0
وسن فرحت انه وافق وسمعت كلام عمتها 0
-----------------------------
""فهد كلم حمد باللي صار وعرف حمد إن فهد اخو فيصل""
حمد :- فيصل متغير وأحس انه يسوي أشياء مو مقتنع فيها
فهد :- كنت دايما أقول لك أبوي أحبه صحيح بس ما اسمع كلامه لأنه تفكيره خطأ حبه للمادة خلاه عبد لها عمره ما فكر غير كم صار عندنا فلوس ما سألني ذاكرت نجحت ما يهتم وفيصل مسكين يسمع كلامه وأبوي اعترف انه أناني والله يستر0
حمد :- والله أحوالنا سيئة والله يستر
فهد وهو متردد :- المشكلة ما ادري كيف افهم فيصل 0
حمد :- خليه الزمن يفهمه 0 بس قوم معاي خلينا نشوف عمي أحواله
فهد وهو مبتسم :- يا الله
فيصل دخل العناية وكسر خاطره خاله ما توقعه يتأثر بشي كان يعرفه انه أقوىشخص قدام عينه وفيصل ما يقدر يناقض نفسه يعرف انه يحب خاله حتى لوتصرف عكس مشاعره
فيصل :- كيف حالك يا خال
بوندى وهو تعبان :- الحمد لله
فيصل :- لا تخاف يا خال أزمة وتعدي
أبو ندى :- ما اعتقد والتفت على فيصل يعاتبه بنظراته
فيصل :- فيك شي يا خال
أبو ندى :- كسرت ظهري يا فيصل
فيصل ما عرف كيف يرد :- يا خال أنت اطلع من المستشفى وكل شي يتصلح
أبو ندى: ليه كسرت قلب بنتي
فيصل عشان يهرب من خاله :- أنت ارتاح ما تقدر تتكلم كثير
أبو ندى :- ما راح ارتاح إلا لما ينصلح احوالكم0
"فيصل حس بغصة في حلقه ومشى وما كلم خاله وطلع لغرفته إلا قدامه عبد الله"
عبد الله :- كيف حالك يا فيصل
فيصل :- الحمد لله
عبد الله :- فيصل لا تزعل مني أنا أحب مروه قبل ما يقول لك أبوك تزوجها
ويوم شفتك مصر تهدم حياتك وتظلم حبك وتظلم نفسك وشخص ثالث بعد
رحت خطبت مروه اللي كنت بخطبها قبل ما تقول والله 0
فيصل :- وليه ما قلت لي
عبد الله :- كنت انتظر الوقت المناسب بقول لك بس لما شفتك بتضيع نفسك ما قدرت أكلمك لأنك أكيد ما راح تسمعني
فيصل :- محتار أبوي يضغط علي ووسن ظلمتها وما تهون علي وخسرت أهلي وما ادري لوين أوصل معاه0
عبد الله :- الله خلق لنا عقل نميز الصح من الغلط وأنت إنسان متعلم لازم تحل مشاكلك يا فيصل
فيصل :- أنا الحين بزور أبوي وربك يحلها
-------------------------------
أبو فيصل :- هلا ولدي فيصل 0
فيصل :- هلا يبه أنت كيفك
أبو فيصل :- والله تمام
دخلت مضاوي وسلمت على فيصل
مضاوي :- وينك من طلعت ما جيت عندنا
فيصل :- خالي في المستشفى والدنيا قايمه قاعدة
أبو فيصل ببرود:- إلا صحيح زوجتك كيفها
فيصل :- الحمد لله جبتها في بيتنا
مضاوي وهي متفاجئه:- بدون عرس
فيصل :- أي عصبت عليها وجبتها قلت لها ما في عرس
مضاوي وهي مبسوطة :- والله تستاهل
أبو فيصل وهو مبسوط :- ما بقى إلا تكسر رأسها بعروس تختارها لك مضاوي
فيصل بحكمه:- أي مو مشكله بس بعدين لما أمل منها
مضاوي خافت إن وسن تسيطر على قلب فيصل وما يتزوج :- خلاص بروح عندكم البيت
فيصل :- صحيح في أي وقت البيت بيتك
::مضاوي فرحت لازم تذل وسن وتبرد قلبها فيها::
::أبو فيصل فرحان كان شايل هم أبو ندى وحس انه انتصر عليه ومافكر بتأثير وسن على فيصل ::
وسن وهي مع عمتها بالمستشفى دخلت لعند أبوها حبت رأسه :- كيف أبوي الغالي
أبو ندى التفت على بنته شاف عيونها متورمة من الدموع :- كنت تبكين علي
وسن بابتسامه مصطنعه :- ما تهون علي يبا
أبو ندى:- وين أمك وأختك
وسن ارتبكت :- أنا يبا مو معاهم أنا عند عمتي
إلا بدخله أخته :- ما تشوف شر يا خوي و حبت رأسه
أبو ندى بعتب :- أختي يعني فيصل سواها واخذ بنتي بدون عرس
أم فيصل وهي زعلانه :- تعبت معاه يا خوي بس لا تخاف على بنتك أهي زوجته
أبو ندى مسك أيد بنته :- سامحيني يا بنتي لو ماطحت كان قدرت امنعه
وسن :- أهم شي صحتك وزي ما قالت عمتي هذا زوجي بعرس أو بدون عرس
أبو ندى دمعت عيونه:- انتبهي لبنتي يا أم فيصل
أم فيصل : بدون ما توصي وأنا راح القى قمر زيها منوره بيتي0
وسن :- بروح اتصل على أمي ابشرها0
"طلعت وسن تكلم أمها لأنه ممنوع تكلم جوال داخل العناية اتصلت على أمها وبشرتها ودخلت ثانيه عند أبوها"
"وبعد ما دخلت إلا بجيه حمد مع فهد سلموا على أبوها "
حمد :- شوف يا عم خربطتنا من أمس وإحنا نحاتي وأنت ما فيك شي
أم فيصل :- قول ما شاء الله على اخوي صل على نبيك
حمد :-- ما شاء الله اللهم صلي على محمد وال محمد لا تخافين عيني بارده
حمد :- هذا فهد صديقي واخو فيصل
فهد :- كيفك يا عمي إن شاء الله زين
أبو ندى:- الحمد لله يا ولدي
فهد :- لا تزعل يا عمي من فيصل أبوي ضاغط عليه بس مصيره يفهم 0
أبو ندى :- أنا عمري ما ازعل على ولدي أنا اللي ربيته 0
فهد :- يا حظك يا فيصل عندك خال يحبك وتسوي كذا
حمد :- كيفك يا وسن
وسن :- الحمد لله يا حمد ما قصرت أمس ويانا الله يعطيك العافية
حمد :- الله يعافيك
حمد اشر على فهد :- هذي زوجه أخوك فيصل
فهد :- كيفك يا زوجه اخوي
وسن :- الحمد لله
فهد :- ريم تمدح فيك يا زوجه اخوي صبري على فيصل وراح يرجع لك أحسن من قبل وإذا على مضاوي خليها تايها بنفسها بيجي لها يوم وينكسر غرورها 0
وسن :- الله يسامحها وسلم على ريم0
..وسن وهي تتكلم إلا شافت فيصل واقف متكتف ويناظر فيها التفت فهد وحمد وسلموا عليه 0..
شاف أمه جالسه :- للحين ما مشيتي مع وسن البيت
أم فيصل :- بنتظر لين تجي أم ندى واخوي أبو منصور وعياله
فيصل :- طيب تعالي يا وسن أبي أكلمك 0
وسن طلعت معاه وقلبها مقبوض من شكله معصب
مشى قدام وهي تمشي معاه لين دخل مكتبه وأول ما سكر الباب إلا مسك أيدها بقوهفيصل:ليه تتكلمي مع حمد وفهد
وسن وهي موجوعة :- فيصل حرام عليك أمك موجودة وأبوي وبعدين هم بس يسلمون وغير كذا ما عندي سوالف معاهم
وسن بدت تبكي :- كيف تفكر فيني كذا شايفني فالتها مع أي احد
فيصل :أنا زوجك وأغار من أي احد تكلمينه حتى لو كان اخوي فهد فهمتي
ما أبي تكلمي أي احد0
وسن وهي تبكي :- حسافه يا فيصل ما تبي تخلي لك مكان بقلبي كل صدمه أقوى من اللي قبلها'
وقفت :- أنت اللي اسمع ما سويت شي غلط وإذا أنت مو واثق فيني أنت في طريق وأنا في طريق 0
فيصل ما توقع تكلمه بهذي الطريقة وقف مقابلها ويكلمها بجديه :- بس تخلصيين زيارة أبوك رجعي البيت مع عمتك ويا ويلك يا وسن لو تكلمين أي احد سامعه
فتح لها الطريق :- يا الله تفضلي يا مدام
// وسن انقهرت منه طلعت وعلى طول أول ما شافت في وجهها أختها وأمها وعلى طول حضنتهم وهي تبكي0//
//جا عمها أبو منصور وأم منصور وسمر ومروه هدوها ودخلوا لـ أبو ندى وسلموا عليه وأم فيصل استأذنت أخوها بتمشي وصاها ببنته وأخذت وسن معاها ورجعوا البيت///0
أم فيصل حست بـ وسن بأنها مو مضبوطة:- صار شي بينك وبين فيصل
وسن:- فيصل تغير يا عمه قام يشك فيني وما سويت شي حمد وأخوه عبدالله سلموا ورديت بس
أم فيصل وهي تبتسم :- وسن كل رجال يغير على زوجته لا تزعليين لازم بداية الزواج يصير كذا وبعدين عادي0
وسن بضيق وتشوف حالها :- عمه ما عندي ملابس ولاشي
أم فيصل :- ولا يهمك الحين اتصل على فيصل وأخليه يجيب ملابس 0
وسن جلست وحاسة بحسرة على حالها ما تصورت فيصل يعاملها بالقسوة
اللي شافتها منه0
أم فيصل طلعت للحديقة و اتصلت على فيصل :- فيصل أبيك تجيب ملابس لـوسن وبعدين ليه تعامل وسن بطريقه سيئة في المستشفى
فيصل مو عارف يرد عليها على طول بدت تتكلم :- يمه شوي شوي أنا ما عاملتها بقسوة هي غلطانة
أم فيصل وهي تضحك :- الناس اللي يغارون على حريمهم يغارون بطريقه لطيفه تخلي حريمهم يفرحون بغيرة أزواجهم مو طريقتك 0
فيصل سكت : - والله يا يمه ما ادري شايفتني كل يوم عندي زوجه
أم فيصل :- يا ولدي لا تخسر زوجتك ما راح تلقى مثلها وبعدين أهي ما غلطت سلمت على أخوك اللي أنت ما كلمتني عنه
فيصل ارتبك :- ما صار وقت أكلمك كل شي صار بسرعة
أم فيصل لما شافته تكلم بهدوء حست إن ولدها رجع لها :- خلاص أهم شي جيب ملابس زوجتك
فيصل تنهد بقوه :- آه يا يمه بتذبحني بنت أخوك ما ادري كيف أراضيها
أم فيصل :- حكم عقلك وتعرف كيف تخليها جنبك (( ما تبي تكلمه عن أبوه عشان ما يعصب ))
فيصل :- طيب قولي لها بمر أخذها نجيب لها ملابس من بيتهم ونروح نشتري لها ملابس
أم فيصل وهي تضحك :- الحين رجعت لعقلك ورجعت ولدي اللي ربيته
"فيصل انبسط من كلام أمه هذا اللي كان ناقصة من أيام رضى امه0"
أم فيصل دخلت لداخل وشافت وسن سرحانة :- وسن حبيبتي بيمر بعد اشوي فيصل بياخذك تروحي بيتكم تجيبي لك ملابس وتتمشين معاه السوق
تأخذين لك كم قطعه0
وسن :- يا ليت يا عمه يخليني ارجع البيت لين يطلع أبوي بالسلامة ويجي يأخذني
أم فيصل :- مو مبسوطة مع عمتك على الأقل تسليني0
وسن :- بالعكس يا عمه فيك الخير بس ما دري أحس أني خايفه 0
أم فيصل :- يا بنتي فيصل طيب مأثر عليه أبوه خليه وعذريه و بتشوفين كيف راح يدللك
وسن :- واضح لدرجه راح يخطب مروه
أم فيصل :- وسن فيصل زوجك وادري انه غلط بس المرة ألعدله اللي تخلي زوجها يذوب فيها وما يطالع احد غيرها وتغفر زلته صدقيني راح تكبرين في عينه وبعدين ما في وحده تموت في زوجها ما تقدر تمشيه على اللي تحبه
فجري كل طاقتك فيه لبسي له تدللي عليه تدلعي حسسيه بوجودك و بتشوفينه كيف راح يحطك على رأسه
وهمست لـ وسن: عطيه اللي يبي يا بنتي وبـ تشوفين فيصل كيف راح يصير ولدي واعرفه0
وسن تفكر(( أعطيه اللي يبي يحلم يا عمه خلي تنفعه مضاوي نص نصيحتك بطبقها والباقي كأني ما سمعته منك ))
أم فيصل :- وسن فاهمه اللي قلت لك
وسن بخبث:- ايوه يا عمه فاهمه0
أبو منصور وهو جالس عند أخوه: شوف اخوي أنت مريض بس الحمد لله أحسن من أمس والأطباء ما قصروا معاك بس صحيح الوقت مو وقت الكلام اللي بقوله بس هو خبر زين وبقوله لك
أبو ندى :- خير اخوي
أبو منصور :- بنخطب لـ منصور
أبو ندى :- مبروك اخوي
أبو منصور :- شفيك اخوي ما بعد أكمل كلامي بنخطب بنتك ندى له فكر واسأل عن ولدي واسأل بنتك وننتظر ردك
أبو ندى :- ابتسم أسئل عن ولدي والله ما راح ألقى أحسن منه
"طبعا الكل جالسين وندى تسمع الكلام وقلبها يدق بسرعة ونفسها سريع ما توقعت يصير هذا في الوقت وخصوصا أبوها تعبان وسالفة وسن وفيصل"
أبو ندى :- هذي ندى هنا بنتك اسألها أنا من جهتي موافق
أبو منصور التفت على جهة ندى وسألها :- ها وش قلتي يا بنتي ترى ولدي شاريك
"البنات يضحكون على ندى مسكت في يد أمها مو عارفه كيف ترد"
أم ندى :- ها يا بنتي هذا عمك لا تستحي منه
ندى وهي منزله رأسها والكلام مو قادر يطلع منها :- اللـ ـ ـ ي تـ ـ شــوفـ ـه عمي0
أبو منصور:- يعني موافقة على بركه الله
"ندى أشرت برأسها بالموافقة "
"الكل فرح وألتم عليها يبارك "
أبو ندى :- مبروك يا أم ندى مبروك يا بنتي
أبو منصور :- مبروك يا ندى عقبالكم بنات
الكل مبسوط وفرحان بس أبو ندى بدا يفكر في بنته اللي ما يدري كيف مصيرها عند فيصل.......!!
خلصت الزيارة وطلعوا من عند أبو ندى وأبو ندى دمعت عينه الكل مبسوط وأنتي يا وسن مكتوب لك الشقى والحزن
حمد مو قادر يناقض مشاعره عن حبه لـ شجون مو قادر يقاومه يمكن لأنه ما تعود أسلوب شجون في البداية وطريقتها ولبسها يمكن لو يأخذها يقدر يغيرها0
مسك جواله فيه رقمها بدء يفكر اتصل أو ما اتصل بعدين قرر يرسل رسالة
لها :-
بي طفل ويحب يلعب بقلبك
أنا لك وودي تكون أنت ليه
يا شين غيابك ويا زين قربك
أبسط حقوقي إنك تحس فيه
و أحس أني بكل الأوقات جنبك
|||شجون دق نغمه الرسالة بجوالها متضايقة ومالها خلق تشوف جوالها وخصوصا إن حمد رجع المواجع في قلبها |||0
||مسكت الجوال شافت الرقم فزت رقم حمد قرت الرسالة دمعت عينها ما راح أكلمك يا حمد لأني كلمتك من قبل فكرتني بنت رخيصة 0|||
||حمد ماسك الجوال يبي يشوف رساله اتصال ما في ضاق صدره ما قدر رسل رسالة ثانيه||\:-
هلا بك 00 قلت لك 00 ما ني من اللي يخفي عيوبك
00 00 انا يا حلوتي جدا صريح وهذي عيوبي
احبك أعشقك احرق غرام الغير وأذوبك
أبيعك واشتري وصلك وأقول :- بنشوتي ذوبي
أميره ادري لكن لا تظنيني أجي صوبك
مدام أنتي تحبيني 00 مقامك هو يجي صوبي
دق جوالها بنغمه الرسائل ثانيه فتحته وقرت الرسالة حضنت الجوال بس هم ما راح تكلمه 0
ضل ينتظر تأخرت زعل يا ربي ليه العناد ياشجون0
اتصل عليها شافت رقمه ما تبي ترد 0
اتصل ثانيه ردت :- الو خير
حمد:- كيف أيدك اليوم
شجون :- وش تبي يا حمد خلاص صفحه وطويناها ليش راجع
حمد :- كنتي أنتي تبيني وأصدك والحين أنا أبيك ليه تصديني تردين اللي سويته اللي سويته خوف عليك والله يشهد
شجون وعيونها تدمع :- حمد إذا جاي تزيد حزني حزن أنا أقولها لك ابتعد أحسن 0
حمد :- يا بنت افهمي أبي لك الخير ولو أني أبي الشر لك كان كلمتك واستغليتك بس أنا رجال وأخاف الله واتصالي هذا إلا عشان أطمن عليك وأبي اعرف أنتي تبين الستر وألا اتصالاتك لعب
شجون وقلبها يدق بسرعة وأيدها ترتجف :- ما فهمت لك يا حمد وش قصدك
حمد :- يعني على بلاطه تبيني أتقدم لك وألا كنتي بس تبيني عشان تسلين
شجون حست قلبها زاد دق وبصوت متقطع :- تـ ـبي تخــ طـ ـبني0
حمد :- أي أبي أخطبك وش قلتي
شجون مو مصدقه اللي تسمعه وبدفاشه :- أي أبيك أخيرا حسيت يا رجال
حمد وهو يضحك على طريقه كلامها:- بس يطلع عمي من المستشفى هو وأبوي بيجون لكم مع السلامة
شجون :- مع السلامه
حضنت جوالها وهي تضحك وتصيح مو مصدقه حاسة إنها بتطير من الفرح تبي ترسل له تراجعت خافت يفهمها غلط صارت تعرفه زين0
شجون دقت على ندى تبشرها وتتطمن على أبوها
شجون : السلام عليكم
ندى:وعليكم السلام
شجون:- حبيبتي كيف الوالد اليوم
ندى :- الحمد لله استقرت حالته
شجون :- الحمد لله عندي لك خبر حلو
ندى :- إن شاء الله حلو
شجون:- قريب بنخطب
ندى :- والله خبر يفرح وأنا بعد أنخطبت
شجون وبحماس :- لا تقولين منصور
ندى :- وليه في احد غيره أبيه وأنتي مين سعيد الحظ؟
شجون :- أخاف أقول لك وتزعلين مني
ندى :- يعني مخططه من ورأي وأنا مو حاسه طيب بس لما أشوفك أوريك
شجون :- لا تزعلين أصلا كنت بقول لك بس خفت أطيح من عينك وخصوصا إن هذا الشخص ردني وبعدين رجع لي وأنا مبسوطة
ندى :- خلصي قولي مين لاجي اكسر أيدك الثانية مو كافي أني ما راح امتحن السنة وأنتي بعد بنحمل نفس المواد
شجون وهي تضحك : هههههه مو بس بنحمل نفس المواد وبنصير قرايب
ندى :- صحيح ما فهمت
شجون :- أنا أحب حمد ولد عمك
ندى :- آه يا الدبه وأنا أقول ليه الاسئله كثيرة عليه طيب يا شجون بس أشوفك
شجون وهي تدلع :- خفت ما تساعديني قلت خلينا حبايب والحين بنصير نسايب0
ندى :- هههههههه يا الله يا عيوني مشغولة أكلمك بعدين 0
شجون :- اوكي باي0
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
((الجزء السادس عشر))
فيصل فكر يرسل لها رسالة يطيب خاطرها وأرسل لها رساله0
وسن جالسه مع عمتها وجاها مسج فتحته شافت (( المغرم )):-
غيرتي غطت علـى عقلـي معـك
وانسكب كلي غـرام ٍ بيـن أيديك
ذبت بحضورك ولو غبـت اتبعـك
اشتعل بك حرف واخضع وأرتجيك
يا الغرام العذب كـم كنـت أسمعك
واغرق بهمسك وأقول الله عليـك
إن حكيت بألف يووووه وما أروعك
وإن همست أضيع من شوقي و اجيك
وإن زعلت أقول منهـو يمنعـك
تقتل الفرحـة بعمـر اللـي يبيـك
وإن سكـت فألـف لا لا تردعـك
لا سكوت بحضرة اللـي مهتويـك
صعب أنا احبك حياتـي وأخدعك????
"شافت الرسالة وقرتها ولا رسلت له "
فيصل شاف ما في رد منها أرسل لها رسالة ثانيه:-
وسونه خلاص فكيها والله احبك
خلينا نفتح صفحه جديدة
خلاص حبيبتي ترى الدنيا
بدون ضحكتك ما تسوى
وسن شافت المسج الثاني وفيها غضب على فيصل لدرجه إنها ما اهتمت
فيصل انتظر ما شاف شي دخل البيت كان يرسل وهو في السيارة عند البيت
شافها جالسه مع أمه في الصالة 0
سلم عليهم وردوا السلام شافها جالسه ولا معبرته
أمه تبي تلطف الجو:- يا الله فيصل اخذ زوجتك وتمشى معاها أنا ما راح استناكم بتعشى قبلكم بكره عندي شغل كثير 0
|| تركتهم وصعدت فوق تبيهم يتفاهمون ||
فيصل جلس جنبها ووسن ولا معطته وجهه
فيصل بدى يحرك في شعرها :- زعلانه مني
وسن ما ردت عليه :- .......
فيصل لزق فيها وقرب من إذنها وهمس لها :- احبك يا حياتي لا تزعلين
وسن التفتت عليه وهي معصبه بس طاحت عينها في عينه ما قدرت تتكلم حست بغصة في حلقها و تبي تلتفت إلا مسكها فيصل :- وسن يا عيوني
وسن دمعت عينها :- فيصل الله يخليك تعبت إذا ناوي تعذبني معاك أنا ما اقدر على هذا اللي فيني مكفيني
فيصل :- وسن أنا أسف أنا غلطت يوم عصبت عليك في المستشفى خلينا ننسى
وسن وهي معصبه :- ما اقدر أنسى بكل بساطه تقول لي انسي0
فيصل وهو يحاول يهديها:- طيب الزمن راح ينسيك قومي معاي نروح نأخذ ملابس لك من بيت اهلك0
"وسن قامت لأنها زهقانه وتبي تجلس مع أمها وسن ركبت معاه السيارة
وما تكلمت معاه "
فيصل :- وسن خلاص كلميني أنتي زوجتي وحبيبتي وإذا زعلانه أنتي
لأني كنت بخطب خلاص اعترف غلطان وما راح أسويها 0
وصل عند مطعم ووقف :- يا الله نزلي حبيبتي0
وسن بعناد:- لاما راح انزل أنت قلت بتوديني عند اهلي0
فيصل ولا كأنه سامع لها نزل وفتح بابها :- يا الله نزلي0
"وسن نزلت وهي معصبه وتتأفف "0
"فيصل مبسوط على حركاتها حاس انه جالس يدلل في طفله مو زوجه"
دخل وجلس معاها :- حبيبتي شلي تأمر عليه من عشا0
وسن وهي تهز في رجلها :- ما أبي شي
فيصل ابتسم وبكل برود طلع وطلب أكل وجلس على الكرسي اللي جنبها:-
أحب دلعك هذا وما راح تقدرين تنفريني منك لأني بصراحة أتلذذ بشوفه التغلي0
وسن اغتاظت من كلامه :- تحب تشوفني أتعذب صح
فيصل وهو يضحك عليها :- حبيبتي ليه زعلانه خلينا نتعشى ونستانس0
وسن ودها تصرخ على برودته (( يا ربي ليكون هذي خطط مضاوي تبيه يلعب بمشاعري ))
جا العشاء وفيصل يبيها تأكل وهي مو مهتمة منه0
فيصل:- وسن لازم تأكلين أمي قالت ما حطيتي في بطنك شي 0
وسن :- مو جوعانة الله يخليك فيصل أبي اخذ ملابس لي قرفانه من نفسي0
فيصل يئس منها وقام بدون ما يتعشى :- يا الله أوصلك عند اهلك0
..وسن قامت على طول ..0
..ركبت السيارة وفيصل شكله صبره نفذ ومغتاظ منها بس وصلوا لبيتهم فتحت السيارة ..بـ تنزل إلا فيصل مسك أيدها :- كم يكفيك من الوقت؟
وسن وهي مستعجله:- ما ادري بس اخلص اتصل عليك0
فيصل :- لا ساعة وأمرك بدق عليك وتطلعين على طول0
||| وسن تبي تفلت أيدها منه بس فيصل فلتها راحت تركض لداخل
||| أول ما دخلت رمت عباتها والتفوا أمها وندى عليها0
وسن:- اشتقت لكم
ندى : يوم بس و اشتقتي
وسن :- آآآآآه أحسها سنه0
أم ندى :- باركي لأختك انخطبت0
وسن :- أحضنت أختها مبروك مين سعيد الحظ؟
ندى :- منصور ولد عمي 0
وسن :- الله يتمم لك على خير , أنا جايه اخذ لي ملابس طفشت أبي اتروش أبدل و بعدين فيصل بعد ساعة بـ يأخذني يا دوب أشيل لي حاجات0
أم ندى :- ندى جيبي حاجه تشربها أختك
وسن :- يمه جوعانة
ندى وهي تضحك:- ليه ما تأكلي عندهم0
وسن استحت منهم:- إلا العمة مو مقصرة بس أنا مو مشتهيه بس جيت عندكم نفسيتي انفتحت للأكل0
ندى تضحك على كلام وسن : بخلي الشغالة تجهز لك العشاء وترتب ملابسك عشان اسولف لك وشكلها الوالدة توزعني كأنه ما عندنا شغالة وتقلد أمها((ندى جيبي حاجه تشربها أختك ))
وسن : هههههههه
أم ندى تخز في ندى:- عيب ندى تقلديني يا الله روحي سوي اللي قلت لك0
ندى :- طيب ياالغاليه0
أم ندى التفتت على وسن :- ما صار شي بينك وبين فيصل
وسن استحت من كلام أمها :- لا ما صار شي
أم ندى وهي تبتسم :- حبيبتي عادي لا تستحين هذا زوجك0
>>...وجلست أم ندى تتكلم مع وسن وتفهم فيها وهي مستحيه على الكلام اللي تقوله أمها ...<
إلا بجيه ندى وسن فرحت (( الحمد لله جات ندى فكتني من نصايح
الوالدة ))
,,,حطوا لها العشاء وبدت تأكل مثل المفجوعه وأمها وأختها يضحكون عليها ,,
ندى وهي تطنز :- وسن كل يوم نعالي تعشي عندنا0
وسن فهمتها :- طيب يا ندى عقبالك تجي تزوري الوالدة وتحط لك اكل0
ندى :- أي بزورها وبأكل بس مو زي المفاجيع0
وسن وأمها :ههههههههههه
روز الشغالة :- مدام وسن كل شنطه جاهز
وسن وهي تتعدل :-شكرا روز والتفتت على ندى سمعتي الذرابه (( مدام وسن )) مو مثلك 0
ندى وهي تضحك:- طيب يا مدام أكلي قبل يجي المغرم ياخذك0
وسن تركت الأكل من أيدها :- سديتي نفسي0
أم ندى :- لذي الدرجة يا وسن خلاص زي ما وصيتك هذا زوجك استحمليه ما أبي وحده من بناتي ترجع لي مطلقه فهمتي0
وسن وهي تهز رأسها :- فهمت
وسن :- روز لا تنسين أبي كل دباديبي تنزلينهم0
روز :- اوكي مدام0
ندى :ههههههههههه
روز:- ليه يضحك
ندى :- روز بعدين أنا بعد مدام مو بس وسن
روز:- صحيح مبروك0
أم ندى وهي تصفق بيدينها:- استخفوا بناتي قاموا يتكلمون باالخرابيط
وسن وندى يضحكون على أمهم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك