رواية كابرت بفراقك مع اني تألمت -15
افنان : ههههههه حلوه أي لون لونها ابيض يقولون لها يا باستا
ريم : الللله اسمها حلو بسمي بنتي كذا
افنان : ههههههه محنونه انتي يلا قومي اشوف تغدي
ريم : طيب راضيني انا زعلانه
افنان تبوس راس ريم : اسفه ياغلاي ريووومه
ريم بفرحه وتبوس خد اختها افنان : وانا احبك
افنان تفاجأت من اختها وعرفت انها تلين بشوية حنان وهي محتاجته وخاصه انها تغار من محمد لاشافت انهم يعاملونه احسن من معاملتهم لها
قامت افنان وهي حامله ريم تدلعها وتحطها بحضنه
وتأكلها وتأكل محمد وجلسو يضحكون على حالهم ان افنان تأكلهم
....................................
طق باب غرفتها وهي كانت تجهز نفسها
الجوري : ميييييين
امل : انا
الجوري منصدمه : امل وراحت تركض تفتح الباب وشافتها وجلست تضمها بكل قوتها وحشتيني يادوبااااا
امل : ههههههههه بلاك بتذبحيني وانتي اكثر
صحيح الخبر اللي سمعته
الجوري مستغربه : أي خبــــر .... اييييييييه عن الجامعه
... وترجع تحضنها ..... اييييييه قبلوني واخيرا
امل : ههههههههه يامعفنه انقبلتي والله زين قلتي لي كان خبيتي علي مو اختك انا هااااااااه
الجوري : ههههههههه توني اليوم مقبوله تعالي وش جابك غريبه
قولي شصاير لاتخبييييين
امل تجلس على سرير الجوري : تعالي جلسي بقولك
جلست الجوري جنب اختها وقلبها يدق ومو عارفه وش السالفه
الجوري: خوفتيني وش فيك
امل : لاتخافين مو لهدرجه
الجوري : طيب قولي
امل : اممم تعرفين نواف ولد خالتي
الجوري وهي كأنها عرفت الموضوع واترتبكت مجرد ان موضوع الخطبه طرى عليها : ايه اعرفه وش فيه
امل لاحظت ارتباكها : خطبك وامي وابوي وافقو بس يبغون منك تحددين موعد
الجوري ببلاهه : موعد اييييييش
امل : موعد الطياره موعد ايش يعني اكيد موعد الملكه
الجوري : مادري
امل : شنو ماتدرين قولي متى تبغينها
الجوري: اللي يشوفونه
امل : اذا على كيفهم بكرى
الجوري : عادي
امل : مجنونه انتي تكلمي عدل
الجوري وهي فاقده وعيها مو مصدقه ان اليوم اللي تحلم فيه قرب وجلست تتخيل وتجاوب وهي مو حاسه بشي
حست الجوري قرصه على خدها وصحتها وجاوبت بعدها : والله مادري متى مادري كم يكفيني علشان اجهز
امل : انا بقرر اسبوعين يكفيك
الجوري : كأنهم زينين
امل : خلاص بقول لهم اسبوعين
الجوري سكتت وامل استغربت هدوء الجوري
امل: الجوري ووجع تكلمي
الجوري : وش اقول
امل : اذا مغصوبه قولي
الجوري: لاااا والله مو مغصوبه
امل : واحد من الاثنين ياانك ماتبغينه او ميته عليه ومومصدقه انه خطبك .......!!
الجوري : الثانيه
امل : ايييييش
الجوري : سلامتك وبعدين يلا روحي قولي لهم
امل : طرده محترمه ياعروس
الجوري خجلت من هالكلمه : برىآ
امل : ههههههههه لاتلوميني يوم استحيت من طاريها
الجوري : كنت صغيره بس انتي اكبر مني
امل: معليش اردها هههههههه
الجوري : تكفييييين
امل : خلاص بطلع يلا اخليك
طلعت امل وتركت الجوري فرحانه
وشوي الا وصلتها رساله من نواف
تقول : اللللللله اسبوعين يالظالمه والله بموت على مايجي ذاك اليوم اتمنى يمرون نفس الدقيقه واشوفك
انتبهي لعمرك تراك زوجتي واغار عليك
واحبــــــــــــــك
نواف
.............
الجوري استحت من كلامه وماردت < يعني ثقل قبل الملكه هههههه
وجلست تتحلم فيه وكيف راح تكون علاقتهم ببعض وكيف راح يكون حبهم متوج بالزواج ورن جوالها وكانت تتوقع نواف لانها مرادت عليه بس خاب ظنها يوم شافت اسم لجين
ردت عليها وقالت لها انها تنتظرها برى
الجوري: طيب دخلي على مالبس عبايتي
لجين : مالي خلق اشوف اخوك
الجوري : ههههه قولي الا ميته عليه دخلي سلمي عليه وطلعي
لجين : لاوالله هو ماخطبني رسمي علشان انزل اسلم عليه وان شاءالله تبغيني اسلم عليه بوسه على الراس ولا على الخد
الجوري: هههههههههه لا على الخد على الفم ياغبيه
لجين خجلت من جراءة هالبنت : هاااااااء ياكبرها اقول نزلي لااجيك بسكين واذبحك
الجوري : هههههههه طيب طيب
لجين : انتظرك 5 دقايق مانزلتي بمشي
الجوري: ان شاءالله يوووووه قلنا بننزل
ونزلت الجوري بسرعه ووصلت للسياره وركبت
لجين : بوسه على الفم هاااااه اوريك والله لاردها
الجوري : هههههههه ماتقدرين كيف بتردينها لاصرت ماخذه اخوك قولي
لجين : دوبـــــــآ تعرفين كيف تسكتيني ترى دقيت على ساره ابغى اقول لها تجينا هناك بس ماترد
الجوري : دقي عليها اللحين يمكن ترد عليك
لجين : طيب
...............................
كانت نايمه على سريرها وراسها مصدع
شوي الا صحاها رنت جوالها وطالعت بالشاشه وشافت اسم لجين وردت وخصوصا ان لها اكثر من مكالمه لم يرد عليها منها
ساره : الووووو
لجين : وااااااع وش هالصوت كله نوووووم يلا قومي ترانا بنروح بيت افنان هذا احنآ بالطريق
ساره : ليه صاير شي
لجين : يوووووه وش بلاك مسكينه البنت مالها احد بنروح نزورها ومنها نغير جو ونوسع صدورنا ونهبل فيها
ساره : اااااااه يالحمير رايحين تهبلون فيها مسكينه طيب دقايق وانا عندكم
لجين : بسرعه لان احنا سبقناك هناك
ساره : اوكيييي لازم تكثرين هذره يلا باي
لجين : مااااااالت على الممرضات اللي مثلك باي
وسكرت منها وقامت تجهز نفسها لبيت افنان
ونست كل التعب مجرد بس انها ذكرت صديقاتها
وصلت الجوري مع لجيم لبيت افنان
وطقو الباب وطلع لهم محمد
الجوري: حموووودي تعال تعال فديتك وحشتني
وجلست تحضنه وتبوس فيه ومحمد مستحي
لجين : ريووووووم كيفك
ريم بوناسه : الحمد لله دخلو
دخلو لجين والجوري ومحمد وريم لداخل البيت وشافو افنان
جالسه تتابع التليفزيون ويوم شافتهم رمت الرموت
بعيد عنها وركضت لهم تحضنهم
الجوري : وحشتيييينييييي
افنان : وانتو اكثر وربي .. وسلت دموعها
على انها مرجوجه لاكنها حساسه
لجين : واحنا لنا الله
افنان توجهة للجين وضمتها : وااااااه فديتك والله لك اكثر
مشتاقه لكم ماكنت متوقعه تزوروني
لجين : يابعد قلبي كيفك وكيف احوالك
الجوري: باركي للمهندسه وللدكتوره
افنان منصدمه : مييييين المهندسه لاتقولين انتي وااااااااااااه .. وترجع تضمها
الجوري : هههههههه بتذبحيني
افنان : ونااااااسه يالبى المهندسه
تعااااالو لجون تحقق حلمها .. وجلست تبوس لجين وتحضنها ولجين مستانسه
افنان : يالحمير وانا اخر من يعلم
لجين : والله الجوري توها تدري
الجوري: حتى لجين توها تدري
افنان : وساره وش صار عليها
لجين: دخلت تمريض
افنان : ياعمري عليها تستاهل
الجوري : وانتي
افنان : ........
لجين : لاتسويين مفاجآت مايليق
الجوري : بسرعه تحمست جد أي قسم دخلتي
افنان :توظفت
الجوري + لجين مصدومين : ايييييييش
لجين : جد تتكلمين
الجوري : مجنونه ومستقبلك
لجين : وحلمك تكملين مع الجوري هندسه
افنان : اخواني اهم مني
الجوري: اخوانك يبغون سعادتك
لجين: حلمك هذا شلون تتخلين عنه
الجوري : ليه اجل شديتي حيلك ودرستي دامك بتشتغلين
افنان : خلااااااص انا قدمت اوراقي وانتهينا
الجوري عصبت : بقواة عين تقول لي انتهينا
لجين تنرفزت احر ماعندهم ابرد ماعندها: افنااااااااان بلا جنان تقدرين تسجلين وتسحبين اوراقك من الشركه
افنان : انا حابه اني اشتغل مو ندمآنه
الجوري: تقدرين تشتغلين بعد الجامعه
افنان : ومين يصرف علي
الجوري: لاتقولين كذا اكيد كلنا معاك
افنان : انتو مو مقصرين بس بعد مو عدله كل وقت ازعج وحده فيكم اقربها اليومين اللي فاتو ماحدن سال علي ولادرى عني
واكيد بتجي ايام بتشغلكم بجد وان شاءالله راح تتزوجون ويجونكم عيال مستحيل راح توقفون كل هذا على شاني خلاص كل وحده راح تشوف مستقبلها صداقتنا راح تستمر بس ماراح تظل نفس قبل
الجوري : من قال راح تزيد وربي
لجين : راح نكون دايم حواليك
الجوري: الزواج اللي فيه فرقانا مانبغاه
لجين : صادقه الجوري بس على الاقل خذتي راينا
مو نتفاجأ احنا متفقين على كل شي لاتهدمين كل شي بنيناه
افنان : لييييه تقولون كذا انا اهدم صداقتنا تفكروني ماابغى وجودكم حواليي بالعكس اتمنى واتمنى واتمنى
بس بعد ماراح اجلس حاجز بحياتكم شوفو حياتكم والصداقه بينا
ولاتناشقون خلاص انا ان شاءالله بداوم بكرى
الجوري: الللللله بهسرعه
افنان : احسن لاني انا ابغى اشتغل واجمع لي كم فلس يفيدوني
لجين : كم راتبك
افنان : وش عندك ولا ريال تاخذين
الجوري: الللله من اللحين بدينا بالبخل
افنان : ههههههههه 2000 وراح يزودوني اذا شافوني مجتهده
لجين : الله يوفقك هذا اللي اقدر اقوله
الجوري: امرنا لله بس ترانا مو راضيين على هالموضوع بس اللي يريحك سوووويه
افنان : عمري انتو اتمنى لكم تتوفقون وانا معاكم
قولولي وش جديدكم
الجوري بحيــــــآ: نواف خطبني وانا وافقت والملكه بعد سبوعين
لجين + افنان : قولي والللله جـــــــــــــــد
شوي الا طق الباب وقامو محمد وريم يتسابقون على فتح الباب
وشوي دخلت عليهم ساره
ساره: السلام عليكم يدوباااات وحشتوني
وجلست تحضن كل وحده فيهم
ويوم وصلت لأفنان
افنان : حيا الله الممرضه
ساره تحضنها : الله يحيك وحشتينا تصدقين اول كلمه تحمسني حق التمريض
افنان : افى ليه
ساره : تبغيني اضيق خلقك من بداية السهره
افنان : لا خلينا نشوف الاخبار الحلوه الجوري خطبها نواف
ساره بصدمه : جـــــــــــد مبروووووك
الجوري بإحراج: الله يبارك فيكم
ساره : ومتى الملكه
الجوري: بعد اسبوعين
لجين : يلا راح نجهز من بكرى
الجوري: اوكي جهزو نفسكم بكرى العصر
افنان : ماقدر عندي دوام
ساره انصعقت من كلمة دوآم: ايييييش شقلتي
افنان : الله يعيني وش يقنعها هذي
ساره : جد توظفتي
افنان : ايييييه وراتبي 2000 وبكرى يبدا دوامي بشركه زينه والحمد لله فيه قسم بنات وايش كمااااااان ايييه والله يوفقنا
ساره : طيب ليه وحلمك
الجوري: تركيها عنك من مساع واحنا نناقشها عذرها
.. الجوري تقلد صوتها : اخواني واخواني
افنان : انطمي
الجوري : والله جد حجة الكسلان مسح السبوره
لجين : اوووخس على المثل
ساره : طيب الله يوفقك عندك ملابس للشغلك
افنان: مالها داعي تراني الا بعباتي بجلس
لجين : هاااااااااء مجنونه انتي لازم تشترين لك لبس
الجوري : يمكن وحده من البنات تقولك حابه اشوف لبسك او يمكن نظامهم عادي تجلسين من غير عبايه
افنان : والله عبايه من غير عبايه مايهم
الجوري : اقول يلا خلينا نطلع نروح نشتري لك كم قطعه
ونتمشى
افنان : نتمشى أي بس نشتري لا
لجين : لاصار بكيفك تكلمي
ساره : بقول لأختي اني بروح
الجوري: ههههههه وانتي امك اختك
ساره : لانها هي اللي تهتم لي امي ماتهتم
لجين وانا بدق على جدتي بقول لها اني ماراح اتعشى معاها
افنان : بروح اجهز اخواني
الجوري : طيب وانا بعد بدق على امي
.. الكل تجهز وخذ الاذن البعض رضى بالموت والبعض تمنى لبناته بالسلامه اهم شي انهم كلهم راح يروحون
في السياره : اقووووول ترى انا جبت سواقنا علشان السياره تفكي
لجين : طيب لايطيح نصك انا سواقي سيارته صغيره لاني انا الوحيده اللي اركب فيها وجدتي نادر
افنان : لاتخلينا ننزل تاكسي اللحين
ساره : ماحب انذل
الجوري: طيب خلاص حياكم ومنورين حتى عبد الكريم مستانس فيكم صح كريم
كريم وهو مايدري وش السالفه : ايوااااااا
ماتو البنات ضحك وتوجهو للراشد ياخذون لهم كم قطعه
للأفنان ويتمشون ويلعبون محمد وريم ويطلعون
دخلو وشافو الزحمه وكملو طرقهم
يدورون لها وطبعا كل وحده سوت نفسها تشتري لها
وهم قاصدينها بالشرى
وهي افنان شرت لها كم قطعه
وبع ماخلصو من الملابس راحو للمطاعم
والآلعاب لعبو ريم ومحمد وتوجهو للمطاعم تعشو ورجعو البيت
وهم ميتين ضحك ووناسه ويوم حلو عليهم
افنان: مشكورين تعبتكم معي دخلو كملو السهره معي
الجوري: وين لا انا ميته نووووووم بروح انام
ساره : وانا امي بتذبحني
لجين : وانا تعرفين ماقدر اترك جدتي
افنان : على راحتكم سلام
الجوري وهي تدخل الاكياس اللي خذوها لها دخلوها بأكياسها
: لحظه هذي اغراضك خذيها
افنان:ايه صح مشكورين مره ثانيه زورونيطيب
البنات: طيب
ودعتهم ونزلت هي واخوانها ودخلو البيت
والجوري وصلت كل وحده بيتها وراحت بيتهم
دخلت غرفتها بدلت ملابسها وغرقت في نومه عميقه ونامت
..................................
اليوم الثاني يوم الاربعاء
كان جالس يجهز شنطته واغراضه بيرجع الشرقيه والسبت بيرجع الرياض وبدى يكون علاقات وصارو له اصحاب من الرياض
سكر شنطته بعد مانتهى من ترتيبها
ورن جواله ابتسم ورد: الووو
فهد : هلا والله
فيصل: هلا بك زوووود كيفك
فهد : مانشكي باس انت كيفك
فيصل : الحمد لله
فهد : دوم هاااااه دريت بالخبر
فيصل : بشر
فهد : الجوري انخطبت وتحددت ملكتها بعد اسبوعين مو الاربعاء
اللي بيجي لا اللي بعده
فيصل كأن مويه بارده انصبت عليه : الله يهنيها ومبروك عليكم
فهد حس بنبرة صوت فيصل اللي تغيرت :وش فيك صوتك تغير
فيصل: بطني ماهدا له يومين يألمني يمكن مااجي هالاسبوع
فهد : لا وين اذا تعبان انا اجيك
فيصل: لا لاتتعب نفسك ثواني واكون تمام
فهد : اكييييييييييد
فيصل : اكيييييييييد يلا بسكر اللحين وان شاءالله اذا احتجتن شي بدق عليك علشان ماتحاتي طيب
فهد : اوكي يلا بحفظ الله
فيصل : سلااااااااام
مع انه كان ناوي يروح الشرقيه مشتاق لها بس خبر قرب مكلتها حس انه فقد الامل وهالشي صحاه من حلمه اللي اللي انرسم معه بالريـــآض: حتى بالرياض لحقتيني
..............................
فطرت وراحت تجهز نفسها لبست وهي تفتح الاكياس شافت
الملابس الموجوده وعرفت ليه يسألونها كم تلبس وابتسمت على تفكيرهم وفرحت ان الله رزقها وعوضها بصديقات زي العسل
لبست وكحلت عيونها ولبست عبايتها اللي جلست عليها امس تغسلها وتكويها
وطلعت من البيت واخوانها لسى نايمين
شافت تاكسي وطلبت منه يوصلها
وصلت للشركه على الساعه 8:45
وهي نازله من التاكسي شافت عز ... المدير العام نازل من سيارته bmw
وهي تناظر فيه تحسه ماعنده لف ودوران وهيبته تسبقه
واللي يشوفه غصب عليه يحترمه جلست تناظر فيه وللمره الثانيه عيونها تتعلق فيه
وهو متوجهه لباب الشركه انتبه لعيون تراقبه
التفت وشافها وعرفها على طول وحب يبتسم
ومادرى ان هالابتسامه ذوبت قلب واشعلت النار فيه
وقف ينتظرها وهي تمشي بتدخل الشركه
عز : غريبه ش هالنشاط ياخوفي هالنشاط بس اول يوم ومن بكرى يبدى الغيبا
افنان : انا طول عمري محافظه على مواعيدي
عز : اتمنى يكون جد
افنان : طيب يلا بروح شغلي وصباح الخير
مشت افنان متوجهه لمكتبها الجديد
وعز جلس يناظر فيها وهي كبرت بعينه مع زحمت الاختلاط الا انها محافظه على شكلها وكلامه بين الرجال
مشى هو الثاني متوجه لمكتبه
دخلت افنان على مكتبها واللي وصلها له سامي اللي اول ماشافها رحب فيها وحب هو بنفسه يوصلها للمكان اللي راح تتوظف فييييييه وخاصه انه مطيح مع البنات اللي هناك ويعتبرهم نفس خواته سامي: هذي الغرفه فيها مكتبك دخلي راح تشوفين بنتين يشتغلون وان شاءالله هم بنفسهم راح يقولون لك وين مكانك وراح يفهمونك الشغل كلللللله
افنان: مشكور وماقصرت
سامي : الواجب ولوووو
دخلت افنان وجلس سامي يناظر فيها الى مادخلت ورجع مكتبه
افنان : السلام عليكم
البنات : وعليكم السلام
حنان : انتي افنان
افنان : ايييييه
مروى : هلا فيك هذا مكتبك
جلست افنان على المكان اللي قالو لها انه مكتبها
وقربو منها وبدى يشتغل عندهم فضول البنات
حنان : معك حنان متزوجه وعندي ولد
ومروى : معك مروى عانس هههههه
ضحكة افنان على كلمة عانس: ههههههههه لاتقولين كذا ان شاءالله يجيك عريس ماله مثيل
حنان : لا هي تبغى مديرنا مدير قسمنا
مروى: يااااه يجنن شفتيه انتي
افنان في قلبها أي والله ماتنلاميين يجنن : ايه شفته
مروى : بالله وش رايك فيه
افنان : مشاءالله بس مو لدرجه اني اموت فيه
مروى:تدرين رفضت كثيرتقدمو لي علشانه وهو ولايدري
افنان : اللللللله لهدرجه
حنان: سكتي تأذيني
مروى: ماعليك منها بس واضح عليك انك صغيره كم عمرك
افنان : 18 بدخل ع 19
حناااااان: الللللله ليه توك صغيره كان دخلتي جامعه
افنان الله يعيني على الاعاده شكلي بسجل صوتي وبحطه بشريط واي احد يسألني بشغل هالشريط : ابغى اصرف على اخواني ماعندي اهل ابوي مات وامي ميته واخواني صغار وماحب ارمي نفسي على الناس وصديقاتي مو مقصرين بس فشله كل وقت رايح تطلبينهم
مروى: معاك حق ان شاءالله تستانسين معانا
افنان : والله اني ارتحت لكم
حنااااان : يالبى قلبك طيب ليه ماتجلسن من غير عبايه فصخيها
مافيه احد غريب
افنان : عاااااادي
مروى : ههههههههه ليه مافيه رجال
افنان : هههه لا بس لاني ماعرف لنظامكم هنـــآ
حنان : عادي خذي راحتك
افنان : فصخت عبايتها وحجابها وكانت مستشوره شعرها ولابسه تنوره جينز ميدي جينز وبلوزه رسميه بيضا
ومخصره على جسمها وغير الاناقه بالساعه والحلق
مروى: وااااااااه تجننين شعرك يجنن وجسمك مشاءالله
حنان : غريبه مانخطبتي روعه مشاءالله عليك
افنان بخجل: مو لهدرجه لاتبالغون
مروى : والله مشاءالله عليك اقول لو اخطبك لأخوي توافقين
افنان بإحراج : ههههههه
حنان : انتي قوليلي مين بقى ماخطبيته لأخوك
مروى: ادري عنه كل مايعجبونه بس هذي اتوقع تعجبه
افنان : لاوالله خذتو الموافقه اشوف يلا اعقلي انتي معاها
مروى + حنان: ههههههههههههههههههه
وكملت يومها مزح معاهم وبعد البريك رجعو يعلمونها الشغل والمطلوب منها لانها توها جديده ماحبو يكثرون عليها
...........................
وانتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثالث عشر:-
كان جالس بمكتبه ويشرب قهوته اللي معتاد عليها ومو عاطي مجال للوقت يسابق ونهمك بشغله
رن جواله بنغمته الرسميه تعلن عن وجود اتصال
لاكن يوم شاف الرقم ابتسم وتلاشت ملامح الجديه اللي بوجهه
: الووووووو
فهد : يالقااااطع لاكان رديت علي
عز : ههههه كيفك
فهد : الحمد لله انت كيفك
عز: ابد مااسأل الا عليك
فهد : واضح اشوفه مقطعك السؤال علي
عز : الاشغال وانا اخوك
فهد : صادق بس لاتنسانا
عز : ابد ماعاش اللي ينساك
فهد : تسلم وكيف امورك
عز : ابد الحمد لله ماانشد الا عنك كيفك انت وكيف الاهل واحوالكم
فهد : الحمد لله مانشي بااااس بس حبيت اعزمك على مكة اخوي يوم الاربعاء
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك