رواية يا حبي الخالد اموت بغرامك -19
غرام ..زين تسوين فيهم تصدقين من اعرسن ماشفنا وجيههن ياعند رجالهن ياعند الحريم
عبير..مهبولات وانا اللي بسنعهن اشوف عطيني من البيبسي
رولا ..لا ممنوع خذي من هذا العصير
عبير..مارسي مهنتك بالجامعه حنا هنا خارج عن القانون
أمينه ..تناضرهم لحظه يالخاينه تعلمين رولا وانا اختك ماتعلميني
نوف..هزلت انا العهمه واخر من يعلم والله من بسهل يااخوي
ريوف..ياللبيه بنصير عمات وقامت واحضنت عبير اللي ارتبكت
نوف وريوف ..وش فيكي
عبير..امم بنات خالد وصاني مااعلم احد اللي نرجع للسعوديه وهو يبشر الكل
نوف..ايه خلود يخاف من العين
امينه ..حتى امي مراح تعلمينها
عبير..لا خليها مره وحده اخاف اعلم ومايخلوني اركب الطياره تعرفين وسواس العجايز
لطيفه ..بهاذي صدقتي
تقى..وناسه انتو بالسعوديه كل كذاا تجلسون كل يوم مع بعض وتنامون مع بعض
عبير..لا يا جنى امم قصدي تقى لطيفه ببيت غير بيتنا وغرام بنفس بيتنا بس بملحق خاص ونوف وريوف بعد بملحق وساعات يتكرمون وينامون معنا وانتو بتصيرون من سكان الرياض ومانشوفكم غير بالأجازات
رولا ..يعني حنا بمنطقه غير منطقتكم
ريوف..ايواا انتو بالعاصمه وحنا بالشرقيه
تقى ..ليه كذا تعودنا عليكم
لطيفه ..للحين حنا بالأجازه اتوقع عمي عبدالرحمن يخليكم بالشرقيه
رولا ..ياليت ودنا نتقرب اكثر واكثر من العايله
عبير..بس كذا ماطلبتو شي ..
يوم جديد ..
عبدالرحمن وناصروابراهيم وريان في بيت السفير تقدمو لخطبة اثير
وبو زياد رحب بهم وعطاهم موافقته وقررو انو الزواج يكون بالسعوديه
زياد ..كلم بوعبدالله وش صار بموضوعنا
بو عبادي..اليوم اكلم البنت وارد لك خبر
بوعبادي..جمع خالد وعبير وعبادي دخل معهم
خالد بكلمك بموضوعين
الأول ..
عمتك مريم كلمتني تبغى تخطب اختك ريوف لمبارك
خالد..هاذي الساعه المباركه ومبارك رجال ينشرى عمري ماانسا وقفته معي ومع اخواني
بوعبدالله.. هذا الكلام الللي ودي اسمعه كلم لي اختك وشوف لنا رايها
عبادي..ولع يحاول يمسك نفسه موقادر,, مايدري وش اللي صابه هو متاكد انه يحب نوف وعايش معها احلى ايامه بس ليه لمن جاة سيرة زواج ريوف حس بالغيره وبنار مولعه بداخله ,,مستحيل اخلي هذا الزواج يتم
بو عبدالله الموضوع الثاني..
انا ادري اني ضلمتكم واجبرتكم على شي انتو ماتبونه واليوم تصحيح الأخطاء خالد تقدر تطلق عبير
خالد..عمي انت وش قاعد تقول
ناصر..كلامي مراح اتراجع عنه بكره روح للمحكمه وطلقها
خالد..مستحيل
عبادي..خالد حنا شايلين لك الجميله اللي سويتها وندري انك ماتحب عبير وشهامه منك تزوجتها اللحين كل واحد منكم يمارس حياته الطبيعيه ويشوف مستقبله دون تدخل من أي احد
ناصر.. خالد صدقني مراح نزعل وحنا بنضل اهل وحبايب بس انتو مو لبعض انت ماتبيها وهي ماتبيك الطلاق هو الحل المناسب لمشكلتكم
خالد..ليه عبير ماتكلمة معقوله تبي الطلاق راضيه بكلام ابوها ..
خالد..ليه عبير ماتكلمت راضيه بكلام ابوها وناضرها وشاف بعيونها الخوف والرعشه بجسمها فهمها ونطق عمي انا وعبير نحب بعض وعبير حامل بولدي انت ترضا انو ولدي يتربى بعيد عني
بوعبدالله ..حامل عبير حامل الف مبروك يعيال انا ضنيت انكم نافرين من بعض ماتوقعت انكم بيوم بتتفقون الله يوفقكم ,,طلع من عندهم وهو مبسوط وكلم زياد واعتذر منه البنت تبي زوجها وتحبه ماله نصيب الله يوفقه مع بنت الحلال اللي تناسبه
بعد ثلاث شهور ..
ام عبدالله ..نوف امي اكلي من التمر زين لصحت الجنين احسن لك من الحلى
عبادي..حبيبي نوفا اشربي من يدي هاذ العصير
بوعبدالله ..اكلي من الفاوكه الزينه خلي حفيدي مربرب واحمر
الموقف هذا اثر في عبير وسرحت حتى اهلي مو مهتمين باللي ببطني عبادي فرحان بولده وخالد قطع سرحانها
خالد..حبيبي سنه وان ماد لك التفاحه
عبير..ناضرته والدموع ابتدت تنزل
خالد..ليه الدموع يقلبي مطوله ترى تعبت وانا ماد يدي
عبير..اكلت التفاحه واحضنت يده
ام عبدالله ..عبور امي تعالي جنبي خليني ااكلك هامله نفسك بالحيل وزنك نازل
عبير فرحت وقامت جنب امها وعبدالله راح جنب خالد
عبادي..ايوا يالنسيب سمعنا انك اشتريت بيت
خالد..اي والله بنبتدي ناثثه ونسكن فيه
بوعبادي..افا ليه يولدي احد مضايقكم
خالد..لاوالله بالعكس حنا مرتاحين هنا بس هذا طلب بنتك
عبادي..عبيروه ليه تحرمينا من هذا الجو
عبير..امم بس كذا علشان تاخذزن راحتكم
نوف..لاتحطينا بعقدة المنشار حنا مبسوطين اخوي وزوجي جنبي وش احلا منها
عبير..طيب خلاص اكلتوني خلاص خلودي اجر البيت
خالد..هههههه كل يوم لك راي
بوعبدالله ..انتي منتي عاجبتني دوم سرحانه وحساسه اكثر من اللزوم ليه كذا يبنتي
عبير..يمكن علشان الحمل
نوف..على طاري الحمل ترى ملابسي ضاقت ودي اروح للسوق اشتري مك بدله
عبير..وانا ودي اشتري للزواج مابغى غير اسبوع
نوف..انا وصيت ريوف تشتري لي حق الزواج على نضرتها هي كل يوم بالسوق
عبير..انا بكلم امينه ونروح نفرفر بمحلات الفساتين اذا تبين تعالي معنا
نوف..مو مشكله العصر نروح
عبادي..وش رايك نروح للربع من زمان عنهم
خالد..يلا كلمهم وشوف وين هم مجتمعين
عند وليد ..
ام وليد ..وشدعوى بتطوف السنه على زواجك وماشفنا ست الحسن حتى زواجك سكيتي مااحدن دري عنه
وليد..بيوم زواجي انتي مسافره وتدرين انا ماسويت حفله ملكنا واخذتها لبتي
ام وليد ..هاذ مو عذر وين من رجعت من السفر ما تقول بودي حرمتي لأمي
وليد ..مايصير خاطرك الا طيب اجيبها لكم الرياض
ام وليد ..ايه جيبها وبعزم عماتك وخالاتك خليهم يشوفونها
وليد..ابشري يمه .
بالرياض..
فهد .. انت تعرفهم ياابوي اخت خليل الـ..صاحب خالد ولد عمي
عبدالرحمن ..ايواا عرفته والنعم والله خلاص بكره اكلم خليل واخذ منه موعد
فهد ..حب راس ابوه تسلم لنا يالغالي
محمد..انا مو موافق
عبدالرحمن ..ليه ابوي
محمد..العايله هاذي متناسبنا
فهد..يعني ايش متناسبنا
محمد..متناسبنا وخلاص
عبدالرحمن ..خلاص فهد اخوك اكبر منك وافهم منك يمكن يعرف حاجه مالنعرفها احنا غض النضر وطلع وخلاهم
فهد ..محمد ممكن تفهمني السبب
محمد..انت تعرف البنت ولا احد مادحها لك
فهد ..سؤالك شيبي
محمد ..جاوب
فهد ..اعرف خليل وشفتها وحنا بالمغرب كذا مره واعجبتني
محمد ..بس
فهد ..ايه بس وش تبي اكثر
محمد ..انت تدري انو البنت اللي تبي تخطبها تطلع بزي رجال وتفرفر بالشوارع
فهد ..ادري وهي ماسوت كذا للتسليه كانو محتاجين
محمد..وتدري انها كانت تطلع مع احمد اخوك
فهد..وشو مع احمد
محمد..قد جابوهم الشرطه لي احقق معهم بس لمن شفتها بنت اطلقت سراحهم بسرعه قبل احد يشك وتصير قضيه كبيره
فهد ..مستحيل مستحيل
محمد..خلاص غض نضر عن الزواج من البنت هاذي والبنات كثار
فهد طلع من المجلس وعلى طول كلمه
هناء ليه خدعتيني ليه انتو كذا يالبنات توقعتك غير غير
هناء..فهد حبيبي تكفا فهمني وش صاير
فهد..كنتي تطلعين مع احمد اخوي ولمن سافر حولتي علي
هناء..مصدومه ..احمد اخوك
احمد اخوك
احمداخوك
بالسوق ..
عبير ..انا تعبت خلاص وكان بتطيح اسندتها رولا وجلستها بالكراسي تفاجؤ باليد اللي مدة لهم المويا
رولا ..تركي
تركي..انا ويزيد نشتري لوازم العرس ,,ماتشوفين شر يابنت عمي
عبيرناضرته وابتسمة الشر مايجيك
تركي..اوديك الطبيب
عبير..مايحتاج رولا عن مليون دكتور
تركي..الدكتورة رولا مانطلع من جزاها
عبير..طيب لاتسبل كثير يجون الهيئه ويشيلونك
تركي..لا زوم من الأحراجات يابنت العم
عبير..هههههه انت اللي جايبه لنفسك
تركي..طيب خلصتي المويا حقتي انتي ماصدقتي
عبير..وش اسوي من ايدينك طعمها غير لاتقاوم
رولا..انت وياها دوم كذا مطيحين الميانه مع بعض
تركي..ايه عادي عبيروه صديقتي بس من تغطت وهي ثقلانه شوي
رولا ..هاذا كذا ثغلانه
عبير..ايه واذا بتغارين من اللحين اهون مااخطبك له
رولا..غلب فيسها الوان الطيف
تركي..ههههههههههه وش سويتي بزوجة المستقبل
رولا ..من زود الحراج مشت واتركتهم
عبير..ياويلي عرة ذي مين ييمشي معي
تركي..امري لله قومي انا اوصلك للبنات مساع شايفهم عند ستار بوكس
عبير ..يلا
تركي وعبير يتمشون مع بعض عادي بس عبير لمحة واحد مغربي يلاحقهم
وحبة تتاكد اذا كان يلاحقهم او لا
عبير..تركي خلينا ندخل هاذ المحل
تركي..هههههههههه من جصك راحت عليكي هذا للرشيقات
عبير..ههههههه مو لي بشتري لرولا عقب ازعاجنا لها مساع
تركي..اذا كان لزوجتي ماعندي مشكله
عبير..لاتتعود تقولها بعدين يسمعك يزيد ويتوطا ببطنك
تركي..اي والله صدقتي
وبعد مااطلعو من المحل تأكدة عبير انه يلاحقها مسكت بيد تركي بقوة
تركي..اسنقرب مسكتها "عبير فيك شي
عبير..احس بألم وديني البيت اللحين تكفا تركي اللحين وديني
تركي.طيب طيب طلعو من السوق واتجهو للبيت وبالطريق عبير عيونها على الشارع والسيارات وتدعي انهم يوصلون بالسلامه
وتركي كلم يزيد واعتذر منه طلع بسرعه لمشوار وبيرجع له بعد شوي
لمن وصلو البيت
عبير..وين بتروح
تركي..برجع المجمع يزيد ينتضرني
عبير..تركي انزل لا تروح خلي احد يوصل يزيد
تركي..نعم عبير انا تركي مو خالد
عبير..تركي ..ماودي اخوفك بس حنا متراقبين فيه واحد كان يلاحقني بالسوق ومساع بعد بالأشاره شفته تكفا لاترجع اللين خالد يشوف الموضوع
تركي..تطمني يابنت عمي انا رجال واقدر اتصرف وزين انك قلتي لي انتي ادخلي وماعليك
عبير..تركي طمني عليك
تركي..اشر على عيونه من عيوني .
يزيد.. امم وش باقي بعدمااشتريناه هذا وين راح وخلاني بروحي ,احسن شي اكلم غرام واشوف اذا تقدر تجي معي
غرام ..حنا اللحين تونا طلعنا من ستار بوكس وبنكمل تسوق
يزيد..طيب ادخلي مره ثانيه علشان خاطري
غرام ..تركي معك صعبه
يزيد..لا مو معي سحب علي طلع يقول عنده مشوار يلا انتي ادخلي وانا متجه لك
غرام ..طيب انتضرك
لطيفه ..دقت على غرام انتي وين رحتي
غرام ..انا رجعت لستار بوكس توي تذكرت كنت طالبه ايس كريم واللحين بااكله
لطيفه ..مراح ننتضرك لمن تخلصين دقي ونقولك احتا باي محل
غرام ..طيب حل سليم
لطيفه ..غفلت منها ..غرام ارجعت لستار بوكس
نوف..طيب عبير وينها
رولا ..مع تركي
البنات ..وشو !!؟
رولا ..هي تعبت من شوي وجاء تركي اعطاها ماي وانا مشيت عنهم
ريوف..طيب لطيفه دقي على تركي اخوك شوفي هم وين لأنو جوال عبير مغلق
لطيفه ..كلمت تركي وقال لها انو عبير تعبت ووصلها للبيت
أمينه..حتى انا تعبة بكلم السواق وبروح
نوف..وانا اخذيني معك
ريوف..لا والله عاد انتو تدقون بالبدن لو ادري ماريحنا مساع بستار بوكس وضيعنا وقتنا
تقى ..ماعليك منهم انا ورولا ولطيفه معك
ريوف..يابعدي والله ولا لو على ذا الحمل ماخلصت جهازي
تقى ..شدي حيلك امس انا كلمت اثير وتقول خلصت تجهيز
ريوف..بذمتك
تقى .. أي والله وتسلم عليكم
ريوف..يابختها عقبالي اخلص
تقى ..أثير تقول بينزلون بكره للسعوديه وودها نوديها لمحلات الكوش وانا مااعرف ذي المحلات
ريوف..خليها علي بكره نروح كلنا هناك ونختار مع بعض
أمينه ..حلو كثير وبالمره نشوف لنا مشغل زين نتزين فيه
رولا ..انتي وأثير بتتزينون عند نفس المزينه
ريوف..طبعا لاوحتى انتو توزعو لنصير كلنا بمشغل واحد نتأخر
تقى ..خلونا ندخل هنا شكل الشنط اللي عنده روعه
البنات فلوها بالسوق وماضل حاجه مااشترو منها
بالفله ..
خالد..نعم ماسمعت مين وصلك للبيت
عبير..تركي ولد عمي ابراهيم
خالد..تركي واكيد ماخذه راحتك بالسوالف معه وضحككم واصل لأخر الدنيا
عبير..خالد انا اتكلم فشنو وانت تتكلم بشنو اقولك فيه رجال مغربي يلاحقني وانت كل همك ايش سولفة مع تركي
خالد..اذا انتي خايفه لاتطلعين من البيت وحاجتك توصلك لمكانك وانا بطريقتي بشوف موضوع الرجال اللي يلاحقكم انتي وسي تركي
عبير..اللهم طولك ياروح خالد حبيبي تركي مثل اخوي
خالد..ورولا مثل اختي
عبير..وايش دخل رولا بالسالفه اللحين
خالد..ماادري المهم خلصتي كل لوامك علشان الزواج
عبير..تقريبا باقي كم شغله بوصي البنات يجيبونها لي
خالد..طيب انا طالع اذا احتجتي يشي بينا فون
البنات ارجعو من السوق
امينه ونوف اسبقوهن من زمان مع السواق
ولطيفه وصلوها لبيتهم
تقى ورولا ادخلو لجناحهم ..
ريوف .استوقفها صوته
..سويتي اللي براسك
..سويتي اللي براسك وعرسك قريب
ريوف..ناضرته نعم وليه الزواج حلال عليك وحرام علي
عبادي..ليه مبارك بالذات انا بقوله انك تحبيني حرام ينخدع فيك ويكون جسر لتحقيق هدفك
ريوف..اي حقيقه واي جسر انت مريض وعقلك به شي
عبادي..لاني مريض ولا عقلي به شي انتي تفكرين انك تضلين قريبه مني واخترتي مبارك المسكين لأنك عارفه انكم بعد الزواج مراح تطلعون من البيت وبنضل كلنا تحت سقف واحد
ريوف.مستحيل اللي اسمعه منك عبادي انت تشوف انو ريوف بالحقاره هاذي اللي انت راسمها عبادي انا يوم عن يوم انصدم فيك ,,اسمعني عدل انا احب مبارك وعلشان ترتاح بنطلع من بيتكم انا وزوجي
عبادي..انتي كذابه انتي تحبيني وتموتين فيني
ريوف..كنت غبيه وقلبي عمي يومن حبك ابتعد عن طريقي احسن لك
عبادي..اذا تبيني ابتعد فركشي الزواج
ريوف..نعم ايش ماسمعت تكفا عيدها اقول عبادي زوجتك تحتريك بغرفتكم روح له ازين لك ولي
عبادي..اذا تزوجتي مبارك بطلق اللي بغرفتي
ريوف..ايييييييييييييييييييييييييييييييييييييييش
عبير ..دق عليها رقم ولأنها نايمه خالد هو اللي رد واصدمه صوته ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثلاثين..
ريوف ..اييييييييش
عبادي..اللي سمعتيه
ريوف..تدري طلاق اختي منك احسن حاجه تسويها لأنو واحد مثلك حرام تكون عنده وحده مثل اختي نتشرف بطلاق اختي منك ونستنى ورقتها دخلت وهي حدها معصبه وعلى طول اخذت جوالها ودقت على مبارك وبس اسمعت ألو
ريوف..وهي تبكي مبارك وينك
مبارك..عند الشباب ,حبيبي وش فيك وش صاير
ريوف..تعال مبارك ابيك محتاجتك
مبارك..طيب حبيبي انتي اهدي اللحين وانا مسافة الطريق وانا عندك
اما عبادي حده مقهور من ردها كان متوقعها تخاف وترضخ لتهديده ماتوقعها ابد ترد عليه هذا الرد
خالد.. نعم
تركي..هلا بووليد عبير عندك
خالد..عبير!!؟ نايمه
تركي..طيب بس تصحى طمنها اني وصلت لبيتنا سلامات
خالد..يوصل اوامر ثانيه عمي تركي
تركي..هههههههه لا بس كذا كفايه عمي خالد ,,بو وليد انا متصل اللحين علشان اطمن عبير لأنو فيه واحد كان ملاحقنا وانا اوصلها وهي خافت يسوي بها اوبي شي
خالد.. ادري هي قالت لي السالفه
تركي..زين يعني انت متفهم للموضوع
خالد..ايه بس هذا مايعطيك الحق تدق عليها بآخر الليل كان كلمتني انا
تركي..خالد عبير بنت عمي مو غريبه
خالد..لا ,ياليت تعتبرها غريبه
تركي..طيب اسفين ياولد عمي
خالد ..تصبح على خير
تركي..تلاقي الخير
فواز .. حلو كثير وانا بستقبلك بس متى موعد وصولكم
زياد..تقريبا 10 بالليل ,وتراك اول المعازيم على زواج الرضيعه مو تقول نسية عوايدك النسيان
فواز..اكيد اصلا سلوان مو معطتني مجال انسى تعد الليالي والأيام
زياد ..اي عاد الحريم مايفوتن وساعة الصدر ابد
فواز ..اوووه قمة وساعة الصدرواهم شي عندهم يفضون جيبك على مناسبه وحده يقضون فيها ساعتين
زياد ..بهاذي صدقت وياليت عاد يعوضونك بس ترجع من الزواج تقولك انا تعبانه وابغى انام لقط فيسك ساعتها
فواز..هههههههههه شكلك مجرب من ورانا اعترف
زياد ..لا والله سوالف الشباب توصف الحال
فواز ..بس يضل حلو
زياد ..يقال انك تحلي الزواج بعيني
فواز ..زياد يااخوي اللي خلقها خلق غيرها انساها وعيش حياتك انت اصلا تدري من زمان ان الأمل ضعيف ليه تعلقت فيها كذاا
زياد ..ابوها وعدني يافواز وانا اخذة بكلمه الرجال ابد ماتوقعت انه يتراجع عن كلامه
فواز ..بس هي تحب ولد عمها وقريب الله بيرزقها بطفل ,واللتفة لنفسك
زياد ..لو ماربطنا بهم نسب يمكن اقدر انسى او اتناسى بس اللحين صعبه
فواز ..خلاص اوديك لفرنسا وتنسى عبير واللي جابوها
زياد ..ههههههههه اذا سلوان موافقه انا ماعندي مانع انا اتزوج وحده وانت تتزوج اختها ونصير عدايل
فواز ..اذا بالسر انا اخوك بس علني اغسل يدك ابد مو قدها
زياد ..ههههههههههه اجل خليني كذا حر طليق
فواز..يبغالك جلسات مكثفه حالتك صعبه من بكره ابتدي معك ,,فتك بعافيه ,,.
زياد ..ههههه,فتك بعافيه يااستاذي .
عبادي ..رجع لغرفته وحصل نوف نايمه مثل الملاك وفكر لو انه فعلا يطلقها ,,لا مستحيل انا مااقدر اعيش بدونها احبها وربي احبها بس بعد احب ريوف كنت اضن اني نسيتها بس لمن اشوف بعيونها يجن جنوني وتحرك حاجات بداخلي مااقدر اتخيلها بأحضان واحد غيري يمكن لأنها نص نوف الثاني ..ياربي ايش اللي صابني ليه افكر بهاذي الطريقه نوف لو عرفت اللي صار بيني وبين ريوف ايش موقفها ياربي ريوف تكون عاقله ومتعلمها ..وضل يتأمل نوف وحط ايده على بطنها وطار من الفرح لمن تحسس حركة الجنين ولام نفسه مليون مره على الموقف البايخ اللي حط نفسه فيه .
ريوف..اقولك هددني لو تم زواجنا بيطلق أختي ونوف تحبه موت اكيد بتحقد علي وتكرهني
مبارك..ايش اللي صابه جن هذا وبعدين حبيبي مااضنتي يسويها يمكنه بس يهددك
ريوف..اخاف يسويها يمبارك
مبارك..لا تخافين حبيبي انا بكلمه ولو مانفع بكلم عمي وهو بيعرف كيف يوقف المهزله هاذي ’’قال يطلقها قال
ريوف..موبس كذاا يقول اني وافقة اتزوجك انت بالذات لأنه عارف اننا بنسكن هنا بعد زواجنا علشان اكون قريبه منه
مبارك..ايييش لا هذا زودها حبيبي هذا مريض لاتسمعين له وانا بتصرف معه قومي ابوي اغسلي وجهك وامسحي دموعك هذا ماينخاف منه ينخاف عليه
وليد..حبيبي أمي متضايفه من اني ماوديتك لهم وعرفتهم عليك
بدرية .. معها حق تدري حبيبي انا من زمان خاطري اسئلك انت بينك وبين اهلك شيء استغربة انهم مباركو لنا ولا احد زارنا منهم
وليد.. ماادري بصراحه انشغلت واستصعب السفر للرياض انتي شايفه ظروف شغلي شفتات وسفريات حتى انتو مقصر معكم
بدريه ..مقدره حبيبي بس بعد اهلك لهم حق عليك
وليد .. بس انا ماانلام ربي رزقني باللي تنسيني اهلي وتأسر كياني
بدريه ..راكان يبكي
وليد..لا ابوه لا ابو من جابه راكان عنده خدامته
بدرية ..لا مايصير هو مايتطمن الا معي
وليد ..بكيفك انتي الخسرانه بس افيدك انو المفتاح معي تبغينه
بدريه ..ايه اكيد تكفى ولودي جيبه
وليد ..يااالبيه وتبيني اعطيك المفتاح جنية انا اقول تعالي عندي لك سالفه
...
بكندى ..
أحمد ..جهزتو اغراضكم للسفر
سلطان ..انا مابعد ماياخذون وقت
عائشه ..انتو مسافرين للسعوديه ؟
عزو ..ايه نعم عندنا زواج بنحضر ثمن نرجع
عائشة ..مثلي يعني
سلطان ..حتى انتي عندك زواج !!
عائشه ..ايوا زواج أثير أختي
سلوى ..طيحتي قلبي على بالي زواج اخوج زياد
عائشه ..ههههههه لا تطمني
سلمان . على شذي .بتفضى كندى من غيركم
سلطان ..وش دعوه انتو فيكم الخير
ريماس..بجد تعودنا عليكم لا تطولون علينا
أحمد ..وحنا نستغني بس نحضر الزواج وعلى المطار دوقري
سلمان ..وانتي ياعائشه
عائشه ..والله ماادري انا حدي مشتاقه لأهلي ومن زمان عنهم يمكن اطول شوي
سلطان ..والأختبارات
عائشه ..باقي وقت يمديني عليها
عزو ..الله يعينا الله الله يالربع بالنقش الزين مو تسحبون على المحاضرات ترانا معتمدين عليكم
سلوى ..أبشر انت سافر وماعليك ..
اليوم الزواج وكلن مبسوط ومزاجه عالي العال..
رشيد ..حبيبي وش هالزين اخاف يضنونك العروس
امينه ..هههههه عروس حامل خوش عرض خذها وولدها مجانا
رشيد ..اسمع هذا احسن شي انتي تدرين انو حملك هواللي المزينك اكثر
امينه ..يعني اللحين هاذ المديح والتغزل للي ببطني مو لي
رشيد ..افا وانا ولد ابوي الا لك ولك انتي وبس ,,اقول حوبي وشرايك تسحبين على الزواج عندي لك سالفه تبسطك اكثر من الزواج
أمينه ..لا لاحقين على سوالفك ويلا شغل السياره بلبس عبايتي
رشيد ..طيب اسمعي السالفه اول
امينه ..لاا يلا مشينا
رشيد ..طيب انتو ماتفوتون الزواجات ابد
امينه ..لا مانفوت ويلا مشينا
..
عبادي..ياأرض احفظي ماعليكي نوفا حبيبي بصراحه انا اخاف عليك تطلعين عند الناس كذاا
نوف.. لا تبالغ شوف بطني كيف صايره كأني بطه
عبادي..احلى بطه وربي
نوف..يعني بطه
عبادي..لا حبيبي وربي تهبلين اصلا بطنك زايد من جمالك
نوف..ايه صدقتك واللي يقهر حتى الكعب ممنوع
عبادي..ههههههههههه تدرين شكلك غلط وش رياك تجلسين معي ونسحب على الزواج
نوف..ايش ليه مجنونه انا هذا عرس اختي ولزمن اكون اول الحاضرين
عبادي..وبطنك
نوف..عادي هذا عبير وأمينه حمل بعد جات علي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك