رواية كابرت بفراقك مع اني تألمت -19
لجين وعلامات القهر وسكرت الخاطر على وجهها : ليه تكذب علي اوف
تركي ماقدر يكتم خقته عليها وعلى حركاتها العفويه : علشان اشوفك
لجين مستغربه من اللي سمعته يمكن تتوهم يمكن ماقال كذا هو وحبت تتأكد : اييش
تركي ضحك على وجهها كيف انقلب الوان وحب يجننها : اقول سلامتك
لجين بعصبيه : لاوالله ياتركي قلت وش قلت تكفى
تركي حب في لهجتها الترجي واستسلم : اشتقت لك
لجين هالمره شوي ويغمى عليها ماصدقت هذا يطلع منه ونزلت عيونها بالارض
بعكس تركي اللي كانت عيونه معلقه عليها ومدقق في ملامحها
وبحركه جريئه حط راسه على صدرها وقال
تركي : تعبان يالجين
لجين هنا ماقدرت تسوي شي غير انها تجمدت
تركي : احس اني متضايق وابقى احد يفهمني ويسمعني
لجين : .............!!!
تركي: اسف اذا بيوم ضايقتك توني احي بطعم الضيقه
لجين بهمس : انت ماضايقتني انت جرحتني ياتركي
تركي : والله اللحين جالس ياخذ حقك مني
لجين : قتلت كل احلامي ياتركي وقسيت علي
تركي رفع راسه من على صدرها وحس بالراحه بس مجرد انه بس اسند راسها على صدرها
تركي : اسف يالجين اذا بيوم ضايقتك او جرحتك
لجين بإبتسامة سخريه: وتتوقع هالكلمه بتبري الجروح
تركي : وش تطلبين مني بسويه
لجين : الطــلآق
تركي : اييييييش
لجين ببكي : من يوم ماعرفتك وانا بتعب وهم وضيقه
وجودك اكبر هم بالنسبه لي عذبتني ياتركي عذبتني طلقني ماابيك طلقني
تركي : انتي ...............
.................................................. ............
انتهـــــى البــــــارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت السادس عشر:-
تركي : انتي بالقلب دخلتي ومستحيل اطلقك
لجين : بس انا ماابيك تعرف شنو ماابيك
تركي : مو شرط تبيني اهم شي انا ابيك
لجين وعيونها غرقت بالدموع : كيف تعيش مع وحده ماتبيك
تركي: عادي انا راضي انتي ليه مزعله نفسك ...ورفع ايده على خدها
ومسح الدموع اللي نزلت على خدها الابيض
وماابغى اشوف دموعك هذي تفهمين
لجين برتباك من لمسته لها : مالك دخل فيني وانا ودموعي حريين تفهم
تركي : لا من قال من يوم ورايح انتي كلك ملكي انا
لجين مستغربه من كلامه اللي تحسن معاها بثير بعكس قبل الملكه وسرحت وهي تفكر بأيامها معه شلون راح تكون وكيف كانت
تركي جلس يطالع فيها وهي سرحانه وجلس يناظر فيها من عيونها الى انفها الى شفايفها الورديه ووقف عندها وماقدر يمسك نفسه لجين سرحانه ومومعه بس لما قرب منها انتبهت لقربه واستغربت ومن صدمتها فيها ماقدرت تسوي اي شي واستسلمت له
تركي ماقدر يتحمل اكثر وقرب منها وانفاسه تصقع وتصدم بوجها وغمض عيونه
لان شفايفه لامست شفايفها وماقدر يحرم نفسه من بوسه على شفايفها وحس بتجاوب معه
ومادامت البوسه ثواني الا ابتعدت لجين عنه وهي تشوف تركي قدامها وكيف كان قريب منها طلعت منها حركه لااراديه وعطته كف على خده وقالت: لاتفكر بالهلبوسه بتبري جرحي وبتستقلني اكرهك ياتركي اكرهك واكره انتهازك لي ولعبك بمشاعري
قالت كلامها وراحت بعيد عنه متوجهه لداخل
تركي مو مستوعب هو كيف قرب لها وباسها ومن وين جات له الجرئه
وفهم ان من كلامها زاد الطين بله هو ناوي يحسن العلاقات معاها وهي
كرهت اكثر بحركته ندم انه باسها وعصب من نفسه وطلع برى البيت ركب سيارته متوجه لشاليه علشان ياخذ له كم حبه تريحه
.................................................. .....
بعد ايام العزى والحزن
انتهت ايام العزى بس الحزن بقلوب اللي يحبون نواف
الجوري ام نواف وخالته واخوانه واهله جميع
.................
الساعه 11 ليلا
في بيت افنان
.
.
.
محمد حمودي حمود ووجع
محمد وهو يخبي ال100 اللي عطاه عز
وافنان دخلت عليه وشافته يخبي شي ومن شافها التفت لها بخوف
افنان بنظرات استغراب: شتسوي هنا
محمد : هاااااه
افنان : اتوقع اني اتكلم عربي ستشوي هنا
محمد : مااسوي شي
افنان : وش خبيت
محمد ك ولا شي
افنان : يووووه شكلي بروح اجيب النعال واقطعها على راسك
محمد بخوف :لالالالالالالالالا
افنان : بتقول ولا لاء
محمد : بقولك
افنان : يلا اسمع
محمد : اممممم هذي 100 ريال
افنان بصدمه : ايش 100 من وين سارقها هاهي الملعون
قمنا نسرق وقربت منه وقرصته بأذنه
افنان : اشوف تكلم من وين لك بسرعه
محمد يصرخ من الالم : اااااااخ ماسرقتها عطاني اياه عمي عز
افنان تركت اذن محمد من صدمتها : ايش
محمد : والله بقولك السالفه كلها وماراح اكذب عليك
افنان : قول اشوف
محمد : شافني برى العب قالي ادخل عن يصير لي شي
افنان : اييييييه
محمد: وقلت له ان اسمه المغرور وانك انتي اللي قلتي لنا اسمه كذا
افنان بصدمه وصراخ : اييييييييييييش
محمد : والله مااكذب
افنان: ايش قلت له
محمد : قالت له انك تسمينه المغرور
افنان : وايش قالك هو
محمد : ماقال شي سكت وقالي لاتقول لاحد وعطاني 100
افنان : بس
محمد : والله ماكذبت عليك
افنان : اكيد حمود ترى ان اكتشفت انك تكذب لاتلوم الا نفسك
محمد: والله مااكذب
افنان بنظرات خبيثه : طيب وين 100
محمد : عندي ليه
افنان : ايش انت يالبزر تقول لي ليه
محمد: عطاني لي مو لك
افنان : بعد بتذلنا قلت لك وين بخبيها لك
محمد : ماابي خليها عندي
افنان تقرب من محمد : بعدين ريم تاخذها وانت ماتدري
محمد اقتنع وخاف ان ريم تاخذها: طيب خلاص
طلع محمد ال100 من عنده وعطاها وقال : انتبهي لاتسرقها
افنان بإبتسامه: طيب
ريم : ماشاءالله وش عندكم هنا وانا ادوركم
افنان : خير ان شاءالله وش تامرين عليه
محمد : اخو واخته جالسين انتي وش عليك
ريم : لاوالله وانا مو اختكم بنتن البطه السودا
محمد : هههههههههه
افنان : والله لو اعرف بس من وين تجيبين هالكلام
محمد: من صديقاتها
ريم : انطم انت
افنان : خلاص انتي معه يلا قومو نتعشى
قامو محمد وريم يتعشون مع اختهم
في بيت بو فهد (بالمجلس) الساعه 1 فجرا
.
.
.
:ايه خلاص اسبوعين وانا هنا
فهد : ليه انت تبغى هناك خلك هنا والله احسن
فيصل: ونترك الحلال ماله رئيس هناك
فهد : الحلال اللحين توك تنتبه له ان ماله رئيس بالرياض
فيصل: ههههههه لهدرجه بتشتاق لي
فهد : هههاي مصدق نفسك وربي
فيصل: طيب ليه اجل تبغاني اجلس هنا
فهد : علشان تسليني وتغير علي جو واشوف لي واحد يلصق فيني
فيصل: كثر منها من اليوم انا رايح
فهد : لا عاد لكرى يصير خير اليوم لا
فيصل : تعال انت وش قصتك حاس في قلبك كلام وحاب تقوله
فهد : مهموم ومشتاق
فيصل : افى الهم ماله بقلبك مكان وانا اخوك
اما الشوق ماقدر اسوي شي
فهد : مهموم على اختي اللي ماعاشت سنينها اللي يشوفها يقول عمرها 60 سنه
طول يومها بغرفتها وغير كذا صراخ وصياح وتفزع من نومتها اخر الليل وامي ماتنام الا معها وانا مو بيدي شي ومشتاق لافنان من زمان ماشفتها وغايبه عني ومادري وش اخر اخبارها
واحس اني مقصر معاها واخاف انها نستني
فيصل حزن على حال الجوري اللي مايسر لاعدو ولاصديق وقلبه مع ذكراها يتعصر الم وده هو اللي ينام معاها ويمسح دموعها ويريحها
فهد : ياهوووووه وينك
فيصل صحى من التفكير في الجوري: معك معك
اختك الله يهديها ان شاءالله وبتنسى نواف
اما افنان والله مادري وش اقولك حاول تعرف اخبارها لو تزورها
فهد : كيف ازورها من غير الجوري وهم لحالهم بالبيت فيها شك
اخاف اجيب لهم القيل والقال ماابغى اكون سبب في احراجهم
فيصل: تتوقع هي تحبك وتبغيك
فهد : بعض الاوقات احسها تحبني وبعضها احسها تبذني
مره احسها تفرح لشوفي ومره تتضايق مادري والله
فيصل: طيب ليه ماتخطبها
فهد : تبغاني اخطبها ونواف ماصار له شهر من مات
فيصل: مو كذا قبل لايموت الله يرحمه ليه ماخطبتها
فهد تبغاني اقولك ا نامي تبغى تخطب لي اختك وانا ماابيها.. هذا اللي كان بقلب فهد بس مستحيل يقوله : مابغى اخطبها قبل لااتأكد من مشاعرها
فيصل: انت خذ رايها بالموضوع قبل لاتطير البنت من ايدك
وكأنه تذكرحاله يوم عرف انها ماراح تكون من نصيبه وكان كاتم حبه لها
فيصل: لاتنتظر اذا تحبها اخطبها
فهد : ااااااااااااه ياقلبي خل اهلي يبرى حزنهم وجرحهم
وان شاءالله لكل حادث حديث
فيصل: ان شاءالله طالع بساعته اووووووف الساعه 1 ونص يلا يلا انا رايح تامر بشي
فهد : تو الناس وين رايح تعال خلك معي
فيصل : لا يون ارتاح انا ان شاءالله قبل لااسافر بجيك
فهد : نام عندي اليوم
فيصل: لا وين ماعندي بيت ههههههه
فهد : تكفى يلا عاد نام عني بس اليوم
فيصل: لاتحاول عنيد ههههههه يلا سلام
فهد: يالقرد اوريك ماابي منك شي طس عن وجهي
وبكرى لاتجيني ماابغى اشوف وجهك يامعفن
فيصل : افى كل هذا بقلبك علي ماتوقعتها
فهد : من يوم ورايح توقعها طيب
فيصل:مشكور يجي منك اكثر
طلع فيصل ماخذ من خاطره على فهد وفهد حس ان فيصل زعل فطلع يلحقه ويتسامح منه
قرب فهد من فيصل وركض قبله ع السياره ووقف بوجه الباب
فهد : زعلت افى ماحد يمزح معك الا زعلت اسفين وهذي بوسة راس .. وباسه ع راسه
فيصل بإبتسامه : ههههههه زين انك حسيت
فهد : طلعت زعول فصول
فيصل: مازعلت بس ابغى اشوف غلاتي
فهد : والله غالي من غير ماتقيس غلاتك عندي
فيصل:مشكور وتسلم يلااللحين اقدر اروح
فهد : مو زعلان خلاص
فيصل: قالو لك بزر ازعل هههههههه لامو زعلان
فهد : هههههه اجل روح عليك الامان
وبعد شوي عن الباب للسياره علشان يخلي فيصل يركب ويروح لاكن اللي وقف الثنين
صوت جوال فهد
فهد : هلا يما .....ايــــــــــش: .........طيب طيب جايك
فهد فيصل تكفى جهز السياره الجوري طاحت عليهم داخل
ركض فهد داخل البيت ورجع بسرعه وبيده الجوري مغطيه بعبايتها وركبها سيارة فيصل
فيصل كان واقف مو مستوعب اللي سمعه الجوري مغمى عليها وبين الحيا والموت
صحاه من صدمته صوت فهد وام فهد اللي كانت تناديه
فهد : يلاااا يافيصل بسرعه
ركب فيصل سيارته وبأقصى سرعه على اقرب مستشفى
وصلو وكانو الدكاتره مجهزين السرير لان فهد عطاهم خبر انهم جايين
وكانو مجهزين كل شي والدكاتره يشيلونها انفتح الغطا وبان وجهها
وفيصل اتبه ان وجهها بان وجلس يطالع فيه وياليته ماطالعه
كانت الجوري غير الجوري وجهها غير وشكلها غير
لونه اصفر شفايفها زرق والهلات السودا مغطيه وجهها كله
صحى من تفكيره لم ام فهد غطت وجهها عن الرجال وخذوها الدكاتره
علشان يكشفون عليها
وجلسو ينتظرون على اعصابهم
فهد: يافيصل تقدر تروح ويجزاك الله الف خير تعبناك معانا انت كنت بتنام روح
ووراك سفر بكرى خلاص انا بدق على تركي يجينا انت لاتاكل هم
فيصل: افى ماتوقعتها والله تعب ايش بلا كلام فاضي وان شاءالله تطلع بالسلامه
فهد حس ان اللي جنبه اخو وعزيز: تسلم وماقصرت
فيصل: لاشكر على واجب
طلع الدكتور وتوجهو له ام فهد وفهد وفيصل ظل بعيد ماحب يدخل نفسه من بينهم
ويمكن في شي خاص مايصلح اني اعرفه
الدكتور : الحمد لله قدرنا ننقذها بس هي تعبانه كثر
حالتها صعبه وواضح انها لاتاكل وحالتها محتاجه اكل وواضح انها متعرضه لصدمه قويه
فهد : ايه صايره لنا ظروف هالايام
الدكتور : الله يعينكم اانا اقول لو تعرضونها على دكتور نفسي
ام فهد : ايييييييييييييييش
فهد : مشكور وماقصرت بس اقدر اعرف متى تطلع
الدكتور : محتاجه للملاحظه والمغذي ان شاءالله بكى الصباح تقدرون تاخذونها معاكم
انا استئذن وفي الخدمه
راح الدكتور وفهد توجه لفيصل
وسمعه فيصل وهو يتحلطم
فيصل: بشر
فهد : الحمد لله بس حالتها الصحيه يقول مدهوره
فيصل: ان شاءالله تقوم بالسلامه
فهد : الغبي يقول عرضوها على دكتور نفسي
والله مو محتاج لدكتور النفسي الا هو امثاله
فيصل: ايييييييييييش
فهد : ماعليك تركه عنك
فيصل مصدوم من كلام فهد اللي قاله له الدكتور معقوله الجوري محتاجه دكترو نفسي
ليه وش صاير لها لهدرجه تعبانه ونفسيتها زفت الله يشافيها يارب وترجع نفس قبل
فهد : وماراح يرخصونها الا بكرى بنروح البيت وان شاءالله برى بنجيها
فيصل: اوكي خلني اخذكم البيت واروح اريح وان شاءالله ماتشوف شر
فهد : اوكي ... يما يلامشينا
فيصل: اجر وعافيه على قلب الجوري ياخالتي
ام فهد : الله يعافيك ماقصرت تعبناك معانا
فيصل: افى ياخالتي انا بالخدمه
ام فهد : تسلم وماقصرت ... فهد يما ابجلس هنا مع اختك
فهد : لا يما وين هي ماراح تدري عنك ولاراح تحس فيك
ام فهد : مايدعيني قلبي اترك بنتي هنا لحالها
فيصل: خالتي لازم ترتاحين انتي وان شاءالله الجوري بتكون بخير
فهد : يلا يماا ارتاحي وان شاءالله من الصبح بنكون عندها ناخذها معانا
اقتنعت ام فهد ومشت معاهم وركبو سيارة فيصل ووصلهم
لاكن كيف يهدى له بال والجوري مو مرتاحه وتعبانه ماهدا قلبه الا وهو عند باب غرفتها بالمستشفى بيجلس الى ماتصحى وبيروح
جلس شوي جات فكره بباله ونزل تحت وخذ لها بوكيه ورد جوري
وعطاه للنيرس تدخله لها وكتب عليه الف صحه وعافيه عليك
شوي اذن الفجر راح يصلي بمسجد الموجود بالمستشفى ودعا بصلاته لها ان الله يقوم الجوري بالسلامه ويشافيها ويعافيها ورجع لها فوق
(هل انت تحبها)Do you love herشافته النيرس وقالت:
فيصل وكأن كلمتها جاته على الجرح فسكت ومارد عليها
ابتسمت النيرس وكملت طريقها
فيصل جلس صوت النيرس يرن بأذنه وكأنها تتكلم معه اللحين
واستغرب شلون عرفت لهدرجه واضح عليه انه يحبها
طلع نور الشمس اللي يعلن عن يوم جديد
وصحى الكل وبدت الزيارات اللي بالصبح وعلشان مايخلي الجوري
لحالها دق على فهد
فيصل : الوووووو
فهد بصوت كله نوم : هلا
فيصل: الله الى اللحين نايم
فهد : تو الناس وش تبي
فيصل: بس بقولك اني يمكن أآجل سفرتي
فهد : زين اقتنعت
فيصل : ااجلها مو ماراح اروح خلاص
فهد : ان شاءالله تعقل وتجلس
فيصل: تعال شخبارها خالتي ان شاءالله احسن حسيت خاطرها مكسور
من اللي صار للجوري امس
فهد : يوه ذكرتني الجوري
فيصل بقلبه زين وصلت لك المعلومه: يوه روح خذها لها مسكينه تلقاها مانامت
فهد : زين انك صحيتني يلا هذاني قمت بس تعال صوتك تعبان كأنك مانمت
فيصل: ايه جلست شوي الا اذن الفجر قلت خلني اصلي وانام وللحين ماجاني نوم ويوم شفت ان الشمس طلعت علي ولانمت قلت ماراح اروح اليوم لاني مانمت وأجلتها
فهد: زين انك اجلتها اجل اشوفك على خيريلا سلام
فيصل : سلام
ارتاح فيصل ان فهد بيجي للمستشفى
نص ساعه وبعد عن غرفة الجوري وجلس يراقب من بعيد ويوم شاف ان فهد وام فهد وصلو
طلع من المستشفى وكان موقف سيارته بمكان بعيد علشان ماحد يحس عليها
وصل بيتهم واخذ له دوش ونام وجسمه تعبان وعقله يفكر بالجوري
دخلت ام فهد وفهد على الجوري وشافوها صاحيه وبأيدها كيسة الورد
ام فهد : الحمد لله على سلامتك
الجوري: يما وينك عني تتركيني لحالي
ام فهد : انا جنبك شوفيني
فهد : الحمد لله على سلامتك
الجوري: الله يسلمك
يما شوفي هالورد من نواف جابه لي
ام فهد دمعة عيونها على حال بنتها اللي لايرضي لاعدو ولاصديق
فهد بقسوه : يالجوري نواف مات متى بتصحين ادعي له بالرحمه
الجوري: ههههههههههههه ادري انه مات بس ليه راسل لي الورد
فهد : انالله وانا اليه راجعون
ام فهد :الله يصلحك يابنتي وجلست تضم بنتها وتصيح
...............................
الروايه من هالاجزاء راح تبدا
اللي قبل مجرد مقدمه للقصه ادري مقدمه طويله
بس حبيت اخذ راحتي بالتعريف عن ابطالها
راح تظهر شخصيات جديده ولها تأثيرها على قصتي
اتمنى لكم قرائه ممتعه
..........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت السابع عشر:-
ناظرني بطرفه الساهي ...
...وكنت أسأل ,,, دايم أسـأل ..
ياترى وقال لو تفارقنا أمـــــــوت ..!!!
وأفترقنا ...
لارسايل ... ولا صــــوت وش صار فيه ..؟؟؟
قالوا : "" بـخــيــــــر ""
ماعليه صار أجمل وأبتسمت وقلت هذا اللي أبيه ...
بـــــــس ...
كيف انا صدقته يوم قال بــــمـــــوت..!!!!
.................................................. .....................
بعد مرور شهر ونص
الكل يجهز لرحلتهم اللي راح تكون بكرى لمزرعة بو فهد
واخوانه والكل راح يروح البعيد قرب والقريب جهز للرحله
وخذو اغراض تكفي لشهر ام فهد كل شي تحبه الجوري خذته
وعلشان تفرح الجوري اكثر وتغير الجو وتخليها تنسى عزمت صديقاتها
افنان وساره ولجين
واللي مقترح هالاقتراح فيصل على فهد علشان الكل
يغير جو
اما ام نواف ماقدرت تروح مالها نفس لأي شي
تحس ان البيت ظلم من بعد نواف وابوه
وطلبت من عيالها يرحون بس مارضو يرحون
وانسحبو من الرحله واعتذرو لأم فهد عن الروحه
...................................
يوم الخميس الساعه 8 الصباح
هاااااه بشر كل شي جاهز هناك
فيصل وهو من اليوم اللي قبله وهو هناك يجهز ويساعد العمال في التنظيف: ايه كل شي بس ننتظر طلتكم
فهد : ان شاءالله على الساعه 9 او 10 احنا عندك
فيصل : حياكم بس ترى انا يمكن ارجع البيت اريح واجيكم على العصر
لاني ماجهزت اغراضي ولا شي بس راح توصلون انا راح اطلع
فهد : اهاا طيب تامر على شي
فيصل: ابد سلامتك يلا فمان الله
فهد : الله يسلمك فمان الكريم
قفل فهد من فيصل ووجه الكلام لأمه
فهد: يما وين تركي مايجي يساعد
ام فهد : والله نايم هو بالله عليك متى ساعد او فكر يساعد بس نايم
فهد : والله مو على كيفه هو داخل على وجه زواج حتى وظيفه مو متوظف
ولا حتى تارك هالسره مادري كيف انتو رضيتو تزوجونه
ام فهد فاهمه كلام فهد وعارفته بس مابيد حيله وش تسوي : عزت منه وانا امك مو راضي يسمع لي تعبت وانا اقول له مو راضي يسمع مني كلمه انت يمكن يسمع منك
فهد: مو على كيفه بكرى يفشلنا عند بنت الناس ان شاءالله الحين بخليه على راحته بس نرجع من المزرعه انا اوريك فيه مو على كيفه الموضوع لو يبغى يكمل لعب ليه من البدايه خطب
ام فهد : الله يهديه ويزينه بالعقل
فهد : امين يلا يما جهزتي اغراضك
ام فهد : ايه بس باقي اغراض الجوري ولا انا وابوك من وين جاهزين
فهد : ههههههههه اعرفه ابوي كل شي عنده ولا التأخير
ام فهد : من يومه نظامي يلا انا رايحه اشوف الجوري لانتأخر انت دخل الاغراض بالسياره
فهد : تركي احد بيروح معه
ام فهد وهي متوجهه لدرج: دخيلك خله يقرر بيروح او لا بعدها قول احد بيروح معه اولا
فهد : انا لله والله هالولد بارد ومريح ودي اروح فوق لغرقته واكفخه الى مايصح
ام فهد : ههههههههه يلا خذ الاغراض لانتأخر
وصلت ام فهد لغرفة الجوري وشافتها تدخل اغراضها بالشنه وتسكر عليها
ام فهد : السلام عليكم هاه يما خلصتي
الجوري بإبتسامه ذابله : وعليكم السلام ايه يما خلصت
ام فهد :يلا وانا امك لانتأخر لان ابوك وعمامك راحو الشركه بيخلصون كم شغله ويسبقونا
الجوري وهي ماتدري ان افنان وساره ولجين راح يجون للمزرعه وعلشان كذا زايده ضيقتها : ان شاءالله بس اخذ عبايتي
ام فهد : ماتبغين تروحين لسوبر ماركت تشترين لكم كم غرض
الجوري: تعرفيني اذا لحالي مااحب اكل كثير
ام فهد : مع بنت عمك وابوك عازم عيال عمك اللي بالرياض وانا عزمت عيال خالك
كلهم بيجون بس خالتك ماراح تجي عزمتها بس اعتذرت
الجوري تذكرت نواف ودمعة عينها وام فهد لاحظت هالشي وحضنتها وجلست تبكي الجوري بشهقات مسموعه
ام فهد : هذا قضاء وقدر وانا امك والله هو له حكمه بالهشي وكلنا بنموت
ادعي له يما بالرحمه انتي كذا تعذبينه بقبره الله يرحمه ويدخله الجنه من اوسع ابوابها
الجوري: بس كلكم نستوه والله ياماما احبه والله هو قطعه من قلبي شلون انساه نفسكم ماني عارفه
ام فهد : بالقران والصلاه الله بيهونها عليك ومافيه احد مايحب نواف كلنا نحبه واحنا مانسناه بس اذا جلسنا حزينين عليه طول العمر معناه ان بنزيد امه اللي هي اختي مسكينه شوفي حالها لايرضي لاعدو ولاصديق قولي الله يرحمه ...ورفعتها من حضنها .. ومسحي هالدموع اللي غرقت جلابيتي اللي توني لابستها وش رايك فيها حلوه
الجوري مسحت دموعها وجلست تبتسم على امها اللي جالسه تسوي نفس عارضات الازياء وتحاول تقلدهم الجوري: ههههههه يما وش جاك
ام فهد وهي تسوي هالحركات وتحاول تضحك الجوري: وش فيك لايكون الشقر واللي عيونهم زرق احسن مني
الجوري وهي بدت تضحك بصوت مرتفع : ههههههههههه لاحشى محشومه هههههههههاي
ام فهد : ههههههههههه حسبي الله على عدوينك تتمسخرين علي هاه اقول خلصي علنيا خلينا نروح لايسمعنا فهد نضحك وهو يشيل الاغراض بيحلف انه ماياخذنا
الجوري :هههههه ليه معصب
ام فهد : مادري عنه على تركي
الجوري: ايه يما تركي مصخها
ام فهد : تونا انا واخوك فاتحين موضوعه لاتقعدين تلجين راسي يلا بسرعه نزلي على ماانزل عبايتي
الجوري : طيب طيب امي امل بتجي ولا لا
ام فهد : والله قلنا لها هي وزوجها ومادري بتجي او لا
الجوري : طيب جد عزمتي عيال خالي
ام فهد : ايه والله عزمتهم كلهم وان شاءالله على العشا واصلين ان شاءالله
الجوري:بالسلامه ان شاءالله
شوي الا سمعو صوت فهد اللي رج البيت
فهد من بعيد : يماااااااا يمااااااااا يااااااا ام فهــــــــــد
ام فهد : يووووووه يوووووه من يقول ام فهد يعني مصعب يلا يلا بسرعه نزلي له
الجوري:ههههههههههه والله نكته هالفهد طيب يلا
خذت اغراضها وعبايتها ونزلت تحت
الجوري شافت فهد وهو معصب وخافت لايقول لها كلمه هنا وهناك
فهد : شرفتي وين امي
الجوري: وراي بتنزل يلا نمشي
فهد : يلا
بعدها بخمس دقايق طلعت ام فهد وراحو مع فهد
والاغراض والخدامات مع السايق
.................................................. ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك