رواية الحظ لو عاثر بصنع أنا حظي -25
اقول ضف وجهك قبل لا اكسرة لك,,وانتي ادخلي احسن لك ,وسحبوها بالقوة
انس ثارت اعصابه وهو يسمع صراخ البنت وماتحمل المنظر وهجم عليهم
بس هم ثلاثه وهو واحد والمثل يقول الكثرة تغلب الشجاعه
والشباب نزلوا فيه ضرب وترفس لين اغمى عليه
البنت هربت وحصلت دوريه بطريقها وقالت لهم يلحقون على انس
وفعلا جات الشرطه وشالوهم جميع انس عالمستشفى يخيطون الجرح اللي براسه
والبقيه عالقسم والبنت معهم
وبعد ماخلص انس جابوة عالمركز
الضابط ممكن اعرف سبب الهوشه اللي صارت
الكل ساكت
الضابط يعني ماراح تتكلمون؟ وانتي ياحلوة مو خجلانه من نفسك ؟؟
اكيد الهوشه عشانك .وكل واحد يبك له لوحده
البنت والله مو كذا الموضوع انا كنت ...
انس هذي خطيبتي وهالدشير تحرشوا فيها وانا ماتحملت وصار اللي صار
الضابط انت خطيبها؟؟؟؟
انس ايه وياليت تنهي الموضوع بسرعه وتخلي البنت
تروح لبيتها مانبي فضايح على اخر اليل
الضابط ودامك ماتبي فضايح وشوله مخليها تطلع باخر الليل؟
انس هذا شي خاص وماله دخل بالتحقيق
الضابط يطالع لانس بنص عين
انس وشفيك مو عاجبك كلامي؟
الضابط يكلم الشباب اللي يقوله هالولد صدق والا لاء؟
الشباب ..................
الضابط وانتي مابتتكلمين؟
البنت.......
الضابط بصوت عالي خطيبك والا لاااء
البنت ايوة خطيبي
الضابط يكلم انس بامكانك تاخذها وتروحون للبيت
واحد من الشباب واحنا؟؟
الضابط ههههه لا انتوا بتنورونا هنا حياكم ,,ياعسكري خذهم عالنظارة
*&*&*&*&*&*&*&*&*&*&*&*&*
ياسر بعد ماطلع من الزواج راح عالبحر وحصل احمد هناك
احمد هلا والله بالشيخ ياسر
ياسر هلا فيك وش عندك هنا؟
احمد هههه زي اللي عندك
ياسر ايييه اللي عندي يهد جبال وانا اخوك
احمد هونها وتهون وارمي حمولك على رب العباد
ياسر ونعم بالله ,بس من جد وش جايبك هالحزة
احمد ضايق خلقي ومخنوق
ياسر شكلنا بالهوى سوى.,الا بسئلك انت ليه للحين ماتزوجت
احمد هذا انت تزوجت وماارتحت يعني الزواج مو راحه
ياسر انا مو مقياس لك’ وبعدين انت انسان خلوق وناجح بعملك
ووضعك المادي ممتاز يعني مافيه سبب يمنعك من الزواج
احمد شسوي بهذا,,ويأشر على قلبه
ياسر اهااا يعني القلب متولع باحد
احمد ايه متولع بس ربي ماكتب ان هالحب يكتمل
ياسر شوف انا طبعي مو حشري بس الليله
بخربها وبصير حشري واسئلك عن هالموضوع
احمد حكى لياسر السالفه كلها من بدايتها
ياسر طيب يالغالي تبي رايي؟
احمد اكيد رايك يهمني
ياسر امك معها حق ,وانا من رايهالان حب النت مو حب حقيقي
يمكن اعجاب يمكن تعلق باسلوب الشخص لااكثر
واللي يقول غير كذا غلطان,الحب لازم يكون اللي تحبه قدامك
او شفته وعيونك جات بعيونه مو من ورى شاشه بس
ولا تقولي شفت صورتها ترى حتى هذي ماتكفي
اذا ماتحس بقرب اللي تحبه هذا مااعتبرة حب
احمد عارف بس شسوى القلب ومايهوى وانا هويتها
ياسر الله ينور دربك ويوجهك للطريق الصح,,امم شكلك تحب البحر؟
احمد اعشقه عشق
ياسر مثلك تمام ,ولي معه ذكريات حلوة
احمد نفسي ابني لي خيمه واسكن هنا على طول
ياسر ههههههه اما عاد خيمه
*&*&*&*&*&*&*&*&*&*&*&*&*
ضاري وحلا سافروا لندن وطول ارحله ضاري ساكت
وحلا مستغربه بس ماتكلمت وماحبت تحرج نفسها واول ماوصلوا رحوا عالفندق
داخل جناح العرسان
حلا كانت حاسه بفرح على دهشه على استغراب على شوق
كثير مشاعر حست فيها بس ماقدرت تحددها
دخل ضاري الغرفه وكانت حلا متشيكه عالاخروطالعه مثل القمر
قرب منها حيييل وحلا حست بكل خليه بجسمها ترتجف
ضاري رفع راسها بيده وحلا رفعه عيونها لعيونه
و و
طـــرااااااااااااااااااااااااااااخ
انس طلع من القسم وركب سيارته وكان بيمشي بس شاف البنت
واقفه جنب القزاز حقه
انس خير وشفيه بعد؟
البنت انا انا ابي اشكرك على وقفتك معي ,بصراحه انت رجال بمعنى الكلمه
انس ماسويت غيرالواجب ,بس ياليت تحترمين اهلك المرة الجايه
وماتعيدين اللي صار
البنت والله انت فاهم الموضوع غلط انا صديقتي تحب واحد
ومن زود ثقتها فيه عطته صورها, والحين هو جالس يهددها بالصور
والمشكله طلب منها 10000ريال عشان يرجع لها الصور, وهي طلبت
مني اعطيه المبلغ واخذ الصور,بس هو طلع حقير وكان بيخطفني
انس وليه حضرتها مااعطته المبلغ؟
البنت ابوها مانعها من الطلعه
انس وانتي عادي اهلك يخلونك تطلعين بنص الليل؟
البنت امي متوفيه وابوي وزوجته الليله طالعين وبينامون برا البيت
عشان كذا طلعت,بس والله اول مرة اسويها ولو موصديقتي ماطلعت وغامرت
انس عندك رقم صديقتك؟
البنت ايوة عندي ليه؟
انس بتأكد من كلامك
البنت عطته الرقم وهو دق
انس الو السلام عليكم
هنادي هلا وعليكم السلام
انس تعرفين بنت اسمها,,ولف للبنت
انس وش اسمك؟
البنت رواسي
انس بنت اسمها رواسي؟
هنادي ايوة صديقتي ليه
انس انتي ارسلتيها بفلوس لشخص؟
هنادي ايه بس من انت وليه تسأل؟
انس انتي ماتستحين؟ عارفه ان البنت كانت بتروح فيها بسببك
لولا الله ارسلني لها وفي هالوقت بالتحديد ,كان هالحقير واللي معه خطفوها
هنادي انت وش تقول
انس الحقير اللي ارسلتيها تعطيه الفلوس جاب معه شله وكانو بيخطفوها
وقفل الخط ولف لرواسي وشافها تبكي
انس ليه تبكين الحين؟
رواسي اتحيل لو ماكنت موجود و خطفوني من جد وش بيكون حال ابوي
لو عرف اكيد ماراح يصدق اني مظلومه
انس ربك سترها هالمرة بس ان شاء الله ماتتهورين المرة الجايه
رواسي لا لا توووبه والله توبه
انس عطيني عنوانكم عشان اوديك
رواسي عطته العنوان ووصلها ورااح
*&*&*&*&*&*&*&*&*&*&*&*&*
في لندن وفي غرفه العرسان تحديدا
حلا ماسكه خدها هذي كلمه مبروك ؟؟؟؟
ضاري طالع لها ولف واخذ مخده ولحاف وراح نام بالصاله وخلا حلا بالغرفه
حلا((هذا وشفيه؟وليه سوى كذا؟لا هذا مو ضاري مو ضاري ))
*&*&*&*&*&*&*&*&*&*&*&*&*
راكان اييييش؟انتي وش تقولين؟
الدكتورة هوه دا اللي حصل احنا سبناها نايمه وجينا مالقيناهاش
واصلا قلنا لها ان الحركه مش كويسه عشان اللي ببطنها
راكان اللي ببطنها ؟يعني شوق حامل!!
الدكتورة ايوة حامل ولسى ببدايه الحمل ولازم ترتاح عشان ماينزل
راكان ومتى اختفت؟
الدكتورة احنا جينا الساعه2بالليل وماكانتش موجوده
راكان افف وش هالبلوة ياربي
عاليه روان تعرفين من هذا ,وتاشر على صورة حسام
عاليه هذا ابوك اللي كان نفسه يشوفك ويربيك بس الموت خطفه مننا
روان تطالع بامها ومو فاهمه الموضوع
عاليه كان لي الزوج والحبيب والصديق بس ماامداني اتهنى
انا وياه وكلها اسبوعين وكل شي انتهى
*&*&*&*&*&*&*&*&*&*&*&*&*
الكل عرف عن اختفاء شوق حتى ياسر عرف بس مااهتم وقال اكيد متفقه
مع حبيبها وبتعيش عنده
حتى بعد ماعرف ان شوق تركت رساله بالمستشفى تقول فيها انها ماتقدر
تعيش بين ناس شكوا وصدقوا انها خاينه ,وراح تبعد وتعيش وحيده ارحم من
انها تجلس والكل يناظر لها بنظرة احتقار ,وقالت لهم يقولون لياسر
انه راح يندم بوقت مايفيد الندم
راكان بلغ الشرطه عن اختفاء شوق والشرطه قامت بتحريات وعرفت
ان شوق اخر من شافها قال انها ركبت لموزين
*&*&*&*&*&*&*&*&*&*&*&*&*
حلا ليه ماتاكل؟
ضاري مالي نفسكلي انتي
حلا ولا انا لي نفس ,وقامت وشالت العشاء وودته المطبخ((ياربي ليه يعاملني
كذا؟معقول بطل يحبني ؟اجل ليه تزوجني؟ افففف ))
ضاري انا بطلع تبين شي؟
حلا(ودي اقوله خذني معك طفشت بس مااقدر )
حلا لا مابي شي
ضاري راح للثلاجه وفتحها وشرب مويه وطالع لحلا وكانت جالسه على طاوله الاكل وحاطه راسها عليها ,وكانت لابسه صميص وردي وفاكه شعرها
قرب منها وحط ايده على شعرها ولعب فيه شوي وبعدين
طلع من المطبخ بسرعه وصفق بالباب وراح
حلا(ياربي وشفيه ضاري اكيد فيه شي )
*&*&*&*&*&*&*&*&*&*&*&*&*
صقر هنوده لاتكسرينها ياقلبي
هند بابا خليني اكسرها وجيب غيرها عادي
صقر هههههه لاوالله وليه طيب
هند كذا
صقر بس انا مااشوف بدونها وعلى بال مااشتري غيرها كيف اشوف؟
هند خالي هاني يشوف مو زيك
صقر انا عيوني تعورني ولازم البسها
هند خلاص حتى انا ابي زيها
صقر بسم الله على عيونك,اممم تغديتي؟
هند ايه عمه نجود غدتني بس انا زعلانه
صقر افااا وش مزعل حبيبه بابا
هند ابغى ماما حلا وحشتني ليه ماتجي عندنا
صقر ماما حلا سافرت مع عمو ضاري وبتجي بعدين
هند يعني هيه ماتحبني؟
صقر لا تحبك , من قالك انها ماتحبك؟
هند جده تقول انها ماتحبني
صقر(الله يهديك يمه حتى هالصغيرة ماخليتيها بحالها)
صقر لا تحبك واذا جات بوديك عندها كل يوم اوكي
هند اوكييييي
*&*&*&*&*&*&*&*&*&*&*&*&*
سحر اقولك تو نجلا خبرتني
راكان ومن قالها هالكلام؟
سحر ماجده اخت صقروتقول انه طلقها ليله زواج حلا
راكان يعني ليله انها اختفت,اكيد ماتحملت انه طلقها ,حسبي الله ونعم الوكيل
سحر مافيه اي خبر عنها؟
راكان ابد تقولين فص ملح وذاب ,المشكله انها حامل وتعبانه
سحر لو عندها قرايب كنت قلت راحت لهم بس مافيه
*&*&*&*&*&*&*&*&*&*&*&*&*
بعد اسبوع
ضاري دخل الغرفه وكانت الانوار طافيه وحلا نايمه ولع جواله عشان يشوف
قرب منها وشافها نايمه وحاضنه صورة ,سحب منها الصورة بدون ماتحس
ولقاها صورته ((آآه ياقلبي والله تعبت وماعاد اقدر اتحمل اكثر من كذا))
قرب منها اكثر وباس خدها
حلا حست فيه وقامت مفزوعه
حلا يمممه وشفيه؟؟
ضاري بسم الله عليك مافيه شي
حلا ولعه المبه اللي عند راسها ضاري فيك شي ؟تعبان ؟
ضاري لا
حلا اجل ليه شكلك كذا؟
ضاري بدون شعور ضمها حيييل لصدره
ضاري آآآه لو تدرين اشكثر احبك
حلا ادري
ضاري لا ماتدرين لو تدرين ماكان عذبتيني طول هالفترة
حلا.............
ضاري تدرين ليه الكفف؟ وليه تعمدت اعاملك بهالقسوة
حلا اموت واعرف ليييه انت ماتعرف قد ايش مقهورة منك
وودي اعرف ليه سويت كذا وليه خربت احلى ليله بحياتي
ضاري لانك ضحيتي فيني عشان وصيه قاسيه وظالمه
ولو ماراكان وياسر والا كنتي الحين مع صقر وبحضنه
حلا بس انت تدري اني احبك
ضاري ادري بحبك بس كنتي بموتينه بغبائك
حلا...........
ضاري حلا انا احبك واعشقكوكنت راح اموت لو تم زواجك من صقر
حلا بعيد الشر عنك
ضاري مسك يدها وحطها على قلبه حاسه بقلبي كيف يدق بسرعه
عارفه ان هالدقات كانت بتوقف يوم مديت ايدي عليك بس كان
غصب عني ماكان عندي رد على عذابك لي غير هالكف
حلااخذت يده وباستها وحطتها على خدها
حلا هذي احلى يد واحلى كف اخذته بحياتي,والله احبك وعمري ماحبيت غيرك
ضاري يابعد قلبي انتي وانا اموت فيك
وماعاد اقدر اتحمل اكثر من كذا دقيقه وحده
>>>>مساااء الخير يالربع
ضاري لاحول ولا قوة الا بالله
انت ماتخلى اي لحظه حلوة او رومنسيه الا وتحشر نفسك فيها؟
>>>>ياخي مو بس انتوا تستانسون حسو بغيركم شوي
ضاري ومن ماسكك روح دور لك جو رومنسي بعيد عننا ,انا مادصقت اجتمع
مع قلبي وروحي تكفى اذلف ولاتخرب علينا الجو
>>>>طيب بجلس عاقل والله مااقول شي
ضاري هههههه حلللوة تكفى عيدها ,اقول تشووف الباب هذاك ؟
اذا ماتشوفه قولي وانا اوريك اياه
>>>>>ا اشوفه
وبروح بس ترى بطلع وانا زعلان,ومااظن
حلاوي يرضيها اطلع زعلان
ضاري مالك دخل بحلاوي
حلا برهومي لاتزعل بليز,بس من جد مالك داعي تجي بهالوقت
>>>>>انا مالي داعي؟طيب وش رايك اموته واجي انا مكانه
ضاري صدق انك ...... ...... مشفر محذوف .......
انس بغرفته ومو جايه نوم ((انا ليه كل ماجيت انام هالبنيه تجي على بالي؟
بس انا مستغرب ليه قلت للضابط امها خطيبتي بس شكلها جنان وهي تبكي
ههههه والله كنت راح اقولها يالبى قلبك هالعيون ماتستاهل تبكي
بس الحمد لله اني سكت))قام من سريرة بسرعه وغير بجامته ونزل تحت
ايناس انوس تعال شوف هالفلم يجنن
انس مو فاضي عندي مشوار
ايناس اذا بتطلع جيب لي معك بيتزا
انس اذا مانسيت ابشري
طلع انس وركب سيارته وماحس بنفسه الا وهوقدام بيت رواسي
نزل ودق الباب وطلع له رجال كبير بالسن بس متشبب
ابو ضاحي هلا ياوليدي امر
انس منحرج لان الوقت مو وقت زيارات
انس هلا فيك ياعم كيفك؟
ابو ضاحي بخير تفضل ادخل
دخل انس وكان بينه وبين نفسه وده ان اللي جاء عشانها تطلع بالصدفه ويشوفها
ابو ضاحي انا اول مرة اشوفك انت مومن الحارة صح؟
انس ايه ياعم انا مو من حارتكم بس انا جيت اتطمن على بنتك
ابو ضاحي اخس عليك ياقليل الحياء وش هالكلام؟
انس(كاني خربتها؟)
.>>>>>
خربتها بقوة مالت عليك
انس ياعمي لاتفهمني غلط اممم انا قبل يومين صدمت بنتك بسيارتي
بدون قصد وحاولت اوديها للمستشفى مارضت
وانا الحين جيت اتطمن عليهاواي شي تبونه انا مستعد
ابو ضاحي هي بخير وطيبه بس غريبه ماقالت لي ؟
انس الله يريح بالك عموما انا بس جيت اتطمن يالله سلام
ابو ضاحي والله ماقصرت ياوليدي ومشكور عالسؤال طيب خلك نقهويك
انس لا مرة ثانيه الوقت متاخر
مع السلامه
ابو ضاحي مع السلامه
بعد ماراح انس ابو ضاحي نادى رواسي
رواسي هلا يبه بغيت شي؟
ابو ضاحي انتي ليه ماعلمتيني ان فيه واحد صدمك
رواسي!!!!!!!!!!!!
ابو ضاحي عموما الولد ماقصر جاء يسأل عنك
وجاب هالاغراض خذيها ووديها للمطبخ
رواسي متعجبه..........
ابو ضاحي انتي هييي وشفيك تجمدتي مكانك وماتردين؟
رواسي هاه لا لا مافيه شي..وخذت الاغراض وراحت للمطبخ
رواسي(مين اللي صدمني؟؟ لا هذا شكله ملخبط بالبت
راحت لابوها وسئلته
رواسي يبه
ابو ضاحي خير وشعندك؟
رواسي امم وش لون السيارة اللي جاء فيها الولد؟
ابو ضاحي كامري سوداء
رواسي اهااا طيب عن اذنك
رواسي بغرفتها وذابحها التفكير((معقول يكون هو؟ بس ليه جاء يسئل عني؟
لا وجايب اغراض بعد,,يوووة نسيت ارتب الاغراض
الحين مرت ابوي بتسوي لي سالفه,,وراحت بسرعه عالمطبخ
وجلست ترتب الاغراض اللي هي عباره عن عصرات
وكم علبه بسكون وحلاوة ,وبعد حصلت ورقه صغيرة بين الاغراض فتحته وحصلت فيها رقم جوال,ولما شافت زوجه ابوها جايه خبتها بصدرها
ام ضاحي خلصتي والا باقي؟
رواسي لا خلصت
ام ضاحي طي روحي نضفي الحوش
رواسي
الحين؟
ام ضاحي ايه الحين اجل السنه الجايه؟
رواسي بس الحين قرب الفجر واخاف اطلع لحالي بالحوش
ام ضاحي انتي تخوفين بلد ,روحي بسرعه نضفيه لان جمعه الحريم
عندي بكرة الصبح,وابي الحوش يلمع
وبعدين سوى حلا وبسكوت ومن هالخرابيط,,وحسك عينك تنامين
والبيت مايبرق مفهوم؟
رواسي مفهوم((الله ياخذك ويفكني منك))
******************************
الهندي انا مايعرف انتي شنو يقول
شوق انا انا
الهندي انتي ايس مدام؟
شوق خذت ورقه من شنطتها وكتبت له اللي تبي وعطته الورقه
الهندي بس انا مافيه مسؤل بعدين ؟اوكي
شوق كتبت له انها ماتبي احد يدري عنها
******************************
عاليه يمه رواني مرة تعبانه انا باخذها للمستشفى
ام ضاري خليني اجي معك
عاليه مايحتاج
ام ضاري طيب خلينا ندق على راكان يوديها
عاليه لا راكان ولا غيرة ,,وراحت للمستشفى
د -مازن انتي وين عنها؟ مو شايفه كيف حرارتها ؟
عاليه الصبح ماكن فيها شي ارتفعت فجاءه
د-مازن هذا لانك مهملتها وماتدرين عنها
ومخليه كل شي عالشغاله, ياخي اذا مو قد الخلفه لاتخلفون من الاساس
عاليه هييي انت لاتنافخ علي خلاص شوف شغلك
وبدون طوله لسان لو سمحت,,وعموما انا ماعندي شغاله
والحمد لله مهتمه ببنتي فوق ماتتصور
د-مازن طالع فيها من فوق لتحت وكتب للبنت علاج ورمى الورقه لعاليه
عاليه انقهرت منه ابي اعرف انت على ايش حطوك دكتور
لااسلوب ولا احترام للغير افففف,,وطلعت وماسمع غير
صفقه الباب من وراها
رواسي(الحين وش قصده بهالحركه؟يبغاني اتصل عليه هالخايس؟
شكلك ماتعرف من انا ياانس وقطعت الورقه ورمتها
******************************
انس بغرفته يذاكر وكل شوي يناظر بالجوال
((يارب ماتدق يارب ,الحين ثاني يوم وباقي بكرة يارب انها ماتدق))
انس كان معطي رواسي 3ايام بيختبرها هل بتدق عليه او لاء
وقال لو دقت خلال المده بيمسح اسمها من باله ولو انتهت المده بدون
ماتتصل بتكون نجحت بالاختبار,قطع افكارة رنه الجوال برقم غريب
انس(خسارة خيبتي ظني وطلعتي مو زي مارسمت لك))
واخذ الجوال ورد ،
انس الوٍ
سآلم الوٍ . انس
انس ايوة من معي ؟
سالم ، انا اسمي سالم وحبيت ابلغك اني لقيت اخوك
راكان مضروب وينزف ووديته المستشفى
انس ، ايش ؟ متىآ ؟ وكيف ، ووين
سالم ، قبل ساعتين مدري من ضاربه وقالي ادق عليك وابلغك
انس مشكور اخوي بس بأي مستشفى ؟
سالم ، مستشفى .xxxxx
انس ، اوكي دقايق وانا عندكم .
بالمستشفى
د هيثم انا بلغت الشرطه ولو ان المريض رافض
دمازن احسن وهذا المفروض
د هيثم باين انهم حاقدين عليه ,وجع ماخلوا مكان ماضربوه فيه
د مازن زين مامات بس
د هيثم وانت وشفيك وجهك مقلوب؟
د مازن وشفيني بعد ؟من هالمراجعين اللي مايقدرون النعمه اللي عندهم
د هيثم قصدك الاطفال؟
د مازن ايه فيه غيرهم ؟ ياخي اذا ماعندهم وقت يربون ليه يجيبونهم اصلا
د هيثم مازن لاتعمم مو الكل زي ,,وسكت
د مازن لاتكمل رجاء
د هيثم مازن انا اسف
د مازن لا عادي متعود ,يالله عن اذنك
راح مازن لقسمه وهيثم دخل على راكان
د هيثم مساااء الخير
راكان بتعب هلا مساء النور
د هيثم لا الحين شكلك احسن,طيب دام انك تحسنت شوي ممكن تتذكر
كل شي صار معك ,لان الشرطه على وصول
راكان ماقلت لك لاتبلغ؟
د هيثم هذا اجراء اجباري, وانت لازم تاخذ حقك
راكان ..............
د هيثم يالله اخليك ترتاح
جات الشرطه وحققت مع راكان وقالهم ان سامي
وكم واحد معه هم اللي تهجمو عليه,والشرطه القت القبض عليهم
واليوم امه وخواته جايين يزورونه
ام راكان الف الحمد لله عالسلامه ياليت ايدينه للكسر هالخايس
سحر طهور ان شاء الله كيفك الحين
راكان بخير الله يسلمكم
ايناس سلامتك يالغالي ماتشوف شر
راكان يطالع لها بنظرة مافهمتها
وبعدها غمض عيونه وتذكر اللي صار
(كان جاي من محاضرة باحدى المساجد وهو بطريقه للبيت لمح سيارة تلاحقه من يوم طلع من المسجد
حاول يضيعها بس مافيه امل ,وبالاخر وقف سيارته ونزل
والسيارة وقفت ونزل منها سامي
راكان ساميي !!!!! وشفيك تلاحقني ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك