رواية كابرت بفراقك مع اني تألمت -26
فهد: طيب مين وكيف ومتى تقرب لنا او لا كيف عرفتها وين شفتها وليه ماقلت لي تحبك او لا معاك الى اللحين ولا تركتك تكفى لاتقول تركتك نفس اللي عندي احس حظي نفس حظك نحس صح ولد عمي اكيد نفس الحظ الله يعين
فيصل: ياذا الليل اللللللللللله تبيني اجاوب على هذا كله
فهد : تكفى قولها لي والله بسمعك للأخر
فيصل انرسمت بباله صورت الجوري وجلس يتكلم : اممممم البنت احبها يانواف مو بس حب اموت فيها اعشقها لو يخيروني بينها وبين حياتي اختارها واترك حياتي غير البنات فيها دلع لاكن بثقل حبوبه مغروره عصبيه حنونه حساسه والله اني اشوفها تبكي ودي اول من يمسح دموعها وتضحك ودي اول من يسمع ضحكتها ويكون جنبها هي تكون اخت اقرب شخص لي
فهد فتح عيونه توقع انه اخته لانه هو اقرب شخص له
فيصل لاحظ انه فهد فتح عيونه وكمل : بس تهاوشت مع اخوها وافترقنا وماصرت اشوفها ولاتشوفني تدري فيني اني احبها بس ساكته وواقفه بمكانها لاحاولت تتقرب مني ولا خلتني اتقرب منها وطبعن مستحيل اتزوجها لان اخوها ماراح يرضى واكيد بيرفضني
فهد غير رايه يوم سمع باقية كلام فيصل: طيب ماعندك رقمها ولا شي
فيصل: تدري فيني مو من النوع اللي يوزع ارقام
فهد : طيب ولا شي صار بينكم ولا شي
فيصل: ابد علاقة حب وانتهت..!!
فهد: انتهت ليه طيب
فيصل: لاني سمعت انها تزوجت والله معاها
فهد: هاااااااااه
فيصل: شفيك
فهد: وجلست واقف كذا ولا تحركت
فيصل: البنت يمكن ماتحبني ليه اجبرها علي
فهد : خساره تمنيتك تحب علشان اجننك
فيصل: شفت نذالتك واه عليك
فهد : ههههههههه يااااااه احسك مخبي اشياء بقلبك ماتبي تطلعها ليه الله اعلم
فيصل: لازم كل شخص بقلبه سر يخبيه
فهد يناظر بفيصل : اه يالعيين يعني جد فيه اسرار وماتبي تقولي
فيصل: هههههه شوي شوي علي وصدقني بتطلع لحالها
فهد : ياخوفي تزيد الاسرار
فيصل: الله والاسرار اللحين ابد كنز نفس اليوم بس مايجي كل شي مره وحده على الاقل كل شهر سر هههههه
فهد : اقساط قالو لك
فيصل: هههههههه تقريبا يلا تأخر الوقت وراك بكرى مشوار ولا نمت
فهد : ااااااه ياقلبي تتوقع ترضى
فيصل: حاول انت بس بنفس الوقت لاتقط نفسك وانا اخوك الا الكرامه
فهد : الا افنان انسى نفسي قدامها
فيصل: ولو البنات مايحبون الرجال اللي ماعنده ثقل خلك ثقيل وانا اخوك
فهد : اذيتني فيها درينا انك تفهم بعلوم الرجال تراني الا ثقيل بس من حبيتها نسيت نفسي طيب ابشر
فيصل: ههههههه متى بتمشي طيب
فهد : على الفجر علشان ارجع الظهر
فيصل: ايه افكر بعد
فهد : شتفكر فيه
فيصل: افكر بتتركني لحالي هنا اشيل العزبه
فهد : ليه
فيصل: قايل انا مامنك فايده بكرى اخر يوم لنا هنا لازم نشيل اغراضنا
فهد : اهااا اجل يمكن ماارجع ههههههههه
فيصل: جرب وشوف والله لاسحبك من اذنك للمزرعه تجي تشي معي
فهد : ههههههههه طيب خلاص بجي لاتاكلني يعني عندك الرجال هناك كثار وبيساعدونك ليه انا مادري
فيصل: تراهم الا ضيوف عندي وعيب اخليهم يكرفون واخوك تركي غاسل ايدي منه انا
فهد : خلاص ابشر ويأشر على انفه : على هالخشم تامر انت
فيصل: مايامر عليك ظالم
فهد: وياك .. فهد بدى ينعس واااااه النوم لعب فيني جالس من الصباح اليوم انا
فيصل: هههههههه قوم نام اللحين الساعه 12 ووراك جلسه الفجر
فهد : أي والله يالا وانت بعد بتجلس ولا بتقوم تنام
فيصل: لا وين انا مافيني نوم متى ماجاني نوم نمت انت روح وانا اصرف نفسي
فهد : اوكي تبي شي
فيصل: سلامتك
فهد : اوكي يلا باي
وراح فهد وترك فيصل يفكر بحاله وكيف حس بالراحه مجرد انه قال لفهد انه يحب حتى لو القصه كذبيه بس على الاقل ارتاح من نص هم كان على قلبه وتذكر شكل فهد يوم يفتح عينه وابتسم لهدرجه واضح علي اني احب اخته بس الحمد لله اني قدرت الف الموضوع عليه ولا كان اوه علوم صااااارت وجات بباله البنت اللي كان يقصدها وابتسم لمجرد ذكراها بباله يبتسم وينسى نفسه شلون لو تكون قباله
فيصل: اووووه كان مافيه فيصل بالحياه خخخخخخخ
تركي : هههههههههه غبيه وربي
ابراهيم: راسله لي صورة جسمها
مساعد : هههههههههههه ولا تقول شرايك
ابراهيم: حلاته من ينشرها ويخلي الناس تقول رايهم
مساعد : بالفيس بوك اووووه ملايانين اللي نفسها
تركي وهو منتبه لسواقه : أي والله بس احسها مصدقه نفسها بالحيل
ابراهيم: هههههههه لا وانت الصادق الا عقول مافيه بالبنات
الكل : ههههههههههه
وصلو للمزرعه بعد ماالكل تقريبا نام كانو مستانسين مره على هبالهم بنت غازلوها وبنت رقموها وبنت كلموها وبنت صوروها وبنت ضحكو عليها وسو كل شي يطري على البال من شر ورجعو نامو وكأن شي ماصار
.........................
والله اشتقت لهم
لجين: بالله عليك كم مره قلتيها
الجوري: شسوي فاقدتهم ولا فنون الحماره ماسلمت علي بزعل عليها ولا بعد ماراح اشوفها لفتره والله بتضايق
لجين : كلميها وفكي نفسك
الجوري: تولي ماتبيني طايره على بيتها خليه ينفعها
لجين : هههههههههه الله يقطع بليسك
الجوري: والله فكرت انها رايحه من عندنا كذا يعني انها مستحيه ماخشت ببالي تدري انها غاليه علينا وامي تعدها وحده منا ليه راحت الى اللحين مالقيت سبب
لجين : ولا راح تلقين اقول قومي طفي الانوار تراني فيني النوم ومالي خلق سواليفك التشكيكيه
الجوري : طيب مافيني نوم جلسي معي
لجين : يوووووه الجوري والله عيوني متقطعه من النوم خلي سواليفك بكرى اللحين نامي ازين
الجوري: طيب بطفي الانوار وبنزل اتمشة تحت
لجين : براحتك
الجوري قامت من على السرير : تصبحين على خير
لجين : وانتي من اهله اخذي لك شي معك
الجوري: لاتخافين معي غطا بس عبايه ماراح اخذه شوي وارجع
لجين : طيب بارحتك لاتتأخرين
الجوري: دخيلك مسويه تنتظريني نامي بس
وسكرت الباب ونزلت تحت تتمشى ببجامتها الورديه وفيها قلوب بالاحمر وبلوزتها الورديه فيها قلب كبير بالنص وكانت فاكه شعرها والهوا الخفيف يلعب فيه جالسه تفكر بنواف كيف كانت ذاك اليوم كاشخه له لو انه مامات كان اللحين هو سهران معي ماينام الا لمى تنام عيني كان يبقى شهر بس على زواجنا وانا اتغلى عليه وهو يقولي لا لاتتغلين خليني اشوفك وانا ارفض اقول ماباقي شي على زواجنا المفروض ماتشوفني وكذا ياليت لو هو جنبي ويمسك ايدي وحضني ويخفف جمر قلبي الا تولع من فراقه اااااااااه
الجوري: يوه شفيني ...نزلت دموعها
بصوت مخنوق : ياربي على هالدموع اللي ماتوقف الله يرحمك يانواف ويسكنك فسيح جناته
مابين سرحانها وتأففها من بكاها عليه لانها صارت تكره البكا يوم عرفت الدموع والبكا يعذب الميت صارت تكره تبكي خايفه تعذبه معاها
مع نزول دموعها حست بإيد تمسكها من كتفها وتلفها لها وتمسح دموعها
حاولت ترفع راسها تشوف مين اللي كان حاس فيها ومانام
وانصدمت باللي شافت
......................................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الحادي والعشرون :-
أكبَرٌ قهرلآ دَريت إنحبيبكخآين
وتسكتّ مَ تتُكلم ويجي ويقولك
ترى وآلله آحبك
.................................
الساعه 5 ونص المغرب
بعد ماصلو البنات
افنان : يلا ساره بنمشي
ساره : ايه بس صبري اشوف مرام شكلها مو ناويه تقوم جالسه تسولف
ساره جالسه بالنص بين مرام وافنان
ساره تهمس : مرام ...مرام
مرام تلتفت لساره : هلا
ساره تأشر على ساعتها ان يلا تأخرنا
مرام فهمت على ساره وابتسمت لمها اللي كانت تسولف معاها
مرام : يلا احنا نستأذن
مها : وين وين تو الناس تعشو معنا
مرام : لو الوالده ترضى من عيوني بس محرصتني اجيب اختي ونرجع قبل موعد العشا
الجوري : يما تكفين قولي لهم يجلسون
ام الجوري: عطيني رقم امك وانا اكلمها
افنان وهي تشوف ان الامور بدت تصعب لان احتمال قعدتهم هنا الى وقت العشا صارت محتمله قررت ترد
افنان: على عيني وراسي والله ياخالتي بس احنا نخاف بالليل نرجع البيت وخاص هان طريق مزارع ومو واحد من الاهل اللي معنا معليش ماودي نردك بس ان شاءالله الجيات اكثر
ام الجوري والجوري والكل اللي كان يتمنى انهم يجلسون معاهم حتى مها اللي حست ان مرام قريبه لها قررت تتبادل معها ارقام الجوالات
مرام : اوكي سجلتيه
مها : أيـــــه مشكوره مرام
مرام : يوه ماسويت شي واي وقت تحتاجيني فيه انا عندك
مها : تسلمين يابعدي
مرام : يسلم راسك
وتناظرفي ساره وافنان : يلا مشينا
افنان + ساره : يلا
بعد ماسلمو على الحريم اللي كانو موجودين
وصلوعند الباب اللي يطلع على حوش المزرعه
كل البنات قامو يسلمون عليهم والاغلب فرح بجيتهم هنا وتمنو لو يجلسون
الا من رنــآ اللي كانت تكلم اخت نواف نوره اللي هي صديقتها بالجامعه
رنـــــآ: ايه بتمشي اللي مااطيقها
نوره : انا مااطيقهم كلهم شلتها هذي واقفه عظم ولا المجرمه بنت عمك ودي ادوس ببطنها
رنــــآ: هههههه ليه مجرمه
نوره : قتلت اخوي واللحين هي اللي عايشه حياتها بيني وبينك يستاهل اخوي غبي يمشي وراها
رنـآ: اصلن كل الرجال اغبياء الا فهد
نوره: بموت على مااشوف هالفهد
رنــآ: قريب بتشوفينه بجنبي بزواجنـآ قولي امين
نوره : ههههههه امين
..................................................
الكل دخل الا من الجوري ولجين
الجوري: والله ارجع من المزرعه على طول بجيك تفهمين
افنان : اجل بقفل بابنا من اللحين
ساره : نــذله هههههههه
الجوري: قفليه بكسر الباب
لجين : الباب حقهم قديم يعني اصلي ماينكسر
الجوري: مو على كيفها عاد
افنان وهي تبوس الجوري بخدها ع الطاير: ياعمري انتي اصلن بخليه مفتوح من ارجع البيت
اخاف تجيني وانا نايمه على الاقل يكون الباب مفتوح
ساره: هذي ياابيض يااسود ماعندك رمادي ياتفتحينه ياتسكرينه
افنان : هههههههههههههه من حبي لها
لجين: بس هي طيب مشكوره
افنان تبوس لجين بخدها : وانتي بعد هههههه
مرام كانت بعيده بعقلها قريبه بجسمها منهم لانها كانت تناظر الباب اللي دخل منه متعب وتمنت لو يطلع وتكحل عينها بشوفته لانها يمكن اخر مره تشوفه بحياتها كلها
ساره : يلا مشينا تامرون بشي
الجوري شوي وبتنزل دمعتها: فمان الله وانتبهو لنفسكم
افنان : تقعدين تسوين لي مناحه بكس على عينك
لجين: حرام والله كنا مستانسين ليه بتروحون مادري
ساره: ترى ماحنا رايحين نجاهد نص ساعه الا انتو عندنا
افنان: ادري عنهم يلا انتي معها كل وحده تتقلع داخل
ساره : يلا مرام مشينا
مرام اللي كانت سرحانه وتفكر : هلا
ساره مستغربه من اختها اللي من دخلت البيت وهي منقلب حالها: مرام شفي كيلا مشينا
مرام : هاه أيـــــــه يلا مشينا
افنان : يلا مع السلامه ووسعو صدوركم كلها يوم وبترجعون يعني فلوها لاتقعدون معبسين
الجوري : انتي تقلعي مااكلمك تعالي ساره فديتك انتبهي لنفسك اوكي ونامي زين واكلي زين وانا قريب بجيك اوكي ...... وحضنتها
الكل عرف انها تقصد افنان بالوصيا اللي وصتها لساره
ساره : متأكده لي هالوصيا
الجوري : ههههههههه ايه لك بس انتي
ساره : وناسه خخخخخخ
افنان : وانا ماتبوني اوكي مع السلامه
لجين : تعالي تعالي انا ابيك
افنان : ماابيكم باي تغطت وطلعت
طلعت افنان من المزرعه وهي تضحك داخل نفسها لانها كانت تمثل عليهم وكانت بترجع بس شدها منظر ريم وحمودي يصيحون وفهد يضمهم وارتبكت وهي تشوفه يوجه نظره لها
افنان ماحبت تحتك فيه اكيد بيسألها ليه متغير اسلوبها معاها
توها متوجه لداخل بترج عالا سمعت صوت فهد الحاد ينادينها: افناااااان
افنان وقفت مكانها لان نبرة صوته متغيره وواضح عليها الوم والعتب
افنان وقفت مكانها وشمت ريحة عطره اللي تنعشها بس اللحين صارت تكرها وتكره انها تشمها ومن ريحة عطره عرفت انه وراها مباشره
فهد : افنان اقدر اعرف ليه بتروحين
افنان ماكانت تبغى تلتفت له وتحط عينها بعينه
فهد : اكلم كانا لاتسفهيني
افنان : بس كذا ابغى اروح
فهد مسك افنان من كتفها وبسرعه لفها لجهته وافنان كأن الكلام اللي مجهزته له اذا شافته تبخر وطار
ظلت ساكته وفهد يطالع فيها
فهد روق شوي وحب يتماسك
فهد : افنان طالعيني
افنان ولاكلمه مكتفيه انها منزله عيونها بالارض وساكته
فهد رجع عصب مره ثانيه : افنان قلت لك رفعي راسك وطالعيني
افنان معانده ومارفعت راسها
فهد مسك اسفل راسها ورفعه وطاحت عينها بعينه وماقدرت افنان تقاوم عيونه وجلست تبكي
تبكي لانها شافت بعيونه البراءه شلون تصدق قلبها وتكذب عيونها مستحيل
فهد ماكان يشوف دموعها وهي حمدة ربها انها تغطت قبل لاتطلع
فهد : انا لما اقولك طالعيني تطالعيني مو انا تسفهيني تفهمين
افنان بقوه ماتدري من وين جاتها : فهد اتركني
فهد مصدوم وحس بصوتها انها كانت تبكي : ماني بتاركك الى مااعرف ليه بتروحين
افنان : كيفي مالك دخل فيني وبعدين تعال انت مين علشان تسأل انا متى بروح وليه بروح وين بروح
فهد : افنان انا فهد مو أي ...
قاطعته افنان : وفهد ليه ابوي طلع من قبره اسمع يافهد من يوم ورايح انت بطريق وانا بطريق وكل واحد يسوي اللي يريحه اوكي لالك دخل فيني وين بروح ولا لك دخل حتى بأخواني كملت والعبره خانقتها وهالشي واضح من صوتها وتغير اسلوبها بالكلام: فهد خلاص انا ماابيك تعرف شنو ماابيك خلاص كل واحد يروح بحاله احسن لاانت لي ولاانا لك كلن يعيش حياته لاانا من مقامك ولا انت تبيني كمل حياتك الله يسهل عليك انا جيتك وطلبت منك الفراق وفكيتك من انك تطلبه مني واخواني يافهد لاتتعرض لهم تكفى لاتعلقهم فيك نفس ماعلقت اخت.. < كانت راح تقول نفس ماعلقت اختهم بس سكتت ماحبت تزيد الوجع بقلبها> وكملت : ولاتخاف بدعيلك ان الله يوفقك مع أي بنت تتمناها <وشدة على اسنانها > وتحبها .
فهد ماطلعت منه الا هالكلمه : والله احبك
افنان اللي الكلمه جرحتها اكثر من انها تداوي قلبها عطت فهد ظهرها والتفت لريم ومحمد اللي واقفين بعيد عنهم بشوي وكأنهم تعودوا اذا فهد كلم افنان يكونون بعاد شوي : ريم محمد يلا امشو وراي بنروح البيت
ومشت تاركه فهد مصدوم مستغرب معصب زعلان منقهر مكتوم في قلبه صرخه وده يطلعها وهالصرخه بكلمة افنان لاتقتليني انا من دونك والله مااسوى ماكان عارفه ايش يقول او ايش يسوي سكت من صدمته بالكلام اللي جاه افنان تقولي هالكلام افنان ماتبيني افنان تقول بدعيلك ان الله يوفقك مع البنت اللي اتمناها والله ياافنان اانا ماابي الا انتي والله
صحاه من سرحانه الباب اللي انفتح وطلعو منه بنتين هو ماحب يكون موجود بنص المكان وشكله بالاساس كان غلط مشى بسرعه قبل لااحد ينتبه لوجوده وخذته رجله الى المكان اللي كان جالس فيه مع فيصل وجلس يفكر ايش ومحتار ايش سوى هو اللي قلب افنان كذا وخلاها تقول اللي قالته
..............................................
افنان بالسياره وبالمقعد الخلفي جالسه ومجلسه جنبها ريم ومحمد ودموعها على عينها
شوي ودخلو ساره ومرام
مرام : السلام عليكم
افنان :........
ساره : سلمنا ترى
افنان بعد ماحاولت انه تبين طبيعيه : وع ليكم السل ام
ساره : من جدك انتي تطلعين ولا تسلمين ع الجوري والله بتزعل عليك
افنان : بشوفها قريب كلها يوم واشوفها
ساره : بس يمكن تروح الرياض اسبوع وترجع
افنان انصدمت يعني ماراح تشوف صديقتها اسبوع وهي ماسلمت عليها
ردت ببرود اللي يعكس حرارة قلبها: تروح وترجع بالسلامه
ساره استغربت اكثر من افنان وحالها اللي مو طبيعي من يوم قالت انها تبغى ترجع البيت وانا شاكه فيها الله يهديك ياافنان وتفكين من الضغط اللي عليك وتقولين لنا اللي بقلبك
ظلت افنان طول الوقت ساكته الا من دموعها اللي جرحت خدها
مرام بعد كانت ساكته ومو معاهم تفكر بالانسان اللي سحرها
ساره تفكر بحال الجوري ولجين وافنان اللي واضح ان كل وحده منهم تكابر
اما ريم ومحمد من البكي اللي بكوه نامو لانهمك انو يبغون يجلسون وافنان مارضت لهم
بعد نص ساعه وصلو الكل لبيته بالسلامه
.....................................
تكفى خلني اكلمه والله مشتاقه لولدي موت
خالد : وينك ياسعود شوف امك مشتاقه لك وانا لي الله
ام خالد : لاتقول كذا وانا امك والله كلكم مكانتكم وحده بس هو بغربه اكيد اني بخاف عليه تكفى ياولدي خلني اسمع صوته تكفى
خالد : هههههههههه اللي يسمعك يقول انا مانعك منه اكيد بتصل عليه بس اصبري علي شوي
ام خالد : هههههههه طيب يلا
شوي الا خالد يتصل على اخوه سعود اللي كان يدرس بكندا
سعود : الووووو
خالد : السلام عليكم
سعود : خالد ......!! ياهلا والله وعليكم السلام
خالد : اهلين فيك هاه بشر اخبارك
سعود : الحمد لله تمام بشرني عنك وعن امي اخبارها
خالد : والله الحم..........
( سحبت ام خالد الجوال من خالد)
الو يما يابعد قلبي والله لك وحشه
سعود : هلا والله بالغاليه شخبارك بشريني عنك
ام خالد اللي دمعة عينها : الحمد لله اهم شي انت بشرني عنك
سعود: لاتحاتيني انا تمام
ام خالد ببكي : تاكل زين يما ناقصك شي تبي شي قول ولايردك الا السانك
سعود : يما ذكري الله شفيك والله تخوفيني عليك انا مافيني الا العافيه ولاابغاك تصيحين ترى انا ابغى الاشاره وارجع اللحين احجز على اقرب طياره واكون عندك
ام خالد : ياليت يما والله مشتاقه لك
(سحب خالد السماعه من امه اللي قلبتها عزا وحطه على سبيكر)
خالد : ماعليك مافيها الا العافيه بس مشتاقه لك تعرف دلع امهات
سعود : هههههههههههههه ولا انا مصدقها قلت بجي اللحين عندها
ام خالد : ههههههههههه
خالد : ايه يما ضحكي وانت شنو تجي لا خلص دراستك وتعال كلها 4 سنوات وتنقضي
ام خالد رجعت تصيح لما تذكرت انها 4 سنوات ماراح تشوف ولدها
خالد: يووووووووه الله يهديك يايما شفيك
ام خالد : ماراح اشوف ولدي 4 سنوات والله بيصير فيني شي
سعود: يما هم يعطوني اجازات وبشري كل ماعطوني اجازه لو اسبوع بجيك بعد امري
ام خالد : الله يحفضك ياوليدي
سعود : ماابيك تصيحين يما وانا ماعلي الا العافيه لاتحاتين
خالد : وانت شد حيلك نبغى الشهاده العدله طيب
سعود: ان شاءالله تامر
خالد : يلا نخليك تبي شي
سعود : سلامتكم ورضاكم يلا فمان الله
خالد : بحفظ الرحمن
وام خالد كملت بكي وخالد يهدي فيها الى اذان العشا سكتت ام خالد ورجعت طبيعيه وخالد تركها وراح يصلي العشا
........................................
عند سعود بامريكا كان جالس بشقته اللي قريبه من الجامعه اللي يدرس فيها
ويفرفر بالقنوات مافي شي يسليه قرر يدق على تركي يشوف اخر اخباره
سعود : السلام عليكم
تركي : وعليكم السلام ياهلا مين ..!؟
سعود : افى نسيتنا
تركي يصدمه : ياحمـــــــــــآر وينك مشتاق لك لاتدق ولاتسأل تعال انت وينك ايش الرقم الدولي والله لك وحشه نسيت انك لك صديق مايستغنى عنك
سعود : انا الحمد لله تمام والله كل مابدق عليك انشغل وتوني افضى
تركي : يسلمون عليك مساعد وابراهيم والله لك وحشه ليتك معنا اللحين احنا بنروح نغازل خخخخخخ والله لو انك معانا كان لعبنا فيهم مافيه الا انت اللي تعرف لهم
سعود : انا لله مابعد تتوب انت
تركي : تكفى ياللي تبت اللحين انت اكيد بأحد هالدول تتلعب لاتفكرني غبي ترى حركاتك ذاكرها الى اللحين
سعود : تركي تراني تغيرت وانا اللحين بكندا ادرس 4 سنوات واتخرج وارجع السعوديه
تركي صدمه + تعجب+ استغراب : والله
سعود : ليه بهالامور فيها مزح
تركي بخيبه امل : الله يوفقك
سعود : ليه احسك تضايقت
تركي بداخله تبيني افرح انك تبعد عني وانا هنا بفشلي حتى شهادة جامعه ماعندي
تركي: والله فرحت لك الله يوفقك وان شاءالله ترجع لنا بالشهاده اللي تبيها
سعود : طيب ماتبي تلحقني ترى كل شي جهاز بس وجودك
تركي : لاوين اجيك وانا زواجي بعد شهرين
سعود منصدم : سويتها تركي
تركي : انا تعرفني اذا ابي اشي اجيبه
سعود : بتظلمها معك حرام عليك انت مدمن
تركي عصب من كلمة مدمن : ماعليك مني ماانت ولي عليها
سعود : الله يهديك
تركي : مشكور يلا تبي شي
سعود : ابد سلامتك
تركي : باي
وسكر تركي بوجه سعود اللي استغرب انقلاب مزاجه وقارن بين اول كلام قاله واخر كلام قاله بالمكالمه وراح على سريره وتذكر كيف صداقته فيه من كانو بالابتدائي مرور بالمتوسط الى الثانوي وتخرجهم ومر عليه الحدث اللي سوه لساره ومارحموها وجات بباله ساره اللي ماغابت ابد وهو اللحين جالس يسوي كل هذا علشانها ويرجع ويستر عليها
....................................
وينك فيه الكل يسأل عنك
فهد : هلا
فيصل: شفيك وينك
فهد: نفس المكان المغرب اللي كنا فيه
فيصل فهم من كلام فهد انه يبيه يجي له : طيب جايك
سكر فهد بسرعه ماعطى فيصل فرصه يعرف ايش فيه مخنوق والاخ بصدره تطعن فيه
ليه كذا يافنان ليييييييييه كان شوي ويفقد عقله ويدخل عند امه ويقول لها تخطبها له ويفك نفسه من هالعذاب بس شلون يقول لها تخطبها وهو عارف انها اللحين ماتبيه ومايبغى يتقل حلمه اللي اول مره يتمنى يتحقق وترفضه
5 دقايق الا وفيصل عند فهد وشاف حالته وعرف انه مهموم من تقطيبه لحواجبه ويطالع بالارض سرحان
فيصل: احم احم
فهد بهم : هلا
فيصل: علامك حاط الدنيا على راسك وماشي فيها
فهد: من قال كان حاطها على راسي
فيصل: شوف وجهك شوف شكلك تقول واحد مشيع جنازه
فهد : استغفر الله يارب ياابن الحلال مافيني شي
فيصل حس ان السالفه فيها افنان: لاتقول لي افنان
فهد تفاجأ لهدرجه واضح عليه: كيف عرفت
فيصل: انت قولي افنان بالموضوع
فهد: وفي غيرها هاد حيلي ومعذبني
فيصل: انالله عليك يافهد البنات يتدلعون ويتغلون تراها الا تتغلى عليك
فهد: والله افنان مو نفسهم ياليت جات على دلع انا اعرفها مو دلع الكلام اللي قالته
فيصل بإستغراب: كلام أي كلام
فهد: افنان طلعت من المزرعه
فيصل ببرود: طيب
فهد استغرب: اقولك طلعت يعني رجعت بيتهم
فيصل: عادي البنت حبت ترجع فيها شي
فهد: لاتعصبني اقولك راحت وهي زعلانه يعني ماراحت الا لأنها زعلانه مني
فيصل: طيب كان راضيتها مو انت عارف انها زعلانه
فهد بحزن : هي بس شافتني انفجرت فيني وقالت لي كلام المفروض ماتقوله لي
فيصل بدى يحس ان الامر اخطر من ماهو مفتكره وبهتمام: ايش قالت لك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك