رواية ليت مشاعرنا مثل أسامينا ماتتغير -26
ريم بكل حماس :- والله يا خالة حبيتك من كل قلبي يا ليتني تعرفت عليكِ من زمان 0
فيصل يضحك :- أشوف المنافسة شديدة على الوالدة صار معاي وسن واللي ببطنها الحين بعد خواتي ما بقى إلا فهد وتكمل الدعوه0
وسن تضحك :- ههههههههههه عمه فيصل قام يكلم نفسه
أمفيصل :- ههههههههههه لا تخاف حبيبي تضل أنت الاصل0
فيصل يضحك :- هههههههههه زين طمنتيني بصراحة خفت 0
ضحكوا من كل قلبهم سعادة غامره قلوبهم وصلوا البيت ودخلوا وهم يضحكون إلا الشغالة تكلم أم فيصل :- مدام في واحد ينتظر داخل ما في يقدر يمنع يدخل هذا يسوي مشكله واجد
فيصل دخل يشوف مين استغرب من شافه أخر شخص يتمنى يشوفه وخصوصا الليله0
|||||||||||||||||||||||||||||||||||||
أم فيصل بس شافته شهقت بقوه وريم تمسكت في مضاوي من الخوف ووسن وقفت جنب فيصل
أبو فيصل :- ما شاء الله الكل موجود ما ناقصكم إلا فهد وتكتمل جمعتكم
مضاوي :- خير يبه وش صاير؟
أبو فيصل بصراخ:- أنتي أص ولا كلمه أخر وحده أحب اسمع صوتها يالعاقه0
مضاوي :- الحين أنا العاقة لأني ما سمعت كلامك
أبو فيصل وهو مغيوض والشر يطلع من عينه :- إذا ماسكتي يا مضاوي الليلة تشهدي على روحك
مضاوي خافت ولزقت في أم فيصل :- خاله ما أبي ارجع له مستعدة أخدمكم ولا ارجع معاه0
فيصل واقف ولا تكلم بكلمه بس يطالع في أبوه بنظره مكسورة وحرقه
أم فيصل :- اطلع عن بيتي وعن حياتنا وجودك سم وما نبيك حولنا ابد0
أبو فيصل يطالع فيهم :- أي صح الحين صرت غلط وما حد يبيني كله بسبه العقربة اللي غسلت مخكم0
وسن :- أنا مو عقربه وبعدين الكل تركك لأنك أناني ما تحب الخير إلا لنفسك وما تخاف على عيالك همك تنتقم وتخطط وتخرب بيوت فكرت كيف تشوف سعادتك عيالك وين ؟
أبو فيصل:- أص ولا كلمه يا الساحرة أرتحتي الحين يوم سحرتي عيالي و غسلتي عقولهم وقسيتيهم على أبوهم
وسن ودمعه بتطيح من عينها :- ما قسيتهم عليك جيتك لبيتك معتبرتك أبوي الثاني قلت بيفتح لي قلبه قبل بيته بيعتبرني بنته مو زوجه ولده بس اللي شفته منك خلاني افقد كل أمل إني أكسبك وتحبني شفت قساوتك ومؤامرات بس عشان ولدك يطلقني ليه تبيني أموت أنا من غير ولدك أموت
أبو فيصل يضحك بقوه :- هههههههه مفكرتني الغبي اللي ساكت وراك كل كلامك ما يهز شعره في جسمي واللي أبي تعرفين شي واحد يا بنت أبو ندى ما راح أخليكِ لين تطلقين من ولدي و أزوجه وبـ تشوفين يا وسن
أم فيصل بتحدي :- ما راح يطلقها
التفتت على فيصل برجى:- فيصل لا تسويها الله يرضى عليك لا تسمع كلامه0
أبو فيصل :- فيصل ارمي يمين الطلاق
وسن شهقت بقوه والتفتت على فيصل وهي خايفة من تأثير أبوه عليه
مضاوي وريم ماسكين بعض ودموعهم نزلت وعينهم على فيصل
فيصل تقدم لعند وسن ومسك أيدها :- لا تخافين يا الغالية ما راح استبدل القمر بنجوم0
وسن نزلت دمعتها و حبت يد فيصل :- والله احبك
فيصل مسح دمعتها :- لا تبكين يا الغالية
أبو فيصل بصراخ :- قلت لك طلقها مو قلت لك تغازلها
قرب من وسن و بيرفع يده يضربها إلا فيصل مسك أيد أبوه :- يبا ليه كل خطوه تقرب مني تحرقني
أبو فيصل :- أنا أحرقك يا العاصي تعصي أبوك عشان بنت ما تسوى
فيصل بغصه في صوته وهو يكلم أبوه:- يبا أنا العاصي أنا جيت لعندك و حبيتك وسمعت كلامي وكنت بموت خالي وبطلق بنته عشانك و أنا عاصي كل محبتي لك عاصي كرهت أمي اللي تعبت علي وحاربتها وعاصي وبسبتك كرهت روحي عرفت أذيتك لأمي يبا واللي سويته عشان المال ما فكرت في ولدك اللي ببطنها يوم سويت فعايلك فيها إذا تكرها تكره ولدك في أب يخلي زوجته وولده مدمن عشان المال
أبو فيصل قام يرتجف :- مدمن
فيصل :- عرفت اللي سويته فيني خليت أمي مدمنه وهي حامل فيني عشان تلعب بفلوسها وعرفت إن خالي أبو ندى هو اللي ساعدها وهو اللي خلاك تبتعد عنا وسافر مع أمي في الخارج عالجها وعالجني بعد ولادتها فيني بسبه أن أمي مدمنه صرت مدمن وهو اللي رباني وعرفت من مضاوي انك كنت تبي تسوي سحر لزوجتي عشان أطلقها وتقول انك أبو
أبو فيصل وشرار من عينه يتطاير يأشر على وسن:- أكيد هي اللي قالت لك
ويطلع من جيبه سكين ويرفعها على وسن وسط دهشة الجميع ونظراتهم0
/
\
/
دقائق مأساويه ولحظات من الهم
تحرق بنارها أناس عشنا معهم أروع اللحظات
وتجعل قلوبنا تدق بعنف وكأننا بينهم
لحظات مؤلمه قاسيه تتمنون أن لا تحصل
لكن يد الأقدار تطالهم
فرحه زواج حمد وشجون هل تكتمل بوجود عصام
/
\
/
\
وسط دهشة الكل طلع أبو فيصل سكين ويلوح بيده فيه ويهدد وسن :- ما راح تعيشين يا وسن
وبسرعة وقف فيصل في الوسط والضربة اللي كانت بتوصل وسن صارت في بطن فيصل
وسن مسكت فيصل وهي تصارخ وشجون وريم سندوه وهو ماسك مكان الضربة و أبو فيصل رجع للورا إلا بضربه على وجهه :.- يا قليل الخاتمة حتى ولدك ذبحته الله لا يبارك فيك
وقف ينتفض من ضربه أم فيصل اللي صراخها عالي أهي ووسن و خواته
وسن وهي تصيح وتنتفض اتصلت بـ الأسعاف
وبعدها ما شافت شي إلا ظلام بعينها
/
\
/
شجون دخلت عش الزوجية وهي مبسوطة
حمد:- دخلي برجلك اليمين وسمي بسم الله
شجون بسعادة :- بسم الله
دخلت وهو ماسك أيدها جلسها على أول كنبه في طريقهم وجلس جنبها :- تعرفين إني انتظر اللحظة اللي تجمعنا تحت سقف واحد أنا و أنتِ بس
شجون بحيا :- و أنا بعد انتظر اللحظة اللي أكون معاك لوحدنا و أحس با الأمان و أنا في بيتي معاك0
حمد مسك أيد شجون :- يا الله قومي تفرجي على بيتك
شجون وبابتسامه من حمد طارت من الفرحة وجلست تتفرج معاه على شقتها وبكلرضا تطالع حمد والدنيا مو سايعتها 0
ليله حالمة لشجون وحمد يام انتظرها حمد و ياما انتظرتها شجون
ليجتمعوا تحت سقف واحد
صحى حمد وملاكه نايمه بجنبه حرك خصلة طايحة على عينها فتحت عينها :- حمد حبيبي
حمد بابتسامه :- صباح الورد يا عروس
شجون :- صباح النور يا عريس
حمد رفع حواجبه :- رجعنا لحركاتك كل كلمه ترددينها نفسها لي
شجون بعناد :- هههههههه أي زوجي و أقوله اللي أبيه
حمد ضحك على كلامها :- طيب بـ نشوف بعدين الكلام هذا كله بصير غير
شجون بدلع:- عادي أهم شي أكون جنبك
حمد:- ههههه طيب ما بستعجل الأيام تحكم عليكِ يا شجون
شجون :- ايوه الأيام تحكم علي يا حمد
حمد يحرك في جواله :- تصدقين تعبت اتصل على الوالدة يرسلون فطورنا ولا احد حولي حتى سمر ومروه ما يردون ومنصور و أبوي بعد شكلهم أخذوها نومه ونسونا0
شجون تضحك :- خلاص الحين أجهز لك فطور
حمد يصفر :- أو حركات شجون بنفسها و بصباحيتها بتدخل المطبخ
بصراحة فاجئتيني0
شجون:- هههههه طيب خلك من هـ الكلام بروح ارتب الفطور
حمد مسك أيدها :- وين يا قمر أولا أغراض في المطبخ ما شريت للحين لين تجين وقلت نشتري
ثانيا :- مستحيل اخلي عروسي من أول يوم تدخل المطبخ
شجون تضحك على كلام حمد :- طيب كيف تفطر يابو الشباب
حمد :- ما أبي كلمه أبو الشباب أبي كلمه حبيبي وخلاص وبعدين اقدر أتصرف بطلع أوكي وبرجع بالفطور
هزت رأسها برضى طلع حمد دخلت الحمام تروشت ولبست أحلى فستان
تعطرت وحطت لها ميك اب خفيف برز جمالها ِو أنفشت شعرها وجلست تنتظر حمد إلا شافت مفتاح الباب على الطاولة
اتصلت علىِ حمد :- حبيبي نسيت المفتاح ما أخذته بنتظرك دق الجرس وافتح لك ِ
جلست تنتظر إلا دق الجرس فتحته بسرعة إلا عصام بوجها حاولت تسكر الباب بس مافي أمل هو أقوى منها دفها ودخل
دخلت لداخل بسرعة وسكرت عليها باب غرفتها
دخل لداخل يدق عليها الباب :- ِشجون فتحي نتفاهم
إلا بضربه تجيه من حمد :- تتفاهم على إيش يا كلب
عصام من ضربه حمد طاح وقف مقابل حمد:-ِ شجون بنت عمي ومن زمان لي تحبني خذتك عشان تغيضنيِ هي لي من زمان مو مصدق اسئلها0
حمد :- أنت قليل الأدب
واشتغل الضرب من حمد وعصام وشجون لبست عباتها وتغطت وطلعت مسكت حمد :-ِلا تصدقه يا حمد أنا ما أبيه
حمد مسكها بقوه :- والكلام اللي قاله
شجون بقوه وقفت قبال حمد:- ِاسمعني للنهاية أنا مثل أي بنت تربت وهي تسمع شجون لولد عمها كبرت على كلامهم ِأحلام أني أشوف ولد عمي زوجي بس كل يوم تتضح لي الصورة وكلامهم ما صار حقيقة ما شفته إلا الولد التافه المدلل اللي كل يوم يغازل ويغلط مع بنت و أهله يتوسطون له ويطلع كرهته وعرفت إن كلام الأهل ماله أساس بحياتي
وخلاص دوره انتهى من تفكيري وشفتك عرفت انك فارس أحلامي
حبيتك وتمنيتك ويوم جيتني كنت اسعد وحده بالدنيا ويوم عرسي حسيت
أني أميره ولا همني عصام وهو بحياتي صفر لا تصدقه وتبدل حبي لك بكلام سفيه عمري ما راح احبه0
عصام وقف :- خلاص يا شجون بعد اللي سمعته الله يوفقك مع زوجك وصدقيني عصام اللي كرهتيه بيتغير
طلع عصام وهو مصدوم من كلام شجون
حمد وقف يطالع في شجون حضنها وجلسها جنبه
//
\\
//
\\
أيام
أيام تجري وصفحات تطوى و أخرى تفتح
و أحداث مضت فرحه وحزينة
وتوقعات مؤلمه
أحداث رسمتها لكم
وفي هذه اللحظة الحاسمة
كل ما تنتظرونه هو ماذا حدث
شهور
شهور مضت و أنا اكتب و أتوقف لتنتظروا للأحداث
بعين المترقبين
و أيضا هذه الشهور هي نفسها انطوت لأبطالنا
فهد :- يا الله يا الله
وسن :- ادخل فهد حياك
أم فيصل :- وش فيك فهد تدري أن البيت بيتك
فهد :- لا يا خاله الأصول ما أدخل إلا باستئذان
وسن :- ليكون فهد الصغير جننك
أم فيصل :- هذا شيطون
وسن :- عمه لا تقولين شيطون
أم فيصل :- هههههه خلوني أنا محتاسه اليوم أول العيد وكل أخواني بيجون مع عيالهم ولازم ارتب البيت زين
وسن :- عمه ليه تقولين كذا
أم فيصل :- راسي بينفجر صياح فهد ومدى لأخر الشارع
فهد:- هههههههههههه الله يخليهم لكم
وسن :- تشطر وتزوج وجيب مثلهم
فهد يتنهد:- لو عمك يوافقك كان أنا بخير
وسن تضحك عليه
أم فيصل :- خلاص يا فهد بخطبها لك من اخوي لا تحاتي
وسن بحماس:- عمتي تدخلت خلاص بتتزوج تراهم ما يكسرون كلمتها
فهد مبسوط:- حب رأس أم فيصل لا عدم يا خاله
ضحكوا على فهد اللي جلس بـ الصالة يلعب مع فهد الصغير ومدى
العائلة وصلت أبو ندى وزوجته و أبو منصور وزوجته وسمر
ندى وزوجها ومروه وزوجها و مضاوي وريم
وحمد وشجون
أكيد تتسألون عن أبطالنا وكيف حياتهم
ندى مبسوطة مع منصور بعد موافقة أبو ندى إن تسكن ندى عنده بالبيت
ومروه مع عبد الله تزوجوا وهي حامل بالشهر الرابع و مستانسه معاه
وحمد وشجون رايقين على الأخر كل يوم تدلل فيه و مهبلته على حركاتها
ومضاوي تزوجت شخص يمكن ما تحبونه بس هي مشته على الصراط المستقيم وهو عصام
كانت يوم رايحه مع وسن وشجون في بيت أهل شجون ولمحها طالعه وعجبت عصام اللي على طول خطبها ووافقت عليه واللي خلته يخاف يلتفت لأي وحده لأنها مجننته بشكوكها لمعرفتها المسبقه بحركاته وطياشته0
ريم للأن مع فهد جالسه تداريه وتنتظر ولد الحلال
وسن الله رزقها بتؤم فهد ومدى حلوين طالعين عليها وعلى فيصل
أكيد تسألون وين فيصل
فيصل بعد الضربة اللي جاته من أبوه بالسكين نزف كثير وحطوه في غرفه العناية وبقى في غيبوبه لمده أسبوع واستعاد وعيه وصحته
ورجع لحبيبته وسن اللي مو معارف يدلع عياله أو أمهم الطفلة الثالثة اللي حبها من كل قلبه
والكل متجمع في بيت أم فيصل ماعدا فيصل اللي للحين ما وصل
وبس وصل وهو معاه شخص عدو العائلة بـ النسبة لهم ولكن لــــــ فيصل ييقى هو أبوه
دخل معا ه وأم فيصل باعتراض :- فيصل هذي عيديه أمك
فيصل :- يمه أبوي اخذ جزاءه والله قبل بـ التوبة ورجع لنا نادم
واليوم أفرج عنه حاله حال اللي أفرج عنهم بيوم العيد لا ترديني يا يمه تراه راجع نادم
أبو فيصل بأنكسار :- سامحوني لأني غلطت في حقكم ما أبي غير تسامحوني
ريم ومضاوي وفهد ألتموا عليه وهو يصيح حضنهم
فيصل اخذ فهد ومدى عياله وقربهم من أبوه :- سلموا على جدوا
أخذهم من فيصل والتفت لـــــ وسن :- سامحيني يا بنتي غلطت في حقك كثير
وسن بابتسامه :- الله يسامحك
أبو ندى مسك أيد أبو فيصل وجلسه معاهم
وألتمت عائله أبو فيصل وأبو ندى وأبو منصور
ومهما بلغت الحروب بين الأهل
لازم يوم تلتم الشمل وترفرف السعادة عليهم
وهـا كذا أودع قصه عشتها و أصبحت جزء منها
بكل أفراحها وأحزانها وأحداثها
أودع شخصيات استمتعت معهم وكأني أنا معهم
بطلتهم ملهمتهم الروحية
الأن امسح دمعه لفراق أبطالي
لا أبالغ إذا قلت لكم يعز علي فراقهم
وبنهاية قصتي اشكر كل من ساعدني وشجعني
اشكر كل من قرأها وتابعها معي وانتظرني أيام كثيرة لأتممها
سامحوني إذا أطلت عليكم
وهذه النهاية الحاسمة لقصتي
و الآن أيقنت إن لكل بداية نهاية
في أمان الله وحفظه
وسن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك