رواية ليت مشاعرنا مثل أسامينا ماتتغير -2
منصور يناظرهم عارف حركات خواته لما يبون فلوس وتمشيه على حسابه وابتسم
سمر: أي واحنا مالنا غير أبو الشباب
حمد وصلودخل في السالفة على طول : في أحد يتكلم علي
مروه: يعني ما عندنا إلى أنت
حمد : أشوف صرتوا أحزاب علي
سمر بدلع: أوه حمودي وأحنا نقدر على أخونا الحلو
حمد : فكرت
منصور باستهزاء : صحيح ياسمر أنتي منافقة
سمر غمزت له: خلنا نضحك عليه
سمعها حمدومسك أذنها : أوريك يالعياره
سمر : آآه حرام عليك والله أحبكم كلكم
الكل: ههههههههههههه
**************
) في بيـــت أبو ندى (
وصولوا البنات مبسوطين صعدوا لغرفهم على طول أبو ندى وأم ندى دخلوا لغرفتهم بعد
أم ندى بدلع:حبيبي انبسطت اليوم
أبو ندى: أي والله أختي ما قصرت والله لما أشوفها أفرح الحمد لله دايما هي قد المسؤليه تعبت والله عوضها بولدها الله يتمم لها يارب
أم ندى: آآمين يارب وش رايك أجهز لك الحمام عشان تنام وترتاح
أبو ندى: والله ماحد يعرفني غيرك الله لايحرمني منك يارب
أم ندى: يارب وأنت بعد تاج راسي
في غرفة وسن
وسن بغرفتها حاسه أنها مبسوطة وفي نفس الوقت خايفه ودها تتكلم مع ندى باللي صار وخايفة تصغر في عين أختها
بس مبسوطة وتمسك يدها : يارب أيده حنونة ماحد مسك يدها كذا ولاحتى أبوي على طول يمسك يد ندى ولامره مسك أيدي بحنيه لكن فيصل لما مسك أيدي حسيت بدفى أيده وعيونه
لما جات في عيوني حسيت قلبي بيطيح شعور غير
حضنت وسن دبدوبها ونامت وهي فرحانة
في غرفة ندى
ندى لما وصلت دخلت غرفتها اتصلت على صديقتها شجون
ندى: شجون حبيبتي ليه الـــيوم ماجيتي الكلية
شجون: والله مالي خلق محاضرتين مو مستاهله أجي لهم
ندى: والله زعلت اليوم ما أحد لي هناك
شجون: ولا يهمك أعوضك في الأيام الجايه قولي ما شفتي حبيبك
ندى: أصص وش حبيبي هذا كــلام كبير
شجون : بذمـتك ما تحبـينه
ندى: إلى أحبه وأعزه بس كيف وهو مــو داري عني
شجون: في خطط ولازم نسويها ويصير اللي تبينه
ندى: كيـــــــــــف؟
شجون: خلي الأفكار موجودة ونطبقها شوي شوي
ندى بأمل : جد يا الله قولي لي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الثالث,,,,
في الكليه
ندى جالسة قريب من المدخل وعيونها على كل بنت تدخل تدور على شجون صديقتها أخيرا شافتها وأشرت عليها
شجون: هآآي
ندى: هآآيآآت تعالي يالدبه تعبت وأنا أستناك هنا
شجون: شوي شوي علي عورتي أيدي
ندى ما حست أنها ماسكه يد شجون بقوه من حماسها تركت أيدها : أسفه يا قلبي
شجون( بنت جميلة وثرية جدا رشيقة وحبوبه ودلوعة وتحب تمزح وتضحك وراعية مقالب)
شجون : ما صار شي تعالي معاي
ندى وهي جالسه مع شجون
شجون: أول شي روحي بيت عمك وصادقي مروه وكثري زيارات لها عشان تشوفينه ونخطط عدل
ندى: زين أروح لمروه بس أكثر صعبه
شجون: لا صعبه ولاشي
ندى: طيب أحاول
شجون: الحين أتصلي بروه قدامي يا الله
ندى مسكت الجوال ودقت على مروه: آلوه هاي مروه
مروه: هاي حبيبتي ندى كيفك؟
ندى :بخير "قبل ما أنسى عندك شي اليوم
مروه: لا والله ما عندي شي خير؟؟
ندى: اليوم أناا راح أجيك أبي أروح معاك المكتبة نشتري حاجات للكليه و وسونه مشغولة و مو راضيه تروح معاي ما لقيت إلا حبيبتي مروه وش رايك؟
مروه: حلو ماعندي مانع وخصوصا أن منصور قال بيودينا معاه السوق بالمرة نمر و نأخذك ويانا
ندى: لا خلاص يوم ثاني كذا أعطلكم ما يصير أروح ومنصور واعدكم أنتو خواته
مروه:لا لا عادي بالعكس خلاص أستعدي و إحنا نمرك ونأخذك المغرب
ندى بابتسامه كلها انتصار :أوكي أنتظركم
شجون: اعترفي أني أم الاختراع وراعيتها
ندى باستها على خدها : تسلمين يا الغالية وأنا مالي غير خطط شجونه حبوبتي
****************
$ في بيت أبو ندى $
وسن مستلقية على الكنبة ونعست ونامت جابت أمها لها بطانية وحطتها عليها
دخل بو ندى وسلم على أم ندى والتفت على وسن
أبو ندى: ليش هذي نايمة هنا وغرفتها فاضيه تنام فوق أحسن
أم ندى: مسكينة جلست يم التلفزيون ونامت ما عليه
أبو ندى: والله ماحد مخربها الاأنتي
دخلت ندى: الله الحلوين جالسين
باست رأس أبوها وأمها : كيف الجماعة
أبو ندى قرص خد ندى: أي جماعه هذا و أنا أبوك حبيبك
ندى بدلع : وأنا مالي غير هذا الأبو العسل
وبدوا يسالفون ويضحكون
ندى: يبه اليوم بتمر علي مروه وبروح معاها المكتبة محتاجين أشياءللكليه
أبو ندى بحنان: لو قايله لي وديتك
ندى: مو مشكله مروه رايحه أروح معاها
أبو ندى: و مين راح يوصلكم السواق؟
ندى نزلت راسها خايفه من ردة فعل أبوها : مروه و منصور وسمر بعد
أبو ندى: طيب بس لا تتأخرين
ندى أبتسمت: طيب باخذ وسن
وسن حست أنهم في الصالة مجتمعين لأن بو ندى ما يضحك إلا وندى موجودة وسمعت كلام ندى كله
أبو ندى: لا مو لازم تروح وياكم خليها أحسن
ندى باستسلام: طيب
وسن سمعت كلا أبوها وتضايقت و حست أنها ب تبكي وعدلت من نفسها لأنها نايمة والتفت على أبوها وبتحدي لأول مره تسويها
وسن: أنا اللي مو حابه أروح
أبو ندى عصب: ها وش قلتي
وسن: أنا اللي ما أبي أروح
بو ندى : ومن قال أني أذنت لك تروحين
وسن: ما يحتاج تأذن لأني لو استأذنتك بكل شي هم راح ترفض
أبو ندى: يعني كيف قصد بـ تروحي بدون أذني
وسن: مو الحين يمكن في يوم من الأيام إذا أستمريت تحقرني
أم ندى: صلوا على محمد ما يحتاج كل ها الكلام
أبو ندى قام من مكانه والتفت على وسن ومسكها من كتفها : هيه أنتي كلام زايد وراح أعلمك شغلك
وسن: تعلمت عادي
أبو ندى وفلتت أعصابه منه رفع أيده وعطا وسن كف
وسن ما ذرفت ولا دمعه يمه بس قامت وطلعت من الصالة للحديقة بره
أبو ندى طلع غرفته وهو طالع التفت على ندى
أبو ندى: لا تتأخرين زي ما قلتلك
ندى مصدومة يربي عشان مكتبة أبوي يضرب وسن:يا عمري يا وسن
أبو ندى: ندى سمعتي الكلام
ندى بخوف: إن شاء الله يبه
أم ندى لحقت وسن للحديقه : حبيبتي ليه راددتي أبوك
وسن :ما يحتاج يمه هــا الكلام هو ما يحبني وعارفه إني مهما أسوي مراح أعجبه
أم ندى: طيب أدخلي معاي
وسن : لا خليني هنا أريح لي
أم ندى دخلت وعارفه عناد وسن
دق جرس الباب إلا مروه داخله : هلا ندى كيفك
ندى: هلا والله بكرتي!!
مروه : هذا منصور يقول انا عارف حركات البنات وبكرنا
ندى: يالله أنا جاهزة " ندى فرحانة و مبسوطة أنها بتروح معاهم وقلبها على أختها اللي أنضربت بسبب الخطط"
شوية إلا يدق جرس الباب بعد ما اطلعت ندى مع بنات عمها
إلا تدخل أم فيصلأم ندى: هلا بزوجة اخوي
أم ندى : حيا الله أم فيصل تو ما نور البيت
ام فيصل : منور بوجودك أم ندى
أبي تروحي معاي لبيت جيراننا يقولون ولدهم صاير له حادث نروح نزورها ونطيب خاطرها
أم ندى: أي جلسي على ما أخذ أذن من أخوك
أم فيصل: أي سلمي عليه بزوره في يوم ثاني
أم ندى: طيب
أم فيصل : لا تتأخرين فيصل على الباب ينتظرنا
أم فيصل جلست في الصالة والشغالة جايبه لها المويه
&
فيصل وهو في السيارة ناظر من سور الحديقة وشاف وحده جالسه معطته ظهرها وشكلها تبكي لأنه يسمع بكيها بخفيف
أبتسم وفي خاطره> هذي شكلها اللي شفتها بالمطبخوبنذالة دخل الحديقة ونزل رأسه لها كانت جالسه وحاضنه رجلها وتبكي
فيصل: ليه تبكي يا الزعلانة
وسن حست انه فيه احد يكلمها وكأنها تتوهم رفعت رأسها شافت فيصل> ما أتوهم أيوه هوفيصل أنصدمت ماعرفت وش تقوله بس زادت دموعها
فيصل وهو يمسح على راسها : ليه تبكين؟؟
وسن نزلت راسها بعدين وقفت :وش تبي أنت تبي أبوي يذبحني
فيصل أبتسم: خلاص خلاص بس مين أنتي وسن ولا ندى؟؟
وسن وهي تدفه لقدام عشان يمشي :وش دخلك ..!
فيصل مسك يدها : انا أبن عمتك مو غريب وبعدين مو قصدي شي بس لا تزعلين أنا أســـف
وسن حست بشعور غريب وحنيه ما حستها من قبل فلتت يدها من يده برقه : ما صار شي
إلا تسمع وسن أمها تناديها : ياوسن تعالي سلمي على عمتك أم فيصل
فيصل : ههههههه آه أسمك وسن هذاني عرفت من غير ما تقولي لي
وسن: إن شاء الله يمه جايه
وسن التفت على فيصل وبابتسامه: وش تبي الحين......؟؟
فيصل أبتسم لها(( يربي تموت ها ابتسامه)): لا خلاص كنت أبي أعرف أي وحده من بنات خالي بس
وسن :طيب خلاص أمشي لا أحد يشوفك
فيصل:طيب أشوفك على خير
وسن ما ردت عليه ومشت وهو يناظرها لين غابت عن عيونه
وسن دخلت وسلمت على عمتها أم فيصل
أم فيصل ناظرت وسن وشافت عيونها منتفخة من البكي وأثار احمرار في خدها
أم فيصل:وسن وش فيك تبكين؟؟
وسن : لا يا عمه بس مزكمه
أم فيصل: وخدك ليه أحمر
وسن استحت من عمتها ولا تكلمت
أم فيصل: أم ندى يا أم ندى
أم ندى وهي تنزل: إن شاء الله جايه
أم ندى: خير يا أم فيصل طولت عليش ؟
أم فيصل: و شفيها وسن من اللي ضاربها
ام ندى :من قال أحد ضاربها
أم فيصل: شوفي خدودها حمر وعيونها حمر من البكي
وسن استحت وعلى طول صعدت لغرفتها
أم ندى: شــ قولك يا أختي تمشكلت مع أبوها وضربها وأنتي تعرفين أخوك
أم فيصل:حرام اللي يسويه بالبنت والله ما يجوز
أم ندى: ما أدري بس شسوي
****************
ندى بالمجمع مع البنات ومنصور هو قدام والبنات ورآه
ندى على طول عينها على منصور
منصور معاهم أول بأول من محل إلى محل ثاني وقربوا من مكتبةجرير أشر على ندى
منصور: تفضلي إن شاء الله تشوفين اللي تبين
ندى: إن شاء الله
مروه: منصور بــ نروح المحل اللي يم جرير ما نبي المكتبة
منصور: كيف أترككم أو أترك بنت عمك
سمر: أنا أروح مع مروه وأنت ظل مع ندى شفت شي نبيه بأخذه وبنجي لكم
ندى انبسطت وفي داخلها >> أخيرا أنا و أنت بس يا منصور <<
منصور في نفسه" والله بلشه كيف أصير معها بدون خواتي والله ورطوني"
ندى دخلت المكتبة ومنصور ورآها قامت تدور في المكتبة تأخذ ألوان وأوراق وكتب ومنصور يمشي ورآها
بعدين منصور أشر على ندى
منصور : انا بروح جهه كتب الشعر تشوفيني يمهم
ندى: .............
***************
شنو راح يصير مع ندى ومنصور ؟؟؟؟
وفيصل ووسن؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الرابع,,,,
ندى دخلت المكتبة ومنصور ورآها قامت تدور في المكتبة تأخذ ألوان وأوراق وكتب ومنصور يمشي ورآها
بعدين منصور أشر على ندى
منصور : أنا بروح جهه كتب الشعر تشوفيني يمهم
ندى: أروح معاك أنا أحب الشعر
منصور باستغراب: صحيح ؟؟
ندى :أيوه
منصور: أي كتاب قريتي ؟؟
ندى :أوه كثير
منصور: أنا من زمان أدور عن ديوان وكتاب يتكلم عن بدر شاكر سياب ومو شايف
ندى بفرح: صحيح أنا عندي
منصور بفرح أكثر : صدق ؟
ندى: أيوه أعطيك إياه
منصور ناظر أخيرا في عيون ندى حس قلبه يدق شاف عيونها تبرق وحنونة فيها جاذبيه عمره ما حس فيها
ندى أول ما طاحت عيونه بعينها حست أنها راح تبكي وفي خاطرها" يربي عيونه تذبح تجنن"
قاطعتهم مروه وسمر وهم يكلمون ندى:هي أنتي مخلصتي..؟
ندى: إلا قربت أخلص
منصور أخذ الأغراض من ندى وراح يدفع ندى لحقته
ندى:أنا أدفع حسابي
منصور هز رأسه بالنفي: أنا الرجال وأنا اللي بدفع
ندى باستسلام وفرحه ما عارضت منصور
ومنصور فرح أنها ما عقبت على كلامه
**********
يـدك اللـي حطت على كتـفي
كحمامة نـزلت لكـي تــشرب
عنـدي يسـاوي ألـف أمنيـه
يا ليـتها تبـقـى ولا تـذهـب)
وسن صعدت غرفتها وهي في حالة اضطراب بين الفرح والحزن
فرح بشوفه فيصل وحنيته
وحزن من جفاء والدها وضربها
استسلمت للواقع المرير وكيف تكسب ود والدها وكيف يعاملها ها ألمعامله "كأني مو بنته أكيدمو بنته لو بنته كان حبني زي ندى " وهي حايره نامت على سريرها وفي عيونها مئة سؤال ينتظر إجابة
*********
لا تعلمـني كيـف أحبـك
لأنـي حبيـتك علمـني شـلون ألقـاك
لأنـي أحتـاجك
ندى دخلت البيت وهي طايره من الفرح تبي ترقص تبي تغني تبي تستهبل ما تدري شـ تسوي
صعدت الدرج وهي تنطط إلا تصدم با أبوها
ندى بارتباك: يبه
أبو ندى :أيوه أبوك ليه تأخرتي
ندى: غصب عني يبه بنات أخوك ما تركوني إلا لمن تعشيت
أبو ندى :طيب روحي نامي
ندى: يبه بكره أجازه بتطلعنا
أبو ندى: وين تبين ؟
ندى: على راحتك
أبو ندى: بكره نشوف
ندى حبت راس أبوها : تصبح على خير
888
ندى تذكرت أختها وسن ودقت باب غرفتها ما حصلت جواب فتحته بهدوء
شافت وسن نايمه زيي الطفلة ماسكه دبدوبها و نايمة غطتها زين وطلعت
888
دخلت ندى غرفتها وشالت طرحتها وعلقت عبأتها وشغلت المسجل على موسيقى كلاسيكية
و أخذت التلفون ودقت على شجون
شجون: أخيرا كنت بنام
ندى: هههههه والله وناسه
شجون: أقول بكره بوسي راسي على الخطة
ندى: والله يجنن ووعدته بـ أعطيه كتاب عندي
طلع يحب الشعر وهـ فديت ها الطول
شجون: الحمد لله رب العالمين ما شفتي بعمرك رجال
ندى: هههه مو أي رجال هذا جنان جنان
شجون: أقول ضفي خليني أنام
ندى: هههه زين بآي يا وجه الخير
شجون:هههه بآي
ندى نامت وهي تحلم بمنصور
********
أم فيصل في السيارة مع ولدها وكان باين عليها أنها متضايقة
فيصل : حس بأمه ولا كلمها لين وصلوا البيت
فيصل: يمه خير و شففيها القمر زعلانة
أم فيصل: متضايقة من أخوي
فيصل: خير وش سوى لك ها الثقيل
أم فيصل: أستحي هذا خالك
فيصل: طيب أنتي اللي قلتي متضايقة منه
أم فيصل: هو طيب بس لمن يجي على وسن يصير شرير
(فيصل لمن سمع اسم وسن تغيرت ملامحه)
فيصل: خير يمه وشي سوى فيها أخوك هذا
أم فيصل ناظرته باستغراب: لا ولا شي
فيصل: يمه تكلمي وشو سوى فيها
أم فيصل: ضاربها على وجهها
فيصل:كسر في يده
أم فيصل بعصبيه واستغراب : وشو ها الكلام عيب هذا خالك
فيصل: أسف يمه بس
أم فيصل : بلا كلام زايد هذا أبوها ومن حقه يسوي لها أي شي
فيصل: مو قصدي يمه أنا أسف يا الغالية
،(، أم فيصل بالرغم العصبية والحدة في كلامها اللي كلمت فيها فيصل إلى في داخلها فرح أكيد يحبها ولا ليش ينفعل على ضربها ،)،
} فيصل سكت خاف على زعل أمه بس فيه فضول يعرف السبب {
فيصل * في داخله ودهـ يعرف السبب بس بـ ينتظر والدته تهدىء ويكلمها*
أم فيصل دخلت البيت وصعدت غرفتها على طول وفيصل متضايق من نفسه: أكيد أمي زعلانة
***********
& في بيت أبو ندى&
دخل أبو ندى الغرفة وجلس جنب أم ندى : خير وش فيها الحلوة زعلانة؟
أم ندى: والله تعرف السبب
أبو ندى: أيش أعرف السبب..؟
أم ندى: ضربك لـ وسن مالها داعي هذي بنتك
أبو ندى : هيا استفزتني وخلتني أضربها
أم ندى: حرام عليك ربك بيحاسبك عليها دايما ظالمها و حاقرها قدام أختها تعامل ندى أحسن منها ليش هي كبرت وراح تميز معاملتك
أبو ندى بضيق: خلاص سكري على السالفة
أم ندى تضايقت كل مره يسكر الموضوع
أم ندى : شوف أختك شافت وسن اليوم وتضايقت منك
أبو ندى: أم فيصل شافتها وش قالت؟
أم ندى: عصبت وأكيد بتكلمك على السالفه أنا حبيت أقولك عشان ماتستغرب يالله تصبح على خير
، أم ندى عطت أبو ندى ظهرها عشان تفهمه إنها زعلانة منه،
أبو ندى، سكت وهو في داخله خايف من ردة فعل أخته ما يبي يضايقها إلا أم فيصل ،،
**********
منصور دخل البيت مع خواته وهم مبسوطين منصور يفكر أول مره يحس أن ندى غير عيونها عسلية وحلوه بس ما مره خطرت في باله
كلامها رقيق وأكيد هي جميلة بقدر جمال عيونها
مروه: تجنن ندى التمشية معاها غير
سمر بتأكيد : أي والله ذوق و تهبـل
مره : لازم نخطط على طلعه معاها وش رأيك منصور؟؟!!
منصور وكان مو منتبه : ها وش تقولون
سمر : لا تخاف المرة الجايه أحنا ندفع ما راح نخسرك هههههه
منصور : أي مو مشكله
(منصور دخل غرفته بين وصف خواته لجمال وسن ورقة ونعومة ومعاملة ندى
مو عارف يحدد مشاعره وسن أو ندى)
***********
فيصل متضايق مو قادر ينام يتقلب يمين وشمال ما قدر طلع بره غرفته
كان يبي يدق الباب على أمه بس خاف تكون نايمه
تشجع وضرب الباب بخفيف وحط أذنه على الباب سمع صوت أمه: تفضل
دخل فيصل: ما نمتي يمه
أم فيصل : لا ما جاني النوم
فيصل: يمه أنا أسف مو قصدي أزعلك
أم فيصل : خلاص مو مشكله
فيصل : يمه أقولك شي وما تزعلين مني
أم فيصل : خير تكلم
فيصل : يمه أنا أحب وسن
أم فيصل باستغراب : كيف ومتى عرفت وسن عشان تحبها ..؟
فيصل وهو منزل راسه : شفتها عندنا في البيت بس والله يمه ما كان قصدي
قاطعته أمه : إيه أدري
فيصل رفع راسه وحط عينه بعين أمه: تدرين؟
أم فيصل : أيوه دريت وبعد..
فيصل : شفتها في بيت خالي اليوم و أحنا هناك
أم فيصل : كيف
فيصل: وهي في الحديقة دخلت وهي كانت تبكي وكلمتها بس أهي ارتبكت ودخلت لداخل والله هذا كل اللي صار
أم فيصل : يعني تبيني أخطبها لك
فيصل : إيوه يمه أبيها بس ..
أم فيصل : بس أيش
فيصل : ليه خالي ضربها هي أيش مسويه..؟؟
أم فيصل: وش قصــدك؟؟
فيصل : هي غلطانة بشي عشان يضربها
أم فيصل : حرام عليك وسن هذي زي الطفلة ملاك من البشر ما في احد مثل أدبها وجمالها وأخلاقها
فيصل: ليه يا يمه ضربها
أم فيصل: لا تخاف يا يمه وسن شريفه و ما هي المسألة كذا أهي متخانقه مع أبوها و زعل عليها بس.
فيصل:بس يضربها
أم فيصل: حبيبي لا تفكر في شي بكره نتكلم أبي أنام
فيصل حب راس أمه وطلع وهو مازال يفكر في موضوع وسن
*********
& في منزل أبو ندى &
مع تغريد عصافير الصباح وشروق شمس جديدة على منزل أبو ندى
صحت وسن ودخلت الحمام وغسلت وجهها ناظرت في نفسها با المرايه
// ليه هذا الجمال مايخلي في قلب أبوي رحمه //
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك