رواية كابرت بفراقك مع اني تألمت -34
مزاجه صج انك ياتركي مزاجي
جلست تناظر بالطاوله مالها نفس تاكل شلون تاكل وتركي مو معاها ع السفره
جلست تناظر بالصحون المليانه اكل
شربت لها مويه تبلل ريقها ودقت على الخدمه للفندق يجون يشيلون الاكل
ودخلت عليه الغرفه ماشافته وسمعت صوت المويه بالحمام شغاله
لجين :تركي ياااااتركي
تركي: .......
لجين خافت ليه مايرد: تركي شفيك علمني
تركي:.........
لجين خافت اكثر عليه وبدت تقرب للباب وتفتحه مايفتح
تعبت وغرقت عيونها بالدموع: شفيه ليه مايرد وبين صراخها عليه حس تركي ورد عليها بثقل
تركي: اهليي يي ن ياعرووووو ووو س انا بخي ي ييير لاتحاتين
لجين: طيب افتح الباب لاتخليني اخاف عليك اكثر من كذا تكفى تركي
تركي وهو عقله شبه غايب : عدي من الواحد للعشره
لجين خلاص فقدت اعصابها: تركي مو وقت مزحك افتح الباب خلني اشوف ايش فيك
قام تركي بصعوبه وطول على مافتح الباب
تركي: انا تررر ككككي بشحمي ولحمي حصان قدامك مااافي ييني شي
لجين خافت من وجه تركي اللي تغيرت الوانه
تركي ولسانه ثقلان: وش فيييك تطاا لعيني كذ ا ليه شاي فه اسد قد امك
لجين بخوف على تركي: ليه وووجهك كذا تركي فييييك شيييي
تركي ويرمي لجين عنه وتطيح ع الطاوله وتتألم: انتي ليه هذره هاه ماتخلين الواحد يرتاح
مشى تركي الى ماوصل لسرير نام عليه وبعد 10 دقايق عم الهدوء ولجين على الارض تبكي لان الضربه علمت بجسمها
وقف لجين بصعوبه بعد ماسندت نفسها على التسريحه
وجلست تناظر بوجهها ليه ياتركي وش صار فيك ليه تغير مزاجك كذا
وشكت بشي بعدها قالت (لامستحيل يكون كذا اكيد انا انجنيت )
دخلت الحمام (تكرمون) وهي خايفه لايكون توقعها صادق دخلت وعيونها تدور على كاس او علبه خمر او شي مالقت ارتاحت بس شد انتباهها شي ابيض باقي له اثر على الطاوله
ارتبكت لجين وزادت رجفتها : ايش هذا
قالت اكيد هذي بودره او وسخ ماتنظف
ماعطت هالشي بال وطلعت وطفت الانوار
شافت تركي كيف نايم بثوبه حتى من غير مايبدل ملابسه
المها قلبها عليه شفيك وايش اللي غير مزاجك علي كنت انسان وانقلبت انسان ثاني
والتفت لكتفها وشافته كيف صاير احمر وانكسر خاطرها مو من اول يوم ياتركي
اسحبت البطانيه من تحته وغطته وطفت الانوار وطلعت تناظر في التيلفزيون
اذن الفجر صلت ودعت ربها ان الله يهدي زوجها ويسعدها معه ورجعت تناظر التيلفزيون
الى مانامت وهي جالسه وراسها مسند على يدهــــــآ
.......................................
اليوم الثاني الكل متواجد عند بيت ام فهد وينتظرون العروس والعريس يشرفونهم
الجوري: تبين الصراحه محلوه فنون وش مسويه بنفسك
افنان تدلع على الجوري: انا احم من يومي حلوه
الجوري: لاوالله متغير شكلك شمسويه
افنان : من متى متغيره عليك
الجوري: من امس بس ساكته قلت يمكن من المكياج لاكن اللحين مافيه مكياج صايره ناعمه وتخققين اه يالحماره لايكون علشان تتزوجين
افنان كشرت بوجهها: الحماره انتي اذا تفكيرك فيني كذا
الجوري: ههههههههههه طيب قولي لي وش مسويه
افنان: حفيت وجهي ورتبت حواجي وشكلي
وسويت لي صنفره وتقشيرات للبشره
الجوري: اوف اوف وليه ماقلتي لي
افنان: انتي من يومك تسوين اما انا توني اللحين اغير
الجوري: بس قلتي لي اروح معك
افنان: لا ماحبيت اشغلك وانتي مشغوله
الجوري: اذا قلت لك حماره
افنان: طالعه عليك ماعليك زود هههههههههههههه
شوي وتدخل ساره وتسلم عليهم ويكملون سوالف عن الزواج وعن
لجين وتركي كيف كانو لايقين على بعض وكل وحده تتكلم عن المعاناة اللي عانتها
الجوري اقرب للهمس: فاتكم امس فيصل ولد عمي هو اللي خذانا م الصاله مع اخته اللي ماابلعها لاهي ولااخوها احلاهم عمي وخالتي بس
افنان: وانا امس تقولين سايقكم طلع اخوك الحقير
الجوري : حلفي هو اللي قالي السايق برى خلي افنان مع اخوانها تطلع
افنان: وخير افنان حاف كذا ماقال صديقتك شي
ساره: يعني مثلن انا اللي بروح معه
الجوري: واخوانك يموتون فيه وهو يعشقهم
وكملت بخباثه : الله يلين قلبو الكبار على الكبار
افنان: يقول امس لريم ان خطوبته قريبه
الجوري: حلففففي والله وفهود يعطيك اخبار حصريه
ساره: حتى لامه وخواته مقال لهم
افنان تبتسم ابتسامه صغيره وكلها الم: اكيد بيقول لهم لان هم اللي بخطوبنها له
قطعت حوالهم امل : اقول دقو على صديقتكم وينها
الجوري: شعليك ماشبعو من بعض
ساره : هههههههههه عندهم الليل كله دقي عليها
افنان: الله يعينها عليكم اذا جات
الجوري: صبري بدق عليهم مو على كيفه تركي ماشبع منها بترجع له طول الوقت
احنا مشتاقين لها
افنان: زوجها شفيكم
امل : دقي عليها خلصي
الجوري: وحضرت جنابك وين جوالك
امل: عند عيالي مادري وين خذوه ميتين على هاللي ترد وراهم
يقولون كلمه وترد وراهم ويتهاوشون عليه
الجوري: ههههههههه اللي كأنها قطو ههههه الله يعينك عليهم
مسكت الجوال وبدت تدق وماترد
واكثر من مره وماترد
استغربو غريبه وبدت تدق على جوال تركي
الساعه 12 الظهر مكمل نوم الا من جواله اللي جنب راسه ازعجه
تركي: اووووووف انا قايل لهم ماني جايهم اليوم شفيهم ازعجوني
اوريك يامساعد الخبل
(وبيدور بإيده على الجوال وفتح عينه ولقاه استغرب المكان ورد)
تركي: الوووووووو
الجوري: ناااااااايم
تركي: ايه شبلاك
الجوري: مالت عليك من عريس
تركي: شعريسه
الجوري: ادري عنك وين لجين اكلمها ماترد
استوعب تركي ان امس زواجهم ودارت الاحداث كلها براسه في لحظه
تركي يرقع: بالحمام اذا طلعت خليتها تكلمك
الجوري: طيب بسرعه تعال ترى امي تنتظركم والعيله كلها متجمعه هنا
تركي: طيب طيب يلا سكري اللحين دقايق وانا عندكم
الجوري: طيب باي
تركي: باي
نفض راسه تركي من النوم مع انه ماشبع
وحط جواله ع الطاوله وشاف شكله ان بالثوب ومابدله
استغرب وينها لجين : وينها هذي بعد
فتح باب الحمام وتذكر يوم يرميها على الارض
تركي: يوه انا شسويت فيها الغبي والله راسي كان يوجعني والنوع اللي عطاني بو عصام قوي شكله لاني ماحسيت بنفسي
تركي: البنت وينها مو هنا لايكون راحت بيت اهلها وتركتني هنا
طلع من الغرفه وراح الصاله وشاف التيلفزيون يشتغل ونايمه على كنبه ومسنده رقبتهاعلى ايدها تعاطف مع شكلها كثير (اكيد زعلت يوم رميتها ياربي لازم اتفاهم مع بو عصام لايعطيني نوع قوي وانا معاها)
يقرب منها ويبعد شعرها عن وجهها يبي يشوفه اشتاق لوجهها كثييييييير
رفع راسها عن ايدها لانها اذا جلست اكيد بتألمها مع رفعته راسها فتحت عيونها وشافته ورجعت خايفه منه
تركي بإبتسامه وبوجه مليان حنيه : صباح الخير
لجين فاتحه عينه مو مستوعبه: صباح النور
تركي: ليه مانمتي داخل
لجين تتهرب: كنت اشوف التيلفزيون وغفت عيني وانا ماحسيت
تركي: تبي ترتاحين داخل ارتاحي
لجين: لا الحمد لله شبعت كم الساعه اللحين
تركي وعيونه معلقها بعيونها : الساعه 12 بدري ماعليك اذا بترتاحين ارتاحي ماعليك
لجين: لا الحمد لله مافيني شي
وكانت لجين فاسخه القطعه الثاني ونايمه بالكات الحرير السكري الجاي على جسمها وراميه القطعه الثانيه الدنتيل جنبها
تركي ويحط ايده على خدها: اسف على اللي صار امس
لجين ارجفت من لمسته لها
تركي: والله ماكان قصدي لاتواخذيني اسف مره ثانيه (قرب منها وباسها على خدها وطول وهو ملصق فمه على خدها وابعد شفايفه عن خدها ببرود وببطيء)
وبعد ماابعد عنها
تركي: انا رايح اتروش بالحمام اللي هنا انتي تروشي بحمام الغرفه علشان مانتأخر عليهم
لجين تسعبل بعيونها
قام تركي عنها خذ الفوطه له من الغرفه وطلع من الغرفه وشافها كيف تناظر بالارض سرحانه ابتسم لها : يلا بسرعه سمعتيني
لجين اخترعت : ان شاءالله ان شاءالله
قامت لجين بسرعه خذت فوطتها وتروشت وهي بالحمام تتروش وعقلها مو معاها وايدها على خدها : شفته رقيقه ناعمه هاديه عذبني ببوسته اه ياقلبي (وتلتفت للمويه ) شفيها حاره المويه اليوم اووووف موت حر
كملت تروش وطلعت وشعرها لافته وجلسمها بعد بفوطه
دخلت الغرفه ماشافته قالت اكيد بدل قبلها لانها تعمدت تتأخر بالحمام علشان هو يدخل ويبدل ويطلع جلست يمكن نص ساعه بالحمام
والمعروف ان الرجال ترويشتهم بسرعه يخلصونها لان ماعندها شعر طويل يغسلونه ولا هم وكريمات الا الرجال المهتمه بيحطون كريمات اما عذاب الشعر وغسيله هم
طلعت من الحمام وماشافته وفكت الفوطه عن شعرها وبدت تسرحه الفوطه بجسمها
.........................
كان تركي جالس بالصاله على جوال لجين ويقرا تعليقات صديقاتها عن زواجها بالايفون
وجالس يضحك ويستناها تخلص علشان يدخل الغرفه
شاف الساعه 12 و40 دقيقه
شفيها هذي شكلها مو ناويه تناديني
ترك جوالها على جنب وراح للغرفه متوجه لها
وفتح الباب على طول لانه متأكد انها بدلت وخلصت
لاكن تفاجأ فيها
لجين كانت تسرح شعرها وتفاجأت فيه مابدل بفوطته اللي على خصره
لافها صدره عاري من خجلها نزلت عيونها بالارض وبدت ترجف والرجفه وضحت لتركي يوم شاف ان فرشاة شعرها ترجف
تركي يعشقها اذا ارتبكت واستحت منه يذوب زياده
قرب منها ومسك الفرشه وحطها ع التسريحه وصار يناظر نفسه بالمرايه وهي قدامه
خذ ايده وحطها على بطنها وملصق صدره في ظهرها وذقنه سانده على كتفها
تركي بهدوء : نعيمن
لجين برجفه : وانت نعيمن
تركي ابتسم: ريحتك جنان
لجين بربكه: مين
تركي ابتسم : وحده معذبتني
لجين نزلت عيونها بالارض لان عيون تركي بتاكلها
تركي حس انه ثقلها عليها ابتعد عنها وراح يلبس ملابسه لجين انحرجت وهي تشوفه فاسخ
جنبها والتفت للجه الثانيه ماتبي تشوف
تركي اتبسم بداخله (وربي هالبنت بريئه واناعقلي طاير الله يعينها علي)
كملت تسريح شعرها وشعرها مسرح من وقت وهي من الربكه تسرحه مره ثانيه
خلصت تركي من ملابسه الداخليه وراح للثوب يلبسه
ولجين تجفف شعرها بالاتسشوار وتستشوره بنفس الوقت
خلص تركي طلع خلاها تاخذ راحتها لجين خافت من حركته تتكرر انه يفتح الباب عليه قفلته
وتركي طلع من الشقه وخلاها تاخذ راحتها رايح يعبي بانزين لانه نسى يعبيها ومن امس فاضيه سيارته
....................................
لبست فتسنانها الناعم الاسود وشفاف والبطانه حقته حبري وصاير عليها جونان
حطت لها روج عنابي دخاني يجنن وعكس على بياضها ولبست جزمه حبري واكسسوارات حبريه وطلع شكلها فضيع واستشورت شعرها وطاح كله على وجهها وصارت روعه
بعد ربع ساعه طق تركي الباب لما شافه مقفل
تركي: خلصتي لجين ترى كلوني اهلي عليك
لجين : ايه خلصت بس البس عبايتي واجيك
تركي: فتحي الباب طيب باخذ غترتي
لجين صدق اني غبيه كيف بياخذ اغراضه واغراضنا مين بينزلهم : ان شاءلله
(فتحت له الباب وناظرت فيه وهو وقف ومسند جسمه على الباب يناظرها)
لجين :فتحت الباب انا خلصت ادخل خذ اغراضك اذا خلصت نادني
ومشت قدامه مسكها تركي من ايدها: ايش الحلاوه هذي
لجين نزلت راسها منخجله منه: مشكور
تركي: تعالي كشخيني نفسك
مسكها من ايدها وسحبها معاها لداخل الغرفه ولجين المتها يدها لانها امس طاحت عليها نفسها اللي مسكها تركي
وقفها قباله وقال لها
هذا الكبك حقي حطيه لي ركبيه بكمي
لجين وعلامات الالم مرسومه عليها
تركي: وش فيك
لجين وهي ماسكه ايدها : مافيني شي
تركي: عطيني يدك اشوف
لجين : والله مافيني شي
تركي سكت ماحب يصر عليها
مد ايده لها وركبت له الكبك
تركي: مشكوره
راح للمرايه يلبس غترته ويتكشخ
لجين واقفه وراه تناظر فيه
تركي لاحظ سرحانه فيه ابتسم والتفت عليه
تركي: الوو وش فيك
لجين انحرجت: مافيني شي
تركي: مو لهدرجه انا مزيون
لجين: لاتصدق نفسك
تركي: هههههههههه طيب ممكن حبيبتي تعطرني
لجين قلبها ذاب عنده مسكت العطر وجات بتعطره مسك تركي ايدها قبل لاترش العطر عليها
ومع مسكته لها طلعت لجين صوت خفيف يعبر انها تتألم
تركي شاف ايدها وماحاول يبين لها انه انتبه وعرف انه هو ورى هذا كله
ومسك العطر منها وعطرها وحضنها وقال: كذا تعطريني
لجين دمعة عينها ماتدري ليه امس تغير مزاجه واللحين معااها عسل واللي يقهر انه مايتذكر وماكأنه مسوي شي
تركي بعد مادفن لجين بحضنه ابعدها عنه
تركي : يلا لبسي عبايتك انا باخذ الاغراض انتظرك برى
وحمل تركي كل الشناط حتى شنطتها الي فيها اغراضها اللي بتشيلها هي ماخلاها تشيلها لان عارف ان ايدها تألمها ستغربت لجين ليه شالها انزل من غير شنطتي
طلع للصاله وشاف جوالها وخذه معاه وحطه بشنطتها ونزل
نزلت لجين بعده وركبو السياره وركبت لجين جنبه وراحو متوجهين لبيت ام فهد
..........................
بيت ام فهد الكل متواجد وينتظر المعاريس يدخلون عليهم
طبعن تذكير لجين جدتها حلفت ان تركي ولجين يسكنون عندها
ولجين ماتبغى تبعد عن جدتها وتركي واقف لان لجين متعلقه بجدتها وجدتها نفس الشي متعاقه بالجين
نزلت لجين من السياره
تركي: انا رايح عند الرجال خلي جوالك جنبك مو اكلمك وماتردين
لجين : ان شاءالله
تركي: اذا بغيتي شي قولي لي طيب يلا فمان الله
راح تركي داخل عن الرجال ولجين واقفه تطالع فيه وهو يمشي وعاطيها ظهره
متنحه عليه ومتخققه على اسلوبه طول الوقت بسياره يتغزل فيها وماسك ايدها وهي لاصقه في باب السياره من الحيا وهو يحاول يحرجها زياده الى ماوصلو البيت صار شوي جدي معاها وقال له اللي قال
دخلت لجين من الباب وبدت الزغاريط تتعالى والكل يجي لها ويسلم عليها
الجوري تفسخ عبايتها افنان تعدل شعرها وساره تبخرها
والكل مستانس فيها
الجوري: حيا الله زوجة الخوي المصون مابيغتو توصلون
ام فهد : هلا والله ببنتي تفضلي
(تقرب الجوري لم افهد وتبوس راسها وايدها)
ام فهد: تبوسين الكعبه ان شاءالله
لجين: تسلمين خالتي
ام فهد : ناديني يما انا امك من يوم ورايح وحالك نفس حال بناتي
وتقبل العمه والجده ويسلمون على الجوري اللي غرقت عيونها ورجت باست راسم ام فهد مره ثانيه
ويوم شافت الجده والعمه قربو لها باستهم وحضنتهم وبكت بحضنهم كأنها شهر ماشافتهم
وسلمت على باقي البنات مشاعل ودانه ونجود ووجدان وانفال وامل ومها وغاليه وجمانه ومشاعل وروان ومرام اخت ساره والكل
الكل محتفل فيها وبعدها جلست لجين وجلسو جنبها افنان وساره والجوري
الجوري: بسرعه نبغاها بالتفصيل
افنان: شوفيها كيف مستحيه ومتذربه صاير شي قوي
ساره: مستحيل من اول يوم سويتيها اذا انتي اكثر وحده تستحين بينا من اول يوم اجل افنان في الصاله
الجوري + لجين + ساره: هههههههههههههههههههههههه
افنان: سخافتكم
لجين: ماصار شي كان تعبان ونام
الجوري: اعرفه اخوي جريء ولا بوسه ولا شي
ساره: خلاص قالت لكم ماصار شي
افنان: سمعيني لايكون تتغيرين علينا بعد الزواج
لجين: انا لله ههههههههه
ام فهد : يلا يابنات الغدا جاهز
راح الكل يتغدى وهو فرحان بزواج تركي من لجين
.............
عند الرجال
مساعد : غيرتك المرا بالسرعه هذي
تركي: هههههههههه ليه تبي تتزوج تزوج ترى الزواج وناسه
كان فهد يسمعهم من بعيد وقلبه يألمه اخوه الصغير تزوج ومستانس وهو يبقضي العمر كله مستحي وخايف يفتح موضوع زواجه لأمه
ابراهيم : الله يوفقك ويسعدك
تركي: امين كثر من الدعوات هذي
وانحط الغدا وبدت الناس تتغدى وعم الهدوء شوي طبعن عند الرجال هدوء اما الحريم يزيد الازعاج ولايسكتون عن الكلام
بدو يضحكون على فلانه كيف ترقص وعلانه كيف تمشي وكيف فستانها ولاسكتو
.......................
تغدو الخلق وشربو الشاي والقهوه واذن العصر اللي راحو الرجال يصلون
كانو جالسين يحققون معاها
لجين : جننتوني تراكم خلاص قلت لكم كل شي
الجوري: اه ياتروك يالحقير طلعت منت هين
لجين : ماارضى عليه تراه زوجي
افنان: يوه تطورات
ساره : عيب لاتضحكون على زوج صديقتي
لجين : ان شاءالله تتزوجون قريب واضحك على ازواجكم
افنان+ساره+ الجوري: ههههههههههههههههههه
الجوري انتهت لإيد لجين : ايش هذا لجون
لجين اترتبكت حاولت تخفي العلامه اللي بيدها بالكريمات والبودره ماقدرت
لجين: من قبل الزواج فيني هذي
افنان: لاتكذبين انا شفتك مانتبهت لها
ساره : ولا انا
لجين ارتبكت : يمكن كنت مغطيتها بالطرحه
الجوري حست بالموضوع ان وحبت تنقذها: ايه صح تذكرت الا انا شفتها قلتي لي طحتي عليها صح
لجين بربكه اكثر: أيه ههههه هههه هه
ساره: وشافك تركي كذا شقال
لجين: قال وش فيها ايدك بعدها قلت له وسكت
افنان: ماقال لك جعلها فيني ولافيك
لجين : ههههههه مسلسل كوري احنا
الجوري: اكيد قال بس شفرت الكلمه هههههههه
لجين ترمي المخده عليها: ياحمــــــــــآره
شوي ورن جوالها المتصل (تركي)
افنان : كلميه قدامنا مافيه روحه
لجين: طيب لاتاكلوني
لجين : الووووو
تركي: هلا وغلا
لجين : احم هلا فيك
تركي: كيفك
لجين : الحمد لله تمام
تركي: تغديتي
لجين : ايه الحمد لله
تركي: بالعافيه
لجين : الله يعافيك
تركي استغرب ليه ماسألته
تركي: احم وانا تمام وتغديت وعلي عافيه
لجين : هههههههههه (مو قادره تتكلم لان اذانهم دخلت بجوالها)
تركي: اقول طلعي برى ابيك
لجين: اوكي تامر
تركي: اللحين
لجين : هههه ان شاءالله
تركي: فيك شي تكلمي
لجين : مافيني شي اللحين اجيك
تركي: اوكي انا برى
لجين: طيب
وقفلت لجين من تركي واستلموها البنات
لاكن ماقدرو يحرجونها لان نجود ومشاعل جاو
مشاعل: ولد عمي برى ينتظرك
لجين: وين شفتوه
نجود تبي تجننها: من النافذه واه عليه صاير خقه بالنظارات
لجين: هاااااااااااااء اه يالحقيرات تراه زوجي
الكل: هههههههههههههههههههههه
لجين جننوتني اروح له ازين
راحت لجين طلعت من الصاله لبرى بالحوش وشافته واقف وعاطيها ظهره
لجين حبت يلتفت لها ماحس لانه كان سرحان
مشت بقوه علشان يحس ويسمع صوت مشيتها ابد ماحس
لجين: احم احم
حس تركي فيها والتقت وشافها وتعلقت عيونه بعيونها مايدري ليه عيونه من تتقابل بعيونها تتعلق من غير لايحس
طبعا لجين ماانتبهت لعيونه اللي تعلقت فيها لانه كان لابس نظاره
تركي: موعاجبني هنا الوضع قومي نروح بيتنا
لجين: والبنات هنا ينتظروني حرام
تركي: وانا مو حرام من امس انتظرك
لجين انحرجت واعتلت دقات قلبها
تركي: اختاري يابيتنا ولا غرفتي فوق تراني مجهزها لك
لجين ارتبكت اكثر
تركي الوقت معاك ضايع مسك جوالها ودق على الجوري
تركي: الوووو .... جيبي عباية وشنطة لجين ... ايه برى انا معاها...... تسمعين من خشمك انتي بسرعه ....... مالك دخل يلا والله ان تأخرتي كسرت راسك... بسرعه
وقفل منها
لجين: لا تركي ماقدر اترك البنات
تركي : البنات اهم مني
لجين: لا بس احم خلها وقت ثاني
تركي: طيب نروح غرفتي فوق
لجين : لالالالالالالالالالا
تركي: علامك انصرعتي
شوي الا تجيهم الجوري
الجوري: شفيك لجين فيك شي
تركي: مافيها الا عافيه جيبي العبايه الشنطه اشوف
لبست العبايه لجين تنفيذ لأوامر تركي
الجوري: مبروك عليك ياعريس ماباركت لك
تركي: ابوك يانصب امس مسلمه علي 4 مرات
وبعدين خلاص باركتي لي بالخطوبه كل يوم هو
الجوري: جزاتي ابارك لك ماتستاهل والله
تركي ترك الجوري لحالها تتحلطم ومسك يد لجين وهالمره مسكها من اليد اللي ماتألمها لانه عرف أي ايد اللي تألمها ومامسكها مسك ايدها الثانيه
وطلع من البيت وركب السياره معاها وراح
الجوري: اوريك يالحمار يالنذل يالحقير تفشلني قدام زوجتك
شوي وتسمع صوت : مياااااااو مياااااااو
الجوري ماحبت تستوعب الصوت وهي تكره البسات
الجوري: لا يمكن الهوا ياربي بدخل ازين
شوي الا توقف بوجهها خلاص ماقدرت غير تصرخ صرخه مالحق عليها
الا شخص ضمها وخوف البسه وراحت
الجوري تخاف موت من البسس وجلست تبكي ماتخيلتها قدام وجهها
:خلاص راحت هدي
الجوري بعدت نفسها من حضنه وخافت اكثر
يبعد شعرها عن وجهها: خلاص راحت لاتخافين وليه الدموع كذا على اتفه الاسباب تنزل
الجوري ساكته مو عارفه ايش تقول
ابعدها عنه : انا داخل ادخلي بسرعه قبل لاتجيك مره ثانيه دخل وتركها بمكانها
استوعبت الجوري وبسرعه دخلت داخل البيت
...........................
افنان كانت تدور اخوانها في البيت مالقتهم من بعد الغدا فاقدتهم
شافت الجوري بوجهها داخل من داخل سالتها
افنان: الجوري شفتي ريم ومحمد
الجوري ببلاهه: هاه
افنان: اخواني مادري وينهم
الجوري: شنو مين
افنان: اخواني وينهم
الجوري: مادري وينهم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك