رواية كابرت بفراقك مع اني تألمت -3
الجوري: افنان ووجع والله اخوي يستنى بيعصب علينا اللحين
افنان : ليه قلتي له اني ابغى احد يوصلني
الجوري: مو انا اللي قلت له هو شاف محمد وقال بيوصلك
افنان : حسبي عليك ياحمود كانك مفشلنا
الجوري : والله ازعل عليك وش فشلته هو قال بيوصلك
ماقال ليه جايه عندنا واخوي تراه صريح يعني ماعنده لف ودوران
لو متضايق من توصيلته لك كان قال
افنان : بس ......
فهد من ورى الباب: لابس ولا شي يلا انا انتظركم بالسياره
افنان ماتت حيا : وااااه وش هالفشله
الجوري: ههههههههه اول مره اشوفك مستحيه هههههههه
افنان : انطمي لاتخليني اللحين احلف اني ماركب سيارة اخوك
الجوري: خلاص اسفين يلا انا رايحه اجيب عبايتي
وانتي صحي اخوانك خليهم يجهزون
افنان : طيب
ريموووه يلا انقلعي قومي قال ايش مافيني نوم شوفي عيونك
بسرعه قومي
ريم : مين جانا بابا
افنان : ايه جانا بطيارة جدي اللي صنعها قبل طعش سنه
قومي لااذبحك خلصيني حمدي ربك احد بيوصلنا
ريم : طيب يوووووه كل معصبه قمنا قمنا
راحت افنان ولا عطت لطوالة لسان ريم وجه
وحاطه احتياط انها لابسه عبايتها ومستره نفسها
وصحت محمد بس مو راضي يقوم فضطرت تحمله
وهي رايحه للمجلس من شان تشوف ريم وتقول لها تشي شنطتها وتطلع
نزلت الجوري وهي لابسه عبايتها
الجوري: يلا جاهزين شوي الا سمعو هرن سيارة فهد البورش
الجوري: يلا يلا لايعصب
افنان : يلا
انتهى البارت الثاني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثالث :-
...................................
طلعو من البيت وكان فهد موقف السياره قدام البيت
ركبت الجوري قدام هي كانت حامله ريم بيدها
وتسولف معاها ويوم وصلت للسياره ركبت وركبت
ريم بحضنها
اما افنان بوضع حرج مو عارفه كيف تفتح الباب
جلس فهد يناظرها من المرايه الجانبيه لانها تحاول تفتح الباب اللي وراه
نزل فهد من سيارته والجوري وريم منشغلين بالسوالف والضحك
وقرب منها وفتح الباب وماقدر يمنع اندفاعه لها من غير شعور
قرب منها وحط ايده على ايدها من تحت ظهر محمد
الجوري من لمسته حست بكهربه وشالت ايدها بسرعه
وقبل لايطيح محمد شد ايده فهد على ظهر محمد وحمله
فتح الباب الثاني اللي من جهة الجوري
ودخل محمد السياره
افنان جلست برى مو مستوعبه
فهد من من شان يركب مقعده لازم يمر من جنب افنان لانها لسى برى مادخلت
فهد : انا ماكنت اقصد شي غير اني احمل محمد عنك
لاني حسيت انك مو قادره تحملين عمرك
فحبيت اساعدك وفتح باب مقعده
ناويه تنامين جنب الباب بسرعه يلا
ركبت السياره وهي احساسه
احراج + ارتباك + خوف + قهر
.................................................. ......
وصل نواف البيت دخل البيت
سلم على امه واخته وقال انه بينام
وصعد الدرج فوق متوجه لغرفته
دخل غرفته وشاف وراح على الدولاب لملابسه التعليق
وطلع الشنطه منها وبدت عنده حرب بداخله
مابين قلبه وعقله
قلبه يقول فتحه وعقله يقول مو من اخلاقك تتدخل بشي مايخصك خذ الشنطه وحطها على سريره وبدل ملابسه لبس بجامه يرتاح فيها جلس قبال الشنطه وكأنها هي اللي جالسه قباله
نواف: والله اني اموت بهواك ساكت طول عمري ويوم شفتك مادري وش اللي قلب حالي احبك وانا اقصد وحاس بكل حرف من حروف هالكلمه تكفين حسي فيني
قرب ايده من شنطتها نواف: انا مو من عوايدي اشوف شي مو لي بس حبك تخطى كل حدودي سامحيني مو متحمل ماافتحها
فتح شنطتها واول مافتحها شاف شي يلمع
قرب ايده ولمس عطر طلعه وشاف عطرها
اللي دايم يشم ريحته فيها
خاف انه اذا هو بيطلع الاغراض يمكن يتردد
فخذ الشنطه وعكسها وتناثرت اغراضها كلها على سريره
من كم دفتر وكتاب وعطر وكم اغراض للبنوتات
فتح دفتر جذبه شكله وكان لونه وردي ومغطى بالفرو
الوردي وريحته تجنن
قرى اول صفحه مكتوب فيها عشق الطفوله كبر مع سني
من آلصعب آن ٺحب شخصآ بجنۈن ۈأنٺ ٺعلم بآنڪ لن ٺڪۈن له ..
ۈآلآصعب من ذلڪ أن ٺسٺمر بحبه ۈٺٺجآهلآلحآجز آلذي يمنعڪ من آلٺقرب منه ..
فٺٺعلق به يۈمآ بعد يۈم حٺى دۈن أن ٺشعر ..
قمة آلألم آن ٺحب شخص ۈٺعشقه بصمٺ ..
ليصبح آلصمٺ هۈ آلصديق آلۈحيد لڪ ...
فيٺحۈل آلى جزء من حيآٺڪ ...
ڪلمآ آحسسٺ بآلشجآعه ۈآلقۈةۈآلجرأه لٺبۈح عمآ في قلبڪ يسٺفزڪ هذآ آلصمٺ
بڪل برۈدة ۈهدۈء ليقۈل لڪ : ڪفى ... آصمٺ
قمة آلحزن أن ٺرى آلحب ينٺهي شيئآفشيئآ ۈأنٺ ٺقف عآجزآ عن فعل آي شيء
ڪيف لآ ! ۈآنٺ ٺعلم منذ ألبدآيه بأنڪ لم ۈلن ٺڪۈن له ...
ۈلڪن آسٺطآع آلحب أن يدخل آلى قلبڪۈيرسم آبٺسآمه أمل رغمآ عنڪ ...
قمةآلعذآب أن يبقى آلخۈف مسيطرآ على قلبڪ
ليمنعڪ ۈيحرمڪ من آلحب آلذي يحلم به ڪل شخص ..
فٺٺجنب آلحب خۈفآ من أن ٺعشق شخصۈٺعيشآن فٺرة طۈيلة ٺحٺ شعآر آسمه
آلحب ..
ۈآلنهآيه ٺڪۈن آلفرآق بعدمآ آحببٺهۈٺعلقٺ به لدرجةآلجنۈن ...
فٺصآببآلڪآبه ۈآلألم ....
ۈٺعيش بعذآب علىذڪرى لم ٺسٺطيع نسيآنهآ ..
قمة آلألم ...بل آلألم بحد ذآٺه أن ٺبني في ذهنڪ مسٺقبلآ لآ آسآس له ...
ۈلڪن آحسآسڪ آلصآدق ۈقلبڪ آلطيبۈآبٺسآمٺڪ آلبريئة ....
جعلٺڪ آنسآنآمٺفآئلآ ٺنظر آلى آلحيآه ببسآطه ....
ۈحٺى لۈ رأيٺ حبڪ ينهآر آمآم عينيڪ ۈأن آلنهآيه هي آلفرآق لآ محآله ..
ٺبٺسم قآئلآ: أنآ ۈآثق بأن آلقدر لن يبقى هڪذآ...سأنٺظر ربمآ يٺغير غدآ ...
نواف غـــــآر من احاسيس اللي كاتبتها
وحس انها من قلب قايلتها
وحب يعرف مين كمل قرايه
نـــــــــــوآف
أجيڪْ .. أسْأڷ .. أحبڪْ ! .. ۈإنته مآتدري
أشتآق / أۈڷهعڷيڪْ / ۈ أڪْتم أسْرآري ,
( أرآقبڪْ ) من بعييد آحسّْڪْ بـ صدري !
أسْۈڷف ڷـ " صۈرتڪْ " عن : آخر أخبآري
أشآۈرڪْ بآڷڷي يطري . ۈ إڷڷي مآيطري .
- أشتتڪْ – أجمعڪْ – تتشتت أفڪْآري !
..... سْآعآت أزعڷ عڷيڪْ ۈ ينڪْسْر صبري
ۈسْآعآت ..... أخطي بـ [ حقڪْ ] ۈ أنزف أعذآري ,
بيني ۈبيني . . . ۈڷآدة حبي . . . آڷعذري
عني ۈعنڪْ ؟ تسْۈڷف دآيم / أشعآري
مآ أبيڪْ تدري بـ غڷآڪْ ۈ : ينڪْشفأمري :
حڷآته إني – عشقتڪْ . ۈإنته مۈ دآري
...........................
في السياره مافيه الا صوت ريم والجوري
الجوري تضحك على سوالف ريم
ريم : فهود تعال كل يوم بيتنا لان افنان تخاف منك
فهد : هههههه اوما تخاف ليه وحش
ريم : مادري يمكن ههههه
فهد : خلاص راح اجي لكم كل يوم بس بشرط
ريم : قول وش شرط
فهد : ابغى اقولك شي واذا نفذتيه
راح اجي لكم كل يوم واذا ماجيت انتي تجيني وش قلتي
ريم + الجوري+ افنان : استغراب
ريم : مافهمت
فهد : بعد اسبوع بعطيك مسائل ضرب
وايات قران وإملاء وجرايد او كلمات تقرينها
اذا قريتيها كلها صح ومضبوط ولا خطأعليك
لك من اجي كل يوم وماجي الا ومعي شي لك
ريم وهي ميته من الفرح : اكيد
فهد : اكيدين
ريم : كلام رجاجيل
فهد : هههه كلام رجاجيل
الجوري : لحظه لحظه وش معنى هالكلام
فهد : انا وهي نصلح لاتتدخلين
افنان : ريم جلسي هاديه وعيب استحي على وجهك
فهد : لاتسكتينها خليها تتكلم
افنان : لاتعودها على قلة الاحترام
فهد بدى يتنرفز من نفسه كيف اندفع لها ومن اسلوبها اللحين
:قصدك اني انا اللي اخربها عليك مشكوره
وصلو بجنب البيت اللي وصفته الجوري لأفنان
وقف السياره نزلت افنان حملت اخوها وقبل لاتسكر الباب مشكور وماقصرت انت واختك إلتفت لريم يلا لحقيني انتي
ريم على طول نزلت لانها عارفه اختها اذا عصبت
مشو من جنب البيت بالطريق
فهد : وش فيها صديقتك مغروره
الجوري: مو مغروره عزت نفسها مخليه اسلوبها كذا
فهد : عزة نفسها ليه وانا وش قايل
الجوري:عزة هالنفس حتى علينا الله يعين
فهد : وش اسم ابوها
الجوري : ليه تسأل
فهد رجع لعصبيته : قولي ولايدخلك
الجوري بخوف : حمد
فهد : حمد الـ,,,,,
الجوري بشك : ايه
فهد : بو محمد هذا كان يشتغل عند ابوي
بس طلب انه يستقيل
الجوري: مره قال لي ابوي انه كان يشتغل فراش< مستخدم
فهد : لانه مادرس وماعنده شهاده اكيد ان ماراح نوظفه وظيفه محترمه وراتب زين
الجوري : الله يعينهم مسكينه شايله هم اخوانها
فهد : والله مخربتهم ريم ماتقول الا كلامها نسخ لصق
الجوري : لازم بتاخذ من كلامها لانها مربيتها وافنان شوي عصبيه
فهد : عصبيه بس تمسك لسانها شوي
الجوري: هي طبعها كذا حتى معنا
فهد : مادري كيف تصادقين هالاشكال
الجوري: اهم شي اخلاقها والنعم
فهد : سكري الموضوع قال ايش انا اعلمها على قلة الاحترام
الجوري سكتت ماتحبت تكبر الموضوع
...................................
فرحه + خوف + راحه + حب كبر بداخله
اخيرا عرف انها تحبه ليه ماقالت له
وريحته من زمان ليه
دخل كل اغراضها ويوم وصل لعند عطرها
خذ اسمه ورش على مخدته حتى يتخيلها معه
ودخل كل اغراضها شنطتها
وخذ شنطتها ودخلها بدلابه
وتوجه لسريره بينام لاكن وين يجيه النوم
وهو اسعد شخص بالدنيا اليوم
مع الافكار والحلام اللي بناها
والتعب على ماكتشف هالموضوع
غمضت عيونه ودخل في نوم عميييق
...........................
بمكان مافيه الا ضحكات الشباب وصوتهم
اللي يعلى بالمكان والاكيد هالضحكه العاليه
ماتظهر من اشخاص في وعيهم اللي الخمرمأثر فيه
واللي المخدرات مسيطره عليه واللي السيجاير
عاطيته جوه وخاصه البخار اللي يطلع من فمه
وانه بهذا الشي قدر يكون رجال بمسكته لسيجاره
تركي: والله هالنوع عذاب احس اني طاير
سعود : طاير ولا زاحف ههههاااااااي
الكل : هههههههههههههه
تركي : من فرحتي فيها ودي اخذ لي ابره ثانيه
سعود : لاتكثر بعدين يصير لك شي ولا ماشيات ولا شيات
هههههههههههه
تركي : مدرس لغه عربيه ولا سيبويه اكلم ههههههه جامع لي الكلمه ههههه ولااقول اعرب ههههههههههههه
الكل : هههههههههههههه
سعود: اقول تروووك ماراح تشتغل بشركة ابوك
لانك قلت لنا ان ابوك رافض تسافر معي
تركي : مارضى هالحمار ماعليك ان شاءالله اجيك بين كل فتره وفتره
نايف: اخوك هذا اللي اسمه فهد مايدخل مزاجي
كاتب على قاموسه لاللإبتسامه
ههههههههههه وكل كئيب ورسمي
تركي : هذا بعد يبغى له تكسير راس هو اللي حرض ابوي علي
سعود : انت بالبدايه لاترد بعدها تعال والحقني وهم مايدرون
واصدمهم واذا عرفو انك رايح راح يرسلون لك كل شهر فلوس بحسابك
تركي: انا مو عن ابوي اليوم شفت لك شوفه تطير العقل
سعود سموت بالبنات : قول وش شفت
تركي : وانا داخل غرفتي شفت لك ملاك حشى مو ملاك ازود
سعود متحمس : اوصف تراني متحمس
تركي:شعر قصير بس مو قصير مره يوصل الى اكتافها
اسود انا ماجذبني لها الا صدرها وخصرها
تجنن وغير ملامحها اللي ذوبت قلبي
سعود : طيب كان صورتها شي اكيد خقة عليك هي مو
تركي : الا سبتني وسمعتني كلام سم باين انها صعبه
سعود : خلها علي تبغاني اجيب راسها
تركي : كيف
سعود : قولي اختك بأي مدرسه بشوف اذا عندي من هالمدرسه خويات ولا لا
تركي: بمدرسة الـ... بس ماقلت لي ليه
سعود : ايييييوه هذي المدرسه عندي فيها خويات كثير
بخلي وحده منهم تعطيها حبة كوكايين او أي نوع
واعودها عليه بعدها تصير مدمنه وتجي تحت رجلك تترجاك
تركي فرح بالخطه المنحطه : رووووعه بجد
سعود : قولي وش اسمها
تركي : انا راح اعرف لك كل شي عنها واقولك بس عطني مهله استدرج اختي واعطيك اخبارها أي سنه ولو تبغى أي مقعد
سعود : بسرعه طيب لان الاختبارات على الابواب
تركي : تامر بأسرع وقت ان شاءالله
كملو سوالف وضحك واغاني ورقص
................................
وكان بهالوقت اذان الفجر
جلس من نومه على صوت المنبه ونفض النوم من راسه وراح يستعد للصلاة طلع من غرفته وشاف ابوه وهو نازل صبح عليه وباس راسه ونزل مع ابوه يصلون صلاة الفجر
..........
السلام عليكم ورحمة الله
السلام عليكم ورحمة الله
كل اللي بالمسجد سلمو عن يمينهم وعن شمالهم
ومن ضمنهم هو جلس يذكر ربه ويستغفر
وقام مع ابوه ودخل البيت نام وجلس على الساعه 9 الصباح
اكل له كم شي بسيط وتوه بيقوم
ام فيصل : يما مااكلت شي بتجلس على هالاكل الى وقت الغدا
فيصل : يما تعرفيني ماحب اتأخر على الشركه
والله فهد ياكلني
بو فيصل : ماعليك منه هو كله يعصب ويصارخ
نزلت من غرفتها متوجه لطاوله اللي متجمعين عليها اهلها
ويوم سمعت طاري اسمه انجنت
رنا : وش فيه فهد
بو فيصل بسم الله الرحمن الرحيم مافيه شي بس نقول انه عصبي
رنا : فديت عصبيته انا
فيصل راح وسطرها كف على خدها من قلة ادبها
فيصل: اذا ماتعرفين الغلط انا اعرفك عليه
واذا مااحترمتي نفسك وحطيتي لك حدود انا بحط لك
رنا وهي تبكي : انا وش قلت
فيصل : ابد سلامتك تعرفين وش قلتي
بو فيصل خلها عنك لاتاخذ عليها
ام فيصل : تستاهلين على هالجرائه يبغى لك تكسير راي
رنا صعدت فوق وهي ميته من الصياح ودموعها غرقت وجها
فيصل : انا طالع للشركه يبا اذا حاب تجي معي حياك انتظرك
بو فيصل : لا وانا ابوك بتأخر اليوم شوي عن الشركه وراي موعد وانا مستأذن من عمك توكل انت والله معاك
فيصل بخوف : ماتشوف شر تحب اوديك انا
بو فيصل : لا وانا ابوك مافيني الا العافيه بس يبغون يشوفون حالتي ويكشفون علي لاتخاف مافيني الا العافيه انا بروح مع السواق اذا بتروح رنا الجامعه انا بروح معاها لاتشيل هم
فيصل: انا راح ادق عليك اتطمن يلا فمان الله
بو فيصل + ام فيصل : فمان الكريم
ام فيصل : والله مو فهد العصبي الا ولدك طلعو على ابوك
اللي هو جدهم
ابو فيصل : هو وفهد نسخه من بعض بس فيصل شوي احسن
ام فيصل : الله يستر عليهم ويوفقهم انا بقوم اشوف رنا
وش صار عليها هالبنت بتطلع لي قرون
ابو فيصل : روحي شوفيها بنتك الوحيده والله الله فيها مو تصارخين عليها ولاتهاوشينها
ام فيصل : لاتخاف صارت هي الغاليه واحنا ولا شي
ابو فيصل : افى والله ان مكانك محفوظ بالقلب ولو
ام فيصل : يسلم لنا قلبك
وصعدت فوق ع الدرج تشوف بنتها اللي ماتدري وش مصيرها
.............................
نواف
جلس وتكشخ وتروش وكله حماس وحيويه
وتذكر اللي سواه امس بدفترها وشنو قرى فيه وزاد حماسه
خذ مفاتيح سيارته والاغراض اللي يحتاجها
وطبعا مانسى الشنطه حطها بكيسه من الاكياس اللي عنده
ونزل وفطر في الفطور
ام نواف : وش الكيس يما اللي بإيدك
نواف : غرض لواحد من اصدقائي
نوره : طيب شنو هالغرض
نواف : انتي وش دخلك مسكي لسانك لأقصه لك
نوره : ماقلنا شي اسفين
قامت نوره وهي تتحلطم
ام نواف : يما انت اللحين الكبير تهاوشها ماعليك منها لاتحط عقلك بعقلها
نواف : ماحب لقافتها خليها تتأدب وبلا حركات مالها داعي
ام نواف : الله يهديك
نواف : وكيف عبدالله وندى
ام نواف : والله ماشيين بالدراسه
نواف : الله يوفقهم
ام نواف : امين الله يوفقكم
نواف : يما شوفي اذا محتاجين شي ولا حاجه
اخواني يبغون شي ترى انا لهم باللي يامرون فيه
ام نواف : مو محتاجين شي والله العالم انك مو مخلي علينا قاصر
قام وباس راسها فديتك ياحلى ام بالدنيا دعواتك يلا انا طالع فمان الله
ام نواف : الله يرزقك ببنت الحلال اللي تحبك وتصونك
وتكون ستر لك
نواف وهو يقول بقلبه آمين هي يما اللي تحبني وتصوني وماابي غيرها
طلع نواف وخذ الشنطه معه وراح يروح لشركة ابوه لان ابوه ميت من فتره وهو المتكفل فيهم
وع الساعه 11 راح يصلون يتجهزون للصلاه
بعدها يتغدون الرجال ببيت ابو فهد
لان الكل يتجمع هناك
......................................
الساعه 1 ظهراً
في بيت ابو فهد الكل كان متجمع عند الاخو الكبير
اللي هو بو فهد من جهة ام فهد او ابو فهد
طبعا من جهة ام فهد
نواف اللي كان فرحان
من اكتشاف حب الجوري له
واخواه عبدالله
خالهم عدنان وولده الصغير عبدالعزيز
ومن جهة الابو
فيصل وابوه وعمهم احمد اخر العنقود
اللي تزوج من بنت جيرانهم وسكن بالرياض
وينزل كل ويك آند وهو صديق اخت الجوري
يعني عم امل يصير صديق زوجها وزوجت احمد
صديقت امل الروح بالروح < اسم زوجته لمى
اجتمعو الكل العمام والخوال والبعض منهم
مو بالشرقيه بالرياض ومايقدرون ينزلون
دخل نواف عليهم هو واخوه عبدالله
سلم واول ماشاف فيصل اكتئب وسلم عليه
نواف : السلام عليكم
فيصل ابد مايطيقه ولا يحب يشوفه قدامه
ويكره يجي بيت عمه والسبب هو
فيصل : وعليكم السلام
سلم نواف على الكل وباس راس الشيوخ وجلس بجنب
بو فهد وبدى معه بالسوالف والضحك
بو فيصل : الا وينه تركي مانشوف
ابو فهد : والله هالولد شاقيني انا ابوه مااشوفه وان كلمته بدى يتحلطم ويطول لسانه مادري متى الله يهديه
ابو فيصل : بكرى يكبر ويعقل كلهم بالسن هذا ماعندهم مسئوليه يكبر ويعقل ان شاءالله
ابو فهد : الله يسمع منك
................................................
الجوري من لمحت سيارته واقفه بجنب باب بيتهم فز قلبها وبدى يدق وتذكرت الشنطه قالت فرصه اشوفه
الجوري: امي
ام فهد : هلا آمري
الجوري : ماتعبتي من الطبخ خلاص ارتاحي والله كل شي جاهز ومرتب
ام فهد : تعرفين يما مانبغى نتفشل ويطلع مالح او ماصخ
الجوري: يخسي اللي مايعجبه طبخ امي
ام فهد : ورى هالمديح شي تكلمي وش عندك
الجوري : يما علي واجبات وابغى احلها واذاكر
ام فهد : روحي ذاكري مابه احد ماسكك لاتقولين انك تساعديني ولا عارفه تذاكرين لانك تدرين بالطبخ زفت
الجوري: افىآ يما لاتفشليني
ام فهد : هههههه يلا قولي وش المطلوب مني
الجوري: مو انا قايله لك ان الشنطه عند ولد اختك
ام فهد : أي ولد اخت نسيت
الجوري : يمااا جد اكلمك ولد اختك ننننوووآآآآف
<< قالت نواف وهي تحس ان اسمه بلسانها له طعم ثاني
ام فهد : اييييييييه انا قلت له قال ان شاءالله
الجوري : طيب ابغاها اللحين
ام فهد : طيب بروح انادي فهد يناديه بسلم عليه وبقول له
الجوري : طيب بس بسرعه
ام فهد : اموت واعرف وش حببك بالدراسه اللحين
الجوري : يما الاختبارات على الابواب
ام فهد : لو اني ماعرفك قولي لي هالكلام
الجوري : ههههههه مشكلتك فاهمتني
مسكت ام فهد جوالها ودقت على فهد
فهد : هلا بالغاليه
فيصل من جنبه فتح عيونه على اخرهم
ام فهد : ههههه هلا فيك ياحلاتك وانت مروق
فهد : فديت هالضحكه ان شاءالله دوم
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك