رواية ليتك ترجع واروح معك -3
محمد: انتظروا شوي بشوف إذا في احد عنده أو لا
دخل محمد وسلم على نواف وما شاف احد عنده ونادى على أمه ووسن
الأم ووسن: السلام عليكم
نواف: وعليكم السلام
أم محمد: شخبارك يامى عساك بخير
نواف: الحمدالله بخير يا عمة
وسن ودقات قلبها كانت سريعة: الحمدالله على سلامتك
نواف مستانس لما شاف وسن من زمان عنها: الله يسلمك
عم الهدوء وفجأة رن جوال محمد: الو هلا ... وطلع برا الغرفة واتصل على أمه وخلاها تطلع له وطلعت
ووسن كانت خايفة مرة لان ما في احد في الغرفة غيرها هي ونواف
أما نواف مستانس ... لأنه أهم كانوا يحبون بعض من وهم صغار بس الدنيا فرقتهم وعشان كذا كانت وسن تصيح لأنها كانت تخاف يصير شيء لنواف
نواف: هلا فيك يالغلا
وسن: آهلين فيك
نواف: آه شفتي شنوو صار لي كل هذا لأني بعدت عنك وعن حبنا
وسن: لا تقول كذا نواف أنا من بعدك ولا شيء أنا مسامحتك على كل شيء بس تكفى ارجعي لي
نواف: أنا راجع لك يا روح نواف
وسن: بس أبيك تتعالج وأنا بكون معك في كل شيء
نواف: خلاص أنا الحين اكلم أبوي وأخليه يحجز لي في مستشفى بالخارج كم وسن عندنا
وسن: الله يرجعك لي ولا اهلك بالسلامة
نواف: آمين يااارب بس أبي منك خدمة
وسن: أعطيك عيوني لو بغيت
نواف: تسلم لي عيونك أبي رقم جوالك عشان إذا سافرت أكلمك
وسن: اوك وهذا رقمي
عطته الرقم وجاءت الأم مع محمد
واتصل نواف على أبوه عشان يحجز له والكل فرح لان نواف وافق باأنه يتعالج
وفي يوم سفر نواف مع أبوه وأمه للعلاج كان الكل موجود في المطار عشان يسلمون عليهم ونواف كانت عيونه كل على وسن ووسن كانت فرحانة وبنفس الوقت خايفة لان سفر الحبيب مو سهل وأعلن وقت السفر وسافروا والكل راح لبيته ووسن كانت حزينة لأنها ما راح تشوف نواف فترة
وشغلت الاستريو أغنية لا زاد فيني الحزن
لا زاد فيني الحزن .. اكتم دموعي واون
وأقول ابد ما أبيك .. واذكر هوانا واحن
وين أنتي عني أنا .. وكلتني للعنا
ماكني اللي هويت .. ولا كننا نفسنا
..........................
عيشتني بالوهم .. قتلتني بالألم
عودتني ع الدموع .. عرفتني ع الندم
قلبي معك رجعه .. كلامك بيسمعه
قله يشوف الحياة .. وان أنت ماتنفعه
..........................
لا زاد فيني الحزن .. اكتم دموعي واون
وأقول ابد ماابيك .. واذكر هوانا واحن
وين أنتي عني أنا .. وكلتني للعنا
ماكني اللي هويت .. ولا كننا نفسنا
(في الطيارة)
كان نواف يفكر في وسن وكيف اقنعته يسافر يتعالج ومافي احد قدر يقنعه حتى أبوه وأمه وانه كيف ترك حبه وهي لازالت تحبه أنا مااستاهلها وفي وسط تفكيره اعلنت الطيارة وصولها إلى لندن
أبو خالد: نواف يلا وصلنا
نواف: ها شنو قلت
ابوخالد: وصلنا وش فيك
نواف: لامافيني شيء يلا
ونزلوا من الطيارة وكان منبهر من لندن ويقول في قلبه وينك ياوسن تشوفين اللي أنا أشوفه ووصلوا للسكن كانوا ماخذين فلة كبيرة في الدور الاول صالة كبيرة و3 مجالس ومطبخ وغرفة نوم لنواف والدور الثاني 6 غرف نوم ومطبخ وصالة صغيرة وفيه حديقة كبيرة وفيها مسابح للرجال ومسابح للنساء وشلالات وكانت هالفلة ملك لابو خالد ومن التعب بعد سفر 10 ساعات ناموا على طول
(الرياض)
كانت بداية السنة الجديدة
أم محمد: وسن يلا قومي الساعة 6 بتتأخرين عن المدرسة
وسن: أن شاء الله يامى
وتجهزت وسن ونزلت تفطر وطلعت مع عبدالله عشان يوصلها للمدرسة ودخلت للمدرسة وكانت في انتظارها مي
مي: هلا وسن تو مانورت المدرسة (وضمتها وقاموا يصيحون)
مي: وسن خلاص
وسن: آه ونواف
مي: أن شاء الله بيرجع بالسلامة أنتي ادعي له بس
وسن: آمين يااارب
مي: ألا صح نسيت اقولك ترا أحنا بنفس الفصل وحجزت لك جنبي
وسن: حلفي
مي: والله وصديقاتك بعد كلهم معنا بنفس الفصل بيان وأسيل
وسن: واو ونااسة يلا قومي نروح مشتاقة كثير لهم
وصعدوا فوق ووصلوا للفصل
وسن: بيان أسيل
بيان وأسيل صارخوا وضموا بعض وجلسوا سوالف وضحك لان مثل ما انتم عااارفين باان اووول اسبووع ما في دراسة بس المعلمات يدخلوون ويعرفون بنفسهم
وسن: هلا مي
مي: ها تجهزتي حق الهم من بكرا بنبدا دروس
وسن: أي تجهزت
ريما ومنار وصبا ومرام يتجهزون للجامعة ولمى وعهد ورنا خايفين لأنهم أول سنة ودخلوا كلهم نفس التخصص تربية خاااصة
ومشت الأيام سريعة وكانت إجازة عيد الأضحى والبنااات كلهم بيرحون السوق وراحوا مجمع العثيم مووول في الرياض طبعااا وانقسمووا مجموعات
أول مجموعة: وسن وبيان وأسيل ومي
ثاني مجموعة: لمى وعهد ورنا
ثالث مجموعة: ريما ومنار وصبا ومرام
أول مجموعة:
وسن: بنااات يلا أي محل نرووح باالاول
مي: امممممم
أسيل: مانجو
بيان: اوك يلا
وراحوا البنات واهم يمشوون قابلووهم شباااب
الاول: هلا والله
الثاني: وأنا أقول وش في المجمع منور
الثالث: الرقم يااحلوو
الرابع: انتظرك ترسل لي رسالة في الليل واتصل عليك اتفقنا
وسن بهمس: وع شنو هذا
بيان: امشوا ما عليكم منهم
ومشوا ولا التفتوا لهم وتسوقوا وخلصوا
أسيل: بنات تعبت وش رأيكم نجلس في المطاعم فوق
الكل:اوك
وصعدوا فوق وحجزوا طاولة
وسن: بتصل عليهم بشوف وينهم عشان يمدينا نروح للمطعم الساعة 10
واتصلت وسن على لمى وريما وقالوا أن هم جايينهم
وبيان قامت تشتري لهم عصيرات مع أسيل وهم راجعين الشباب لما الحين لاحقينهم وراحوا يشترون عصيرات ويغازلون وهم راجعين وقدامهم وبيان وأسيل وبالوقت نفسه ووصلوا البنات كلهم
واللي صار باان أسيل وبيان جلسوا على الطاولة ووسن ومي مدو رجليهم وطاحوا الشباب على بعض وملابسهم كلها عصير والبنات والناس يضحكون على شكلهم واللي يصورهم طلعوا الشباب متفشلين من المجمع والبنات طلعوا من المجمع واتصلوا على محمد وعبدالعزيز وفيصل يجون لهم بالمطعم وكانوا البنااات لوحدهم والشباااب لوحدهم واستانسوا ورجع الكل بيته ع الساعة 12 ورتبوا أغراضهم وناموا
وفي عصر اليوم التالي
لمى باست رأس أمها: هلا يمه اخبارك
أم محمد: هلا فيك يابنيتي
وكانت وسن نازلة ع الدرج: هلا والله وأنا أقول وش فيه البيت منور كل هذا من نورك
لمى: ههه منور بوجودك حياااتو
أم محمد: يلا بلا هذرة ع المطبخ
ودخلوا المطبخ وكانوا يجهزوون الفطور لان هم صايمين بيوووم عرفة
وسن: وين ريما تأخرت
ألا قاطعتها ريما: أنا وصلت
وسن: يمه خرعتيني
وسلمت على أمها وجهزووا الفطور وكان باقي ع الأذان 5 دقايق جلسوا ع السفرة
فيصل وعبدالعزيز كل واحد في بيت أهله
وأذن والكل فطر البيوووت كلها
وفي الفجر الساعة 1 البنات كل وحدة منهم تتجهز اللي في شعرها واللي في لبسها ووو الخ
وطلع الصباح وأعلنت صلاة العيد وصلوا وتجمعوا في المزرعة
عائلة محمد وعيال عمه وعائلة خالتهم
في مجلس الحريم:
مي: ياحلاة العيد
وسن: العيد حلوو لكن ما في من يحليه
البنات فهموا قصدها
منار: أن شاء الله بيرجع بالسلامة
الكل: آمين
وقاموا يسالفون أم محمد وأم عبدالله (أم مرام ومنار ومي) في جهة والبنات صبا ومرام وريما ولمى ومنار ووسن ومي في جهة
وسن انشغلت بجوالها وأرسلت لنواف رسالة
يقولون العيد حلووو وقلت لكن ما في من يحليه
ليتك ترجع وافرح بلقياك وتفرح الدنيا بشوفتك
ليتك وليتك كلمة سهلة لكن ما في بيدي شيء
احبك أعشقك أتمنى شوفتك أعيش بجنبك
وعارفة باانك تحبني وتعشقني
لكن وش يفيد البوح دامك بعيد
حبيت اقولك قبل ابتعد عنك
كل عام وأنت بخير والله يشفيك
نواف قرأ الرسالة وحزن وفرح بنفس الوقت دقايق ياوسن وأنا عندك
ابوخالد: نواف يلا خلصنا
نواف: يلا
نواف قرأ الرسالة وحزن وفرح بنفس الوقت دقايق ياوسن وأنا عندك
ابوخالد: نواف يلا خلصنا
نواف: يلا
نواف الحمدالله قام يمشي وحالته بااحسن حال ووصلوا للسعودية لكن ما في احد يدري وهم رايحين لهم يفأجونهم ووصلوا ودخلوا للمزرعة وكان مجلس الرجال مفتوح ويشوفون اللي يدخل
عبدالعزيز: مو كأن هاذي سيارة ابووي
خالد: ألا سيارة ابووي
وطلعوا يركضون وسلم عبدالعزيز بالأول وبعدين خالد وبعده محمد وبعده ابوعبدالله وعبدا لله وبعده فيصل وقاموا يسولفون مع نواف اللي تحسن حاله وصار ونعم الرجال ويعتمد عليه أفضل من المغازل والصياعة
ودخلت أم خالد عند الحريم
صبا قامت تصارخ: يامى
الكل التفت عليها وسلموا عليها ووسن كانت أكثر وحدة فرحانة برجعة نواف
صبا: أنا بروح اسلم على ابووي ونواف مين بيروح معي
ريما: أنا
لمى: وأنا بعد
وسن: وأنا معكم
وتوجهوا لمجلس الرجال وقفوا برا
صبا: يبه تعال (وطلع وضمته وسلمت عليه) الحمدالله على سلامتكم
ابوخالد: الله يسلمك يبه
ألا بطلعت نواف ودخل أبو خالد
صبا:هانوافو ما ودك تسلم
نواف:هلا والله بااختي وضمها
صبا:الحمدالله على سلامتك
نواف:الله يسلمك
ريما:هلا نواف الحمدالله ع السلامة
نواف:الله يسلمك
لمى: هلا والله بنواف الحمدالله ع سلامتك
نواف:الله يسلمك
صبا: كم مرة قلت الله يسلمك
نواف:خخخخخ شسوي فيكم
مشوا ريما ولمى
ووسن كانت خايفة أنا في حلم ولاعلم نواف قدامي وما فيه شيء ومشت ونواف لحقها
صبا: والله هالاخو مجنون ودخلت عند البنات
أما وسن توجهت للمسبح وجلست قدامه آه يا نواف وقامت تنشد بصوت عالي وهي ما تدري أن نواف يسمعها
فديت اللي تذكرني
فديت اللي ذكر خله
فديت اللي سكن فيني
أحبه وما أمل منه
فديت اللي تذكرني
فديت اللي ذكر خله
فديت اللي سكن فيني
أحبه وما أمل منه
رد عليها نواف: فديت أنا أكثر يا روح نواف أنتي
والتفت عليه ووقفت ولا تحركت بس تناظر فيه هو جاها وضمها واستوعبت اللي هي فيه أنا مو حلمانة وقامت تصيح
نواف: لا دموع بعد اليوووم مع نواف
وسن: هههه
نواف: فديت الضحكة
وسن بخجل: تسلم
نواف: الله يسلمك من الشر
وسن: هه بعد الله يسلمك
نواف: حتى أنتي عاد شوفي كم واحد بيسلم علي ويقول لي الحمدالله ع السلامة وأنا برد عليه الله يسلمك
وسن: خخخخخخخ
نواف: اوك يا قلبي أنا بروح عند الرجال وبخطبك اليوم
وسن: نزلت رأسها
نواف: لا تستحين أي وصح أبي أشوف وجهك نظرة شرعية من حقي
وسن: نواف
نواف: يا عيونه
وسن: تسلم لي عيونه ما اقدر
نواف: طيب بكيفك مع السلامة
وسن: نواف
مشى ولا التفت عليها وراح لمجلس الرجال
ووسن مجلس الحريم
وقرروا تكون ملكة محمد ومرام يوم الخميس وابوخالد خطب وسن لنواف
محمد: بشوف قرار أختي وبرد عليكم (مع انو واثق بموافقة أخته بس بيتاكد)
أبو عبدالله خطب صبا لعبدالله
ابوخالد:أنا بشوف البنت وأمها
ابوعبدالله: اللي تشوفه
وتغدوا وصلوا الظهر وكل توجه لجناحه وناموا وجلسوا بالمغرب
أم خالد: قالت لصبا بأن عبدالله خطبها
أم محمد: قالت لوسن بان نواف خطبها
أم عبدالله: قالت لمرام بأن ملكتها يوم الخميس
والبنات كانوا مستانسين وتجمعوا عند المسبح واتصلوا على صديقاتهم وجاءوا مع أهاليهم وسهروا إلى آخر الليل وبعدها كل انتقل لبيته
في يوم ملكة مرام وعبدا لله
مرام(على أعصابها):يوه بنات ازعجتوني
منار: مرومة يا قلبي وش فيك معصبة
مي: أخاف محمد لا شافك كذا يطلقك
مرام: قلبو وجيهكم
منار: طيب لا يطق لك عرق ونبتلش
منار ومي ضحكوا بصوت عالي وطلعوا من الغرفة
................................
أم عبدالله : هلا والله ببنايتي
منار: هلا فيك يامى
مي: آهلين فيك
أم عبدالله: وين مرام وش فيكم تركتوها لحالها
منار ومي التفتوا على بعض وضحكوا
منار: يمه بنتك تستحي
مي: تخيلي طردتنا برا الغرفة
أم عبدالله: لا تلومنها لو أنت مكانها كان سويتوا أكثر يلا عقبالكم
منار ومي: اميييين
ألا في دخلة عبدالله وابو عبدالله : السلام
الكل: وعليكم السلام
أبو عبدالله: وين العروس خليها تنزل محمد بيوصل
أم عبدالله: أنا أناديها الحين
أبو عبدالله: بروح معك أشوفها
ومشوا وصعدوا الدرج لما اختفوا عن الأنظار
منار تلتفت على عبدالله: فاتك يا عبود
عبدالله: شنو بعد
مي: أختك مرام تستحي
عبدالله: أحسن منكم انتو الثنتين بايعنيها ولا هامكم هذا بدال ما تقفون معها وتهدونها الله يعين اللي بيأخذكم
منار: أوف وش هالمحاظرة الدكاترة في الجامعة اهووون منك
مي: أي ياخووي وسع صدرك ترا أحنا ماقلنااا شيء علامك قلبت
ألا نزلوا ابوعبدالله وأم عبدالله ومرام
عبدالله: هلا والله بااحلى عروس واخت في الكون كله ياقمر
مرام وهي منزلة رأسها: تسلم أنت الأحلى
مي: لا تصدقين انك قمر الحين يقولك قمر لكن إذا تزوج صبا تطلع القمر وأمي الشمس وأنا وأنتي ومنار النجوم
منار وهي تضحك: والله انك صادقة يااختي
عبدالله وهو يضحك على تفسير أخته : سكتوا بس ولا ما تحضرون ملكة مرام
منار: كل شيء ألا أن نحن لا نحضر لم نصدق باان اليوم ملكتها وبالتالي تحرمنا من الذهاب إلى هناك
عبدالله: تكفين ع اللغة
منار: هل تريد أن أعلمك إياها
عبدالله: والله أنا إذا جلست معكم أكثر بصير مجنون
أم عبدالله: اسم الله عليك يا ولدي
مي: دام أمي الغالية تكلمت ومدحت ولدها أقول مرام جلسي تراك بتعنسين لان أخوك الحبيب ما راح يدخل محمد البيت ومحمد بينتظر في الشارع إلى ما أمك تخلص مدح ويروح عبدالله يفتح الباب ألا محمد مشى ورسل إلى عبدالله رسالة لا اريد الزواج من أختك
الكل ضحك
منار: وأنتي صادقة مرام امسحي مكياجك
عبدالله: خلاص ما تسكتون الحين يلا أنا رايح
مي: وأخيرا محمد بينفتح له الباب ويرتاح
عبدالله طنشها وفتح الباب سلموا على بعض ودخل محمد مع عمه وخالد وعبدالعزيز ونواف والشيخ وجاء أبو عبدالله وسلم عليهم وجلسوا سوالف وملكوا وطلعوا الرجال وانتقلوا للفندق والبنات مع عبدالله وأم عبدالله مع أبو عبدالله ووصلوا للفندق وصعدوا فوق
مي: يلا متى بيجي محمد أبي انزل تحت ارقص
وسن: اتصل علي والحين بيجي
ريما: مرام وش فيك
مرام: خااايفة
لمى: لا تخافين ولاشيء شوفي أنا جربت ترا عاادي كلها فترة وبتتعودين واخوي ما راح يحرجك
مرام: ماادري ماادري
وسن: بلا دلع
ألا وصل محمد وتغطوا منار ومي وصبا وأم عبدالله وأم خالد
محمد: السلام عليكم
الكل: وعليكم السلام
وباس محمد جبين مرام :ألف مبروك
مرام بهمس: الله يبارك فيك وأنت كمان
محمد: الله يبارك فيك يا قلب محمد
ومسك يدها وهي خلاص مو قادرة تتحرك وجاء وقت يلبسها الشبكة
لبسها وساعدته ريما ووسن ومي يصورن
وبعدها الكل طلع ونزلوا تحت
محمد ومرام
محمد:اخبارك
مرام :الحمدالله بخير ووانت
محمد: بخير بشووفتك
مرام: تسلم
محمد: الله يسلمك من الشر
في القاعة
مي: قوموا نرقص ما طفشتوا وانتم جالسين
وسن: أنا آسفة ما اقدر ارقص لأني مخطوبة وبرستيجي ما يسمح لي ارقص
مي: تكفين يا شيخة ماادري زوجك مين
وسن: نواف الـ .... عاد أعجبك ولا ما أعجبك ما يهمني أهم شيء يهمني
مي: طيب كيفك يا حرم نواف وانتوا الباقي
بيان: أنا أخذيني معك
منار: وأنا
عهد: حتى أنا أخاف المخطوبين والمتزوجين يقلبون علينا
أسيل: اجل أنا معكم
رنا: وأنا بعد
وقاموا البنااات وراحوا عند رئيسة الفرقة
مي: شوفي أبي إهداء إلى وسن وأغنية من تغلى تخلى
رئيسة الفرقة : إهداء إلى وسن الـ....
وسن التفت عليهم مين اللي هاديني وبدت الأغنية
من تغلى تخلى ياوسن وإحنا عنك ما تخلينا
وسن: مالت عليهم فشلوني
منار تأشر لوسن تجيهم: وسن
لمى: قومي لهم ليفضحونك أكثر
وقامت وسن وغيرت رئيسة الفرقة الأغنية لأنها متفقة مع منار وبدت
هلا بش حي من عكس اتجاه الريح وجابش ..
هلا بش قد ماسوا الوله فيني بغيابش
علامش علامش يا بعد كلي عليا ... وما مش غير أنا وأنتي هنيا
تداري نظرتش ليه مستحيه
أنا اشلي بعيدهم والعيد شوفش ... ألا جاد الهوى وسمحت ظروفش
تخافي ليش ايش أسباب خوفش .. وهاللحظة لنا والغيب لله
خذيها واتركي الباقي على الله .. خذيها واتركها الباقي على الله
عاشت وسن أوه يا منار رقصهم يا مي يا بيان أسيل رنا ايوا يا عهد
مشاكل لو اعد الهم أغلط .. وشفتش يومها وقلبي تورط
يبيش وما يبي غيرش تشرط ... لمح معش السعادة ما عرفها
مشاعر غير ما عمره شعرها ... مشاعر غير ما عمره شعرها
هلا بش حي من عكس اتجاه الريح وجابش
هلابش قد ماسوا الوله فيني بغيابش
هلابش ياوسن
وخلصت الأغنية
وسن: صبري يا منور شغلش بعدين
مي: بنات ما تلاحظون أن وسن تعودت ع الأغنية شغلش
البنات كلهم ضحكوا
وسن: طيب واللي يكلمكم وراحت عند الفرقة وطلبت أغنية وبدت
دواك عندي يامي دواك عندي
البنات ضحكوا
مي: مشكورة يا حبيبة نواف
ورقصوا
دواك عندي .. والأظلم دايم البادي
والله لأوريك شي ٍ ما بعد شفته ..
ما هو في صالحك .. يوم تجرب عنادي
الله من ريق ما ينشف ونشفّته !
فرقاك عادي ترى .. وأقل من عادي !
أنا من الله كذا .. لا عفت احد عفته ..
ما نيب من يتبع للمقفين وينادي ..
يا عنك ما اقفيت .. ما عيني بملتفته!
طوّفت لك .. لين شفتك حيل متمادي !
والحين ابرد لك كل اللي طوفته ..
بخلي عقلك بوادي ..وقلبك بوادي
وبيصادفك شيء .. ما قد يوم صادفته ..
دواك عندي يا مي دواك عندي
ونزلت وسن على طول من المسرح وألحقوها وجلسوا ع الطاولة ورن جوالها: الو هلا اوك سي يو
وسن: يقول محمد دخلوا مرام الحين لأنه يبي يسهر معها بعدين
البنات: اوك
وتجهزوا البنات وتجهزت مرام
وكانت لابسة فستان فوشي وتسريحتها رافعة شعرها كله ونازلة منه خصل من وراء وطالعة جونان
ودخلت على موسيقى وكانوا منار ومي يصورنها وهي خايفة حدهااا ووصلت للمسرح وجلست وقامت تغني وسن صبا اتصلت على نواف وحطت سبيكر وهو يسمع
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك