رواية ليتك ترجع واروح معك -5
محمد: ألف مبروك
طارق: مبروك
رائد: الله يبارك فيكم
محمد: من بنته
رائد: اممم راح أصير عديلك
محمد: احلف
رائد: والله أنا خطبت بنت عمي بو عبدالله
محمد: شالأخبار الحلوة اليوم
ألا وصل عبدالعزيز لهم وخبروه وجلسوا يأكلون وسوالف وضحك وبعدها كل انتقل لبيته
......................
في اليوم التالي
اتصل نواف وخبرهم باأنه وصل لبريطانيا وسكن في فلتهم وكان موجود فيها طباخ وحارس وسواق وخادم
وانتقل لغرفته ونام على طول
بعد مرور شهرين
نواف استقر في لندن وبدا دراسته
البنات كانوا كلهم يتجهزون للاختبارات لان مو باقي إلا أسبوع
وسن: يا يمه طفشت من هالكتب
أم محمد: الله يعنيك ويوفقك
وسن: آمين .. ألا وين محمد
أم محمد: في الشركة ليه شنو بغيتي
وسن: لا بس كنت أبيه يمشيني
أم محمد: خلاص أنا اكلمه
وسن: اوك ماري ماري
ماري: نعم
وسن: سووي عصير برتقال وليمون
ماري: اوك
أم محمد: كلمته يقول إذا خلص شغله بيجي
وسن: أنا بذاكر لما يجي
وقامت أم محمد للمطبخ
.....................................
لمى: عزوز خلاص أبي أذاكر
عزوز: خلاص ذاكري وتعالي اسمع لك
لمى: اوك
وذاكرت وراحت يسمع لها
عزوز: كم الساعة اختبارك
لمى: الساعة 8 يعني نطلع من البيت 7 وعلى ما نوصل الجامعة 7 ونص
عزوز: أن شاء الله يلا الحين الساعة 10 قومي نامي عشان تجلسين ويمديك تراجعين
لمى: أن شاء الله يا قلبي
..............................
فيصل: ريووم ترا صرت أغار من هالكتب والملازم
ريما: ههه شسوي كلها أسبوعين وخلاص
فيصل: الله يعديهم على خير
ريما: آمين خلاص اسكت بس باقي هالصفحة واجلس معك شوي وبعدين بنام
فيصل: ذكرتني في
ريما: فصول خلاص
فيصل: طيب طيب بروح أسوي لك عصير على ما تخلصين هالصفحة
ريما: اوك
..........................
مي: اووف يا حظكم بتفتكون
منار: أي بنفتك نفسكم أسبوعين بس أحنا نبدأ قبلكم
مرام: خلاص سكتوا أبي افهم شوفوا الساعة
مي: أنا عادي اسهر مو انتوا
مرام: اووف أنا رايحة لغرفتي
منار: وأنا بعد خلاص الساعة 11 بروح أنام
أم عبدالله: الله يوفقكم
..............................
منار وافقت على رائد
رنا وافقت على طارق
.............................
بيان: أقول عهد شرايك أنا اختبر بدالك بكرا وأنتي بدالي الأسبوع الجاي
عهد: صحيح انك فاضية يلا تصبحون على خير
بيان: وأنتي من أهل الخير
.............................
احمد: متى تبيني اوديك الجامعة
رنا: الساعة 7
احمد: أن شاء الله يلا تصبحين على خير
رنا: وأنت من أهله
............................
أسيل: يايمه سوي لي عشاء
أم صلاح: أن شاء الله يا بنيتي
صلاح: وليه أنتي ما تسوين لك
أم صلاح: كيف تسوي لها وهي تذاكر خلها تجتهد وتنجح
صلاح: بس 3 أسابيع وبعدها تعوضين هالايام
أسيل: صلوح خلاص أبي أركز
صلاح: طيب يلا سلام
أسيل: وعليكم السلام
صباح اليوم الثاني
لمى: عزوز يلا بتأخر ع الاختبار
عزوز: دقيقة بس
لمى: بسرعة
عزوز: خلاص يلا قومي واتصلي على صبا خليها تطلع
لمى: طالعة من سنة بس أنت اللي متأخر
عزوز: ما صارت هاذي كلها دقيقة
.................................
فيصل: وشرايك ما تختبرين وتجلسين هنا معي
ريما: احلف عاد
فيصل: والله
ريما: طيب باي خلك هنا
فيصل: هي أنتي وين رايحة
ريما: بتصل ع اخوي
فيصل: أقول بلا دلع يلا هذا أنا طلعت
ريما بعصبية وخوف من الاختبار: طيب
........................................
عهد: يلا بدر قوم ودني
بدر: طيب طيب بقوم وش عندك مستعجلة
عهد: يقول على شنو مستعجلة هذا اختبار مو لعبة اخلص
يا أخي
بدر: أوف يلا قدامي
....................................
مرام: عبود يلا أنا خلصت
عبدالله: ما فطرتي
مرام: واحد يشتهي يأكل بااول يوم
عبدالله: طيب يلا أنا برا
مرام: اوك منور يلا
منار: أنا مخلصة من زمان بس انتظركم
مرام: يلا بس
............................
رنا:يبه يلا أنا خلصت
بو رنا: طيب يا روح أبوك أنا سابقك برا
رنا: طيب يبه
............................
ووصلوا للجامعة كلهم بوقت واحد وذاكروا وبعدها كل وحدة انتقلت لقسمها واختبروا والحمد الله قدموا زين
وبعد مرور أسبوع
وسن: يمه أنا خايفة
أم محمد: لا تخافين اذكري الله وسمي بااسم الله وتوكلي عليه وان شاء الله بتحلين زين
وسن: آمين
محمد: ها خلصتي أوصلك
وسن: أي خلصت
محمد: يلا اجل
وسن سلمت على أمها ودعت لها وطلعت
.................................
مي: اوووف منكم ومن برودكم يلا اخلصوا
مرام: أنا عن نفسي مخلصة
منار: طيب طيب ما صارت حنة بتخليني أنسى المعلومات
مي بعصبية: يلا
عبدالله: يلا اخلصوا أنا انتظركم برا
البنات: طيب
......................................
بيان:عهد بدر خلصوا 6ونص وأنا ما رحت
بدر: طيب شنو يصير إذا تاخرتي دقيقة
بيان: تصير أشياء كثيرة يمكن أنا في دقيقة أحفظ لي معلومة
بدر: طيب حتى ما تخلين الواحد يأكل يلا
عهد: طيب هذا أحنا جينا
........................................
أسيل: يمه وين أبوي ما صارت بتأخر
أم أسيل: خلاص الحين بيجي
ألا واهو نازل: يلا يا بنتي خلصتي
أسيل: أي خلصت
أبو أسيل: يلا أنا انتظرك
أسيل: طيب
..........................................
وخلصت الاختبارات وبدت الأجازة النصفية وكانت برد واتفقوا بأنهم يرحون للمزرعة ويجلسون فيها يومين وكان قبل ما يروحون في بيت ابوخالد
خالد: يمه أنا قررت أتزوج
أم خالد: صدق ألف مبروك كلللللللللللوش عندك وحدة في بالك ولا أدور لك
خالد: لا أنتي دوري لي
صبا: كأني سمعت صوت فرح
أم خالد: أي بنتي تعالي شوفي أخوك يبي يتزوج
صبا: صدق ألف مبروك
خالد: الله يبارك فيك
صبا: عاد مين العروس
أم خالد: أحنا راح ندور له
صبا: يمه أنا في وحدة في بالي وتصلح لخالد
أم خالد: مين يمه
صبا: عهد صديقة لمى عرفتيها
أم خالد: أي عرفتها والنعم فيها أخلاق وجمال ودلال
خالد: خلاص دامها عاجبتكم يمه كلمي أبوي وخليه يخطبها
أم خالد: أن شاء الله الحين بروح أقول له قبل ما نروح للمزرعة لان ما باقي ألا ساعة ع الروحة
خالد: أنا سابقكم هناك تأمروني بشيء
أم خالد وصبا: سلامتك
خالد: الله يسلمكم من الشر مع السلامة
.....................................
وسن: هلا اخبارك
نواف: الحمدالله تمام وأنتي
وسن: يسرك حالي
نواف: أخبار النتيجة
وسن: النتايج بعد الأجازة
نواف: اهاا الله يوفقك
وسن: وياك يارب
نواف: ألا ما عندكم رحلة عارفكم ما تجلسون في البيت في العطلة
وسن: ههه أي رايحين للمزرعة بعد ساعة
نواف: سلمي لي ع الكل
وسن: أن شاء الله يوصل
نواف: يلا أخليك تجهزين أغراضك وأنا وراي مذاكرة
وسن: اوك انتبه لنفسك
نواف: أن شاء الله وأنتي بعد مع السلامة
وسن: أن شاء الله ... الله يسلمك
...............................................
محمد: عاد مرام أبي أشوفك هناك مو تحرميني
مرام: مو بكيفي إذا قدرت ابشر بالخير
محمد: أن شاء الله اوك يلا أخليك بروح أشوف أمي ووسن وعشان أوديهم
مرام: طيب مع السلامة
محمد: الله يسلمك
وبعد ساعة في العصر الساعة خمس الكل وصل في نفس الوقت
سيارة محمد وأم محمد ووسن
سيارة ابوخالد وأم خالد وصبا
سيارة عبدالعزيز و لمى
سيارة فيصل وريما
سيارة أبو عبدالله وأم عبدالله ومرام ومنار ومي
وكان في استقبالهم خالد وعبدا لله
وسلموا على بعض ودخلوا
وسن: اشتقت لها من زمان ماجينا
مي: وأنتي صادقة من العيد
ريما: قوموا بس بلا هذرة رتبوا أغراضكم قبل ما يجون الضيوف
منار: ليه مين بيجي
ريما: أمم شوفي عهد وبيان وأم بدر وابو بدر وبدر
ورنا وابواحمد وأم احمد واحمد
وأسيل وابو صلاح وأم صلاح وصلاح
ورائد وأمه وأبوه
وطارق وأبوه وأمه
مي: الله شكثرهم رائد وطارق وأهلهم أحنا مو متعودين عليهم
ريما: مو لازم بس قومي رتبي أغراضك
وكل وحدة رتبت أغراضها ولبسوا وكانوا ينتظرون الضيوف
أول عائلة جاءت بيان وعهد وأهلهم ورحبوا فيهم وووو إلى أن وصل الكل
....................................
عند الرجال
ابوخالد خطب عهد من أبو بدر وافق بس ينتظرون موافقة عهد
وبعدها راحوا يصلون المغرب والعشاء لان المزرعة تبعد عن بيوتهم 90 كيلو وبعدها جلسوا الرجال في المجلس والأولاد راحوا للخيمة يلعبون يتعارفون على بعض
محمد: يلا أنا عندي لعبة كل واحد يقول قصيدة وأحسن واحد يقول راح أعطيه 500
عبدالعزيز: اتفقنا
محمد: طيب شوفوا الرجال عمي أبو خالد وعمي أبو عبدالله وابو بدر وابو احمد وابو طارق وابو رائد وابو صلاح هم لجنة الحكم وأنا راح أشارك معكم
واتفقوا على الشروط وكل شيء وراحوا عند الشياب وقالوا لهم اللعبة وبدت أول واحد محمد
محمد:
على طاري مسافات الدروب ورحلة الأشواق
لقيت اللي يسافر بي وفي لحظة يوديني
إلى دار السعادة والفرح والحب والأذواق
إلى ذاك الحبيب اللي بعيد وساكن فيني
إلى من كل ذكرانا قبل تكتب على الأوراق
جعل قلبه لها دفتر لتسجيل العناويني
إلى أعذب عشق في الدنيا وحب مالي الأفاق
واطهر من همال المزن وأزكى من الرياحيني
إلى أجمل تجربه كانت وعاشت داخل الأعماق
إلى اصدق شوق يأخذني ويجمعني ويحميني
إلى نجم المسا والكون .. نور الصبح والإشراق
إلى كل العطا والجود واكبر شخص في عيني
بنتقابل ونتعاهد ونجعل بيننا ميثاق
ونمسح زلة الفرقا وتزييف المضاميني
أجي لك من بعد غربه وأصور لوعة الافراق
واخفف ثورة أحزانك وأحط أيديك بيد
أنا اخلص لك وتخلص لي .. تعاملنا على الاخلاق
على منهاجنا مهما نعيش أيام وسنيني
.................................
بدر:
يغريني الشوق وواقف على بابه
وأفضل الصمت واثر الباب يدعيني
بغيت أضمه و أحبه و اتلوا به
يا باب بيته .. تراك اليوم تشقيني
عطني علومك عسى ما أحد تحاكى به
وأعطيك علم بعد ما غبت عن عيني
اللي وراء الباب ماجوره ومنصابه؟
ولا بعد غيبتي ما عاد تطريني
وأنا أتكلم وأبو درفه على أعصابه
يقرأ بعيني متاهاتي من سنيني
يخاف مني لـ أجيب العيد واغتابه
ولا اندفع له ويكون اكبر خطا فيني
ربيته أول على عشق تغذا به
واليوم كله على بعضه يغذيني
أبا أتأكد وأشوف الحل وأبدا به
وأبا أتريث لعل الباب يفتيني
الله يجيرك ثلاث شهور غلاابه
لا جزت منه ولا غيره يسليني
.................................
رائد:
آسف أنا في جيتي لك تسرعت
ظنيت ألاقي فيك شيٍ فقدته
كنت أحسبك مجروح مثلي تولعت
جربت فرقى شخص قلبك وهبته
كنت أحسبك من مر جرحك تجرعت
حبيت فيك أحساس طفلٍ لمحته
لو قلت آآآه بوسط روحي توجعت
ولو شفت دمعاتك شعوري سكبته
ولو تطلب عيوني أبد ما تمنعت
وأعطيك قلبي لو بعد ما طلبته
وصلت بك أعلى مكان وتربعت
وفي قلب غيري يا الغضي ما وصلته
وأصبر على صدك وأشوفك تدلعت
وأعطيك ود وما أظنك حسبته
أذهلتني بطباعك اللي تطبـّعت
حتى قصيدي فيك أبد ما فهمته
لو كان غاياتك حروفي فأنا بعت
وأفرح بجرح المشاعر اللي جرحته
وأرجوك من صدك تراني تشبـّعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لأجل عينك وبعته
يا ليتني عن حب مثلك ترفـّعت
يا ليت قلبي قبل أعرفك دفنته
لكن ببعد دامني بك توهقت
الـلـه يرحـم حبـنا اللي ذبحـته
أنا شريت الود والحين أنا بعت
وأنا عطيتك قلبي اللي قهرته
في يوم جيتك أطلبك ود وأقنعت
نفسي بأنك شخص عادي عرفته
كمّــل حياتك مثل ما أنا توقـّعت
تبقى أسير الماضي اللي فرضته
ولا يحزنك إني إنسان وتراجعت
حولك بدالي ألف شخصٍ عجبته
أما أنا لا يمكن أخضع ولا طعت
يحرم علي أعطيك قلبٍ خذلته
بريّحك من شوفتي يوم قاطعت
أسلوبك اللي به تجامل كرهته
غلطان يا المقفي أنا ما تتبـّعت
غيري يتابع خطوتي ما تبعته
ما ينحني راسي لو إني تقطعت
وما هو بنا من لا رميته لقطته
وإن كان غرك حكي عذالي وطعت
الله يعلم كيـــف قلبي سكنتـــه
اللي ملا قلبك علي وتسمـّعت
خله يعوّض شخص مثلي خسرته
أنا بما فيه الكفاية تولـّــعت
واللي بقى من قلب فيني حرقته
وإن شفتني صدفه بعينك تطلـّعت
ذكـّرتني بإنسان غــالي فقدتــه
بأول لقا سلمته إحساسي و ضعت
غلطة حياتي يوم قلبي سلبته
وأستسمحك فالبعد كأني تراجعت
ما عاد بلقى فيك شي ٍ فقدتــه
طبعك مثل غيرك وطبعي كما كنت
أحب شخص ٍ ولا تركته تركـــــته
...........................................
احمد:
يا عذاب الحب .. عذبت الضمير
وأنت راعي والغلا عندك رعايا
ليت مرسوله يجي بالشوق طاير
كان أبكتب للغضي شعر وتحايا
لو لفانــي طيفها بالليل زاير
قمت أوزع للعرب ورد وهدايا
صار قلبي مع وليف الروح حاري
مبعد والقلب مــا يعلم خفايا
والهوى حكمه على المخلوق جاير
يتركه يمشي على درب المنايا
اربحه لو راحت الدنيا خساير
وفي دروب الحب يا كثر الخطايا
وان خسرت (الـ ... ) ما صارت بشاير
و لا بقى في حب هالدنيا مزايا
.......................................
صلاح:
يا هبوب الريح طيري بالغريب
وارفعيني فوق جنحان الهوا
وجهي بي فالفضا يم المغيب
انتهى صبر المولع ما قوى
علتي فالقلب يجهلها الطبيب
لو يدور الكون ما يلقى دواء
وين مرسول الولايف والحبيب
يجلي هموم المعنا لا ضوى
مل قلبي من عنا الوقت العجيب
لاعته سود الليالي وانطوى
من مقادير الليالي مستصيب
قد ورد حوض المصايب وارتوى
لا يضيق البال مني يا شبيب
ضيعت عقلي هواجيس الهوى
يا عظيم الكون يا الحي المجيب
يا عليم بسر عبده لا نوى
ألطف بحال متردي فالنصيب
موته المكتوب مع عمره سوى
....................................
طارق:
يا اللي غرامك جاري في وريدي
لا وش غرامك جاري في يدي
أستغفر الله لو بقول إن غرامك ما باقي
إلا يطبع أسمك على يدي
لأنك بصدري وأنت ما أنت بصدري
تطلع مع أنفاسي وترجع يا سيدي
أليا طلعت أحس كني أشوفك
وأنقص أنفاسي ذكى يا ضديدي
أخاف لا تطلع ولا عاد ترجع
وأشفق على شوفتك وأقول زيدي
فهل علمت عن جنوني يا آنف
إني لا مجنون نشاز المجيدي
لبيك يا سلك حملت الفضائل
أوعز لصاحبك بتحرير قيدي
يعني بحكينا لبا والله عروقك
متى تعيد في عيوني يا عيدي
ثقفني بوصلك مثل ما تثقف
شعار جيلي من ثقافة قصيدي
لو ضلع عيني حس موطى وصالك
مطاه حيده ولا طاه حيدي
تخيل إني من كثر ما تخيل
أتخيلك تدعي وأحسبك ميدي
يا خي ترى جننتي بالمفارق
جننتي وأنا بعقلي يا جيدي
لكن مع الله كل بلوه بخيرة
أنا ذكاي من تجارب رصيدي
أذكرني أليا من سمعت بغرابة
أليا سرى في عروق مخك جديدي
وأنا بعد لا من ذكرتك يا غالي
بسجد لوجه الله وأقبل أيدي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك