رواية الحظ لو عاثر بصنع أنا حظي -5
سحر شوق وشفيك؟ اول مره تضحكين زي كذا
شوق هههههه انا وياسر مستحيل اكيد تمزحين
سحر ليه وشفيه ياسر؟ انا لو القلب خالي كان ماخليته يناظر لغيري
شوق هذا تصريح خطير .يالله اعترفي من هو ؟
سحر آآآآآه والله ماعاد اقدر اخبي انا مو بس احبه الا اموت عليه اه متى يجي ويخطبني
شوق طيب من هو قولي بسرعه
سحر هاني
شوق بصدمه هااني!!!!!!!!!
سحر ايه هاني وشفيك منصدمه؟
شوه تحاول تكون طبيعيه لا مافيني شي طيب هو يحبك؟
سحر مدري بس احس انه يحبني . تصدقين شوق اني اتصل عليه واقعد ساكته بس عشان اسمع صوته
شوق وهو يدري انه انتي؟
سحر لا مايدري لاني مغيره رقمي الاول وهذا مو عنده .يارب تجمعني معه باقرب وقت
شوق....
سحر الحين بخليك واروح انام
بعد ماراحت سحر
شوق(معقول الوحيد اللي حسيت اني احبه تطلع اختي تحبه وتموت عليه؟ليه كذا ليه
بس انا احس انه يحبني لان نظراته لي غير احسها غير عن نظراته للبنات .معقول يتهيالي
افف انا الاقيها من مين والا من مين))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ساره مو على كيفك انا لسى ماشبعت منك
ايناس سوسو والله انا تاخرت مرة
سارة اللي يسمعك يقول ان امك راح تقولك شي
ايناس لا ماما مو مشكله اقدر عليها بس البلوة ياسر
هوه اللي ناشب لي ومسوى فيها رجال البيت
سارة ليه واخوانك وين؟هو ماله دخل ولا له امر عليك
ايناس راكان مو داري عن الدنيا وحتى لو شافني جايه متاخرة
بيكون عنده عادي .وحسام تلاقينه بسابع نومه
بس ياسر اف الله ياخذة
سارة بليز اجلسي شوي عشان خاطري
ايناس امانه سوسو لاتزعلين واوعدك المرة الجايه اطول عندك
سارة خلاص امرى لله .طيب قبل تروحين ماقلتي وش رايك بالهدايا
اللي جاتني اليوم؟
ايناس وااااااااو تاخذ العقل
سارة طيب واللي جاب الهدايا؟
ايناس هههههه يجنن الله يهنيك فيه
سارة اسمعي بقولك شي ترى هوه مو جاي اليوم عشاني
ايناس اجل عشان مين؟
سارة عشانك انتي لانه شافك المرة اللي راحت
وعجبتيه
ايناس متى؟
سارة واحنا عند رانيه يوم عيد ميلادها
ايناس اهااا
سارة وترى يقول انك مرة حلوة وستايلك عاجبه ويبغى يتعرف عليك اكثر
ايناس اوكي مو مشكله المرة الجايه اعزمينا عندك ونتعرف عليه هههه
سارة اوكي من عنوني بس خذي هذا رقمه اذا حابه تكلمينه
ايناس خذت الرقم وراحت
***********************************
بيت ابو بندر
وليد كان جاي ياخذ هاني ويروحون النادي
نزل من سيارته ولقى الباب الخارجي مفتوح
ودخل وشاف واحد معطيه ظهرة ولابس ملابس رياضه
ويلعب كورة . ومتحمس في اللعب ويقلد صوت
المعلق وهو يعلق عالمباراة وبيده زقارة
وليد (اكيد هذا هاني ههههه متحمس)
وليد كيفك هاني
بس الولد مارد
وليد عصب لانه مايحب احد يطنشه
وليد ياابو الشباب رد لايجيك كف هالحين
الولد مطنش ومعطيه ظهره
وليد جاء عند الولد ومسكه ولفه بالقوة
وليد الرجاجيل اذا سلمو عليهم الناس ترد السلام
دلع مسكت ايده ودفتها بقوة بس انا ماابي ارد عليك كيفي
وراحت وخلت وليد مصدوم
وليد(الحين هذي بنت والا ولد )
طلع وليد وركب سيارته وبغى يمشي بس رن جواله
وليد الوو
هاني وينك تاخرت؟ ساعه انتظرك
وليد هاه ايه هذا انا توي جاي يالله انزل
هاني لبس ونزل وشاف دلع جالسه
هاني كيفك ياكبتن ههههه
دلع بخير على فكرة فيه واحد دخل الحوش وشكله كان يبيك
هاني وشافك؟؟؟
دلع هاه لا لا انا شفته بس ماشافني
هاني ايه اشوى .طيب انا طالع قولي لامي بتاخر شوي
دلع طيب
بعد ماراح هاني
دلع(ياويلي الحين بيقول لهاني عني اف من وين طلعلي هذا)
*********************************
مساعد ياخي رد عليها وفكنا
راكان خلها تولي
سالم الله مو هذي اللي حفيت عشان توصلها
راكان ههههه هذاك قلتها اوصلها وخلاص
وصلت وماعاد لي حاجه فيها
تركي طيب عطني رقمها انا ابيها
راكان هههههه ماتغلى عليك خذ سجل عندك .............0506
مساعد اقول راكان
راكان هلا
مساعد ترى عنود اقلقتني وهي تسال عليكك
راكان اف هذي ماتفهم
مساعد ياخي تحملها شوي يعني ماتدري هي بنت مين؟
راكان والله لو كانت بنت الوزير انت تعرفني امل بسرعه
وهالحين مو فاضي عندي وحده ولازم اضبطها
سالم جديده والا
راكان افااا عليك تعرفني مااحب الا الجديد والصغير بعد ههههههه
تركي مو كان نواف تاخر؟
مساعد لاتاخر ولا شي والحين بيجي واشرب لين تقول بس
******************************
بندر ياخي لك كم يوم طفشان ومالك خلق عسى ماشر؟
ياسر لا مافيه شي
بندر افااا تخبي على اخوك
ياسر تعرفني مااقدر اخبي عليك شي
بندر طيب قول وشفيك
ياسر انا مديت ايدي على بنت عمي
بندر ايناس؟ الله يعينك اجل على عمي ومرته
ياسر لامو ايناس
بندر اجل من
ياسر شوق
بندر !!!!!!!!!!!!!
ياسر ادري مستغرب معك حق بس غصب عني
بندر انت تضرب شوق مااصدق
ياسر قال لبندر السالفه
بندر طيب هي صغيرة والحق على راكان مو عليها
ياسر ادري بس كلمتها استفزتني .وماحسيت بنفسي غير وانا ضاربها
بندر راكان هذا يبيله تربيه من اول وجديد
ياسر راكان امرة سهل وانا اقدر امشيه على السراط المستقيم
بس المشكله شوق كيف اراضيها
بندر ياخي لاتكبر الامور وخذلها هديه وراح ترضى زيها زي اللي بسنها
ياسر(بلاك ماتدري بشي هي خلقه تكرهني والحين كرهتني زياده)
حلا طيب لاتنسين انك غلطتي عليه
شوق حتى لو ماله حق يمد ايده علي
حلا خلاص خلاص هدي وانسي الموضوع
وهو كلها كم يوم وبينقل لفلته الجديده
شوق فكه من وجهه
حلا تصدقين يقول بندر انها تاخذ العقل مرة مرة حلوة
شوق اف خلاص لاتجيبين سيرته قدامي ترى ببكي
حلا خلاص بغيرها امممم اسمعي يوم الخميس الجاي
بنروح المزرعه حقتنا
شوق من جد
حلا ايه وترى انتو بتروحون معنا
شوق الله وناسه من زمان مارحنا هناك
حلا ايه صح بس
شوق بس ايش؟
حلا امممم ياسر بيروح معنا
شوق اجل انا مابروح
حلا لاتكفين عن المصاخه وبعدين انتي وش عليك فيه
شوق طيب بفكر واشوف يالله باي
حلا باي
حلا سكرت تلفونها وراحت تبي تنزل تحت ومرت من جنب غرفه امها
وسمعت صوت ابوها
ابو بندر الرجال ماعليه كلام وانا سألت عنه وقالوا والعنم فيه
ام بندر بس انت تدري اني ابيها لولد اختي محمد
ابو بندر وانا بجلس انتظر ولد اختك لين يتكرم ويتعطف ويجي يخطبها
اذا وظيفه زي الناس ماعنده كيف تبين تزوجينه بنتك هاه
ام بندر الوظيفه جاهزه بس انت مدري وش فيك عليه
ابو بندر اقول انتي كلمي البنت وشوفي ردها واعطيني خبر
ام بندر ........
حلا غيرت رايها ورجعت غرفه هند
حلا هند هند الحقي خبر خطييير وطازج
هند خير؟
حلا ابوي جابلك عريس
هند بخوف اييييييش ومن قالك ؟ا
حلا توني سامعتهم هو وامي يتكلمون وترى امي ماتبيه
هند اصلا انا مابي اتزوج الحين وزين ان امي مو موافقه
حلا يالمهبوله لاتفرحين ترى امي مو موافقه لانها تبيك لمحمد ولد خالتي
هند بعد هذا اللي ناقص انا اخذ محمد ..اف من وين طلعتلي هالبوة
حلا الحين العرس بلوة؟
هند طيب روحي خذي العريس وفكيني
حلا لا ياقلبي انا اللي مايجي عاني متعني عشاني ماابيه
هند اف افا الحين وش اسوي
حلا اسمعي هنوده نصيحه مني شوفي نصيبك و لو كان يبيك كان جاء وخطبك
والله مايستاهل تردين الخطاب عشانه
هند بس انا احبه ومااتخيل حياتي مع غيرة
حلا طيب هو يدري عنك؟
هند مدري بس عندي احساس انه يحبني
حلا بس تعرفينه راعي بنات وسوالف مو زينه
هند مع الوقت بقدر اغيره
حلا والله مااظن راكان يتغير
هند طيب الحين دليني وش اقول لامي
حلا قولي مو موافقه
هند بتقول ليش وبتسوي لي تحقيق
حلا قولي بكمل دراستي او قولي ماابيه لانه مو من جماعتنا
هند الله يعيني بس
سحر مسويه حفله عشان عيد ميلادها
وعازمه البنات عندها
عاليه يمه تكفين خليني اروح
ام ضاري يايمه كيف تروحين لناس ماتعرفينهم زين
عاليه اشلون مااعرفهم اقولج البنت رفيجتي
والحفله لاختها
ام ضاري بس ماعمرج رحتي عندهم او يو عندج
عاليه وهذي الفرصه يات لعندي .فديتج يمه وافقي
ام ضاري اف منج خلاص روحي
عاليه هييييه
&&&&&&&&&&&&&&&&&&&&&
سحر هنوده قلتي لرغد لاتتأخر؟
هند ايه قلتلها
حلا شوق وينها
سحر تسوي عصير لراكان وبتجي
حلا ليه وين الشغاله؟
سحر والله عاد راكان يقول مايحب
يشرب العصير الا من ايدها
هند هو راكان هنا؟
سحر ايه بغرفته بس بيروح
دلع اف ملل
حلا اكيد ملل انتي ماتحبين هالاجواء اللي كلها انوثه هههههه
دلع ايه خليناها لك
هند بس انتي وياها .اقول سحر ان بروح الحمام مافيه احد في طريقي؟
سحر لامافيه احد راكان في غرفته وحسام مو فيه
هند راحت الحمام ..وهي راجعه وقفت عند غرفه راكان(ياربي وحشني من زمان ماشفته من قريب.
بس كيف ادخل وش بيقول عني؟لالا انا لازم اعرف هو يبيني والا لاء)
دقت الباب
راكان ادخلي شوق
هند دخلت وكانت محجبه بس
هند مرحبا راكان
راكان مستغرب هند؟؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
راكان باستغراب هند!!!!!!! هلا والله كيفك
هند بخجل بخير وانت
راكان الحمد لله
هند راكان بغيت اخذ رايك بشغله
راكان ههههه وانا اقول وش جابك.. طيب تفضلي
هند انا جاني عريس ومتردده اوافق او لاء
راكان عالبركه هنوده . و ليش متردده وافقي احسن من انك تعنسين ههههههههه
هند بحزن يعني هذا رايك؟
راكان اكييييد
في هالوقت شوق جات
شوق وهذا العصير جــــ هند!!!!!!
هند حست بالاحراج من شوق
راكان مشكورة شوق ايه على فكرة باركي لهند جاها عريس
شوق من جد ؟ مبرووك هنوده
سحر عن اذنكم ..
شوق هند ,هند , تعالي اشفيك؟
راكان هند وشفيها انت زعلتها بشي؟
راكان لاوالله ماقلت لها شي
شوق اصلا غريبه جات عندك وهي طول
عمرها تستحي تكلمك
راكان مدري عنها
شوق طيب انا بروح
راكان اقول شواقه .تدرين ليش طلبت العصير؟
شوق(اكيد عشان تشوف لبسي اف ياربي من هالراكان)
راكان عشان اشوف هالكشخه..
مدري وشفيك ماوريتيني زي دايم
شوق مافيه شي بس نسيت
راكان بس ليش مالبستي الزيتي اللي جبته لك اخر مرة
شوق البنات شافوة علي ليه هذا مو حلو؟
راكان اكيد حلو انتي اي شي عليك حلو
شوق يالله بروح تأخرت عالبنات
راكان وانا بعد بروح
بعد ماراحت شوق
راكان(اكيد مالبست عشان ياسر
اف ياسر هذا دايم ناشب لي)
رجعت شوق عند البنات
حلا هلا وغلا وين كنتي غاطسه
كل ذا تسوين كاسه عصير؟
شووق الله يعني اشتقتيلي ههههه
حلا ايه مرة هههههه
سحر هنوده اشفيك سرحانه ومو معنا؟
هند هاه لا مافيه شيء
شوق (الله يسامحك ياراكان ياليتك تدري انها تحبك)
&&&&&&&&&&&&&&&&&&&&&&
ضاري وصل عاليه عند باب الفله وراح
دخلت عاليه وانبهرت بالفله والحديقه لانها اول مرة تجي عندهم
يوم قربت من الباب شافت سياره سوداء واقفه
جات عند القزاز وشالت غطوتها
وجلست تتعدل وتطالع صورتها بالقزاز
وتسوي حركات بشفايفها
عاليه(واااااي فديتني اهبل كأني نانسي ههههه
بس هالضحكه مادامت غير ثواني لان القزاز
انفتح وشافت اللي في السيارة وهو فاطس من الضحك
!!!!!!!!!!!!!!
عاليه يماااااااه ....واغمى عليها
نزل حسام من السيارة وشاف البنت طايحه
دق على سحر لانه ارتبك وماعرف وش يسوي
جات هي وشوق
سحر عاليه؟ وشفيها وليش طايحه
حسام الحين شيلوها ودخلوها داخل وبعدين حققي
شوق وسحر حاولوا يشيلون عاليه بس كانت مليانه شوي وماقدروا
حسام يوم شافهم كذا .بعدهم عنها وشالها ودخلها داخل..وطلع
شوق لحقت حسام حسام لحظه
حسام هلا
شوق كيف طاحت عاليه ؟وانت متى جيت ؟
حسام انا رجعت اخذ جوالي لاني نسيته وتوي ركبت السيارة الا اشوف البنت جايه عند القزاز
هههههههه وتناظر صورتها وتعدل شعرها
وهي ماتدري اني داخل ههههه عاد انا ماقدلات امسك نفسي
ومت من الضحك وفتحت القزاز ويوم شافتني طاحت
شوق ههههههههههههه الله يرجك ياعاليه
حسام روحي شوفيها وتطمنى عليها اخاف يجيها شي بسببي
راحت شوق عند البنات
عاليه توها تصحى انا وين وليه متجمعين جذيه؟
سحر خوفتينا عليك الله يسامحك
عاليه ليه شنو سويت انا
شوق بس طحتي بالحوش غشيانه
عاليه وشو متى
حلا قبل شوي
عاليه طيب اشلون ييت هنيه؟
سحر اخوي شالك ودخلك لاننا انا وشوق ماقدرنالك يادبه هههه
عاليه لحظه لحظه انتي شتخربطين وتقولين من ذا اللي شالني اكيد تمزحين
شوق لا مو مزح اخوي حسام هو اللي دخلك وترى ماكان فيه حل الا كذا
عاليه وهي تبكي ليييييييش جذيه جان خليتوني بالطقاق يطقني . واااااااي فشيله
سحر خلاص الرة الجايه بنخليك تخيسين ومابنخليه يشيلك ههه
شوق لافشيله ولا شي اعتبريه زي اخوك هههههه
عاليه تنكتين انتي وويهج
حلا ههههههههههه باللهي وشو شعورك وانتي بين احضان ولد العم خخخخ
عاليه رمت المخده على حلا تشب ولا كلمه مالت عليك انا وين وانتي وين
البنات ههههههههههههههههههههه
هند اقول عاليه بلا رجيمات بلا هم شوفي قل الاكل كيف خلاك تطيحين
عاليه لاوالله بطلت رجيم من زمان
هند اجل من ايش اغمى عليك؟
عاليه..............
شوق ههههههه انا ادري بس ماراح اقول
وقربت من اذن عاليه وهمست فيها اجل تناظرين خشتك بالقزاز واخوي داخل ههههه
عاليه الله ياخذج كله منج انتي اللي قلتي تعالي
شوق ترى هو يقولك اسف لانه خوفك
بعد نص ساعه تجمعوا البنات عند سحر وقضوا احلى وقت مع بعض
*******************************
اليوم الخميس
عايله ابو بندر وابو راكان راحوا للمزرعه
واول موصلوا الحريم راحوا قسمهم والرجال جلسو يرتبون الاغراض
حلا يااااة ياني مشتاقه للمزرعه. شوق تعالي نروح للمرجيحه
شوق خير شايفتني بزر زيك هههههه
هند ويك ويك ويك فشلوها مسكينه
حلا الحين انا بزر اجل انتي وشو هاه
سحر شوق من متى صرتي كبيرة مو توك تقولين متى نوصل للمزرعه والعب بالمرجيحه
ههههههه
شوق انا؟متى
حلا اقول يالله تعالي والا والله مااخليك تركبين
شوق ههههه لا خلاص بجي راحو البنات للمراجيح
شوق انا اول وحده
حلا لاوالله مو توك تقولين مو بزر
شوق وانتي اي شي تصدقينه هههه
دلع انا ابي العب كورة حد بيلعب معي؟
ايناس وع وع كورة لا ياماما انا مابغى
ابي اروح اتمشى شوي
سحر براحتك
ايناس ادري براحتي
بعد ماراحت ايناس
حلا سحر اختك هذي ليش كذا؟
شوق خلونا منها ويالله نلعب
عندالرجال
بندر انس قم جيب القهوة
انس يعني مافيه الا انس
حسام قوم وانت ساكت
انس يعني عشاني اصغر واحد ماخذيني شغاله عندكم
راكان هههههه حلوة شغاله عندكم عجبتني
انس احلف بس
الكل هههههههههه
هاني خلونا نتمشى على بال ماتخلص القهوة
قامو العيال وراحو يتمشون بالمزرعه وحسام جلس مع الشياب
ياسر اقول هاني سمعنا اخبار جديده عنك ههههه
هاني هذا اكيد صديقك قالك لانه مايقدر يخبي عنك شي
بندر ايه صديقي ومااخبي عنه شي تصدق فيه اشياء يعرفها عني حتى زوجتي ماتعرفها
راكان(مالت عليك انت وياها)
هاني والله ياولد العم قلنا نكمل نص ديننا ونتزوج
راكان اووخص بتتزوج؟
هاني ليه وش ناقصني عشان مااتزوج؟
راكان مو ناقصك شي بس تمتع بحياتك لاحق عالزواج
ياسر ترى مو كل الناس راكان
راكان ليه وانا وش فيني؟ترى سكتت لك واجد
ياسر احلف بس والا اقولك تعال اضربني احسن
بندر هدوا ياشباب ترى حنا جايين نستانس مو نتهاوش
هاني خلاص انت وياه اسكتو خلوني اقولكم عن العروس ههههه
ياسر العروس عارفينها مايحتاج تقول
هاني وانت من وين تعرفها؟
ياسر ههههه بنت عمي واعرفها اكثر منك
هاني اي بنت عم؟
ياسر سحر
هاني وشفيها سحر
ياسر ليه مو هي العروس؟
هاني لا مو هي
ياسر اجل من؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك