رواية مثلث الحب -6
اسامه بخوف : الحمد الله خفت اخسرك مثل ما خسرت غادة
جمدت احلام من كلامه و اختفت ابتسامته و حاولت انها تبعد عن حضنه بس هو ما تركها و كمل اسامه : انتي ترجفين قومي بدلي ملابسك لا تخذين برد ..
ما قدرت احلام تقوم لأنها قواها اختفت فحملها على ايدينه و دخلها للغرفه فتح الدولاب الخاص فيه و طلع بجامته و عطاها.......
اسامه : البسي بجامتي رح تدفيك انا بطلع عشان تاخذين راحتك اوكيه
اول مره تشوف احلام اهتمام اسامه فيها و خوفه عليها لبست بجامته و كانت واسعه مره عليها و طلعت له ....
اسامه ببتسامه خفيفه : يمكن كبيره عليك شوي ...!
احلام : كبيره و بس إلا منطاد ليش تلبس بجايم واسعه كذا ??!
اسامه : عشان اخذ راحتي ,,,
احلام : امممم
اسامه ; و بعدين انتي وش سالفتك فيه احد يسبح بهالجو البارد ..!?
احلام بخجل : لا ماحسيت و بعدين كنت واقفه اطالع المويه و مالقيت نفسي إلا فيها
اسامه : هههههههه وش قاعده تفكرين فيه بالله ??!
سكتت احلام و ماردت ..
قام اسامه و مسك ايدينها و قعد يدفيهم ..
اسامه بهمس : لاتعيدينها مره ثانيه فاهمه خوفتيني عليك
احلام بفرحه : انشاالله
ولما كان بيبعد عنه مسكت ايده و ضمته و قالت : انا بردانه حيل
جمد اسامه مكانه و تذكر يوم يقولها هالكلام ظل 5 دقايق عشان خاطره و ابتعد عنه
و راح نام جلست احلام بعالم الأحلام الخاص فيها و بنفس الوقت احتاجت لشخص تتكلم وياه عن السعاده اللي غامرتها و كانت تشم ريحته بالبجامه و تبتسم فتلمست الجيوب و لقت فيها صورة لبنت بعمر العشرينات مصوره مع اسامه ماصدقت احلام اللي شافته فتبادرت براسها الأفكار ...
من هاذي البنت??!
وليش اسامه ضامها بالصوره??!
وليش الصوره مع اسامه???!
و من دون ماتفكر راحت تناقشه بس وقفت رجولها و قالت :
استهدي بالله و عيني من الله خير انشاالله مافيه إلا الخير
فتحت النافذه اللي تطل على المدينه عشان تبعد التوتر عنها بس مانفع جلست ثلاث ساعات على هالحال و اقفه و تفكر
طلع عليها اسامه و شافها واقفه من دون لبس يدفيها فجاب بطانيه و كان متردد انه يغطيها بس غطاه من ورى وقال :
احلام الجو بارد انتي ناويه تذبحين نفسك ادخلي داخل ...
و كانت نسمات الهوى باردة حيل تطير شعرها و قبل مايدخل ضمته من ظهره و دموعها تنهمر رجع جمود اسامه و ماتحرك فقالت :
احلام : ابسألك سؤال و ابيك تجاوبني بصراحه !!
انت انت عمرك حبيت من كل قلبك ??!
توتر اسامه من سؤاله المفاجئ و لا رد عليه
و رجعت قالت :
اسامه ابي اعرف انت تحبني مثل ما احبك ???!!
رد عليها بجمود : انا ماني مستعد ابدأ تجربه ثانيه من الحب !!
احلام : وش قصدك بهالكلام يعني نظل عايشين بهالطريقه هاذي من غير حب او حنان او عاطفه او شعور ....
اسامه وهو ينزل ايدينه : تبيني اكذب عليك و أقولك اني احبك اوكيه موافق غيره تبين شي ثاني ؟؟
احلام : انت ليش تعاملني بهالطريقه
اسامه: تصبحين على خير !!
احلام بشهاق : اسامه انت قاسي حييل مرره انت انت قاسي <<
وراح للغرفته و تركها ما قدرت تكمل وقفتها على رجولها فنهارت على الأرض تخنق عبراته .... دخل اسامه غرفته و رفع ايده للصدره كان مره متوتر و خايف و نبضات قلبه تتسارع ماقدر ينام من الكلمـہ اللي قالتـہا لـہ و سؤالـہا اللي يتبادر للذهن كل لحظـہ..؛؛..
اسامـہ انت تحبني مثل ما احبك ??!
كان يهز راسه يمين و يسار عشان ينسى بس ما قدر
طلع الفجر و احلام و اسامه ماناموا ....
فشافها اسامه مانامت حاول انه يكلمها بطريقه عاديه :;
اسامه : صباح الخير
ماردت لأنها مااهي لمه
اسامه : اليوم الجو دافي وش رايك نطلع للملاهي يقولون انه فيه ملاهي مره كبيره و فيها كل الألعاب اللي تحبينه
احلام بتعب : سوي اللي يريحك ....
و قامت و خلته عرف انها خذت على خاطره و انها تنتظر منه اجابه بس مايقدر يعطيها لأن قلبه متردد للحب مره ثانيه ...
دخل عليه و قال : هاه ماتبين تروحين ??
احلام : طيب خليني ألبس !!
اسامه بفرحه : يالله انتظرك تحت
لبست و طلعوا للملاهي طلعت كل حرتها بالألعاب تركب هاذي و تنزل من هاذي خاف عليه اسامه انه يجيها شي من كثر ماتلعب خاصة الألعاب الخطرة و قال: احلام خلاص يكفي لعبتي اكثر من ست مرات الحين بدوخين و يغمى عليك
احلام : وليش خايف علي و إذا يعني دخت او طحت و تكسرت وش صار بالدنيا ?!
اسامه بعصبيه : احلام وش هالكلام وشلون ماتبيني اخاف عليك إذا طحتي و تكسرت بعيد الشر عنك ليش تفاولين على روحك
احلام بعناد ; إذا ماتبيني العب و رح تلقي علي محاضرة خلينا نروح للفندق احسن ..
جن اسامه من طريقة كلامها معه و ماصدق انه هاذي احلام..
اسامـہ : بس حنا تونا جايين و لسى ماتعشينا !!?
احلام : خلاص لاعت كبدي ماشتهي شي خلينا نروح ..
اخذها للفندق ولا كأنهم رحوا يتونسون
مسك ايدها اسامه بيعرف وش صاير لها : احلام فيك شي تعبانه !!
شافت انه مسك ايدها زال الغضب والضيقه اللي داخلها حست براحه و امان نزلن دموعها من دون تفكير و قربت صوبه و ضمته و قالت :
اسامه انا محتاجتك ...
رفع اسامه ايديه عشان يحتويها بس عجز حس انه شايل اشياء و مو قادر يرفعهن مسكه من كتوفها وابعده عن صدره ومسح دموعها ...
اسامه : اجلسي بجيب لك كاسة مويه عشان تهدين شوي و تقولين وش فيك ..
جاب لها المويه لقاه غفت على الكرسي نزل الكاسه و جلس يتأمل بملامح وجهه و شعرها و ايدينها النحيفات الصغار كل هذا ذكره في غادة حس انه غادة قدامه نايمه قرب ايده يبعد خصلات شعره عن وجهه فنزلت دموعه و ماقدر يقرب لها اكثر من كذا فقام و غطاها و تركها ترتاح
الصبح عند ام اسامه بغرفة سارة :
ام اسامه : ساره قومي يالله الفطور جاهز و بعد تأخرتي ع الكليه
ساره بنعاس : ايه يمه روحي خوذي لك فره بالبيت و تعالي ..
ام اسامه : يوه سااااره قومي عاد بلا مصاختك بقولك شي يعجبك
فزت ساره من سريره : وشو قولي قولي يالله بسرعه ??
ام اسامه : انتي قومي الحين و غسلي وجهك و صلي لك ركعتين و البسي و بعدين اقولك ...
ساره بمكر : يمممه لا يكون تكذبين علي بس تراي اعرفك زين سويتيها من قبل بس هالمره نو ابيك تتوبين ...
ام اسامه : اجل خليك جالسه لين تعنسين لا تقومين خلاص نامي و ارتاحي بعد إذا ماتبين تدرسين احسن تريحين ...
وطلعت ام اسامه وهي عارفه انها رح تجي وراها مخليه ساره تفكر وش مسويه امها لها قامت و صلت و لبست عشان الكليه و جت ورى امها من دون ماتدري :
ساره بهمس ; يمممممه
ام اسامه بخوف : ويه بسم الله علي الرحمن الرحيم ساااروه وش فيك ..!
ساره و هي ميته ضحك على فزة امها : ههههههههههههه بسم الله عليك فز قلبك ..
ام اسامه : وليه قالوا لك قلبي من حجر
ساره : هههه يمه متأثر من مسلسل قلوب من حجر ههههههههه
ام اسامه : سااااروه هو مانك على بعضك اليوم مادري وش فيك صاير لك شي امس بسم الله عليك الرحمن الرحيم ..
ساره بدوخه : ههههه يمه اليوم لاحد يجيني تراني سكرااانه من الدراسه يعني إذا قلتلك شي غلط ترى ماهي انا ماني بعقلي ..
ام اسامه و هي تصب الشاي : مانك بعقلك هاه و الله ما يأدبك غير اسوم حبيب قلبي ولدي ..
ساره : يمه مو تروحين تقولين له حبيب قلبي عند زوجته تراها تغار ههههههه
ام اسامه : الله يعينن عليك بس هذا الصبح انتي كذا وشلون لا جيتي من كليتك ..
ساره بستهبال : يمكن اجيك على طياره ههههههههه ماني ضمان ترى اسويها
ام اسامه : اقول خلاص اعقلي و تفطري تراك تأخرتي ..
ساره : يمه انا عاقله قبل ماطلعيني على هالدنيا ههههههههه
ام اسامه : لا لا لا انتي مافيك طب خلاص صفرتي يبيلك واحد يعقلك زين ,,,
ساره : وينه خلي يجي هو بس و نتفاهم على التأديب بعدين ..
ام اسامه : ليش ماتاكلين لا يكون قاصين عليك بنات الكليه قايلين انك سمنانه ???
ساره بمكر : اقول يمه لا تغيرين الموضوع قولي وش السالفه اللي مخليتني اقوم من فراشي ناقزة عندك هنا !!!?
ام اسامه : اي سالفه ما بوه سوالف !!!
ساره : يممممه يالله عاد
ام اسامه بفرح : اخوك اليوم بيجي من سفرته !!
ساره : اي اخو ???
ام اسامه : يوه من اخوك بعد اسامه اسامه .
ساره : اهاااااا اسامه الله يجيبه بالسلامه و انا احسب عندها سالفه خطيره اثاري بس كذا
ام اسامه : ساره يوه وش فيك و فيه خبر سمعتيه احسن من كذا و بعدين انتي وش تبين بالضبط .!!!?
ساره : هاه لا لا ولاشي مامي انا تاخرت بروح لكليتي بس يمه ابيك تدقين على عمتي منيره و نوف ابي شغالاتهم اليوم ورانا عزيمه كبيره اليوم رجعت اخوي العزيز سوسو ماتكفينا شغاله وحده اوكيه
ام اسامه : انشاالله روحي عسا ربي يفتحها بوجهك و يهديك بس
قامت ساره و باست امها من خدوده : يالله مامينا باي ...
عند بيت ابو فهد جالسين على طاولة الفطور :
ام فهد بفرحه ; فهد اليوم اختك بترجع انشاالله من سفرتها ابيك تستقبلهم مو حلوه يجون و مافيه احد ياخذهم من المطار !!
فهد : ايييييه خبرك عتيق يمه ماشاالله اسامـہ
مايحتاج بس يدق الو إلا جايبين سيارات مو سياره تشيله ..
ابو فهد : عاد ماهي حلوه بوجه اختك وش بينقص من عمرك إذا جبتهم و بعدين خل يصير عندك ذوق شوي ..
فهد : انشاالله طال عمرك ابشر بجيبهم اليوم و لا تشيلون هم ..
مرام بوناسه : هياااااه اليوم بتنور السعوديه بجيت اختي العزيزه حلوم اجل اكيد سوير مارح تخليه تمر كذا
ام فهد : وشلون يعني ما فهمت ???!
مرام : مايبيله اكيد رح تحط عزيمه ماصارت ولا استوت برجعت اخوها وصديقتها ...
فهد : والله كلها ذوق هالبنت ما شالله عليها
مرام : ذووووق ايه ايه فهمنا
فهد : وش قصدك !!!
مرام : لا لا ولا شي بس يبه تخلينا نروح اليوم للعزيمه ??
ابو فهد : انشاالله بس خليها تتصل اول وبعدين تروحون ..
مرام : الله يخليك لنا و يحفظك يارب اجل يمه يالله العصر بروح للسوق بشري لي لبس عشان العزيمه ..
ام فهد : انشاالله العصر
مرام : بروح اضبط عمري و اشوف وش ناقصني عن أذنكم ...
ابو فهد : بس ما تفطرتي يا بنتي ،...
مرام : لا لا حلوم خلتني شبعانه من جيتها
العصر راح فهد و استقبل اسامه و اخته :
فهد ; هلاااااا والله الحمد الله على السلامه
اسامه ; هلا بك الله يسلمك
فهد ; هاه كيف الحال وش الاخبار عساكم بخير !!!??
اسامه : الحمد الله الله يجزاك خير انت وشلونكم وشلون الوالد والوالده ???
فهد : الحمد الله من اليوم وهم موصينن عليكم استقبلهم لا تخليهم جبهم وصلهم !!
اسامه : عسا بس عطلناك و تعبناك ??
فهد ; لا والله تعبكم راحه هاه وشلونك حلوم وشلون سويسرا معك ???
احلام : مشتاقتلكم مره والله كنت اتمناكم معي ...
فهد : وحنا بعد بس شكوى للله جا اسامه وخطفك منا ...
اسامه : ههههههههههههه خلاص مافيه مايكفيكم عاشت عندكم من صغرها !!
فهد : تبي الصراحه كفانا و واجد بعد مار الله يسلمك البيت ركد من يوم و راحت حلوم
احلام : فهههههههد يالله عاد لا تطلع فضايحي عند زوجي ...
اسامه : ههههههههههههههههههههه
فهد : ههههههههههههههههههههههه
وصلهم فهد للبيتهم وراح ...
دخلت احلام وهي تتنهد : الله يابيتي يأني اشتقتلك مره تقل مرت سنه ماشفتك
اسامه بضحك : هههه لهدرجه كل هالشوق
احلام : ايه و بزياده بعد
اسامه : خلاص خلاص بس لا تعصبين
احلام : ههههه إلا وين لورينا ???
اسامه : مخليها عند امي ليه ???
احلام : وشلون ليه ابيك تجيبها هالحين ابيها تساعدني بتنظيف البيت ماتشوف الغبار تارس البيت !!
اسامه : بس ساره تقول ماتكفيها شغاله وحده فعطيتها الخدامه لورينا عشان تساعده
احلام بستغراب : ليش طيب ??
اسامه : تقول عندها مفاجئه لنا محضرته ،،
احلام : امممم خلاص اجل تعال انت نظف معي يالله !!!
اسامه : انا !!!
احلام : ايه ليش فيه احد غيرك „„
اسامه : امري لله
احلام : انا رح اخذ غرفة المجلس للرجال والحريم و الصاله و انت تاخذ دورات المياه والمطبخ و الصاله !!!
اسامه : طيب ليه انا دورات المياه والمطبخ ليه ماتاخذينهن انتي ...
أحلام : مابي اخذهن و انت موجود ..
اسامه : لا لا مارح اخذهن لا لا ...
احلام : طيب نسوي لعبة اوامر اللي يفوز ماياخذهن ...
اسامه : للآن على هاللعبه من وانتي صغيره وانتي ذابحتن فيها
احلام : نلعبها ولا تاخذ دورات المياه والمطبخ غصب ...
اسامه : لا لا خلاص نلعبها شكوى لله
ابتسمت احلام و لاحظت انه اسامه فيه تغيير شوي بدا ياخذ ويعطي معه و ينفذ طلباته
جابت اوراق و طلعت النجمه من حظ احلام فدورت له شي مستحيل اسامه يسويه
احلام و عيونها للفوق : اممممم اممممم
اسامه : ياللله عااد
احلام : ايوه لقيته !!!
اسامه : وشي وشي ??
احلام بجرأه : ابيك تبوسني !!!!
انصدم اسامه من طلبها : ايش !!
عرفت احلام انه مستحيل يسويها مع كذا هي مصره : ياللله و لا براحتك انت تنظفهن
رفض اسامه هالطلب : مافي غيره طيب ?!
احلام : نو نو نو هههههه يالله ورينا شطارتك بالتنظيف عن أذنك
فجئه قال : قربي !!
احلام وهي مبققه عيونه : هاه
أسامه ببتسامه : من اي مكان تبين ابوسك?? عرفت انه يتحداه بس هي قبلت تحديه : اي مكان اللي تبي ..
اسامه بنفسه : انا داري راسك يابس و ماتبين تخسرين بس انا اوريك ...
حاول اسامه يوترها اكثر وقال : غمضي عيونك ..
حاولت انه توخر الخوف ولا تبين غمضت عيونها ..
قرب لصوبها و حط ايده على جبينها وباس ايده على انه باسه ..
كان قلبها راقي للحلقها من الخوف بعد ما لعب عليها على انه باسه قال بمكر : يالله انا الفايز قبلت امرك الحين انتي اللي تنظفينهن هههههههههه
كانت اول مره تشوفه احلام يضحك لهدرجه قدام عيونه فقالت : إذا كان هذا يخليك تضحك هالضحكه و اشوف السعاده بعيونك قدامي انظف كل البيت لعيونك ...
سكت اسامه على كلامه و ماقدر يقول ولا كلمه لما شاف حبها و حنانها وشعورها تجاهه ماقدر يصدق فقال بنفسه : لهدرجه تحبيني و انا اللي ما استاهل حبك و طيبة قلبك بس لساتني عايش بحب غادة اللي ما قدرت اطلعها من حياتي .. ودي اعترف لك بس ماني بقادر اجرح شعورك و حتى لو سكت و ماقلت رح اجرحك اكثر و اكثر ...
قاموا ونظفوا و كل واحد يسبق الثاني بالتنظيف و يتهاوشون على المكنسه و الممسحه و يضحك كل واحد فيهم على الثاني بعد ما خلصوا رن جوال اسامه :
اسامه : الو
ساره بصراخ : اسوووووووومي اخووووي
ابعد اسامه سماعة الجوال عن اذنه من صراخها : بسم الله الرحمن الرحيم وش فيك !!!
ساره بفرحه : قل وش مافيني متى تشرفوننا انت والمدام !!
اسامه : مادري يمكن بكرى !!
ساره : وشي ! صادق انت وشي بكرى اليوم انت و احلام تجون بعد صلاة المغرب فاهم الحين يالله صبرت هاالساعه تبيني اصبر لبكرى وش تحس فيه بالله ??!!
اسامه : ههههههه اشتقتيلي !!
ساره : لا اشتقت ل احلام ابي اشوفها
اسامه : افااااا و انا ??
ساره : انت تبي تفضحني تبيني اموت على ايدين مرتك ..
اسامه : خلاص ابشري اليوم عندكم انشاالله
ساره : هياااااه و اخيرا اجل انتظركم اوكيه يالله باي ... طوط طوط
نادى اسامه على احلام عشان يخليها تجهز نفسها للروحه بس ما لقاها و ينادي و ينادي بس ماترد
أسامه : وين راحت هاذي
طلع بالحوش يدورها بالحديقه بس ما لقاه و دخل المشب بس ما لقاه زاد خوفه عليه و حس انه صاير لها شي راح يدورها بالدور الثاني دخل غرفته ما لقاه و راح لغرفته ما لقاه فسمع تمتمه بغرفة الملابس فتح طرف الباب لقاه قاعده تكوي ثوبه و تمتم ارتاح قلبه لما شاف انها بخير جلس يطالع لها وهي تكوي ثوبه و شماغه رفعت احلام ثوبه تشم ريحته و تبسم من هاللحظه حس اسامه انها فعلا تحبه و تخاف عليه و تخدمه و توقف جنبه و تنتظره ايقن انه هاذي هي زوجته دخل عليه و غادة بعمره مارح ترجع ..
احلام : بسم الله من متى و انت هنا ??!
اسامه : من ساعه
احلام : خلصت كوي ثوبك فيك تلبسه الحين
اسامه : يعطيك العافيه
احلام :الله يعافيك وين رايح !!
اسامه : بروح اغير ملابسي !!
احلام : طيب ليه ماتغيرهن هنا مافي احد إلا انا و انت ..
اسامه وبكل برود : لساتني ماتعودت !!
حست احلام بالإهانه من كلمته يعني انا زوجته كيف ما تعود علي و انا لي شهرين معه و هذا غير عن ايام الطفوله اللي عاشته معه ... زاد توتر احلام ومن دون ماتحس مسكت المكوى من قدام فنصلخت ايده صرخت تنادي اسامه جاها يركض :
اسامه بخوف : خير وش فيك !
احلام بصياح : اه اه اسامه ايدي اه
شاف ايدها لقى جلدها يزلق اخذها للغرفته و جلسها على سريره و راح جابلها شاش و معجون اسنان ..
احلام بونه : اه ليش جايب المعجون ??!
اسامه بتوتر : خليكي ساكته و عطين ايدك
اخذ ايدها و عصر عليه المعجون و بدى يدهن و ينفخ و هي تقول : الله ايه انفخ انفخ الله
اسامه وفيه الخوف وبنفس الوقت الضحكه على شكله : هاه الحين خفت
احلام براحه : منين جايب فكرة المعجون !!
سكت اسامه ولا رد عليه و قعد يلف الشاش حول ايده ويتأمله ..
اسامه بعصبيه : وين عيونك لمى كنتي تكوين هاه ماتشوفين ايدك وش صار فيها
احلام : اسامه !!!
أسامه : هههممم
احلام : وش كان شعورك لمى شفتني اتوجع ..!??
طالع اسامه بعيونه و كان وده يقوله انه حس بالخوف و يتمنى يكون مكانه بس تراجع و مارد على سؤاله ..
اسامه : تقدرين تحركينه الحين ..
احلام : جاوبني اسامه الله يخليك
اسامه : انتي جاهزه عشان نروح للعزيمه ولا لا ??
احلام : ايدي محتره و ماقدر ابدل ملابسي !!
اسامه : يعني شلون ماتبين تروحين ??
احلام بعناد : مبلى ابي اروح بس وشلون البس ابيك تساعدني .!!
اسامه بقهر من عناده : طيب قومي يالله
احلام و عيونه مبققه : صدق ??
أسامه : اجل اتمسخر !
احلام : لا لا خلاص انا اعرف البس ملابسي بروحي ..
وقامت و خلته ميت من الضحك عليه ......
العزيمه في بيت ام اسامه كان الكل حاضر : ساره : يمه اتصلي با اسامه ليش تأخر ?
أم اسامه : وانتي لازقه فيه ليش الحين يجي مانبي نزعجه بالتليفون ,,
ساره بطنزه ; مانبي نزعجه اي ازعاج الله يهديك بس دقي دقي يالله ..
و تدخل احلام قبل ما تدق :
احلام ; السلام عليكم
ساره وهي ضامته : حلوووووومي و عليكم السلام
احلام : ههههههه سوسو بموت خلاص فكيني ..
ساره ; ماني فاكتك لساتني ما شبعت منك اخبارك ? وش علومك ? انشاالله بخير !
احلام : الحمد الله انتي شلونك !
ساره : والله الحمد الله تعالي امي بتنهبل لا شافتك شفيها ايدك؟
احلام: مافيها شي بس لزقت بالمكوى
ام اسامه : ياهلا والله وغلا ببنتي ياهلا الحمد الله على السلامه
احلام : ههه الله يسلمك خالتي شلونك عساك بخير ?
ام اسامه : الحمدالله بخير الله يسلمك انتي شلونك وشلون اسامه معك ? شفيها ايدك سم الله عليك؟
احلام : انا صرت بخير من شفتك وتطمنت عليك و اسامه الحمدالله مافي مثله الله يخليه مو مقصر معاي بشي و ايدي مافيها إلا العافيه
ساره : ياهو ترى نحن هنا و الله خقيتوا انتوا الثنتين اقول يمه مو كنك طولتي مع البنت ??
ام اسامه وهي تدق ساره مع كتفه : انتي ماتجوزين عن سوالفك هاذي بنتي حلوم و شلون تبيني امل منها هاه
ساره : الله يخليك روحي شوفي ضناك اسوم تراه برى ينتظر شوفتك !
ام اسامه : صدق عاد ويه ويه ولدي ضناي بشوفه و خروا وخروا
احلام : هههههههههه
ساره :يمه شوي شوي لا تقلبين على وجهك ترى السالفه ماتستاهل هههههههه وانتي تعالي ابيك تقولين لي كل شي بالتفصيل وش صار معك وش اللي ما صار
يالله فوق بغرفتي !
احلام : طيب خليني اسلم ع المعازيم بالأول و بعدين اقولك كلللللل شي
ساره بطرف عين : وعد تراي ما اضمن اخوي اسامه يجي يلهفك و مانتهنى فيك
احلام : لا لاتخافين وعد
بعد ما سلمت على المدعووين و جلست معهم و تقهوت مع البنات رقت هي و ساره للفوق بالغرفه و جلسن على السرير :
احلام : ساره بقولك شي بس ابي منك الصدق و الصراحه إذا كنتي تعزيني و تحبيني ما اعتقد انك رح تكذبين !!
ساره بخوف : بسم الله عليك الرحمن الرحيم وش فيك خوفتيني وش صاير??
طلعت احلام من محفظته الصوره اللي لقتها بجيوب اسامه
احلام : تعرفين من هاذي ??!!
ساره بتوتر : هاه أأأأإإإآآآآ ليش ??
احلام : وش فيك تلعثمين اقولك تعرفين من هاذي ??
ساره : ومن وين جبتي الصوره !??
احلام : لقيته بملابس اسامه !
ساره : وش جابها لملابس اسامه !!
احلام : يوه ياسوسو الحين اسألك سؤال تجاوبيني بسؤال انا ابي اعرف من هاذي عشان اعرف وش جابها لملابس اسامه !
ساره ; انتي متأكدة انك مستعده تسمعين اللي رح اقول !!
احلام بخوف ; اكيد
ساره ; هاذي غادة تصير بنت خالتي و تصير خطيبة اخوي اسامه بس ربي ماكتب انها تعيش معه لأنها توفت بحادث سياره مع اسامه تذكرتيها !!
صار وجه احلام يعطي الوان من صدمتها و عيونها اللي بدت تلمع من الدموع : ايه تذكرتها تذكرتها
ساره : انا اسفه لأني قاعده اقولك الحقيقه بعد فوات الآوان بس اسامه انسان طيب و حنون و ماعتقد انه رح يوذيك او يجرحك وهو خايف عليك عشان كذا هو ما قالك
احلام : طيب لو كان يخاف علي و مايبي يجرحني مثل ما تقولين ليه ما قال لي قبل لا يتزوجني كنت اخذته من دون تفكير
ساره : احلام الحين اسامه زوجك و يحبك و انتي بعد تبادلينه هالشعور صح ??
احلام : هه ياليته يبادلني الحب اللي محتاجته منه و يهتم فيني و يحسسني اني زوجته بس للأسف طلع كل هذا مجرد مجاملات و اوهام انا انهدت احلامي من قبل و رجعت بنيتها بعد ما تزوجت باسامه بس الحين ياخوفي ماتتكسر و اللي ينكسر بعمره مايتصلح ....
وقامت عشان تلبس عباته وتمشي بس مسكته ساره وقالت : احلام استهدي بالله انتي شناويه تسوين ??
احلام : مادري بس المهم مابي اشوف وجه اسامه الحين تدرين اني ما عشت ولا لحظه رومنسيه بين ايدينه بهالشهرين وانتي قاعده تقولين لي انه يحبني لوكان كلامك صحيح الدليل وينه لوكان يحبني و مايبي يجرحني ليه هالصوره دايما بجيوب ملابسه و محفظة فلوسه ليه دايما مخلي وقته مع هالصوره ليه !!! ليه عايش كل عمره و وقته و دقات قلبه على هالصوره فيك تجاوبيني !!
ساره وهي ضامته و تبكي معه : احلام هدي اعصابك ترى اشيطان متملكك الحين و ان طعتيه الندم مارح يفيدك هذا الشيطان موسوس في راسك بس لا تسمعينه وتعوذي بالله منه !!
احلام : اي ندم اللي قاعده تقولين تدرين وش اكبر غلطه ارتكبتها بحياتي و ندمت عليه ولساتني ندمانه ..... اني حبيت اسامه حتى قبل لا يتزوجني .... اعذريني الحين انا ماني بقادره اتحمل اشوف اقرب الناس له حتى ..
ساره و هي لا حقتها : احلام احلام انتظري لحظه بس احلام حاولي انك تتفهمين اسامه كان هذا اول حب له و اختفى منه فجئه اسامه مر بأيام ما اعتقد انه فيه احد يتحملها اولا وفاة ابوي اللي ماشفته واللي خلاه يتحمل المسؤوليه من وهو صغير و الحين وفاة حبه اللي لساته مانساه ولا رح ينساه انتي لوكنتي بمكانه مارح تسمحين لأي شخص انه يلومك صح ولا انا غلطانه ??
احلام ; بس ياساره كافي كافي واللي يرحملي والديك مو اسامه هو الشخص الوحيد اللي مر بمثل هالظروف هاذي طيب وانا انا ياساره انا لو كنتي مكاني قولي لي وش رح تسوين هاه قولي انا انسانه انسانه احس و أشعر و أتألم كافي انا صبرت كثير بس هالمره ما اعتقد انه فيني اوقف على رجولي عشان اسامه ..
ساره : احلام اسمعيني زين وافهمي ترى اسامه إذا اتخذ قرار مارح يتراجع عنه
احلام : وش قصدك ??!!
ساره ; يعني إذا تركتيه مستحيل يرجع لك مستحيل و انتي ادرى بمصلحت نفسك
إذا صبرتي عليه طول هالشهور فكيف بتصبرين طول عمرك !!
انربط لسانه عقب ماقالت ان اسامه مارح يرجعها ابدا فتركتها ومشت دقت على اخوها فهد :
احلام ; الو فهد وينك ??
فهد ; هلا احلام اخبارك الحمد الله على السلامه !
احلام : فهد مو وقته الحين ابيك تجي تاخذني من بيت اهل اسامه الحين
فهد ; ليه وش السالفه وش صاير ??!
احلام : الحين انت تعال خذني وبعدين اقولك اوكيه لا تتأخر !!
فهد ; انشاالله مسافة الطريق و جاي
نزلت ساره لأمها ;
ام اسامه : خير يا ساره شفت احلام نازله من غرفتك لابسه عباتها و طلعت من دون ماتسلم صاير شي بينك وبينه ??
ساره : هاه لا لا لاتخافين مافيه إلا الخير انشاالله بس احلام ماصبرت لشوفة امها عشان كذا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك