رواية ليت مشاعرنا مثل أسامينا ماتتغير -7
فيصل: طيب إذا ما عطتيني البوسه ما راح أوصلك للبيت
وسن: أتصل على أمي و تجي مع أبوي وتوصلني
فيصل بخفه أخذ الجوال بيده: طيب نشوف من راح يأخذك ,,!
وسن بضيق: فيصل الله يخليك لا تسوي معاي كذا
فيصل: أنا زوجك
وسن باستسلام : طيب
,, وسن قربت جنب فيصل مسكت أيده وعطته بوسه على يده بسرعة وجلست مكانها ,,
فيصل: والله بتموتني ها البنت فديت البوسه وصاحبتها بالرغم أنها مومثل اللي أبيها بس مقبولة يابنت خالي
وسن استحت منه وصارت يدينها ترتجف من اللي صار
فيصل مسك أيد ووسن وحس أنها ترتجف
فيصل: وسن فيك شي ؟ بردانه ؟
وسن: لا فيصل بس خل نقوم
فيصل حس أنها مرتبكة وقام معاها وركبوا السيارة
وسن في السيارة شافت فيصل عدى شارعهم
وسن: فيصل عديت البيت
فيصل: إيوه أدري
وسن: ليــه؟
فيصل|: لا تستعجلين
وسن خافت: فيصل أبي أروح البيت
فيصل وقف سيارته يم صالون للتجميل: أنزلي وسن للصالون أنا حاجز لك عندهم
وسن: ليه؟
فيصل: نزلي الفستان جاهز والإكسسوارات في الداخل عندهم بس تخلصين دقي علي
وسن : فيصل ما يحتاج كل هذا
فيصل عشان يطمن وسن : خالي يدري وإذا مو مصدقتني أتصلي عليه ولا أقولك أنا بدق عليه
""حط المكالمة على السبيكر "
فيصل: الو هلا خالي
أبو ندى: هلا فيصل ها طلعت وسن ؟
فيصل: إيوه وديتها الصالون
أبو ندى: طيب إذا خلصت جيبها ننتظركم
فيصل: أوكي خالي
..سكر فيصل السماعة وشاف وسن ارتاحت ونزلت من السيارة وهي نازله التفتت لفيصل وحست بتأنيب ضمير لأنها خافت منه..
وسن : فيصل شكرا على كل شيء سويته
فيصل: لأجلك أخاطر بروحي بس أنتي تفرحين
وسن : أتصل عليك لمن أخلص
فيصل: أوكي انتبهي لنفسك
مروه:والله وناسه يا وسن ملكه بالمستشفى وخطوبه يوم تطلع من المستشفى والله حركات وسن جننت فيصل
سمر وهي تضحك : لازم نتجهز
مروه: تقول خالتي أنها عزمت ناس قليلين يعني ما فيه أحد
سمر: إيه بس حتى ولو لازم نكشخ
مروه: أي صدق
سمر: بس غريبة ليه ما سواها في مزرعة ولا سواها في صالة
مروه: ما أدري فيصل يتعامل بغرابه كل يوم له حركات
سمر : أي والله
%%%%%%
عبد الله وفيصل ومنصور وحمد جالسين كلهم في النادي اللي يتجمعون فيه
منصور: ليه ها الحركات هذي؟
عبد الله: مو قادر تنتظر تخلي البنية ترتاح . على طول خطوبه
حمد: هههه الرجال مستعجل
فيصل: وليه أنتوا الحين معصبين !! الواحد كم مره بـ يخطب خلوني أفرح
منصور : الولد تعقد من خاله
حمد: عمك هذا مثل الكبريت ما تدري أي وقت يولع
عبد الله: لهذي الدرجة؟
فيصل: اللي كان بـ يموت بنته يسوي أشياء أكثر
عبد الله:والله أنتوا مكبرين السالفة
فيصل: المهم بعد ما نطلع من النادي نروح نتسبح في بركة السباحة اللي فيها
عبد الله: زين فيك الخير بتونسنا
فيصل: أكيد أنا معرس و بتزفوني على خطيبتي بعد
حمد: من صدقك تبينا ندخل يم النسوان..!! أحلم
منصور: أشتغل فيها أبو الشباب
عبد الله: من صدقك أنت تبينا نزفك؟
فيصل: مو معرس أنا الحين نطلع ونسبح ببركة السباحة وأتكشخ وزفوني عند الحريم بعدين يزفون عروستي لي
منصور: مو قايل أنك تنتظر اتصال منها يعني بتشوفها قبل
فيصل: لا ندى بتاخذها معاك
منصور: إيش؟؟؟
فيصل: خالي بيجلس مع أبوك في المزرعة على قولته يحرس الحريم بالرغم أن المزرعة فيها حارس على البوابة بس الله يهداهـ عليه حركات
منصور: ليه إنا
فيصل: خلك طبيعي يا رجال هذي بنت عمك لا تخاف
منصور: والله هذا الرجال يـ نخاف منه
عبد الله: هههههههههه
حمد: إذا خايف أروح أنا زوجة فيصل زي أختي ما راح أكلها
الكل: هههههههههههههههه
وسن مستغربه من الحركات
اللي سواها فيصل فستان خطوبه يجنن لونه بينك وإكسسوارات
وكوافيره :و شفيه هذا ليكون بـ يسوي عرس مره وحده ::
ألكوافيره : مدام تفضلي
وسن تبتسم"" والله صرت مدام كشخه""
وقامت الكوفيره تشتغل في تعديل وسن
+_+_+_+_+_+
ندى بارتباك: وش قلتي يما ؟
أم ندى: الحين منصور بـ يأخذك تمرين وسن وتجبينها
ندى: أروح مع السواق
أم ندى: فيصل مو راضي زوجته تركب مع سواق
ندى: والله حركات وسن صايره أميره عقبالي يارب
أم ندى: عقبالك يارب أفرح فيك بعد
ندى: أميــن
&&
ندى رفعت جوالها ودقت على شجون
شجون : ادري أدري قلت لك بجيكم
ندى: لا يا ألعجله بروح مع منصور
شجون: كذآآآآبه
ندى: والله
شجون : والله خططي قامت تنجح
ندى: تسلمين لي يا أغلى صديقه
شجون: بس كيـف؟
ندى" قالت لشجون اللي قالته أمها لها "
((((((((
حمد يكلم فهد : هلا فهودي الليلة خطوبة ولد عمتي فيصل
فيصل: خله يجي عندنا شكله ما يستغني عنك
حمد : فيصل يقول شرفنا يا الله تعال خلاص أخلص ننتظرك في(....)
وبدى حمد يوصف لفهد المكان
---------------------------
فيصل وحمد ومنصور وفهد وعبد الله جالسين ومبسوطين الا دق جوال فيصل وأبتعد عن الشباب
فيصل: ألو هلا وغلا ومرحبا
وسن: فيصل أعقل والله بتطير عقلي فيك
فيصل: بسم الله عليك وشو سويت فيك؟
وسن: كلامك حلو أخاف أتعلم
فيصل: عادي تعلمي وطلبي اللي تبينه بـ عطيك إياه مين لي غير حبي وسونه؟
وسن:فيصل أحبك
،،فيصل حس براحه من كلام وسن ،،
وسن:قبل ما أنسى خلاص خلصت
فيصل: خلاص الحين أخلي ندى تجي تأخذك
وسن: أوكي
------------------------
ندى ركبت السيارة من ورى :السلام عليكم
منصور: وعليكم السلام
منصور: كيفك ندى؟
ندى: الحمد لله تمام
منصور: عقبالنا يا ندى
,,ندى استحت وما ردت على منصور,,
,,منصور كان يطالع ندى بـ مرايه السيارة حس إنها مستحيه منه ندى رفعت رأسها وطاحت عينها على عين منصور ,,
منصور حس بارتباك وعمل نفسه كأنها حركه مو مقصوده,,
منصور: ندى تحبيني ولا أنا أتوهم؟
ندى ماعرفت ترد عليه وبارتباك :إيــوه أحـ ـ ــبك
"منصور فرح وحس أن الدنيا حلوه بعد كلمة ندى"
ما غيرهـ سكن روحــي
حبيــبي و أنــا أحبـه
لـو قــالــوا أتمنـــــــــــــى..!
أتمنــى عمــري قربــه
وصلوا الصالون دخلت ندى:: وتفاجاءت شافت وسن لابسه فستان روعه في التصميم طالعه زي القمر والكوافيرا استغلت جمال وسن وأبرزته وخلت شعرها مرفوع ومطلعه منه خصل بشكل يبهر وحاطه ورد موزعه على شعرها مع الإكسسوار ندى انبهرت فيها وحضنتها ::
ندى: قمر والله قمر فيصل الليلة بيغمى عليه
وسن استحت من كلام أختها
ندى: يا بنت لا تستحين عسل والله عسل
وسن لبست شيلتها وعبايتها ونزلت ركبت السيارة
منصور: مبروك يا وسن
وسن: الله يبارك فيك عقبالك
منصور: أمين يارب أن شاء الله قريب بعد
ندى ابتسمت لأنها عارفه قصده
وصلت وسن المزرعة ودخلتها ندى غرفه صغيره عشان ترتب نفسها ما مضى وقت ألا دخلت أم ندى وأم فيصل وحضنوها بحب
أم ندى: تجنن بنتي
أم فيصل : عروسة وليدي قمر
>>>>>>>>>>>>>>>
فيصل أستعد ينزف هو وخواله وعيالهم ومسك صديقه عبد الله وأشر على فهد
فيصل: يا الله أدخل معانا
فهد استحى يدخل بس كان ودهـ يشوف سمر
دخلوا كلهم وكان صوت الدي جي مرتفع
سمر شافت فهد ونادت مروه يمها
سمر : شوفيه هذا أهو فهد
مروه: أي والله يشبه فيصل
سمر: قلت لك بس أنتي ما صدقتي
فيصل كان مبسوط لابس بشت وكاشخ كأنه في ليلة عرس مو خطوبه وخواله واقفين على جنبه
حمد: يالله فيصل أرقص
فيصل: روح زين خلي الرقص لك
حمد مسك فهد ورقصوا وأخذوا فيصل معاهم وهو مستحي الكل مبسوط واللي يصفر واللي يشجع
منصور: يالله خل نطلع نخلي الرجال تجيه عروسته
طلعوا كلهم ألا أبو منصور وأبو ندى وفيصل أما أبو ندى راح يزف بنته لفيصل
كان فيصل مرتب كل شيء حتى المصورة متحمسة مرره معاهم
أبو ندى دخل يم وسن وشافها زي الملاك واقفة ومنزله راسها وبأيدها مسكة ورد رهيبة
أبو ندى: مبروك يا وسن
وسن: الله يبارك فيك
أبو ندى: أرفعي راسك وسن
وسن رفعت رأسها وهي خايفه
أبو ندى: لا تخافين أنا يزفك على زوجك طيب؟
وسن ابتسمت بحيا
أبو ندى مسك أيدها وهو يدخلها المكان كان مرتب وفيها مسرح وكوشة تجنن وطاولات كأنها قاعة أفراح
دخلت وسن على صوت موسيقى التايتنك وفيصل مع أم فيصل ينتظرون دخل أبو ندى وهو ماسك أيد بنته والكل يشجع وفيصل تقدم مع أمه لين تلاقوا فيصل ووسن
وسن كل ما قربت حست بمغص بمعدتها وجسمها يرتعش من الخوف والربكة
أبو ندى حس برعشة بنته و مسك أيدها بقوه وألتفت عليها : لا تخافين هذا زوجك
قربت من فيصل التقوا مقابلين بعض
مسك أبو ندى أيد ولد أخته وحطها في أيد بنته
أبو ندى : بنتي أمانه عندك يا فيصل أهتم فيها
فيصل أبتسم ومو مصدق الملاك اللي قدامه كانت جذابة وساحره
فيصل مسك أيد وسن : أحبك يا قمر يا أحلى ملاك على وجه الأرض
وسن احمر وجهها من الخجل
أبو منصور قرب منهم وبارك لهم جمعتهم المصورة كلهم وصورتهم مع بعض
طلع أبو ندى وأبو منصور وظلت وسن مع فيصل والكل يناظرهم مبسوطين لهم
والمصورة خذت راحتها معاهم كانوا متعاونين معاها لأنهم يعشقون بعض إلى حد الجنون
فيصل" حس إن الدنيا فتحت أبوابها ومو سايعته من الفرح"
وسن"مبسوطة من فيصل وأخيرا راح ترتاح من قسوة أبوها وشافت الصدر الحنون اللي راح يحتويها "
أم فيصل قربت منهم: فيصل حبيبي أطلع أشوي خل البنات يستانسون مع وسونه وبعدين ندخلك تقص الكيك معاها
فيصل: يمه تكفييييين ما أقدر
وسن مستحيه منه ولا علقت
أم فيصل: هي لك الليل بطوله خلص وأطلع
فيصل: طيب يمه بس والله حرام
أم فيصل مسكته وطلعته وهو عينه على حبيبته
البنات بس طلع فيصل كلهم صعدوا على المسرح وأخذوا وسن وبدوا يتراقصون والمصورة تصورهم ووسن فرحانة معاهم
شجون مسكت ندى :رقصنا وما عرفتيني على بنات عمك
"ندى عرفت شجون على مروه وسمر وجلست معاهم ولمن قاموا بـ يرجعون لوسن
بخفه وخباثه مسكت جوال وحده من منهم و خذت رقم جوال حمد بدون ما يحسون"
"وسن تعبت من الرقص معاهم وجلست"
"ندى ومروه وشجون وسمر ملتفين حواليها "
سمر : والله طالعه حركات عقبالي
مروه: أستحي يالدووبه
سمر: خليني أنبسط مع بنت عمي
ندى: إيـه نبي نأخذ راحتنا
أم وسن: بنات عقبالكم إن شاء الله
أم منصور: عقبالكم يارب نفرح فيكم مبروك بنتي وسن
وسن: الله يبارك فيك
أم فيصل: فيصل بيدخل يقص الكيكه مع وسن يا الله بنات تغطوا
"دخل فيصل وهو عيونه على القمر اللي عشقها قصوا الكيكه وشربوا العصير
والبنات يصفرون وهم يأكلون بعض ولبسها شبكتها "
أم فيصل: يالله روحوا الصالة الداخلية وتعرفوا على بعض
وسن استحت وخافت مشت معاه وهي بخطوات ثقيلة مو قادرة تتحكم في مشيتها وقلبها يدق بسرعة وكانت أيدينها ترتجف
فيصل همس لها : حبيبتي لا تخافي مني أنا أحبك
وسن تنفست بقوه أول مادخلوا الغرفة ولوحدهم
وسن جلست عاالكنبه وفيصل جلس على طول جنبها
فيصل: وسونه حبيبتي ليه خايفه كذا؟
وسن : لا بس مومتعوده
فيصل: حبيبتي أنا ما راح أضرك بس راح نتكلم
وسن: أدري فيصل وأنا أحبك بعد وأدري أنك تخاف علي وأشكرك على مواقفك معاي
فيصل:حبيبتي أنا أحارب العالم عشانك بس أهم شيء أنتي ترضين
وسن "مشاعر رهيبه من الحب لفيصل ما قدرت تعبر بالكلام بس بالنظرات الحنونة ما قدرت تعبر بالكلام
وفيصل أكتفى بنظراتها له وهو يتكلم عن حياته وعن أول مره شافها وهو كيف مجنون يوم شك فيها وكيف أمه ضربته وأن ضربتها أحلى ضربه لأنها قربته من حبيبته وهو مبسوط ووسن متفاعلة معاه
قرب فيصل من وسن حط يده على شعرها وحرك خصلة طايحه على عينها حس بنعومتها وضاع في بريق عيونها
,,ووسن حست بحنانه ,,
دق الباب ودخلت أم فيصل : يا الله فيصل مصختها لكم ساعتين داخل
فيصل: صدق يمه ساعتين ما حسيت
أم فيصل مسكت وسن : يا الله تعالي نكمل الحفلة بدونك مو شيء وأنت أطلع عند خوالك عشان العشاء
فيصل باستسلام تنهد:طيب يا الغالية
""كانت الحفلة مرتبه وجميله إلى أقصى حد ووسن فرحانة بينهم""
فيصل يكلم خواله بعد ما تعشوا وانبسطوا : المكان فيه غرف جاهزة لكم راح تباتون عندنا هنا
عبد الله أستأذن ومشى
فهد دق جواله : لا أنا في حفلة خطوبة ولد عمة صديقي طيب أحين راجع البيت
أبو منصور: دلنا على غرفتنا يا فيصل
فيصل: إن شاء الله خالي
,,دخل فيصل وكلم أمه وعملت اللازم ودلتهم على غرفهم
حمد ومنصور يتحرشون بفيصل وهو مبسوط معاهم تعبوا وستئذنوا فيصل وكل واحد فيهم دخل غرفته
فيصل دق على وسن ,,
فيصل: طلعي بره الحديقة انتظرك
""وسن رفعت فستانها وطلعت شافته جالس على كرسي مقابل بركة السباحة
شافته متسند ومغمض عينه همست بأذنهوسن: نايم حياتي؟
فيصل فتح عيونه: كيف أنام وأنا أفكر في جمال العيون الحلوة
<<مسك أيدها وجلسها جنبه حط أيده على كتفها بحنان وقرب رأسها من رأسه<<
إلا دخل بو ندى: وســــــن
""وسن خافت وبعدت عن فيصل
فيصل عصب من خاله لأنه خرب عليه رومانسيتهم
وسن منزلة رأسها بالأرض و خايفه وقف أبو ندى قبالها وقفت وسن وهي منزلة رأسها ""
أبو ندى:فيصل خلنا لحالنا أشوي
فيصل: طيب
أبو ندى :وسن أرفعي راسك
وسن بخوف من أبوها ما رفعت رأسها أكيد أنه معصب عليها ""حست قلبها بيوقف وجسمها انتفض كله""
أبو ندى رفع رأسها بقوه
وسن خافت وتنفسها صار سريع وحست الدنيا تلف قدامها
أبو ندى: إذا كلمتك أرفعي راسك
وسن وقربت تبكي :طيب وش تبي يبا
أبو ندى مسكها وجلس وجلسها جنبه :سمعي يا وسن ما يحتاج تخافي مني كل مره أكلمك
وسن يوم أمك حملت فيك كنت فرحان وكان أملي أنها تجيب ولد كنت زي أي أب فرحان ومبسوط ويوم ولادتك تعبت أمك ودخلت المستشفى جابتك وجاها نزيف ما قدروا الأطباء يتعاملون معاه إلا بجراحه وستئصلوا الرحم كل أمالي انه يكون لي ولد تلاشت وأنتي كنت السبب الوحيد في نظري كنت أعاملك بقسوة لهذا السبب كنت أتمنى الولد وما حصلته سامحيني يا وسن لأني قسيت عليك وضيعت طفولتك بالهم
وسن" تسمع اللي يقول أبوها وهي مغمضه عيونها وتبكي"
أخذها أبوها في حضنه وهي تبكي وهو يبكي
فيصل رجع وتأثر وهو يشوف الجبل ( أبو ندى) يبكي حبيبته ما يقدر على بكاها
وسن: ليه يبا تسوي لي كذا؟
أبو ندى: أسف كنت غبي ما حسيت بغلطتي إلا متأخر
فيصل يلطف الجو: حصل خير يا خال الحين أهي ما حد قدها أبو وزوج في نفس الليلة
أبو ندى ووسن:ههههههههههه
فيصل ما كان عارف شيقول لهم من شدة التأثر وضحك معاهم
أبو ندى مسك أيد وسن :شوفي انتبهي من هذا لا تخلينه يقرب منك لين الزواج حطي بينك وبينه مخدة
فيصل: ليه يا خال خلك محضر خير
أبو ندى: أسمع مانبي بنتنا تحمل منك قبل الزواج يعني جلستكم معانا بس الإنفراد ممنوع
::::وسن صار وجهها أحمر وضحكت على شكل فيصل كان معصب وماسك راسه من نصايح أبوها :::
وسن: إن شاء الله أبوي تأمر أمر
فيصل مو مصدق اللي صار قدامه :طول عمركم مختلفين ويوم تصالحتوا على حسابي
أبو ندى ووسن: ههههههههههههههههههههههههههههه
جاتهم أم فيصل: خير وش فيكم
فيصل مسك أمه : يمه شوفي اتفقوا علي يمه أخوك بـ يحرمني من زوجتي وبـ يحط المخدة بينا
أم فيصل: هههههههه ليه يا وسن هذه زوجك؟
وسن بخجل: أبوي هو اللي قال
أبو ندى: أي يا ختي ما نبي البنت تحمل قبل حفلة الزواج
أم فيصل: لا تخاف أبني فاهم وما راح يسوي أي شيء تخافه
أبو ندى: الليلة سماح عشان أختي من بكره نفرض الحصار
,مشت أم فيصل مع أخوها ,
فيصل قرص خد وسن: هذي بدال ما تكوني معاي صرتي ضدي طيب يا وسن الليلة سهره للصبح
,وسن حطت المخدة بينها وبين فيصل ,
فيصل بتحدي: بعد بتسمعين الكلام لا يا عيوني
فيصل شال المخدة:الليلة مافي حصار زي ما قال الخال
//لزق فيها وحضنها بقوه وعطاها بوسه على خدها //
//وسن استحت من حركته // بعدت عنه 0
فيصل: وش رأيك با المزرعة
وسن: تجنن ما شاء الله
فيصل: يعني عاجبتك؟
وسن: إيوه يا حظ صاحبها
فيصل: إيوه يا حظها صاحبته
//وسن ما فهمت كلامه وما علقت //
فيصل جلس مع وسن ليلة رومانسية وهم يتكلمون ويضحكون وهي جنبه وقدام عينه بدون حواجز ولما أذن الفجر //
فيصل: يا الله يا قمر قومي نصلي وننام
وسن :إيش قلت؟
فيصل: نصلي مع بعض وننام ما فيها شيء مو أنتي زوجتي ؟
وسن فكت أيده من يدها:أحلم
ومشت تركض لداخل
فيصل يصارخ: وسونه تعالي أمزح
وسن تصارخ :تصبح على خير ولا أقولك صباح الخير
فيصل أبتسم وهو يصارخ: أحبها والله أحبها
وسن دخلت غرفتها وأول ما دخلت شافت ندى ومروه وسمر ينتظرونها أخترعتمنهم ما توقعت أنهم صاحيين للحين التفو حولها :ها قولي لنا الخطوبة حلوه؟ وش سويتوا؟ وش قالك؟
سمر: عطاك قبلة ولا لا؟
وسن وقفت: قوموا صلوا وناموا ما صار إلا الخير وبكره أقول لكم
ندى: شوفوا النذلة أنخطبت وما تبي تعلمنا ما في فكه
وظلت وسن بين الأسئلة والتحقيق الين صلوا وناموا
&^&^&^&^&^&^^&
؛؛حمد أول ما دخل الغرفة رن جواله برقم غريب؛؛
حمد: ألو
الطرف الثاني : الو حمد
حمد استغرب ذا صوت بنت وتعرف:ايوه
البنت:كيفك؟
حمد: من أنتي أول
البنت: معجبة
حمد: أسف الرقم غلط
؛؛وسكر الخط ؛؛
شجون عصبت واتصلت ثانيه
رد حمد: يا نعم وش تبين مني
شجون: يا شيخ أحبك غصب عنك رضيت ولا لا
حمد: ليه هو غصب بعد
شجون:إيوه وأسمع أذا أنت عربجي أنا عربجيه وإذا ما جيت لأهلي خاطب بجيك خاطبه سمعت
حمد أنصدم والله قويه ها البنت: مين أنتي أول
شجون: شجون صديقة بنت عمك ندى
حمد: يعني ندى تدري
شجون: لا ما تدري وأخذت الرقم من أختك وهي بعد ما تدري
حمد: بعـد
شجون: أسمع يا حمد أنا حبيتك من أول يوم شفتك بالمستشفى وأقدر ألف وأدور معاك بس أنا بنت ماحب اللف والدوران إذا مستعد تأخذني أو قول لي ما حب أضيع بحب منتهي
حمد عمره ما شاف بنت صريحة زي كذا : بس أنا ما عرفك
شجون: أسئل خواتك عني وإذا شفت شي ما يعجبك فيني أتركني
حمد: خير بس ممكن سؤال؟
شجون: أسئل
حمد : كم واحد خطبتي قبلي؟
::شجون أنقهرت وسكرت السماعه في وجهه ::
حمد أستغرب أنها ما ردت بالرغم أنها قوية تقول لواحد أحبك ممكن ظلمتها وما سوت هذا الشيء إلا لأنها صادقه بسئل عنها ونشوف
شجون بدت تبكي بقهر: قليل الأدب والله لأربيك
فهد أول ما وصل البيت أستقبله أبوه بصراخ : تارك المكتبة و رايح حفلات شبابية
فهد : لا والله رايح خطوبه
أبو فهد: وليه ماقلت لي من قبل ؟
فهد: أتصل علي صديقي وعزمني
أبو فهد: أهم شيء ما تكررها هذي مستقبلك ولازم تعرف إذا ما قدرت تمشي المكتبة ما راح تقدر تمشي شركة أبوك
فهد باس راس أبوه : إن شاء الله
ودخل غرفته
دخلت أخته: والله أبوي كان معصب بس شافك ولا كنه معصب
فهد: ذلفي مالك دخل
مضاوي: هذا جزاتي اللي جايه أطيب خاطرك
فهد : تعالي
مضاوي دخلت ومسك فهدأذنها : قلت لك إذا أبوك معصب دقي علي جوال
مضاوي فلتت أذنها من أخوها : طيب طيب بس راح عن بالي
دق الباب ودخلت ريم : كيفك فهودي
فهد : تمام أنا زعلان عليك ريم ليه ما تصلتي لما شفتي أبوك زعلان
ريم : والله نسيت ولا يهمك هذا هو مبسوط كأنه العافية
فهد جلس يسولف مع خواته
دخل أبو فهد وجلس معاهم طلعت مضاوي مع ريم وظلوا لوحدهم
أبو فهد: منو هذا اللي رحت ملكته؟
فهد: ما تصدق يبه من نفس عايلتنا بس ما نعرفهم
أبو فهد : وأسم أبوه ؟
فهد: أمم مثل أسمك
أبو فهد : وأبوه عايش ولا لا؟
فهد: لا ما سمعت عنه شيء هو عايش مع أمه بس
أبو فهد ودقات قلبه طبول: وأسمه فيصل؟
فهد: عليك نور يبا والله شكلك تعرف؟
أبو فهد بعدم انتباه: ايوه
فهد: لازم تروح لهم معاي إذا رحت
أبو فهد وفي عيونه الشر كله : أكيد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك