رواية احبك يا عذابي -10
بعد مرور الوقت
بوفيصل:يالله فيصل انزل وانا ابوك
فيصل من غير نفس ان شالله يبه جاااي
والكل جهز
بوفيصل:يالله يابنات ورااااي
البنات:احنا وياك يبه يالله مشينا
نزل فيصل وراح معهم والكل توجه لبيت بو خالد
رن الجرس
سارا بصوت عالي وهي واقفه عند الباب:منووووو
ريم:بشويش طيرت اللي عند الباب
سارا:ايش تبيني اقول وقالت بنعومهوودلع:منوووو
ريم:كذا تعجبيني
خالد:اللي عند الباب رم
سارا:ووي نسيته تصدقون
وفتحت الباب
سارا الاببتسامه اللي كانت تعلوو محياها
سارا بصوت بفرح:ياهلا والله
الكل:السلام عليكم
سارا ::وعليكم السلام
شهد:سارا انتي بوتقفينا على الباب كذا
سارا انحرجت:اسفه حياكم تفضلوا مستغربة اخيرا تذكرتوني
ام فيصل :ههههه الله يرضى عليك يابنتي
دخلوا
وسارا على طول طلعت غرفتها تبدل ملابسها
سارا كانت لابسه برموده لونه اسووود وبلوزه لونها ذهبي وعريانه يعني مالها اكمام
بدلت ولبست لها بنطلون جينز وعليها بلوزه لونه اصفر كم طويل وفوقه بلووووزه لونها وردي وحزام فضي
ولبست بوت طويل لونه وردي وعليه مربعات ومعينات بالاصفر
ودعجت عينها بالكحل الاسود وحطت مسكرة وقلوس وردي
وتعطرت ونثرت شعرها الطوويل وحطت شباصه لونها اصفر
ونزلت عند البنات ولقت بيت عمتها هند وعمها بوعادل فيه
ريم:ياهووووووو ياهوو اموت انا ايش ذا الجمال ايش ذي الحلاوه لا اليوم فيصل بينهبل
العنود:لااله الاالله قمر قمر ياصفراني انت
الهنوف:شوي شوي على البينه خدودها صارت ورديه
شهد:لايغرك هذا مورد الخدود
شيماء:لااله الا الله كليتوا البنت
سارا تضحك عليهم:وغصب عنكم حلوووة
ريم:مو كنك زوديها
سارا بغرور:هذي الحقيقه
شهد:اووووووو اقول مو كنك مره اغتريتي لاتصدقين عاد احنا بس نرفع معنوياتك شوي
سارا:ها ها ها روحي روحي بس
شيماء:سارا تعالي ابيك بدارك
سارا:اوكي اسبقيني اللحين جايتك
الهنوف:مالحقنا نناظر القمر اليوم
العنود:هههههههههههههآآي حلوووووه
سارا:ياليتكم تسكتون احسن لكم
العنود:روحي يالله روووحي شيماء تتنطرك بدارك
سارا:داريه وطلعت
سارا:هلا شيووم شنو تبين
شيماء:سارا انتي مستغربه اليوم ليش كلنا جايين
سارا:ايوه استغرب بيت عماني كلهم هنا
شيماء:فيصل يبي يردك ياسارا
سارا قامت متفجأه بالمره:شنوووووووووو
شيماء:اللي سمعتيه
سارا:انا مابي ارد فاهمه مابي مابي فاهمه ياشيماء
شيماء:سارا فيصل يبيك صدقيني
سارا:هه بيكمل اللي بداه
شيماء:سارا انتي ليش تفكرين كذا
سارا:لان الواقع كذا
شيماء:سارا انتي فكري
سار:انا فكرت خلاص يالله ننزل
ونزلوا وقعدوا مع البنات
وبعد مرور وقت جاء بوخالد
بوخالد:سارا
سارا خافت:سم يبه
بوخالد:سم الله عدوك بس تعالي يابنيتي ابيك بالمجلس الثاني
سارا:ان شالله
ولحقت ابوها
ودخلت المجلس تفاجأت بفيصل قاعد
بوخالد:استأذن واخليكم تتفاهمون براحتكم
وطلع
تلاقت عيونهم يالله وش كثر متغير شكله مره باين عليه انه تعبان
وش كثر تغيرت سارا نحفانة وجهها شاحب
وبعد طول انتظار ونظرات يملؤها الحب والشوق والعتاب
فيصل بارتباك :وشلونك سارا
سارا:تمام الحمدلله
فيصل بصوت حزين:اشتقت لك
سارا:هه حلووه مرره حلووووه اشتقت لي اخلص ايش تبي
فيصل:سارا خلينا نرد بيتنا ونرجع مثل ماكنا واحسن
سارا:انا ماراح ارجع وياك فاهم
فيصل:سارا حرام عليك ارحميني
سارا باستهزاء:ارحمك هه ..ارحمك وانت مارحمتني وانا اترجاك وابوس رجلك علشان توقف عن ضربي وانت ماحد عندك تكمل اللين..اللين قتلت ولدي اللي انتضرته
وجلست تبكي بحرقة
فيصل:سارا سامحيني ارجوك
سارا:ههههههههآآي ضحكتني مرره بعد كل اللي سويته وبكل سهوله تقول لي سامحيني
فيصل:سارا
سارا:فيصل مابي ارد وياك هوو بالغصب
فيصل حزت بخاطره:كح كح كح ومسك منديل كح كح كح كح وفتح ازرت ثوبه كح كح كح كح
والمنديل صارا كله دم
سارا خافت وراحت له:فيصل علامك فيصل
فيصل بعصبيه:مافيني شئ بعدي عن وجهي
وطلع من المجلس وترك سارا
سارا خافت خوف مو طبيعي
وطلعت على طول من المجلس ومرت من عند البنات وهي تبكي
البنات:سارا .. سارا
الهنوف:ايش فيها ذي
شيماء على طول لحقتها
شيماء تدق الباب:افتحي ياسارا انا شيماء
سارا فتحت الباب وراحت قعدت على السرير
شيماء دخلت وقفلت الباب
وراحت عند سارا على السرير
شيماء:سارا ايش فيكي ليش تبكين
سارا ببكي:فيصل ياشيماء فيصل
شيماء بخوف:ايش فيه فيصل
وقالت لها الخارطه باستثناء ان طلع دم
شيماء:ليش ياسارا ليش سويتي كذا مو حرام عليك ياسارا فيصل ياسارا صار يدخن مايهتم لعلاجه صار فاقد الامل ياسارا ارحميه حرام عليك تسوين فيه كذا والله حرام
سارا:ذحين تحطين الغلط علي يعني هو ماغلط اصلا الغلط راكبه من راسه لساسه وبعدين هو مو حرام وبكت:عليه يذبح ولدي هو السبب في موته كان كان يضربني على بطني كأني جماد ماحس ليش هو مو حرام عليه اللي سواه كله فيني مو حرام عليه يقتل نفس بريئه مو حرام ...اشوفك سكتي ياشيماء ماعندك شئ تقولينه اللحين تحطين اللوم كله على راسي انا خلاص ياشيماء خلاص خضت تجربه قاسيه وشفي النهايه وماعيد التجربه مره ثانيه لان مو كل مره تسلم الجره فهمتي ياشيماء وارجوك لاتزيدين المواجع
شيماء حزنت على بنت عمها سارا وسكتت ولاكملت
.::.::.::نروووح لفيصل::.::.::.
فيصل من يوم طلع من سارل وهو كئيب وقعد في الحديقه شوي اللين هدى عمره ورجع للرجال وهو مهدود الحيل
اول مادخل
فيصل:يبه انا انطرك بالسياره تبي تروح معي
بوخالد:هووو العشاء اللحين جاااي
فيصل:لاعمي اعذرني انا اسف والله بس موب مشتهي
عادل:طيب ليش ماتقعد موشرط تتعشى
تركي:اقعد يارجال
فيصل:والله احس اني تعبان وابي رووح انام
بوعادل:طيب خلاص خلي ابوك
فيصل:اوووك مايهم
ولحقه خالد اللي ماغابت عن عينه تصرفات فيصل وتعبه
خالد :فيصل وش فيك
فيصل :مافيني شيء
خالد بخوف:وش صار في مو ضوعك انت وسارا
فيصل ناظره نظرت اسف :ماتبي ترد وياي ماتبيني عافتني ياخالد
خالد بكل حزن على حالت ولد عمه واخوه فيصل وعلى اخته :الله يكون بالعون انا راح اكلمها واقنعها
فيصل بحزن :لاارجوك لاتغصبها على شيء هي ماتبيه مع السلامة
خالد :طيب خلني اروح معاك
فيصل :لاشكرا انا اقدر اسوق
جاء يبي يعترض بس فيصل مشى
وراح البيت وهو حزين وكئيب وتعبان تعب موطبيعي
ومر الوقت ورجعوا اهله
شهد:غريبه علامه فيصل رجع بدري
بوفيصل:يقول تعبان شوي ويرجع ينام
ام فيصل:بسم على ولدي علامه
بوفيصل:يمكن صحى اليوم بدري وهي علامها سارا ماتبي ترد بيت رجلها اكيد فيصل مسوي لها شيء كايد
شيماء :يبه خلوهم على راحتهم يبه
بو فيصل بعصبيه :مايصير اخليهم على راحتهم صرنا علك في حلوق الناس
ام فيصل :هد اعصابك يابو فيصل وان شالله مايصير الا اللي فيه خير
شيماء حبت تغير الموضوع : كم بقي على الفجر
شهد:يمكن 5 دقايق تبين النوم
شيماء:ايييه ابي النوم احس اني ماشوف قدامي شئ
بوفيصل:انتبهي وانا ابوك تراك تنامين عن الفجر
شيماء:لالا لاتخاف ان شالله مانام عنه
واذن الفجر وعلى طول الكل صلى ونام
.:\.:.\.اليوم الثاني./.:./:.
في بيت بوخالد
بوخالد:سارا سارا
سارا:سم يبه
بوخالد:سم الله عدوك تعالي يابوك ابيك بالمجلس
سارا:ان شالله يبه
ولحقت ابوها
بوخالد:لش امس مارحتي بيت رجلك
سارا بارتباك:هااااااااه
بوخالد:من قال هاه سمع يايبه اذا صاير شيء قولينا يبه يمكن نقدر نساعدك
سارا تبي ترقع:يعني يبه احرجتني
بوخالد:وليش احرجتك علشان سالتك ليش مارديتي مع رجلك
سارا بنفسها:برقعها عميتها
سارا:ليه يبه كل هذا موطايقني معكم بالبيت
بوخالد:انا ماقصد كذا وان ابوك كل اللي اقصده ان كلام الناس كثر وبعدين انتي ليش ماترجعين بيت رجلك
سارا بنفسها:انا لازم اقول له مابيه
سارا بارتباك :يبه انا انا مابي فيصل
بوخالد بعصبيه:لعب بزران هو في البدايه وافقتي واللحين ترفضين وتقولين مابيه ايش تبين الناس تقول هاااه ايش تبينها تقول عنا ليش ماتبيه الكيد فيه مشكله
سارا بدت تبكي:ليه انت مايهمك غير كلام الناس هاه ماتهمك بنتك انا ماهمك يعني موحرام عليك مو حرام خلاص انا تعبت تعبت يالله ارحمني يارب العالمين وطلعت وهي تبكي
وبو خالد حزن على بنته
بوخالد:انا لازم امهلها واخليها تفكر
سارا:على غرفتها وهي تبكي
سارا:يالله انا مانزل من الغرفه ذي وارد لها ا لاعلى بكى يالله ارحمني وخذني وريحني من ذي الدنيا يارب العالمين
وبكت بكت اللين نامت
اليوم الثاني
بيت بوفيصل
ام فيصل:ايش ذي المره اللحين في مره تشوف رجلها بذي الحاله وتطلع من البيت لا عز الله ماعرفنا نختار له
شيماء:ايش الحكي اللي تقولينه يمه انتي اللي مدحتيها لفيصل واللحين تقولين كذا
ام فيصل:يايمه انا مادريت انها بتسوي كذا
شيماء:وهو؟؟؟
ام فيصل:ايش سوى هو
شيماء:يمه البنيه ماسوت شئ
ام فيصل:تشوف حالة زوجها كذا وتروح في بيت اهلها
شيماء:يمه انتي مانتي فاهمه
ام فيصل:وشو اللي ماني فاهمته
شيماء:..........
شيماء طلعت من عند امها وعلى غرفه فيصل
شيماء تدق الباب:فيصل افتح يافيصل
فيصل فتح لها الباب ودخلت وقفلت الباب وراها
شيماء:فيصل انت ليش ماتقول لهم الحقيقه ليش والا انت ماخذ دور البرئ وخليت الكل يتحكى على سارا اللي يسوى واللي مايسوى
فيصل بعصبيه:وليه من تحكى على سارا
شيماء:الناس واقرب وحده امك
فيصل:امي؟؟ ايش قالت؟؟؟
شيماء:تقول انها ماعرفت تختار المره السنعه لولدها وانها غلطت يوم مدحت لك وماعرفت انها راح تتخلى عن رجلها وهو بذي الحاله
فيصل:امي ماقالت شئ غلط
شيماء بعصبيه:لاااا انا الظااهر اللي غلطانه اني مدحتك عندها وخزييياه وين اودي ويهي منها بعد كل اللي سويته فيها
فيصل بكل تمرد:اللي ضربها انتي والا انا
شيماء:فيصل انت ايش تقول
فيصل:اللي سمعتيه واطلعي لو سمحتي برااا
شيماء:اوكي يافيصل طالعه بس اسمع ان ماعلمت الكل عن اللي سويته في البنيه ماكون انا شيماء
فيصل مسكها مع يدها وبعصبيه:اقسم باللله اقسم بالله لو يدري احد عن اللي صار ماتلومين الا نفسك فاهمه
شيماء:لاااا ماني فاهمه ايش بتسوي يعني
فيصل:سحبها اللين عنده وعطاها كف
شيماء بذهول:تضربني يافيصل
فيصل:هذي مجرد قرصه اذن لك
شيماء تتكلم من بين دموعها:والله لتندم يافيصل والله ماكون انا شيمماء
وطلعت
فيصل قفل الباب ومسك سيجاره وقعد يدخن
فيصل:يالله انا ايش سويت خسرت الثنتين كح كح ..كح كح كح.. كح ....كح كح وراح الحمام الله يكرمكم طلع دم وكل شوي يزيد الدم اللين طاح واغمى عليه في الحمام
جات ام فيصل تدق الباب على فيصل
ام فيصل:فيصل يمه افتح الباب مايصير عاد
وقعدت شوي ولا حياة لمن تنادي
ام فيصل:يمه فيصل افتح الباب علامك يمه
ولا احد يرد
ام فيصل بخووف:فيصل افتح الباب
وراحت تنادي بوفيصل
وجاء على طول
بوفيصل بصوت عالي:فيصل فيصل افتح الباب فيييييييصل
الكل اجتمع على صوت بوفيصل
شهد:خير يبه ايش فيك
بو فيصل بخوف:والله مادري وانا ابوك فيصل بالداخل ومو راضي يفتح الباب وخايف عليه
شهد:ان شالله مافيه غير العافيه
ام فيصل:بوفيصل اكسر الباب
شيماءبعصبيه:ايش يكسره يمه فيصل مو بزر مايعرف يفتح الباب
بوفيصل بعصبيه :انتي شايفته يرد واخوك من رجع البيت وهو تعبان
ام فيصل بخوف:ياويلي عليك ياوليدي وخوفي عليه لايكون صار فيه شئ
بوفيصل توتر:لا تفاولين على الولد يامره
بوفيصل:شهد روحي جيبي العده من المطبخ بسرعه
شهد:ان شالله وراحت بسرعه وجابتها
بوفيصل كسر الباب
ام فيصل :وي وينه مو بالغرفه
شهد تصيح باعلى صوتها
الكل راح لمكان شهد اللي طايحه عند الحمام
ام فيصل وشيماء اول ماشافوا فيصل صاحوا وقعدوا يبكون
بوفيصل جمد مو قادر يتحرك
ام فيصل وهي تبكي راحت عند فيصل تهزه:قووم يمه فيصل قووم
بوفيصل بتوتر وخوف واضح:بعدي يامره بعدي
بعدت ام فيصل وهي تبكي
بوفيصل حرك ولده حاول يشيله بس مايقدره لحاله
وراح اتصل بالاسعاف
وجوا وشالوه
فيصل بسيارة الاسعاف
وامه وابوه وخواته بسيارة ابوهم
بوفيصل بالطريق اتصل على اخوه بوخالد وبلغه
بوخالد كان قاعد بالصاله مع اهله وطبعا سارا ماكانت معاهم
بوخالد قام واقف بسرعه والتفت على خالد وبندر
بوخالد بخوف وتوتر::يالله ياعيال بسرعه ولد عمكم بالمستشفى يالله قوموا
بندر قام واقف وبخوف:فيصل؟؟؟
بوخالد:ايه يالله بسرعه نرووح لهم بالمستشفى
ريم وام خالد شهقوا
خالد:ايش فيه طيب
بوخالد:ياخي مادري عمك ماخبرني يقول نجي ونفهم السالفه
ريم اتصلي على بيت عمك بوعادل وقولي له يجينا بسرعه
ريم بارتبك:اي مستشفى؟؟
بوخالد:مستشفى دلة
وطلع ابو خالد ومعه عياله وام خالد اللي اصرت انها تروح توقف مع ام فيصل
وكانت سارا نازلة مع الدرج
وسمعت مكالمة ريم لعمها
:لاااااااااااااااااااااااااااااااااااااااااااااااا ااااااااااااااا
والتفتت ريم لسارا اللي جلست على الدرج تبكي بحرقة
ريم جلست تهدي في سارا
سارا وهي تبكي :ريم تكفين قولي انك تمزحين
ورخت ريم راسها
وجلست تبكي
سارا :ابي اروح له
ريم سارا اهدي من يبي يودينا
سارا :انا راح اروح مع السواق وقفت وطلعت جابت عبايتها
وهي تلوم نفسها مليون مره
وخايفة انها تفقد فيصل للابد
ويالله توقعاتكم
اتمنى يعجبكم البارت
هذا البارت
اتمنى يعجبكم البارت هذا
ريم:سارا انتي مجنونه ايش تروحين والله ياويلك من بندر وخالد
سارا وهي تبكي:يسوون اللي يسونه وبعدين هذا رجلي شلون تبيني اقعد هنا وفيصل بالمستشفى لالا ماقدر ياريم ماقدر
ريم:طيب انتظريني اروح اجيب عباتي
سارا:بسرعه ياريم تكفين بسرررعه
وبسرعه راحت لبست عباتها ونزلت بسرعه
سارا:مسلم مسلم
مسلم:نئم مدام(نعم)
سارا:بسرعه جهز السياره
وجهز السياره وبسرعه راحوا معه
مسلم:مستشفى ايس(ايش)
ريم:مستشفى دله
وراحوا ودخلوا بسرعه المستشفى
ريم:سارا اللحين كيف نعرف مكانهم
سارا:هااااه لحظه لحظه
سارا اتصلت على خالد:الوو
خالد يتوتر:هلا هلا سارا
سارا:خالد وينك
خالد توتر وارتبك في نفس اللحظه:هااااه
سارا:خالد انا ادري انك بالمستشفى مع فيصل بس قلي انتوا وين بالضبط
خالد:انتي ايش دراك
سارا:مو مهم المهم انا تحت
خالد باستغراب:مع مين جيتي
سارا:انت تعال وبعدين نتفاهم
خالد:اوكي مع السلامه
وسكر من عندها وجاء نازل
بعد مرور خمس دقايق جاء خالد
سارا:هيا ريم خالد جاء
ريم:انا خايفه
سارا بعصبيه:امشي بسرعه بلا استبلاه
وراحوا مع خالد
خالد:مع مين جيتوا
سارا:مع السواق
خالد بعصبيه:انا كم مره قلت لكم ماتروووحون معه
سارا :خلاص انا جيت ايش صار يعني
خالد طالع في ريم:وانتي وراها وراها
سارا:انا اللي قلت لها تروووح وياي ولا هي كانت رافضه من البدايه
خالد سكت
ووصلوا
بوخالد:يمه خالد هذول ايش جابهم
خالد بنرفزه:السواق جابهم
بندر بعصبيه:احنا كم مره قلنا لكم ماتاجون وياه
سارا طنشت وراحت لشيماء
سارا وهي تبكي:شيماء ايش فيه فيصل تكفين تحكي
شيماء وهي الثانيه تبكي:والله مادري من اليوم وهو جوا ولااحد طلع
سارا كملت بكي بحسره ندم
ريم راحت لاختها
ريم وهي حزنانه بالحيل على حال اختها :سارا حرام اللي تسوينه في نفسك حرام حبيبتي ارحم حالك
سارا تبكي:.............
ريم:سارا فيصل مايبي منك الا الدعاء ياقلبي
سارا:الله يشفيه الله يشفيه
ريم:امين ... بس عاد ياسارا هدي عمرك ولا تسوين بروحك كذا
سارا:وين تبيني اهدى وفيصل بالداخل ويييييييييييين؟؟؟
ريم حضنتهاوهي تحاول تهديها
وبعد مرور ساعه طلع الدكتور
بوفيصل قام له بسررررعه
بوفيصل:هاه بشر عسى ولدي بخير
الدكتور:للاسف فيصل ماكان منتبه لصحته وماكان شكله ياخذ العلاج فعشان كذا حالته تدهورتوالجرح التهب لانه مايهتم فيه
تفضل معاي للمكتب
وراح معاه ابو فيصل بوخالد
بوفيصل:خير يادكتور
الدكتور:اسمع ولدك يبغى له عمليه ثانيه في نفس مكان العمليه الاولى
بوخالد:وليش يادكتور
الدكتور:انا زي ماقلت لكم انه المريض مايهتم لصحته والجرح التهب وكمان ولدكم طلع معاه رخى راسه:الدرن
بو فيصل وبوخالد:شنووووووووو؟؟؟؟؟؟
الدكتور:مثل ماقلت ولازم نسوي له العمليه وانا افضل انكم تسوون العمليه في مستشفى خارج المملكه لان العمليه صعبه جدا ويبغى لها دكتور متخصص بالحالت اللي زي كذا
بوفيصل بحزن:ان لله وان اليه راجعون لاحول ولاقوة الا بالله
الدكتور:احنا عملنا اللي علينا والباقي على الله
بوخالد بحزن لايباعد حزن اخوه:خلها على الله ياخوي الله يقومه بالسلامه
بوفيصل:الله يسمع منك
بوخالد:طيب بأي مستشفى تنصحنا يادكتور
الدكتور:انا انصحكم بالمستشفى بأمريكا او المانيا وانا افضل المانيا
بوفيصل:جزاك الله خير
الدكتور:لوتبغون نحظر الطياره طبيه
بوفيصل:ماتقصرر جزاك الله خيرر
الدكتور:هذا واجبنا
وطلعوا من عنده وهم في حاله حزن شديدة
ام فيصل وهي تبكي:هاه يابو فيصل
بوفيصل:ولدك معه تعب وان شالله كم يوم ويقوم بالسلامه
بوخالد بصوت هامس لابو فيصل:ليش ماتقولهم وتريح عمرك كذا كذا راح يعرفون لما تسفره
بوفيصل بنفس همس بوخالد:ماني قادر والله خبرهم انت وراح من عندهم
سارا تكلم شيماء:اكيد فيه شئ والا ليش طلعوا والحزن مغطي وجههم
شيماء تحاول تخفف عن سارا:لا لا ان شالله مافيه شئ
سارا مي مقتنعه وقررت تروح لابوها
سارا قامت بخطوات متثاقله اللين راحت عند ابوها
سارا بصوت حزين ومرتجف:يبه فيييصل ...فيـ فيـه شئ ؟؟؟
بوخالد ناظر بنته وعطف على حالها اللي يقطع القلب:يبه سارا انتي مؤمنه بقضاء الله وقدره فيصل دخل دغري على الموضوع :معه درن
سارا بكت بهمس
وضمها ابوها بحنان لصدره وسارا تبكي بقوووه بس بصوت خافت
ريم ببكي على حال اختها :سارا حبيبتي تعال ياساراا
سارا في حضن ابوها وماودها يتركها
شيماء تبكي:ياحسرتي عليك ياخوي ياحسرتي عليك بس
شهد تضم اختها:الله يقومه بالسلامه يارب
شيماء:امييين
سارا رفعت راسها :يبه ابي اشوفه يايبه
بوخالد:انتي مجنونه مايصير وانا ابوك تدشين عليه
سارا:يبه علشان خاطري يايبه
وفي ذي اللحظه جاء تركي ومعه امه وابوعادل ومرته والبنات بالبيت
هند جات وحضنت ام فيصل وقعدوا يبكون على فيصل
بوخالد:ان شالله يبه اشوف الدكتور
وراح وكلم الدكتور
ووافق بس شخص واحد
وراحت سارا ولبسوها ودخلت وهي مرتبكه
سارا تناظر فيصل وودها تروح تضمه
سارا قربت من فيصل بهدوء
سارا:فيصل بس يكفي قووم عاد بلا دلع قوم والله مسامحتك
وحست بدموعها على خدها تجري وحطت يدها على يده ونزلت راسها
وحست بحركة رفعت راسها
سارا بفرح:فيصل حبيبي انت بخير
فيصل يهز راسه بمعنى ايه
سارا:تبي شئ اجيب لك ماااي
فيصل نفس الحركه السابقه
وراحت بسرعه وحطت له ماي وعطته اياها
سارا ابي اروح ابلغ الاهل كلهم مجتمعين علشانك
فيصل:لاااا لاتروحين صبري شوي
فيصل بصوت يالله يالله يطلع:سارا انتي مسامحتني
سارا رخت راسها
فيصل:كح كح كح كح كح كح جاوبيني
سارا:ايه والله يشهد علي ماشلت عليك بقلبي ..انا رايحه اخبرهم
فيصل بضيق:لحظه ياسارا انا يمكن كح كح اموت كح كح كح بأي لحظه
سارا:بسم عليك عسى يومي قبل يومك
فيصل:ابغى اخر واحد شفته يوم مت انت ياسارا
سار بخوف:انا طالعه طالعه
وطلعت وبلغت الاهل ودخل عليه الدكتور
الدكتور يقيس النبض وضغط الدم
فيصل يرتجف بمكانه من الالم
وبسرعه تجمعوا الدكاتره على الغرفه ونقلوه على غرفه العمليات
بوعادل:دكتور دكتور
الدكتور بعجله وتوتر واضح:نعم
بوعادل:ايش فيه
الدكتور:لازم نعجل بالعمليه المريض صار عند ضيق بالتنفس وضغط الدم بطئ جدا
وبسرعه راح
سارا كانه تستوعب
سارا بصوت عالي:فيصل بيموت فيصل بيموت
ام فيصل ضمت سارا
وكملوا مناحه
خالد:ياسارا وياعمتي البكي مايفيد له ادعوا ادعوا ان الله يقومه بالسلامه
ام فيصل الله يسمع منك ياوليدي
بوخالد كلم بوفيصل وبلغه وبوفيصل جاء بسرعه زي المجنون
ريم:تضم بشهد:شهد حبيبي اهدي الله يخفف عنه ويقومه بالسلامه
شهد:الله يستجيب
وقعدوا على مناحه وبكي
لمدة 4ساعات ونص
والكل متوتر وخابف
طلع الدكتور
بوفيصل:خير ان شالله يادكتور
الدكتور:الخير بوجهك ياعم الحمدلله العمليه نجحت وان شالله ولدكم راح يقوم بالسلامه
بوعادل:طيب والدرن اللي تقول عنه
الدكتور:لادرن ولاهم يحزنون بس شكنا ولان الاعراض كانت اعراض الدرن بس الحمدلله ثقب كان بالمعدة علشان الدخان اللي الظاهر ماكان يطلعه من فمه
بوفيصل:الحمدلله لك يارب الحمند لك يارب
وضم اخوه من الفرحه
والحريم اول ماسمعوا بالخبر وهم يتحمدون الله
وسارا سجدت سجود الشكر
اليوم الثاني راحوا لفيصل بس ماقدروا يدخلون لانه بالعنايه والدكتور طمنهم
................
اليوم اللي بعده
الكل راح لهوتحمد له بالسلامه
وبعد مرور شهر
.............
في الجمعه العائليه
بوفيصل:دامك يافيصل ولله الحمد تشافيت انا مسوي لك عزيمه كبيره ان قدرني الله
بوعادل:وانا وياك نتشارك فيها والله فيصل يستاهل ياخوك
فيصل:مشكورين ماقصرتوا بس والله بس تتعبون نفسكم
عادل:افا انت تستاهل يابو راشد
تركي:والله هذا كله قليل لو بيدي اسوي لكم كأنه زواج
خالد:ماتقصرون والله
فيصل:هي لك العزيمه
خالد:انا وانت واحد
فيصل:لا من قال
خالد:انا
فيصل:في هذي صدقت يالدب
خالد:وانا في كل شئ صادق
............
اليوم يوم العزيمه
والكل مبسوط خاصه لانه مافي حقد ولاحسد ولانفاق تصافت القلوب
................
مرت 4شهور
سارا :فيصل فصولي
فيصل:قلبه وروحه
سارا سندت راسها على كتفه وبصوت عالي :انـــا حامل
فيصل فز من صوتها:من متى
سارا: من 2شهرين ونص
فيصل:توني جاي من عند الدكتورة ماقالت كذا
سارا:انا قلت لها ماتقول لك قلت ابيها مفاجأه لك ياقلبي
فيصل سحبها وضمها بقوووه:احبك يابعد حي وطوايف فيصل واحب مفاجأتك وهذا احلى خبر بحياتي
................
في بيت خالد:خالد:يبه ابي اتزوج
بوخالد:من
خالد:شيووم بنت عمي
ريم:بعد تدلعها انت ووجهك
خالد:مالك دخل يالملقوفه
بندر:وانا بعد يبه
ام خالد:شهد
بندر :هههه ايه يمه كاشفتني
ريم:هههههههههههههه والله انكم تحفه
بوخالد:ان شالله من بكره اخطبهم ثنتينهم لكم
خالد:الله يخليك لنا يبه
بندر:آآآآآآمين
خالد:مانبغى ملكه زواج على طوال
بوخالد:مستعجل هاه
بندر:بالمررره
بوخالد:مايصير ياولدي مهبول انت
خالد:لا والله
::::::::::::::::::::
.......
بيت بوعادل
هنوف:يمه يمه
ام عادل:وحطبه ايش بغيتي
الهنوف:يمه ايش رايك نخطب لمشعل
ام عادل:من تخطبين له يالرفله
هنوف:يمه انا مانيب رفله ...المهم نخطب له عنووودة
ام عادل:ايه والله هي لااله الاالله حليوه بالمره
هنوف:شفتي اني ماني رفله
ام عادل :اكلم ابوك ونشوف
الهنوف:يمه الحين تكفين
ام عادل:ان شالله من وين اكلمه
الهنوف:في اختراع اسمه تليفون
ام عادل:طيب طيب خلي الين يرجع للبيت وافاتحه
ومرت الايام وبو خالد خطب لعياله وكلهم كتبوا الكتاب مع بعض العيال الاربع
تركي ــ<ريم
مشعل ــ<لعنود
خالدــــ<شيماء
بندرــــ<شهد
وتحدد زواجهم بعد
خالد وبندر مع بعض
ومشعل مع زواج اخته الهنوف اللي انخطبت لولد خالتها محمد
وتركي لوحده
....................
بعد مرور سنه بالتمام
الهنوف:عندها بنت ماكملت سبع شهور قمووره ياحليلها اسمها مشاعل
وريم وتركي:عندهم ولد اسمه عبدالحمن
ومشعل والعنود:عندهم بنيه صغنونه اسمها ريوف
وسارا:عندها بنت وولد :جود وجواد (توام)
وشيماء وخالد:ولد راشد
وشهد وبندر:عندهم بنت :رهف
؟:؟:؟:؟:؟:؟:؟:؟
وبكذا انتهت قصتنا وياليت تكون عجبتكم هذي القصة
وانتضروني بروايه اخرى ان شالله
اللهم لك الحمد حتى ترضى وإذا رضيت وبعد الرضى ,,, اضف تعليقك