رواية اشتقت لك لين صارت بي منك لمحات -12

رواية اشتقت لك لين صارت بي منك لمحات - غرام

رواية اشتقت لك لين صارت بي منك لمحات -12

ام عبدالله: أي اعطاني اياه الحارس الي برى يقول نزل واحد يقول اعطوا الكيس حق الدكتورة شوق بنت عبدالرحمن ..

شوق: يقصدني؟

ام عبدالله: انتي الوحيده الي اسمك شوق عبدالرحمن وبعدين يقول هذا الكيس اغراض لك انتي طلبتيها

علياء غمزت لشوق: ايه صح هذا الاغراض الي انا ابيهم وقلت لك عليهم ..وقلت بترسلينهم مع اخوك

شوق: ايه صح

ام عبدالله: أي والله اني خفت قلت مو معقوله مو لشوق

شوق: ههههههه لا لي بس تعرفين الاختبارات تأثر على الذاكرة

ام عبدالله: هههههه أي والله ما الومكم....

رآحت ام عبدالله ..

ياسمين:وش ذا الكيس؟

علياء: وش السالفه شوق؟

شوق: والله مدري..وبعدين الي خوفني ان الولد الي ارسل هالكيس عارفني وعارف اسمي

ياسمين:افتحي الكيس بسرررررعه

علياء: ترى احنا متحمسين حدنا بسرعه

شوق: والله اني خايفه

ياسمين سحبت الكيس منها: انا اخذه دام انك خايفه

علياء: افتحيه

ياسمين فتحت الكيس وكانت علبه مغلفه بالذهبي والشرايط لونها بني ..

فتحت العلبه الي كانت على شكل قلب وكانت فيه سآعه ماركه (فندي) لونها ابيض ..وداخل العلبه فيها ورده حمراء كبيــــــــــرة ..

علياء: وااااااااااااااااو

ياسمين: تجنن الساعه والورده يادبه من وين؟

شوق فاتحه فمها: مدري والله مدري

علياء مسكت الكيس تدور داخله ...حصلت على بطاقة (كرت)

علياء: بنااات لقيت كرت

شوق: افتحيه تكفين

علياء: مكتوب بخط يجنن .. مبروك يادكتورة وعقبال النتيجه الحلوة ..مشــاري

ياسمين تصارخ: احلـــى والله مشاري ذوووق

شوق وجهها صاير احمر: من مشاري؟

علياء: هههههه توها ما ستوعبت الوضع ..ايه من الغالي مش مش ياسلام ياشوق وربي انه شي وحركاته خطيرة من قدك

شوق: اعطوني الكرت ابغى اقراه

ياسمين: ههههههه اللحين تحفظ الي مكتوب حرف حرف

علياء:ههههههههههه

شوق:ههههههههه

ياسمين: ولو شكل الولد حافظ متى تخلصين

علياء: والله خطيرر الله يوفقكم يالغلا وربي لايقين على بعض

ياسمين: ليش شايفه مشاري علشان تقولين لايقين على بعض

علياء: لا يادبه اقصد انه ذووق وشوق مررة ذوق ..

شوق كانت سرحانه وبيدها الكرت

......... شــــوق ........

ياحياتي يامشاري وربي احرجتني بحركتك ذي...الله يخليك لي ..توني اتأكد من انك تحبني عسى الله لايبعدني منك واقدر اسعدك ..

: : :

ديم:هههههههههههههه

جود:ههههههه انا اقول مو لله هالطلعه يادب

ضاري: اقول ترى بتروحون معاي غصبن عليكم

ديم: جود تكفين خلينا نصير نذلات ومانروح ههههههه

جود: كم تدفع يالحبيب؟

ضاري: يعني تبون تذلوني؟

جود:ماعاش من يذلك ياخوي ..ابشر الليله بنطلع معاكم انت والعنود

ديم: طيب ليش ماتروحون بلحالكم هي زوجتك على سنة الله ورسوله

ضاري: خالتي ام مشعل ماتبي تقول كلام الناس ومدري وشو المهم ماعلينا اليوم بنعزمكم انا والعنود بس لو سمحتوا اتركوا الصرقعه

ديم: ههههههههههههههه ابشر بسعدك

جود: الله يعينكم علينا

ديم: صح ضاري ريانه تبي تروح؟

ضاري: لا تكفون والي يرحم والديكم ريانه لاتروح معانا والله الا تجنن فينا

جود:ههههههههه ماتوقع تروح لانه السبت اختباراتها

ضاري: الله يسمع منك هههههههه

: : :

بالصاله رندا متمدده على الكنبه وماسكه مجله وبفمها حلاوة مصاص ..ام فيصل جالسه تشرب شاي..

ام فيصل: رندا وش رايك بمشاعل

رندا: من مشاعل؟

ام فيصل: اخت عبير زوجة مشعل

رندا: مشاعلوه وع مب حلوة تجيب المرض

ام فيصل: ليش البنت وش زينها اخلاق وادب وبعدين بكل مناسبه ماشاء الله عليها تجي تجلس جنب امها ماهيب مثل خرابيطكم الي بس تطامرون وترقصون

رندا: من زينها هي وخشتها ..بس انتي ليش مهتمه فيها؟

ام فيصل: نفسي اخطبها لفيصل

رندا قامت رمت المجلة على الارض: والله مابقى الا هي تصير مرت اخوي

ام فيصل:وش فيك عصبتي ؟ طالعي عبير ماشاء الله حرمة سنعه مسنعه تنحط على الجرح يبرى

رندا: يمه وش دخل عبير بالسالفه؟

ام فيصل: مو اختها اكيد مثلها

رندا: لا يالغالية اصابع يدينك مب متسوايه ..وش جاب الثريا للثرى..يمه شوفي مشاعل بالجامعه الكل مايواطنها شايفه عمرها مدري على ايش ولعلمك تريها تكرهني وتكره بنات عمامي كلهم ..عندها عقده نفسيه من كل شخص معروف

ام فيصل: ياويلك من ربي كل هالعيوب بالبنيه..ماشوف فيها شي بالعكس اخلاق ومحترمه

رندا: اقول يمه لو هي مثل ما قلتي ليش محد خطبها من عيال عمامي؟ وخصوصا ام مشعل ليش ماخطبتها لواحد من عيالها دامها اخت عبير وهي تعرفها اكثر مني ومنك

ام فيصل: خلاص اكلتيني ..يصير خير نأجل الموضوع

رندا: لا مايتأجل زواج منها مستحيل ..وبعدين فيصل ماراح يوافقك وتشوفين

ام فيصل عصبت: حرام عليك البنيه ماسوت شي علشان تطحين فيها بالسب هذا..انا بشاور فيصل بس مو اللحين لانه مشغول بالقضيه الي ماسكها

رندا: مابقى الا هي مشاعلوه مرت اخوي فيصل والله الا تبطين بس

: : :

{اعتقد اني تأكدت ودريت اني مهما رحت يمك مرجعي..

والدليل اني بطاريك انتهيت خاتمي ادوره وهو في اصبعي..!!

ركبت العنود معها ريانه ضاري كان وده يذبح عمره لان ريانه لقافتها راح تخرب الجو عليه وعلى العنود ..

ضاري مشغل اغنية اختفلنــآ..

إختـلفنا مين يــحــب الــثـــانـــي أكــثــر,

و إتـفــقـــنــا إنـك أكــثــر و آنـا أكـثـر,

من عدد رمـل الصحــاري و من المطر أكثر و أكثر.

كـيــف نـخــفـي حـبــنـا و الــشــوق فـاضــح,

و فــي مــلامـحـنـا مــن اللـهــفــة مــلامــح,

عاشقين و نبضنا طفل حنــون لو تزاعلـنا يسـامح,

و الـــــهـــــــوى شـــــي مـــــقـــــــدر,

إختـلـفنـا مــن يـحــب الـثـانـي أكـــثــــر...

هنني ياللي جميعـي لـك هنا,حطـني بـآخـر مـداي,

طيرك اللي ما يبي غيرك أنا,ضمــنــي إنـت فضاي.

صــدق إنـي فـيـك مــغــرم, فـيك مـغـرم فـيـك,

و الـحياة إيـش الـحـيــاة, إلا مـشاهـد ناظريك.

يــا نـهـار لـو تـغـيــب الــشــمــس واضـــح,

كـيــف نـخــفـي حـبــنـا و الــشــوق فـاضــح,

و فــي مــلامـحـنـا مــن اللـهــفــة مــلامــح

عاشقين و نبضنا طفل حنــون لو تزاعلـنا يسـامح,

و الـــــهـــــــوى شـــــي مـــــقـــــــدر,

إختـلـفنـا مــن يـحــب الـثـانـي أكـــثــــر...

يمك دروبي و كل الناس يـدروا بـي و أنــا أدري,

كل قلب له حبيبــه و إنــت مـحـبـوبـي و تـدري,

من عيونك صـعـب تسـرقـني سـواليــف البــشـــر,

و أنـا النـظــر و إنــت لـعـيــوني النــظــر,

و الـهـيـام اللي سـكـن فـيـنا تـعـدانا و كبر,

صــــار مــــثـــل الـــريـــح جــــامـــــح,

كـيــف نـخــفـي حـبــنـا و الــشــوق فـاضــح,

و فــي مــلامـحـنـا مــن اللـهــفــة مــلامــح

عاشقين و نبضنا طفل حنــون لو تزاعلـنا يسـامح,

و الـــــهـــــــوى شـــــي مـــــقـــــــدر,

إختـلـفنـا مــن يـحــب الـثـانـي أكـــثــــر

الكل سآكت يسمع لأغنية الي واضح انه ضاري يقصد فيه العنود....

ديم: حي الله رنوش ومرت اخوي

العنود انصبغ وجهها احمر من كلمة ديم ..وضاري كان مركز المرآيه عليها وماشال عيونه منها..

ريانه: الله يحييك ..ويبقيك

العنود كانت متفشله من نظرات ضاري لها وكانت تضغط يدينها وتفركها من الحياء

..العنود همست باذن جود

العنود: جود ماشفتي خاتمي؟

جود: خاتمك؟

العنود: ايه مدري وين راح؟

جود: كيف هو شكله؟

العنود: خاتم ذهب ابيض فيه فصوص لونها اخضر

جود: هذا الي بيدك؟

العنود تشوف يدها وكان خاتمه موجود...وتفشلت من جود

جود همست باذن العنود: شكل ضاري مضيع فيك هههههههه

العنود:ههههههههه

ريآنه:أي ده ياضاري

ضاري: ههههه ايش؟

ريانه: السيارة منظفها ومغسلها وريحة هالعطورات ماليه السيارة ..شكل مافيه عطر بالبيت مارشيته

جود:ههههههههههههههههههه

ديم:هههههههههههه

ضاري مات من الضحك على كلامها..

العنود ضربتها من كتفها

ريانه: آآآآي ..آسفه العنود والله ادري اني خنت الوعد

جود فضوليه لآبعد حد: ايش الوعد اختنا في الله...

ريانه: تقول لاتفتحين افمك بكلمه عند ضاري ..

ديم:هههههههه

ضاري: خذي رآحتك العنود ريانه مستحيل تسكر فمهما

ريانه: ضااااااري اذكر الله بكرى ابلع لساني واموت

ديم:احسن هههههههه

جود: ههههه الله يطول بعمرك

ضاري:هههههههه ما شاء الله..

.... العنود ...

الله يقلعك ياريانوه فشلتني طيب الوعد بالبيت يالدبه قسم بالله لا موتك هذا وانا من الصبح اوصيها تسكر افمها بس ابو طبيع مايجوز عن طبعه...

ديم: بنات والله لو نمر على رندا وامل وشوق

ريانه: ياليت

ضاري: هيه انتي وياها اساسا الليله المفروض نطلع انا وزوجتي ولكن حكم القوي على العضيف اضطرينا ناخذكم معانا صح يالعنود؟

العنود مستحيه حدها وخصوصا كلمة (زوجتي) اربكتها اكثر..

العنود ابتسمت لضاري ..

وصلـــوا للمطعـــم ..

جود مسكت ديم وريانه: اسمعوا انتي وياها اتركوا اللقافه عنكم مساكين يبغون ينبسطون يعني مانبي نجلس وياهم

ديم: أي خلاص

ريانه: لا ماعلي منكم ابي اشوف شي رومانسي على الطبيعه

جود:هههههه مو لازم اليوم بعدين تشوفين

العنود: بنات لاتخلوني تفكون تعالوا معنا تراني مسحتيه

ديم: يالله اقول مابقى الا هي نزعجكم

ريانه: سمعتوا العنود تبي اروح معاهم

جود: اقول انطقي بارضك مافيه تخربين على اخوي جوهـ

ريانه: شكونا لله يالله بس ترى ماحب اوقف خلونا نجلس بالروم الي جنبهم

ضاري فتح باب المطعم ومسك يد العنود الي قلبها بدت تضرب دقاته..ودخل معاهـ للطاوله الي كان حاجزها من قبل وعطي توصية للعاملين الي بالمطعم يرتبونها ..

طاولة كبير وفيها ورد وشموع الجو عندهم كاان واااااااااااو ...

سحب الكرسي: تفضلي غلاتي

العنود جلست ..

ضاري: جلس قبالها : اشتقت لك حبيبتي

العنود بصوت واطي: وانا اكثر

ضاري متعمد يربكها: ماسمعت ايش قلتي

العنود: ماقلت شي

ضاري: الا قلتي ابي اسمعها

العنود نزلت راسها

ضاري: مابي خجل اللحين قولي لي ايش قلتي

العنود: قلت وانا اكثر

ضاري مسوي نفسه غبي: اكثر ؟ اكثر بأيش؟

العنود بصوت ملائكي ونعومة دوخت ضاري: ضااااري

ضاري: عيون وقلب وروح ضاري

العنود نزلت عيونها بالارض وجهها احمر

ضاري: اقول اسمعي ترى ماراح تطلعن من هنا الا لما تقولين لي اكثر بايش

العنود بهمس : اشتـ....ـقت لـ..ـك

ضاري: يالبيه ياذا الصوت وراعيته

العنود: وطي صوتك اخاف البنات يسمعوننا

ضاري: ماعلي منهم نسيتـي انك زوجتي؟انا حر اسوي فيك الي ابغيه

العنود تفشلت وجهها زاد حمرته ..

ضاري: فديت الي يستحي انا ..

العنود ساكته ودها تموت من الحياء..كانت تتمنى البنات يجون عندها ينقذونها ..

ريانه: اللحين ايش مسوين عصافير الحب هع هع

جود:ياحبك للقافه

ديم: خليهم على راحتهم

ريانه: انا جعت وهذا اخوك ماطلب أي شي

جود:ههههههههه

ديم: تلاقينه نسى نفسه اللحين

ريانه:ابي اروح اقولهم

جود: لا لا

ديم: ريانه اتركي الخبال بعدين

ريانه: هههههه ابي احوسهم

دخلت ريانه على العنود وضاري كانوا داخلين جو ..ضاري ماسك يد العنود بين يدينه وجالس قدامها ويتأملها يعني الجو روماسني

ريانه: هآآآي

العنود على طول سحبت يدها

ريانه: اوخص ايش هالحركتات ليش طاولتنا مب مثل طاولتكم

ضاري بصوت قصير : ايش جابها هذي

العنود:هههههه

ريانه: اقول يازوج اختي ترى احنا جوعانين ورى ماطلبت لنا

ضاري : يؤ نسيتكم

ريانه: أي مب لمنا طيب دام انك سافهنا كذا ورى جبتنا

ضاري: الود ودي ماشفتكم

ريانه حطت يدها على خصرها: ياسلام اساسا امي تقول لا تتاخرين ابي اذاكر ( كانت تمزح تبي تقهر ضاري)

ضاري: صدق؟

العنود اشرت براسها يعني لا

ضاري: طيب والله الا اردها لك ياريانه بس تزوجي انتي

ريانه : هع هع اقول ترى جعنا

ضاري:هههههه يالله بروح اطلب لكم..

بعد ماتعشوا كلهم ضاري حط ورده بشطنة العنود بدون ماتحس ...وصلهم للبيت وكان مبسوط حده صحيح ريانه خربت الجو شوي الا انه طاير من الفرحه بشوفة حبيبته وزوجته العنود..

سعود: هلا فيصل شلونك؟

فيصل: هلا بالغالي بخير ربي يسلمك..شلونك انت؟طمنا؟

سعود: بخير والحمد لله كل يوم عن الثاني اصير احسن

فيصل: الحمد لله والعافيه تجي شوي شوي

سعود: فيصل ابي اسألك سؤال ..انا لما كنت بالعملية كنت محتاج دم مين الي تبرع لي؟

فيصل: هاااه مدري ..بس ليش تسأل

سعود: لانه انا شاك انها بنت وبعدين جابت لي ورد وسألت الممرضات عن الي جابت لي الورد قالوا لي نفسها الي تبرعت لك

فيصل: مدري لانه احنا كنا جالسين بالكراسي الي عند باب غرفة العمليات وبعدين ياسعود الحرمه ماتتبرع بالدم

سعود: أيه صح والله انك صادق بس ليش الممرضات قالوا لي كذا

فيصل: ماعندهم سالفه يابن الحلال ..المهم بكرى عزيمة عمي ابو عبدالعزيز علشانك من قدك ياعم

سعود:شفت كيف عمي ماقصر والله حالف حلف اذا قمت بالسلامه راح يسوي لي عزيمة

فيصل: عزيمة كبيرة الي بكرى؟

سعود: لا ابوي حلف عليه قال عزيمة عائلية مايبغى يتكلف

فيصل: زين اجل نشوفك بكرى ان شاء الله

سعود: ان شاء الله ..فمان الله

فيصل: هلا بك

: : :

{ أحبك وأستحي منك ولا أدري ايش أسوي بك .....

أخاف أصارحك تزعل اخاف اسكت تعذبني..!!

بالعزيمة الكل كان موجود الحريم والرجال ...

رندا: بنات تركي يقول كلكم اجلسوا لحد يقوم

امل: ليش؟

رندا: مدري

ريانه: خلاص بنجلس يعني نبي نوقف

ديم:هههههههه

رندا: انا بروح اشوف ايش يبغى يقول وقفي عند باب الشارع

رجعت رندا لمجلس الحريم...

العمه صيته: ايش الهكيس الي طولك يارندا

رندا: من تركي

نجلاء: اوووف لمين ؟

رندا: لريانه

الحريم كلهم طارت عيونهم وريانه وجهها صار احمر <<لآول مرة

ام فيصل: ايش معنى ريانه والبنات؟

رندا: انا اقول لكم السالفه ..هذا يوم البنات ينامون عندنا ريانه كانت ماتبي تتابع الفيلم معنا تطوعت وتكرمت ورتبت غرفة تركي الي كأنه زباله وهو حب يشكرها

ام مشعل: ههههههه ياحليلك ياتركي

ام فيصل:انا اقول وش فيه الولد يشكرني يحسبني انا رتبتها..يامال العافيه ياريانه والله انك تستاهلين الهديه

جود: الله يستر من هديته شوفي ايش بوسط هالكيس الطويل العريض

عبير: والله الكيس اطول من ريانه

ديم: قومي افتحيه ريانه تكفين

امل: يالله رنوش

ريآنه راحت لللكيس الي كان طويل مررة وسحبت الصندوق الي فيه كان كبيـــــــــــــــر

لدرجه مو متوقعه فتحت الصندوق وكان داخله صندوق ثاني بس اصغر من الي قبله وفتحت الصندوق كان بوسطه صندوق ثاني وقتحت الصندوق الثاني كان بوسطه صندوق ثالث وجلست تفتح في صندوق ويطلع لها صندوق والحريم يضحكون عليها

ريانه: حشى مب هديه..وبعدين معاه

رندا: انتي افتحيها

ريانه: تعبت

شوق:هههههه تبين مساعده

رندا: يالله افتحي

ام فيصل: ليش رندا انتي تدرين ايش بوسطها؟

رندا: ايه انا الي رحت مع تركي

ريانه جلست تفتح كم صندق وكل واحد بوسط الثاني ..وبعدين حصت على صندوق صغيـــر مرررة وفتحته كان فيه سلسال ذهب ابيض ومنقوش عليه اسمها ][ ريــــــآنه ][

البنات : ياهوووه والله انه ذوق

ام مشعل: وش فيه كلف على عمره؟

رندا: تستاهل رنوش

ام فيصل: أي والله تستاهل والله لو تدخلون غرفة تركي ا لا تجيكم سكته ..مدري كم جلست ساعه ترتبها

العنود:ههههه جلست تقريبا ساعتين ونص لانه كنا نتابع فيلم

نجلاء: خالتي قولي له المرة الجايه انا ابي ارتب الغرفه له علشان يعطيني سلسال

ريانه: والله خطير هالدب تروك اشكريه وقولي له كل ماحاس غرفته انا ارتبه

البنات يضحكون عليها ....

امل: عن اذنكن

رندا: وين تبين؟

امل: بروح اكلم مها تبي تتصل علي بعد شوي من الكويت

ديم: ياحبي لها شلونها ؟ وشلون اهلها؟

امل : كلهم بخير..هي قالت لي انها بتتصل علي بعد خمس دقايق

شوق: سلمي لي عليها

جود: وانا بعد..

امل: يوصل ان شاء الله..

[ مها صديقة امل من يوم كانت صغيرة وبحبسة اختها بس لما جت للجامعه سافرت للكويت عند اهلها علشان تدرس هناك بالجامعه لانه بالسعودية الجامعات مايدرسون فيها الا السعوديين ]

طلعت امل للحوش تكلم مها....

ابو مشعل: والله خوش اقتراح

ابو عادل: وانا ماعندي مانع

ابو فيصل: والله يافارس تعرف تخطط وتفكر

فارس:ههههه اهم شي وافقتوا

ابو عبدالعزيز: على بركة الله اجل بكرى نحجز ان شاء الله

مشعل: يوه خربتوا علينا انا وعبدالعزيز نبي نروح مع حريمنا لماليزيا

فيصل: زين روحوا خذوا لكم شهر عسل جديد

ضاري: متى نبي نروح لبنان؟

ابو مشعل:هههههههههههه

ابو عبدالعزيز: وش فيك مستعجل

ابو عادل:هههههههه يبي يشوف بعض الناس

مشاري: احم احم

تركي:الولد من صبحه وهو يتحم حم لكم يبي يملك ياناس

فارس: هههههههه مشاري انطق هنا عند عيادتك

مشاري: ياسلام اساسا انا ناوي اخذ اجازة والعيادة مليانه دكاترة

ابو فيصل: اجل ان شاء الله بكرى واحد من العيال يروح يحجز لنا..

ابو عبدالعزيز: فارس رح جيب المدخنه علشان نبخر عمامك

فارس : ابشر يبه..

فارس راح للمخزن ( المستودع) كانت غرفه برى بالحوش وفيها الاغراض ..فارس يدري انه المدخنه حقت ابوه دايما بالمستودع راح يبغى يجيبها ...!!

{ صوت(ن) سمعته تل قلبي من اقصاهـ..

لولا ضلوعي راح قلبي مع الصوت..

امل كانت تمشي بالحوش بعد ماسكرت المكالمة من مها وكانت فيه قطوة قدامها [ امل تخاف من شي اسمه قطوة ...موتها ولا تشوف قطوها قدامها ]

صارت القطوة تمشي ورى امل ....امل شوي تموت من الخوف ..وصارت تركض والقطوة وراها و المخزن (المستودع) وراهــآ دخلت بالمستودع وسكرت الباب ماكانت تدري انه فارس داخل المستودع كآآآن ظلآم حدهـ ...صارت القطوة بين رجولها [ القطوة دخلت مع امل] امل صارت تركض جوى المخزن وتصارخ صدمت بفارس الي كان يدور المدخنه ضمته ..

فارس:امل؟

امل: يمه مين؟

فارس: انا فارس

امل ابعدت عن فارس نست القطوة ونست خوفها منه..

فارس: الباب مقفل

امل شهقت: كيف؟

فارس: الباب حق المستودع لما يتسكر مانفتح الا بمفتاح من برى

امل: طيب ايش نسوي؟

فارس: ابي اتصل على تركي يجي يفتح الباب

امل: لا لا

فارس: طيب عندك حل ثاني؟

امل سكتت..جت القطوة وطلعت صوتها..طبعاً مع الظلام راحت امل لعند فارس مسكت ذراعه بكل قوتها..فارس كان مبسوط..امل لما استوعبت الوضع ابعدت عنه وكانت بتموت من الحياء والخوف بنفس الوقت ..فارس حس انه امل مرتبكة وخايفة

فارس: هذي القطوة وش حليلها شرتها جود لعيال اخوي عبدالعزيز..تراها ما تعض

امل: بس انا اكرهم..

فارس: امل

امل قلبها يدق: نعم

فارس بكل جرائه: ابي احكي لك حكايه واحد يحب بنت عمته لدرجة جنونيه ومايعرف كيف يعبر لها عن حبه...تتوقعين كيف يفهمها؟

امل قلبها بداء يدق يقوة لدرجة انها خافت توصل دقات قلبها لعند فارس...امل ماقدرت تتكلم سكتت

فارس: امل انا احاكيك اقول ايش تتوقيعن؟ ابي جاوب منك

امل جمعت كل قوتها وكانت تتحرى هالحظة من زمان وجت عند بابها ماحبت تضيعها..

امل: طيب انا اتوقع بنت عمته يمكن تحبه بس الولد اذا كان على علاقة مع بنات غيرها هذا شي ثاني

فارس: لعلمك الولد ترك كل البنات الي يعرفهم بالماسن وبالجوآل باع كل الناس واشتراها اشترى خاطرها ...

امل:فارس تكفى ابي اطلع

فارس: طيب ايش اسوي اتصل على خواتي ؟

امل: اتصل على ديم

فارس:طيب

يتبع ,,,

👇👇👇