رواية اشتقت لك لين صارت بي منك لمحات -17
يا بدايات المحبة
يا نهايات الوله
كيف قلبي ما احبه ؟
وانتي قلبك صار له
يا أعذب من الأمنيات
يا عالم من الأغنيات
يا أجمل الشعر البديع
من آخره لين أوله
ما راودتك الاسئلة ؟
ليه عمري ما لقى لبرده دفى
الا دفاك
ليه قلبي ما بدقاته عزف لحد ٍ
سواك ِ
ليه أنا عيني تشوف وماتشوف
الا بهاك ِ
يا أجمل من الأخيلة
هذا جواب الأسئلة
كي تكوني من حنيني
وبس فيني .. ومو بدوني
مُذهلة
: : :
جــود: بنات والله البنت صاير فيها شي
العنود: فيصل فيصل
فيصل :هلا بنات ايش فيكم واقفين هنا؟
شوق: رندا
فيصل : رندا؟ وش فيها؟ صاير لها شي؟
جود: لا لا طول بالك
فيصل:وينها فيه؟
العنود: صعدت قالت بتجيب شنطتها ولها نص ساعه ..رحنا للسويت ماحصلناها ..
فيصل: وشو؟
فيصل راح للريسبشن وشافهم مرتبكين على الاسنسير..وقالوا انه فيه بنت سعودية..فيصل عرف انه رندا وقالوا انه معاها شاب ..
هنا فيصل جن جنونه مايدري مين كان معاها ..اخذ يصارخ عليهم علشان يفتحون لها الاسنسير..
وبعد ربع ساعه ..قدروا ينزلون الاسنسير..
رندا: اخيرا تحرك
سعود: شفتي كيف بنتحرر ههههههه
رندا بكل جديه: سعود
سعود: عيـونـ.....ـ ..اوووه شكلي ضربت (مطب )
رندا: سعود انت تغيرت علي ..مدري
سعود قاطعها : رندا بقولك على شي ممكن اكون جرئ بس ماقدر اصبر اكثر من كذا ...رندا انا ابيك لي
رندا ساكته..وبعدين تكلمت..
رندا: تبيني؟
سعود:ايه
رندا: تبيني علشاني انقذت حياتك بعد الله..علشاني ساندتك يعني ترد جميلك ..سعود انا لما تبرعت لك بالدم ماكان قصدي شي مو معقوله اشوفك بين يديني ومقدر اساعدك ولعلمك ترى انا مارضاها على نفسي
سعود: ومن قالك كذا .. عمري مافكرت بهذا التفكير...ابيك تشيلين كل هالأفكار من بالك ..ابيك علشانك انتي رندا الي حبها قلبي من يوم كنت صغيرك كنت احاول الفت انتباهك بأي شي علشان كذا تشوفيني قوي وشديد عليك..
انفتح الباب حق الاسنسير ..فيصل دخل بسرعه يبغى يشوف من كان مع رندا
فيصل: آآآه بس ياسعود قلبي يبي يوقف كنت احسبك واحد ثاني مع رندا
سعود: ولد ابوه يوقف جنب رندا ..مافيه رجال هنا
فيصل:كفو والله ياولد العم..
جود: حمد لله ع السلامه رندوش
العنود:اكيد سعود رفع ضغط
شوق: وش فيك وجهك احمررر ومنعفسه
رندا:نص ساعه معلقه محد حس فيني غير فيصل الله لايخليني منه
جود: الله يخليه لك المهم بتروحين معانا
رندا: لا والله انا مصدومه وبرتاح
شوق: مصدومه؟
العنود: هههههههه خانها التعبير
رندا ارتبكت: ايه صح عليك لمبه ههههههه خانني التعبير بقول تعبانه قلت مصدومه
جود: براحتك اوكي احنا بنروح
: : :
{ طحت من عيني بعد ماكنت عالي
حبك ارخصته بعد ماكان غالي
كل شي برضاه منك الا الخيانه
بعدها يحرم على حبك وصالي
...... نجــلآء .......
الحمد لله ربي يحبني عزوز طلع وترك الجوال...انا ابغى اشوف مين الي ازعجه والي قالب حياتي معاه فوقاني تحتاني ..
نجلاء مسكت الجوال وشافت السجل ..وكان الرقم يتصل عليه يومياً وبكل وقت..سجلت الرقم بجوآلها ..كنت اناملها ترتجف خافت يصدق شكها ..تدعي ربهآ يخيب ضنونها...
المظيفه بصوتها المخملي: الوو؟
نجلاء تجمعت الدموع في عيونهآ مقدرت تكلم سكرت الخط..
رمت نفسهآ بالسرير وتبكي بحرآرهــ..دخل عليهآ عبدالعزيز الي تذكر جوآله وشافها بذا النظر منهآرهـ ..رح لعندهـآ
عبدالعزيز: نجلاء..نجلاء..نجلاء وش فيك؟
نجلاء: عبدالعزيز مين تكلم كل يوم
عبدالعزيز:هاه
نجلاء: من قال هاه سمع..تكلم انطق قول شي مين الي تكلمها كل يوم ..
عبدالعزيز :تشكين فيني؟
نجلاء: ليش ماشك فيك ...اعطيتك الثقه وخنتني
عبدالعزيز: ايش تخربطين أي خيانه الي تتكلمين عنها
نجلاء: انا اقولك ايش الخرابيط
سحبت جوال عبدالعزيز من الكومادينه واتصلت عليها
الموظيفه: الو هلا عبدالعزيز..الو؟ عزوز
نجلاء سكرت الخط بوجهها....
نجلاء: ماشاء الله وتدلعك بعد ..آخر شي كنت اتوقعه انك تخوني
عبدالعزيز اعطى نجلاء كف ..من قوة الكف صارت يده تعوره
نجلاء: برافوا يجي منك اكثر..انا مالي قعده معاك ولا ثانيه
عبدالعزيز: بالي مايحفظك ..آكره شي ينقال عني خاين
نجلاء: انت استاذ بالخيانه
عبدالعزيز:لا اشوف المسأله طالت وشمخت..انا بطلع وبرجع بعد نص ساعه تكونين مو هنا فاهمه
نجلاء: برررررررررررررررى اطلع
عبدالعزيز سكر باب البيت..ومسك سيارته وجلس يفتر بالشوارع مايدري وين يروح ..لمين يفضفض ..مشعل مشغول بمراجعة بنته واخوانه مو هنا...
: : :
رآحوا لمنتجع فيه مسابح وكازينوهات ومطاعم وشاليهات مرة رآيقة ..علشان انها آخر ليله قالوا راح ينامون في الشاليهات ..الطاولة الكبيرة فيها الحريم والبنات ومعاهم ضاري..ضاري مرابط مع الحريم علشان يسرق الشوف ..
العمة صيته: الي ماخذه عقلك تتهنى
ضاري: هلا..
ام مشعل: ههههههه
العمه صيته: ياولدي لي ساعه وانا اكلمك ومو معطيني وجه
ام عبدالعزيز: لا تحرجين الولد
ريآنه: اوخص والله ياضويري منت هين الدبا العنود شكلها ساحرتك
ديم: والله انك قاطه الميانه ياعمتنا
البنات ميتين ضحك ضاري تفشل ولأول مرة ..والعنود خلاص ودها لو الارض تنشق وتبلعها..
ضآري بكل جرآة: اسمعوا هالقصيده [ قطعته ريآنه]
ريآنه: اوخص وشاعر بعد والله يالعنود انك مو قليله شر قلبتي الولد 180 درجه
جود: ريانه اعقلي البنت بتموت بمكانها من الحياء
...... العنــود ......
نفسي لو معاي بف باف وارشه على البنات الي طيحوا وجهي ..كيف احط عيني بعينهم ..
ضاري: المهم اكمل لكم واعجبتني هالقصيدة والله ذكرتني بحالي وحال بعض الناس ( غمــز للعنود) <<هنا العنود راحت فيها
والحريم يضحكون ..
عهـدي بهـا قبـل تلبـس عبايـة
وأنا بعد قبل لا ألبس شماغ وعقـال
طفلين نتهجـى حـروف الهجايـة
الله ياماأجمـل سواليـف الأطفـال
كانت لنا في كـل شـارع حكايـة
وكنا نقـول علـوم ماهيـب تنقـال
وكنت أتقاسـم معاهـا مـا معايـة
من(عسكريم)التوت للعلك ابو ريال
وكانت بعكسـي شاطـرة بالقرايـة
تقراء جـزء عـم وطـه والأنفـال
وأنا لكـ الله مـن مـواري غبايـة
مدري أبو نقطه هو الذال أو الـدال
وكانت لأبوية تشتكي مـن شقايـة
وتعلمة كيف أربـط البـاب بحبـال
ياما على ظهري كسر من عصايـة
يقولي : خلك وأنـا أبـوك رجـال
وأمي تقول :أدع لولـدك بالهدايـة
خوفي تصيبة من كثر الضرب بهبال
وأنا لا شفتها من أول الدرب جايـة
مدري انا الي ملت او الدرب مال؟
أحس قلبي يرتجـف فـي حشايـة
ماكنة إلا ضيـف لا هـز فنجـال
ياما من ( السعلو )تخبـت ورايـة
لا خوفوها فية ثم شافـت ضـلال
تقـول: خلـك حبيـبـي معـايـة
وأستانس ألعب عندها دور الأبطـال
وأغار حتى مـن عيـون أصدقايـة
لا طالعوها قلت :تكفوووون ياعيـال
العمه صيته: صح لسان من كتبها
ام عبدالعزيز: هههههههه والله رهيبه ياولدي هالقصيده
ديم: كلمة روعة قليله بحقها
رندا:مين كتبها؟
ديم: ارتاحوا مو بدر بن عبدالمحسن
شوق: هههههه واحنا قلنا شي بالبدر
جود: مسكينه كل كلمة والثانية بدر بن عبدالمحسن
ديم: يالبيه بس
ريآنه تشرب العصير وتطلع صوت: اقول اسكتي انتي وياها ولا ترى بقول لضاري
العنود: ياحول صايرة تمونين
ريآنه: وجع تغارين من اختك؟
العنود: لا مو مسأله غيره بس حركتات القرعه مدري متى تعقلين؟
ريآنه:متى ماكتب ربي اعقل ابي اعقل..ولا تدرين لمن يطلع ضرس العقل
البنات ماتوا ضحك على ريآنه كعادتها فاكه الجلسه..
: : :
{ في ذاك الوقت ما أكتب ولكن احفـظ الأشعار
عشـــان اعجابها فيني يزيد ويصبـح الأكبـــر
حفظت لـ خالد الفيصل قصيدة ياغريب الدار
وديوان البـــــدر كله عشان اتعلم وابحر
ديم: بنات على طاري القصيد تعرفون بيت الشعر الي يتكلم عن خالد الفيصل وبدر بن عبدالمحسن
العنود: الله شكله خيال
شوق: لا والله ماعرفه
فيصل جالس مع الشباب كلهم على طاولة برى الشاليهات ..والبنات كانوا بالطاولة الي ورآهم وقاط اذنه عندهم وخصوصا لما تكلمت ديم..مسك فيصل الجوال ويسوي بحث وحصل لقب Demo0o0..عرف انها ديم ارسلها بلوتوث
في ذاك الوقت ما أكتب ولكن احفـظ الأشعار
عشـــان اعجابها فيني يزيد ويصبـح الأكبـــر
حفظت لـ خالد الفيصل قصيدة ياغريب الدار
وديوان البـــــدر كله عشان اتعلم وابحر
ديم استقبلت لانه كان المرسل فيصل باسمه الصريح ولما قرت القصيده تفشلت
..... ديـــم ......
يوووه ياذا الفشله لهدرجه صوتي طويل الي خلى فيصل يسمعني ويرسلي ...لحظة ياديم يمكن هو قاط اذنه معاي ..بس والله اعجبني يحب قصيد ...آهـ منك يافيصل كل يوم عن الثاني تشدني اكثر..
قطع تفكير ديم صرآخ عآدل ولد عمتهم صيته..
عآدل: مشاري مشاري ماجد طاح هناك ومايقدر يقوم
مشاري: شلون طاح؟
عادل: كنا نلعب كورة اوكي ومر من عند المسبح وينزلق (زحلط) ورجله تعورة ..
الحريم من سمعوا السالفه كلهم قاموا .. شالوا العيال ماجد وسندوهـ على السرير في الشاليه وبعدين طلعوا بعد ماتطمنوا انه مافيه شي خطير...وبقى الحريم ومشاري<<بما انه دكتور
ام عبدالعزيز:يمه تعورك؟
ماجد: ايه يمه حيل
العمه صيته الله يهداكم انتم ولعبكم احد يقرب للماء وانت جزمتك كذا على طول راح تطيح
ديم: يمه اتركيه ترى يتدلع عليك
ماجد: اقول انطمي لا يجيك بوكس
عادل: ايه بعدي ياولد خالي
ديم: والله مايعرف لكم الا ريانه انت وياه
مشاري جلس بطرف السرير يحرك رجله..دخلت شوق ومعاها شنطتها الصغيرة في ( ادواتها الطبيه هي ماتقدر تتحرك الا وهي معاها لانه دايما تحس انه راح يصير مواقف مثل كذا)
لما دخلت شوق ابتسم مشاري وقام من السرير ..جلست على السرير
ماجد:ايي شوق لاتعوريني
شوق: انا ماعورك بس ابغى اشوف وين اكثر شي يألمك
ماجد: هنا ايييييي هنا ااااهـ
شوق: ملتويه رجلك انا بلفهــآ بالشاش اوكي ولا تتحرك يعني لاتضغط عليها فاهمني
لفت الشاش على ساق ماجد ومشاري متابعها خطوة خطوة ...ولما خلصت
مشاري: يعافيك ربي يادكتورة..تراك محجوزة من اللحين
ام مشعل: هي محجوزة لك من زمان
العمه صيته: ايه والله هي لك من يوم كنتوا صغار
مشاري: هين هي محجوزة لي انتهى الموضوع برضوا انا ابيها في المستشفى حقي وعيادتهــآ جاهزهـ بس تخلص درا ساتها
شوق: عن اذنكم..
طلعت وجهها احمرر ..والبنات واقفين عند الباب قاطين اذونهم ولما طلعت مسكوها البنات وجلسوا يضحكون عليها ويتريقون على كلام مشاري...
بسم الله الرحمن الرحيم
الجـزء ][ 19 ][
: : :
امل: بنــآت فيه بوتيكـ هناك يجنن يبيع اشياء قديمه وستايلها امريكي
ريآنه: وع احنا خلينا نعرف اشيائنا القديمه الي بالجنادريه مو عاد نعرف حقات الامريكان
جود:تلايطي تراك دخلتي بالسياسه
ديم: عاد كل شي ولا ريانه اذا جت تتكلم بالسياسه
ريآنه: لاتخلوني ادخل تخصصي علوم سياسيه
العنود: ايه صح ايش تبغين تدخلين
ريآنه:طب هههههههه
شوق:ايش فيه الطب؟
ريآنه: يووه نسيت انك دكتورة كنت ابغى اشتم واسب
شوق:هههههههههه
رندا: ياغبيه ترى اليوم طلعت نتيجتك
ريآنه: ادري
جود: يابردكـ انا اللحين بروح اطلعها لك من النت
ريآنه: لا لا لا استني انا مابغى اعرف لعلمك ترى انا مقفله جوالي علشان صديقاتي مايقولون لي وقلت لآبوي واخواني محد يشوفهآ الا لمن نرجع
ديم: ياااااااااربي انواع البرود عندك ياخي نسبتك قومي تحركي
ريآنه: انا حلفت العــآلم كلهم محد يعطييني خبر
العنود:عليك تفكير غريب
ريآنه: اعجبكم مو
رندا:لا هههههههههه
امل: هذا دليل انك ماراح تجيبين نسبة زينه
ريآنه: ومن قالك
شوق: انا اقولك لانك ماذاكرتي كويس وبعدين ليش ماتبين تعرفين نسبتك؟
ريآنه: ياخبر اليوم بفلوس بكرى بيصير ببلاش وماعلي من كلامكم بتشوفون ريانه كم تجيب بس مو اللحين
رندا: ياقوووووية ..
: : :
عبدالعزيز بالسيارة ويسمع لعبدالله رويشد ساكت..صآمت..مندمج مع كلمات الآغنية
غرك كلام الناس عني وتخليت
والا انت ما صدقت تسمع اشاعة
مثلك يسامح اذا بحقه اخطيت
عمر الشجر ما ينكر جذور قاعة
أنا مو ولهان أنا دنيا من الوله محتاجك أبيك
أنا مو تعبان أنا دنيا من التعب راحتها بيديك
وأنا ناقص حب ثاني انجرح منه واعاني
الله يرضى لي عليك
بلا سبب تزعل وتجرح بالكلام
تقلب الدنيا على راسي وتروح
لا معاك ينفع عتاب ولا ملام
وين اسافر عن عذابي وين اروح
انت والدنيا يا قلبي علي
وانت غير الناس عندي وكل شي
من يقول القلب بغيرك سلى
يعلم الله مالك بقلبي شريك
لا تخاف الناس وعيون الملا
كان خايف لا تجي انا أجيك
اهجر الدنيا واخليها عشانك
منهو يستاهل لأجل ياخذ مكانكـ
دق جوآله وكآنت المظيفه (نرجس) رد عليهآ عبدالعزيز
عبدالعزيز: عاجبك اللحين خربتي بيتي وشتتيني
نرجس بفرح يملاء قلبها لآنها وصلت لمبتغآهـآ..
نرجس بحمآس:نجلاء زعلت؟
عبدالعزيز: ايه
نرجس تبغى تثيرهـ: ياقلبي ياعبدالعزيز المفروض الحرمه الي تحب زوجها ماتزعله مهما كان وماتصدق أي شي..هذا دليل انه نجلاء ماتحبك..بس انت ياحظي الي تركض وراها
عبدالعزيز: والله تبطين بس..ترى نجلاء تحبني مثل مانا احبهآ ومهما صار راح نرجع مثل اول واحسن
نرجس: ماتوقع ..وبعدين انا وين رحت؟عزوز اذا انت متضايق وحاب تفضفض اتصل علي وكلي لكـ والله..ماراح اقصر بسمع لك
عبدالعزيز: عندي نجلاء هي الي تسمع لي
نرجس: اتصل عليها وشوف ايش تسوي فيك..عبدالعزيز ليش انت عمى ماتشوف الي ميت فيك وذايب عليك
عبدالعزيز: يابنت الناس احترمي نفسك ..وتذكري انك بنت ناس وعندك اهل ..واقصري الشر وسكري الخط
نرجس: من عيوني كل شي بسويه ..بس اذا اشتقت لي اتصل علي
عبدالعزيز من غير نفس:ههههههههه من قالك اني بشتاق لك بس
نرجس: عسى هالضحكه دوم مو يوم
[ عبدالعزيز هنا تذكر نجلاء لآنه هذي كلمتهآ ..ودايماً تقولها له..]
نرجس:الوووو؟ الي ماخذ عقلك يتهنى
عبدالعزيز:وهو فيه غيرها؟
نرجس:يابختها بس
عبدالعزيز:يالله سكري الخط تراني تعبان
نرجس:ليته فيني ولا فيك
عبدالعزيز:لا حول ولا قوة الا بالله
نرجس:اوكي انا بسكر لانك صدق تعبان..وترى الدنيا ماتسوى ياعزوز ..
عبدالعزيز:طيب يالله سلام
نرجس:بآآي
{ راسها يابس وضحكتها ..جريمة
سببت بعض التصدع في الحديد
بين كل الغيد أسميها (الزعيمة)
وفي زعامتها شموخ ما يبيد
آمل: يااااااااي بنات طالعوا ذا الورد كيف يجنن شكله
فآرس: احم احم
آمل التفت بالمحل مالقت الا هي وفارس والبياع..اختفوا البنات..
امل من غير شعور: وين راحوا فيه هذولي؟
فارس:البنآت راحوا للمحل الثاني
آمل جت بتطلع بس فارس وقف عند الباب..
فآرس بصوت طويل: لوسمحت ممكن تسوي لي بوكية على ذوقك
صاحب المحل: اكيد تكرم عينك شو بدك أي نوع من الورد
فارس: الي من شوي كانت واقفه عندهم امل [ يأشر على امل]
........ آمــــــــــــل ......
ايش يبغى يسوي ذا المجنون لايكون يبغى يعطيني اياهـ ..خليني افك عمري واطلع لا يسويها ..وابتلش..
آمل: فارس ممكن شوي ابعد عن الباب ابغى اطلع
فارس: مافيه طلعه
امل خافت: آآآآ يـ ....ـش؟
فآرس:ههههههههه لا تخافين بس اصبري دقايق
آمل بخوف: مقدر بطلع لوسمحت !!
فارس: عجل شوي..
صاحب المحل: هيدي البوكيه خلص تفضلي مدآم ..
فآرس انبسط على حركة صاحب المحل [ يحسب امل زوجة فارس]
امل: مقدر اخذه اعذرني
فآرس: يعني ترديني؟
امل: لا بس افهمني ايش بقول للعالم مو حلوة والله
فآرس: قولي لهم من فارس ايش فيها
امل: صاحي انت فارس انا اتكلم من جد
فارس: بتآخذينهم ترى انا فارس لاقلت شي يصير .!![ غمز لهآ]
دفع فارس للكآشير وطلع بسرعه علشان امل ماترد البوكية..امل هنا ترددت بس اخذت البوكية ولما طلعت للبنات شهقوا كلهم
شوق: الله يجننننننننننننن
ديم: ابيه بليييييييييييز
رندا: حدهآ خطيرة من وين لك اعترفي
امل: هاااااااااااه اممم لا بس اعجبتني وماقدرت اقاوم تعرفوني نقطة ضعفي الورد
شوق: ايه صادقه انتي نقطة ضعفك الورد
العنود: يخقق ذا الورد تكفون ابي اعطيني اياه امل يادبه
ريآنه:قولي لروميو يشتري لك
ديم: والله لو كنت مخطوبة يالعنود الا اجنن في خطيبي كل يوم يصبحني بورد ويمسيني بورد
ريآنه: على كذا يبغى لك واحد عنده مشتل ورد ولا بيخسر فلوسه
البنآت:ههههههههههههه
: : :
{ من كثر ما أحبهـ ,,
أشوف رايهـ .. لو بـ الغلط .. معقول ..
أوافقهـ إن المربع .. دائري .. !
و (( إبن سينا )) ..
[ جاهل و مهبول ] !
جود: ضاري تخيل امل تقهر العنود في بوكية ورد ..
ضاري: اقول امل اعطي العنود الورد
امل: لا آسفة الورد حقي
ضاري: ولا يهمك ياحرم ضاري دقايق وراح يكون عندك اجمل بوكية ورد لاجمل عنود
ديم: ياخونا في الله ترى احنا لسى عزابيات
البنات:ههههههههههههه
العنود: ضاري
ضاري: عيونه
العنود:ترى امزح مايحتاج ورد
ضاري: اقول لا تخليني اتهور واروح اجيب لك ورد من هولندا
العنود:مابي اكلف عليك
ضاري: لاتقولين ذا الحكي والله لو بيدي اجيب لك بساتين مو بس باقه
العنود بصوت قصير:تسلم لي
جود: تعالي يادبه ايش قالك ضروي الدب
العنود: ياقليلات الحياء اذا كبرتوا وانخطبتوا اقولكم
رندا:متى ياااااااااااااااارب
: : :
{ وأتحلـّى بـ صفـآت آللي حيـآتهـ في سعـآدهـ
والسعـآدهـ حظ غيري وآلن?آدهـ حصتـي
ومن سـآلني قلت طيب في ثقـهـ يعني ر?آدهـ
والر?ـآدهـ تحتهـآ موت يزلزل همـّتي
قلت بصبر وآلعزآ أن آلصبر نـوع من آلعبـآدهـ
وآلعبـآدهـ غـآيهـ للمسلمين وغـآيهـ لي !!
نجــلآء: لا والله بس عبدالعزيز مسافر وجلست في بيتكم
ابو عادل: بس يايبه مايصير لحالك بالبيت روحي لمشعل
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك