رواية والله احبك لو على رقبتي سيف -2
سكت ويلست اطالع امايه وابوويه وهم ينغزوني
سيف: صبحكم الله بالخير
الكل ما عدا انا: صبحك الله بالنور
بو مروى: يلس ولدي تريق
سيف: لا عمي ما ابا ازعجكم
بو مروى وهو يطالع بنته: افاا يا سيافي وهذا وانت شرات المرحوم ولدي وتقول جي يالله يلس واتريق
،،
ما كان لي خاطر ايلس في مكان مروى فيه بس يلست عشان خاطر عمي وتريقت نشت خالتيه ونشت وراها مروى
في غرفه ام مروى وابوها
مروى: ماماتي بلاكم عليه ما قلت ششي
ام مروى: انتي ما تدرين سيف ليش مب راقد
مروى: لا هو نزلني و من عقبها ما ادري شو صار
ام مروى: وين رقدتي
مروى: في السياره
ام مروى: من نزلج من السياره وحطج في غرفتج
مروى: آ........ وسكت ويلست اطالع الوالده
ام مروى: محد لان الكل كان راقد وما حسينا فيج لا انا وابوج ولا الخدم وسيف ما مد ايده عليج وخلاج راقده
وهو تم يالس برا السياره في البرد لين ساعه 5 ونص فتح ابوج الباب وشافه
سكت ولا رمت انطق بكلمه
معقوله انا ظلمت سيف معقوله سيف يسوي جي عشاني انااا
مروى: انزين انا ما قلت له يلس برا السياره في البرد
ام مروى: استغفر الله راسج يابس انتي خافي ربج في ولد عمج ترا اسلوبج مب حلوو وياه
ونشت عني الوالده وراحت عندهم تحت ولحقتها ويلست وياهم
وكان شكل سيف امبين عليه التعب بس كان عادي يسولف ويضحك واصلا انا مب هامني سيف لانه يكرهني مثل ما اكرهه
يلست عدال ماماتي وسيف مجابلني ولا قدرت احط عيني في عينه وهو يرمس ويسولف وكل ما طاحت عينه في عيني حسيته يتكدر ويتضايج
حسيت انه كل ما شافني ضاجت عليه الدنيا
يا ربي اشكثر اعاني من هالانسان وايد باغضني اوفففف
ششوووي الا يرن الفووون
وجودي والعدم واحد على قلبك وفي بالك
وجودي عادي فعينك وهذا ما تبينته
اباركلك اذا هذا قرارك يا هنيالك
ابركلك على همي وهجر منك انا شفته
تبين ما توقعته بعادي صار يحلالك
وخطواتك بدت تقصر ودرب الهجر شرعته
وانا قاعده ادور الفووون
ام مروى: مروى بلاج !!
مروى: فوني وييين
سيف: ههه هذا فوني يالشيخه
بو مروى: بعد شرات الرنه
مروى وسيف يطالعون وفي عيونهم الشرار خخخ
ورد سيف ع الفوون وطلع براا يرمس
سيف: هلا وغلا ملاييين ولا يسدن في ذمتيه ^^
وانا قاعد ارمس ع الفون كانت مروى وراي وما حسيت ابها ابد
سيف: ههههه هيييه غلايه .... آكيييييييد ليش لا .......... من عيوووني ^^ ........ آنا الحين بيت عمي ............... والله ........... اوك عيل نترقبكم ................. يالله تحمل بعمرك ......... فمآن الله
سكرت الفون والتفت الا اشوف مروى وراي واطالعني بـ كبريااااء
سيف: يا كرهي لج
مروى: مالت عليك
سيف: اييييييييييه احترمي نفسج
مروى: محترمه نفسي قبل ما اشوفك
لين هنيييه وخلاص عصبت منها كنت شوي وبعطيها كف محترم ما حست الا عبدالله اخوي واقف بيناااا
عبدالله: انتوو لحد الحين مناقر عنبووه استحوو ع ويوهكم انتي اشطولج وعرضج بعدج مامااه وبابااه اليهال ما يزقرونهم جي الحينه
سيف: ههههههههههههههههههههه
صد عبدالله صوب سيف
عبدالله: وانت بلحيتك و بطولك يالس تناقر الحريم
طلعت له مروى لسانها وتغايضه
عبدالله: يالله بعقل لو رمست من اليوم لين باجر ماشي فايده ><..
شوي الا يسمعوون صوت واحد
سلطان: هلا وغلا بالمزاييييييييييييييييييييييين
مروى شاااقه الحلج: اهليييييييييييييييييييييين سلطووووووووووووني
سيف رافع واحد من حياته: شو سلطوني بعد ايييه بنت عن هالحركات الماصخه هذا مب اخوج ولا ريلج تزقرينه جي
مروى: كيييييييفي اناااا حره انت مالك دخل فيــــــــــــــــه >> وهي تمد الرمسه
>> سلطان <<
ولد عم سيف + مروى
سلطان ياخذ من سيف بس سلطان احلى عن سيف بـ شوي و اصغر عن سيف ،، سلطان عمره 22 سنه والبنات ميتات عليه وهو لعاب و مروى متخبله به و هو 24 ساعه يتغزل فيهاا وسيف يعرف انه لعاب وخايف يجرح مروى ،،
عبدالله: والله احلويتي عيوز النار
مروى: كح كح فديتني >> شويى الا وانتبه
عبدالله: هههههه
مروى: عيووووز النار في عينك ،، مب منك من هاليربوووع >> وكانت تأشر على سيف
سيف: انا يربوع ويا راسج
مروى: هييييه يربوع و صفرد بعد
بوو مروى: اوهووو انتوو من صباح الله خير ومناقر
ام مروى: اشوا انكم مب معرسين ولا من اول يوم وانتوو تضاربون
مروى: وع قلووو الشباب اخذ سيفووهـ
سيف: جب ازقري الريايييل بـ آساميهم
مروى وهي تغايضه: سيفوووووووووووووووووهـ
سيف وهو يطالعها بنص عينه: ياهل ما الومج
مروى: ياهل ولا شيييييييييييييييييييييبه يالشيييييييييبه
سلطان: ههههههههههههههههههههههههه يا البيييييييييييييه يا البييييييييييييييييييييييه
مروى: ههههههه مدييييييييييمه سلطون
سلطان: وياج يا الب سلطون
مروى وهي تغايض سيف: اميييييييييييييييييييييين ^ *
سيف: الحمدلله والشكر ترا يمدحونه العقل
ونش عنهم سيف
~ْ~
ياخواني هالمروى بترفع لي الضغط
مره ما عندها اسلوب السباله ><"
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
فِي أمورْ كثيرَه مِنك
. . . . . . . . . . { مضايقتنِي ،
و أنـآ سآكتْ . . >
. . . . لَجل ما n5sar بعضنآ !
كِنت أحَاول لجلْ مآ [ أبعدكْ عَني . . ؛
’’ . . ، و انتَه بعنآدكْ كذآ تنهِي أملنـآ . –
يامـآ في حبكْ أنآ < أحسَنت ظنِي ‘ـ
و مابغِي أحسْ إن أنآ و قلبي
. . . . . . . . . . . . <- - اندفعنـآ
انتَه آخر شخصْ
. . . . . . . حسيتَه يخذلنِي : ‘
و للأسفْ منكْ أنآ و قلبيْ
. . . . – { ‘ ا ن خ د ع ن ا ’ } . –
نش عنهم سيف وطلع خاري
عبدالله: هااا السيافي على وين
سيف: بروح ويا الربع
سلطان: وين بتروحون
سيف: المول ^^
سلطان: احم احم رشود بيروح وياكم
سيف: هيييه
سلطان: عيل انا بروح وياكم
سيف: عن تفضحنا عيل
سلطان: لا لا ما بسوي شي بتم ساكت حليلي
سيف: اشك والله
عبدالله: الا بتلقى البنات وراك يا سلطان
مروى: امره بالخيزرانه املخهن
سيف وهو يضحك بسخريه: هههه يملخهن هع الا يباها من الله
سلطان وهو شاق الحلج: احم فديتني شو اسوي يوم اني وسيييم
سيف: مالت ياربي قم قم جانك بتروح ويانا
سلطان: تو كي
سيف: !!! وشوو هذي بعد تو كي
مروى: هههههههههههههه سلطان ,,, سيف هب مطور شراتك ههههههههههههه
سلطان: ههههههههههههههههه حبيبي تو كي يعني اوكي
سيف: وشو هالرمسه الماصخه بعد امحرفين الرمسه
عبدالله وهو ساكت ويتسمعهم ويشرب شاي
سيف: وانت قول شي
عبدالله: والله الرمسه ما منها فايد وياكم يهااال والله
سيف وهو يطالع مروى و مروى عاطتنه الظهر وتسولف ويا سلطان وطلع عنهم
سلطان: اووووه هذا دقها خيانه فيه
مروى: تم ويانااا سلطان مب لازم تروح وياهم
سلطان: ياخي سيره المولات احم تعرفين يعني
مروى: الله يخسك ما تيوز
سلطان: شو اسوي يوم هن يربعن ورايه ولا انا مول هب حافلنهن
مروى: زين تسوي
سلطان: جي اروح لهن وعندي الغرشوبه
مروى: احم
سلطان: ههههههه يالله انا بطلع تامريني بحايه
مروى: سلامتك
سلطان: الله يسلمج ويسلم غاليج ومغليج >> وغمز لها
وطلع سلطان عنهم
عبدالله: تراني هنييه
مروى: اويه عبود
عبدالله: عبود فـ عيييييييييييييينج :@
مروى: هههههههههههههه بلاها عيني فديتني ههههه
عبدالله: تعالي تعالي
مروى: شوو !!
عبدالله: تراج وايد ماخذه راحتج ويا هالدلخ
مروى: من سيف ..!*
عبدالله رافع واحد من حياته: الحين سيف دلخ في عينج !!
مروى: هههههه عيل من سلطان!!
عبدالله: وحد غيره!!
مروى: ممم انزين شو فيهااا!!
عبدالله: لا سلامتج ما فيها شي بس خلي عمي ايي هنييه
مروى: لا والله تهدد شووو
عبدالله: حشى عليه ما هددت ولا شي بس اصطلبي يا مروى تراج عوده هب صغيره
مروى وهي ماده البوز: اوووفففف انزيييييييييييييييين
عبدالله: ههههههه انتي وهالبوز لج ^^
مروى: احلى عن بوزك تقول حد ضاربنك بـ تاوه
عبدالله: هههههههههههههه مطول لسانج
مروى وهي ادلع له: شو حارنك
عبدالله: هههههه انزين عيوز النار انا بطلع الحين
مروى: وبتخلوني روحي هوووون
عبدالله: دومج روحج هوووووووون >> يقلدها من قال هوون
مروى: مشين الدلع ع الشباب خخ
عبدالله: ههههههه انزين انا بروح الحين
مروى: لا لا لا :( بروح وياك
عبدالله: ؟؟؟؟ وين ان شاء الله ؟؟؟؟
مروى: وصلني بيتكم عند خواتك بتم وياهن اقضي وقتي شوي =)
عبدالله وهو يأشر ع عيونه: من عيني هذي قبل هذي
مروى: احم
عبدالله: يالله سيري خبري عمي وتلبسي اترياج في السياره
مروى: تو كي
عبدالله وهو يهز راسه: هههههههه يالله تعينا بخير ^^
سارت مروى وخبرت ابوها انها بتروح ويا عبدالله وامها سوت لها محاضره وتوصيها وهيه تهز راسها الا عسب تسكتها خخخخ
طلعت مروى من الفله وعبدالله كان حاط ايده ع السكان ويغني وايبس ومن صد صوب الفله شاف مروه تم ساكت ويطالعها !!
احم
كانت لابسه تنوره حرير باللون البني + مكسور اللون باللون الاخضر و القميص بني و لابسه عباه مفتوحه فيها خطين باللون البني والاخضر ولابسه كعب >> ما تزداد وهي طويله
المهم
ولابسه نظاره شمسيه بنيه و شنطه بنيه وميك آب خفيف باللون البني + الاخضر
ردينا صوب عبدالله
عبدالله: يلعنننننن ابوو ....................... وسكت
وتم يطالعها لين وصلت السياره
عبدالله بعده امبهت ولا تحرك
مروى بصوت عالي: عبووووووووووووووووووووود
رفع راسه عبدالله
عبدالله: الله ياخذه قولي امين
مروى: هههههههههههههههه ليش تدعي ع عمرك
عبدالله: لاني وافقت اشل وحده ياهل وياي
مروى: فديتني والله
عبدالله: ^^ الا بلاها الحلوه كاشخه عشاني صح
مروى: كح كح يلا مناك عشان بنطلع انا وخواتك نتمشى شوي
عبدالله: آهـآآ زين والله
ورد عدل يلسته وحرك السياره والبهووو
البهو ~> يعني روحوو البيت وهيك يعني
احم
عبدالله ما عرفتكم عليه
عبدالله اخو سيف اكبر منه وعمره 25 ويشتغل في التحريات له هيبه ويفرض وجوده واحترامه، مب معرس ولا يفكر يعرس يشبه سيف شوي ويعتبر مروى شرات اخته الصغيره =)
مروى كانت تغني وتلعب بـ سلسله اللي ع رقبتها شافها عبدالله وابتسم
عبدالله: منوو S ^^ ..!!
مروى: !!!!!
عبدالله: هههه السلسله
مروى: هيييه السلسله ^^ محد خخ
عبدالله: عيل ليش حاطنها هاااااه
مروى: هههههه لا عسب ربيعتيه
عبدالله: اشوف صاروخ طالع من فوق راسج
مروى وهي ماده البوز: شو قصدك
عبدالله: يعني جذابه خخخخخ
مروى: اووه جذابه لـ عمري عبود يوز خلني
عبدالله: ههههه ان شاء الله ماماه هههههههه
مروى: ماماه في عينك ياربي
وتم عبدالله فاطس عليها من الضحك
دقايق الا وهم واصلين بيت بو عبدالله
كــآت
السموحه النت يستلعن وياي ><
شسمه
توقعاتكم شو بيصير فـ بيت بو عبدالله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاهَدْ الله مـٍآآ نٍسًيتٌڪ دقيٍقُه ,,, حتًى بَمٍنآآمِي تـُزورنٍي بڪَل الأحَلاآآم
مآآ هًي قصِيده هَآآذي والله الحَقيِقه ,,, مآآلڪُ خَفٌوقِي وهـَآآيٍم بِحُيك أهِيآآم
وًدِي بشٍوفُـڪ مآآ تَـهم آآلَطريــقُه ,,, لـــو يحًڪمونِي مٍن بعَـد شُـوفك إعًدآآم
عــَـآآيش وًقلبِي تًشُتعل بٍــه حًريِقه ,,, واليوُم يًمضٍي فِي غَيآآبڪ شًرآآ العَآآآم
يَڪِفي جِفآآ هَذآآ الهُجر مآآا أطِيًقه .. أٍرفِق بِحًآآآلي كَآآن فِي دِينڪ أِسِلآآم
غًرقتِنٍي بٌلـــج البحُور الغريٍقه ... وأنآآ بِـــزمآآنِي ڪُنت شًـــآآآطِر و عًــــوآآآم
سًلبتِني بَزيِن الُوصُـــوف الرقًيٍقه .. وحًس رَهِيف يًدعِي الصَآآحِي يِنـــآآام
ذِيڪ اليٍدآآيل لـِي عًلى مَتُنك طليِقه .. يًلعَب بِهآآ ريِح الَهبآآيب والأنًسًام
وخَدنٍ شَعِيل مآآ يُوقف بَريقَه .. وعُيُون تَرمِي مِن لحًظها بالإسٍهـَـآآآم
عَآآشق وُروحِي فِي وِدآآدڪ عَشِيقه .. جآآري بشِراينِي وَسًآآكِن بالعِظآآم
أرجًع دخِيلــڪ مَغرمِڪ جَف ريقِه .. مُدرڪ عَليِه المُــــوت ويِعِد الأَيــــآآآآم
دقايق الا وهم واصلين بيت بو عبدالله
حدر سيف غرفته وسار الحمام وانتو بكرامه وخذ له شاور عسب بيطلع ويا الربع ،،
وقف سيف والماي ينزل ع ويهه وهو حاط راسه ع الايدار ويذكر اسلوب مروى وياه واسلوبها ويا
سلطان
مليون فكره في راسه
سيف: آآآآآآه لين متى
سكر الماي وتنشف وطلع وهو حاط الفوطه وشعره مبلول بالماي
كان يمشي يبا صوب غرفته وعند اللفه في آخر الممر كانت مروى يايه ووو شوي الا هي تدعمه وضربت راسها ع صدره
مروى تمت فاجه عيونها وما عرفت شو تقول اول مره تشوفه جي استحت وسيف كان يطالعها وابتسم ^^
سيف: اثرج تعرفين الحيا
رفعت راسها اطالعه عقب صدت وهي ساكته
سيف وهو حاب يطفر ابها: هههههههه مسرع ما ولهتي عليه ^^ توني راد من عندكم
مروى تبا ترد عليه بس مب قادره وتمت ساكته
حس سيف انها انحرجت وهيك
سيف: يالله عيل بروح غرفتي انا
وخطف عنها وسار غرفته وسكر الباب ع عمره وهو يذكر شكلها وهي مستحيه
سيف: هههههه حلاتها وهي مستحيه ^^
لبس الملابس وكان حاط الغتره ع جتفه وطلع من الغرفه وهو يعدل عقم كندورته
Stop
قبل ما يطلع سيف من غرفته نروح صوب مروى ^^
من خطف عنها سيف ومروى قلبها يدق و يدق و يدق اقوى شي
وكانت زايغه اول سبب كان وايد قريب منها وثانيا كان طالع مسبح ماشي عليه الا فوطه :S >> احراج اقوى شي صح هههههههه
ربعت صوب غرفه غاليه اخت سيف
مروى وهي تتنفس بسرعه سكرت الباب بقوووو : هلا
غاليه: بسم الله الرحمن الرحيم >< بلاج روعتيني
مروى: .......... لا رد
غاليه اطالعها: مراوي بلاج حبيبي
مروى: لا لا ولا شي
غاليه تقربت منها : شي يعورج غلايه >> وحطت ايدها ع ويهااا
وكانت حاااااااااااااااااره
غاليه: اويييييييييييييييييه حاره بلاج!! محمومه
مروى: لا ماشي مااااااااااااااااشي
غاليه: والله ان شي فيج هب طبيعيه
مروى: =( اخوج زيغني
غاليه: !!!! من !!!!
مروى: سيافي
غاليه: هههههههههههههههههههههه انتو الاثنين ما تيوزون عن حركاتكم
مروى: :(
غاليه: اديت الزعلان ^^ خبريني شو سوا بج
مروى: شسمه .... وسكتت
غاليه: وشو يسمونه ههههههه
مروى: سخيييييفه ><
غاليه: هههههههههه شراتكووو ^ *
مروى: ><
غاليه: يالله قولي شو سواا بج!!
مروى: كنت يايه ........... وصوب الممر ............................ عند اخر لفه .................................. وسيف كان .............................. ودعمته وهو ................................ ضرب راسي ع صدره و................................ :(
هذا كل اللي صار
غاليه: ههههههههههههههههههههههههههههههههههههههه
مروى: =( تضحكين هاااه )=
غاليه: وانا اقول بلاها البنت صايره حمراااا ههههههههه
مروى: والله اول مره اشوفه جي
غاليه: حصل خير حبيبتي
مروى: =(
غاليه: بس عاد ما يسوى والله عليج
مروى: قلبي والله شوي وبيطلع من مكانه
غاليه: هههههههههههههههه حشى هب سيف يني
مروى: هههههههههههههههههه
غاليه: يا البيييييييييييه ع الضحكه ^^ مديمه حبيبتي
مروى: وياج يا روح البي
غاليه: اميييييييين ياربي ههههههههه
مروى: الا تعالي وينها الدبه هنادي
غاليه: هنادي عند ربيعتها راحت ^^
مروى: ><
غاليه: بلاج!!!
مروى: كنا بنطلع انا وانتي وهنادي =(
غاليه: وانا ما اكفي يعني
مروى: الا تكفييين حبيبه البي
غاليه: هههه عيل يالله براا بتلبس
مروى: تو كي اترياج تحت في الصاله
غاليه: تو كي
اوصف لكم غاليه
غاليه كبر مروى عمرها 20 ومحترمه و رزينه وتاخذ من سيف وااااايد وطويله طول مروى تقريبا وعيونها كبار
نكمل صوب مروى
طلعت مروى من عند غاليه و في نفس الوقت طلع سيف من غرفته وهو حاط الغتره ع جتفه ويعدل العقم وتلاقووو
سكتت عنه مروى وكملت سيرها
سيف وهو يضحك عليها: اونج لين الحين مستحيه
مروى ما ردت عليه وكلمت سيرها
سيف: عيوز النار
مروى: حرمتك عيوز النار
سيف: هههههه يعني انتي
مروى من الضيجه ما عرفت شو تقول له تمت ساكته وهو يضحك عليها شوي ورمست مروى
مروى: اكررررررهك
سيف وهو مبتسم: شعور متبادل ^ *
عصبت مروى وراحت الصاله تتريا غاليه
وطلع سيف من البيت
واتصل له ربيعه
***: هاا بو الشباب وينك
سيف: توني طالع من البيت
***: سيف بلاك !!!
سيف: ماشي ^^
***: سيف عليه !!
سيف: آآآآه يا حمدان آآآه
حمدآن: دامها آآه اكيد السالفه فيها بنت
سيف: هههههههههههههههههههه جب جب تعرفني مب مال هالسوالف
حمدآن: ههههههههه ادري بك مب مال هالسوالف بس احساس واحساسي ما يخيب ~
سيف: لا احساسك هالمره خايب =)
حمدآن: ويعني ما بتخاويناا !!
سيف: لا والله ما اقدر =(
حمدآن: عيل انا هب ساير عندهم
سيف: لا سير وياهم عادي
حمدآن: اذا انت مب ساير انا هب ساير بعد
سيف: حمدآن سير انت انا والله مالي بارض
حمدآن: انت وين الحين
سيف: رايح العزبه
حمدآن: عيل ياينك
سيف: حمدان
وسكر حمدان فـ ويهه
سيف: دفنه في ويهي الهرم هههه فديته ^^
وصل سيف العزبه ونزل من السياره وسار وراء العزبه ويلس فوق العرقوب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يحّز بخَآطَريٌ إنّيٌ بعّتَ آلكوَنْ ( ل ِعّينْ إنْسآنْ )
............... . . . يحآوَلّ قدْ مآ يقدر إنّه بس . . يبكَينْيٌ : ( !
وصل سيف العزبه ونزل من السياره وسار وراء العزبه ويلس فوق العرقوب
بوصف لكم العزبه كيف
يتبع ,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك