رواية اشتقت لك لين صارت بي منك لمحات -24
عبدالعزيز: مسـآء الخير
نجلاء رفعت رآسه ..شآفت عبدالعزيز انصدمت ..عيونهآ دمعت ..مسكت شنطتهآ وحركت الكرسي وقآمت .. عبدالعزيز مسك يدينهآ
نجلاء: اتركني لو سمحت
عبدالعزيز:ماراح اتركك لو ايش ماتسوين ..نجلاء حبيبتي ابيك تسمعيني ...
نجلاء: مابي اسمع كذب
عبدالعزيز:وانا قد كذبت عليك ..وربي ماعمري قلت لك الا كل شي صحيح ...صدقني نجلاء..
نجلاء جلست ..
عبدالعزيز: قبل كل شي ايش حآبه تشربين
نجلاء: مابي شي
عبدالعزيز: ايكسكيوزمي ... 1 قهوة و1 عصير فرآولة بالحليب
القرسون: بالحليب؟
عبدالعزيز: ايه حبيــبتي ماتشرب الفرآولة الا بالحليب ..
ابتسم القرسون وطلع ..
عبدالعزيز طلع جوآله وجلس يتصل
نجلاء طايرهـ عيونهآ ..[ يكلم بعد ..هذا يبي يذبحني ولا ايش ناوي ]
رن جوآل نجلاء طلعته وكآن رقم غريب ..سوت له رفض ..!!
عبدالعزيز: ليش اعطيتيني مشغول؟
نجلاء: كيف ؟ هذا مو رقمك؟
عبدالعزيز: الا رقمي وغيرته
نجلاء: غيرته؟
عبدالعزيز: ايه لجل عين تكرم مدينه
نجلاء: والي اسمها نرجس!!
عبدالعزيز: هذي سالفتها سالفة..حبيبتي اسمعني (مسكـ يدينهـآ وجلس يطآلع لعيونهآ الي مليآنه دموع)
عبدالعزيز: الي اسمها نرجس هذي فيهآ مرض نفسي ( انفصآم
بالشخصيه) يعني احنا نعطيهآ على قد عقلهآ ..مسكينه وربي لو
تشوفينهآ ترحمينهآ هي حبوبه وش حليلها بس المرض لعب فيهآ
..وكلنا نعآملها معآمله خآصه تعآطفآ معهآ ..مو اكثر من كذا
..حاولت فيني بس انا مطنشهآ لعلمكـ يالغلا ترى هي تعرفك زين
وكل الي معآي يعرفونك من كثر ماتكلم فيك حتى يسموني كآبتن روميو ..!!
نجلاء: طيب ليش ماقلت لي انه عندكم هذي فيها مرض؟
عبدالعزيز: انتي تشوفين كيف انا مضغوط والرحلات الشهر الي
فات كيف كلها صارت علي ..وماجاء الوقت المنآسب..ولعلمك ترى
كل ماتصلت اسكرهآ بوجهها ..واللحين هي بدت تيأس
مني..حبيبتي لا تقارنيين عمرك في وحده مثل كذا ..انتي
مستحيل احد يشبهك يعني انا عيوني عليك انتي بس ماراح
اطالع لغيرك ... يعني عندي القمر ليش اطآلع في النجوم الي حوله !!
نجلاء: طيب وبعدين اذا رجعت تتصل عليك..
عبدالعزيز: خليها تتصل محد راح يرد عليها غيرك انتي
نجلاء: وبالشغل لما تصير معاك بنفس الرحله ؟
عبدالعزيز: انا مو لوحدي بالطيارة معاي ملاحيين وكابتن ثاني وماتجراء تعمل اي شي ..!!
نجلاء سكتت ونزلت رآسهآ ...مد عبد العزيز يدهـ رفع رآسهآ بيدهـ
عبدالعزيز: واللحين اقدر اخذ حبيبتي ونرجع لبيتنآ ؟
نجلاء هزت رآسها ..
عبدالعزيز: ايه صح نسيت
نجلآء: ايش ؟
عبدالعزيز طلع من جيب ثوبه علبه وفتحهآ وطلع خآتم مآس فيه ثلاث فصوص باللون الازرق والاخضر والأحمر جنب بعض مرررة نآعم وشيكـ ..!!
دخل الخآتم بيد نجلآء وبآس يدهـآ ..
نجـلآء : الله مرة ذوق تسلم ياقلبي
عبدالعزيز: من زمآن عن ذا الكلآم الحلو
نجلآء : والكلام الحلو ماينقأل الا للحلو
عبدالعزيز: تكفين خلينآ نروح للبيت
نجلاء:ههههههه فشلة خلنا نتشكر من مشعل وعبير
عبدالعزيز: نتصل عليهم
نجلاء: مجنون انت؟
عبدالعزيز: والي يشوفك قبآله راح يكون صآحي؟
نجلاء: عساني مانحرم منك يالغالي
عبدالعزيز: ولامنكـ ياحلى مآخلق ربي
مسك يد نجلاء وطلعوا
مشعل: مبروكـ ياعزوز
عبير: باست نجلاء مبروكـ ياقلبي ..
/
{ هـذاك لـو قـال الشتـاء صيــف | عـرقـّـت |
ولـو قـال صيفـي بـرد : شبيـّـت : نــاري !
ديم: ايوهـ وايش بعد
رندآ: بس هذا كل شي صآر
ديم: ياخطيرة من جد موقف يفشل كيف لو كآن معي كآن متت من الفشله
رندآ: لا وزيآدة على كذا دآخله عليهم بكل ثقه ودلع
ديم:ههههههههه توحفه منظرك
رندا:لحظة ديم بفتح باب الغرفه
رندا: هلا فيصل حزر فزر مين جآلسة اكلم؟
فيصل: قمــرآي !!
رندا: اخس تسمعين ياديم ايش يقول ..
ديم هنآ رآحت فيهــآ ..
فيصل: رندوش حبيبتي ايش رآيك تسمعين هذي الاغنيه
شغل الاغنية
رندا: هذي لي اكيد؟
فيصل: اللبيب بالاشارة يفهم ..!!
فيصل يهمس لرندآ ( تكفين رندوش شغلي المآيك)
رندآ اشرت لفيصل بمعنى ( آوكي ) [/color][شغلت المآيكـ]
رندا: الو ديم
ديم: معآك..
رندا: وش رآيكـ في الاغنية؟
ديم: فيصل عندك؟
رندا غمزت لفيصل: لآ طلع ..هاه وش رآيك
ديم: رندآ من جد تراني خقيت من سمعت صوته !!
رندا:ههههههههه
فيصل مسكـ الجوآل بيدينه
ديم: دخلت جو مع الاغنية وكأنه فيصل الي كآتبها
رندآ:ههههههههههههههههه
ديم:وانتي كل كلمة والثانية تضحكين وش فيك؟
رندا: بس فيصل يقول لك انه يحبكـ
ديم: كيف يعني لا تقولين مشغله المآيك!!
رندا: ايه
ديم سكرت الخط
فيصل قآم من الكنبه: يؤ لا يكون زعلت
رندآ : ديم لو زعلت زعلها مايطول عن 5 دقآيق
فيصل سند نفسه: اووووهـ ريحتيني
رندآ: لذي الدرجة خآيف على زعلهآ
فيصل: مو قلت لكـ ديم قمــرآي ليش ماخآف على زعلهآ ..
رندآ: قل آمين عسى ربي يرزقني بوآحد بربع رومآنسيتك
فيصل غمز لهآ : لا يبي يجيك وآحد يصلح لك بنفس غرورك ..اسمعي انا بطلع اتصلي على ديم ورآضيها واذا مارضت ارسلي مسج علشآن اشوف ايش رآح اسوي
رندآ : من قدكـ ياديم
فيصل ابتسم وطلع
بسم الله الرحمن الرحيم
البآرت ][ 25 ][
: : :
{ هـــذا أنــا
وذاك إنـــت
لا تـــقــدر تـجــيــنــي
ولا أقـــدر أوصــــلك ..!!
السآعة 10 آلصبح على طآولة الفطور ..
آم عبدالعزيز: وش عند بنتي جود صآحيه بدري؟
جود: والله مدري يايمة من امس عجزت انوم .. مع اني نعسانه
آم عبدالعزيز: لايكون صايبك آرق
جود وهي تشرب الشآي: شكلي كذآ
فآرس وهو نآزل من الدرج ..
فآرس بآس رآس امه : صبحهآ الله بالخير
آم عبدالعزيز: الله يصبحك بالنور والسرور..وش عندكم انتم الاثنين صاحين من الصبح ماهي العآده؟ النآس عطلة وماتصحى الا وجه المغرب؟
فآرس: يمه نسيتي ان اليوم رآح يجي طآرق
جــود فز قلبهآ من سمعت آسم طآرق ..!!
آم عبدالعزيز: ايه صح اليوم ..!! قرة عينك يافآرس واخيرا جآء طــآرق ياكم تمنيت رجعته ..
فآرس وهو يآخذ التوست : أي والله تذكرين لما سآفر ايش عملت .. شوي ولا بموت
آم عبدالعزيز : بسم الله عليكـ
جــود وهي تشرب الشآي: طيب متى يوصل؟
فآرس: بعد نص سآعه بروح للمطآر استقبله
آم عبدالعزيز: بروح اتصل على عبير
فآرس: لا يمه لاتخربين الموضوع .. احنا مسويها مفأجآة لآهله ..
آم عبدالعزيز: الله يوصلهـ بالسلآمه يآرب ..
جود : يآقلبي كيف فرحة امه فيه ..
آم عبدالعزيز: بتطير من الفرحه من سآفر وهي تسولف لنا برجعته
جود: الله يخليه لهآ ..ولايحرمهآ من شوفته
فآرس: اشوفكم على خير تأخرت على طروق الدب
...... جـــــود .....
يآقلبي المسكين .. هذا الي تحبه وصل لآرضكـ .. بس مآتقدر توصلهـ ..!! فآرس رآح يقابل الشآمخ الله يآدنيا الله يصبر قلبي
/
آمل: يالله من يصدق بعد اسبوع زوآج العنود وضآري
شوق: شفتي كيف اللحين انواع الفله
آمل: تصدقين كنت متوقعه من زمآن ان العنود لضآري
شوق : ايه ضآري يحبهآآ بشكل ماتتصورين..عسى ربي يوفقهم
آمل: وبعدهآ بثلآث آسابيع زوآج ديم
شوق: بس مآ ملكوا
آمل: هههههههه رندا تقول ان فيصل مستعجل يقول يبي الملكه والعرس بيوم وآحد ..!
شوق: آهــــــــآآآ غريبه يعني ماراح يسون حفلة ملكة؟
آمل: لا لآنه فيصل يبي كل شي بسرعه ويقول لما نسوي حفلة ملكة العالم تبرد يعني ماراح
شوق: الله يكفيهم الشر والعين ..!!
/
{ ويسألوني / تحبينه ؟!
وأرد / يا خبلكم !!
حتى سميّه من " البزآرين " أحبّه !
ام فيصل: طيب خلاص اخذيه مرة حلو
رندآ: بس يمه كآن لونه فآتح
ام فيصل: بالعكس مآشي مع فستآنكـ
رندآ : اوكي بآخذ الروج شورك وهدآية الله
ام فيصل: يالله خلينا نصعد فوق للمطآعم علشان نتعشى
رندآ: يمه انتي اليوم كذآ !!
ام فيصل:ههههههههههه
رندآ : ايش نفسك تتعشين؟
ام فيصل: اطلبي لي أي شي
رندآ : على زوئي !!ههههه
ام فيصل: على ذوقكـ هههه
رنــدآ وقفت عند المطعم المكسيكي ...لآنها تحب الاكلآت المكسيكيه ..وهي وآقفه تطلب كآن واقف جنبهآ بزر يهبل شكلــــه ..
رندآ : ايش اسمكـ ياحلو؟
البزر: اسمي سعود
رندآ خقت عندهـ ...
رندآ : تعال خذ دوري
البزر: بس انتي قبلي
رندآ: تبي دوري لازم شرط
البزر: وشو؟
رندآ: ممكن ابوسكـ ؟
البزر استحى وقرب لهآ
رندآ بــآسته
رندآ: انت حلو ياسعود تدري؟
سعود: شكرآ
رندآ: عفوآ ياســعود ..
سعود البزر ابتســـم لهآ ...
أبي حبك معي يكبر
وأبي اهواك أنا اكثر
وأبي اهديك أنا دنياي
وكل اللي عليه اقدر
حبيبي إنت احساسي
ونبض القلب وانفاسي
ولو صار الزمن قـاسي
عشان عيونك اتصبّــر
غرامك كل يوم يزود
ولا يعرف مدى وحدود
عيوني في هواك شهود
يارب مايوم نتغيّـر
/
الســآعة 4 الفجـــر ..
ريــآنه على اللاب توب ..!!
فتحت السمآعــآت وسرحت .. رآحت لعــآلم ثآني
اون وريـاح الليـالـي تـونّـي
والبرد في جوفي كما الغار خاوي
ما كن لي قلب ٍ ولا عقـل كنّـي
جذع ٍ وقف في وجه الايام ذاوي
وبي عبره ٍ محبوسـة ٍ تمتحنّـي
في عيني وحلقي وصدري شكاوي
وبي من قديم الوقت جرحا ً مكنّي
وبي من جديد ايام وقتي مكـاوي
ان قلت زانت خالف الوقت ظنّـي
وان قلت هانت عاجلتني بـلاوي
اجامـل ايـامـي ولا جاملـنّـي
هامت بي الدنيا هيـام الخـلاوي
الوقت جايـر واليـال اسهرنّـي
والحزن مابين الضلوع متـلاوي
اون وكل ٍ يحسـب انـي اغنّـي
عليل وكل ٍ يحسب انـي مـداوي
قطع تفكيرهآ صوت المسج .. فتحته وكآن المرسل رقم غريب ...
{ صبآح الخير ...
ممكن تفتحــين البــآب فيه لكـ غرض ..!!
.... تركـــي ....
/
ريآنه طآرت عيونهآ .. مآصدقت ..
[ آقسم بالله مجنون.. على وجه الصبح شكل ضربت
عندهـ الفيوزآت ... خير ايش يبغى فيني وايش هو
الغرض..انا مابيــني وبينه آي شي .. يمكن يكذب علي..
بس ايش يستفيد ... بنزل بشوف السآلفه واريح بآلي]
حآولت تتجآهله بس مآقدرت نزلت من غرفتهآ ..وتتسلل
بين الممرآت وكل شوي تلتفت يمين وشمآل تخآف لحد
يشوفهآ ..فتحت بآب الحوش.. الآ سمعت صوت سيـآرة
سعود من البآب (ألخلفي) ..ارتبكــت ..رآحت وتخبت ورى
كنب الصآله ..دخل سعود وصعد لغرفته..ولما سمعت
صوت بآب غرفته اتفقل طلعت برى.. وقفت عند باب البيت
وحدهآ مرتبكه خآفت تفتح البآب
حط يدينهآ على قفل البآب ..تحآول تفتحه ..كآنت خآيفة ومرتبكه ..قررت تتشجع وتفتح البآب بسرعه لاينزل احد ويشوفهآ ويفتحون سين وجيم
فتحت البآب ..كآنت على العتب موجـودهـ بآقه ورد كلمة روعه قليله بحقــه ..ورد بجميع الآلوآن بآقه مرتبه والتغلــيف حقهآ لونهـ تركوآز وذهبـــي ..!!
مسكت البآقه وكآن بوسطهآ Cd فتحت علبة الـ Cd مكتوب عليهآ ريــآنه بخط يدهـ ...
طـآرت لغرفتهــآ حطت الـ Cd وشغلتهـ
أميرة الورد ليه الورد مفتونك
ليه بحياته يحاول يشبه ألوانك
كم من فراشه تمنت تلمس غصونك
و الورد ياما تمنى يعيش باغصانك
إذا إبتسمتي يذوب السكر بلونك
و يزور شهد الحياة قلوب خلانك
والليل يغفي و يصحى بس في عيونك
والصبح خدك و نور الشمس عنوانك
يا غنوة الحب ليه دايم يغنونك
كل القلوب بغلاها صاغت ألحانك
و أنا..ودي أكون السعد في كونك
وأكون غنوه تتغنى بس على شانك
/
طــآرق : والله ماني مصدق عيوني يايمه واخيرا رجعت لكم
آم طآرق : وانا وش اقول ياوليدي
مشآعل: بدينآ بالافلام الابيض والاسود
طآرق: وانتي ماعقلتي يام الشر
مشآعل: اوريك اللحين انا ام الشر
طآرق: ايه ام الشر اللحين مشتاق لآمي وتجين تنشبين بحلقي
ابو طآرق: عاد مشآعل فكينآ منك خلي طارق يتكلم
مشآعل: والله رحنا فيها اذا كل يوم يبغون يدلعونك
طآرق: يحق لي صح؟
ام طآرق: يحق لك وبس
ابو طآرق: يالله دآمك جبت الشهآدة الكبيرة ..نبي نفرح فيك
ام طآرق: اسمع ياولدي انت بس حدد الموآصفات وانا وخوآتك مشاعل وعبير بندور لك من بكرى
طآرق: حرآم عليكم توني وآصل تبون تزوجوني ههههه
ابو طآرق: ههههههههههه
ام طآرق: اقولك فيه الطويلة وفيه القصيرة..وفيه المزيونه وفيه الحلوة وفيه النآعمه وفيه
المليآنه والنحيفه بس انت حدد وبكرى انا بخطبهآ لك
مشآعل: عشنآ وشفنآ .. والله لو هو فزآع على غفله
طآرق: ومين ذآ فزآع؟
مشآعل: لا انت مو عآيش مع النآس
طآرق: لا يكون الولد الامرآتي ؟
مشآعل: ولد بعينك هذا شيخ
طآرق: كله وآحد ..!!
طآرق ضحك تذكر ( اللولو) كآنت تحكي له دآيما عن فزآع ..
طآرق: عن اذنكم
ام طآرق: وين ياولدي ماشبعت منك
طآرق: بروح ارتآح شوي مانمت ..جآيكم موآصل حتى بالطيآرة ماغمضت لي عين من الفرحه
ابو طآرق: عسآك ع القوة يبه... روح نآم وارتاح وعين من الله خير..
طآرق بآس رآس امه وابوهـ وصعد..
فتح اللاب توب وشبكـ النت..فتح ايميله ..لقى ايميل من جــود (اللولو) فتحته بكل حمــآس ...
لقى صورتــــه مع مهند صديقــهـ ..!!جالسين بمقهى الجآمعه ..!!
هنآ طآرق ضرب بريكـ... جلس يطآلع للصورة عدل..كآنت صورتهـ ..
حآول يفتح المآسن وكآن خربــآن ..جن جنونهـ ..يبغى
يعرف من وين جآبت الصورة.. وكيف عرفتهـ هو بالضبط ..
ارسل لهآ 6 مسجآت كلهآ يسأل من وين لكـ الصورة ..!!
رآح اخذ له شآور وهو يفكــر
...... طــــآرق ......
من وين لهآ الصورة ... معقولة اللولو تكون وحده من
زميلآتي الي بالجآمعه ... لا لا لا ايش هالتفكير ياطآرق
..خير كيف تكون زميلة لك ..وهي كل يوم والثاني تصور
لكـ الريآض وتصورك لكـ اغرآضهآ بآين انهآ عايشة في
الريآض.. بس لو تكون من الرياض من وين جآبت الصورة
..ّّّوهذا دليل على ان الي مصورني يعرف وين اجلس
فيهـ .. لآن الطآولة ذي هي الطآولة الي نجتمع عليهآ انا
واصدقآئي الشباب.. وانا قد تكلمت عن هالطآولة للولو
..!!لآزم اعرف من وين لهــآ ..وبــآي طريقة كآنت ...!!
/
ديــم كآنت في المرســم حقهآ الي في البيدروم (القبــو)
مشغولة بلوحآتهــآ ورسمآتهـآ المتبعثرهـ بكل مكآن في المرسم...
لبست بآلطو الرسم الابيض ..وهو مآكانه ابيض من كثر
الالوان الي عليه ..ورآفعه شعرهآ بطريقهـ متخلبطه
ومآسكة علبة الالوآن والريشة ..
دخــل عليهـآ فــآرس من غير ماحست فيه لآنه اذا دخلت
المرسم نست نفسهآ هنــآك تجلسس فيه سآعــآت من
غير ماتحس بالوقت ...
طبعآ فضول ولقآفة فآرس مامنعته من انه يفتش
بلوحآتهــآ ويحوس الالوآنهــآ
وهو يدور على اللوحآت كآنت فيه لوحه ورى البـآب
فـآرس حس انه فيهآ شي ذي اللوحه ولآ كــآن ديم
ماخبتهآ ورى البـآب ..
ديم منسجمه ورآيحه فيهآ ... فآرس فتــح اللوحه الي
عليهآ غطـآء ابيض.. كآنت اصغر لوحه موجودهـ ..
ولمـآ فتحهــآ شـآف رسمة رجــآل ..يشبة فيصل لدرجة كبيرة حس آنهــ فيصل ..
سحبــــهآ منهـآ ومن غير مــآتحس ديم ..وخبآهــآ في
غرفتهـ علشآن يفآجــآء فيهــآ فيصل ..!!
/
فيصل: صدق يبه ومتى؟
ابو فيصل: بكرى ان شآء الله ..جآيين من الشرقيه وقلت لآزم نعزمهم ..
تركي: وقلت لعمآمي وعيآلهم..
ابو فيصل: ايه قلت لآخوآني وقلت يقولون لعيآلهم ..
فيصل: والله من زمآن عن ابو فهد
ابو فيصل: أي والله .. تصدق يوم قالي انه بالرياض طآر قلبي ..
تركي: ياحليله وعسى فهد معآه؟
ابو فيصل: ايه فهد و آحمد كلهم معآه
فيصل: والله مشتآقين لهم .. آخر مرة شفتهم فيهآ قبل سنتين
ابو فيصل: وش هالقطآعه ياولدي
تركي: لا بس احنا نكلمهم وهم يكلموننا بين فترة وفترة
ابو فيصل: ايه الحمد لله.. انتم تعرفون معزة ابو فهد عندي
... من يوم كآن بزآرين وحنا بحآرة وحده وبمدرسة وحده
حتى النوم ننام مع بعض...
تركي: والله انكم فله يبه
فيصل: هههههههههههههههههه
/
ديم: جود نآيمة ..صآرت نومهآ صآر منتظم
آمل: ماشاء الله عليهآ .. مو مثلنآ ليلنا نهآر..ونهآرنآ ليل
ديم: بس فله خليني استمتع بحيآة الفوضى
آمل: كلن يتكلم عن نفسه.. ورآكـ فصوول
ديم: هذا البلا من فصول ههههههههههه
آمل: ديم وين تبين تروحين؟
ديم: طلع فستآني امس ابيك تشوفيــنه
آمل: طيب خلينآ نروح لغرفتكـ
ديم: لا انا اجيب لك الفستآن
آمل: احسن اساسا انا عجزآنه اقوم
ديم: عز الله هههههههههه
آمل:هههههههه ..ديم لآيكون آخوآنك هنآ
ديم: لاابشركـ كلهم طلعوا .. وحتى ابوي
آمل: ياذكية ابوكـ خالي
ديم:ايه صح نسيت
آمل: والله انك مب صآحيه ..يعني الوحده اذا انخطبت كذا تصير تقط خيط وخيط
ديم:هههههههه لا حرآم عليكـ ..كنت امزح
آمل:ههههههههههههههههه
ديم صعدت .. وآمل مسكت جوآل ديم وجلست تسمع
-- قليل من مثل خلي فالرجاجيل رجال ،، الله على هيبته لا أقبل عليّا --
-- بسم الله على زوله و طوله حلو الإقبال ،، أنا أفدى روحه حبيبي أغلى هديه --
--
-- راجل ٍ من وصوفه قول ٍ و أفعال ،، كريم طبع ٍ شهم صادق النيه --
-- أسأل الله يجعلك حظي حلال ،، يوفق ما بيننا رب البريّه --
--
-- أموت أنا في غترته و سكبة عقال ،، داخله بالله عليك إرحم شويه --
-- كف إيده .. ساعته مضرب أمثال ،، جاذبيه .. جاذبيه .. جاذبيه --
-- ما حلاها غترته و سكبة عقال ،، داخله بالله عليك إرفق شويه --
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك