رواية اشتقت لك لين صارت بي منك لمحات -26
غــــــــــــــآدة : من هو ذا الطخمه .... يمه قلبي
ريآنه: اخواني كلهم طخوم طآلعين علي ..
غاده : ايه هين ..
رندا: اي واحد فيهم ؟
هيفاء : الي واقف يحاكي ضاري
امل: هذا سعود ولد خالي
البندري: ياويل حالك يالبندري وش هالانسان ..كانه مرسوم رسم
ريانه: تراه اخوي
شوق: احلفي ههههههههههههههه
ديم: ماشاء الله عليه سعود له بريستيج خآص ..
رندا وصلت معاها : بنات وش رايكم في ضاري؟
جود: وش اقول فيه اخوي شيـــــخ ولد شيخ
البندري: شوق وين مشاري؟ مو لازم يدخل مع اخوانه
شوق ضحكت: لا انا قلت له لا يدخل اخاف تصكونه عين
هيفاء: تكفيــــــن بس انتي وياهـ ..
غادة: اتصلي عليه خليه يدخل نبي نشوفه
شوق: بمممه منكم ..
جود: ههههههههههههههه
البندري: يالله دكتورة اتصلي
شوق: هلآص اذا جاء زواجي تبون تشوفونه
هيفـآء : ياعيني ع الغيورين ههههه
البنآت :ههههههه
جود: اللحين تلاقين تركي و فارس ميــتين يبغون يدخلون ويرقصون
رندا: ههههههههههه اي والله اعرفهم يحبون شي اسمه حفلة
ديم: ولا تنسون انه فيه بناااااااااااااااات
البنات:هههههههههههههههههههههههههههههههههه
/
{ قمة التبجيل والادب ماخذ مكانه بطبعها ورقتها
روحها راقية والخلق متغشي مفاتنها بافتخار
روعة بالتنظيم والخجل يماشيها يمسك بعفتها
رومانسية والذكا يحبها وتحبه بمنابعها أقتدار
ماسية والمــــاس الجواهر تحليه ما يحــليــها
مهووسة للأدب والثقافة تبيها برونقها وازدهار
من لامني بحبها وعشقها عساه دوم بمرارتها
تحيتي لأم ـيرتي وتاج الحب تلبسه بعزه وأعتبار ...!!
ضــآري: الف مبــروكـ ..!!
العنود بصوت ماينسمع: الله يبـآركـ فيكـ ..!!
ضــآري قام من الكرسي وجلس جنبهــآ ع السرير مسك يدينهـآ .. اسمعني يالغالية انا
بقولك كلمتين انتي حلم بالنسبة لي وتحقق الحمد لله وانا اوعدك يالعنود ماتسمعين
مني كلمة تزعلك او تضايقك .. العنود انا بحاول قدر ماقدر اعيشك احلى عيشه..والله يقدرني ..
العنود منزله راسها بالارض ...ضاري قرب منها اكثر ورفع راسهـآ
طاحت عينهــآ بعينـــه
ضـآري توتر لما لمح عيونهآ
ضاري : اممم اذا تبغين تبدلين ملابسك هنا الحمام
العنود فتحت الشنطة وسحبت الملآبس ودخلت الحمام
ضآري [ عيب ياضاري اللحين انت الرجال مرتبك .. هي البنيه وش تقول ..لآزم اكون اقوى من كذآ ...صحيح جمآلها يربك الوآحد بس لآزم تعدي هالليله ..!!]
راح ضاري بدل ملابسه ...
خففت العنود من الميك آب وحطت روج ... وفكت البنسات الي بشعرهـآ ورفعتهـ
بطريقة نـــــــآعمة ومرتبه .. ولبست قميص دآنتيـــــل طبقتين لونهـ بيج وذهــبي ...
طلعت لضــآري الي جــآلس على الكنبه يستنــآهــآ ...
ضــآري: يارض احفظي مــآعليكـي ..!!
العنود دنقت رآسهــآ ..
ضـآري: تكفين العنود خليني اشبع من عيونكـ ... بلاش خجل ..
العنود جلست على طرف السرير .. ضاري سحب الكرسي
وجلس قدآمهــآ ...
هنـآ العنود ارتبكت اكثــر ...نظرآتهـ لهــآ تربكهــآ ...قلبهــآ يدق بقوة ...تمنت لو
ريآنه فيهـ تخفف الجو بصرقعتهـآ المعهودهـ ..تمنت واحد من اخوانها يتصل تمنت الارض
تنشق وتبلعهــآ <<< خوآفــــــــــــه
رفعت رآسهــآ وسلهمت بعيونهــآ ...
ضـآري: رحمتكـ يارب .. تراني ماتحمل عيونكـ .. تدرين انها نقطة ضعفي
العنود ابتسمــت لهـ .. قرب لهـآ ضاري اكثر واكثر ..العنود جمدت بمكآنهــآ
انــآملهـآ واطرافهـآ بــآردة مثل الثلجهـ ..
ضـآري صار مقابل لهـآ وكل شوي يتقدم ..ولما قرب لهــآ تذكر شي...!!
ضــآري ضرب رآسه: العنود صحيح نسيت الدعــآء الي ينقــآل للعروس ..طول امس و انا احـــآول احفظه و ماتركت واحد من العيال ماسمع لي اياهـ .... ولما حفظتهـ نسيـــتهـ
العنود ماقدرت تمسك ضحكتها على حكي ضاري كان يتكلم بكل برآءة وكنه طفل
العنود :هههههههههههههههههههههه
مسكت ريانه باب غرفة العنود ترددت تفتحه ولا لا ..فتحته ..وقفت تطالع بالغرفة
المظلمة والي كانت العنود تنورهـآ ...فتحت اللمبات راحت تتخيل العنود بكل زوايه
من زوآيا الغرفة تتذكر كل لحظة مرت عليهـآ ..لما كانت ريانه تعبانه تنوم عند
العنود...لما يكون عندها اختبار تخلي العنود تذاكر لهـآ .. لما تتضايق تفضفض
للعنود .. فتحــت دولابهــآ ... وطلعــت التيشرت الاحمر الي تحبه العنود وكانت
دايما تلبسه شمت ريحة عطرهــآ ضمتهـ لصدرهـآ وجلست تبكي على سريرهـآ
...ضمت الوسايد كلهـآ ريحة العنـــود ...
بعــد ربع سآعه دخلت عليهــآ امهــآ ...في غرفه العنود كآنت ماتدري ان ريآنه موجودة بالغرفة ... ام مشعل اول ماشافت ريانه تبكي ماقدرت تمسك نفسها جلست تبكي معــآهـــآ ...
ريــآنه: يمه راحت العنود لبيتهـــآ ..!!
ام مشعل: الله يوفقهـآ ان شاء الله ..
ريـآنه: يعني خلاص ماعاد تنوم هنا ابد يمه ابيهـآآآآ ... والله ندمانه قد شعر راسي
اني في يوم زعلتها وضايقتهآ ...
ام مشعل: لاتقولين هالحكي يمه ...العنود ان شاء الله ماراح تنقطع عنا ..هي عندنا
وفي الرياض يعني ماراح تروح بعيد ...انتي بس ادعي لها ان ربي يوفقهآ
ريآنه وهي تمسح دموعهـآ والكحل سايل على وجهها : اللهم آميــــن
/
{ لين .. أنآديكـ .. يا ضــآري ..وتقول ,,][ لبيــ,’ـه ][
أطيح من طولــ,’ـي ويذبحني ..الصوت ..!!
ع الســآعة 6 الصبـــح ....
العنود وضاري يرتبون اغراضهم علشان موعد الطيارة ...
العنود : ضاري
ضــآري: لبيــــه
العنود خقت هنـــآ ...!!
ضاري: هاه حبيبتي تبين شي؟
العنود: لا بس انت قلت لي انه راح نسافر العصر ..وانا قلت حق اهلي ..واللحين كيف ابي اودعهم
ضاري: تبين نمر عليهم بالبيت قبل مانسافر؟
العنود: لا اللحين نايميـــن ..
ضاري: لعلمك ترى ماقلت لاحد الا لتركي وهو الي يبي يوصلنـآ ...
العنود: خلاص انا بتصل على ريانه تجي للمطار وتجيب اغراض لي
ضاري: اوكي براحتك قلبي
/
في المطــآر ...
ريـآنه جت متأخرهـ ومعـآهــآ شنطة العنود نزلت مع الشغالة والسواق
ريـآنه : صبــآح الورد ..باست العنود
العنود: هلا بك وينك تـأخرتي
ريانه: انتم موعد طيارتكم بدري والكل نايم وترى الكل متجهز على اساسا يبغون يروحون لعندكم
العنود: والله مدري ياريــآنه حتى انا كنت احسبها العصر
ريآنه: وين ضاري؟
العنود: راح يخلص الحـجوزآت مع تركي
ريآنه شهقت: تركي؟
العنود: وش فيك؟
ريآنه: وش يبي جاي؟
العنود: ضاري قال له..
ريـآنه [ الله يصبر قلبي ]
جــآء ضاري وتركي ..تركي لما شاف ريانه ابتسم
ضاري: حي الله ريانه
ريانه: الله يحيك يالنسيب
تركي: صباح الخير
ريانه: صباح النور...ضاري اسمعني ياويلك لو تزعل العنود ولا تضايقها خلها
بعيونك واسمعني ترى العنود تستحي يعني انت لا تزود خجلها
ضاري: حتى انتي ياريانه...تخيل ياتركي من امس بالعرس وكل واحد من اخوانها
يمسكني الله الله بالعنود...انتبه للعنود..لاتضايق العنود ...مابقى غير السوآق
تركي:ههههههه تستاهل العنود
العنود :تسلم ياتركي
ضاري: هي تستاهل وبس
نــآدوا على الرحــلة ...وقفت ريـآنه وقلبهـآ متقطع على فرآق اختهآ ..كانت تكــآبر
تحــآول مــآتبكــي ... ماتبي احد يشوف دموعهـآ ..ماتبي تضايق اختهآ ..وماتبي
تحسس تركي بضعفهـآ ...
ضاري: يالله ياتركي نشوف وجهك على خير.. سلم عليهم كلهم وتعذر منهم
تركي: تروحون وترجعون لنا بالسلامة ... يوصل ان شاء الله ... بس انتم انبسطوا
العنود: ريـآنه انتبهي لنفسك و لاتزعلين امي وابوي ..
ريآنه ضمت العنود وبكــت مثل الاطفــآل ...تبكي وتشهق من كثر البكي...العنود بكت معاها ...
ضاري وتركي تــأثــروا من الموقف ..
ريآنه: العنود تكفين انبسطي ماعليك منا احنا... وترى انا كل دقيقه راح اتصل عليك
العنود مسحت دموعهآ : من عيوني يالغالية
ضآري: يالله العنود خلينـآ نروح ..
ريآنه: بحفظ الله يالعنود ...
مشت العنود هي و ضــآري ..وريــآنه تبكي من غير صوت ... تركي ماشال عينه
من على ريانه ... عورت قلبهـ ... حس فيهـآ ... نفسهـ يحكي لها يخفف عليهآ ..بس
هي مو متقبله منه اي كلمة ...
تركي: ريانه خـلآص العنود راحت مع زوجهآ
ريانه تمسح دموعهآ
تركي: مع مين انتي جيتي؟
ريانه: مع السواق
تركي: يالله خلينا نروح
ريانه : متى يوصلون للنمســآ ؟
تركي: والله ماعرف كم الفرق بيننا وبين النمسا ...بس اكيد اول مايوصلون راح يتصلون ..
مشت ريانه قدام تركي ولما طلعوا وقف تركي
تركي: ريانه تعالي معاي
ريانه : عسى ماشر ؟وين اروح معاك؟
تركي: خير تركبين مع السواق لحالك
ريانه: مو بلحالي معي الشغالة
تركي: حتى ولو احنا مو متعودين انه بناتنا يركبون مع السواقين من غير محرم
ريانه: واللحين اذا ركبت معك مين المحرم؟
تركي: اقول تراك بتركبين معاي
ريانه: ماراح اركب
مشت ريانه لسيارة السواق...
وقف تركي بوجهها وحط يدينه على الباب
طق النافذه على السواق وفتح السواق النافذة
تركي: انت روح للبيت
السواق: ومدام ريانه؟
تركي: ريانه تجي معاي
حرك السواق السيارة ومشى ...ريانه فتحت فمها من حركته
ريانه: مجنــــــــــــــون
تركي غمز لها : من عرفتك
ريآنه: اسمعني ترى باخذ تاكسي انا والشغالة
تركي فتح باب السياراة :هههههههههه اقول اركبي ولا يكثر
ريآنه فتحت الباب الي ورى وركبت هي والشغالة
تركي من جوى ميت ضحك على حركتهآ ... حركآت بزر ...بس يحبهــآ ...
تركي: نورتي السيارة
ريانه: ادري
تركي:ههههههههههههههه
ريانه: يالله صباح خير
تركي: شكلك مو طايقتني
ريانه: فسرها على الي تبي
تركي: افطرتي؟
ريانه: لا
تركي: حلو بروح اجيب لك فطور
ريآنه: تركي بلاش هالحركات انا ابيك توصلني لبيتنا وخلاص وخلصنا
ماله داعي هالحركات الي مالها طعم ...
تركي: ريانه وش فيك علي؟
ريانه: اكرهك
تركي: لذي الدرجة ..
ريآنه: واكثر بعد مما تتصور
تركي: وش سويت فيك
ريانه: ايش ...بعد كل الي عملته فيني جاي تسألني وش سويت ؟ كسرت قلبي ... حطمتني خليتني اكرهـ الدنيا والناس كرهتني فيك
تركي: بس اللحين كل شي تغير انا احبك
ريآنه: وانا ماني لعبه بين يدينك متى ماتبي تقول احبك
تركي: ريانه من يوم صارحتيني وانا افكر ليل ونهار صرتي شاغلتني محتويتني بكل مكان اشوف ريانه بكل لحظة افكر بريانه ...صارت حياتي كلها ريانه
ريآنه: وش تبي في ريانه البزر ..توهــآ على الحب ... خلها بدراستها ..موهذا كلامك؟
تركي: ريانه حاولي تفهميني ارجوك ... الي فات مات وابيك تفتحين معاي صفحة جديدة .. ريانه انا ماتخيل نفسي اقدر اعيش من دونك ..
ريآآنه : خــلآص تركي والي يرحم وآلديـــك ..خلني اكرهكـ ...حاول تخليني اكرهكـ مابي اتعلق فيك ... لاتقولي اي كلام ..مابي اشوفك تكفى ساعدني
تركي: وانا مين يساعدني انا آبيـــك ياريــآنه تفهمين... وانا بكرى بقول لعمي اني ابيك
ريانه: لا تتهور تكفى
تركي: انا قلت ابي اشوف رآيك بالاول قبل ماتقدم لك
ريانه سكتت .. .. ..
تركي: هآه ريـآنه ..
ريـآنه: بالبداية ياتركي لاتتسرع وبعدين انا توني صغيره ومابي اتزوج ولافكرت بالزواج كل همي
دراستي وشهادتي وبعدين قفل ع الموضوع ترى انا نفسيتي تعبانه بعد العنــــود ومابي افتح مثل
كذا مواضيع
تركي: برآحتكـ انا راح اقفل الموضوع بس تأكدي انه مشـآعري احتوتك صارت دنيتي نورهــآ انتي ...
ريــآنه : واخيرا وصلنا للبيت
تركي: لهدرجة انتي متضايقة مني ؟
ريانه: مو مسأله متضايقة بس كلامك قوي ..وانا ماتحملته ...يالله عن اذنك ومشكور
تركي سآآكت ...نزلت ريانه والشغآلة معها للبيت ...
تركي حرك سيـآرتهـ ومشى بعدماتطمن ان ريـآنه دخلت للبيت
اول مادخلت ريــآنه للبيت نزلت عباتهــآ على الكنبه بالصـآلة
وصوت مسج جوآلهـآ ... طلعتهـ وفتحتـــهـ
كــآن مسج
ماهـو بـعـيـب يـوم انا قـلت احـبك
العـيـب بالعـلم الـردي وانـت داري
قصدي شريف وغايتي منك قربك
ارجوك لا تفهم خـطا مـن قـراري
... تركـي ...
مسحت ريـآنه المسج على طول قبل مايشوفهـ آحد ...
.... ريـــــــــــــــــــــآنه ....
[ تركي وش اقول وش اخلي ما أقدر اكرهك
لكن ما أقدر احبك
بين متناقضات الذات وش جابك .. يارب ساعدني اكره تركي ] ....
/
ضـآري : خـلآص حبي امسحي دموعكـ ..ترى قلبي يعورني
العنود: ماتوقعت ريانه لدرجة ذي تتأثر
ضاري: وبعدين معآك ..خلاص انا مالي الا اغني لك ..مو تقولين صوتي حلو؟
اشرت برآسها العنود
ضــآري : ياسنيني هالدموع ماخلقها الله لعينك
اضحك انساهم حبيي تكفى تسلم لي سنينك..
زعلوه كان زعلان وسألته قلت له وشهو اللي قلته
مادريت اني قتلته قالت عيونه حبيبك زعلوه
ابتسمت العنود لضــآري ..
ضـآري: ايوهـ هيك بدي يآكـ قلبو ..!!
/
فــآرس : وش دعوى طارق ياخي تعال عندنا توني صاحي ..
طآرق: يالله اللحين اجيك
فآرس: ايه صح ترى جهآزي اللاب توب خربآن ابيك تصلحه
طآرق: ايييه قول كذا من الاول...يعني مو لله هالدعوة
فارس: اقول اقلب وجهك يالدب اللحين لك اسبوع وانا اعزمك مرة مع تركي ومرة مع اخوياي ومرة
بالبيت وتقول لي مو لله..وبعدين انت كم سنه صكيتها في امريكا علشان تدرس خلنا نستفيد منك
طآرق: خلاص اكلتني يالدب ..انت ولسانك كنك طقاقه
فارس:هههههههههههههههههه يالله استناك لاتآخر
طارق: يالله دقايق وانا عندكـ
/
{ يهتز قلبي كل مـا حـل طاريـه
وان شفت زوله قمت ارحب واهلي
والحب لو يَشرى بدينـار وجنيـه
لاشري جميع الحب من شان خلَي..!!
فيصل من ورى باب الحمآم ( وانتم بكرآآآمهــ )
فيصل: رندا روحي ردي على جوالي قولي لسعود اني اخذ شاور
رندا : صاحي انت مستحيل ارد
فيصل: رندا اقول وش هالعقل قومي ردي تكفين ..
رندا: فشله والله
فيصل: انتي مرسول يعني كنك مسج سلم واستلم وبعدين انا ماقلت لك اجلسي
سولفي معاه بس قولي له فيصل بالحمآم ( وانتم بكرآمه ) يتروش وبعد شوي
يجيكم بالمقهى
رندا: فيصل طيب اعطيك الجوآل افتح باب الحمآم ( وانتم بكرآمه ) وكلمه
فيصل: يدي كلهآ رغوة صابون ...رندا تكفين والله لو اترجآك الجنه ..!
رنــدآ : طيب
فيصل: بعدي والله يالنشميه ..
مسكت رندا جوآل فيصل وابتسمت لما طالعت
الضـآبط / سعود ..يتصل
ردت وهي تبلع ريقهآ من الخوف ..
سعود: وينك فيه فيصل 4 مرات اتصل ماترد؟
رندا: انا مو فيصل
سعود: هااه؟
رندا ارتبكت : اممممم بس فـ..فـ..فــيصل يقوول انه يعني اممم مشغول وبعد شوي راح يجيكم بالمقهى
سعــود بصوتهـ العذب : كيفك رندا ؟
رندآ قلبهـآ يدق : بخير
سعود : ليت فيصل كل يوم مشغول
رندآ :نعــم
سعود : لا لا اقصد يعني كيف الزوآج امس؟
رندآ : مرة حلو ..
سعود: انبسطتي ؟
رندآ : آكيد زوآج العنود لآزم ننبسط لو علشآنهـآ ..
سعود: دوم يــآرب.. عقبــآلكـ ..
رندآ سكتت ..انصبغ وجهها احمر ..
سعود: الو؟
رندا: هلآ
سعود : ممكن اسألك سؤال بس تجآوبين عليه
رندآ حطت يدهآ على قلبهآ : تفض...ـل
سعود: انتي امس بالزوآج كنتي لآبســة آصفر ؟
رندا طيرت عيونهآ : ايه ..كيف عرفت
سعود : ولو ... انا عيــوني امس عليكـ
رندآ ارتبكت: طيب اوكي انا بس ابي اقولك انه فيصل بعد شوي يبي يجيكم
سعود :ههههه طيب اوكي
رندا: باي [ سكــرت السمــآعه ]
مسكت الجوآل وشافت مدة المكآلمة 6 دقــآيق مسحت المكـآلمة من جوآل فيصل علشان مايشوفهــآ ...
/
{ ياشبيه صويحبي حسبي عليك
كل ما ناظرت عينك شفت ذاك
شفت لونه في خدودك والعيون
في سلامك في كلامك في حلاك
ليتهم سموك بسمه واستريح
كل ماناديتك اغلط في نداك ...!!
لمــآ وصل طآرق لبيت فآرس تذكر ( البنت الي فتحت له البآب اخر مرة )
طـآرق [ مدري ايش الاحساس الي صابني لمآ شفتهآ ..شكلهآ جود ان ماخاب ظني .. انا
مانكر انهـآ سحرتني بحلآوتهـآ ..بس قلبي مآ صــآر ملكي ..] !!
دخــل فـآرس مع طـآرق للمجــلس ..
فـآرس: ايه تعآل وش صار مع اللولو؟ ماحكيتهآ؟
طآرق: مدري وش صار فيهآ .. معطيتني بلوك .. ماوصل منها أي مسج من جيت لـ السعودية ...
فـآرس: طيب السؤال الي مصدع رآسي كيف جابت صورتك؟
طآرق: انا ليش مرتفع ضغطي تخيل ماقد ارسلت لها صورة لي ولا تعرف كيف شكلي ..وفجـآءهـ
ترسلي صورتي وبين ربعي تخيل ..!! وبعدهآ حطت لي بلوك وماكلمتها بالماسن ارسلها مسجات
ساحبه علي
فـآرس: غامضة هالبنت
طآرق: آهـ بس فيهآ غموض الكون وفيهــآ عذوبة وشفافيه ماقد شفتها على بنت
فآرس: الله الله الله
طآرق: اقول لا يكثر جلست تسحب مني كلآم وين كمبيوترك ؟
فآرس: هذا هو
مسك طآرق اللاب توب شغله وفرمتهـ وعدله
فآرس: هاه صار كويس؟
طآرق: ايه بس لاتشبكه على النت الا بعد نص ساعة
فآرس: يوووه نفسي اشوف مسجات اللولو ... والمنتدى حقكم وردودكم على بعض
طآرق: ياخي بعد نص ساعه يشتغل جهازك اصبر هههههههههه
فآرس: وش يصبرني انا .. تدري عاااد بروح اجيب جهآز ( جود ) ونشوف منتدآك
طآرق: يمكن البنت تبي جهازها
فآرس: لا هي نايمة اللحين وجهازهآ بالصالة .. بروح اجيبه لك
طآرق ذبحه الفضول : ايه بسرعه
بعد دقــــآيق جــآب فآرس لآب توب جود ..
فتح الجهآز طــآرق وكآنت خلفيتهــآ صورة [ دآنه وكآدي ] ....
فآرس: اسمعني بروح اجيب القهوة اوكي افتح لي منتدآك وايميلك
طآرق : اوكي لآتــأخر
طآرق فتح صفحة المنتدى..
وكــآن مكتوب آهــلآ و ســهـلآ بعودتكـ يــآ " للولــو "
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك